ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﺴﺘﯩﺘﯘﺗﯩﻨﯩﯔ ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﻮﺭﮔﺎﻥ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻳﻐﯘﺭ ﺗﺎﺭﯨﺨﺸﯘﻧﺎﺳﻠﯩﺮﯨﻨﯩﯔ ﺑﺎﻫﺎﺳﻰ (1)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ'ﺩﺍ 11 ‏- ﺋﺎﻳﻨﯩﯔ 2 ‏- ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭﺩﻩ 'ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺗﺎﺭﯨﺦ ﺗﻪﺗﻘﯩﻘﺎﺕ ﺋﻮﺭﻧﻰ ﻣﺎﺭﻛﯩﺴﺰﻣﻠﯩﻖ ﺩﯙﻟﻪﺕ، ﺗﺎﺭﯨﺦ، ﻣﯩﻠﻠﻪﺕ، ﺩﯨﻦ، ﻣﻪﺩﻩﻧﯩﻴﻪﺕ ﺗﯩﻜﻠﻪﺵ ﯞﻩ 'ﺋﯜﭺ ﺧﯩﻞ ﻛﯜﭺ'ﻟﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺋﺎﺭﻗﯩﻠﯩﻖ ﺷﯩﻨﺠﺎﯕﻨﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺟﯘﯕﮕﻮﻧﯩﯔ ﺋﺎﻳﺮﯨﻠﻤﺎﺱ ﺯﯦﻤﯩﻨﻰ ﺋﯩﻜﻪﻧﻠﯩﻜﯩﻨﻰ، ﺷﯩﻨﺠﺎﯓ ﺋﻪﺯﻩﻟﺪﯨﻦ ﻛﯚﭖ ﻣﯩﻠﻠﻪﺕ ﺋﯧﭽﯩﭗ -ﺗﻪﺭﻩﻗﻘﻰ ﻗﯩﻠﺪﯗﺭﻏﺎﻥ ﺟﺎﻱ ﺋﯩﻜﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﭼﯜﺷﻪﻧﺪﯛﺭﺩﻯ' ﺩﻩﭖ ﻣﻪﺩﻫﯩﻴﯩﻠﻪﻧﮕﻪﻥ.

ﻣﺎﺭﻛﯩﺴﯩﺰﻡ ﻣﻪﻳﺪﺍﻧﯩﺪﺍ ﭼﯩﯔ ﺗﯘﺭﯗﭖ ﺗﺎﺭﯨﺨﻨﻰ ﺑﻮﺭﻣﯩﻠﯩﻐﺎﻧﻠﯩﻘﻰ ﺗﻮﻏﺮﺍ ﺑﻮﻟﻤﯩﺪﻯ

ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﺗﯘﺭﯗﯞﺍﺗﻘﺎﻥ ﺗﺎﺭﯨﺦ ﭘﻪﻧﻠﯩﺮﻯ ﺩﻭﻛﺘﻮﺭﻯ ﻗﺎﻫﺎﺭ ﺑﺎﺭﺍﺗﻨﯩﯔ ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﺴﺘﯩﺘﯘﺗﯩﻨﯩﯔ ﺋﻪﻟﻠﯩﻚ ﻳﯩﻠﻠﯩﻖ ﺧﯩﺰﻣﯩﺘﯩﮕﻪ ﺑﺎﻫﺎ ﺑﯧﺮﯨﺸﯩﭽﻪ، ﮔﻪﺭﭼﻪ ﺑﯘ ﺋﯩﻨﺴﺘﯩﺘﯘﺕ ﺗﺎﺭﯨﺦ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺗﻮﭘﻼﺵ ﺟﻪﻫﻪﺗﺘﻪ ﻧﯘﺭﻏﯘﻥ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﻣﺎﺭﻛﯩﺴﯩﺰﻡ ﻣﻪﻳﺪﺍﻧﯩﺪﺍ ﭼﯩﯔ ﺗﯘﺭﯗﭖ، ﺗﺎﺭﯨﺨﻨﻰ ﺑﻮﺭﻣﯩﻠﯩﻐﺎﻧﻠﯩﻘﻰ، ﮔﻪﺭﭼﻪ ﺑﯘ ﺋﯩﻨﯩﺴﺘﯩﺘﯘﺗﺘﺎ ﻧﺎﻫﺎﻳﯩﺘﻰ ﻳﺎﺧﺸﻰ ﺋﺎﻟﯩﻤﻼﺭ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺳﯩﻴﺎﺳﻪﺗﻠﯩﺮﻯ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺸﻘﺎ ﻣﻪﺟﺒﯘﺭ ﻗﯩﻠﯩﻨﻐﺎﻧﻠﯩﻘﻰ، ﺑﯘ ﺗﻮﻏﺮﺍ ﺑﻮﻟﻤﯩﻐﺎﻥ.

ﻣﺎﺭﻛﯩﺴﯩﺰﻡ ﺩﯗﻧﻴﺎﺩﺍ ﻧﯘﺭﻏﯘﻥ ﻛﯩﺸﯩﻨﻰ ﻗﺎﻳﻤﯘﻗﺘﯘﺭﻏﺎﻥ ﻧﻪﺯﯨﺮﯨﻴﻪ ﺋﯩﺪﻯ

ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺗﻨﯩﯔ ﻗﺎﺭﯨﺸﯩﭽﻪ، ﻣﺎﺭﻛﯩﺴﯩﺰﻡ ﺋﯚﺗﻜﻪﻥ ﺋﻪﺳﺮﻧﯩﯔ 30 ‏- 40 ‏- ﻳﯩﻠﻠﯩﺮﯨﺪﺍ، ﺩﯗﻧﻴﺎﺩﺍ ﻧﯘﺭﻏﯘﻥ ﻛﯩﺸﯩﻨﻰ ﻗﺎﻳﻤﯘﻗﺘﯘﺭﻏﺎﻥ ﻧﻪﺯﯨﻴﻪ ﺋﯩﺪﻯ. ﻫﺎﺯﯨﺮ ﺋﯩﻨﺴﺎﻧﯩﻴﻪﺕ ﺋﯘﻧﯩﯔ ﺧﺎﺗﺎ ﻧﻪﺯﯨﺮﯨﻴﻪ ﺋﯩﻜﻪﻧﻠﯩﻜﻰ ﺑﯩﻠﯩﭗ ﻳﻪﺗﺘﻰ. ﺋﻪﻣﻤﺎ ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﯩﺴﺘﯩﺘﯘﺗﻰ ﺗﯧﺨﯩﭽﻪ ﺷﯘ ﺧﺎﺗﺎ ﻣﻪﻳﺪﺍﻧﺪﺍ ﭼﯩﯔ ﺗﯘﺭﯗﭖ ﻛﻪﻟﻤﻪﻛﺘﻪ.

ﺳﯩﻴﺎﺳﻪﺗﻨﯩﯔ ﻗﻮﺭﺍﻟﻰ ﺑﻮﻟﻐﺎﻥ ﺋﯩﻨﯩﺴﺘﯩﺘﯘﺗﻨﻰ ﺋﯩﻠﻤﯩﻲ ﺋﻮﺭﮔﺎﻥ ﺩﯦﮕﯩﻠﻰ ﺑﻮﻟﻤﺎﻳﺪﯗ

ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺗﻨﯩﯔ ﻗﺎﺭﯨﺸﯩﭽﻪ، ﺗﺎﺭﯨﺦ ﺋﯩﻠﻤﻰ ﻣﻪﻟﯘﻡ ﺑﯩﺮ ﻫﯚﻛﯜﻣﻪﺗﻨﯩﯔ ﻳﺎﻛﻰ ﺳﯩﻴﺎﺳﻪﺗﻨﯩﯔ ﻗﻮﺭﺍﻟﻰ ﻗﯩﻠﯩﻨﻤﺎﺳﻠﯩﻘﻰ ﻛﯧﺮﻩﻙ، ﻣﯘﺷﯘ ﻧﻮﻗﺘﯩﺪﯨﻦ ﺋﯧﻴﺘﻘﺎﻧﺪﺍ، ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﺴﺘﯩﺘﯘﺗﯩﻨﻰ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺋﻮﺭﻧﻰ ﺩﯦﮕﯩﻠﻰ ﺑﻮﻟﻤﺎﻳﺪﯗ. (ﺩﺍﯞﺍﻣﻰ ﺑﺎﺭ، ﯞﻩﻟﻰ)