ﺧﻮﺗﻪﻥ ﺩﺍﺋﯩﺮﯨﻠﯩﺮﻯ ﻗﺎﺭ ﺋﺎﭘﯩﺘﯩﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﯩﻨﻰ ﻳﻮﺷﯘﺭﻣﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

1 - ﺋﺎﻳﻨﯩﯔ 17 - ﻛﯜﻧﯩﺪﯨﻦ ﺑﺎﺷﻼﭖ ﺩﺍﯞﺍﻣﻼﺷﻘﺎﻥ ﺷﯩﺪﺩﻩﺗﻠﯩﻚ ﺳﻮﻏﺎﻕ ﺋﯧﻘﯩﻢ ﯞﻩ ﻗﺎﺭ ﺋﯘﻳﻐﯘﺭ ﺋﯧﻠﯩﻨﯩﯔ ﺧﻮﺗﻪﻥ، ﻗﻪﺷﻘﻪﺭ، ﻗﯩﺰﯨﻠﺴﯘ، ﺋﺎﻗﺴﯘ ﯞﻩ ﺑﺎﻳﯩﻨﻐﯘﻟﯩﻨﻨﯩﯔ ﺑﯩﺮ ﻗﯩﺴﯩﻢ ﺟﺎﻳﻠﯩﺮﯨﺪﺍ ﺋﯧﻐﯩﺮ ﺋﺎﭘﻪﺕ ﭘﻪﻳﺪﺍ ﻗﯩﻠﺪﻯ. ﮔﻪﺭﭼﻪ ﺋﯘﻳﻐﯘﺭ ﺋﯧﻠﻰ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ، ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺟﻪﻧﯘﺑﯩﺪﺍ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺑﯘ ﻗﯧﺘﯩﻤﻠﯩﻖ ﺳﻮﻏﺎﻕ ﻫﺎﯞﺍ ﻫﻪﻡ ﻗﺎﺭ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺧﻪﻟﻘﻨﻰ ﺋﺎﭘﻪﺗﺘﯩﻦ ﺟﯩﺪﺩﯨﻲ ﻗﯘﺗﻘﯘﺯﯗﭖ ﻗﺎﻟﻐﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﻮﺗﻪﻧﺪﯨﻜﻰ ﺋﺎﭘﻪﺕ ﺭﺍﻳﻮﻧﻠﯩﺮﯨﺪﯨﻦ ﻫﻪﻡ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﺩﯨﻦ ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﺩﺍﺋﯩﺮﯨﻠﻪﺭ ﺑﯘ ﺋﺎﭘﻪﺗﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﯩﻨﻰ ﻳﻮﺷﯘﺭﻣﺎﻗﺘﺎ. ﺋﻪﻣﻪﻟﯩﻴﻪﺗﺘﻪ ﻗﺎﺭ ﺋﺎﭘﯩﺘﯩﻨﯩﯔ ﺗﻪﺳﯩﺮﻯ ﻫﺎﺯﯨﺮﻏﺎ ﻗﻪﺩﻩﺭ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺋﺎﺩﻩﻡ ﺋﯚﻟﯜﺵ ﺋﻪﻫﯟﺍﻟﻠﯩﺮﯨﻨﯩﯖﻤﯘ ﺋﯧﻐﯩﺮ ﺑﻮﻟﻐﺎﻧﻠﯩﻘﻰ ﺋﺎﺷﻜﺎﺭﯨﻼﻧﺪﻯ.

ﭼﺎﻏﺎﻧﺪﺍ ﺋﺎﭘﻪﺗﺘﻪ ﻗﺎﻟﻐﺎﻥ ﺋﺎﻣﻤﺎ ﺋﯘﻧﯘﺗﯘﻟﺪﻯ

ﻳﺎﻧﯟﺍﺭ ﺋﯧﻴﯩﻨﯩﯔ ﺋﻮﺗﺘﯘﺭﯨﻠﯩﺮﯨﺪﯨﻦ ﺑﺎﺷﻼﻧﻐﺎﻥ ﻗﺎﺗﺘﯩﻖ ﺳﻮﻏﺎﻕ ﺋﯘﻳﻐﯘﺭ ﺋﯧﻠﯩﻨﯩﯔ ﻛﯚﭖ ﻗﯩﺴﯩﻢ ﺟﺎﻳﻠﯩﺮﯨﺪﺍ ﺋﺎﭘﻪﺕ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ، ﺑﻮﻟﯘﭘﻤﯘ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﺍ ﺩﺍﯞﺍﻡ ﺋﯧﺘﯩﯟﺍﺗﻘﺎﻥ ﻗﺎﺭ ﻫﻪﻡ ﺷﯩﺪﺩﻩﺗﻠﯩﻚ ﺳﻮﻏﺎﻕ ﻫﺎﯞﺍ ﻛﯧﻠﯩﻤﺎﺗﻰ ﺋﯘﻳﻐﯘﺭ ﺋﯧﻠﻰ ﺗﺎﺭﯨﺨﯩﺪﺍ 33 ﻳﯩﻠﺪﯨﻦ ﺑﯘﻳﺎﻥ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺋﯩﻜﻪﻥ.ﺷﯘﻧﺪﺍﻗﻼ ﺑﯘﻧﯩﯔ ﺋﯧﻐﯩﺮ ﺋﺎﭘﻪﺗﻠﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻧﻠﯩﻘﻰ ﻣﻪﻟﯘﻡ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺧﻪﯞﻩﺭﻟﯩﺮﯨﺪﻩ،ﺑﯘ ﺟﺎﻳﻼﺭﺩﺍ ﻫﺎﺯﯨﺮﻏﯩﭽﻪ 300 ﻣﯩﯔ ﺋﺎﺩﻩﻣﻨﯩﯔ ﺋﺎﭘﻪﺗﻜﻪ ﺋﯘﭼﺮﯨﻐﺎﻧﻠﯩﻘﻰ، 44 ﻣﯩﯔ 550 ﻣﯩﯔ ﺗﯘﻳﺎﻕ ﭼﺎﺭﯞﺍ ﻣﺎﻟﻨﯩﯔ ﺋﯚﻟﮕﻪﻧﻠﯩﻜﻰ، ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﯩﻘﺘﯩﺴﺎﺩﻯ ﺯﯨﻴﺎﻧﻨﯩﯔ 87 ﻣﯩﻠﻴﻮﻥ ﻳﯜﻩﻧﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﻰ ﻣﻪﻟﯘﻡ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﺩﻩﻡ ﺋﯚﻟﯜﺵ ﻫﺎﺩﯨﺴﯩﻠﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﻠﻤﯩﮕﻪﻥ ﺋﯩﺪﻯ.

ﺋﯚﺗﻜﻪﻥ ﺑﯩﺮ ﻫﻪﭘﺘﻪ، ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺭﻟﯩﻖ ﻣﻪﻣﯘﺭﯨﻲ ﺋﻮﺭﮔﺎﻧﻠﯩﺮﻯ ﺧﯩﺘﺎﻳﻨﯩﯔ ﭼﺎﻏﺎﻥ ﺑﺎﻳﺮﯨﻤﯩﻠﯩﻖ ﺑﯩﺮ ﻫﻪﭘﺘﯩﻠﯩﻚ ﺩﻩﻡ ﺋﯧﻠﯩﺸﻘﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﻮﻟﯘﭖ، ﺧﻮﺗﻪﻧﺪﻩ ﻫﻪﺗﺘﺎ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺷﻘﺎ ﻣﻪﺳﺌﯘﻝ ﺋﻮﺭﯗﻧﻼﺭﻣﯘ ﭘﯜﺗﯜﻧﻠﻪﻱ ﺋﯩﺶ ﺗﻮﺧﺘﯩﺘﯩﭗ ﺩﻩﻡ ﺋﺎﻟﻐﺎﻥ.ﺋﻪﻣﻤﺎ ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﺳﻮﻏﺎﻕ ﻫﺎﯞﺍﺩﺍ، ﺋﯩﺴﺴﯩﻨﯩﺶ، ﺳﯘ، ﻳﯧﻤﻪﻙ ﻫﻪﻡ ﺩﺍﯞﺍﻟﯩﻨﯩﺶ ﺑﯘﻳﯘﻣﻠﯩﺮﯨﻐﺎ ﺟﯩﺪﺩﯨﻲ ﻣﯘﻫﺘﺎﺝ ﺋﺎﻣﻤﺎ ﺑﻮﻟﺴﺎ، ﻳﺎﺭﺩﻩﻣﺴﯩﺰ ﻗﯧﻠﯩﭗ ﺗﯧﺨﯩﻤﯘ ﺋﯧﻐﯩﺮ ﭘﺎﺟﯩﺌﻪﻟﻪﺭ ﻛﯚﺭﯛﻟﻤﻪﻛﺘﻪ ﺋﯩﻜﻪﻥ.

ﺑﯩﺰ ﺋﺎﭘﻪﺗﺘﻪ ﻗﺎﻟﻐﺎﻥ ﺑﯩﺮ ﻗﯩﺴﯩﻢ ﺋﺎﻣﻤﯩﺪﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻪﻥ، ﺋﺎﭘﻪﺗﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﻰ ﻫﻪﻣﺪﻩ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺋﯩﺸﻠﯩﺮﻯ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺧﻮﺗﻪﻥ ﯞﯨﻼﻳﻪﺗﻠﯩﻚ ﻣﻪﻫﻜﯩﻤﻪ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ، ﺋﯩﺸﺨﺎﻧﯩﺪﺍ ﻧﯚﯞﻩﺗﭽﯩﻠﯩﻜﺘﻪ ﺗﯘﺭﯗﯞﺍﺗﻘﺎﻥ ﺑﯩﺮ ﻳﺎﺵ ﻛﺎﺗﯩﭗ، ﺋﺎﭘﻪﺗﻨﯩﯔ ﻫﻪﻗﯩﻘﻪﺗﻪﻥ ﺋﯧﻐﯩﺮ ﺑﻮﻟﻐﺎﻧﻠﯩﻘﯩﻨﻰ، ﺋﺎﺩﻩﻡ ﺋﯚﻟﯜﺵ ﯞﻩﻗﻪﻟﯩﺮﯨﻨﯩﯔ ﺧﯧﻠﻰ ﻛﯚﭖ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯧﻴﺘﺘﻰ.

ﻫﺎﯞﺍ ﺭﺍﻳﻰ - ﻣﻪﺧﭙﻰ ﺋﯘﭼﯘﺭ ؟

ﺑﯘ ﺳﻮﻏﯘﻕ ﻫﺎﯞﺍ ﻫﻪﻡ ﻗﺎﺭ ﺋﺎﭘﯩﺘﻰ ﺩﺍﯞﺍﻣﻠﯩﻖ ﺋﺎﻣﻤﯩﻐﺎ ﺗﻪﻫﺪﯨﺖ ﻗﯩﻠﻤﺎﻗﺘﺎ. ﺋﺎﺩﻩﻡ ﺋﯚﻟﯜﺷﺘﻪﻙ ﺋﯧﻐﯩﺮ ﭘﺎﺟﯩﺌﻪﻟﻪﺭﻧﯩﯔ ﻳﯜﺯ ﺑﯧﺮﯨﺸﯩﮕﻪ ﺧﻪﻟﻘﻨﯩﯔ ﺗﯘﻳﯘﻗﺴﯩﺰ ﺳﻮﻏﺎﻕ ﺋﯧﻘﯩﻢ ﻛﯩﺮﯨﺪﯨﻐﺎﻧﻠﯩﻘﯩﺪﯨﻦ ﺋﺎﻟﺪﯨﻦ ﺧﻪﯞﻩﺭﺳﯩﺰ ﻗﯧﻠﯩﺸﻰ، ﻧﺎﻣﺮﺍﺗﻠﯩﻘﺘﯩﻦ ﺋﯩﺴﺴﯩﻨﯩﺶ ﻫﻪﻡ ﺋﻮﺯﯗﻗﻠﯘﻕ ﺗﻪﻳﻴﺎﺭﻟﯩﻴﺎﻟﻤﯩﻐﺎﻧﻠﯩﻘﻰ ﺳﻪﯞﻩﺏ ﺑﻮﻟﻐﺎﻧﺪﯨﻦ ﺑﺎﺷﻘﺎ، ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﻨﻰ ﺟﯩﺪﺩﯨﻲ ﻫﻪﻡ ﯞﺍﻗﺘﯩﺪﺍ ﺋﯧﻠﯩﭗ ﺑﺎﺭﻣﯩﻐﺎﻧﻠﯩﻘﯩﻤﯘ ﻣﯘﻫﯩﻢ ﺑﯩﺮ ﺳﻪﯞﻩﺑﺘﯘﺭ.

ﺑﯩﺰ ﺧﻮﺗﻪﻧﺪﯨﻜﻰ ﺋﺎﻣﻤﯩﻨﯩﯔ ﺑﯘ ﺋﺎﭘﻪﺗﺘﻪ ﻫﻪﺗﺘﺎ ﻫﺎﻳﺎﺗﻰ ﺗﻪﻫﺪﯨﺘﻠﻪﺭﮔﻪ ﺋﯘﭼﺮﺍﭖ ﺋﺎﺯ ﺑﻮﻟﻤﯩﻐﺎﻥ ﺯﯨﻴﺎﻧﻼﺭﻧﻰ ﺗﺎﺭﺗﯩﯟﺍﺗﻘﺎﻧﻠﯩﻘﻰ، ﺗﯧﺨﯩﭽﻪ ﺋﺎﭘﻪﺗﺘﯩﻦ ﻗﯘﺗﯘﻻﻟﻤﺎﻳﯟﺍﺗﻘﺎﻧﻠﯩﻘﯩﺪﺍ ﻣﯘﻫﯩﻢ ﻣﻪﺳﺌﯘﻟﯩﻴﯩﺘﻰ ﺑﻮﻟﻐﺎﻥ ﺧﻮﺗﻪﻥ ﯞﯨﻼﻳﻪﺗﻠﯩﻚ ﻣﯧﺘﺮﻭﻟﻮﮔﯩﻴﻪ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ.

ﺋﺎﻏﺮﯨﻘﻨﻰ ﻳﻮﺷﯘﺭﺳﺎﯓ ﺋﯚﻟﯜﻣﯜﯓ ﺋﺎﺷﻜﺎﺭﺍ

ﺧﻮﺗﻪﻧﺪﻩ ﺋﺎﭘﻪﺕ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﻐﺎﻥ ﺟﺎﻳﻼﺭﻧﯩﯔ ﺑﯩﺮﻯ ﻫﯧﺴﺎﺑﻼﻧﻐﺎﻥ ﮔﯘﻣﺎ ﻧﺎﻫﯩﻴﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺋﺎﭘﻪﺕ ﻳﯜﺯ ﺑﯧﺮﯨﭗ ﺋﯜﭺ ﻫﻪﭘﺘﯩﮕﻪ ﻗﻪﺩﻩﺭ ﮔﯘﻣﯩﺪﺍ ﺋﺎﭘﻪﺗﻜﻪ ﻗﺎﻟﻐﺎﻥ ﺋﺎﻣﻤﯩﻨﯩﯔ ﺗﯧﺨﯩﭽﻪ ﻳﺎﺭﺩﻩﻡ ﯞﻩ ﻗﯘﺗﻘﯘﺯﯗﺷﻘﺎ ﺋﯧﺮﯨﺸﻪﻟﻤﯩﮕﻪﻧﻠﯩﻜﻰ،ﺷﯘ ﺳﻪﯞﻩﺑﺘﯩﻦ ﻫﻪﺗﺘﺎ ﮔﯘﻣﯩﺪﺍ ﺑﯩﺮ ﺋﺎﻧﺎ ﯞﻩ ﺑﺎﻟﯩﻨﯩﯔ ﺳﻮﻏﯘﻗﺘﺎ ﺋﯜﺷﺸﯜﭖ ﺋﯚﻟﮕﻪﻧﻠﯩﻜﯩﺪﻩﻙ ﺋﯧﭽﯩﻨﯩﺸﻠﯩﻖ ﭘﺎﺟﯩﺌﻪﻟﻪﺭ ﻳﯜﺯ ﺑﻪﺭﮔﻪﻧﻠﯩﻜﻰ ﺋﺎﺷﻜﺎﺭﯨﻼﻧﻐﺎﻥ ﺋﯩﺪﻯ. ﺋﻪﻣﻤﺎ ﺧﻮﺗﻪﻧﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭ ﺑﯘ ﻗﺎﺭ ﺋﺎﭘﯩﺘﯩﻨﯩﯔ ﺑﯘﻧﭽﻪ ﭼﻮﯓ ﺯﯨﻴﺎﻥ ﻫﻪﻡ ﭘﺎﺟﯩﺌﻪﻟﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻤﯩﻐﺎﻧﺪﯨﻦ ﺳﯩﺮﺕ، ﻳﯘﻗﯩﺮﯨﻘﻰ ﺗﯧﻠﯧﻔﻮﻥ ﺯﯨﻴﺎﺭﻩﺗﻠﯩﺮﯨﺪﯨﻦ، ﻫﻪﺗﺘﺎ ﺋﺎﻣﻤﯩﻐﺎ ﻳﻪﺗﻜﯜﺯﯛﺷﻜﻪ ﺗﯧﮕﯩﺸﻠﯩﻚ ﺑﻮﻟﻐﺎﻥ ﺋﺎﭘﻪﺗﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻫﻪﻡ ﻣﯧﺘﺮﻭﻟﻮﮔﯩﻴﻪ ﺋﯘﭼﯘﺭﻟﯩﺮﯨﻨﯩﻤﯘ ﯞﺍﻗﺘﯩﺪﺍ ﻳﻪﺗﻜﯜﺯﻣﯩﮕﻪﻧﻠﯩﻜﻰ ﻣﻪﻟﯘﻡ.

ﺋﺎﭘﻪﺗﺘﻪ ﻗﺎﻟﻐﺎﻥ ﺋﺎﻣﻤﺎ، ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺗﻪﺑﯩﺌﯩﻲ ﺋﺎﭘﻪﺗﻠﻪﺭﻧﯩﯔ ﺯﯨﻴﺎﻧﻠﯩﺮﯨﻨﯩﯔ ﺩﺍﯞﺍﻣﻠﯩﻖ ﺋﯧﻐﯩﺮ ﺑﻮﻟﯘﺷﯩﺪﺍ، ﺩﺍﺋﯩﺮﯨﻠﻪﺭﻧﯩﯔ ﺧﻪﻟﻘﻨﻰ ﺗﯜﺭﻟﯜﻙ ﺋﺎﭘﻪﺗﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﯞﺍﻗﺘﯩﺪﺍ ﺋﺎﮔﺎﻫﻼﻧﺪﯗﺭﻣﺎﺳﻠﯩﻘﻰ ﻫﻪﻣﺪﻩ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﻨﯩﯔ ﻣﯘﯞﺍﭘﯩﻖ ﺋﯧﻠﯩﭗ ﺑﯧﺮﯨﻠﻤﺎﺳﻠﯩﻘﯩﻨﯩﯔ ﺋﺎﺳﺎﺳﻠﯩﻖ ﺋﺎﻣﯩﻞ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﺩﺍﯞﺍﻣﻠﯩﻖ ﺗﯜﺭﺩﻩ ﺋﺎﭘﻪﺗﻠﻪﺭ ﻫﻪﻗﻘﯩﺪﻩ ﻳﺎﻟﻐﺎﻥ ﻣﻪﻟﯘﻣﺎﺕ ﻫﻪﻡ ﺳﺎﺧﺘﺎ ﺧﻪﯞﻩﺭﻟﻪﺭﻧﻰ ﺋﯧﻼﻥ ﻗﯩﻠﯩﭗ ﺋﻪﻣﻪﻟﯩﻲ ﺋﻪﻫﯟﺍﻟﻼﺭﻧﻰ ﻳﻮﺷﯘﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ( ﮔﯜﻟﭽﯧﻬﺮﻩ)