ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﺴﺘﯩﺘﯘﺗﯩﻨﯩﯔ ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﻮﺭﮔﺎﻥ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻳﻐﯘﺭ ﺗﺎﺭﯨﺨﺸﯘﻧﺎﺳﻠﯩﺮﯨﻨﯩﯔ ﺑﺎﻫﺎﺳﻰ (2)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ'ﺩﺍ 11 ‏- ﺋﺎﻳﻨﯩﯔ 2 ‏- ﻛﯜﻧﻰ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻡ ﺑﺎﺷﻠﯩﻘﻰ ﻟﻰ ﻳﻰ ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺗﺎﺭﯨﺦ ﺋﯩﻨﯩﺴﺘﯩﺘﯘﺗﯩﻨﻰ' ﺋﻪﻟﻠﯩﻚ ﻳﯩﻠﺪﯨﻦ ﺑﯘﻳﺎﻥ ﻣﺎﺭﻛﯩﺴﯩﺰﻣﻠﯩﻖ ﺩﯙﻟﻪﺕ، ﺗﺎﺭﯨﺦ، ﻣﯩﻠﻠﻪﺕ، ﺩﯨﻦ، ﻣﻪﺩﻩﻧﯩﻴﻪﺕ ﺗﯩﻜﻠﻪﺵ ﯞﻩ 'ﺋﯜﭺ ﺧﯩﻞ ﻛﯜﭺ'ﻟﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺋﺎﺭﻗﯩﻠﯩﻖ ﺷﯩﻨﺠﺎﯕﻨﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺟﯘﯕﮕﻮﻧﯩﯔ ﺋﺎﻳﺮﯨﻠﻤﺎﺱ ﺯﯦﻤﯩﻨﻰ ﺋﯩﻜﻪﻧﻠﯩﻜﯩﻨﻰ ﯞﻩ ﺷﯩﻨﺠﺎﯓ ﺋﻪﺯﻩﻟﺪﯨﻦ ﻛﯚﭖ ﻣﯩﻠﻠﻪﺕ ﺋﯧﭽﯩﭗ -ﺗﻪﺭﻩﻗﻘﻰ ﻗﯩﻠﺪﯗﺭﻏﺎﻥ ﺟﺎﻱ ﺋﯩﻜﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﭼﯜﺷﻪﻧﺪﯛﺭﯛﭖ ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﺘﻰ' ﺩﻩﭖ ﻣﻪﺩﻫﯩﻴﯩﻠﻪﻧﮕﻪﻥ. ﺑﯘ ﻣﻪﺩﻫﯩﻴﻪ ﺗﺎﺭﯨﺨﺸﯘﻧﺎﺳﻼﺭ ﺋﯩﭽﯩﺪﻩ ﺋﻮﺧﺸﯩﻤﯩﻐﺎﻥ ﻛﯚﺯ ﻗﺎﺭﺍﺵ ﭘﻪﻳﺪﺍ ﻗﯩﻠﺪﻯ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﺎﺭﯨﺨﯩﻨﻰ ﺑﯘﺭﻣﯩﻠﯩﻐﺎﻧﻠﯩﻖ 'ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻧﻠﯩﻚ' ﺋﻪﻣﻪﺱ، ﺑﻪﻟﻜﻰ ﺳﯩﻴﺎﺳﯩﻲ ﻳﺎﻟﻐﺎﻧﭽﯩﻠﯩﻖ

ﺗﯜﺭﻛﯩﻴﯩﻨﯩﯔ ﻫﺎﺟﻪﺗﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﻰ ﺗﺎﺭﯨﺦ ﭘﺎﻛﻮﻟﺘﯧﺘﯩﺪﯨﻜﻰ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﺋﯩﻠﻤﯩﻲ ﺗﺎﺭﯨﺨﻨﻰ ﺳﯩﻴﺎﺳﻪﺕ ﺋﯜﭼﯜﻥ ﺧﯩﺰﻣﻪﺕ ﻗﯩﻠﺪﯗﺭﯨﺪﯨﻐﺎﻥ ﺋﻪﻫﯟﺍﻝ ﻣﻪﯞﺟﯘﺕ. ﺷﯘﯕﻼﺷﻘﺎ ﺧﯩﺘﺎﻳﺪﯨﻜﻰ ﺗﺎﺭﯨﺦ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ ﺗﻪﺗﻘﯩﻘﺎﺗﻠﯩﺮﻯ ﺧﻪﻟﻘﺌﺎﺭﺍﺩﺍ ﺗﺎﺯﺍ ﺋﯧﺘﯩﺒﺎﺭﻏﺎ ﺋﯧﻠﯩﻨﻤﺎﻳﺪﯗ.

ﺋﻪﮔﻪﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﺎﺭﯨﺨﯩﻨﻰ ﺑﯘﺭﻣﯩﻠﯩﻐﺎﻧﻠﯩﻖ 50 ﻳﯩﻠﺪﯨﻦ ﺑﯘﻳﺎﻥ ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻧﻠﯩﻚ، ﺩﻩﭖ ﻣﯘﺑﺎﻟﯩﻐﻪ ﻗﯩﻠﯩﻨﺴﺎ، ﺑﯘ ﺳﯩﻴﺎﺳﯩﻲ ﻳﺎﻟﻐﺎﻧﭽﯩﻠﯩﻖ ﺑﻮﻟﯘﭖ ﻗﺎﻟﯩﺪﯗ.

ﻣﺎﺭﻛﯩﺴﯩﺰﻡ ﻧﻪﺯﯨﺮﯨﻴﯩﻠﯩﺮﯨﻨﯩﯔ ﺋﯚﺯﯨﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺧﯩﺘﺎﻱ ﺯﯦﻤﯩﻨﻰ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻠﯩﻤﺎﻳﺘﻰ

ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺦ ﺋﯩﻨﺴﺘﯩﺘﯘﺗﯩﻨﯩﯔ ' ﺋﻪﻟﻠﯩﻚ ﻳﯩﻠﺪﯨﻦ ﺑﯘﻳﺎﻥ ﻣﺎﺭﻛﯩﺴﺰﻣﻠﯩﻖ ﺩﯙﻟﻪﺕ، ﺗﺎﺭﯨﺦ، ﻣﯩﻠﻠﻪﺕ، ﺩﯨﻦ، ﻣﻪﺩﻩﻧﯩﻴﻪﺕ ﺗﯩﻜﻠﻪﺵ ﯞﻩ 'ﺋﯜﭺ ﺧﯩﻞ ﻛﯜﭺ'ﻟﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺋﺎﺭﻗﯩﻠﯩﻖ، ﺩﯗﻧﻴﺎﻏﺎ ﺷﯩﻨﺠﺎﯕﻨﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺟﯘﯕﮕﻮﻧﯩﯔ ﺋﺎﻳﺮﯨﻠﻤﺎﺱ ﺯﯦﻤﯩﻨﻰ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﯛﭖ، ﺋﺎﻻﻫﯩﺪﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﻮﺭﮔﺎﻥ ﺑﻮﻟﻐﺎﻧﻠﯩﻘﻰ' ﻫﻪﻗﻘﯩﺪﯨﻤﯘ ﻣﯘﻻﻫﯩﺰﻩ ﻳﯜﺭﮔﯜﺯﺩﻯ.

ﺋﯘﻧﯩﯔ ﻗﺎﺭﯨﺸﯩﭽﻪ، ﻣﺎﺭﻛﯩﺴﺰﻣﻠﯩﻖ ﺗﺎﺭﯨﺦ، ﻣﯩﻠﻠﻪﺕ، ﺩﯨﻦ ﻧﻪﺯﯨﺮﯨﻴﯩﻠﯩﺮﻯ ﻫﯧﭽﻘﺎﻧﺪﺍﻕ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺧﯩﺘﺎﻳﻨﯩﯔ ﺯﯦﻤﯩﻨﻰ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﻣﻪﻳﺘﺘﻰ، ﺋﻪﻣﻤﺎ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﻯ ﻣﺎﺭﻛﺴﯩﺰﻣﻨﯩﯔ ﺳﯩﻨﯩﭙﯩﻲ ﻛﯚﺭﻩﺵ ﻧﻪﺯﯨﺮﯨﻴﯩﺴﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻣﯩﻠﻠﯩﻲ ﺯﯨﺪﺩﯨﻴﻪﺗﻠﻪﺭﻧﻰ ﺑﯘﺭﻣﯩﻼﭖ ﻛﯚﺭﺳﯩﺘﯩﯟﺍﺗﯩﺪﯗ.

ﺩﯗﻧﻴﺎ ﻗﻮﺑﯘﻝ ﻗﯩﻠﻤﯩﻐﺎﻥ ﻣﺎﺭﻛﯩﺴﯩﺰﻡ ﻧﻪﺯﯨﺮﯨﻴﯩﺴﻰ ﺑﯘﻳﯩﭽﻪ ﭼﻮﯓ ﻣﯩﻠﻠﻪﺗﭽﯩﻠﯩﻚ ﻗﯩﻠﯩﺶ ﺯﺍﻣﺎﻧﻐﺎ ﻣﺎﺳﻼﺷﻤﯩﻐﺎﻧﻠﯩﻖ

ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﻣﺎﺭﻛﯩﺴﯩﺰﻡ ﻧﻪﺯﯨﺮﯨﻴﯩﺴﯩﻨﯩﯔ ﺋﻪﯓ ﺋﺎﺧﯩﺮﻗﻰ ﻧﯩﺸﺎﻧﻰ ﺑﺎﺭﻟﯩﻖ ﻣﯩﻠﻠﻪﺕ ﯞﻩ ﺩﯨﻨﻼﺭﻧﻰ ﻳﻮﻗﯩﺘﯩﺶ، ﺩﯨﻨﻐﺎ ﺋﯩﺸﻪﻧﮕﻪﻥ ﻣﯩﻠﻠﻪﺗﻠﻪﺭ ﻗﯘﺭﻏﺎﻥ ﺩﯙﻟﻪﺗﻠﻪﺭﻧﻰ ﺗﺎﺭﯨﺨﺘﯩﻦ ﺋﯚﭼﯜﺭﯛﺵ ﺋﯩﺪﻯ. ﺩﯗﻧﻴﺎﺩﺍ ﻫﯧﭽﻜﯩﻢ ﺑﯘﻧﺪﺍﻕ ﻧﯩﺸﺎﻧﻨﻰ ﻗﻮﺑﯘﻝ ﻗﯩﻠﻤﯩﺪﻯ. ﺷﯘﯕﻼﺷﻘﺎ ﻛﻮﻣﻤﯘﻧﯩﺰﻡ ﻧﻪﺯﯨﺮﯨﻴﯩﺴﻰ ﺩﯗﻧﻴﺎﺩﺍ ﻛﻪﯓ ﻳﯧﻴﯩﻠﻤﯩﺪﻯ.

ﺩﯗﻧﻴﺎﺩﺍ، ﻫﺎﺯﯨﺮﻗﯩﺪﻩﻙ، ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻘﺎ ﺋﻪﻫﻤﯩﻴﻪﺕ ﺑﯧﺮﯨﻠﯩﯟﺍﺗﻘﺎﻥ ﯞﺍﻗﯩﺘﺘﺎ، ﺩﯨﻜﺘﺎﺗﻮﺭﻟﯘﻕ ﺋﯩﺪﯦﺌﻮﻟﻮﮔﯩﻴﯩﺴﻰ ﯞﻩ ﺗﺎﺭﯨﺨﺘﯩﻜﻰ ﭼﻮﯓ ﻣﯩﻠﻠﻪﺗﭽﯩﻠﯩﻜﻜﻪ ﺗﺎﻳﯩﻨﯩﭗ، ﺑﺎﺷﻘﺎ ﻣﯩﻠﻠﻪﺗﻨﯩﯔ ﺯﯦﻤﯩﻨﯩﻨﻰ ﺋﯚﺯﯨﻨﯩﯔ ﺯﯦﻤﯩﻨﻰ ﺩﻩﭖ ﺟﺎﻛﺎﺭﻻﺵ ‏-‏ ﺯﺍﻣﺎﻧﻐﺎ ﻣﺎﺱ ﻛﻪﻟﻤﯩﮕﻪﻥ ﺑﯩﺮﺧﯩﻞ ﺋﯩﭙﺎﺩﻩ. ﺧﯩﺘﺎﻱ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ 'ﺋﯜﭺ ﺧﯩﻞ ﻛﯜﭺ' ﺩﯦﮕﻪﻧﻠﯩﺮﯨﻤﯘ ﺋﯘﻻﺭﻧﯩﯔ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﯩﻨﻰ ﻛﯚﺭﺳﯩﺘﯩﺪﯗ. (ﯞﻩﻟﻰ)