ﺑﯘﻧﺪﺍﻕ ﺑﯩﺮ ﺧﺎﺗﯩﺮﻩ ﻛﯜﻧﯩﻨﯩﯔ ﻳﻮﻟﻐﺎ ﻗﻮﻳﯘﻟﯩﺸﯩﻐﺎ 1979 - ﻳﯩﻠﻰ 5 - ﺋﺎﻳﻨﯩﯔ 25 - ﻛﯜﻧﻰ ﻳﯜﺯ ﺑﻪﺭﮔﻪﻥ ﺑﯩﺮ ﯞﻩﻗﻪ ﺳﻪﯞﻩﺑﭽﻰ ﺑﻮﻟﻐﺎﻥ. ﻧﻴﯘﻳﻮﺭﻛﺘﺎ ﺑﯩﺮ ﺋﯚﺳﻤﯜﺭ ﺑﺎﻻ ﻣﻪﻛﺘﻪﭘﺘﯩﻦ ﺋﯚﻳﯩﮕﻪ ﻗﺎﻳﺘﻘﯩﭽﻪ ﺗﯘﻳﯘﻗﺴﯩﺰ ﻳﻮﻗﺎﭖ ﻛﻪﺗﻜﻪﻥ. ﺑﺎﻟﯩﺴﯩﻨﯩﯔ ﺋﯩﺰ - ﺩﯦﺮﯨﻜﯩﻨﻰ ﺋﺎﻻﻟﻤﯩﻐﺎﻥ ﺋﺎﺗﺎ - ﺋﺎﻧﺎ، ﺋﺎﺧﯩﺮﻯ ﺳﯜﺕ ﭘﺎﺭﺍﺷﯘﻛﻰ ﭘﻮﺗﯘﻟﻜﯩﺴﯩﻐﺎ ﻳﯜﺗﯜﭖ ﻛﻪﺗﻜﻪﻥ ﺑﺎﻟﯩﺴﯩﻨﯩﯔ ﺳﯜﺭﯨﺘﯩﻨﻰ ﺑﺎﺳﺘﯘﺭﻏﺎﻥ. ﺑﯘﻧﯩﯔ ﺑﯩﻠﻪﻥ، ﺑﺎﻻ ﻳﯜﺗﯜﭖ ﻛﯧﺘﯩﺶ ﯞﻩﻗﻪﺳﻰ ﭘﯜﺗﯜﻥ ﺋﺎﻣﯧﺮﯨﻜﯩﻨﻰ ﺯﯨﻠﺰﯨﻠﯩﮕﻪ ﺳﺎﻟﻐﺎﻥ. ﺭﯦﮕﺎﻥ ﻫﯚﻛﯜﻣﯩﺘﻰ ﺑﯘ ﯞﻩﻗﻪﮔﻪ ﺟﯩﺪﺩﯨﻲ ﻗﺎﺭﺍﺷﻘﺎ ﻣﻪﺟﺒﯘﺭ ﺑﻮﻟﯘﭖ، 25 - ﻣﺎﻱ ﻛﯜﻧﯩﻨﻰ " ﺧﻪﻟﻘﺌﺎﺭﺍ ﻳﻮﻗﺎﭖ ﻛﻪﺗﻜﻪﻥ ﺑﺎﻟﯩﻼﺭ ﻛﯜﻧﻰ" ﻗﯩﻠﯩﭗ ﺑﯧﻜﯩﺘﻜﻪﻥ.

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻳﺪﺍ ﺑﺎﻻ ﻳﻮﻗﺎﭖ ﻛﯧﺘﯩﺶ ﯞﻩﻗﻪﺳﻰ ﻛﯩﺸﯩﻨﻰ ﭼﯚﭼﯜﺗﻜﯩﺪﻩﻙ ﺩﻩﺭﯨﺠﯩﺪﻩ ﺋﯧﻐﯩﺮ ﺑﻮﻟﯘﭖ، ﻳﯩﻠﯩﻐﺎ ﻏﺎﻳﯩﭗ ﺑﻮﻟﯩﺪﯨﻐﺎﻥ ﺑﺎﻻ ﺳﺎﻧﻰ 200 ﻣﯩﯖﺪﯨﻦ ﺋﺎﺷﯩﺪﯗ. ﺋﻪﺟﻪﺑﻠﯩﻨﻪﺭﻟﯩﻜﻰ ﺷﯘﻛﻰ، ﺑﯘﻧﺪﺍﻕ ﯞﻩﻗﻪﻧﻰ ﺳﺎﺩﯨﺮ ﻗﯩﻠﻐﯘﭼﯩﻼﺭﻧﯩﯔ ﺑﺎﻻ ﺋﻮﻏﺮﯨﻼﭖ ﺳﺎﺗﯩﺪﯨﻐﺎﻥ ﻗﺎﺭﺍ ﮔﯘﺭﯗﻫﻼﺭ ﺋﯩﻜﻪﻧﻠﯩﻜﯩﻨﻰ ﭘﯜﺗﯜﻥ ﺧﯩﺘﺎﻳﻼﺭ ﺑﯩﻠﯩﺪﯗ. ﻟﯧﻜﯩﻦ، ﺑﯘ ﺧﯩﻠﺪﯨﻜﻰ ﯞﻩﻗﻪ ﺑﯜﮔﯜﻧﮕﻪ ﻗﻪﺩﻩﺭ ﻫﯚﻛﯜﻣﻪﺕ ﯞﻩ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﻳﯩﺘﻪﺭﻟﯩﻚ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﯩﻨﻰ ﻳﻮﻕ. 2008 - ﻳﯩﻠﻰ ﺑﺎﻟﯩﻠﯩﺮﻯ ﻳﻮﻗﺎﭖ ﻛﻪﺗﻜﻪﻥ ﻧﯘﺭﻏﯘﻥ ﺋﺎﺗﺎ - ﺋﺎﻧﯩﻼﺭ ﺑﯧﻴﺠﯩﯖﻐﺎ ﺑﯧﺮﯨﭗ، ﺷﯩﻜﺎﻳﻪﺕ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺳﺎﻗﭽﯩﻼﺭ ﺑﯩﻠﻪﻥ ﺗﻮﻗﯘﻧﯘﺵ ﭘﻪﻳﺪﺍ ﻗﯩﻠﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺗﯘﺗﯘﭖ ﻛﯧﺘﯩﻠﮕﻪﻥ. ﮔﯘﺍﯕﺪﯗﯕﺪﺍ ﻣﯩﯖﻠﯩﻐﺎﻥ ﺋﺎﺗﺎ - ﺋﺎﻧﯩﻼﺭ ﻧﺎﻣﺎﻳﯩﺶ ﻗﯩﻠﯩﭗ، ﻳﯜﺗﯜﭖ ﻛﻪﺗﻜﻪﻥ ﺑﺎﻟﯩﻠﯩﺮﯨﻨﻰ ﺗﯧﭙﯩﭗ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ.

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﻗﺎﺋﯩﺪﻩ - ﺗﯜﺯﯛﻣﯩﺪﻩ، ﺑﺎﻻ ﻳﻮﻗﺎﭖ ﻛﯧﺘﯩﭗ 24 ﺳﺎﺋﻪﺗﻜﯩﭽﻪ ﺗﯧﭙﯩﻠﻤﯩﺴﺎ، ﺋﺎﻧﺪﯨﻦ ﺩﯨﻠﻮ ﺗﯘﺭﻏﯘﺯﯗﭖ ﺋﯩﺰﺩﻩﺷﻜﻪ ﻛﯚﯕﯜﻝ ﺑﯚﻟﯩﺪﯨﻐﺎﻥ ﺑﻪﻟﮕﯩﻠﯩﻤﻪ ﺑﺎﺭ ﺑﻮﻟﯘﭖ، ﺑﯘ ﺑﻪﻟﮕﯩﻠﯩﻤﻪ ﺑﯜﮔﯜﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻤﺎﻗﺘﺎ. ﺑﯧﻴﺠﯩﯖﻠﯩﻖ ﺋﺎﺩﯞﻭﻛﺎﺕ ﻟﻴﯘ ﺷﻴﺎﯞﻳﯜﻩﻥ 25 - ﻣﺎﻱ ﻛﯜﻧﻰ ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻐﺎ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ، ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺑﯘ ﺧﯩﻞ ﺗﯜﺯﯛﻣﯩﻨﻰ ﺋﻪﻳﯩﺒﻠﻪﭖ، ﺋﻮﻏﺮﯨﻼﺭ ﺑﺎﻟﯩﻨﻰ ﺋﯧﻠﯩﭗ ﺑﺎﺷﻘﺎ ﻳﯘﺭﺗﻘﺎ ﻳﯚﺗﻜﯩﻠﯩﭗ ﺑﻮﻟﻐﺎﻧﺪﺍ، ﺋﺎﻧﺪﯨﻦ ﺩﯨﻠﻮ ﺗﯘﺭﻏﯘﺯﯗﭖ ﺋﯩﺰﺩﻩﺷﻨﯩﯔ ﺋﻪﺧﻤﯩﻘﺎﻧﻪ ﺑﯩﺮ ﺗﯜﺯﯛﻡ ﺋﯩﻜﻪﻧﻠﯩﻜﯩﻨﻰ ﺗﻪﻧﻘﯩﺪﻟﯩﮕﻪﻥ ﯞﻩ ﻏﻪﺭﺏ ﺋﻪﻟﻠﯩﺮﯨﺪﯨﻜﯩﮕﻪ ﺋﻮﺧﺸﺎﺵ، ﺋﺎﺗﺎ - ﺋﺎﻧﺎ ﺩﯨﻠﻮ ﻣﻪﻟﯘﻡ ﻗﯩﻠﻐﺎﻥ ﻫﺎﻣﺎﻥ، ﺳﺎﻗﭽﯩﻼﺭ ﺑﺎﺭﻟﯩﻖ ﻗﺎﺗﻨﺎﺵ ﺗﯜﮔﯜﻧﻠﯩﺮﯨﺪﻩ، ﻛﻮﭼﺎ - ﻛﻮﻳﻼﺭﺩﺍ ﺩﻩﺭﻫﺎﻝ ﺋﯩﺰﺩﻩﺵ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺳﯩﺴﺘﯧﻤﺎ ﺋﻮﺭﻧﯩﺘﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺩﯨﻘﻘﻪﺗﻨﻰ ﭼﯧﻜﯩﺪﯨﻐﯩﻨﻰ، ﻏﺎﻳﯩﭗ ﺑﻮﻟﯘﭖ ﻛﻪﺗﻜﻪﻥ ﺑﺎﻟﯩﻠﯩﺮﯨﻨﯩﯔ ﻣﻪﯕﮕﯜ ﺋﯩﺰ ‏ - ﺩﯦﺮﯨﻜﯩﻨﻰ ﺋﺎﻻﻟﻤﺎﻱ ﻫﻪﺳﺮﻩﺗﺘﻪ ﻗﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﺋﺎﺗﺎ - ﺋﺎﻧﯩﻠﯩﺮﻯ ﺑﻮﻟﯘﺷﻰ ﻛﯧﺮﻩﻙ. ﮔﻪﺭﭼﻪ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺳﺎﻗﭽﯩﻼﺭ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﺋﻮﻏﺮﯨﻼﭖ ﻛﯧﺘﯩﻠﮕﻪﻥ ﺑﺎﻟﯩﻼﺭﻧﯩﯔ ﺋﯩﭽﻜﯩﺮﻯ ﺧﯩﺘﺎﻳﺪﺍ ﺋﻮﻏﺮﯨﻠﯘﻕ، ﻳﺎﻧﭽﯘﻗﭽﯩﻠﯩﻘﻘﺎ ﺳﯧﻠﯩﻨﻐﺎﻧﻠﯩﻘﯩﻨﻰ ﺋﯧﻨﯩﻘﻠﯩﻐﺎﻥ ﯞﻩ ﺑﻪﺯﻯ ﻗﺎﺭﺍ ﮔﻮﺭﯗﻫﻼﺭﻧﻰ ﭘﺎﺵ ﻗﯩﻠﯩﭗ، ﺑﯩﺮ ﻗﯩﺴﯩﻢ ﺋﯚﺳﻤﯜﺭﻟﻪﺭﻧﻰ ﻳﯘﺭﺗﯩﻐﺎ ﻗﺎﻳﺘﯘﺭﻏﺎﻥ ﺑﻮﻟﺴﯩﻤﯘ، ﻳﻪﻧﻪ ﻣﯩﯖﻠﯩﻐﺎﻥ ﺋﺎﺗﺎ - ﺋﺎﻧﯩﻼﺭ ﺑﺎﻟﯩﻠﯩﺮﯨﻨﯩﯔ ﻫﺎﻳﺎﺕ ﻳﺎﻛﻰ ﺋﯚﻟﯜﻛﻠﯩﻜﯩﻨﻰ ﺑﯩﻠﻤﻪﻱ، ﺑﺎﻻ ﺩﻩﺭﺩﯨﺪﻩ ﯞﻩﻳﺮﺍﻥ ﺑﻮﻟﯘﭖ ﻳﺎﺷﯩﻤﺎﻗﺘﺎ.

ﺋﯘﻳﻐﯘﺭ ﺩﯨﻴﺎﺭﯨﺪﺍ ﺋﯚﺳﻤﯜﺭ ﺑﺎﻟﯩﻼﺭﻧﯩﯔ ﻏﺎﻳﯩﭗ ﺑﻮﻟﯘﭖ ﻛﯧﺘﯩﺶ ﯞﻩﻗﻪﺳﻰ ﺗﯧﺨﯩﻤﯘ ﺋﯧﻐﯩﺮ، ﺗﯧﺨﯩﻤﯘ ﻗﻮﺭﻗﯘﻧﯘﺷﻠﯘﻕ ﺑﻮﻟﯘﭖ، ﺑﯘ ﯞﻩﻗﻪ ﻧﻪ ﺳﺎﻗﭽﻰ، ﻧﻪ ﻫﯚﻛﯜﻣﻪﺗﻨﯩﯔ ﻳﯩﺘﻪﺭﻟﯩﻚ ﺩﻩﺭﯨﺠﯩﺪﻩ ﻛﯚﯕﯜﻝ ﺑﯚﻟﯜﺷﯩﮕﻪ ﺋﯧﺮﯨﺸﻪﻟﻤﯩﺪﻯ. ﺋﯘﻻﺭﻧﯩﯖﮓ ﭘﺎﺵ ﻗﯩﻠﻐﺎﻥ ﺩﯨﻠﻮﺳﻰ ﻣﯩﯖﺪﯨﻦ ﺑﯩﺮ ﯞﻩﻗﻪ. ﺋﯘﻧﻰ ﺟﯧﻨﯩﻨﯩﯔ ﺑﯩﺮﯨﭽﻪ ﺗﻪﺷﯟﯨﻖ ﻗﯩﻠﯩﯟﺍﻟﺪﻯ. ﺋﻪﻣﻪﻟﯩﻴﻪﺗﺘﻪ، ﺋﯩﭽﻜﯩﺮﻯ ﺧﯩﺘﺎﻳﺪﺍ ﺑﯜﮔﯜﻧﻤﯘ ﺋﻮﺧﺸﺎﺷﻼ ﻗﺎﻧﭽﻪ ﻣﯩﯖﻠﯩﻐﺎﻥ ﺑﺎﻟﯩﻼﺭ ﺳﻪﺭﮔﻪﺭﺩﺍﻥ ﺑﻮﻟﯘﭖ ﻳﺎﺷﯩﻤﺎﻗﺘﺎ ﻫﻪﻡ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺑﯩﻠﻪﻥ ﻧﺎﺑﯘﺕ ﺑﻮﻟﻤﺎﻗﺘﺎ. ﺑﯘ ﭘﯩﻜﯩﺮﻧﻰ ﮔﯧﺮﻣﺎﻧﯩﻴﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﺴﻰ ﻏﻪﻳﯘﺭ ﺋﻪﭘﻪﻧﺪﻯ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺟﺎﻥ ﺑﯧﻘﯩﺸﻨﯩﯔ ﺗﻪﺳﻠﯩﻜﯩﺪﯨﻦ ﺋﯩﭽﻜﯩﺮﯨﮕﻪ ﺑﯧﺮﯨﭗ ﻛﺎﯞﺍﭘﭽﯩﻠﯩﻖ ﻗﯩﻠﻐﺎﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﺳﻪﯞﻩﭘﻠﯩﻚ، ﺋﯘﻳﻐﯘﺭ ﻣﯩﻠﻠﯩﺘﻰ ﺧﯩﺘﺎﻳﻼﺭﻧﯩﯔ ﺗﯩﻠﯩﺪﺍ "ﻛﺎﯞﺍﭘﭽﻰ" ﺋﺎﺗﺎﻟﻐﺎﻥ ﺋﯩﺪﻯ. ﺋﻪﻣﺪﻯ ﺋﻮﻏﯘﺭﻻﭖ ﻛﯧﺘﯩﻠﮕﻪﻥ ﺑﺎﻟﯩﻼﺭﻧﯩﯔ ﺋﻮﻏﯘﺭﻟﯘﻕ، ﻳﺎﻧﭽﯘﻗﭽﯩﻠﯩﻘﻘﺎ ﺳﯧﻠﯩﻨﯩﺸﻰ ﺳﻪﯞﻩﭘﻠﯩﻚ، ﺧﯩﺘﺎﻳﻼﺭﺩﺍ ﺋﯘﻳﻐﯘﺭ ﻣﯩﻠﻠﯩﺘﯩﻨﻰ "ﻳﺎﻧﭽﯘﻗﭽﯩﻼﺭ" ﺩﻩﭖ ﺋﺎﺗﺎﺵ ﺋﺎﺩﻩﺗﻠﯩﺮﻯ ﺑﺎﺵ ﻛﯚﺗﻪﺭﺩﻯ.

ﺧﯩﺘﺎﻱ ﻫﯚﻛﯜﻣﯧﺘﻰ ﺗﻪﺩﺑﯩﺮ ﻗﻮﻟﻠﯩﻨﯩﺸﻨﻰ ﺧﺎﻻﻳﺪﯨﻐﺎﻧﻼ ﺑﻮﻟﺴﺎ، ﺋﯩﭽﻜﯩﺮﯨﺪﯨﻜﻰ ﺋﻪﺷﯘ ﻧﺎﺷﺎﻳﺎﻥ ﻳﻮﻟﻼﺭﺩﯨﻜﻰ ﺑﺎﻟﯩﻼﺭﻧﯩﯔ ﻫﻪﻣﻤﯩﺴﯩﻨﻰ ﺋﯚﺯ ﯞﻩﺗﯩﻨﯩﮕﻪ، ﺋﺎﺗﺎ - ﺋﺎﻧﯩﺴﯩﻨﯩﯔ ﻗﻮﻟﯩﻐﺎ ﻳﻪﺗﻜﯜﺯﯛﭖ ﺑﯧﺮﻩﻟﻪﻳﺘﻰ. ﺋﯘﻧﺪﺍﻕ ﻗﯩﻠﯩﺸﻨﻰ ﺧﺎﻟﯩﻤﯩﺪﻯ. ﭼﯜﻧﻜﻰ، ﺋﯘﻳﻐﯘﺭﻻﺭ ﻣﺎﻧﺎ ﻣﯘﺷﯘﻧﺪﺍﻕ ﻳﺎﻧﭽﯘﻗﭽﻰ، ﺋﻮﻏﺮﻯ، ﺧﯩﺮﻭﺋﯩﻨﭽﻰ، ﺗﯧﺮﺭﻭﺭﯨﺴﺖ  ﺩﯦﮕﻪﻧﺪﻩﻙ ﻳﺎﻣﺎﻥ ﺗﻪﺳﯩﺮﻧﻰ ﺧﯩﺘﺎﻱ ﺧﻪﻟﻘﯩﮕﻪ، ﺩﯗﻧﻴﺎ ﺧﻪﻟﻘﯩﮕﻪ ﺳﯩﯖﺪﯛﺭﯛﺵ ﻳﻮﻟﯩﻨﻰ ﺗﯘﺗﺘﻰ. ﺑﯘ ﺋﺎﺭﻗﯩﻠﯩﻖ، ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻳﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺗﯜﭘﻜﻰ ﻣﯩﻠﻠﯩﻲ ﺯﯨﺪﺩﯨﻴﻪﺗﻨﻰ ﻳﻮﺷﯘﺭﯗﭖ، ﺳﯩﻴﺎﺳﯩﻲ ﻣﻪﺳﯩﻠﯩﻨﻰ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪ ﺑﯩﻠﻪﻥ ﻳﯧﭙﯩﺸﻘﺎ ﺋﯘﺭﯗﻧﯩﯟﺍﺗﯩﺪﯗ.

ﻏﻪﻳﯘﺭ ﺋﻪﭘﻪﻧﺪﻯ ﻳﻪﻧﻪ، ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﻰ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﻣﯘﺷﯘﻧﺪﺍﻕ ﺑﯩﺮ ﭼﺎﻏﺪﺍ، ﺋﯘﻳﻐﯘﺭ ﺩﯨﻴﺎﺭﯨﺪﺍ ﻳﯩﮕﺎﻧﻪ ﭘﻪﺭﺯﻩﻧﺘﻠﯩﺮﯨﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﯟﺍﺗﻘﺎﻥ ﺋﺎﺗﺎ - ﺋﺎﻧﯩﻼﺭﻧﯩﯔ ﺩﺍﺕ - ﭘﻪﺭﻳﺎﺗﻠﯩﺮﯨﻐﺎ ﻗﯘﻻﻕ ﺳﺎﻟﯩﺪﯨﻐﺎﻥ ﻫﯩﭽﻜﯩﻢ ﻳﻮﻗﻠﯩﻘﯩﻨﻰ، ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﻨﯩﯔ ﻧﺎﺯﺍﺭﻩﺗﺘﯩﻜﻰ ﺑﯩﺮ ﮔﯘﻣﺎﻧﻠﯩﻖ ﺳﯩﻴﺎﺳﯩﻲ ﺋﯘﻧﺴﯘﺭ ﻳﻮﻗﺎﭖ ﻛﻪﺗﺴﻪ، ﭘﯜﺗﯜﻥ ﺋﺎﭘﺘﻮﻧﯘﻡ ﺭﺍﻳﯘﻧﺪﯨﻜﻰ ﺋﻮﻧﻤﯩﯖﻠﯩﻐﺎﻥ ﺳﺎﻗﭽﯩﻼﺭﻧﻰ ﺳﻪﭘﻪﺭﯞﻩﺭ ﻗﯩﻠﯩﭗ ﺋﯩﺰﺩﻩﻳﺪﯨﻐﺎﻧﻠﯩﻘﯩﻨﻰ، ﻣﯩﯖﻠﯩﻐﺎﻥ ﺋﯘﻳﻐﯘﺭ ﭘﻪﺭﺯﻩﻧﺘﻠﯩﺮﻯ ﻳﻮﻗﺎﭖ ﻛﻪﺗﺴﻪ، ﺋﯘﻧﻰ ﺧﯩﻴﺎﻟﯩﻐﺎ ﻛﻪﻟﺘﯜﺭﻣﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺋﯘ ﺳﯚﺯﯨﺪﻩ ﻳﻪﻧﻪ، "ﺧﻪﻟﻘﺎﺭﺍ ﻳﻮﻗﺎﭖ ﻛﻪﺗﻜﻪﻥ ﺑﺎﻟﯩﻼﺭ ﻛﯜﻧﻰ" ﺩﯦﮕﻪﻧﺪﻩﻙ ﺧﺎﺗﯩﺮﻩ ﻛﯜﻧﻠﻪﺭﻧﯩﯔ ﺋﯘﻳﻐﯘﺭﻻﺭﻏﺎ ﻧﯩﺴﭙﻪﺗﻪﻥ ﻫﯩﭻ ﺋﯧﺘﯩﺒﺎﺭﻯ ﻳﻮﻗﻠﯩﻘﯩﻨﻰ، ﻫﻪﺭ ﻛﯜﻧﻰ ﻫﻪﺭ ﻳﻪﺭﺩﻩ ﻗﺎﻧﭽﯩﻠﯩﻐﺎﻥ ﺋﯘﻳﻐﯘﺭ ﭘﻪﺭﺯﻩﻧﺘﻠﯩﺮﯨﻨﯩﯔ ﻏﺎﻳﯩﭗ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ، ﺑﯩﭽﺎﺭﻩ ﺋﯘﻳﻐﯘﺭ ﺋﺎﺗﺎ - ﺋﺎﻧﯩﻼﺭﻧﯩﯔ ﻧﺎﻟﻪ - ﺋﻮﺋﻪﺭﻳﺎﺕ ﭼﯧﻜﯩﺸﺘﯩﻦ ﺑﺎﺷﻘﯩﻐﺎ ﻛﯜﭼﻰ ﻳﻪﺗﻤﻪﻳﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ.
 

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)