ﺋﯘﻳﻐﯘﺭ ﺋﻮﻗﯘﻏﯘﭼﯩﻐﺎ ﺑﯧﺮﯨﻠﮕﻪﻥ ﯞﻩﺩﻩ
2008-02-14
ﺗﯜﺭﻛﯩﻴﯩﻨﯩﯔ ﺋﻪﯓ ﭼﻮﯓ ﮔﯧﺰﯨﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 2-ﺋﺎﻳﻨﯩﯔ 11-ﻛﯜﻧﯩﺪﯨﻜﻰ ﺳﺎﻧﯩﺪﺍ `ﺑﺎﺷﻠﯩﻖ ﯞﻩﺩﻩ ﺑﻪﺭﺩﻯ` ﻣﺎﯞﺯﯗﻟﯘﻕ ﺧﻪﯞﻩﺭ ﺋﯧﻼﻥ ﻗﯩﻠﯩﻨﺪﻯ. ﮔﯧﺰﯨﺘﻨﯩﯔ 1-ﺑﯧﺘﯩﺪﻩ ﻳﻪﺭ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﺋﻪﻧﻘﻪﺭﻩﻧﯩﯔ ﺋﻪﯓ ﭼﻮﯓ ﺭﺍﻳﻮﻧﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﭼﺎﻧﻘﺎﻳﺎ ﺭﺍﻳﻮﻧﯩﻨﯩﯔ ﺑﺎﺷﻠﯩﻘﻰ ﻣﯘﺯﻩﭘﭙﻪﺭ ﺋﻪﺭﻳﯩﻠﻤﺎﺯ ﺋﻪﭘﻪﻧﺪﯨﻨﯩﯔ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﻛﯧﻠﯩﭗ ﺋﻪﻧﻘﻪﺭﻩ ﮔﺎﺯﻯ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﯩﭙﯩﺪﻩ ﺋﻮﻗﯘﯞﺍﺗﻘﺎﻥ ﯞﻩ ﺑﯘ ﻣﻪﯞﺳﯘﻣﯩﺪﻩ ﺋﻪﻻ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﻪﺭﺗﯧﻜﯩﻦ ﺋﻪﺧﻤﻪﺗﺠﺎﻧﻨﻰ ﺋﯩﺸﺨﺎﻧﯩﺴﯩﺪﺍ ﻗﻮﺑﯘﻝ ﻗﯩﻠﯩﭗ، ﺋﯘﻧﯩﯔ ﺩﻩﺭﺩﯨﻨﻰ ﺋﺎﯕﻠﯩﻐﺎﻧﻠﯩﻘﻰ، ﺧﯩﺘﺎﻳﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﯞﻩﺯﯨﻴﯩﺘﯩﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭ ﺋﻮﻗﯘﻏﯘﭼﻰ ﺋﻪﺭﺗﯧﻜﯩﻦ ﺋﻪﺧﻤﻪﺗﺠﺎﻧﻐﺎ ﺋﻮﻗﯘﺵ ﻫﺎﻳﺎﺗﻰ ﺑﻮﻳﯩﭽﻪ ﺋﻮﻗﯘﺵ ﭘﯘﻟﻰ ﯞﻩ ﻛﯩﺘﺎﺏ ﺩﻩﭘﺘﻪﺭ ﻳﺎﺭﺩﯨﻤﻰ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻧﻠﯩﻜﻰ ﻳﯧﺰﯨﻠﻐﺎﻥ. ﺧﻪﯞﻩﺭﻧﯩﯔ ﺋﯜﺳﺘﯩﮕﻪ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ ﺋﻪﺧﻤﻪﺗﺠﺎﻧﻐﺎ ﻛﯩﺘﺎﺏ ﺩﻩﭘﺘﻪﺭ ﺳﻮﻏﺎﺕ ﻗﯩﻠﯩﯟﺍﺗﻘﺎﻥ ﺭﻩﺳﯩﻤﮕﻪ ﻳﻪﺭ ﺑﯧﺮﯨﻠﮕﻪﻥ.
ﺧﻪﯞﻩﺭﺩﻩ ﻣﯘﻧﺪﺍﻕ ﺩﯦﻴﯩﻠﮕﻪﻥ:"ﭼﺎﻧﻘﺎﻳﺎ ﺭﺍﻳﻮﻧﻰ ﺑﺎﺷﻠﯩﻘﻰ ﻣﯘﺯﻩﭘﭙﻪﺭ ﺋﻪﺭﻳﯩﻠﻤﺎﺯ ﺋﻪﭘﻪﻧﺪﻯ، ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻗﯘﯞﺍﺗﻘﺎﻥ ﺋﯘﻳﻐﯘﺭ ﺗﯜﺭﻛﻰ ﺋﻪﺭﺗﯧﻜﯩﻦ ﺋﻪﺧﻤﻪﺗﺠﺎﻧﻐﺎ ﺋﻮﻗﯘﺵ ﻫﺎﻳﺎﺗﻰ ﺑﻮﻳﯩﭽﻪ ﺋﻮﻗﯘﺵ ﭘﯘﻟﻰ ﯞﻩ ﻫﻪﺭ ﺧﯩﻞ ﻳﺎﺭﺩﻩﻣﻠﻪﺭﻧﻰ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﺩﻯ. ﺭﺍﻳﻮﻥ ﺑﺎﺷﻠﯩﻘﻰ ﺋﻪﺭﻳﯩﻠﻤﺎﺯ ﺋﻪﭘﻪﻧﺪﻯ، 'ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﺧﯩﺘﺎﻳﺪﺍ ﻗﯧﻴﯩﻦ ﯞﻩﺯﯨﻴﻪﺗﺘﻪ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺋﯘﻗﻘﺎﻧﺪﯨﻦ ﻛﯧﻴﯩﻦ ﻗﯧﺮﯨﻨﺪﯨﺸﯩﻢ ﺋﻪﺭﺗﯧﻜﯩﻦ ﺋﻪﺧﻤﻪﺗﺠﺎﻧﻐﺎ ﻗﻮﻟﯩﻤﯩﺰﺩﯨﻦ ﻛﯧﻠﯩﺸﯩﭽﻪ ﻳﺎﺭﺩﻩﻡ ﻗﯩﻠﯩﻤﯩﺰ،' ﺩﯦﺪﻯ."
ﺑﯩﺰ ﺑﯘ ﻫﻪﻗﺘﻪ ﺷﯘﻧﺪﺍﻗﻼ ﺗﯜﺭﻛﯩﻴﯩﺪﻩ ﺋﻮﻗﯘﯞﺍﺗﻘﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﻫﻪﻗﻘﯩﺪﻩ ﺗﯧﺨﯩﻤﯘ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺋﻮﻗﯘﻏﯘﭼﻰ ﺋﯩﺸﻠﯩﺮﻯ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ ﺑﺎﺵ ﺳﯧﻜﺮﯦﺘﺎﺭﻯ ﻫﺎﻣﯘﺕ ﮔﯚﻛﺘﯜﺭﻙ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ. (ﺋﻪﺭﻛﯩﻦ ﺗﺎﺭﯨﻢ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺋﯘﻳﻐﯘﺭﻻﺭﻧﯩﯔ ﺋﻮﻣﯘﻣﯩﻲ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺑﯩﺮ ﻣﺎﺋﺎﺭﯨﭙﭽﻰ ﺑﯩﻠﻪﻥ ﺳﯚﻫﺒﻪﺕ
- ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﯩﯔ ﻳﯧﯖﻰ ﻳﯩﻞ ﭘﺎﺋﺎﻟﯩﻴﯩﺘﻰ
- ﻫﻪﺭ ﺑﯩﺮ ﺋﯘﻳﻐﯘﺭﻧﯩﯔ ﻛﻪﭼﯜﺭﻣﯩﺸﻠﯩﺮﯨﺪﯨﻜﻰ ﺋﻮﺧﺸﺎﺵ ﻧﯘﻗﺘﺎ - ﺋﻪﺭﻛﯩﻦ ﭘﯩﻜﯩﺮ ﺑﺎﻳﺎﻥ ﻗﯩﻼﻟﻤﺎﺳﻠﯩﻖ ﯞﻩ ﻣﯩﻠﻠﯩﻲ ﻛﻪﻣﺴﯩﺘﯩﺸﻜﻪ ﺋﯘﭼﺮﺍﺵ
- ﺩﻩﺭﺱ ﻣﯘﻧﺒﯩﺮﯨﺪﯨﻦ ﻣﻪﺟﺒﯘﺭﯨﻲ ﺋﺎﻳﺮﯨﻠﻐﺎﻥ ﺋﻮﻗﯘﺗﻘﯘﭼﻰ ﺑﯩﻠﻪﻥ ﺳﯚﻫﺒﻪﺕ
- "ﻗﻮﺵ ﺗﯩﻠﻠﯩﻖ" ﺗﻪﺭﺑﯩﻴﻪ ﺳﻪﺑﯩﻠﻪﺭﮔﻪ ﻗﻮﺵ ﺗﻮﺳﺎﻟﻐﯘ
- ﻛﯩﭽﯩﻚ ﺋﯘﻳﻐﯘﺭ ﻗﯩﺰﻯ ﺋﺎﺭﺯﯗ ﺧﻪﻟﻘﺌﺎﺭﺍ ﻛﻪﺷﭙﯩﻴﺎﺗﭽﯩﻼﺭ ﻣﯘﺳﺎﺑﯩﻘﯩﺴﯩﺪﻩ ﺋﺎﻻﻫﯩﺪﻩ ﺩﻩﺭﯨﺠﯩﮕﻪ ﺋﯧﺮﯨﺸﺘﻰ
- ﺋﺎﻟﯩﻲ ﻣﻪﻛﺘﻪﭘﻜﻪ ﺋﯩﻤﺘﯩﻬﺎﻥ ﺑﻪﺭﮔﻪﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﻳﻪﻧﯩﻤﯘ ﺋﯧﻐﯩﺮ ﺑﯧﺴﯩﻢ ﻫﻪﻡ ﻧﺎﻫﻪﻕ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﻤﻪﻛﺘﻪ
- ﺧﯩﺘﺎﻳﺪﯨﻜﻰ ﺭﻩﻫﯩﻤﺴﯩﺰ ﺟﻪﯓ -ﺋﺎﻟﯩﻲ ﻣﻪﻛﺘﻪﭘﻜﻪ ﺗﺎﻟﻼﭖ ﻗﻮﺑﯘﻝ ﻗﯩﻠﯩﺶ ﺋﯩﻤﺘﯩﻬﺎﻧﻰ
- ﮔﻪﻧﺠﻴﺎﯓ ﺋﯩﻨﺴﺘﯩﺘﯘﺗﯩﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺗﺎﻣﺎﻕ ﺗﺎﺷﻠﯩﺪﻯ
- ﺗﯘﺭﻛﯩﻴﻪﺩﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺋﻪﻻ ﻧﻪﺗﯩﺠﻪ ﺑﯩﻠﻪﻥ ﺋﻮﻗﯘﺵ ﭘﯜﺗﺘﯜﺭﺩﻯ
- ﺟﯩﮕﻪﺭ ﻳﺎﻟﻠﯘﻏﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﺗﺎ -ﺋﺎﻧﯩﺴﻰ ﺑﯧﺴﯩﻢ ﺋﺎﺳﺘﯩﺪﺍ ﺋﻪﺭﺯﯨﻨﻰ ﻗﺎﻳﺘﯘﺭﯗﯞﯦﻠﯩﺸﻘﺎ ﻣﻪﺟﺒﯘﺭ ﺑﻮﻟﺪﻯ
- ﺟﯩﮕﻪﺭ ﻳﺎﻟﻠﯘﻏﻰ ﻛﯧﺴﻪﻟﻠﯩﻜﯩﮕﻪ ﮔﯩﺮﯨﭙﺪﺍﺭ ﺑﻮﻟﻐﯘﭼﻰ ﺩﻩﯞﺍﮔﻪﺭ ﺋﻮﻗﯘﻏﯘﭼﯩﻼﺭ ﺋﺎﺋﯩﻠﻪ ﺗﺎﯞﺍﺑﯩﺌﺎﺗﻰ ﻫﯚﻛﯜﻣﻪﺗﻨﯩﯔ ﺑﯧﺴﯩﻤﯩﻐﺎ ﺋﯘﭼﺮﯨﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
