ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ "ﺷﯩﻨﺠﻴﺎﯓ" ﯞﻩﻛﯩﻠﻠﯩﺮﻯ ﺋﻪﻣﻪﺱ ﺑﯧﻴﺠﯩﯖﻠﯩﻖ ﯞﻩﻛﯩﻠﻠﻪﺭ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﺍ ﺋﯧﭽﯩﻠﯩﯟﺍﺗﻘﺎﻥ ﺋﯩﻜﻜﻰ ﻳﯩﻐﯩﻨﻨﯩﯔ ﻣﯘﺯﺍﻛﯩﺮﯨﻠﯩﺮﻯ ﺩﺍﯞﺍﻡ ﻗﯩﻠﻤﺎﻗﺘﺎ. ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻣﯘﺯﺍﻛﯩﺮﯨﻠﻪﺭ ﺧﯩﺘﺎﻳﻨﯩﯔ ﺋﻪﻧﺌﻪﻧﯩﯟﯨﻲ ﻳﯩﻐﯩﻦ ﺋﯩﺴﺘﯩﻠﻰ ﺑﯘﻳﯩﭽﻪ ﺩﺍﯞﺍﻣﻼﺷﻘﺎﻥ. ﺋﯘﻳﻐﯘﺭ ﺭﺍﻳﻮﻧﯩﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﻧﯩﯔ ﻣﯘﺯﺍﻛﯩﺮﻩ ﻳﯩﻐﯩﻨﯩﺪﺍ، ﯞﻩﻛﯩﻠﻠﻪﺭ، ﯞﯦﻦ ﺟﻴﺎ ﺑﺎﯞﻧﯩﯔ ﺩﻭﻛﻼﺗﯩﻐﺎ ﭘﯜﺗﯜﻧﻠﻪﻱ ﺋﯩﺠﺎﺑﯩﻲ ﯞﻩ ﻳﯜﻛﺴﻪﻙ ﺑﺎﻫﺎ ﺑﻪﺭﮔﻪﻥ. ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﯩﯔ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ، ﻣﻪﺩﻩﻧﯩﻲ ﻫﻮﻗﯘﻗﯩﻐﺎ ﺋﺎﻻﻗﯩﺪﺍﺭ ﻣﻪﺳﯩﻠﯩﻠﻪﺭ ﻫﯩﭻ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ. ﻳﯩﻐﯩﻨﺪﺍ ﺋﯩﻜﻜﻰ ﯞﻩﻛﯩﻞ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺋﯩﻘﺘﯩﺴﺎﺩﯨﻲ ﻗﯘﺭﯗﻟﯘﺷﯩﻐﺎ ﺋﺎﻻﻗﯩﺪﺍﺭ ﻛﻮﻧﻜﺮﯦﺖ ﺋﯩﻜﻜﻰ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﺑﯘ ﺳﻪﺯﮔﯜﺭ ﻣﻪﺳﯩﻠﯩﻠﻪﺭﺩﯨﻦ ﺋﻪﻣﻪﺱ.

" ﺷﯩﻨﺠﺎﯕﺪﺍ ﻣﻪﺭﻛﻪﺯﻧﯩﯔ ﺑﯘﻟﺘﯘﺭﻗﻰ 32 ‏ - ﻧﻮﻣﯘﺭﻟﯘﻕ ﻫﯚﺟﺠﯩﺘﻰ ﺋﯩﺠﺮﺍ ﻗﯩﻠﯩﻨﻤﯩﺪﻯ "

ﻣﯘﺯﺍﻛﯩﺮﯨﺪﻩ ﯞﯦﻦ ﺟﻴﺎ ﺑﺎﯞﻧﯩﯔ ﺩﻭﻛﻼﺗﯩﻨﻰ ﺋﯘﻳﻐﯘﺭ ﺭﺍﻳﻮﻧﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﺩﯨﻦ ﯞﺍﯓ ﻟﯧﭽﯜﺋﻪﻥ " ﺭﯦﺌﺎﻟﯩﺴﺖ ﺑﯩﺮ ﺩﻭﻛﻼﺕ" ﺩﻩﭖ ﺑﺎﻫﺎ ﺑﻪﺭﮔﻪﻥ ﺑﻮﻟﺴﺎ، ﻧﯘﺭ ﺑﻪﻛﺮﻯ" ﺧﻪﻟﻖ ﺗﯘﺭﻣﯘﺷﯩﻨﯩﯔ ﻳﯜﻛﺴﻪﻟﮕﻪﻧﻠﯩﻜﯩﻨﻰ ﺗﻮﻏﺮﺍ ﺋﻪﻛﺲ ﺋﻪﺗﺘﯜﺭﮔﻪﻥ ﺩﻭﻛﻼﺕ " ﺩﻩﭖ ﺑﺎﻫﺎ ﺑﻪﺭﮔﻪﻥ. ﺋﻪﺭﻛﯩﻦ ﺋﯩﻤﯩﺮﺑﺎﻗﻰ، ﺩﻭﻛﻼﺗﻨﻰ "ﻗﺎﺭﺍﺗﻤﯩﻠﯩﻘﻰ ﻛﯜﭼﻠﯜﻙ" ﺩﻩﭖ ﺋﺎﭘﯩﺮﯨﻦ ﺋﻮﻗﯘﻏﺎﻥ ﺑﻮﻟﺴﺎ، ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ " ﺷﯩﻨﺠﺎﯓ ﺧﻪﻟﻘﯩﻐﻪ ﻧﺎﻫﺎﻳﯩﺘﻰ ﻛﯚﭖ ﻣﻪﻧﭙﻪﺋﻪﺕ ﻳﻪﺗﻜﯜﺯﻩﻟﻪﻳﺪﯨﻐﺎﻥ ﺑﯩﺮ ﺩﻭﻛﻼﺕ " ﺩﻩﭖ ﻣﻪﺩﻫﯩﻴﻪ ﺋﻮﻗﯘﻏﺎﻥ. ﺑﯘﻻﺭﻧﯩﯔ ﻳﯩﻐﯩﻨﺪﺍ ﻫﺎﺯﯨﺮﻏﺎ ﻗﻪﺩﻩﺭ ﻗﺎﻧﺪﺍﻕ ﺑﯩﺮ ﻛﻮﻧﻜﺮﯦﺖ ﻣﻪﺳﯩﻠﻪ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ.

ﺷﯩﻨﺠﺎﯓ ﮔﯧﺰﯨﺘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﯞﻩﻛﯩﻠﻠﯩﺮﯨﺪﯨﻦ ﻧﻴﯘ ﺭﯗﺟﻰ، ﺑﺎﻳﻠﯩﻖ ﻣﻪﻧﺒﻪﺳﻰ ﺑﯧﺠﯩﻨﯩﯔ، ﺑﺎﻳﻠﯩﻘﻨﯩﯔ ﻣﯩﻘﺪﺍﺭﯨﻐﺎ ﻗﺎﺭﺍﭖ ﺋﻪﻣﻪﺱ، ﺑﺎﻫﺎﺳﯩﻐﺎ ﻗﺎﺭﺍﭖ ﺋﯧﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﻧﻴﯘ ﺭﯗﺟﻰ، ﺑﺎﺝ ﺑﺎﻫﺎﻏﺎ ﻗﺎﺭﺍﭖ ﺋﯧﻠﯩﻨﺴﺎ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻣﺎﻟﯩﻴﻪ ﻛﯩﺮﯨﻤﯩﺪﻩ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﻳﯜﻛﺴﯩﻠﯩﺶ ﻛﯚﺭﯛﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻧﻴﯘ ﺭﯗﺟﻰ ﻳﻪﻧﻪ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﻯ ﻛﻪﯓ - ﻛﯚﻟﻪﻣﺪﻩ ﺋﯧﭽﯩﻠﯩﯟﺍﺗﻘﺎﻧﻠﯩﻘﻰ ﺳﻪﯞﻩﺑﻠﯩﻚ، ﺋﯘﻳﻐﯘﺭ ﺭﺍﻳﻮﻧﯩﻐﺎ ﺋﯧﻜﻮﻟﻮﮔﯩﻴﻪ ﺗﯚﻟﻪﻡ ﭘﯘﻟﻰ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﯘﻧﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺑﺎﻳﻠﯩﻘﯩﻨﻰ ﺋﯧﭽﯩﯟﺍﺗﻘﺎﻥ ﺷﯩﺮﻛﻪﺗﻠﻪﺭ ﻛﯩﺮﯨﻤﯩﻨﯩﯔ %1 ﺋﯩﻨﻰ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺋﯧﻜﻮﻟﻮﮔﯩﻴﯩﺴﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ ﺋﺎﻳﺮﯨﺴﯩﻤﯘ، ﺋﯘﻳﻐﯘﺭ ﺋﯧﻠﻰ ﻣﺎﻟﯩﻴﯩﺴﯩﮕﻪ ﺧﯧﻠﻰ ﺟﺎﻥ ﻛﯩﺮﯨﭗ ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻪﻣﻪﻟﯩﻴﻪﺗﺘﻪ، ﻧﻴﯘ ﺭﯗﺟﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﯘ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺶ ﺗﻮﻏﺮﯨﺴﯩﺪﺍ ﻣﻪﺭﻛﻪﺯ ﺑﯘﺭﯗﻧﻼ ﻫﯚﺟﺠﻪﺕ ﭼﯜﺷﯜﺭﮔﻪﻥ ﺑﻮﻟﺴﯩﻤﯘ، ﻫﻪﻝ ﺑﻮﻟﻤﺎﻱ ﻛﻪﻟﮕﻪﻥ. ﻣﻪﺳﯩﻠﻪﻥ، ﻣﻪﺭﻛﻪﺯﻧﯩﯔ ﺑﯘﻟﺘﯘﺭﻗﻰ 32 ‏ - ﻧﻮﻣﯘﺭﻟﯘﻕ ﻫﯚﺟﺠﯩﺘﯩﺪﻩ، ﺑﺎﻳﻠﯩﻖ ﻣﻪﻧﺒﻪﻟﯩﺮﯨﺪﯨﻦ ﺑﺎﺟﻨﻰ ﻣﯩﻘﺪﺍﺭﯨﻐﺎ ﻗﺎﺭﺍﭖ ﺋﻪﻣﻪﺱ، ﺑﺎﻫﺎﺳﯩﻐﺎ ﻗﺎﺭﺍﭖ ﺋﯧﻠﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ. ﺋﻪﻣﻤﺎ ﺑﯘ ﺧﯩﻞ ﺑﺎﺝ ﺗﯜﺯﯛﻣﻰ ﻣﻪﺭﻛﻪﺯ ﯞﻩ ﻳﻪﺭﻟﯩﻜﺘﯩﻜﻰ ﺑﯩﺮ ﻗﯩﺴﯩﻢ ﻣﻪﻧﭙﻪﺋﻪﺕ ﮔﯘﺭﯗﭘﭙﯩﻠﯩﺮﯨﻨﯩﯔ ﺩﯨﺘﯩﻐﺎ ﻳﺎﻗﻤﯩﻐﺎﭼﻘﺎ ﺋﯩﺠﺮﺍ ﻗﯩﻠﯩﻨﻤﯩﻐﺎﻥ. ﯞﯦﻦ ﺟﻴﺎ ﺑﺎﯞ ﺑﯘ ﻗﯧﺘﯩﻤﻘﻰ ﺩﻭﻛﻼﺗﯩﺪﯨﻤﯘ، ﺑﺎﻳﻠﯩﻖ ﻣﻪﻧﺒﻪﺳﯩﻨﯩﯔ ﺑﺎﺝ ﺗﯜﺯﯛﻣﯩﻨﻰ ﺋﯩﺴﻼﻫ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﻰ ﻫﻪﻗﺴﯩﺰ ﺋﻪﻣﻪﺱ، ﻫﻪﻗﻠﯩﻖ ﺋﯩﺸﻠﯩﺘﯩﺸﻨﻰ ﻳﻮﻟﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ، ﺑﺎﻳﻠﯩﻘﻰ ﺋﯧﭽﯩﻠﻐﺎﻥ ﺟﺎﻳﻼﺭﻏﺎ، ﺋﯧﻜﻮﻟﻮﮔﯩﻴﻪ ﺗﻮﻟﯘﻗﻠﯩﻤﺎ ﭘﯘﻟﻰ ﺑﯧﺮﯨﺶ ﻣﯧﺨﺎﻧﯩﺰﯨﻤﯩﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺩﯦﻤﻪﻙ، ﻧﻴﯘ ﺭﯗﺟﯩﻨﯩﯔ ﺗﻪﻛﻠﯩﭙﻰ ﻳﯧﯖﻰ ﺑﯩﺮ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺋﻪﻣﻪﺱ، ﻣﻪﺭﻛﻪﺯﻧﯩﯔ ﺋﺎﻻﻗﯩﺪﺍﺭ ﻗﺎﺭﺍﺭﻟﯩﺮﯨﻨﻰ ﺗﯧﺰﺭﺍﻕ ﺋﯩﺠﺮﺍ ﻗﯩﻠﯩﺶ ﺗﻪﻛﻠﯩﭙﻰ ﺑﻮﻟﻐﺎﻥ.

" ﺑﺎﺝ ﯞﻩ ﺗﯚﻟﻪﻡ ﻛﯩﺮﯨﻤﯩﺪﯨﻦ ﻫﯚﻛﯜﻣﻪﺕ ﯞﻩ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺑﻪﻫﺮﯨﻤﺎﻥ ﺑﻮﻟﯩﺪﯗ "

ﻧﻴﯘ ﺭﯗﺟﻰ ﺟﯘﯕﮕﻮﺩﺍ ﺩﯦﻤﻮﻛﺮﺍﺗﯩﻴﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺟﻪﻣﺌﯩﻴﯩﺘﯩﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺷﯚﺑﯩﺴﯩﻨﯩﯔ ﻣﯘﺩﯨﺮﯨﺪﯗﺭ. ﺋﯘﻳﻐﯘﺭ ﻛﯚﺯﻩﺗﻜﯜﭼﯩﻠﯩﺮﯨﻨﯩﯔ ﻗﺎﺭﯨﺸﯩﭽﻪ، ﺋﻪﮔﻪﺭ ﺋﯘ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺗﻪﻛﻠﯩﭗ ﺋﻪﻣﻪﻟﮕﻪ ﺋﺎﺷﻘﺎﻥ ﺗﻪﻗﺪﯨﺮﺩﯨﻤﯘ، ﺑﯘﻧﯩﯔ ﺋﯘﻳﻐﯘﺭﻻﺭﻏﺎ ﭘﺎﻳﺪﯨﺴﻰ ﻳﻮﻕ. ﻛﯚﺯﻩﺗﻜﯜﭼﯩﻠﻪﺭﺩﯨﻦ ﺋﯩﻠﺸﺎﺕ ﺋﻪﭘﻪﻧﺪﻯ ﻳﯘﻗﯘﺭﯨﻘﻰ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ:، ﺑﺎﻳﻠﯩﻖ ﻣﻪﻧﺒﻪﺳﻰ ﺑﯧﺠﻰ ﺋﯚﺳﺴﯩﻤﯘ، ﺋﯧﻜﻮﻟﻮﮔﯩﻴﻪ ﺗﯚﻟﯩﻤﻰ ﺑﯧﺮﯨﻠﺴﯩﻤﯘ، ﺑﯘ ﭘﯘﻝ ﺧﻪﻟﻘﻘﻪ ﺋﻪﻣﻪﺱ، ﻫﯚﻛﯜﻣﻪﺗﻜﻪ ﺑﯧﺮﯨﻠﯩﺪﯗ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﯚﻛﯜﻣﻪﺕ ﻣﯩﻠﻠﯩﻲ ﻫﯚﻛﯜﻣﻪﺕ ﺋﻪﻣﻪﺱ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﻐﯩﻨﻰ ﺋﯜﭼﯜﻥ ﺋﯘ ﻧﯚﯞﻩﺗﺘﯩﻜﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺭﻟﯩﻖ ﻗﯘﺭﯗﻟﯘﺷﻠﯩﺮﯨﺪﯨﻦ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺑﻪﻫﺮﯨﻤﺎﻥ ﻗﯩﻠﯩﭗ، ﺋﯘﻳﻐﯘﺭ ﺧﻪﻟﻘﯩﻨﻰ ﺑﯘ ﻣﻪﻧﭙﻪﺋﻪﺗﻠﻪﺭﺩﯨﻦ ﭼﻪﺗﺘﻪ ﻗﺎﻟﺪﯗﺭﯨﯟﺍﺗﻘﯩﻨﯩﺪﻩﻙ، ﺑﺎﺝ ﯞﻩ ﺗﯚﻟﻪﻡ ﻛﯩﺮﯨﻤﯩﺪﯨﻨﻤﯘ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺑﻪﻫﺮﯨﻤﺎﻥ ﻗﯩﻠﯩﺪﯗ.

ﻳﯩﻐﯩﻨﺪﺍ ﺟﺎﯓ ﺷﯩﻦ ﺋﯩﺴﯩﻤﻠﯩﻚ ﺑﯩﺮ ﯞﻩﻛﯩﻞ، ﺋﯘﻳﻐﯘﺭ ﺭﺍﻳﻮﻧﻰ ﺑﯩﻠﻪﻥ ﺧﯩﺘﺎﻱ ﺋﯚﻟﻜﯩﻠﯩﺮﻯ ﺋﺎﺭﯨﺴﯩﺪﺍ ﺋﯧﻠﯧﻜﺘﯩﺮﻟﻪﺷﻜﻪﻥ ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﻳﻮﻝ ﻗﯘﺭﯗﻟﯘﺷﯩﻨﻰ ﺗﯧﺰﻟﯩﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ. ﺑﯘ ﺗﻪﻛﻠﯩﭙﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺟﺎﯓ ﺷﯩﻦ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺷﯩﻨﺠﺎﯓ ﺋﯧﻠﯧﻜﺘﯩﺮ - ﺳﺎﻧﺎﺋﻪﺕ ﻫﻪﺳﺴﯩﺪﺍﺭﻟﯩﻖ ﺷﯩﺮﻛﯩﺘﯩﻨﯩﯔ ﺑﺎﺵ ﺩﯨﺮﯦﻜﺘﻮﺭﯨﺪﯗﺭ. ﺋﻪﻣﻤﺎ ﺋﯘﻧﯩﯔ ﺑﯘ ﺗﻪﻛﻠﯩﭙﯩﻨﻰ ﺭﺍﻳﻮﻥ ﺧﻪﻟﻘﯩﻨﯩﯔ ﻣﻪﻧﭙﻪﺋﻪﺗﯩﻨﻰ ﻛﯚﺯﻟﻪﭖ ﻳﺎﻛﻰ ﺋﯚﺯ ﺷﯩﺮﻛﯩﺘﯩﻨﯩﯔ ﻣﻪﻧﭙﻪﺋﻪﺗﯩﻨﻰ ﻛﯚﺯﻟﻪﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﻰ ﺋﯧﻨﯩﻖ ﺋﻪﻣﻪﺱ.

" ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﺎﺋﺎﺭﯨﭗ 30 ﻳﯩﻞ ﺑﯘﺭﯗﻧﻘﻰ ﺳﻪﯞﯨﻴﯩﺪﯨﻦ ﭘﻪﺭﻗﻠﻪﻧﻤﻪﻳﺪﯗ "

ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﻪﻧﭙﻪﺋﻪﺗﯩﮕﻪ ﺋﺎﻻﻗﯩﺪﺍﺭ ﭘﯩﻜﯩﺮ ﺋﯘﻳﻐﯘﺭ ﺭﺍﻳﻮﻧﯩﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﻧﯩﯔ ﺋﻪﻣﻪﺱ، ﺑﯩﺮ ﻗﯩﺴﯩﻢ ﺑﺎﺷﻘﺎ ﺟﺎﻳﻐﺎ ﺗﻪﯞﻩ ﯞﻩﻛﯩﻠﻠﻪﺭﻧﯩﯔ ﺋﯧﻐﯩﺰﯨﺪﯨﻦ ﭼﯩﻘﻘﺎﻥ. ﺧﯩﺘﺎﻱ ﭘﻪﻥ‏ - ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻣﯘﺩﯨﺮﻯ ﺑﯩﻠﻪﻥ ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﺎﺋﺎﺭﯨﭗ ﻗﯘﺭﯗﻟﯘﺷﯩﺪﯨﻜﻰ ﺗﻪﯕﺴﯩﺰﻟﯩﻜﻨﻰ ﺗﯩﻠﻐﺎ ﺋﺎﻟﻐﺎﻥ، ﺋﯘﻻﺭ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﺎﺋﺎﺭﯨﭗ ﺋﺎﺳﺎﺳﯩﻲ ﻗﯘﺭﯗﻟﯘﺷﻨﯩﯔ 30 ﻳﯩﻞ ﺑﯘﺭﯗﻧﻘﻰ ﺳﻪﯞﯨﻴﯩﺪﯨﻦ ﺋﺎﻧﭽﻪ ﭘﻪﺭﻗﻠﯩﻖ ﺋﻪﻣﻪﺳﻠﯩﻜﯩﻨﻰ ﭘﺎﺵ ﻗﯩﻠﻐﺎﻥ.

ﺷﯩﻨﺠﺎﯓ ﮔﯧﺰﯨﺘﯩﻨﯩﯔ 7 ‏ - ﻣﺎﺭﺕ ﺗﻮﺭ ﺑﯧﺘﯩﺪﻩ، ﺋﯘﻳﻐﯘﺭ ﺭﺍﻳﻮﻧﯩﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﻧﯩﯔ، ﻫﻪﺭ ﺑﯩﺮﯨﻨﯩﯔ ﻗﯘﺭﯗﻟﺘﺎﻳﻐﺎ 2 - 3 ﺗﯩﻦ ﺗﻪﻛﻠﯩﭗ ﺋﯧﻠﯩﭗ ﻛﻪﻟﮕﻪﻧﻠﯩﻜﯩﻨﻰ، ﺋﻪﻣﻤﺎ ﻛﯚﭘﯩﻨﭽﯩﺴﯩﻨﯩﯔ ﺗﻪﻛﻠﯩﭙﻠﯩﺮﯨﻨﻰ ﺗﯧﺨﻰ ﺋﻮﺗﺘﯘﺭﯨﻐﺎ ﻗﻮﻳﻤﯩﻐﺎﻧﻠﯩﻘﯩﻨﻰ، ﻗﻮﻳﻤﺎﺳﻠﯩﻘﯩﺪﻩﻙ ﺳﻪﯞﻩﺏ ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﺳﻪﯞﻩﺑﯩﺪﯨﻦ ﺗﻪﻛﻠﯩﭙﻠﯩﺮﯨﻨﯩﯔ ﺋﯜﺳﺘﯩﺪﻩ ﻳﻪﻧﯩﻼ ﺗﯜﺯﯨﺘﯩﺶ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﻐﺎﻥ. ﺋﻪﻣﻤﺎ ﯞﻩﻛﯩﻠﻠﻪﺭﻧﻰ ﺋﯧﻬﺘﯩﻴﺎﺗﭽﺎﻥ ﺑﻮﻟﯘﺷﻘﺎ ﻣﻪﺟﺒﯘﺭﻻﯞﺍﺗﻘﺎﻥ ﻣﻪﺳﺌﯘﻟﯩﻴﻪﺕ ﺧﻪﻟﻖ ﺋﺎﻟﺪﯨﺪﯨﻜﻰ ﻣﻪﺳﺌﯘﻟﯩﻴﻪﺗﻤﯘ ﻳﺎﻛﻰ ﭘﺎﺭﺗﯩﻴﻪ ﯞﻩ ﻫﯚﻛﯜﻣﻪﺕ ﺋﺎﻟﺪﯨﺪﯨﻜﻰ ﻣﻪﺳﺌﯘﻟﯩﻴﻪﺗﻤﯘ؟ ﺑﯘ ﻧﯘﻗﺘﺎ ﺧﻪﯞﻩﺭﺩﻩ ﺋﻪﺳﻜﻪﺭﺗﯩﻠﻤﯩﮕﻪﻥ. (ﺷﯚﻫﺮﻩﺕ ﻫﻮﺷﯘﺭ)