ﺋﯘﻳﻐﯘﺭﻻﺭ ﻗﺎﻧﺪﺍﻕ ﺑﺎﺷﻘﯘﺭﯗﻟﯩﯟﺍﺗﯩﺪﯗ؟ ‏--- ﺑﯩﺮ " ﻧﻪﻣﯘﻧﯩﭽﻰ" ﻧﯩﯔ ﺋﯧﻴﺘﻘﺎﻧﻠﯩﺮﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺳﻮﺗﺴﯩﻴﺎﻟﯩﺴﺘﯩﻚ ﻣﻪﻧﯩﯟﯨﻲ ﻣﻪﺩﻩﻧﯩﻴﻪﺕ ﻗﯘﺭﯗﻟﯘﺷﻰ،ﺧﯩﺘﺎﻱ، ﺋﯘﻳﻐﯘﺭ ﺋﯧﻠﯩﺪﻩ 50 ﻳﯩﻠﺪﯨﻦ ﺑﯧﺮﻯ ﺋﯩﺰﭼﯩﻞ ﭼﯩﯔ ﺗﯘﺗﯘﭖ ﻛﯧﻠﯩﯟﺍﺗﻘﺎﻥ ﺋﯩﻜﻜﻰ ﭼﻮﯓ ﻗﯘﺭﯗﻟﯘﺷﻨﯩﯔ ﺑﯩﺮﻯ. ﺩﯨﯔ ﺷﯩﺎﯞﭘﯩﯔ ﺩﻩﯞﺭﯨﺪﻩ " 4 ﺗﻪ ﮔﯜﺯﻩﻝ، 3 ﺗﻪ ﻣﻪﺩﻩﻧﯩﻴﻪﺗﻠﯩﻚ ﺑﻮﻟﯘﺵ" ﺟﻴﺎﯓ ﺯﯦﻤﯩﻦ ﺩﻩﯞﺭﯨﺪﻩ " ﺋﯜﭼﻨﻰ ﻗﯩﺰﻏﯩﻦ ﺳﯚﻳﯜﺵ،" ﺧﯘ ﺟﯩﻨﺘﺎﯞ ﺩﻩﯞﺭﯨﺪﻩ ﺑﻮﻟﺴﺎ " ﺳﻪﻛﻜﯩﺰ ﺋﯩﺸﻨﻰ ﻧﻮﻣﯘﺱ ﺑﯩﻠﯩﺶ" ﻗﺎﺗﺎﺭﻟﯩﻖ ﻫﻪﺭ ﺧﯩﻞ ﻧﺎﻣﻼﺭ ﺋﺎﺳﺘﯩﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﯘ ﻗﯘﺭﯗﻟﯘﺵ، ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻗﺎﻧﺪﺍﻕ ﺑﯩﺮ ﺋﯩﻨﺴﺎﻥ ﺗﯩﭙﯩﻨﻰ ﯞﯗﺟﯘﺩﻗﺎ ﻛﻪﻟﺘﯜﺭﺩﻯ؟ ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﺋﯘﻳﻐﯘﺭﻻﺭ ﺑﯜﮔﯜﻥ ﻗﺎﻧﺪﺍﻕ ﺑﺎﺷﻘﯘﺭﯗﻟﯩﯟﺍﺗﯩﺪﯗ؟ ﺑﯘ ﺳﻮﺋﺎﻟﻐﺎ، ﻣﻪﻛﯩﺖ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﻧﻪﭘﻪﺭ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺋﯜﻟﮕﯩﺴﻰ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﻤﯩﺰ، ﺑﯩﺮ ﻧﯘﻗﺘﯩﺪﯨﻦ ﺟﺎﯞﺍﭖ ﺑﻮﻻﻻﻳﺪﯗ.

ﺋﯘﻳﻐﯘﺭ ﺩﯨﺨﺎﻧﻠﯩﺮﯨﻨﯩﯔ ﺋﯧﭽﯩﻨﯩﺸﻠﯩﻖ ﻧﺎﻟﯩﺴﻰ. ﺑﯘ ﺳﯩﻦ - ﺋﺎﻟﻐﯘ You tube ﺩﯨﻦ ﺋﯧﻠﯩﻨﺪﻯ.

" ﻛﻮﺟﺎﯕﻼﺭ ﻛﻪﺗﺘﻰ، ﺗﯘﻗﻘﺎﻧﻠﯩﺮﻯ ﻳﻪﺭﻟﻪﺷﺘﻰ"

ﻗﺎﺳﯩﻢ ﺭﯦﻬﯩﻢ ﻣﻪﻛﯩﺖ ﻧﺎﻫﯩﻴﯩﺴﯩﺪﯨﻜﻰ ﺋﯜﻟﮕﯩﻠﯩﻚ ﺑﯩﺮ ﻛﻮﻣﭙﺎﺭﺗﯩﻴﻪ ﺋﻪﺯﺍﺳﻰ، ﻧﺎﻫﯩﻴﯩﮕﻪ ﺑﯩﯟﺍﺳﺘﻪ ﻗﺎﺭﺍﺷﻠﯩﻖ ﺑﺎﻏﯟﻩﻧﭽﯩﻠﯩﻚ ﻣﻪﻳﺪﺍﻧﯩﻨﯩﯔ ﺑﺎﺷﻠﯩﻘﻰ، ﺋﯘﻧﯩﯔ ﯞﻩﺯﯨﭙﻪ ﺋﯚﺗﻪﺵ ﺟﻪﺭﻳﺎﻧﺪﺍ ﻛﯚﺭﺳﻪﺗﻜﻪﻥ ﺋﻪﯓ ﭼﻮﯓ ﺧﯩﺰﻣﯩﺘﻰ: ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﻛﻪﯓ ﻗﯘﭼﺎﻕ ﺋﯧﭽﯩﺶ.

ﺋﯜﻟﮕﯩﻠﯩﻚ ﻛﻮﻣﭙﺎﺭﺗﯩﻴﻪ ﺋﻪﺯﺍﺳﻰ ﻗﺎﺳﯩﻢ ﺭﯦﻬﯩﻤﻨﯩﯔ ﺋﯧﻴﺘﻘﺎﻥ ﺳﯚﺯﻟﯩﺮﯨﻨﻰ، ﻳﯧﻘﯩﻨﺪﺍ، ﻳﺎﭘﻮﻧﯩﻴﯩﻠﯩﻚ ﺑﯩﺮ ﻣﯘﺧﺒﯩﺮ ﺗﻪﺭﯨﭙﯩﺪﯨﻦ ﺯﯨﻴﺎﺭﻩﺕ ﻗﯩﻠﯩﻨﻐﺎﻥ ﺩﯦﻬﻘﺎﻧﻼﺭﻧﯩﯔ ﺷﯩﻜﺎﻳﻪﺗﻠﯩﺮﻯ ﻗﻪﺗﺌﯩﻲ ﺭﻩﺕ ﻗﯩﻠﯩﺪﯗ.

ﺩﯦﻬﻘﺎﻥ: ﺳﯘﻧﻰ ﭘﯘﻟﻐﺎ ﺳﯧﺘﯩﯟﺍﻟﯩﻤﯩﺰ، ﻫﺎﺷﺎﺭﻏﺎ ﺑﯩﻜﺎﺭﻟﯩﻖ ﺋﯩﺸﻠﻪﻳﻤﯩﺰ

ﻗﺎﺳﯩﻢ ﺭﯦﻬﯩﻤﻨﯩﯔ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﺗﯘﺭﻣﯘﺷﻰ ﻳﺎﺧﺸﻰ ﺩﯦﮕﻪﻥ ﻗﺎﺭﯨﺸﯩﻨﻰ، ﺋﯘﻳﻐﯘﺭ ﺋﯧﻠﯩﺪﯨﻦ ﻳﯧﻘﯩﻨﺪﺍ ﭼﯩﻘﻘﺎﻥ، ﻫﺎﺯﯨﺮ ﮔﻮﻟﻼﻧﺪﯨﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﺪﯨﻦ ﺳﺎﺩﯨﻖ ﺗﯘﺭﺳﯘﻥ ﺋﻪﭘﻪﻧﺪﯨﻨﯩﯔ ﺳﯚﺯﻟﯩﺮﯨﻤﯘ ﺋﯩﻨﻜﺎﺭ ﻗﯩﻠﯩﺪﯗ.

ﺋﻪﮔﻪﺭ، ﻗﻪﺷﻘﻪﺭ ﺩﯦﻬﻘﺎﻧﻠﯩﺮﻯ ﺑﯩﻠﻪﻥ ﺳﺎﺩﯨﻖ ﺗﯘﺭﺳﯘﻥ ﺋﻪﭘﻪﻧﺪﯨﻨﯩﯔ ﺋﯧﻴﺘﻘﺎﻧﻠﯩﺮﻯ ﺭﺍﺳﺖ ﺩﻩﭖ ﻗﺎﺭﺍﻟﺴﺎ، ﺋﯘ ﭼﺎﻏﺪﺍ ﻗﺎﺳﯩﻢ ﺭﯦﻬﯩﻤﻨﯩﯔ ﺳﯚﺯﻟﯩﮕﻪﻧﻠﯩﺮﻯ ﻳﺎﻟﻐﺎﻥ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﺩﯗﻧﻴﺎﻧﯩﯔ ﻫﻪﻣﻤﯩﻼ ﻳﯧﺮﯨﺪﻩ، ﺗﺎﺭﯨﺨﻨﯩﯔ ﭘﯜﺗﯜﻥ ﺑﺎﺳﻘﯘﭼﻠﯩﺮﯨﺪﺍ، ﻳﺎﻟﻐﺎﻥ ﺳﯚﺯﻟﻪﺵ ﺋﻪﺧﻼﻗﺴﯩﺰﻟﯩﻖ ﺳﺎﻧﯩﻠﯩﺪﯗ؛ ﻗﺎﻧﯘﻥ ﺑﯩﻠﻪﻥ ﺑﺎﺷﻘﯘﺭﯗﻟﯘﯞﺍﺗﻘﺎﻥ ﺩﯙﻟﻪﺗﻠﻪﺭﺩﻩ، ﻳﺎﻟﻐﺎﻥ ﺳﯚﺯﻟﻪﺵ ﺑﯩﺮﻩﺭ ﺷﻪﺧﺲ ﻳﺎﻛﻰ ﻛﻮﻟﻠﯩﻜﺘﯩﭙﻘﺎ ﺯﯨﻴﺎﻥ ﻛﻪﻟﺘﯜﺭﺳﻪ، ﺳﻮﺗﻘﺎ ﺗﺎﺭﺗﯩﻠﯩﭗ ﺟﺎﺯﺍﻟﯩﻨﯩﺪﯗ؛ ﺋﻪﻣﻤﺎ ﻗﺎﺳﯩﻢ ﺭﯦﻬﯩﻢ، ﻣﻪﻳﺪﺍﻥ ﺑﺎﺷﻠﯩﻘﻰ ﻗﯩﻠﯩﭗ ﺋﯚﺳﺘﯜﺭﯛﻟﮕﻪﻥ، ﻧﺎﻫﯩﻴﯩﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﺪﺍ ﯞﻩﺯﯨﭙﻪ ﺋﯚﺗﯩﮕﻪﻥ، ﺋﺎﭘﺘﻮﻧﻮﻡ ﺭﺍﻳﻮﻥ ﯞﻩ ﻣﻪﺭﻛﻪﺯ ﺗﻪﺭﯨﭙﯩﺪﯨﻦ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺋﯜﻟﮕﯩﺴﻰ ﻗﯩﻠﯩﭗ ﺗﻪﻗﺪﯨﺮﻟﻪﻧﮕﻪﻥ.

ﻗﺎﺳﯩﻢ ﺭﯦﻬﯩﻢ: ﭘﺎﺭﺗﯩﻴﯩﻨﯩﯔ ﺳﯩﻴﺎﺳﯩﺘﯩﻨﻰ ﺗﻪﯓ ﺗﻪﺷﯟﯨﻖ ﻗﯩﻼﻳﻠﻰ

ﻛﯩﺸﯩﻨﻰ ﺋﻮﻳﻐﺎ ﺳﺎﻟﯩﺪﯨﻐﯩﻨﻰ، ﻗﺎﺳﯩﻢ ﺭﯦﻬﯩﻢ ﺩﯗﻧﻴﺎﺩﯨﻦ ﭘﯜﺗﯜﻧﻠﻪﻱ ﺧﻪﯞﻩﺭﺳﯩﺰ، ﺋﯘ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﻨﻰ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺗﻪﺷﯟﯨﻘﺎﺕ ﻗﻮﺭﺍﻟﻰ ﺩﻩﭖ ﭼﯜﺷﯩﻨﯩﺪﯗ، ﺑﺎﺭﻟﯩﻖ ﻣﯘﺧﺒﯩﺮﻻﺭﻧﻰ ﻛﻮﻣﭙﺎﺭﺗﯩﻴﯩﻨﯩﯔ ﺗﻪﺷﯟﯨﻘﺎﺗﭽﯩﺴﻰ ﺩﻩﭖ ﺑﯩﻠﯩﺪﯗ، ﺩﯗﻧﻴﺎﺩﺍ ﻫﯧﭽﻘﺎﻧﺪﺍﻕ ﭘﺎﺭﺗﯩﻴﻪ ‏- ﻫﯚﻛﯜﻣﻪﺗﻜﻪ ﺑﯧﻘﯩﻨﻤﺎﻳﺪﯨﻐﺎﻥ ﻣﯘﺳﺘﻪﻗﯩﻞ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﺑﺎﺭﻟﯩﻘﯩﺪﯨﻦ ﺧﻪﯞﯨﺮﻯ ﻳﻮﻕ.

ﻫﯚﺭﻣﻪﺗﻠﯩﻚ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ، ﺑﯜﮔﯜﻥ ﺋﯘﻳﻐﯘﺭ ﻧﻮﭘﯘﺳﯩﻨﯩﯔ %90 ﻯ ﺩﯦﻬﻘﺎﻥ، ﺩﯦﻤﻪﻙ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﯜﮔﯜﻥ ﺋﻮﻧﻤﯩﯖﻠﯩﻐﺎﻥ ﻗﺎﺳﯩﻢ ﺭﯦﻬﯩﻤﻼﺭ ﺗﻪﺭﯨﭙﯩﺪﯨﻦ ﺑﺎﺷﻘﯘﺭﯗﻟﯩﯟﺍﺗﯩﺪﯗ، ﺋﻪﮔﻪﺭ ﺑﯩﺮ ﺟﻪﻣﺌﯩﻴﻪﺗﻨﯩﯔ ﻣﯘﺷﯘ ﺧﯩﻞ ﻻﻳﺎﻗﻪﺗﺴﯩﺰ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﺑﺎﺷﻘﯘﺭﯗﻟﯘﺷﻰ ﺋﺎﺩﺍﻟﻪﺗﺴﯩﺰﻟﯩﻚ ﻳﺎﻛﻰ ﺷﯘ ﺟﻪﻣﯩﻴﻪﺗﻜﻪ ﺯﯨﻴﺎﻧﻜﻪﺷﻠﯩﻚ ﻫﯧﺴﺎﺑﻼﻧﺴﺎ، ﺑﯘ ﻳﻪﺭﺩﯨﻜﻰ ﻣﻪﺳﺌﯘﻟﯩﻴﻪﺕ ﻛﯩﻤﺪﻩ؟

ﻗﺎﺳﯩﻢ ﺭﯦﻬﯩﻢ ﺗﯩﭙﯩﺪﯨﻜﻰ ﻛﯩﺸﯩﻠﻪﺭﺩﯨﻤﯘ ﻳﺎﻛﻰ ﻣﯘﺷﯘ ﺧﯩﻞ ﺗﯩﭙﻨﻰ ﻳﺎﺭﺍﺗﻘﺎﻧﻼﺭﺩﯨﻤﯘ؟ ﺑﯘ ﺳﻮﺋﺎﻟﻨﯩﯔ ﺟﺎﯞﺍﺑﻰ، ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻧﯩﯔ ﺋﻮﻳﻠﯩﻨﯩﺸﯩﻐﺎ ﻫﺎﯞﺍﻟﻪ. ﺑﯩﺰﻧﯩﯔ ﺑﯘ ﻳﻪﺭﺩﻩ ﭘﻪﻗﻪﺕ ﻳﻪﺗﻜﯜﺯﯨﺪﯨﻐﯩﻨﯩﻤﯩﺰ: ﺋﯘﻳﻐﯘﺭ ﺋﯧﻠﯩﺪﻩ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺳﻮﺗﺴﯩﻴﺎﻟﯩﺴﺘﯩﻚ ﻣﻪﻧﯩﯟﯨﻲ ﻣﻪﺩﻩﻧﯩﻴﻪﺕ ﻗﯘﺭﯗﻟﯘﺷﯩﻨﯩﯔ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻜﻰ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭﮔﻪ ﺋﻪﻗﻠﯩﻲ ﯞﻩ ﺋﻪﺧﻼﻗﯩﻲ ﺟﻪﻫﻪﺗﺘﯩﻦ ﺳﯧﻠﯩﯟﺍﺗﻘﺎﻥ ﺑﯘﺯﻏﯘﻧﭽﯩﻠﯩﻘﯩﺪﯗﺭ. (ﺷﯚﻫﺮﻩﺕ ﻫﻮﺷﯘﺭ)