ﺋﯘﻳﻐﯘﺭ ﺋﯧﻠﯩﺪﻩ" ﺋﻪﻳﺪﯨﺰ " ﺳﺎﺭﺍﺳﯩﻤﻰ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻫﻪﺭ ﻗﺎﻧﺪﺍﻕ ﺑﯩﺮ ﻛﯩﺸﯩﻨﯩﯔ ﺋﯚﺯﯨﻨﯩﯔ ﺋﻪﻳﺪﯨﺰ ﻳﯘﻗﯘﻣﺪﺍﺭﯨﻐﺎ ﺋﺎﻳﻼﻧﻐﺎﻧﻠﯩﻘﯩﻨﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ ﺧﯘﺩﺩﻯ ﺋﻪﺯﺭﺍﺋﯩﻠﻨﯩﯔ ﺋﯚﻟﯜﻡ ﺧﯧﺘﯩﻨﻰ ﺗﺎﭘﺸﯘﺭﯗﯞﺍﻟﻐﺎﻧﺪﻩﻙ ﻗﻮﺭﻗﯘﻧﭻ ﻫﻪﻡ ﺳﺎﺭﺍﺳﯩﻤﯩﮕﻪ ﭼﯜﺷﯜﺷﻰ ﻣﯘﻗﻪﺭﺭﻩﺭ. ﺋﻪﮔﻪﺭﺩﻩ ﺋﯘ ﺋﺎﻧﺎ ﺑﻮﻟﯘﺵ ﻳﺎﻛﻰ ﺋﺎﺗﺎ ﺑﻮﻟﯘﺵ ﺋﺎﻟﺪﯨﺪﯨﻜﻰ ﺋﯩﻨﺴﺎﻥ ﺑﻮﻟﺴﯩﭽﯘ؟ ﺋﯘ ﻫﺎﻟﺪﺍ ﺋﯘﻧﯩﯖﺪﯨﻜﻰ ﺋﻪﻧﺪﯨﺸﻪ ﻫﻪﻡ ﺋﺎﺯﺍﺑﻠﯩﻖ ﻣﯘﺭﻩﻛﻜﻪﭖ ﻫﯧﺴﺴﻴﺎﺗﻨﻰ ﺗﻪﺳﻪﯞﯞﯗﺭ ﻗﯩﻠﻤﺎﻕ ﺗﻪﺱ.

ﻳﯧﻘﯩﻨﺪﺍ ﺋﯜﺭﯛﻣﭽﯩﺪﻩ ﺋﺎﻧﺎ ﺑﻮﻟﯘﺵ ﺋﺎﻟﺪﯨﺪﺍ ﺗﯘﺭﻏﺎﻥ ﺋﯧﻐﯩﺮ ﺋﺎﻳﺎﻍ ﺑﯩﺮ ﺋﯘﻳﻐﯘﺭ ﺋﺎﻳﺎﻝ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ ﺗﻪﺭﯨﭙﯩﺪﯨﻦ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﻮﻳﯘﻟﯘﭖ ، ﺑﺎﻟﯩﺴﯩﻨﻰ ﺗﯧﺨﻰ ﺩﯗﻧﻴﺎﻏﺎ ﻛﯚﺯ ﺋﺎﭼﻤﺎﻱ ﺗﯘﺭﯗﭘﻼ ﭼﯜﺷﯜﺭﯛﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﺪﯗﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ ﻫﻪﻡ ﻣﯘﺷﯘ ﺳﻪﯞﻩﺑﺘﯩﻦ ﺟﯩﺴﻤﺎﻧﯩﻲ ﺭﻭﻫﯩﻲ ﺟﻪﻫﻪﺗﻠﻪﺭﺩﯨﻦ ﺋﯧﻐﯩﺮ ﺋﺎﺯﺍﺏ ﯞﻩ ﺑﻪﺧﺘﺴﯩﺰﻟﯩﻜﻜﻪ ﻣﯘﭘﺘﯩﻼ ﺑﻮﻟﻐﺎﻥ.

ﺋﻪﻳﺪﯨﺰﻧﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﻛﯚﭖ ﺗﻪﺭﻩﭘﻠﯩﻤﻪ ﺯﯨﻴﺎﻧﻜﻪﺷﻠﯩﻜﻠﯩﺮﯨﺪﯨﻦ ﺑﺎﺷﻘﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺧﺎﺗﺎ ﺩﯨﺌﺎﮔﻨﻮﺯ ، ﺧﺎﺗﺎ ﺩﺍﯞﺍﻻﺷﻼﺭ ﻳﻪﻧﻪ ﻗﺎﻧﭽﯩﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﻧﺎﺑﯘﺕ ﺑﻮﻟﯘﺷﯩﻐﺎ ، ﻗﺎﻧﭽﯩﻠﯩﻐﺎﻥ ﺑﺎﻟﯩﻼﺭﻧﯩﯔ ﺗﯘﻏﯘﻟﻤﺎﻱ ﺋﯚﻟﯜﺷﯩﮕﻪ ﺳﻪﯞﻩﺏ ﺑﻮﻟﯘﯞﺍﺗﻘﺎﻧﺪﯗ؟ ﺋﻪﻳﺪﯨﺰ ﺩﯨﺌﺎﮔﻨﻮﺯﯨﻐﺎ ﻳﯜﺯﺩﻩ ‏- ﻳﯜﺯ ﺋﯩﺸﯩﻨﯩﺶ ﻛﯧﺮﻩﻛﻤﯘ ؟ ﺋﻪﮔﻪﺭﺩﻩ ﺋﯚﺯﯨﯖﯩﺰﻧﯩﯔ ﺋﻪﻳﺪﯨﺰﻟﯩﻘﯩﯖﯩﺰﺩﯨﻦ ﺩﻩﺭ ﮔﯘﻣﺎﻧﺪﺍ ﺑﻮﻟﺴﯩﯖﯩﺰ ﻧﯧﻤﯩﻠﻪﺭﻧﻰ ﻗﯩﻠﯩﺸﯩﯖﯩﺰ ﻛﯧﺮﻩﻙ ؟ ﺑﯘﻻﺭﻏﺎ ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩ ﺗﻪﻳﻴﺎﺭﻟﯩﻐﺎﻥ ﭘﺮﻭﮔﺮﺍﻣﻤﯩﺪﯨﻦ ﺟﺎﯞﺍﺏ ﺋﯩﺰﺩﻩﻳﻠﻰ.

ﻛﯧﭽﯩﻜﯩﭗ ﺑﯧﺴﯩﻠﻐﺎﻥ ﻗﻪﺩﻩﻡ....

ﺋﯜﺭﯛﻣﭽﻰ ﻟﻴﯘﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﻨﯩﯔ 33 ﻳﺎﺷﻠﯩﻖ ﺑﯩﺮ ﺋﯘﻳﻐﯘﺭ ﻫﺎﻣﯩﻠﺪﺍﺭ ﺋﺎﻳﺎﻟﻐﺎ ﻗﻮﻳﯘﻟﻐﺎﻥ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﺎﺗﺎ ﺩﯨﺌﺎﮔﻨﻮﺯﯨﻨﯩﯔ ، ﺑﯘ ﻫﺎﻣﯩﻠﺪﺍﺭ ﺋﺎﻳﺎﻟﻨﯩﯔ ﻗﻮﺭﺳﯩﻘﯩﺪﯨﻜﻰ ﺑﻪﺵ ﺋﺎﻳﻠﯩﻖ ﺑﺎﻟﯩﻨﯩﯔ ﻣﻪﺟﺒﯘﺭﯨﻲ ﭼﯜﺷﯜﺭﯛﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﯩﻨﯩﺸﯩﻐﺎ ﯞﻩ ﺷﯘ ﺳﻪﯞﻩﺑﻠﯩﻚ ﺑﯘ ﺋﺎﻳﺎﻟﻨﯩﯔ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺟﻪﻫﻪﺗﻠﻪﺭﺩﯨﻦ ﺋﯧﻐﯩﺮ ﺋﺎﺯﺍﺑﻼﺭﻏﺎ ﺩﯗﭼﺎﺭ ﺑﻮﻟﯘﺷﯩﻐﺎ ﺳﻪﯞﻩﺏ ﺑﻮﻟﻐﺎﻧﻠﯩﻘﻰ ﯞﻩ ﻛﯧﻴﯩﻦ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻨﯩﯔ ﺑﺎﺷﻘﺎ ﺩﻭﺧﺘﯘﺭﺧﺎﻧﯩﺪﺍ ﻗﺎﻳﺘﺎ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ H I V ﺑﯩﻠﻪﻥ ﻳﯘﻗﯘﻣﻼﻧﻤﯩﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻧﺪﯨﻦ ﻛﯧﻴﯩﻦ ، ﻣﻪﺯﻛﯘﺭ ﺩﻭﺧﺘﯘﺭﺧﺎﻧﺎ ﺧﺎﺗﺎ ﺩﯨﺌﺎﮔﻨﻮﺯﻯ ﺗﯜﭘﻪﻳﻠﻰ ﺑﯘ ﺋﺎﻳﺎﻝ ﻫﻪﻡ ﺋﯘﻧﯩﯔ ﺋﺎﺋﯩﻠﯩﺴﯩﮕﻪ ﺋﯧﻠﯩﭗ ﻛﻪﻟﮕﻪﻥ ﺋﯧﻐﯩﺮ ﺋﺎﻗﯩﯟﻩﺗﻠﯩﺮﻯ ﺋﯜﭼﯜﻥ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻐﺎ 74 ﻣﯩﯔ 880 ﻳﯜﻩﻥ ﺗﯚﻟﻪﻡ ﺗﯚﻟﯩﮕﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭ ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺋﺎﺳﺎﺳﻠﯩﻖ ﺧﻪﯞﻩﺭ ﺗﻮﺭﻟﯩﺮﯨﺪﯨﻦ ﺑﺎﺷﻘﺎ ﺧﯩﺘﺎﻳﻨﯩﯔ ﺑﻪﺯﻯ ﻣﯘﻫﯩﻢ ﺋﺎﺧﺒﺎﺭﺍﺕ ﺗﻮﺭﻟﯩﺮﯨﻐﯩﻤﯘ ﭼﯩﻘﯩﺮﯨﻠﺪﻯ.

25- ﺋﯚﻛﺘﻪﺑﯩﺮ ﻛﯜﻧﻰ ﺑﯘ ﻫﻪﻗﺘﯩﻜﻰ ﺧﻪﯞﻩﺭ ﻫﻪﻗﻘﯩﺪﻩ ﻳﻪﻧﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺋﯜﺭﯛﻣﭽﻰ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ ، ﺗﯘﻏﯘﺕ ﺑﯚﻟﯜﻣﯩﻨﯩﯔ ﺑﯩﺮ ﺳﯧﺴﺘﺮﺍﺳﻰ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﯘﻳﯘﻟﯘﭖ، ﻣﻪﺯﻛﯘﺭ ﺩﻭﺧﺘﯘﺭﺧﺎﻧﯩﻨﯩﯔ ﺗﯘﻏﯘﺕ ﺑﯚﻟﯜﻣﯩﺪﻩ ،ﺋﯘﻧﯩﯔ ﺑﺎﻟﯩﺴﯩﻨﯩﯔ ﻏﻪﻳﺮﻯ ﺗﯘﻏﯘﻟﯘﺵ ﺋﯧﻬﺘﯩﻤﺎﻟﻠﯩﻘﯩﻨﯩﯔ ﻳﯘﻗﯩﺮﯨﻠﯩﻘﻰ ﺗﯜﭘﻪﻳﻠﯩﺪﯨﻦ ﻳﯩﮕﯩﺮﻣﻪ ﻫﻪﭘﺘﯩﺪﯨﻦ ﺋﺎﺷﻘﺎﻥ ﻫﺎﻣﯩﻠﯩﺴﻰ ﺋﯧﻠﯩﯟﯨﺘﯩﻠﮕﻪﻥ ﺑﯘ ﻳﺎﺵ ﺋﺎﻳﺎﻟﻨﯩﯔ ﺋﯘﻳﻐﯘﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ .

ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺳﯧﺴﺘﯩﺮﺍﻧﯩﯔ ﺑﯩﻠﺪﯛﺭﯛﺷﯩﭽﻪ، ﺯﯨﻴﺎﻧﻐﺎ ﺋﯘﭼﺮﯨﻐﯘﭼﻰ ﺋﺎﻳﺎﻝ 2006 -ﻳﯩﻠﻰ ‏10 ‏- ﺋﺎﻳﺪﺍ ﻫﺎﻣﯩﻠﺪﺍﺭ ﺑﻮﻟﯘﭖ ﺋﺎﺋﯩﻠﯩﺴﻰ ﺯﻭﺭ ﺧﻮﺷﺎﻟﻠﯩﻘﻘﺎ ﭼﯚﻣﮕﻪﻥ . ﻛﯜﺗﯜﻟﻤﯩﮕﻪﻥ ﻳﻪﺭﺩﯨﻦ ﺋﯘ ﺑﺎﻻ ﺑﻪﺵ ﺋﺎﻳﻠﯩﻖ ﺑﻮﻟﻐﺎﻧﺪﺍ، ﻳﻪﻧﻰ ﺑﯘ ﻳﯩﻞ 3- ﺋﺎﻳﺪﺍ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻗﺎﻥ ﺗﻪﻛﺸﯜﺭﯛﺷﺘﻪ ﺋﯘﻧﯩﯖﻐﺎ H I V ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻥ ﻫﻪﻣﺪﻩ ﺩﻭﺧﺘﯘﺭﻻﺭ ﺋﯘﻧﯩﯔ ﺑﺎﻟﯩﺴﯩﻨﯩﯔ ﺑﯩﻨﻮﺭﻣﺎﻝ ﺗﯘﻏﯘﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺩﻩﺭﻫﺎﻝ ﺑﺎﻟﯩﻨﻰ ﭼﯜﺷﯜﺭﯛﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﻐﺎﻥ.

2007 - ﻳﯩﻠﻰ 4 - ﺋﺎﻳﺪﺍ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻣﺪﻩ ﺷﯘ ﺳﻪﯞﻩﺑﻠﯩﻚ ﺑﺎﻟﯩﺴﯩﺪﯨﻨﻤﯘ ﺋﺎﻳﺮﯨﻠﻐﺎﻥ، ﺋﺎﺋﯩﻠﻪ ﺧﻮﺷﺎﻟﻠﯩﻘﯩﺪﯨﻦ ، ﻳﯧﻘﯩﻨﻠﯩﺮﯨﻨﯩﯔ ﺋﯩﺸﻪﻧﭽﯩﺴﯩﺪﯨﻨﻤﯘ ﺋﺎﻳﺮﯨﻠﯩﭗ ﭼﻪﻛﺴﯩﺰ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺋﺎﺯﺍﺑﻘﺎ ﺩﯗﭼﺎﺭ ﺑﻮﻟﻐﺎﻥ ﺑﯘ ﺑﻪﺧﺘﺴﯩﺰ ﺋﺎﻳﺎﻝ، ﻗﺎﻧﺪﺍﻗﻼﺭﭼﻪ ﺋﯚﺯﯨﮕﻪ ﺋﻪﻳﺪﯨﺰ ﯞﯨﺮﯗﺳﻰ ﻳﯘﻗﯘﭖ ﻗﺎﻟﻐﺎﻧﻠﯩﻘﯩﺪﯨﻦ ﺩﻩﺭ ﮔﯘﻣﺎﻥ ﺑﻮﻟﯘﭖ ، ﺋﺎﺧﯩﺮﻯ ﻏﻪﻳﺮﻩﺗﻜﻪ ﻛﯧﻠﯩﭗ ﺷﯩﻨﺠﺎﯓ ﻣﯧﺪﯨﺘﺴﯩﻨﺎ ﺋﯘﻧﯩﯟﯦﺮﺳﯩﺘﯧﺘﻰ ﺑﯩﺮﯨﻨﭽﻰ ﺩﻭﺧﺘﯘﺭﺧﺎﻧﯩﺴﻰ ﻫﻪﻣﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﺩﻭﺧﺘﯘﺭﺧﺎﻧﯩﺴﻰ ﻫﻪﻣﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﯞﻩ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﻮﺭﯗﻧﻠﯩﺮﯨﻐﺎ ﺑﯧﺮﯨﭗ ﻗﺎﻳﺘﺎ ‏- ﻗﺎﻳﺘﺎ ﻗﺎﻥ ﺋﻪﯞﺭﯨﺸﻜﯩﺴﯩﻨﻰ ﺗﻪﻛﺸﯜﺭﺗﻜﻪﻥ . ﻧﻪﺗﯩﺠﯩﺪﻩ ﺑﯘ ﺩﻭﺧﺘﯘﺭﺧﺎﻧﺎ ﻫﻪﻡ ﻗﺎﻥ ﺗﻪﻛﺸﯜﺭﯛﺵ ﺋﻮﺭﯗﻧﻠﯩﺮﯨﻨﯩﯔ ﺩﯨﺌﺎﮔﻨﻮﺯﻯ ﺋﻮﺧﺸﺎﺷﻼ ﺋﯘﻧﯩﯔ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻤﯩﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ .

ﺷﯘﻧﺪﯨﻼ ﺑﯘ ﺋﺎﻳﺎﻝ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﻨﯩﯔ ﺋﯚﺯﯨﮕﻪ ﺋﻪﻳﺪﯨﺰ ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﻮﻳﻐﺎﻧﻠﯩﻘﯩﻨﻰ ﺟﻪﺯﯨﻤﻠﻪﺷﺘﯜﺭﮔﻪﻥ. ﺋﻪﻣﻤﺎ ﺑﯘ ﺟﻪﺭﻳﺎﻧﺪﺍ ﺑﺎﻟﯩﺴﯩﺪﯨﻦ، ﺑﻪﺧﺘﯩﺪﯨﻦ، ﺗﯧﻨﯩﭻ ﺗﯘﺭﻣﯘﺷﯩﺪﯨﻨﻤﯘ ﺋﺎﻳﺮﯨﻠﻐﺎﻥ ﺋﯩﺪﻯ.

ﺑﻪﻟﻜﯩﻢ ﺑﯘ ﺋﺎﻳﺎﻝ ﻣﯘﺷﯘ ﻗﻪﺩﻩﻣﻨﻰ ﺑﺎﻟﺪﯗﺭﺭﺍﻕ ﺑﺎﺳﻘﺎﻥ ﺑﻮﻟﺴﺎ ﺑﺎﻟﯩﺴﯩﻨﻰ ﻗﯘﺗﻘﯘﺯﯗﭖ ﻗﺎﻟﻐﺎﻥ ﺑﻮﻻﺗﺘﻰ . ﺷﯘﻧﺪﺍﻗﺘﯩﻤﯘ ﺑﯘ ﺋﺎﻳﺎﻝ ﻗﻮﻟﯩﺪﯨﻜﻰ ﻛﯜﭼﻠﯜﻙ ﺋﯩﺴﭙﺎﺗﻠﯩﺮﻯ ﺑﯩﻠﻪﻥ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﻨﯩﯔ ﺧﺎﺗﺎ ﺩﯨﺌﺎﮔﻨﻮﺯﻯ ﺗﯜﭘﻪﻳﻠﻰ ﺑﯧﺸﯩﻐﺎ ﻛﻪﻟﮕﻪﻥ ﺑﻪﺧﯩﺘﺴﯩﺰﻟﯩﻜﻠﻪﺭﻧﯩﯔ ﺑﻪﺩﯨﻠﯩﻨﻰ ﺗﯚﻟﯩﺘﯩﺶ ﺋﯜﭼﯜﻥ ﻣﻪﺟﺒﯘﺭﯨﻲ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯧﺮﺍﺗﺴﯩﻴﻪ ﻗﯩﻠﯩﺶ ﺟﻪﺭﻳﺎﻧﯩﺪﯨﻜﻰ ﺩﺍﯞﺍﻻﺵ ﻫﻪﻗﻘﻰ، ﻛﯜﺗﯜﻧﯜﺵ ، ﺩﻭﺭﺍ ﭼﯩﻘﯩﻤﻠﯩﺮﻯ ﯞﻩ ﺩﯗﭼﺎﺭ ﺑﻮﻟﻐﺎﻥ ﺭﻭﻫﯩﻲ ﺋﺎﺯﺍﺑﻠﯩﺮﻯ ﺋﯜﭼﯜﻥ -2007 - ﻳﯩﻠﻰ 5- ﺋﺎﻳﺪﺍ ﺳﻮﺗﻘﺎ ﺭﻩﺳﻤﯩﻲ ﺋﻪﺭﺯ ﺳﯘﻧﯘﭖ ﺩﻭﺧﺘﯘﺭﺧﺎﻧﯩﺪﯨﻦ ﺋﯩﻜﻜﻰ ﻳﯜﺯ ﻣﯩﯔ ﻳﯜﻩﻥ ﺗﯚﻟﻪﻡ ﺗﻪﻟﻪﭖ ﻗﯩﻠﻐﺎﻥ.

ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ ﻣﻪﺳﺌﯘﻟﯩﻴﻪﺗﺘﯩﻦ ﻗﯧﭽﯩﭗ ﻗﯘﺗﯘﻻﻟﻤﯩﺪﻯ

ﺷﯩﻤﯩﮕﯘ ﺭﺍﻳﻮﻧﻠﯘﻕ ﺧﻪﻟﻖ ﺳﻮﺕ ﻣﻪﻫﻜﯩﻤﯩﺴﯩﺪﻩ ﺋﯧﭽﯩﻠﻐﺎﻥ ﺳﻮﺗﺘﺎ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ ﻣﻪﺳﺌﯘﻟﯩﻴﻪﺗﻨﻰ ﺑﻮﻳﻨﯩﻐﺎ ﺋﺎﻟﻤﯩﻐﺎﻥ . ﺋﯘﻻﺭ ﺩﻩﺳﻠﻪﭖ ﺑﯘ ﺩﻭﺧﺘﯘﺭﺧﺎﻧﯩﻨﯩﯔ ﻗﺎﻥ ﺋﻪﯞﺭﯨﺸﻜﯩﺴﻰ ﺋﯜﺳﺘﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺶ ﻫﻮﻗﯘﻗﻰ ﻫﻪﻡ ﺋﻪﻳﺪﯨﺰ ﺩﯨﺌﺎﮔﻨﻮﺯﻯ ﻗﻮﻳﯘﺵ ﺳﻪﯞﯨﻴﯩﺴﻰ ﻳﻮﻗﻠﯘﻗﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ،ﻣﻪﺳﺌﯘﻟﯩﻴﻪﺗﻨﻰ ﻣﻪﺯﻛﯘﺭ ﺩﻭﺧﺘﯘﺭﺧﺎﻧﯩﻨﻰ ﻗﺎﻥ ﺋﻪﯞﺭﯨﺸﻜﯩﺴﻰ ﺋﺎﻧﺎﻟﯩﺰ ﻧﻪﺗﯩﺠﯩﺴﻰ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﻪﺭﻛﯩﺰﯨﮕﻪ ﺋﺎﺗﻘﺎﻥ .

ﺋﻪﻣﻤﺎ ﺑﯘ ﻣﻪﺭﻛﻪﺯ ، ﻗﺎﻥ ﺋﻪﯞﺭﯨﺸﻜﯩﺴﻰ ﺋﯜﺳﺘﯩﺪﯨﻦ ﺋﺎﻧﺎﻟﯩﺰﻯ ﭼﯩﻘﺎﺭﻏﺎﻥ ﺑﯩﻠﻪﻥ ﺑﯩﻤﺎﺭ ﺑﯩﻠﻪﻥ ﺑﯩﯟﺍﺳﺘﻪ ﺋﯘﭼﺮﺍﺷﻤﯩﻐﺎﻧﻠﯩﻘﻰ ﭘﻪﻗﻪﺕ ، ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ ﻳﻮﻟﻼﭖ ﺑﻪﺭﮔﻪﻥ ﻗﺎﻥ ﺋﻪﯞﺭﯨﺸﻜﯩﻠﯩﺮﻯ ﺋﯜﺳﺘﯩﺪﯨﻦ ﺗﻪﻛﺸﯜﺭﯛﭖ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ ﺷﯘﯕﺎ ﺋﯚﺯﻟﯩﺮﯨﻨﯩﯔ ﭘﻪﻗﻪﺕ ﻗﺎﻥ ﺋﻪﯞﺭﯨﺸﻜﯩﺴﻰ ﺋﯜﺳﺘﯩﺪﻩ ﺋﯧﻠﯩﭗ ﺑﺎﺭﻏﺎﻥ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﮕﯩﻼ ﻣﻪﺳﺌﯘﻝ ﺋﯩﻜﻪﻧﻠﯩﻜﻰ ، ﺑﯩﻤﺎﺭﻏﺎ ﻣﻪﺳﺌﯘﻝ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺩﻩﺗﺎﻻﺵ ﺟﻪﺭﻳﺎﻧﯩﺪﺍ ﺋﺎﺧﯩﺮﻯ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﻨﯩﯔ ﻣﻪﺯﻛﯘﺭ ﻗﺎﻥ ﺗﻪﻛﺸﯜﺭﯛﺵ ﻣﻪﺭﻛﯩﺰﯨﮕﻪ ﺑﯩﻤﺎﺭﻻﺭﻧﯩﯔ ﻗﺎﻥ ﺋﻪﯞﺭﯨﺸﻜﯩﺴﻰ ﻳﻮﻟﻠﯩﻐﺎﻧﺪﺍ ﺧﺎﺗﺎ ﻳﻮﻟﻼﭖ ﻳﻪﻧﻰ ﺑﺎﺷﻘﺎ ﺑﯩﺮ ﺑﯩﻤﺎﺭ ﺑﯩﻠﻪﻥ ﺋﺎﻟﻤﺎﺷﺘﯘﺭﯗﭖ ﻗﻮﻳﻐﺎﻧﻠﯩﻘﻰ ﺳﻪﯞﻩﺑﻠﯩﻚ ، ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻨﯩﯔ ﺑﺎﻟﯩﺴﯩﻨﻰ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﺪﯗﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﻰ ﺋﯩﺴﭙﺎﺗﻼﻧﻐﺎﻥ.

ﺧﺎﺗﺎ ﺩﯨﺌﺎﮔﻨﻮﺯ ﺋﺎﺭﻗﯩﻠﯩﻖ ﺯﯨﻴﺎﻧﻐﺎ ﺋﯘﭼﺮﯨﻐﯘﭼﯩﻨﯩﯔ ﺋﻪﺭﺯﻯ ﻗﻮﺑﯘﻝ ﺑﻮﻟﯘﭖ، ﺋﺎﺧﯩﺮﻯ ﻟﯩﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ ﻗﺎﻧﯘﻧﯩﻲ ﺟﺎﯞﺍﺑﻜﺎﺭﻟﯩﻘﺘﯩﻦ ﻗﯧﭽﯩﭗ ﻗﯘﺗﯘﻻﻟﻤﯩﻐﺎﻥ ﻫﻪﻣﺪﻩ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﯧﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﯞﻩ ﺯﯨﻴﺎﻧﻐﺎ ﺋﯘﭼﺮﯨﻐﯘﭼﻰ ﺑﯘ ﺋﯘﻳﻐﯘﺭ ﺋﺎﻳﺎﻟﻐﺎ 74 ﻣﯩﯔ 880 ﻳﯜﻩﻥ ﺗﯚﻟﻪﻡ ﺗﯚﻟﯩﮕﻪﻥ.

ﺩﯦﻠﻮ ﺗﯧﺨﻰ ﺋﺎﺧﯩﺮﻻﺷﻤﯩﺪﻯ...

ﺩﯦﻤﻪﻙ ﺑﯘ ﯞﻩﻗﻪﺩﯨﻦ ﻣﯘﻧﺪﺍﻕ ﺑﯩﺮ ﺋﯩﺒﺮﻩﺕ ﺋﺎﻟﯩﻤﯩﺰ ﻳﻪﻧﻰ ﺑﯩﺮﻩﺭ ﺩﺍﯞﺍﻻﺵ ﺋﻮﺭﻧﻰ ﺑﯩﻤﺎﺭﻻﺭ ﺋﯜﺳﺘﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﻮﻳﻐﺎﻧﺪﺍ ﻗﺎﻧﯘﻥ ﺑﯘﻳﯩﭽﻪ ﺟﺎﯞﺍﺑﻜﺎﺭﻟﯩﻘﻰ ﺳﯜﺭﯛﺷﺘﻪ ﻗﯩﻠﯩﻨﯩﺪﯗ. ﻳﯘﻗﯩﺮﯨﻘﻰ ﯞﻩﻗﻪﺩﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﻰ ﻳﻪﻧﻰ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﯘﻳﯘﻟﻐﺎﻥ ﺑﯘ ﺋﯘﻳﻐﯘﺭ ﺋﺎﻳﺎﻟﻨﯩﯔ ﻗﯩﺴﻤﻪﺗﻠﯩﺮﻯ ﻣﯘﺷﯘﻧﯩﯔ ﺑﯩﻠﻪﻥ ﺋﺎﺧﯩﺮﯨﻼﺷﺘﯩﻤﯘ ﺩﻩﻳﻠﻰ، ﺋﻪﻣﻤﺎ ﺑﯘ ﯞﻩﻗﻪﺩﻩ ﻳﻪﻧﻪ ﺑﯩﺮ ﮔﯘﻣﺎﻧﻠﯩﻖ ﺳﻮﺋﺎﻟﻐﺎ ﺟﺎﯞﺍﺏ ﺗﯧﭙﯩﻠﻤﯩﺪﻯ.

ﺋﻪﮔﻪﺭ ﻫﺎﻣﯩﻠﺪﺍﺭ ﺋﺎﻳﺎﻟﻼﺭ ﺭﺍﺳﻼ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺑﻮﻟﺴﺎ ﭼﻮﻗﯘﻡ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﯩﺸﻰ ﺷﻪﺭﺗﻤﯘ؟

ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﯨﻜﻰ ﭼﻮﯓ ﺩﻭﺧﺘﯘﺭﺧﺎﻧﯩﻼﺭﺩﯨﻦ ﺋﯧﻨﻮﯞﺍ ﺩﻭﺧﺘﯘﺭﺧﺎﻧﯩﺴﻰ ﺗﯘﻏﯘﺕ ﺑﯚﻟﯜﻣﻰ ﺩﻭﻛﺘﻮﺭﻯ ﺋﺎﺩﯗﺕ ﺋﻪﭘﻪﻧﺪﻯ ﺑﯘ ﺳﻮﺋﺎﻟﯩﻤﯩﺰﻏﺎ ﻛﻪﺳﻜﯩﻦ ﻫﺎﻟﺪﺍ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: ﺋﺎﺩﻩﺗﺘﻪ ﺑﻪﺵ ﺋﺎﻳﻠﯩﻖ ﺑﻮﻟﻐﺎﻥ ﻫﺎﻣﯩﻠﻪ ﺋﯜﺳﺘﯩﺪﯨﻦ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﯩﻨﻤﺎﻳﺪﯗ، ﺋﺎﻧﯩﻨﯩﯔ ﺋﻪﻳﺪﯨﺰ ﻳﯘﻗﯘﻣﺪﺍﺭﻯ ﺋﯩﻜﻪﻧﻠﯩﻜﯩﻤﯘ ﺑﺎﻟﯩﻨﻰ ﺋﯚﻟﺘﯜﺭﯛﺷﻜﻪ ﺳﻪﯞﻩﺏ ﺑﻮﻻﻟﻤﺎﻳﺪﯗ. ﭼﯜﻧﻜﻰ ﺋﻪﮔﻪﺭ ﺋﺎﻧﺎ ﺋﻪﻳﺪﯨﺰ ﻳﯘﻗﯘﻣﺪﺍﺭﻯ ﺑﻮﻟﺴﺎ ﯞﯨﺮﯗﺳﻨﯩﯔ ﺑﺎﻟﯩﺴﯩﻐﺎ ﻳﯘﻗﯘﺵ ﺋﯧﻬﺘﯩﻤﺎﻟﻠﯩﻘﻰ %1، %2 ﺑﻮﻟﯩﺪﯗ . ﺋﯧﻐﯩﺮ ﺑﻮﻟﻐﺎﻥ %11 ﻛﯩﭽﻪ ﺑﻮﻟﯩﺪﯗ . ﺑﯩﺰ ﭘﻪﻗﻪﺕ ﺋﺎﻧﯩﻐﺎ ﻣﯘﯞﺍﭘﯩﻖ ﺩﻭﺭﺍ ﺑﯩﻠﻪﻥ ﺩﺍﯞﺍﻻﺵ ﺋﯧﻠﯩﭗ ﺑﺎﺭﯨﻤﯩﺰ ﻫﻪﻣﺪﻩ ﺑﺎﻟﯩﻨﯩﯔ ﻫﺎﻣﯩﻠﻪ ﺗﯘﻏﯘﻟﯘﺵ ﻫﻪﻣﺪﻩ ﺋﯩﻤﯩﺶ ﺑﺎﺳﻘﯘﭼﻠﯩﺮﯨﺪﺍ ﺋﻪﻳﺪﯨﺰ ﺋﺎﻧﯩﺴﻰ ﺑﻪﺩﯨﻨﯩﺪﯨﻜﻰ ﺋﻪﻳﺪﯨﺰ ﯞﯨﺮﯗﺳﯩﺪﯨﻦ ﻳﯘﻗﯘﻣﻠﯩﻨﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻠﯩﻨﯩﻤﯩﺰ . ﺷﯘ ﺋﺎﺭﻗﯩﻠﯩﻖ ﺑﺎﻟﯩﻨﯩﯔ ﻧﻮﺭﻣﺎﻝ ﺗﯘﻏﯘﻟﯩﺸﯩﻐﺎ ﺋﺎﺳﺎﺳﻪﻥ %99 ﻛﯩﭽﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﯩﺪﯗ.

ﺋﻪﮔﻪﺭﺩﻩ ﻫﯧﭽﻘﺎﻧﺪﺍﻕ ﺩﻭﺭﺍ ﺋﯩﺸﻠﻪﺗﻤﯩﮕﻪﻥ ﻫﺎﻟﺪﺍ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺵ ﺋﯧﻬﺘﯩﻤﺎﻟﻠﯩﻘﻰ ﻗﺎﻧﭽﯩﻠﯩﻚ ﻳﯘﻗﯩﺮﻯ؟

ﺷﯩﻨﺠﺎﯕﺪﺍ ﻗﺎﻧﺪﺍﻗﻠﯩﻘﯩﻨﻰ ﺑﯩﻠﻤﯩﺪﯨﻢ، ﭘﯜﺗﯜﻥ ﺩﯗﻧﻴﺎﺩﺍ ﻫﺎﺯﯨﺮ ﺑﯘ ﺧﯩﻞ ﻫﺎﻣﯩﻠﺪﺍﺭ ﺋﺎﻳﺎﻟﻼﺭﻏﺎ ﺑﯧﺮﯨﻠﯩﺪﯨﻐﺎﻥ ﺩﻭﺭﺍ ﻫﻪﻡ ﺩﺍﯞﺍﻻﺵ ﺷﺎﺭﺍﺋﯩﺘﻰ ﺑﺎﺭ، ﺑﻪﻟﻜﯩﻢ ﺋﯘ ﻳﻪﺭ ﺑﻪﻙ ﻧﺎﻣﺮﺍﺕ ﺑﻮﻟﺴﺎ ﻛﯧﺮﻩﻙ، ﺑﯩﺮﺍﻕ ، ﻫﯧﭽﻘﺎﻧﺪﺍﻕ ﺩﺍﯞﺍﻻﺵ ﺋﯧﻠﯩﭗ ﺑﺎﺭﻣﯩﻐﺎﻧﺪﯨﻤﯘ، ﺋﺎﻧﺎ ﺋﻪﻳﺪﯨﺰ ﻳﯘﻗﯘﻣﺪﺍﺭﻯ ﺑﻮﻟﺴﺎ ﺑﺎﻟﯩﻨﯩﯔ ﻳﯘﻗﯘﻣﻠﯩﻨﯩﺶ ﺋﯧﻬﺘﯩﻤﺎﻟﻠﯩﻘﻰ%25 ﺋﻪﺗﺮﺍﭘﯩﺪﺍ ﺑﻮﻟﯩﺪﯗ. ﺋﯧﻬﺘﯩﻤﺎﻟﻠﯩﻖ ﭼﻮﯓ ﺑﻮﻟﻐﺎﻧﺪﯨﻤﯘ ، ﺋﯘ ﺑﺎﻟﯩﻨﯩﯔ ﻫﺎﻳﺎﺗﯩﻨﻰ ﺋﺎﺧﯩﺮﻻﺷﺘﯘﺭﯗﭖ ﺋﯘﻧﻰ ﺋﺎﻟﺪﯗﺭﯗﯞﯦﺘﯩﺸﻘﺎ ﻛﯜﭼﻠﯜﻙ ﺳﻪﯞﻩﺏ ﺑﻮﻻﻟﻤﺎﻳﺪﯗ . ﺋﯘﻧﯩﯔ ﺋﯜﺳﺘﯩﮕﻪ ﻳﯩﮕﯩﺮﻣﻪ ﻫﻪﭘﺘﯩﻠﯩﻚ ﺑﻮﻟﻐﺎﻥ ﻫﺎﻣﯩﻠﯩﻨﻰ ﺋﯧﻠﯩﯟﯦﺘﯩﺶ ﺋﺎﻧﺎ ﺋﯜﭼﯜﻧﻤﯘ ﺑﻪﻙ ﺧﻪﺗﻪﺭﻟﯩﻚ، ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺟﻪﻫﻪﺗﺘﯩﻨﻤﯘ ﺋﯧﻐﯩﺮ ﻳﺎﻣﺎﻥ ﺗﻪﺳﯩﺮﻟﻪﺭﻧﻰ ﺋﯧﻠﯩﭗ ﻛﯧﻠﯩﺪﯗ. ﻫﻪﺗﺘﺎ ﻗﺎﻳﺘﺎ ﻫﺎﻣﯩﻠﺪﺍﺭ ﺑﻮﻟﻤﺎﺳﻠﯩﻘﻘﺎ ﺋﯧﻠﯩﭗ ﺑﯧﺮﯨﺸﻰ ﻣﯘﻣﻜﯩﻦ. ﺋﺎﻣﯧﺮﯨﻜﯩﺪﺍ ﻫﻪﺭ ﻗﺎﻧﺪﺍﻕ ﺳﻪﯞﻩﺏ ﺑﻮﻟﺴﯩﻤﯘ ، ﺑﻪﺵ ﺋﺎﻳﻠﯩﻖ ﺑﻮﻟﻐﺎﻥ ﻫﺎﻣﯩﻠﯩﻨﻰ ﭼﯜﺷﯜﺭﯛﺵ ﯞﺍﺳﺘﯩﺴﻰ ﻗﻮﻟﻼﻧﻤﺎﻳﻤﯩﺰ.

ﺩﯦﻤﻪﻙ ، ﻫﺎﻣﯩﻠﺪﺍﺭ ﺋﺎﻧﯩﻨﯩﯔ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﯘﻧﯩﯔ ﺑﺎﻟﯩﺴﯩﻨﻰ ﭼﯜﺷﯜﺭﯛﯞﯦﺘﯩﺸﻜﻪ ﺋﺎﺳﺎﺱ ﺑﻮﻻﻟﻤﺎﻳﺪﯗ.

ﺋﻪﻳﺪﯨﺰ ﻳﯘﻗﯘﻣﺪﺍﺭﻯ ﺑﻮﻟﻐﺎﻥ ﺋﺎﻧﯩﺪﯨﻦ ﺗﯘﻏﯘﻟﻐﺎﻥ ﺑﺎﻟﯩﻨﯩﯔ ﭼﻮﻗﯘﻡ ﺋﻪﻳﺪﯨﺰ ﺑﻮﻟﯘﺵ ﺋﯧﻬﺘﯩﻤﺎﻟﻠﯩﻘﻰ ﺋﯩﻨﺘﺎﻳﯩﻦ ﺗﯚﯞﻩﻥ ﺋﯩﻜﻪﻥ ، ﺋﯘ ﺑﺎﻟﯩﻨﯩﯔ ﺑﯘ ﺩﯗﻧﻴﺎﻏﺎ ﻛﯧﻠﯩﺸﯩﻨﻰ ﭼﻪﻛﻠﻪﺵ، ﻳﻪﻧﻰ ﺋﺎﻧﺎ ﺋﻪﻳﺪﯨﺰ ﺑﯩﻤﺎﺭﻯ ﺑﻮﻟﻐﺎﻥ ﺗﻪﻗﺪﯨﺮﺩﯨﻤﯘ ﺋﯘﻧﯩﯔ ﺑﺎﻟﯩﺴﯩﻨﻰ ﭼﯜﺷﯜﺭﯛﺵ ﻣﯧﺪﯨﺘﺴﯩﻨﺎ ﺋﯩﻠﻤﯩﻐﺎ ﺗﺎﻳﺎﻧﻐﺎﻥ ﺗﻪﺩﺑﯩﺮ ﺑﻮﻟﻤﯩﻐﺎﻧﺪﺍ ، ﺑﯘ ﺑﯩﺮ ﭘﯩﻼﻧﻠﯩﻖ ﺗﯘﻏﯘﺕ ﺗﻪﺩﺑﯩﺮﯨﻤﯘ ؟ ﺑﯘ ﻧﯧﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ ؟ﺋﺎﻧﯩﻨﯩﯔ ﺗﯘﻏﯘﺵ ﻫﻮﻗﯘﻗﯩﻨﻰ ، ﺑﺎﻟﯩﻨﯩﯔ ﺗﯘﻏﯘﻟﯘﺵ ﻫﻮﻗﯘﻗﯩﻨﻰ ﺋﺎﺳﺎﺳﺴﯩﺰ ﻫﺎﻟﺪﺍ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯧﺮﺍﺗﺴﯩﻴﯩﺴﻰ ﺋﺎﺭﻗﯩﻠﯩﻖ ﺗﺎﺭﺗﯩﯟﯦﻠﯩﺶ ﺑﯩﺮ ﻗﺎﺗﯩﻠﻠﯩﻖ ﺧﺎﻻﺱ .

ﺋﯘﻧﺪﺍﻗﺘﺎ ﺋﻪﻳﺪﯨﺰ ﺗﯧﺰ ﺳﯜﺭﺋﻪﺗﺘﻪ ﻳﺎﻣﺮﺍﯞﺍﺗﻘﺎﻥ ﺋﯘﻳﻐﯘﺭ ﺋﯧﻠﯩﺪﻩ ﺑﯘ ﺧﯩﻞ ﻗﺎﺗﯩﻠﻠﯩﻖ ﻗﺎﻳﺴﻰ ﺋﻮﺭﯗﻧﻼﺭﺩﺍ ، ﻗﺎﻳﺴﻰ ﺩﻩﺭﯨﺠﯩﺪﻩ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ؟ ﺑﯘ ﺧﯩﻞ ﭘﺎﺟﯩﺌﻪﻟﻪﺭﻧﻰ ﻛﯩﻢ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ؟ ﺋﯘﻳﻐﯘﺭ ﻛﯩﺸﯩﻠﯩﺮﯨﻨﯩﯔ ﺋﻪﻳﺪﯨﺰ ﻫﻪﻗﻘﯩﺪﻩ ﺳﺎﯞﺍﺩﻯ ﺗﯚﯞﻩﻥ ﺩﯦﮕﻪﻧﺪﯨﻤﯘ ، ﺩﻭﺧﺘﯘﺭﻻﺭﻧﯩﯖﭽﯘ؟ ﺩﻭﺧﺘﯘﺭﺧﺎﻧﯩﻼﺭﻧﯩﯖﭽﯘ؟ ﺑﯘ ﺳﻮﺋﺎﻟﻐﺎ ﻛﯧﻴﯩﻨﻜﻰ ﭘﺮﻭﮔﺮﺍﻣﻤﯩﻤﯩﺰﺩﺍ ﺋﯘﻳﻐﯘﺭ ﺋﯧﻠﻰ ﻫﻪﻣﺪﻩ ﺧﯩﺘﺎﻳﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺳﯩﻴﺎﺳﻪﺕ ‏- ﻗﺎﻧﯘﻧﻠﯩﺮﯨﺪﯨﻦ ﺟﺎﯞﺍﺏ ﺋﯩﺰﺩﻩﻳﻠﻰ. (ﮔﯜﻟﭽﯧﻬﺮﻩ)