ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻛﯜﭼﻪﻳﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻦ ﺑﯩﯟﺍﺳﺘﻪ ﺋﺎﻟﻐﺎﻥ ﻣﻪﻟﯘﻣﺎﺗﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﯨﻦ ﺑﯘﻳﺎﻥ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﻪﺗﻠﯩﺮﯨﻨﻰ ﻳﻪﻧﻪ ﺑﯩﺮ ﺑﺎﻟﺪﺍﻕ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﻣﯘﻗﯩﻤﻠﯩﻘﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺷﯘﺋﺎﺭﻯ ﺋﺎﺳﺘﯩﺪﺍ ﻳﻮﻟﻐﺎ ﻗﻮﻳﯘﻟﻐﺎﻥ ﺑﯘ ﻫﻪﺭﯨﻜﻪﺗﺘﻪ ﻧﯘﺭﻏﯘﻧﻠﯩﻐﺎﻥ ﺑﯩﮕﯘﻧﺎﻫ ﻳﺎﺷﻼﺭ ﻗﻮﻟﻐﺎ ﺋﯧﻠﯩﻨﻐﺎﻥ. ﭼﺎﻏﺎﻧﻨﯩﯔ ﺋﺎﻟﺪﯨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﻫﻪﺭﯨﻜﻪﺕ ﻗﻪﺷﻘﻪﺭ، ﺧﻮﺗﻪﻥ، ﺋﺎﻗﺴﯘ ﯞﯨﻼﻳﻪﺗﻠﯩﺮﯨﺪﻩ ﯞﻩ ﺋﺎﺗﯘﺷﺘﺎ ﺗﯧﺨﯩﻤﯘ ﻛﻪﯓ ﺋﻪﯞﺝ ﺋﺎﻟﻐﺎﻥ. ﻣﯘﺗﻠﻪﻕ ﻛﯚﭖ ﻗﯩﺴﻤﻰ ﺗﯧﺮﺭﻭﺭﭼﯩﻼﺭ، ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ ﯞﻩ ﺭﺍﺩﯨﻜﺎﻝ ﺩﯨﻨﯩﻲ ﻛﯜﭼﻠﻪﺭ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭ، ﺩﯦﮕﻪﻥ ﮔﯘﻣﺎﻥ ﺑﯩﻠﻪﻥ ﻗﻮﻟﻐﺎ ﺋﯧﻠﯩﻨﻐﺎﻥ ﺑﯘ ﻳﺎﺷﻼﺭﻧﯩﯔ ﻫﯧﭻ ﺑﯩﺮﯨﻨﯩﯔ ﺗﯘﺗﺎﻣﻐﺎ ﭼﯩﻘﻘﯘﺩﻩﻙ ﺟﯩﻨﺎﻳﻰ ﻫﻪﺭﯨﻜﻪﺗﻠﯩﺮﻯ ﻳﻮﻕ ﺑﻮﻟﯘﭖ، ﻫﻪﻣﻤﯩﺴﯩﻼ ﺧﯩﺘﺎﻱ ﻗﺎﻧﯘﻥ ﺋﻮﺭﮔﺎﻧﻠﯩﺮﯨﻨﯩﯔ ﻗﺎﺭﺍ ﺗﯩﺰﯨﻤﻠﯩﻜﯩﮕﻪ ﻛﯩﺮﯨﭗ ﻗﺎﻟﻐﺎﻥ ﺷﻪﺧﺴﻠﻪﺭ ﺋﯩﻜﻪﻥ.

ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﺭ ﻳﯩﻠﻰ ﺑﺎﻳﺮﺍﻡ ﻳﺎﻛﻰ ﭼﺎﻏﺎﻧﺪﯨﻦ ﺋﯩﻠﮕﯩﺮﻯ، ﺋﯘﻳﻐﯘﺭ ﯞﻩﺗﯩﻨﯩﺪﻩ ﻣﯘﺷﯘﻧﺪﺍﻕ ﻛﻪﯓ ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﭗ، ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺳﺎﺭﺍﺳﯩﻤﻪ ﭘﻪﻳﺪﺍ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﻗﺎﺭﺷﯩﻠﯩﻖ ﺋﯩﺪﯨﻴﯩﺴﯩﺪﯨﻜﻰ ﻛﯩﺸﯩﻠﻪﺭﮔﻪ ﯞﻩﻫﯩﻤﻪ ﺳﺎﻟﯩﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ.

ﻧﻮﻗﯘﻝ ﺋﯘﻳﻐﯘﺭﻻﺭﻏﯩﻼ ﻗﺎﺭﯨﺘﯩﻠﯩﺪﯨﻐﺎﻥ ﺑﯘ ﺧﯩﻞ ﻗﺎﺗﺘﯩﻖ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ " ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺵ" ﺩﯦﮕﻪﻥ ﻧﯩﻘﺎﭖ ﺋﺎﺳﺘﯩﺪﺍ ﺋﯧﻠﯩﭗ ﺑﯧﺮﯨﭗ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻛﯚﺯﯨﻨﻰ ﺑﻮﻳﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ، ﻗﻮﻟﻐﺎ ﺋﯧﻠﯩﻨﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﯧﭻ ﺑﯩﺮﯨﻨﯩﯔ ﻫﯧﭽﻘﺎﭼﺎﻥ " ﺋﯜﭺ ﺧﯩﻞ ﻛﯜﭼﻠﻪﺭ" ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﯩﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﺭ ﻳﯩﻠﻰ ﻣﯘﺷﯘﻧﺪﺍﻕ ﺑﺎﻫﺎﻧﯩﻠﻪﺭ ﺑﯩﻠﻪﻥ ﻣﯩﻠﻠﯩﻲ ﻫﯧﺴﺴﯩﻴﺎﺗﻰ ﺳﻪﻝ ﻳﯘﻗﯩﺮﻯ ﻳﺎﺷﻼﺭﻧﻰ ﺗﯚﻫﻤﻪﺕ ﺑﯩﻠﻪﻥ ﻗﻮﻟﻐﺎ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﻗﻮﻟﻐﺎ ﺋﯧﻠﯩﻨﻐﺎﻥ ﺑﯘ ﻳﺎﺷﻼﺭﻧﯩﯔ ﺑﯩﺮ ﻗﯩﺴﻤﻰ ﻗﺎﻣﺎﻕ ﺟﺎﺯﺍﻟﯩﺮﯨﻐﺎ ﻣﻪﻫﻜﯘﻡ ﻗﯩﻠﯩﻨﺴﺎ، ﻳﻪﻧﻪ ﺑﯩﺮ ﻗﯩﺴﻤﻰ ﻗﺎﺗﺘﯩﻖ ﺗﻪﻫﺪﯨﺘﻠﻪﺭﻧﻰ ﺑﺎﺷﺘﯩﻦ ﻛﻪﭼﯜﺭﮔﻪﻧﺪﯨﻦ ﻛﯧﻴﯩﻦ، ﺋﯧﻐﯩﺮ ﺟﻪﺭﯨﻤﺎﻧﯩﻠﻪﺭ ﺗﯚﻟﻪﭖ ﺗﯜﺭﻣﯩﺪﯨﻦ ﭼﯩﻘﯩﺪﯨﻜﻪﻥ ﯞﻩ ﺟﻪﻣﺌﯩﻴﻪﺗﻜﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ، ﺋﯚﺯﯨﻨﯩﯔ ﻧﯧﻤﻪ ﺳﻪﯞﻩﺑﺘﯩﻦ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯧﻴﺘﯩﺸﻰ ﻗﻪﺗﺌﯩﻲ ﻣﻪﻧﯩﻲ ﻗﯩﻠﯩﻨﯩﺪﯨﻜﻪﻥ. ﺑﻪﺯﯨﻠﯩﺮﻯ ﺋﯘﺯﯗﻥ ﺑﯩﺮ ﻣﯘﺩﺩﻩﺕ ﺭﯦﺠﯩﻢ ﺋﺎﺳﺘﯩﺪﺍ ﻳﺎﺷﺎﺷﻘﺎ ﻣﻪﺟﺒﯘﺭ ﺑﻮﻟﯩﺪﯨﻜﻪﻥ.

ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﯨﻨﯩﯔ ﭘﯩﻜﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺋﯘﻳﻐﯘﺭ ﯞﻩﺗﯩﻨﯩﺪﻩ ﻣﯘﻗﯩﻤﻠﯩﻘﻘﺎ ﻫﻪﻗﯩﻘﯩﻲ ﺗﻪﺳﯩﺮ ﻳﻪﺗﻜﯜﺯﯛﯞﺍﺗﻘﺎﻥ ﻛﯜﭼﻠﻪﺭ ﺧﯩﺘﺎﻱ ﺋﺎﻗﻘﯘﻧﻠﯩﺮﻯ ﺑﻮﻟﯘﭖ، ﺋﯘﻻﺭ ﻫﻪﺭ ﺧﯩﻞ ﻗﻪﺑﯩﻬ ﺟﯩﻨﺎﻳﻰ ﻫﻪﺭﯨﻜﻪﺗﻠﻪﺭ ﺑﯩﻠﻪﻥ ﺟﻪﻣﺌﯩﻴﻪﺕ ﺗﻪﺭﺗﯩﭙﯩﻨﻰ ﺑﯘﺯﯗﭖ، ﺧﻪﻟﻖ ﺋﯩﭽﯩﺪﻩ ﺋﯧﻐﯩﺮ ﺋﻪﻧﺴﯩﺰﭼﯩﻠﯩﻚ ﭘﻪﻳﺪﺍ ﻗﯩﻠﺴﯩﻤﯘ، ﺋﯘﻻﺭ ﺋﯘﻳﻐﯘﺭ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ ﺧﯩﺘﺎﻱ ﻗﺎﻧﯘﻥ ﺋﻮﺭﮔﺎﻧﻠﯩﺮﯨﻨﯩﯔ ﺯﻩﺭﺑﻪ ﻧﯩﺸﺎﻧﻰ ﺑﻮﻟﻤﺎﻳﺪﯨﻜﻪﻥ. ﺋﻪﻛﺴﯩﭽﻪ، ﻫﻪﺭ ﻗﺎﻧﺪﺍﻕ ﺑﯩﺮ ﻛﯩﭽﯩﻚ ﺧﺎﺗﺎﻟﯩﻘﻨﻰ ﺳﺎﺩﯨﺮ ﻗﯩﻠﻐﺎﻥ ﺋﯘﻳﻐﯘﺭ ﻗﺎﺗﺘﯩﻖ ﺑﺎﺳﺘﯘﺭﯗﺵ ﻧﯩﺸﺎﻧﯩﻐﺎ ﺋﺎﻳﻠﯩﻨﯩﭗ، ﺗﯘﺗﻘﯘﻥ ﻗﯩﻠﯩﺸﻼﺭﻏﺎ ﺋﯘﭼﺮﺍﭖ ﺗﯘﺭﯨﺪﯨﻜﻪﻥ.

ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﻳﻪﻧﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯘ ﻳﯩﻞ 8 - ﺋﺎﻳﺪﯨﻦ ﺋﯩﻠﮕﯩﺮﻯ، ﺋﯘﻳﻐﯘﺭ ﺩﯨﻴﺎﺭﯨﺪﺍ ﻳﻪﻧﻪ ﺑﯩﺮ ﻗﯧﺘﯩﻢ ﻛﻪﯓ ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﻳﯜﺯ ﺑﯧﺮﯨﺸﻰ ﻣﯘﻣﻜﯩﻨﻠﯩﻜﯩﻨﻰ ﺗﯩﻠﻐﺎ ﺋﺎﻟﺪﻯ. ﺋﯘ ﺳﯚﺯﯨﺪﻩ، ﺋﯩﻠﮕﯩﺮﻯ ﺳﯩﻴﺎﺳﯩﻲ ﺟﻪﻫﻪﺗﺘﯩﻦ ﻗﺎﺭﯨﻠﯩﻨﯩﭗ ﺗﯘﺭﻣﯩﺪﺍ ﻳﺎﺗﻘﺎﻧﻼﺭ، ﻗﺎﻧﯘﻥ ﺋﻮﺭﮔﺎﻧﻠﯩﺮﯨﻨﯩﯔ ﻗﺎﺭﺍ ﺗﯩﺰﯨﻤﻠﯩﻜﯩﮕﻪ ﭼﯜﺷﯜﭖ ﻗﺎﻟﻐﺎﻥ ﻣﯩﻠﻠﯩﻲ ﻫﯧﺴﺴﯩﻴﺎﺗﻰ ﻳﯘﻗﯩﺮﻯ ﻳﺎﺷﻼﺭ ﯞﻩ ﻫﻪﺭ ﻗﺎﻧﺪﺍﻕ ﺋﯚﻛﺘﯩﭽﻰ ﻛﯜﭼﻠﻪﺭﻧﯩﯔ ﺑﯘ ﻗﯧﺘﯩﻤﻘﻰ ﺗﯘﺗﻘﯘﻧﻐﺎ ﻳﻪﻡ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ ﻫﻪﻣﺪﻩ ﺋﯩﭽﻜﯩﺮﻯ ﺧﯩﺘﺎﻳﺪﺍ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺑﯩﮕﯘﻧﺎﻫ ﺋﯘﻳﻐﯘﺭﻻﺭﻧﯩﯖﻤﯘ ﺑﯘ ﺯﻩﺭﺑﯩﺪﯨﻦ ﺧﺎﻟﻰ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﯨﻨﯩﯔ ﭘﯩﻜﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻳﻨﯩﯔ ﻳﯩﻠﻼﺭﺩﯨﻦ ﺑﯘﻳﺎﻥ ﻳﻮﻟﻐﺎ ﻗﻮﻳﯘﭖ ﻛﯧﻠﯩﯟﺍﺗﻘﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻣﻪﻏﻠﯘﭖ ﺑﻮﻟﺪﻯ، ﺩﻩﭖ ﻗﺎﺭﺍﺷﻘﺎ ﺑﻮﻟﯩﺪﯨﻜﻪﻥ. ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﻗﺎﻧﭽﻪ ﺋﻮﻥ ﻳﯩﻞ ﺩﺍﯞﺍﻣﻠﯩﺸﯩﭙﻤﯘ ﺋﺎﺧﯩﺮﻻﺷﻤﯩﻐﺎﻧﻠﯩﻘﻰ، ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﯜﺯﻟﯜﻛﺴﯩﺰ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻧﻠﯩﻘﻰ ﯞﻩ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ ﺧﻪﻟﻘﺌﺎﺭﺍﻟﯩﻖ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ ﺑﯜﮔﯜﻧﻜﻰ ﻛﯜﻧﺪﻩ، ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﻳﻪﻧﯩﻤﯘ ﺑﯩﺮ ﺑﺎﻟﺪﺍﻕ ﻳﯘﻗﯩﺮﻯ ﺩﻭﻟﻘﯘﻧﻐﺎ ﻛﯚﺗﯜﺭﯛﻟﯜﺵ ﺋﺎﻟﺪﯨﺪﺍ ﺗﯘﺭﯗﯞﺍﺗﻘﺎﻧﻠﯩﻘﻰ، ﺧﯩﺘﺎﻳﻨﯩﯔ " ﺋﯜﭺ ﺧﯩﻞ ﻛﯜﭼﻠﻪﺭ" ﮔﻪ ﻗﺎﺭﺷﻰ ﺗﯘﺭﯗﺷﺘﺎ ﻏﻪﻟﯩﺒﯩﮕﻪ ﺋﯧﺮﯨﺸﻪﻟﻤﯩﮕﻪﻧﻠﯩﻜﯩﻨﯩﯔ ﺋﯩﺴﭙﺎﺗﻰ ﺋﯩﻜﻪﻥ. ﺋﯘﻧﯩﯔ ﺋﯜﺳﺘﯩﮕﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯩﺮﺗﻘﺎ ﻗﺎﺭﯨﺘﺎ " ﺷﯩﻨﺠﺎﯕﻨﯩﯔ ﯞﻩﺯﯨﻴﯩﺘﻰ ﻣﯘﻗﯩﻢ، ﻣﯩﻠﻠﻪﺗﻠﻪﺭ ﺗﯧﻨﭻ، ﺋﯩﺘﺘﯩﭙﺎﻕ" ﺩﯦﮕﻪﻥ ﺳﻪﭘﺴﻪﺗﯩﺴﯩﻨﻰ، ﺋﯩﭽﻜﻰ ﺟﻪﻫﻪﺗﺘﻪ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﻯ ﺋﯩﻨﻜﺎﺭ ﻗﯩﻠﯩﭗ ﺗﯘﺭﯨﺪﯨﻜﻪﻥ. ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯜﺯﻟﯜﻛﺴﯩﺰ ﺋﯩﺠﺮﺍ ﻗﯩﻠﯩﻨﯩﯟﺍﺗﻘﺎﻥ ﺋﯚﻟﯜﻡ ﺟﺎﺯﺍﻟﯩﺮﻯ ﺭﻩﺕ ﻗﯩﻠﯩﺪﯨﻜﻪﻥ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻐﺎ ﺋﻮﺧﺸﺎﺵ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺩﻩﻟﯩﻠﻠﯩﻚ ﺑﺎﻳﺎﻧﻠﯩﺮﻯ ﺑﯘ ﺳﺎﺧﺘﯩﭙﻪﺯﻟﯩﻜﻠﻪﺭﻧﻰ ﺟﺎﻫﺎﻧﻐﺎ ﺟﺎﻛﺎﺭﻻﭖ ﺗﯘﺭﯨﺪﯨﻜﻪﻥ. (ﺋﻪﻛﺮﻩﻡ)