ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﻳﯜﺯ ﻛﯜﻧﻠﯜﻙ ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ ﻧﻰ ﺑﺎﺷﻠﯩﺪﻯ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ 'ﺗﻪﯕﺮﯨﺘﺎﻍ ﺗﻮﺭ ﺑﯧﺘﻰ' ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﺑﯜﮔﯜﻥ 3 ‏- ﺋﺎﻳﻨﯩﯔ 17 ‏- ﻛﯜﻧﻰ، ﺧﯩﺘﺎﻳﻨﯩﯔ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻡ ﺑﺎﺷﻠﯩﻘﻰ ﻟﻰ ﻳﻰ ﺋﯜﺭﯛﻣﭽﯩﺪﻩ ﺗﯧﻠﯧﻔﻮﻥ ﻳﯩﻐﯩﻨﻰ ﭼﺎﻗﯩﺮﯨﭗ، ﻳﯜﺯ ﻛﯜﻧﻠﯜﻙ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ' ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﺸﻨﻰ ﺋﻮﺭﯗﻧﻼﺷﺘﯘﺭﻏﺎﻥ. ﺋﯘ ﺳﯚﺯﯨﺪﻩ ﺳﯩﻴﺎﺳﯩﻲ ﯞﻩ ﺩﯨﻨﯩﻲ ﺗﯜﺱ ﺋﺎﻟﻐﺎﻥ ﻧﻪﺷﺮﯨﻴﺎﺕ ﺑﯘﻳﯘﻣﻠﯩﺮﯨﻐﺎ ﺯﻩﺭﺑﻪ ﺑﯧﺮﯨﺸﻨﻰ، ﭼﯘﯕﻘﯘﺭ ﻗﯧﺰﯨﺸﻨﻰ ﯞﻩ ﺯﻩﺭﺑﻪ ﺑﯧﺮﯨﺶ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﺸﻨﻰ ﺗﻪﻛﯩﺘﻠﯩﮕﻪﻥ.

ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ'

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 2007 ‏- ﻳﯩﻠﻰ ﺋﯩﭽﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﻰ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ' ﺋﯜﭼﯜﻥ ﺋﺎﺟﺮﺍﺗﻘﺎﻥ ﻗﺎﻧﯘﻥ ﺧﺎﺩﯨﻤﻠﯩﺮﻯ 59700 ﻧﻪﭘﻪﺭ ﺋﺎﺩﻩﻡ ‏- ﻗﯧﺘﯩﻤﯩﻐﺎ ﻳﻪﺗﻜﻪﻥ، 6435 ﻛﯩﺘﺎﺏ ﺩﯗﻛﯩﻨﻰ ﻳﺎﻛﻰ ﻳﺎﻳﻤﯩﻨﻰ ﺑﺎﻳﻘﯩﻐﺎﻥ، ﺑﯩﺮ ﻣﯩﻠﻴﻮﻥ ﺳﻪﻛﻜﯩﺰ ﻳﯜﺯ ﺋﻮﻧﻤﯩﯔ ﭘﺎﺭﭼﻪ ﻛﯩﺘﺎﺑﻨﻰ ﻣﯘﺳﺎﺩﯨﺮﻩ ﻗﯩﻠﻐﺎﻥ، 94 ﻛﯩﺘﺎﺏ ﺩﯗﻛﯩﻨﯩﻨﻰ ﺗﺎﻗﯩﻐﺎﻥ، ﺋﯩﻨﺘﯧﺮﻧﯧﺖ ﺗﻮﺭﯨﺪﯨﻦ 3 ﻧﻰ ﺗﺎﻗﯩﻐﺎﻥ، 81 ﺩﯦﻠﻮﻧﻰ ﺳﺎﻗﭽﻰ ﺋﻮﺭﮔﺎﻧﻠﯩﺮﯨﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻐﺎ ﺋﯚﺗﻜﯜﺯﯛﭖ ﺑﻪﺭﮔﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﻰ 'ﺧﯩﺘﺎﻳﭽﻪ ﺳﻮﺗﺴﯩﻴﺎﻟﯩﺰﻡ' ﺋﯜﭼﯜﻥ ﻗﻮﺷﯘﻟﻐﺎﻥ ﺯﻭﺭ ﺗﯚﻫﭙﻪ ﺩﻩﭖ ﻫﯧﺴﺎﺑﻼﭖ، ﺑﯘﻧﺪﺍﻕ ﻗﺎﻧﯘﻧﺴﯩﺰ ﻫﻪﺭﯨﻜﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﻗﺎﻧﯘﻥ ﺧﺎﺩﯨﻤﻠﯩﺮﯨﻨﻰ ﻣﯘﻛﺎﭘﺎﺗﻠﯩﻐﺎﻥ.

ﺧﻪﯞﻩﺭ ﺋﺎﺭﺧﯩﭙﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ' ﺩﻩﭖ ﺋﺎﺗﺎﻟﻐﺎﻥ ﻫﻪﺭﯨﻜﻪﺗﻨﻰ ﺋﯧﻠﯩﭗ ﺑﯧﺮﯨﺸﻰ ﻳﯧﯖﻰ ﻧﻪﺭﺳﻪ ﺋﻪﻣﻪﺱ، ﺑﯘﻧﯩﯖﺪﯨﻦ ﺑﯘﺭﯗﻧﻤﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ ﻫﺎﻟﺪﺍ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ'، 'ﺷﻪﻫﯟﺍﻧﯩﻲ ﺑﯘﻳﯘﻣﻼﺭﻏﺎ ﺯﻩﺭﺑﻪ ﺑﯧﺮﯨﺶ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﺋﯚﻳﯩﺪﯨﻦ ﻗﯘﺭﺋﺎﻥ ﻛﯧﺮﯨﻢ ﯞﻩ ﺑﺎﺷﻘﺎ ﺩﯨﻨﯩﻲ ﻛﯩﺘﺎﺑﻼﺭﻧﻰ ﻣﻪﺟﺒﯘﺭﯨﻲ ﻳﯩﻐﯩﯟﺍﻟﯩﺪﯨﻐﺎﻥ ﻗﺎﻧﯘﻧﺴﯩﺰ ﻫﻪﺭﯨﻜﻪﺗﻠﻪﺭﻧﻰ ﺳﺎﺩﯨﺮ ﻗﯩﻠﻐﺎﻥ ﺋﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺑﯘ ﻫﻪﻗﺘﻪ ﺋﻮﺑﺰﻭﺭ ﺋﯧﻼﻥ ﻗﯩﻠﺪﻯ.

ﺧﯩﺘﺎﻱ ﻫﺎﺯﯨﺮ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ' ﺋﯜﭼﯜﻥ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﺋﯩﺸﻘﺎ ﺳﯧﻠﯩﯟﺍﺗﯩﺪﯗ

ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭ ﻳﯘﺭﺗﻠﯩﺮﯨﻐﺎ ﺷﻪﻫﯟﺍﻧﯩﻴﻠﯩﻘﻼﺭﻧﯩﯔ ﻫﻪﻣﻤﯩﺴﯩﻨﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺋﯧﻠﯩﭗ ﻛﻪﻟﮕﻪﻥ، ﺋﻪﻣﻤﺎ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻫﺎﺯﯨﺮ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ' ﺩﯦﮕﯩﻨﻰ، ﺧﯩﺘﺎﻳﻼﺭﺩﯨﻜﻰ ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ ﺋﻪﻣﻪﺱ، ﺑﻪﻟﻜﻰ ﺋﺎﺳﺎﺳﻪﻥ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ، ﺯﻩﺭﺑﻪ ﺑﻪﺭﻣﻪﻛﭽﻰ ﯞﻩ ﺗﺎﺯﯨﻠﯩﻤﺎﻗﭽﻰ ﺑﻮﻟﯘﯞﺍﺗﻘﯩﻨﻰ ﻳﻪﻧﯩﻼ ﺋﯘﻳﻐﯘﺭﻻﺭ ﺋﯚﺯﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ، ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﺵ ﺋﯜﭼﯜﻥ، ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺵ ﺋﯜﭼﯜﻥ ﻧﻪﺷﺮ ﻗﯩﻠﻐﺎﻥ ﻧﻪﺷﺮﯨﻴﺎﺕ ﺑﯘﻳﯘﻣﻠﯩﺮﯨﺪﯨﻦ ﺋﯩﺒﺎﺭﻩﺕ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻫﻪﺭﯨﻜﻪﺗﻨﻰ ﻗﻮﺯﻏﺎﺵ ﺋﯜﭼﯜﻥ ﻫﺎﺯﯨﺮ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﺋﯩﺸﻘﺎ ﺳﯧﻠﯩﯟﺍﺗﯩﺪﯗ.

ﺋﯘﻳﻐﯘﺭﻻﺭ ﻫﺎﺯﯨﺮ ﻳﯜﺯﻟﯩﻨﯩﯟﺍﺗﻘﺎﻥ ﺋﻪﻫﯟﺍﻝ ﺗﯩﺒﻪﺗﻠﻪﺭ ﺑﯩﻠﻪﻥ ﺋﻮﺧﺸﺎﺵ

ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭﻻﺭ ﻫﺎﺯﯨﺮ ﻳﯜﺯﻟﯩﻨﯩﯟﺍﺗﻘﺎﻥ ﺋﻪﻫﯟﺍﻝ ﺗﯩﺒﻪﺗﻠﻪﺭ ﺑﯩﻠﻪﻥ ﺋﻮﺧﺸﺎﺵ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﻪﺭﻧﻰ ﺑﺎﺳﺘﯘﺭﯗﺷﻘﺎ ﺳﯧﻠﯩﺸﺘﯘﺭﻏﺎﻧﺪﺍ، ﺋﯘﻳﻐﯘﺭﻻﺭﻧﻰ ﺑﯩﯟﺍﺳﺘﻪ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﺑﺎﻫﺎﻧﯩﺴﻰ ﺑﯩﻠﻪﻥ ﺑﺎﺳﺘﯘﺭﯨﯟﺍﺗﯩﺪﯗ، ﺑﺎﺳﺘﯘﺭﯗﺷﻨﯩﯔ ﺩﻩﺭﯨﺠﯩﺴﻰ ﺗﯧﺨﯩﻤﯘ ﺋﯧﻐﯩﺮ ﯞﻩ ﯞﻩﻫﺸﻰ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 'ﺳﯧﺮﯨﻘﻘﺎ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ'ﻧﻰ ﺋﯧﻠﯩﭗ ﺑﯧﺮﯨﺸﻰ ﻳﻪﻧﻪ ﺑﯩﺮ ﻧﻮﻗﺘﯩﺪﯨﻦ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭﻻﺭﺩﯨﻤﯘ ﺑﯘﻧﺪﺍﻕ ﻛﻪﯓ ﻛﯚﻟﻪﻣﻠﯩﻚ ﻧﺎﺭﺍﺯﯨﻠﯩﻖ ﻳﯜﺯ ﺑﯧﺮﯨﺸﻨﯩﯔ، ﺗﯧﺨﯩﻤﯘ ﺯﻭﺭ ﺋﻮﻳﻐﯩﻨﯩﺶ ﭘﻪﻳﺪﺍ ﺑﻮﻟﯘﺷﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﻗﻮﻟﻠﯩﻨﯩﯟﺍﺗﻘﺎﻥ ﺳﯩﻴﺎﺳﻪﺕ ﺑﯩﻠﻪﻥ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻗﻮﻟﻠﯩﻨﯩﯟﺍﺗﻘﺎﻥ ﺳﯩﻴﺎﺳﻪﺕ ﺋﻮﺧﺸﺎﺵ، ﺋﯘﻳﻐﯘﺭﻻﺭﺩﺍ ﺋﯚﺯﯨﻨﯩﯔ ﻣﯩﻠﻠﯩﻲ ﻣﻪﻧﭙﻪﺋﻪﺗﯩﻨﻰ ﺳﯧﺘﯩﭗ ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯨﻐﺎﻧﻼﺭﺩﯨﻦ ﭘﺎﻳﺪﯨﻠﯩﻨﯩﭗ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﯞﺍﺗﻘﺎﻥ ﺑﻮﻟﺴﺎ، ﺗﯩﺒﻪﺗﻠﻪﺭﺩﯨﻤﯘ ﺷﯘﻧﺪﺍﻕ ﺳﯩﻴﺎﺳﻪﺕ ﻗﻮﻟﻠﯩﻨﯩﯟﺍﺗﯩﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯖﻤﯘ ﻫﺎﻣﺎﻥ ﺑﯩﺮ ﻛﯜﻧﻰ ﺋﺎﻳﺮﯨﻠﯩﭗ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﻐﺎﻥ

ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭﻻﺭ ﻣﻪﺩﻩﻧﯩﻴﻪﺕ، ﺩﯨﻨﯩﻲ ﺟﻪﻫﻪﺗﻠﻪﺭﺩﯨﻦ ﺧﯩﺘﺎﻳﻼﺭ ﺑﯩﻠﻪﻥ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯗ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﻫﺎﻣﺎﻥ ﺑﯩﺮ ﻛﯜﻧﻰ ﺋﺎﻳﺮﯨﻠﯩﭗ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﻐﺎﻥ، ﺷﯘﯕﻼﺷﻘﺎ ﻫﺎﺯﯨﺮ ﺧﯩﺘﺎﻱ ﺧﻪﻟﻘﻨﻰ ﺑﺎﺳﺘﯘﺭﯗﺩﯨﻐﺎﻥ ﻫﻪﺭﺑﯩﻲ ﻛﯜﭼﯩﻨﻰ ﺋﺎﺳﺎﺳﻪﻥ ﺗﻪﻳﯟﻩﻥ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻗﺎﺭﺍﺗﻘﺎﻥ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺩﻩﺭﻫﺎﻝ ﻗﻮﺭﺍﻝ ﻛﯚﺗﯜﺭﯛﭖ ﭼﯩﻘﯩﺪﯨﻐﺎﻥ 'ﺑﯩﯖﺘﯘﻩﻥ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﻳﻪﻧﻪ ﺑﯩﺮﺧﯩﻞ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺑﺎﺭ.

ﺋﯘﻳﻐﯘﺭﻻﺭ ﻫﻪﺭ ﺟﻪﻫﻪﺗﺘﯩﻦ ﺑﻪﺭﺩﺍﺷﻠﯩﻖ ﺑﯧﺮﯨﭗ ﺑﻪﺩﻩﻝ ﺗﯚﻟﻪﭖ ﻛﯧﻠﯩﯟﺍﺗﯩﺪﯗ

ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭﻻﺭ ﺧﯩﺘﺎﻳﻨﯩﯔ ﺑﺎﺳﺘﯘﺭﯗﺷﯩﻐﺎ ﻫﻪﺭ ﺟﻪﻫﻪﺗﺘﯩﻦ ﺑﻪﺭﺩﺍﺷﻠﯩﻖ ﺑﯧﺮﯨﭗ ﺑﻪﺩﻩﻝ ﺗﯚﻟﻪﭖ ﻛﯧﻠﯩﯟﺍﺗﯩﺪﯗ. (ﯞﻩﻟﻰ)