ﺋﻪﻳﺪﯨﺰ ﺋﯘﻳﻐﯘﺭ ﺧﻪﻟﻘﯩﮕﻪ ﭼﺎﯕﮕﺎﻝ ﺳﺎﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻧﯚﯞﻩﺗﺘﻪ" ﺋﻪﻳﺪﯨﺰ" ﺩﯨﻦ ﯞﻩﻫﯩﻤﯩﻠﯩﻚ ﺋﺎﺗﺎﻟﻐﯘﻧﻰ ﺑﯩﻠﯩﺪﯨﻐﺎﻥ ﺋﯘﻳﻐﯘﺭ ﺑﻮﻟﻤﯩﺴﺎ ﻛﯧﺮﻩﻙ ، ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﺪﻩ ﺑﯘ ﻧﯩﺠﯩﺲ ﻛﯧﺴﻪﻟﻠﯩﻜﻨﯩﯔ ﺗﺎﺭﯨﻠﯩﺸﻰ ﻳﯩﻠﺪﯨﻦ ‏- ﻳﯩﻠﻐﺎ ﻛﯧﯖﯩﻴﯩﭗ ﻫﻪﺗﺘﺎ ﺋﯘﻳﻐﯘﺭ ﺋﯧﻠﯩﻨﯩﯔ ﻳﯧﺰﺍ ﻗﯩﺸﻼﻗﻠﯩﺮﯨﻐﯩﭽﻪ ﻳﯧﺘﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ ، ﺋﻪﻣﻤﺎ ﺑﯘﻧﯩﯖﺪﯨﻦ ﯞﻩﻫﯩﻤﻪ ﻫﯧﺲ ﻗﯩﻠﯩﯟﺍﺗﻘﺎﻥ ﺷﯘﻧﺪﺍﻗﻼ ﺋﯘﻧﯩﯔ ﺯﯨﻴﺎﻧﻜﻪﺷﻠﯩﻜﻰ ﺳﻪﯞﻩﺑﻠﯩﻚ ﺋﯧﻐﯩﺮ ﺑﻪﺩﻩﻝ ﺗﯚﻟﻪﯞﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﻪﻳﺪﯨﺰ ﻫﻪﻗﻘﯩﺪﻩ ﻫﻪﻣﺪﻩ ﺋﯘﻧﯩﯖﺪﯨﻦ ﺳﺎﻗﻠﯩﻨﯩﺶ ﻫﻪﻗﻘﯩﺪﯨﻜﻰ ﺑﯩﻠﯩﻤﻰ ﺋﯩﻨﺘﺎﻳﯩﻦ ﺋﺎﺟﯩﺰ. ﺩﻩﺭﯞﻩﻗﻪ ، ﺑﯘ ﺋﺎﺟﯩﺰﻟﯩﻖ ﺋﯘﻳﻐﯘﺭﻻﺭﻧﯩﯔ ﺑﺎﺭﻏﺎﻧﭽﻪ ﺋﻪﻳﺪﯨﺰﻧﯩﯔ ﻗﯘﺭﺑﺎﻧﯩﻐﺎ ﺋﺎﻳﻠﯩﻨﯩﺸﯩﻨﻰ ﺗﯧﺰﻟﯩﺘﯩﯟﺍﺗﻘﺎﻥ ﻣﯘﻫﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ. ﺩﻩﺳﻠﻪﭖ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﺋﯘﻳﻐﯘﺭﻻﺭﻏﺎ ﺗﺎﺭﻗﯩﻠﯩﺸﯩﺪﺍ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﺋﻮﺭﺗﺎﻕ ﺋﯩﺸﭙﺮﯨﺲ ﺑﯩﻠﻪﻥ ﺋﯘﻛﯘﻝ ﻗﯩﻠﯩﭗ ﺋﯘﺭﯗﺵ ﺋﺎﻟﺪﯨﻨﻘﻰ ﯞﺍﺳﺘﻪ ﻫﯧﺴﺎﺑﻼﻧﻐﺎﻥ ﺑﻮﻟﺴﺎ ، ﻧﯚﯞﻩﺗﺘﻪ ﻗﺎﻻﻳﻤﯩﻘﺎﻥ ﺟﯩﻨﺴﻰ ﺋﺎﻻﻗﻪ ﯞﻩ ﺑﺎﺷﻘﯩﻼﺭﻣﯘ ﺋﺎﺳﺎﺳﻠﯩﻖ ﺋﺎﻣﯩﻠﻐﺎ ﺋﺎﻳﻼﻧﺪﻯ. ﺑﯘ، ﺋﻪﻳﺪﯨﺰﻧﯩﯔ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻣﻪﻟﯘﻡ ﺩﺍﺋﯩﺮﻩ ﺋﯩﭽﯩﺪﻩ ﺗﺎﺭﯨﻠﯩﺸﺘﯩﻦ ﺑﺎﺭﻏﺎﻧﭽﻪ ﺗﯧﺰ ﻫﻪﻡ ﻛﻪﯓ ﺩﺍﺋﯩﺮﯨﺪﻩ ﻛﯚﭖ ﺧﯩﻞ ﯞﺍﺳﺘﯩﻠﻪﺭ ﺑﯩﻠﻪﻥ ﺗﺎﺭﯨﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ.

ﺋﻪﻳﺪﯨﺰ ﯞﯨﺮﯗﺳﻰ ﻳﺎﺵ-ﺋﻮﺗﺘﯘﺭﺍ ﻳﺎﺷﻼﺭﻏﺎ ﻗﺎﺭﺍﭖ ﺷﯩﺪﺩﻩﺕ ﺑﯩﻠﻪﻥ ﻫﯘﺟﯘﻡ ﻗﯩﻠﻤﺎﻗﺘﺎ

ﺋﯘﻳﻐﯘﺭ ﺋﯧﻠﯩﻨﯩﯔ ﺋﻪﻳﺪﯨﺰ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﻼﺭﻧﻰ ﻳﯩﻐﯩﻨﭽﺎﻗﻠﯩﻐﺎﻧﺪﺍ ﻣﯘﻧﺪﺍﻕ ﻳﻪﻛﯜﻧﻨﻰ ﭼﯩﻘﯩﺮﯨﺸﻘﺎ ﺑﻮﻟﯩﺪﯗ . ﻳﻪﻧﻰ ﺋﻪﻳﺪﯨﺰﻧﯩﯔ ﻳﯘﻗﯘﺵ ﻧﯩﺴﺒﯩﺘﻰ ﻳﯘﻗﯩﺮﻯ، ﻛﯧﺴﻪﻟﻨﯩﯔ ﻗﻮﺯﻏﯩﻠﯩﺸﻰ ﺗﯧﺰ ، ﻳﯘﻗﯘﻣﻨﯩﯔ ﻛﯧﯖﯩﻴﯩﺶ ﺧﻪﯞﭘﻰ ﺑﯩﺮ ﻗﻪﺩﻩﺭ ﺯﻭﺭ.

ﺋﻪﻳﺪﯨﺰ ﺋﯘﻳﻐﯘﺭ ﺋﯧﻠﯩﺪﻩ ﺑﺎﻳﻘﯩﻠﯩﭗ ﺋﻮﻥ ﻳﯩﻠﻐﯩﭽﻪ ﺑﻮﻟﻐﺎﻥ ﻣﻪﺯﮔﯩﻠﺪﻩ ﺗﻮﻣﯘﺭﻏﺎ ﺯﻩﻫﻪﺭﻧﻰ ﺋﻮﻛﯘﻝ ﺋﺎﺭﻗﯩﻠﯩﻖ ﺋﯘﺭﯗﺵ، ﺷﯩﭙﺮﯨﺴﻨﻰ ﺋﻮﺭﺗﺎﻕ ﺋﯩﺸﻠﯩﺘﯩﺸﺘﯩﻦ ﻳﯘﻗﯘﺵ، ﺋﻪﻳﺪﯨﺰﻧﯩﯔ ﺋﺎﺳﺎﺳﻠﯩﻖ ﻳﯘﻗﯘﺵ ﻳﻮﻟﻰ ﺑﻮﻟﯘﭖ ﻛﻪﻟﮕﻪﻥ ﺑﻮﻟﺴﺎ ،ﻳﯧﻘﯩﻨﻘﻰ ﺑﯩﺮ- ﺋﯩﻜﻜﻰ ﻳﯩﻠﺪﺍ ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﺋﺎﻻﻗﻪ ﺋﺎﺭﻗﯩﻠﯩﻖ ﻳﯘﻗﯘﺷﻤﯘ ﺋﺎﺳﺎﺳﻠﯩﻖ ﺗﺎﺭﻗﯩﻠﯩﺶ ﻳﻮﻟﯩﻐﺎ ﺋﺎﻳﻼﻧﺪﻯ، ﺷﯘﻧﺪﺍﻗﻼ ﻳﯘﻗﯘﻣﺪﺍﺭﻻﺭ ﻧﯩﺴﺒﯩﺘﻰ ﺟﻪﻫهﻩﺗﺘﻪ ﺋﺎﻳﺎﻟﻼﺭ ﺗﯧﺰ ﻛﯚﭘﻪﻳﻤﻪﻛﺘﻪ. ﺋﯩﻠﮕﯩﺮﻯ ﻳﯘﻗﯘﻣﺪﺍﺭﻻﺭ ﺋﺎﺳﺎﺳﻪﻥ ﺷﻪﻫهﻩﺭﻟﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﺴﺎ ، ﻧﯚﯞﻩﺗﺘﻪ ﻛﯩﭽﯩﻚ ﺷﻪﻫﻪﺭ ، ﺑﺎﺯﺍﺭ ﻫﻪﻡ ﻳﯧﺰﯨﻼﺭﺩﺍ ﺗﺎﺭﻗﯩﻠﯩﺸﻰ ﺗﯧﺰ ﺑﻮﻟﻤﺎﻗﺘﺎ.

ﺋﯘﻳﻐﯘﺭ ﺋﯧﻠﯩﺪﻩ ﺗﯘﻧﺠﻰ ﺋﻪﻳﺪﯨﺰ ﺑﺎﻳﻘﺎﻟﻐﺎﻧﺪﯨﻦ ﺑﯘﻳﺎﻥ....

1995- ﺋﯘﻳﻐﯘﺭ ﺋﯧﻠﯩﺪﻩ ﺗﯘﻧﺠﻰ AIDS ﯞﯨﺮﯗﺳﻰ ﻳﻪﻧﻰ HIV ﺑﯩﻠﻪﻥ ﻳﯘﻗﯘﻣﻼﻧﻐﯘﭼﻰ ﺑﺎﻳﻘﺎﻟﻐﺎﻧﺪﯨﻦ ﻫﺎﺯﯨﺮﻏﺎ ﻗﻪﺩﻩﺭ ﺑﻮﻟﻐﺎﻥ ﻗﯩﺴﻘﯩﻐﯩﻨﺎ 10 ﻳﯩﻞ ﺋﯩﭽﯩﺪﻩ، AIDS ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺳﺎﻧﻰ ﺋﺎﺩﻩﻣﻨﻰ ﭼﯚﭼﯜﺗﻜﯩﺪﻩﻙ ﺳﯜﺭﺋﻪﺕ ﺑﯩﻠﻪﻥ ﺋﯧﺸﯩﭗ ﺑﺎﺭﻣﺎﻗﺘﺎ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﻟﯘﻡ ﺋﯘﻳﻐﯘﺭﭼﻪ ﺗﯩﺒﺒﯩﻲ ﺗﻮﺭ ﺑﯧﺘﯩﺪﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻳﺪﯨﺰﮔﻪ ﻣﯘﻧﺎﺳﯩﯟﻩﺗﻠﯩﻚ ﺑﯧﺮﯨﻠﮕﻪﻥ ﺳﺎﻧﻠﯩﻖ ﺋﯘﭼﯘﺭﻻﺭﻏﺎ ﺋﺎﺳﺎﺳﻼﻧﻐﺎﻧﺪﺍ : 2002 - ﻳﯩﻠﻰ 9 - ﺋﺎﻳﺪﺍ ﺋﯘﻳﻐﯘﺭ ﺋﯧﻠﯩﺪﯨﻜﻰ AIDS ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 6833 ﮔﻪ ﻳﯩﺘﯩﭗ،ﺧﯩﺘﺎﻳﺪﯨﻜﻰAIDS ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺋﻮﻣﯘﻣﻰ ﺳﺎﻧﯩﻨﯩﯔ %20 ﯨﻨﻰ ﺋﯩﮕﯩﻠﯩﮕﻪﻥ، ﺷﯘﻧﺪﺍﻗﻼ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻛﯚﭘﻠﯩﻜﻰ ﺟﻪﻫﻪﺗﺘﻪ ﻳﯜﻧﻨﻪﻧﺪﯨﻦ ﻗﺎﻟﺴﺎ 2-ﺋﻮﺭﯗﻧﺪﺍ ﺗﯘﺭﻏﺎﻥ.

2003 - ﻳﯩﻠﻰ 9 - ﺋﺎﻳﻨﯩﯔ ﺋﺎﺧﯩﺮﻏﯩﭽﻪ ﺋﯜﺭﯛﻣﭽﯩﺪﯨﻜﻰ AIDS ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺋﻮﻣﯘﻣﻰ ﺳﺎﻧﻰ 3165 ﮔﻪ ﻳﻪﺗﻜﻪﻥ، ﻣﯚﻟﭽﻪﺭﺩﯨﻜﻰ ﺳﺎﻥ 30 ﻣﯩﯖﺪﯨﻦ ﺋﺎﺷﻘﺎﻥ. ﺷﯘ ﻳﯩﻠﻰ 12-ﺋﺎﻳﻐﯩﭽﻪ، ﭘﯜﺗﯜﻥ ﺧﯩﺘﺎﻳﺪﺍ AIDS ﻛﯧﺴﯩﻠﻰ ﯞﯨﺮﯗﺳﻰ ﻳﻪﻧﻰ HIV ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻣﯚﻟﭽﻪﺭﺩﯨﻜﻰ ﺳﺎﻧﻰ 840 ﻣﯩﯖﻐﺎ ﻳﻪﺗﻜﻪﻥ.

ﺋﯘﻳﻐﯘﺭ ﺋﯧﻠﯩﺪﻩ AIDS ﻳﻪﻧﻰ HIV ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 8150 ﻛﻪ ﻳﯧﺘﯩﭗ، ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻛﯚﭘﻠﯩﻜﻰ ﺟﻪﻫﻪﺗﺘﻪ ﻳﯜﻧﻨﻪﻧﺪﯨﻦ ﻗﺎﻟﺴﺎ 2-ﺋﻮﺭﯗﻧﺪﺍ ﺗﯘﺭﻏﺎﻥ. -2004 ﻳﯩﻠﻰ -5 ﺋﺎﻳﻨﯩﯔ ﺋﺎﺧﯩﺮﻏﯩﭽﻪ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 8773 ﻳﻪﺗﻜﻪﻥ، ﻣﯚﻟﭽﻪﺭﺩﯨﻜﻰ ﺳﺎﻥ 60 ﻣﯩﯖﺪﯨﻦ ﺋﺎﺷﻘﺎﻥ،AIDS ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻛﯚﭘﻠﯩﻜﻰ ﺟﻪﻫﻪﺗﺘﻪ ﺟﯘﯕﮕﻮﺩﺍ 4-ﺋﻮﺭﯗﻧﺪﺍ ﺗﯘﺭﻏﺎﻥ. ﺷﯘ ﻳﯩﻠﻰ 9-ﺋﺎﻳﻨﯩﯔ ﺋﺎﺧﯩﺮﻏﯩﭽﻪ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ AIDS ﻛﯧﺴﯩﻠﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 9346 ﮔﻪ ﻳﯩﺘﯩﭗ، AIDS ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﺟﯘﯕﮕﻮ ﺑﯘﻳﯩﭽﻪ ﺋﻪﯓ ﺋﯧﻐﯩﺮ ﺑﻮﻟﻐﺎﻥ ﺭﺍﻳﻮﻧﻼﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ.

2005 - ﻳﯩﻠﯩﻐﺎ ﺑﺎﺭﻏﺎﻧﺪﺍ ﺋﯜﺭﯛﻣﭽﯩﺪﯨﻜﻰ AIDS ﻛﯧﺴﯩﻠﻰ ﯞﯨﺮﯗﺳﻰ ﻳﻪﻧﻰ HIV ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 4386 ﮔﻪ ﻳﯩﺘﯩﭗ، ﻣﯚﻟﭽﻪﺭﺩﯨﻜﻰ ﺳﺎﻥ 20 ﻣﯩﯖﺪﯨﻦ ﺋﺎﺷﻘﺎﻥ. ﭘﯜﺗﯜﻥ ﺷﯩﻨﺠﺎﯕﺪﯨﻜﻰ AIDS ﻛﯧﺴﯩﻠﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ ﺑﻮﻟﺴﺎ 10906 ﮔﻪ ﻳﻪﺗﻜﻪﻥ. ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﻨﯩﯔ 2005-ﻳﯩﻠﻰ 11-ﺋﺎﻳﻨﯩﯔ 4-ﻛﯜﻧﯩﺪﯨﻜﻰ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﺸﯩﭽﻪ ، ﺋﯜﺭﯛﻣﭽﯩﺪﯨﻜﻰ AIDS ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻣﯚﻟﭽﻪﺭﺩﯨﻜﻰ ﺳﺎﻥ 30000 ﺩﯨﻦ ﺋﯧﺸﯩﭗ، AIDS ﻛﯧﺴﯩﻠﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻛﯚﭘﯩﻴﯩﺶ ﺗﯧﺰﻟﯩﻜﻰ ﭘﯜﺗﯜﻥ ﺟﯘﯕﮕﻮ ﺑﯘﻳﯩﭽﻪ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﻏﺎﻥ. ﺷﯘ ﻳﯩﻠﻰ 9 ‏-ﺋﺎﻳﻨﯩﯔ ﺋﺎﺧﯩﺮﻏﯩﭽﻪ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ AIDS ﻛﯧﺴﯩﻠﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺳﺎﻧﻰ 11303 ﮔﻪ، ﻣﯚﻟﭽﻪﺭﺩﯨﻜﻰ ﺳﺎﻥ 60000 ﮔﻪ ﻳﯩﺘﯩﭗ، AIDS ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﺟﯘﯕﮕﻮ ﺑﯘﻳﯩﭽﻪ 4 - ﺋﻮﺭﯗﻧﺪﺍ ﺗﯘﺭﻏﺎﻥ.

ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ 2006 - ﻳﯩﻠﻰ 10 - ﺋﺎﻳﻨﯩﯔ 16 - ﻛﯜﻧﻰ ﺧﻪﯞﻩﺭ ﺗﺎﺭﻗﯩﺘﯩﺸﯩﭽﻪ، 2006 - ﻳﯩﻠﻰ 6 - ﺋﺎﻳﻨﯩﯔ 30 - ﻛﯜﻧﯩﮕﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ 4732 ﻛﯩﺸﻰ ﻳﯧﯖﯩﺪﯨﻦ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ (HIV) ﺑﯩﻠﻪﻥ ﻳﯘﻗﯘﻣﻼﻧﻐﺎﻥ، ﻳﻪﻧﻰ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ ﻫﻪﺭ ﻛﯜﻧﻰ 17 ﺋﺎﺩﻩﻡ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ (HIV) ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺑﻮﻟﯘﭖ، ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺗﯩﺰﯨﻤﻠﯩﻜﺘﯩﻜﻰ ﺋﻮﻣﯘﻣﻰ ﺳﺎﻧﻰ 16035 ﮔﻪ ﻳﻪﺗﻜﻪﻥ. ﺋﯩﻠﻰ ﺭﺍﻳﻮﻧﯩﺪﺍ ﺑﻮﻟﺴﺎ ﻫﻪﺭ 100 ﺋﺎﻳﺎﻟﻨﯩﯔ ﺋﯩﭽﯩﺪﻩ ﺑﯩﺮﻯ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺋﯩﻜﻪﻥ.

ﺷﯩﻨﺠﺎﯓ ﮔﯧﺰﯨﺘﯩﻨﯩﯔ 2007 - ﻳﯩﻠﻰ 3 - ﺋﺎﻳﻨﯩﯔ 8 - ﻛﯜﻧﯩﺪﯨﻜﻰ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 9 ﺋﺎﻳﺪﺍ ﻳﯧﯖﯩﺪﯨﻦ 4732 ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﻰ ﻛﯚﭘﯩﻴﯩﭗ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﺍ ﺭﻩﺳﻤﯩﻲ ﺋﻪﻧﮕﻪ ﺋﯧﻠﯩﻨﻐﺎﻥ AIDS ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﺳﺎﻧﻰ 17 ﻣﯩﯔ 209 ﮔﻪ ﻳﻪﺗﻜﻪﻥ. ﻳﯘﻗﯘﺭﻗﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ 2002 - ﻳﯩﻠﺪﯨﻦ ﺑﯘﻳﺎﻥ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻼﻥ ﻗﯩﻠﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﯨﻦ ﻗﯩﺴﻘﺎﺭﺗﯩﻠﯩﭗ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯩﺰ ﺑﯘ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﯨﻦ ﺋﯘﻳﻐﯘﺭﻻﺭﺩﺍ AIDS ﻣﻪﺳﯩﻠﯩﻨﯩﯔ ﺳﻪﻝ ﻗﺎﺭﯨﻐﯩﻠﻰ ﺑﻮﻟﻤﯩﻐﯘﺩﻩﻙ ﺩﻩﺭﯨﺠﯩﺪﻩ ﺋﯧﻐﯩﺮ ﺋﯩﻜﻪﻧﻠﯩﻜﯩﻨﻰ ﻛﯚﺭﯛﯞﺍﻻﻻﻳﻤﯩﺰ.

ﻳﺎﺷﻼﺭﺩﺍ ﺟﯩﻨﺴﯩﻴﻪﺕ ﺋﻪﺭﻛﯩﻨﻠﯩﻜﻰ ﺋﻪﻳﺪﯨﺰﮔﻪ ﻳﻮﻝ ﺋﺎﭼﺘﻰ

ﺋﯘﻳﻐﯘﺭ ﺋﯧﻠﻰ ﻗﯩﺰﯨﻞ ﻛﺮﯦﺴﺖ ﺟﻪﻣﺌﯩﻴﯩﺘﻰ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﻪﺭﻛﯩﺰﯨﺪﯨﻦ ﺋﯩﮕﯩﻠﯩﻨﯩﺸﯩﭽﻪ،ﻫﺎﺯﯨﺮ ﺋﺎﭘﺘﻮﻧﻮﻡ ﺭﺍﻳﻮﻥ ﺑﯘﻳﯩﭽﻪ ﺩﻭﻛﻼﺕ ﻗﯩﻠﯩﻨﻐﺎﻥ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭ ﺋﯩﭽﯩﺪﻩ20 ﻳﺎﺷﺘﯩﻦ 40 ﻳﺎﺷﻘﯩﭽﻪ ﺑﻮﻟﻐﺎﻧﻼﺭ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ %90 ﯨﻨﻰ ﺋﯩﮕﯩﻠﻪﻳﺪﯨﻜﻪﻥ.

ﭘﯜﺗﯜﻥ ﺧﯩﺘﺎﻳﻨﯩﯔ ﺋﻪﻳﺪﯨﺰ ﯞﻩﺯﯨﻴﯩﺘﯩﻨﻰ ﻧﻪﺯﻩﺭﺩﻩ ﺗﯘﺗﻘﺎﻧﺪﯨﻤﯘ ﻧﯚﯞﻩﺗﺘﻪ، ﺧﯩﺘﺎﻱ ﺟﻪﻣﺌﯩﻴﯩﺘﻰ ﺩﯗﭺ ﻛﯧﻠﯩﯟﺍﺗﻘﺎﻥ ﯞﻩﺯﯨﻴﻪﺕ ﺷﯘﻛﻰ، ﺋﻪﻳﺪﯨﺰ ﻛﯧﺴﻪﻟﻠﯩﻜﻰ ﺋﺎﻟﻠﯩﻘﺎﭼﺎﻥ ﺗﯧﺰ ﺳﯜﺭﺋﻪﺗﺘﻪ ﺋﯧﺸﯩﺶ ﺑﺎﺳﻘﯘﭼﯩﻐﺎ ﻛﯩﺮﺩﻯ. ﺑﯩﺮ ﺗﯜﺭﻟﯜﻙ ﺗﻪﻛﺸﯜﺭﯛﺷﺘﻪ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺋﯩﭽﯩﺪﯨﻜﻰ 30 - 22 ﭘﯩﺮﺳﻪﻧﺖ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺟﯩﻨﺴﯩﻲ ﻛﻪﭼﯜﺭﻣﯩﺸﻰ ﺑﺎﺭ ﺋﯩﻜﻪﻥ. ﮔﻪﺭﭼﻪ ﺋﯘﻳﻐﯘﺭ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﯜﺳﺘﯩﺪﯨﻦ ﺑﯘ ﻫﻪﻗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﻛﺸﯜﺭﯛﺷﻠﻪﺭ ﺑﯩﺰﮔﻪ ﻣﻪﻟﯘﻡ ﺑﻮﻟﻤﯩﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﺎﺭﯨﺴﯩﺪﯨﻜﻰ ﺟﯩﻨﺴﯩﻲ ﻛﻪﭼﯜﺭﻣﯩﺸﻰ ﺑﺎﺭ ﺑﻮﻟﻐﺎﻥ ﺋﻮﻗﯘﻏﯘﭼﯩﻼﺭ ﻧﯩﺴﺒﯩﺘﯩﻨﯩﯖﻤﯘ ﺗﯚﯞﻩﻥ ﺋﻪﻣﻪﺳﻠﯩﻜﻰ ﻗﯩﻴﺎﺱ ﻗﯩﻠﯩﻨﻤﺎﻗﺘﺎ.

ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﻪﻳﺪﯨﺰ ﻛﯧﺴﻪﻟﻠﯩﻜﯩﻨﻰ ﻳﯘﻗﺘﯘﺭﯗﯞﯦﻠﯩﺶ ﺧﻪﯞﭘﻰ ﻳﯘﻗﯩﺮﻯ ﺑﻮﻟﻐﺎﻥ ﻛﯩﺸﯩﻠﻪﺭ ﺗﻮﭘﯩﻐﺎ ﺋﺎﻳﻠﯩﻨﯩﭗ ﻗﯧﻠﯩﺸﯩﺪﯨﻜﻰ ﺋﻪﯓ ﺋﺎﺳﺎﺳﻠﯩﻖ ﺳﻪﯞﻩﺏ ﺟﯩﻨﺴﯩﻴﻪﺕ ﻛﯚﺯ ﻗﺎﺭﯨﺸﯩﻨﯩﯔ ﺯﯨﻴﺎﺩﻩ ﺋﯧﭽﯩﯟﯦﺘﯩﻠﯩﺸﻰ ﺩﻩﭖ ﻗﺎﺭﺍﻟﻤﺎﻗﺘﺎ ﺷﯘﻧﺪﺍﻗﻼ ﺑﯘ ﺋﻪﻳﺪﯨﺰﻧﯩﯔ ﺋﻮﻗﯘﻏﯘﭼﯩﻼﺭ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﺸﯩﺪﯨﻜﻰ ﺋﻪﯓ ﺋﺎﺳﺎﺳﻠﯩﻖ ﯞﻩ ﺋﻪﯓ ﺧﻪﺗﻪﺭﻟﯩﻚ ﺋﺎﻣﯩﻞ.

ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ "ﺋﯩﻨﺴﺎﻧﯩﻴﻪﺗﻨﯩﯔ ﺋﻪﻳﺪﯨﺰ ﺋﺎﺗﻠﯩﻖ ﺑﻮ ﻳﺎﻟﻤﺎﯞﯗﺯﺩﯨﻦ ﻏﺎﻟﯩﭗ ﻛﯧﻠﯩﺸﯩﺪﯨﻜﻰ ﺋﻪﯓ ﺋﺎﺩﺍﻗﻘﻰ ﺋﯜﻣﯩﺪ ﻗﺎﻧﺪﺍﻗﺘﯘﺭ ﺋﺎﻻﻫﯩﺪﻩ ﺋﯩﻘﺘﯩﺪﺍﺭﻟﯩﻖ ﺩﻭﺭﺍ ﻳﺎﻛﻰ ﯞﺍﻛﯩﺴﻨﯩﺪﺍ ﺋﻪﻣﻪﺱ، ﻫﺎﻣﯩﻠﯩﺪﺍﺭﻟﯩﻘﺘﯩﻦ ﺳﺎﻗﻠﯩﻨﯩﺶ ﻗﺎﭘﭽﯘﻗﯩﺪﺍ ﺗﯧﺨﯩﻤﯘ ﺋﻪﻣﻪﺱ ، ﺑﻪﻟﻜﻰ ﭘﻪﻗﻪﺕ ﭘﯜﺗﻜﯜﻝ ﺋﯩﻨﺴﺎﻧﯩﻴﻪﺕ ﻣﻪﺩﻩﻧﯩﻲ ﻫﺎﻳﺎﺗﯩﻨﯩﯔ ﮔﯚﻫﯩﺮﻯ ﺑﻮﻟﻐﺎﻥ ﺋﯧﺴﯩﻞ ﺋﻪﻧﺌﻪﻧﯩﯟﯨﻲ ﺋﻪﺧﻼﻗﺘﺎ. ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺗﻨﻰ ﭼﻪﻛﻠﻪﺷﺘﻪ "ﺩﯦﮕﻪﻥ ﺋﻮﺭﺗﺎﻕ ﻗﺎﺭﺍﺷﺘﺎ ﺑﻮﻟﻤﺎﻗﺘﺎ.

ﺋﻪﻳﺪﯨﺰ ﻗﺎﺭﯨﻐﯘﻟﯩﺮﻯ - ﺋﻪﻳﺪﯨﺰﻧﯩﯔ ﻗﯘﺭﺑﺎﻧﻠﯩﺮﯨﻐﺎ ﺋﺎﻳﻼﻧﻤﺎﻗﺘﺎ

ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ، ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﻲ ﯞﻩ ﺷﯩﻤﺎﻟﯩﺪﯨﻜﻰ ﻫﻪﺭﻗﺎﻳﺴﻰ ﺷﻪﻫﻪﺭﻟﻪﺭﺩﻩ ، ﺯﻩﻫﻪﺭ ﭼﯧﻜﯩﺪﯨﻐﺎﻧﻼﺭﻧﯩﯔ ﺳﺎﻧﯩﻤﯘ ﺧﯧﻠﻰ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻥ ﺑﻮﻟﯘﭖ ، ﺑﯘﻻﺭﻧﯩﯔ ﻛﯚﭖ ﻗﯩﺴﻤﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﺑﯧﺮﯨﭗ ﺋﻮﻗﻪﺕ ﻗﯩﻠﯩﺪﯨﻐﺎﻧﻼﺭ ﺋﯩﻜﻪﻥ ... ﺋﯘﻻﺭ ﺑﯘ ﻳﻮﻟﺪﺍ ﺑﻪﺯﻯ ﻳﺎﻣﺎﻥ ﻧﯩﻴﻪﺗﻠﯩﻚ ﺋﺎﺩﻩﻣﻠﻪﺭﻧﯩﯔ ﺋﺎﺯﺩﯗﺭﯗﺵ ﻗﯘﺭﺑﺎﻧﯩﻐﺎ ﺋﺎﻳﻼﻧﻐﺎﻥ . ﺋﺎﻕ ﺗﺎﻣﺎﻛﯩﻨﻰ ﺗﻮﻣﯘﺭﯨﻐﺎ ﺋﻮﻛﯘﻝ ﻗﯩﻠﯩﭗ ﺋﯘﺭﯗﺵ ﺟﻪﺭﻳﺎﻧﯩﺪﺍ ﺑﯩﺮ ‏- ﺑﯩﺮﯨﮕﻪ ﻳﯘﻗﺘﯘﺭﻏﺎﻥ ..

ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﺋﻪﯓ ﺋﺎﯞﺍﻝ ﺋﯘﻧﯩﯔ ﻧﯧﻤﯩﻠﯩﻜﯩﻨﻰ ، ﺋﯘﻧﯩﯖﺪﯨﻦ ﺳﺎﻗﻠﯩﻨﯩﺸﻨﻰ ﺑﯩﻠﯩﺶ ﻛﯧﺮﻩﻙ ،ﺋﻪﻣﻤﺎ ﭘﺎﺟﯩﺌﻪﻟﯩﻚ ﻳﯧﺮﻯ ﻳﻪﻧﯩﻼ ﻳﯧﺰﺍ ﻧﻮﭘﯘﺳﻰ %80 ﺗﯩﻦ ﺋﺎﺭﺗﯘﻗﻨﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﻛﯚﭖ ﻗﯩﺴﻤﻰ، ﺋﻪﻳﺪﯨﺰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﭼﯜﺷﻪﻧﭽﯩﮕﻪ ﺋﯩﮕﻪ ﺋﻪﻣﻪﺱ. ﺷﯘ ﺳﻪﯞﻩﺑﻠﯩﻚ ﺋﻪﻳﺪﯨﺰﻧﯩﯔ ﺩﯤهﻫﻘﺎﻧﻼﺭ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺗﯧﺨﯩﻤﯘ ﺗﻪﺱ.

ﺧﻮﺗﻪﻧﻨﯩﯔ ﻗﺎﺭﯨﻘﺎﺵ ﻧﺎﻫﯩﻴﯩﺴﯩﺪﯨﻜﻰ ﺋﻪﻳﺪﯨﺰ ﺋﻪﻫهﯞﺍﻟﻰ ﻫﻪﻗﻘﯩﺪﻩ ﺋﺎﺷﻜﺎﺭﺍ ﺑﻮﻟﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﯨﻨﻼ ﺋﻪﻳﺪﯨﺰﻧﯩﯔ ﺋﯘﻳﻐﯘﺭﻻﺭﻏﺎ ﻗﺎﻧﭽﯩﻠﯩﻚ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﻗﯩﻴﺎﺱ ﻗﯩﻠﯩﺶ ﺗﻪﺱ ﺋﻪﻣﻪﺱ ﻳﻪﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺧﻮﺗﻪﻥ ﯞﯨﻼﻳﯩﺘﻰ ﻗﺎﺭﯨﻘﺎﺵ ﻧﺎﻫﯩﻴﯩﺴﻰ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﻮﺭﻧﯩﻨﯩﯔ 2006 ‏- ﻳﯩﻠﻰ ﺋﻪﻳﺪﯨﺰ ﻳﯘﻗﺘﯘﺭﯗﯞﯦﻠﯩﺶ ﺧﻪﺗﯩﺮﻯ ﻳﯘﻗﯩﺮﻯ ﺩﻩﭖ ﮔﯘﻣﺎﻥ ﻗﯩﻠﻐﺎﻥ ﺯﻩهﻫﻪﺭ ﭼﻪﻛﻜﯜﭼﯩﻠﻪﺭ، ﭘﺎﻫﯩﺸﻪ ﻗﯩﻠﻐﯘﭼﯩﻼﺭ ﯞﻩ ﺑﻪﺯﻯ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﻯ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺗﺘﯩﻜﻰ ﺟﻪﻣﺌﯩﻲ 920 ﻧﻪﭘﻪﺭ ﻛﯩﺸﻰ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﻗﺎﻥ ﺋﻪﯞﺭﯨﺸﻜﯩﺴﻰ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﯨﻦ 17 ﻧﻪﭘﻪﺭ ﻛﯩﺸﯩﻨﯩﯔ ﺋﻪﻳﺪﯨﺰ ﯞﯨﺮﯗﺳﯩﻨﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ. ﺑﯘﻻﺭﻧﯩﯔ 13ﻯ ﺋﻪﺭ ﺗﯚﺕ ﻧﻪﭘﯩﺮﻯ ﺋﺎﻳﺎﻝ ﺑﻮﻟﯘﭖ ، 23 ﻳﺎﺷﺘﯩﻦ 39 ﻳﺎﺷﻘﯩﭽﻪ ﺑﻮﻟﻐﺎﻥ ﻗﺎﺭﺍﻗﺎﺷﻠﯩﻖ ﻛﯩﺸﯩﻠﻪﺭ ﺋﯩﻜﻪﻥ.

ﻗﺎﺭﯨﻘﺎﺵ ﻧﺎﻫﯩﻴﯩﺴﯩﺪﯨﻦ ﺋﯩﺒﺎﺭﻩﺕ ﺑﯩﺮ ﻧﺎﻫﯩﻴﯩﺪﯨﻼ ﺷﯘ ﻳﯩﻠﻰ ﺗﻪﻛﺸﯜﺭﯛﭖ ﻣﻪﻟﯘﻡ ﺑﻮﻟﻐﺎﻥ ﺯﻩﻫهﻩﺭ ﭼﻪﻛﻜﯜﭼﻰ 487 ﻧﻪﭘﻪﺭﮔﻪ ﻳﻪﺗﻜﻪﻥ.

ﺋﻪﻳﺪﯨﺰ ﻛﯧﺴﯩﻠﻰ ﺗﯜﭘﻪﻳﻠﻰ25 ﻳﯩﻠﺪﺍ 25 ﻣﯩﻠﻴﻮﻥ ﺋﺎﺩﻩﻡ ﺋﯚﻟﺪﻯ

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﺗﯧﻤﯩﺴﯩﺪﯨﻜﻰ ،‏ 126 ﺩﯙﻟﻪﺗﻨﯩﯔ ﺋﻪﻳﺪﯨﺰ ﻛﯧﺴﯩﻠﯩﻨﻰ ﺗﻪﻛﺸﯜﺭﯛﺵ، ﺋﯧﻨﯩﻘﻼﺵ ﺩﻭﻛﻼﺗﯩﻐﺎ ﻗﺎﺭﯨﻐﺎﻧﺪﺍ ، ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺶ ﺳﯜﺭﺋﯩﺘﻰ ﺗﯧﺰ ﺋﯧﺸﯩﯟﺍﺗﻘﺎﻧﻠﯩﻘﻰ ﺑﯩﻠﯩﻨﺪﻯ. ﺋﺎﻣﯧﺮﯨﻜﺎ ﻗﻮﺷﻤﺎ ﺷﯩﺘﺎﺗﻠﯩﺮﯨﺪﺍ ﺗﯘﻧﺠﻰ ﺋﻪﻳﺪﯨﺰ ﻛﯧﯩﺴﻠﻰ ﻫﺎﺩﯨﺴﯩﺴﯩﻨﯩﯔ ﺑﺎﻳﻘﯩﻠﯩﺸﯩﺪﯨﻦ ﻫﺎﺯﯨﺮﻏﯩﭽﻪ 25 ﻳﯩﻞ ﺋﯚﺗﺘﻰ. ﻫﺎﺯﯨﺮ ﺩﯗﻧﻴﺎﺩﺍ 38 ﻣﯩﻠﻴﻮﻥ 600 ﻣﯩﯔ ﻛﯩﺸﻰ ﻛﯧﺴﻪﻟﮕﻪ ﺳﻪﯞﻩﺏ ﺑﻮﻟﯩﺪﯨﻐﺎﻥ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ . ﺑﯘ ﺳﺎﻧﻨﯩﯔ ﻳﯧﺮﯨﻤﯩﻨﻰ ﺋﺎﻳﺎﻟﻼﺭ ﺋﯩﮕﯩﻠﻪﻳﺪﯗ. 2005 ‏- ﻳﯩﻞ ﺋﯩﭽﯩﺪﻩ ﺋﻪﻳﺪﯨﺰ ﻛﯧﺴﯩﻠﻰ ﯞﯨﺮﯗﺳﻰ 4 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﻛﯩﺸﯩﮕﻪ ﻳﯘﻗﻘﺎﻥ ،ﺋﻪﻳﺪﯨﺰ ﯞﯨﺮﯗﺳﻰ ﻳﯘﻗﯘﺷﻰ ﺑﯩﻠﻪﻥ ﻛﯚﺭﯛﻟﯩﺪﯨﻐﺎﻥ ﺋﻪﮔﻪﺷﻤﻪ ﻛﯧﺴﻪﻟﻠﻪﺭ ﺑﻮﻟﺴﺎ 2 ﻣﯩﻠﻴﻮﻥ 800 ﻣﯩﯔ ﻛﯩﺸﯩﻨﯩﯔ ﺋﯚﻟﯜﻣﯩﮕﻪ ﻳﻮﻝ ﺋﺎﭼﺘﻰ.

ﭘﺎﻫﯩﺸﯩﯟﺍﺯﻟﯩﻖ ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﯞﻩ ﺋﻪﻳﺪﯨﺰ ﻛﯧﺴﯩﻠﻰ ﺋﯩﻨﺴﺎﻧﯩﻴﻪﺗﻨﻰ ﻫﺎﻻﻛﻪﺗﻨﯩﯔ ﻗﺎﺭﺍﯕﻐﯘ ﺋﯚﯕﻜﯜﺭﻟﯩﺮﯨﮕﻪ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﻰ ﺋﯧﻨﯩﻖ، ﺋﻪﻳﺪﯨﺰﻧﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺗﺎﺭﻗﯩﻠﯩﺶ ﺩﺍﺋﯩﺮﯨﺴﻰ ﻫﻪﻡ ﺳﯜﺭﺋﯩﺘﯩﺪﯨﻦ ﻗﺎﺭﯨﻐﺎﻧﺪﺍ ﺋﯘﻧﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺗﺮﺍﮔﯧﺪﯨﻴﯩﺴﻰ ﺗﻪﺳﻪﯞﯗﺭﯨﺪﯨﻨﻤﯘ ﺩﻩﻫﺸﻪﺗﻠﯩﻚ. (ﮔﯜﻟﭽﯧﻬﺮﻩ)