ﯞﺍﯓ ﻟﯧﭽﯜﺋﻪﻥ ﻣﻪﻗﺴﯩﺘﯩﮕﻪ ﻳﻪﺗﺘﻰ، ﺋﯘﻳﻐﯘﺭﻏﺎ ﺗﻪﻫﺪﯨﺖ ﺩﺍﯞﺍﻡ ﺋﻪﺗﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﯞﺍﯓ ﻟﯧﭽﯜﺋﻪﻥ ﻧﯚﯞﻩﺗﺘﻪ ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﺳﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ، ﺷﯩﻨﺠﺎﯓ ﺋﯩﺸﻠﻪﭘﭽﯩﻘﯩﺮﯨﺶ - ﻗﯘﺭﯗﻟﯘﺵ ﻗﻮﺷﯘﻧﯩﻨﯩﯔ ﺳﯩﻴﺎﺳﯩﻲ ﻛﻮﻣﯩﺴﺴﺎﺭﻯ. ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺑﯘ ﺑﯩﺮ ﻗﺎﺗﺎﺭ ﻫﻮﻗﯘﻗﻼﺭﻧﯩﯔ ﺋﯩﭽﯩﺪﻩ، ﯞﺍﯓ ﻟﯧﭽﯜﺋﻪﻧﻨﯩﯔ ﯞﺍﺯ ﻛﯧﭽﻪﻟﻤﻪﻳﺪﯨﻐﯩﻨﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻟﯩﻘﯩﺪﯗﺭ.

ﯞﺍﯓ ﻟﯧﭽﯜﺋﻪﻧﻨﯩﯔ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﺪﯨﻜﻰ ﺗﻪﺟﺮﯨﺒﯩﺴﻰ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﻮﺭﻧﯩﻨﻰ ﺳﺎﻗﻼﭖ ﻗﺎﻟﻐﺎﻥ

ﺧﻮﯕﻜﻮﯓ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﯞﺍﯓ ﻟﯧﭽﯜﺋﻪﻧﻨﯩﯔ ﻣﻪﺯﻛﯘﺭ ﺋﺎﺭﺯﯗﺳﻰ ﺑﯘ ﻗﯧﺘﯩﻢ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﺋﯩﻜﻜﻰ ﻳﯩﻐﯩﻦ ﻣﻪﺯﮔﯩﻠﯩﺪﻩ ﺑﯩﺮ ﻗﯧﺘﯩﻢ ﺗﻪﻫﺪﯨﺘﻜﻪ ﺩﯗﭺ ﻛﻪﻟﮕﻪﻥ. ﻳﻪﻧﻰ ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻟﯩﻘﻰ 12 ﻳﯩﻠﺪﯨﻦ ﺋﯘﺯﯨﺮﺍﭖ ﻛﻪﺗﻜﯩﻨﻰ ﺋﯜﭼﯜﻥ، ﻣﻪﺭﻛﯩﺰﯨﻲ ﻫﯚﻛﯜﻣﻪﺕ ﺋﯘﻧﻰ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﻣﯘﺩﯨﺮﻯ ﻗﯩﻠﯩﭗ ﻣﻪﺭﻛﻪﺯﮔﻪ ﻳﯚﺗﻜﻪﺷﻨﻰ ﭘﯩﻼﻧﻠﯩﻐﺎﻥ. ﺋﻪﻣﻤﺎ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﯨﻜﻰ ﻣﯘﻗﯩﻤﻠﯩﻖ ﺋﯧﻬﺘﯩﻴﺎﺟﻰ ﯞﻩ ﻣﻪﺭﻛﻪﺯﻧﯩﯔ ﺋﻮﻟﯩﻤﭙﯩﻚ ﻣﯘﻗﯩﻤﻠﯩﻘﯩﻐﺎ ﻛﯧﻠﯩﺪﯨﻐﺎﻥ ﺋﺎﺳﺎﺳﯩﻲ ﺗﻪﻫﺪﯨﺘﻨﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯚﻟﮕﯜﻧﭽﯩﻠﯩﺮﯨﺪﯨﻦ ﻛﯚﺭﯛﺷﻰ، ﻣﻪﺭﻛﯩﺰﯨﻲ ﻫﯚﻛﯜﻣﻪﺗﻨﯩﯔ ﯞﺍﯓ ﻟﯧﭽﯜﺋﻪﻧﻨﯩﯔ ﺋﻮﺭﻧﻰ ﻫﻪﻗﻘﯩﺪﻩ ﭘﯩﻼﻥ ﺋﯚﺯﮔﻪﺭﺗﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ.

ﺑﯘ ﻗﺎﺭﺍﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺷﯩﯖﺪﺍﯞ ﮔﯧﺰﯨﺘﻰ، ﺑﯘ ﻳﯩﻞ 18 ‏ - ﻣﺎﺭﺗﺘﯩﻜﻰ ﺳﺎﻧﯩﺪﺍ ﺑﯘ ﻗﯧﺘﯩﻤﻘﻰ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ، ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﺪﯨﻜﻰ 2 ﺋﻮﺭﯗﻧﻨﯩﯔ ﺑﻮﺵ ﻗﺎﻟﻐﺎﻧﻠﯩﻘﯩﻨﻰ، ﺑﯘ ﺋﯩﻜﻜﻰ ﺋﻮﺭﯗﻧﺪﯨﻦ ﺑﯩﺮﯨﻨﯩﯔ ﯞﺍﯓ ﻟﯧﭽﯘﻩﻧﮕﻪ ﺋﺎﺋﯩﺖ ﺋﯩﻜﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﺪﻯ. ﺷﯩﯖﺪﺍﯞ ﮔﯧﺰﯨﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﻪﺳﻠﯩﺪﻩ ﺋﻪﺯﺍ ﺳﺎﻧﻰ 15 ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺩﺍﺋﯩﻤﯩﻲ ﻛﻮﻣﯩﺘﯧﺘﻘﺎ 13 ﻛﯩﺸﻰ ﺗﻪﻳﯩﻨﻠﻪﻧﮕﻪﻥ، ﺑﻮﺵ ﻗﺎﻟﻐﺎﻥ ﺋﯩﻜﻜﻰ ﺋﻮﺭﯗﻧﻨﯩﯔ ﺑﯩﺮﻯ، ﺗﯩﺒﻪﺕ ﺑﻪﻧﭽﻪﻥ ﻻﻣﺎﺳﯩﻐﺎ ﺋﺎﺋﯩﺖ، ﺧﯩﺘﺎﻱ ﺗﻪﺭﯨﭙﯩﺪﯨﻦ ﺗﺎﻟﻼﻧﻐﺎﻥ ﺑﯘ ﺑﻪﻧﭽﻪﻥ ﻻﻣﺎ ﺗﯧﺨﻰ 18 ﻳﺎﺷﻘﺎ ﺗﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ ﺋﻮﺭﻧﻰ ﺑﻮﺵ ﻗﺎﻟﻐﺎﻥ.

ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﯞﻩ ﯞﺍﯓ ﻟﯧﭽﯜﺋﻪﻧﻨﯩﯔ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﺪﯨﻜﻰ ﺗﻪﺟﺮﯨﺒﯩﺴﻰ ﻧﻪﺯﻩﺭﮔﻪ ﺋﯧﻠﯩﻨﯩﭗ، ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺳﯧﻜﺮﯨﺘﺎﺭﻟﯩﻖ ﺋﻮﺭﻧﯩﻨﻰ ﺩﺍﯞﺍﻣﻼﺷﺘﯘﺭﯗﺵ ﻗﺎﺭﺍﺭ ﻗﯩﻠﯩﻨﻐﺎﻥ ﯞﻩ ﺋﯘﻧﯩﯔ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﺪﯨﻜﻰ ﺋﺎﻟﺪﯨﻦ ﭘﯩﻼﻧﻼﻧﻐﺎﻥ ﻣﯘﺋﺎﯞﯨﻦ ﺭﻩﺋﯩﺴﻠﯩﻚ ﺋﻮﺭﻧﻰ ﺑﻮﺵ ﻗﺎﻟﻐﺎﻥ.

ﺩﯨﻠﺸﺎﺕ ﺭﯨﺸﯩﺖ: " ﯞﺍﯓ ﻟﯧﭽﯘﻩﻥ ﻣﻪﺭﻛﻪﺯﮔﻪ ﺋﯚﺯ ﺋﻮﺭﻧﯩﻨﯩﯔ ﻣﯘﻫﯩﻤﻠﯩﻘﯩﻨﻰ ﻫﯧﺲ ﻗﯩﻠﺪﯗﺭﯗﺷﻘﺎ ﺗﯩﺮﯨﺸﯩﯟﺍﺗﯩﺪﯗ "

ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ ﺷﯩﯖﺪﺍﯞ ﮔﯧﺰﯨﺘﯩﻨﯩﯔ ﻳﯘﻗﯩﺮﯨﻘﯩﺪﻩﻙ ﻗﺎﺭﺍﺷﻠﯩﺮﯨﻨﻰ ﺋﯘﻳﻐﯘﺭ ﻛﯚﺯﻩﺗﻜﯜﭼﯩﻠﯩﺮﯨﻤﯘ ﺗﻮﻏﺮﺍ ﺩﻩﭖ ﻗﺎﺭﺍﻳﺪﯗ. ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﺪﯨﻦ ﮔﯜﻟﺸﻪﻥ ﺋﺎﺑﺪﯗﻗﺎﺩﯨﺮ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﺳﺎﺳﻠﯩﻖ ﺳﻮﺩﺍ - ﺳﺎﻧﺎﺋﻪﺕ ﺋﻮﺭﯗﻧﻠﯩﺮﻯ ﺑﯩﻠﻪﻥ ﯞﺍﯓ ﻟﯧﭽﯜﻩﻧﻨﯩﯔ ﺷﯧﺮﯨﻜﭽﯩﻠﯩﻜﻰ ﺑﺎﺭﻟﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ.

ﺋﯜﺭﯛﻣﭽﯩﺪﻩ ﻳﺎﺷﺎﯞﺍﺗﻘﺎﻥ ﺑﯩﺮ ﺧﯩﺘﺎﻱ ﭘﯘﻗﺮﺍﺳﯩﻤﯘ ﺋﯜﺭﯛﻣﭽﯩﺪﯨﻜﻰ ﺩﯦﺨﯘﻱ ﺷﯩﺮﻛﯩﺘﯩﻨﯩﯔ ﺳﺎﻫﯩﺒﻰ ﺑﯩﻠﻪﻥ ﯞﺍﯓ ﻟﯧﭽﯜﺋﻪﻧﻨﯩﯔ ﻗﯘﺩﺍ - ﺑﺎﺟﯩﻠﯩﻖ ﻣﯘﻧﺎﺳﯩﯟﯨﺘﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻤﯘ ﯞﺍﯓ ﻟﯧﭽﯘﺋﻪﻧﻨﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻫﺎﻛﯩﻤﯩﻴﯩﺘﯩﻨﻰ ﻣﯘﺳﺘﻪﻫﻜﻪﻣﻠﻪﺵ ﺋﯜﭼﯜﻥ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﻛﯩﺘﯩﻨﻰ ﻗﺎﺭﯨﻼﯞﺍﺗﯩﺪﯗ ﺩﻩﭖ ﺋﻪﻳﯩﭙﻠﯩﮕﻪﻥ ﺋﯩﺪﻯ.

ﻳﯘﻗﯘﺭﯨﻘﻰ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﻧﯚﯞﻩﺕ ﯞﺍﯓ ﻟﯧﭽﯜﻩﻧﻨﯩﯔ ﻣﻪﺭﻛﻪﺯﮔﻪ ﻳﯚﺗﻜﯩﻠﯩﺸﺘﯩﻦ ﺳﺎﻗﻠﯩﻨﯩﭗ ﻗﯧﻠﯩﺸﯩﻐﺎ، ﺋﺎﻟﺪﯨﻨﻘﻰ ﻫﻪﭘﺘﻪ ﺗﺎﺭﻗﯩﺘﯩﻠﻐﺎﻥ ﺋﺎﻳﺮﻭﭘﯩﻼﻥ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺧﻪﯞﻩﺭ ﺳﻪﯞﻩﺏ ﺑﻮﻟﻐﺎﻥ ﺑﻮﻟﯩﺪﯗ.

" ﯞﻩﻗﻪ ﭘﻪﻳﺪﺍ ﻗﯩﻠﻐﯘﭼﯩﻼﺭﻧﯩﯔ ﺋﯩﺴﯩﻤﻠﯩﻜﻰ، ﺋﻮﺭﻧﻰ، ﺳﺎﻻﻫﯩﻴﯩﺘﻰ ﻗﺎﺗﺎﺭﻟﯩﻖ ﺋﺎﺳﺎﺳﻠﯩﻖ ﺋﯘﭼﯘﺭﻻﺭﻧﻰ ﺗﯩﻠﻐﺎ ﺋﺎﻟﻤﯩﺪﻯ "

ﺗﻪﯕﺮﯨﺘﺎﻍ ﺗﻮﺭﯨﻨﯩﯔ 18 ‏ - ﻣﺎﺭﺕ ﺧﻪﯞﻩﺭ ﻗﯩﻠﯩﺸﯩﭽﻪ، ﯞﺍﯓ ﻟﯧﭽﯜﺋﻪﻥ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﭖ ﺋﺎﻳﺮﻭﭘﯩﻼﻥ ﯞﻩﻗﻪﺳﻰ ﻫﻪﻗﻘﯩﺪﻩ ﻳﻪﻧﻪ ﺑﯩﺮ ﻗﯧﺘﯩﻢ ﺗﻮﺧﺘﺎﻟﻐﺎﻥ. ﺋﯘ ﺑﯘ ﻗﯧﺘﯩﻤﻘﻰ ﺗﻮﺧﺘﯩﻠﯩﺸﯩﺪﺍ، 7 ‏ - ﻣﺎﺭﺕ ﻛﯜﻧﻰ ﻳﯜﺯ ﺑﻪﺭﮔﻪﻥ ﺋﺎﻳﺮﻭﭘﯩﻼﻥ ﻗﺎﺯﺍﺳﻰ ﭘﻪﻳﺪﺍ ﻗﯩﻠﯩﺸﻘﺎ ﺋﯘﺭﯗﻧﯘﺵ ﯞﻩﻗﻪﺳﯩﻨﻰ ﺑﯩﺮ ﻫﻪﭘﺘﯩﻠﯩﻚ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﻩ، ﯞﻩﻗﻪﺩﻩ ﭼﻪﺗﺌﻪﻟﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ ﻗﻮﻟﻰ ﺑﺎﺭﻟﯩﻘﯩﻨﻰ ﺑﺎﻳﻘﯩﻐﺎﻧﻠﯩﻘﯩﻨﻰ، ﺟﯩﻨﺎﻳﻪﺕ ﮔﯘﻣﺎﻧﺪﺍﺭﯨﻨﯩﯔ ﻫﻪﺭﯨﻜﻪﺗﻨﻰ ﭘﯩﻼﻧﻼﺵ، ﻗﺎﺗﻨﯩﺸﯩﺶ ﯞﻩ ﺋﯩﺠﺮﺍ ﻗﯩﻠﯩﺶ ﺟﻪﺭﻳﺎﻧﯩﻨﻰ ﺋﯩﻘﺮﺍﺭ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ ﻳﻪﻧﯩﻼ، ﯞﻩﻗﻪ ﭘﻪﻳﺪﺍ ﻗﯩﻠﻐﯘﭼﯩﻼﺭﻧﯩﯔ ﺋﯩﺴﯩﻤﻠﯩﻜﻰ، ﺋﻮﺭﻧﻰ، ﺳﺎﻻﻫﯩﻴﯩﺘﻰ ﻗﺎﺗﺎﺭﻟﯩﻖ ﺋﺎﺳﺎﺳﻠﯩﻖ ﺋﯘﭼﯘﺭﻻﺭﻧﻰ ﺗﯩﻠﻐﺎ ﺋﺎﻟﻤﯩﻐﺎﻥ. ﯞﺍﯓ ﻟﯧﭽﯜﺋﻪﻥ ﺳﯚﺯﯨﺪﻩ ﻳﻪﻧﻪ، ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﺩﺍﯞﺍﻣﻠﯩﻖ ﺗﯜﺭﺩﻩ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻛﻪﺳﻜﯩﻦ ﺗﻪﻟﻪﭘﭙﯘﺯ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﻛﯚﺯﻩﺗﻜﯜﭼﻰ ﺋﻪﺭﻛﯩﻦ ﺋﻪﻛﺮﻩﻡ ﯞﺍﯓ ﻟﯧﭽﯜﻩﻧﻨﯩﯔ ﺋﯩﺰﭼﯩﻞ ﺗﯜﺭﺩﻩ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ، ﺑﯚﻟﮕﯜﻧﭽﯩﻠﻪﺭﻧﻰ ﺑﺎﺵ ﻛﯚﺗﯜﺭﮔﯜﺯﻣﻪﺳﻠﯩﻚ، ﺑﯩﺦ ﻫﺎﻟﯩﺘﯩﺪﻩ ﺋﯘﺟﯘﻗﺘﯘﺭﯗﺵ ﻗﺎﺗﺎﺭﻟﯩﻖ ﭼﺎﻗﯩﺮﯨﻘﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﻗﺎﻧﯘﻥ ﯞﻩ ﺧﯩﺘﺎﻱ ﻗﺎﻧﯘﻧﻠﯩﺮﯨﻐﺎ ﺋﺎﺷﻜﺎﺭﺍ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ، ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺷﺘﺎ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﭘﯩﻜﺮﯨﮕﻪ ﭘﻪﺭﯞﺍ ﻗﯩﻠﻤﺎﻱ ﻛﻪﻟﮕﻪﻧﻠﯩﻜﯩﻨﻰ ﯞﻩ ﭘﻪﺭﯞﺍ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺩﯦﻴﯩﻠﮕﯩﻨﯩﺪﻩﻙ، ﯞﺍﯓ ﻟﯧﭽﯜﺋﻪﻥ ﺗﯜﻧﯜﮔﯜﻧﻜﻰ ﺳﯚﺯﯨﺪﻩ، ﺋﯘﻳﻐﯘﺭﻻﺭﻧﻰ ﻗﻮﻟﻼﯞﺍﺗﻘﺎﻥ ﻏﻪﺭﺏ ﺩﯗﻧﻴﺎﺳﯩﻨﻰ ﺩﯛﺷﻤﻪﻥ ﻛﯜﭼﻠﻪﺭ ﺩﻩﭖ ﺋﺎﺗﯩﺪﻯ: ﺋﯘ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﯦﮕﻪﻥ:. ﻏﻪﺭﺏ ﺩﯛﺷﻤﻪﻥ ﻛﯜﭼﻠﯩﺮﻯ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﺑﯚﻟﮕﯜﻧﭽﯩﻠﯩﻚ، ﺑﯘﺯﻏﯘﻧﭽﯩﻠﯩﻖ ﻫﻪﺭﯨﻜﯩﺘﯩﻨﻰ ﺗﻮﺧﺘﺎﺗﻤﯩﺪﻯ. ﺋﯘﻻﺭ ﻫﻪﺭﻗﺎﻧﺪﺍﻕ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ، ﻫﻪﺭ ﺯﺍﻣﺎﻥ ﺷﻪﻛﻠﯩﻨﻰ ﺋﯚﺯﮔﻪﺭﺗﯩﭗ، ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﺍ ﺑﯚﻟﮕﯜﻧﭽﯩﻠﯩﻚ ﻗﯩﻠﯩﺶ ﯞﻩ ﺳﯩﯖﯩﭗ ﻛﯩﺮﯨﺶ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﯩﺪﯗ. ﯞﺍﯓ ﻟﯧﭽﯜﺋﻪﻥ ﺑﯘﻟﺘﯘﺭ ﺋﺎﯞﻏﯘﺳﺖ ﺋﯧﻴﯩﺪﺍ ﻗﯩﻠﻐﺎﻥ ﺑﯩﺮ ﻗﯧﺘﯩﻤﻠﯩﻖ ﺳﯚﺯﯨﺪﯨﻤﯘ، ﻏﻪﺭﺏ ﺩﯗﻧﻴﺎﺳﯩﻨﻰ ﺩﯛﺷﻤﻪﻥ ﻛﯜﭼﻠﻪﺭ ﻗﺎﺗﺎﺭﯨﺪﺍ ﺳﺎﻧﯩﻐﺎﻥ ﯞﻩ ﺋﺎﻣﯧﺮﯨﻜﯩﻨﻰ ﺩﯛﺷﻤﻪﻥ ﻛﯜﭼﻠﻪﺭﻧﯩﯔ ﻛﺎﺗﺘﯩﺒﯧﺸﻰ ﺩﻩﭖ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﻣﺎﻧﺎ ﺑﯘ ﺋﻪﻫﯟﺍﻟﻼﺭﻧﻰ ﻧﻪﺯﻩﺭﺩﻩ ﺗﯘﺗﻘﺎﻥ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﻰ ﺗﯧﺮﺭﻭﺭﭼﻰ ﺩﻩﭖ ﺋﻪﻳﯩﺒﻠﯩﺸﻰ، ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺷﻘﺎ ﺳﻪﯞﻩﺏ ﺗﯧﭙﯩﺶ ﺋﯜﭼﯜﻥ ﺋﻪﻣﻪﺱ، ﭼﯜﻧﻜﻰ ﺋﯘ ﻫﺎﺯﯨﺮﻏﺎ ﻗﻪﺩﻩﺭ ﺳﻪﯞﻩﺑﻠﯩﻜﻤﯘ ‏ - ﺳﻪﯞﻩﭘﺴﯩﺰﻣﯘ ﺑﺎﺳﺘﯘﺭﯗﭖ ﻛﻪﻟﻤﻪﻛﺘﻪ، ﺋﯘﻧﯩﯔ ﻣﻪﻗﺴﯩﺘﻰ ﻣﻪﺭﻛﯩﺰﻯ ﻫﯚﻛﯜﻣﻪﺗﻜﻪ ﺋﯚﺯ ﺋﻮﺭﻧﯩﻨﯩﯔ ﻣﯘﻫﯩﻤﻠﯩﻘﯩﻨﻰ ﻫﯧﺲ ﻗﯩﻠﺪﯗﺭﯗﺵ ﺋﯜﭼﯜﻧﺪﯗﺭ.

ﺋﻪﺭﻛﯩﻦ ﺋﻪﻛﺮﻩﻡ: ﺑﯧﻴﺠﯩﯖﻨﯩﯔ ﺗﻪﺩﺑﯩﺮﻯ، ﻣﻪﺳﯩﻠﯩﻨﻰ ﻳﻮﺷﯘﺭﯗﺵ

ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯜﺋﻪﻥ، ﺑﯧﻴﺠﯩﯖﺪﯨﻜﻰ ﻗﯘﺭﯗﻕ ﺋﻮﺭﯗﻧﺪﯗﻗﺘﯩﻦ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻣﻪﻟﯩﻲ ﻫﻮﻗﯘﻗﻨﻰ ﺋﻪﯞﺯﻩﻝ ﺑﯩﻠﯩﺪﯗ. ﺷﯘﯕﺎ ﺋﯘ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺩﯗﻧﻴﺎﻏﺎ ﭘﺎﺵ ﺑﻮﻟﯘﭖ ﻗﯧﻠﯩﺸﯩﺪﯨﻦ ﺑﺎﺵ ﺗﺎﺭﺗﻤﺎﻳﯟﺍﺗﯩﺪﯗ. ﺷﯘﯕﺎ ﺋﯘ ﭘﺎﻣﯩﺮ ﯞﻩﻗﻪﺳﻰ، 27 ‏ - ﻳﺎﻧﯟﺍﺭ ﺗﻮﻗﯘﻧﯘﺷﻰ ﻗﺎﺗﺎﺭﻟﯩﻖ ﺳﻪﺯﮔﯜﺭ ﯞﻩﻗﻪﻟﻪﺭﻧﻰ ﺩﯗﻧﻴﺎﻏﺎ ﺋﺎﺷﻜﺎﺭﯨﻠﯩﯟﻩﺗﻜﻪﻥ. ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﺋﺎﻳﺮﻭﭘﯩﻼﻥ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻣﯘ ﯞﺍﯓ ﻟﯧﭽﯜﺋﻪﻧﻨﯩﯔ ﻫﻮﻗﯘﻕ ﺋﯩﺸﺘﯩﻬﺎﺳﯩﻨﯩﯔ ﻣﻪﻫﺴﯘﻟﯩﺪﯗﺭ. ﻣﻪﺭﻛﯩﺰﯨﻲ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺋﯩﺰﭼﯩﻞ ﻗﻮﻟﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﺗﻪﺩﺑﯩﺮﻯ، ﻣﻪﺳﯩﻠﯩﻨﻰ ﻣﯘﻣﻜﯩﻦ ﻗﻪﺩﻩﺭ ﺩﯗﻧﻴﺎﺩﯨﻦ ﻳﻮﺷﯘﺭﯗﺵ، ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻛﯜﻧﺘﻪﺭﺗﯩﭙﯩﮕﻪ ﺋﻪﻛﻪﻟﻤﻪﺳﻠﯩﻚ. ﺷﯘﯕﺎ ﺋﻪﺭﻛﯩﻦ ﺋﻪﻛﺮﻩﻡ، ﺋﺎﻳﺮﻭﭘﯩﻼﻥ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﻣﻪﺭﻛﻪﺯﻧﯩﯔ ﻣﻪﻧﭙﻪﺋﻪﺗﯩﮕﻪ ﺧﯩﻼﭖ ﺩﻩﭖ ﻗﺎﺭﺍﻳﺪﯗ، ﺋﯘ ﺷﯘﻧﺪﺍﻗﻼ، ﯞﻩﻗﻪﻧﯩﯔ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﺗﻪﺳﯩﺮﻯ ﻫﻪﻗﻘﯩﺪﻩ ﺳﯚﺯﻟﻪﭖ ﺋﯚﺗﺘﻰ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، ﯞﺍﯓ ﻟﯧﭽﯘﻩﻥ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﻗﺎﺭﯨﻼﺵ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﺑﯩﺮ ﻗﯧﺘﯩﻤﻠﯩﻖ ﻣﻪﻗﺴﯩﺘﯩﮕﻪ ﻳﻪﺗﻜﻪﻥ، ﻳﻪﻧﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻫﺎﻛﯩﻤﯩﻴﯩﺘﯩﻨﯩﯔ ﻣﯘﺩﺩﯨﺘﯩﻨﻰ ﺋﯘﺯﺍﺗﻘﺎﻥ. ﺋﻪﻣﻤﺎ، ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯜﻩﻧﻨﯩﯔ ﻗﺎﺭﯨﻼﺵ ﻫﻪﺭﯨﻜﯩﺘﯩﻨﯩﯔ ﺋﯘﻳﻐﯘﺭ ﻣﻪﻧﭙﻪﺋﻪﺗﯩﮕﻪ ﺋﯩﺠﺎﺑﯩﻲ ﻳﺎﻛﻰ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﻰ ﺋﺎﻟﺪﯨﻤﯩﺰﺩﯨﻜﻰ ﺋﺎﻱ ﻳﺎﻛﻰ ﻳﯩﻠﻼﺭﺩﺍ ﺋﯧﻨﯩﻖ ﻣﻪﻟﯘﻡ ﺑﻮﻟﯩﺪﯗ. (ﺷﯚﻫﺮﻩﺕ ﻫﻮﺷﯘﺭ)