ﺋﯘﻳﻐﯘﺭ ﺗﺎﺭﯨﺨﯩﺪﯨﻦ ﻛﻪﻟﮕﻪﻥ ﻗﻪﻫﺮﯨﻤﺎﻥ ﭘﯧﺮﺳﻮﻧﺎﮊ - ﻗﺎﺭﺍ ﺋﻮﻏﻼﻥ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﯩﺪﻩ ﺗﯜﺭﻛﻠﻪﺭﻧﯩﯔ ﺋﻪﺭﮔﻪﻧﻪﻛﻮﻧﺪﯨﻦ ﭼﯩﻘﯩﭗ ﻫﺎﺯﯨﺮﻗﻰ ﺗﯘﭘﺮﺍﻗﻼﺭﻏﺎ ﻛﯧﻠﯩﺶ ﺗﺎﺭﯨﺨﻰ ﺋﺎﯕﻠﯩﺘﯩﻠﻐﺎﻥ ﺭﯨﯟﺍﻳﻪﺗﻠﻪﺭ ﺋﯩﻨﺘﺎﻳﯩﻦ ﺟﯩﻖ. ﺑﯘ ﺭﯨﯟﺍﻳﻪﺗﻠﻪﺭ ﺋﯧﻐﯩﺰﺩﯨﻦ - ﺋﯧﻐﯩﺰﻏﺎ، ﺋﻪﯞﻻﺩﺗﯩﻦ- ﺋﻪﯞﻻﺩﻗﺎ ﺋﺎﯕﻠﯩﺘﯩﻠﯩﭗ ﻛﻪﻟﮕﻪﻥ. ﺑﯘ ﺭﯨﯟﺍﻳﻪﺗﻠﻪﺭﺩﻩ ﺧﯘﺩﺩﻯ ﺋﯘﻳﻐﯘﺭﻻﺭﺩﯨﻜﻰ ﭼﯩﻦ ﺗﯚﻣﯜﺭ ﺑﺎﺗﯘﺭﻏﺎ ﺋﻮﺧﺸﺎﺷﻼ ﻗﺎﺭﺍ ﺋﻮﻏﻼﻥ، ﺗﺎﺭﻛﺎﻥ ﻗﺎﺗﺎﺭﻟﯩﻖ ﻗﻪﻫﺮﯨﻤﺎﻥ ﭘﯧﺮﺳﻮﻧﺎﮊﻻﺭ ﺑﺎﺭ ﺑﻮﻟﯘﭖ، ﻗﺎﺭﺍ ﺋﻮﻏﻼﻥ ﺩﯦﺴﻪ ﺗﯜﺭﻛﯩﻴﯩﺪﻩ ﺑﯩﻠﻤﻪﻳﺪﯨﻐﺎﻥ ﻛﯩﺸﻰ ﻳﻮﻕ. ﻫﻪﺗﺘﺎ ﺗﯜﺭﻛﯩﻴﻪﻧﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻟﯩﺮﯨﺪﯨﻦ ﺑﯜﻟﻪﻧﺖ ﺋﯧﺠﯧﯟﯨﺘﻜﻪ ﺧﻪﻟﻖ ﺗﻪﺭﯨﭙﯩﺪﯨﻦ ﻗﺎﺭﺍ ﺋﻮﻏﻼﻥ ﺩﻩﭖ ﻧﺎﻡ ﺑﯧﺮﯨﻠﮕﻪﻥ ﺋﯩﺪﻯ.

ﺋﯚﺗﻜﻪﻥ ﻫﻪﭘﺘﻪ ﺗﯜﺭﻛﯩﻴﻪﻧﯩﯔ ﺋﻪﯓ ﭼﻮﯓ ﺧﻪﯞﻩﺭ ﻗﺎﻧﺎﻟﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ NTV ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺗﯜﺭﻙ ﻗﻪﻫﺮﯨﻤﺎﻧﻠﯩﺮﻯ ﺗﯧﻤﯩﻠﯩﻖ ﭘﺮﻭﮔﺮﺍﻣﻤﯩﺴﯩﺪﺍ ﻗﺎﺭﺍ ﺋﻮﻏﻼﻥ ﭘﯧﺮﺳﻮﻧﺎﮊﯨﻨﯩﯔ ﺋﯘﻳﻐﯘﺭ ﺋﯩﻜﻪﻧﻠﯩﻜﻰ ﻫﻪﺗﺘﺎ ﻗﺎﺭﺍ ﺋﻮﻏﻼﻥ ﻓﯩﻠﯩﻤﯩﻨﯩﯔ ﻳﯧﻘﯩﻨﺪﺍ ﻗﺎﺯﺍﻗﯩﺴﺘﺎﻧﺪﺍ ﺳﯩﻨﻐﺎ ﺋﯧﻠﯩﻨﯩﺪﯨﻐﺎﻧﻠﯩﻘﻰ ﺩﯦﻴﯩﻠﺪﻯ. ﺋﯩﮕﯩﻠﯩﺸﯩﻤﯩﺰﭼﻪ، 1960-ﻳﯩﻠﯩﺪﯨﻦ ﺗﺎﺭﺗﯩﭗ ﻗﺎﺭﺍ ﺋﻮﻏﻼﻥ ﻫﻪﻗﻘﯩﺪﯨﻜﻰ ﺭﯨﯟﺍﻳﻪﺗﻠﻪﺭ ﯞﻩ ﭼﯚﭼﻪﻛﻠﻪﺭ ﺋﺎﯕﻠﯩﺘﯩﻠﻐﺎﻥ ﺭﻩﺳﯩﻤﻠﯩﻚ ﻛﯩﺘﺎﭖ ﺋﯘﺩﺍ 7 ﻳﯩﻞ ﻓﺮﺍﻧﺴﯩﻴﻪ، ﺋﺎﻟﺠﯩﺮﯨﻴﻪ، ﺗﯘﻧﯩﺲ، ﻣﺎﺭﺍﻛﻪﺵ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﺳﯧﺘﯩﻠﻐﺎﻥ ﺋﯩﻜﻪﻥ.

ﺑﯘ ﺭﻩﺳﯩﻤﻠﯩﻚ ﻫﯧﻜﺎﻳﻪ ﺗﯜﺭﻛﯩﻴﻪﺩﯨﻜﻰ ﭼﻮﯓ ﮔﯧﺰﯨﺘﻠﻪﺭﺩﻩ ﺋﯘﺯﯗﻥ ﻳﯩﻠﻼﺭ ﺭﻩﺳﯩﻤﻠﯩﻚ ﭼﺎﺗﻤﺎ ﻫﯧﻜﺎﻳﻪ ﺷﻪﻛﻠﯩﺪﻩ ﻧﻪﺷﯩﺮ ﻗﯩﻠﯩﻨﻐﺎﻥ ﺑﻮﻟﯘﭖ، ﺋﻮﻗﯘﺭﻣﻪﻧﻠﻪﺭﻧﯩﯔ ﻗﯩﺰﯨﻘﯩﭗ ﺋﻮﻗﯘﺷﯩﻐﺎ ﺳﺎﺯﺍﯞﻩﺭ ﺑﻮﻟﻐﺎﻥ ﺋﯩﻜﻪﻥ. ﺑﯩﺰ ﺑﯘ ﻗﺎﺭﺍ ﺋﻮﻏﻼﻥ ﭘﯧﺮﺳﻮﻧﺎﮊﯨﻨﯩﯔ ﺋﯘﻳﻐﯘﺭﻻﺭﻏﺎ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﻳﺎﺭﯨﺘﯩﻠﻐﺎﻧﻠﯩﻘﯩﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﺑﯘ ﻗﻪﻫﺮﯨﻤﺎﻧﻨﯩﯔ ﻳﺎﺭﺍﺗﻘﯘﭼﯩﺴﻰ ﺑﻮﻟﻐﺎﻥ ﺳﯘﺋﺎﺕ ﻳﺎﻻﺯ ﺋﻪﭘﻪﻧﺪﯨﻢ ﺑﯩﻠﻪﻥ ﻛﯚﺭﯛﺷﺘﯘﻕ. ﺳﯘﺋﺎﺕ ﻳﺎﻻﺯ ﺋﻪﭘﻪﻧﺪﻯ 1932-ﻳﯩﻠﻰ ﺗﯜﺭﻛﯩﻴﻪﻧﯩﯔ ﻗﯩﺮﺷﯧﻬﯩﺮ ﯞﯨﻼﻳﯩﺘﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ ﺑﻮﻟﯘﭖ، ﺋﯩﺴﺘﺎﻧﺒﯘﻝ ﮔﯜﺯﻩﻝ- ﺳﻪﻧﺌﻪﺗﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﻰ ﭘﯜﺗﺘﯜﺭﮔﻪﻥ.

ﺋﻮﻗﯘﻏﯘﭼﯩﻠﯩﻖ ﻳﯩﻠﻠﯩﺮﯨﺪﺍ ﺗﯜﺭﻛﯩﻴﻪﺩﯨﻜﻰ ﮔﯧﺰﯨﺖ ﯞﻩ ﻫﻪﭘﺘﯩﻠﯩﻚ ﮊﯗﺭﻧﺎﻟﻼﺭﺩﺍ ﺭﻩﺳﯩﻢ ﺳﯩﺰﻏﺎﻥ. 1960-ﻳﯩﻠﯩﺪﺍ ﺋﺎﺧﺸﺎﻡ ﮔﯧﺰﯨﺘﯩﺪﻩ ﻳﯧﺰﯨﺸﻘﺎ ﺑﺎﺷﻠﯩﻐﺎﻥ ﻗﺎﺭﺍ ﺋﻮﻏﻼﻥ ﻫﯧﻜﺎﻳﯩﻠﯩﺮﻯ ﺑﯩﻠﻪﻥ ﺋﻮﻗﯘﺭﻣﻪﻧﻠﻪﺭﻧﯩﯔ ﺋﺎﻟﻘﯩﺸﯩﻐﺎ ﺳﺎﺯﺍﯞﻩﺭ ﺑﻮﻟﻐﺎﻥ. ﻛﯧﻴﯩﻦ ﺋﯘ ﺋﯚﺯﯨﻨﯩﯔ ﺷﯩﺮﻛﯩﺘﯩﻨﻰ ﻗﯘﺭﯗﭖ، ﺗﺎﺭﯨﺨﻰ ﻗﻪﻫﺮﯨﻤﺎﻧﻼﺭ ﺗﻪﺳﯟﯨﺮﻟﻪﻧﮕﻪﻥ ﻛﯩﻨﻮﻻﺭﻧﻰ ﺋﯩﺸﻠﯩﮕﻪﻥ.

ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺳﯘﺋﺎﺕ ﻳﺎﻻﺯ ﺋﻪﭘﻪﻧﺪﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻨﻰ ﺋﺎﯕﻠﯩﻐﺎﻳﺴﯩﻠﻪﺭ.