"ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺗﺎﺭﯨﺨﻰ ﯞﻩ ﻣﻪﺩﻩﻧﯩﻴﯩﺘﻰ" ﻧﺎﻣﻠﯩﻖ ﺋﻪﺳﻪﺭ ﺋﯩﺴﺘﺎﻧﺒﯘﻟﺪﺍ ﻧﻪﺷﯩﺮ ﻗﯩﻠﯩﻨﺪﻯ

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

"ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺗﺎﺭﯨﺨﻰ ﯞﻩ ﻣﻪﺩﻩﻧﯩﻴﯩﺘﻰ" ﻧﯩﯔ ﻣﯘﻗﺎﯞﯨﺴﻰ. RFA/ﺋﻪﺭﻛﯩﻦ ﺗﺎﺭﯨﻢ

ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺗﺎﺭﯨﺨﻰ ﯞﻩ ﻣﻪﺩﻩﻧﯩﻴﯩﺘﻰ ﻧﺎﻣﻠﯩﻖ ﺋﻪﺳﻪﺭ ﺋﯩﺴﺘﺎﻧﺒﯘﻟﺪﺍ ﻧﻪﺷﯩﺮﺩﯨﻦ ﭼﯩﻘﺘﻰ. ﺋﻪﺳﻪﺭﻧﻰ ﺋﯩﺴﺘﺎﻧﺒﯘﻟﺪﯨﻜﻰ ﻣﯩﻤﺎﺭﺳﯩﻨﺎﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ، ﺗﻮﻧﯘﻟﻐﺎﻥ ﺗﺎﺭﯨﺨﭽﻰ ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﻰ ﻳﺎﺯﻏﺎﻥ ﺑﻮﻟﯘﭖ، ﺋﻪﺳﻪﺭ ﻛﯩﺮﯨﺶ ﺳﯚﺯ ﯞﻩ 6 ﺑﯚﻟﯜﻣﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ. 1 - ﺑﯚﻟﯜﻡ ﺋﯘﻳﻐﯘﺭ ﺩﯙﻟﯩﺘﻰ ﻗﯘﺭﯗﻟﯘﺷﺘﯩﻦ ﺑﯘﺭﯗﻧﻘﻰ ﺋﯘﻳﻐﯘﺭ ﺗﺎﺭﯨﺨﯩﻐﺎ، 2- ﺑﯚﻟﯜﻡ ﺋﯚﺗﯜﻛﻪﻧﺪﯨﻜﻰ ﺋﯘﻳﻐﯘﺭ ﺧﺎﻗﺎﻧﻠﯩﻘﻰ، 3 - ﺑﯚﻟﯜﻡ ﮔﻪﻧﺴﯘ ﺋﯘﻳﻐﯘﺭ ﺩﯙﻟﯩﺘﻰ، 4 - ﺑﯚﻟﯜﻡ ﺗﯘﺭﭘﺎﻥ ﺋﯘﻳﻐﯘﺭ ﺩﯙﻟﯩﺘﻰ، 5 - ﺑﯚﻟﯜﻡ ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﺪﯨﻦ ﺋﯩﺒﺎﺭﻩﺕ. ﺑﯘﻻﺭﺩﯨﻦ ﺑﺎﺷﻘﺎ ﻛﯩﺘﺎﺑﻨﯩﯔ ﺋﺎﺧﯩﺮﯨﺪﺍ ﺋﯘﻳﻐﯘﺭ ﺧﺎﻗﺎﻧﻠﯩﺮﯨﻨﯩﯔ ﺗﯩﺰﯨﻤﻠﯩﻜﻰ، ﺗﺎﯓ ﺳﯘﻻﻟﯩﺴﻰ ﺋﯩﻤﭙﯧﺮﺍﺗﻮﺭﻟﯩﺮﯨﻨﯩﯔ ﺗﯩﺰﯨﻤﻠﯩﻜﻰ ﯞﻩ ﺋﯘﻳﻐﯘﺭ ﺧﺎﻗﺎﻧﻠﯩﻘﻰ ﻣﻪﺯﮔﯩﻠﯩﺪﯨﻜﻰ ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﺧﻪﺭﯨﺘﯩﺴﯩﻤﯘ ﺑﯧﺮﯨﻠﮕﻪﻥ.

ﺑﯘ ﻛﯩﺘﺎﭖ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻛﯩﺘﺎﭘﻨﯩﯔ ﺋﺎﭘﺘﻮﺭﻯ ﺗﻮﻧﯘﻟﻐﺎﻥ ﺗﺎﺭﯨﺨﭽﻰ ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﻰ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. - ﻫﯚﺭﻣﻪﺗﻠﯩﻚ ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﻰ، ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺗﺎﺭﯨﺨﻰ ﯞﻩ ﻣﻪﺩﻩﻧﯩﻴﯩﺘﻰ ﻧﺎﻣﻠﯩﻖ ﻛﯩﺘﺎﭖ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﻪﺭﺳﯩﯖﯩﺰ ﻗﺎﻧﺪﺍﻕ؟

- ﺑﯘ ﻛﯩﺘﺎﭘﻨﻰ ﺧﯧﻠﻰ ﺑﯘﺭﯗﻥ ﻳﺎﺯﻏﺎﻥ ﺋﯩﺪﯨﻢ. ﻣﯧﻨﯩﯔ ﺩﻭﺗﺴﯧﻨﺘﻠﯩﻖ ﺋﯘﻧﯟﺍﻧﻰ ﺋﯜﭼﯜﻥ ﻳﺎﺯﻏﺎﻥ ﺋﯩﻠﻤﻰ ﻣﺎﻗﺎﻟﻪﻡ ﺋﯚﺗﻜﻪﻥ ﺋﯘﻳﻐﯘﺭ ﺩﯙﻟﯩﺘﻰ ﻫﻪﻗﻘﯩﺪﻩ ﺋﯩﺪﻯ. 1972-1973-ﻳﯩﻠﻼﺭﺩﺍ ﻳﺎﺯﻏﺎﻥ ﺋﯩﺪﯨﻢ ﺑﯘ ﻛﯩﺘﺎﺑﻨﻰ. ﺋﻪﻣﻤﺎ ﺋﻪﻣﺪﻯ ﻧﻪﺷﯩﺮ ﻗﯩﻠﺪﯗﺭﺩﯗﻡ. ﻛﯩﺘﺎﺑﯩﻤﻨﻰ ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﻫﻪﻗﻘﯩﺪﻩ ﻳﯧﺰﯨﻠﻐﺎﻥ ﺧﯩﺘﺎﻳﭽﻪ ﺗﯧﻜﯩﺴﺘﻠﻪﺭﮔﻪ، ﻗﻪﺩﯨﻤﻘﻰ ﺋﯘﻳﻐﯘﺭ ﺗﯧﻜﯩﺴﺘﻠﯩﺮﯨﮕﻪ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﻳﺎﺯﺩﯨﻢ. ﺋﯘﻳﻐﯘﺭ ﺗﺎﺭﯨﺨﯩﻨﻰ ﺑﯩﺮ ﭘﯜﺗﯜﻥ ﻫﺎﻟﺪﺍ ﺋﻮﺗﺘﯘﺭﯨﻐﺎ ﻗﯘﻳﯘﺵ ﺋﯜﭼﯜﻥ ﻳﺎﺯﺩﯨﻢ. ﺋﯘﻳﻐﯘﺭ ﺗﺎﺭﯨﺨﻰ ﻫﯩﭻ ﺷﯜﺑﻬﯩﺴﯩﺰﻛﻰ ﺋﻮﺗﺘﯘﺭﺍ ﺋﺎﺳﯩﻴﺎ ﺗﺎﺭﯨﺨﯩﻨﯩﯔ ﺋﻪﯓ ﻣﯘﻫﯩﻢ ﺩﻩﯞﯨﺮﻟﯩﺮﯨﺪﯨﻦ ﺑﯩﺮﯨﺪﯗﺭ.

- ﺳﯩﺰ ﺑﯘ ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺩﯨﮕﻪﻥ ﯞﺍﻗﺘﯩﯖﯩﺰﺩﺍ ﻗﺎﻳﺴﻰ ﻣﻪﺯﮔﯩﻠﻨﻰ ﻛﯚﺯﺩﻩ ﺗﯘﺗﯩﺴﯩﺰ؟

- ﺋﯚﺗﯜﻛﻪﻥ ﺭﺍﻳﻮﻧﯩﺪﺍ ﻗﯘﺭﯗﻟﻐﺎﻥ ﺑﯜﻳﯜﻙ ﺋﯘﻳﻐﯘﺭ ﺧﺎﻗﺎﻧﻠﯩﻘﻰ، ﮔﻪﻧﺴﯘ ﺋﯘﻳﻐﯘﺭ ﺩﯙﻟﯩﺘﻰ ﯞﻩ ﺗﯘﺭﭘﺎﻥ ﺑﻪﺷﺒﺎﻟﯩﻖ ﺋﯘﻳﻐﯘﺭ ﺩﯙﻟﯩﺘﻰ ﻗﺎﺗﺎﺭﻟﯩﻖ 3 ﺩﯙﻟﻪﺗﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.

- ﻫﯚﺭﻣﻪﺗﻠﯩﻚ ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﻰ ﺧﺎﻧﯩﻢ، ﺑﯘ ﻫﻪﻗﺘﻪ ﻳﻪﻧﻪ ﻛﯩﻤﻠﻪﺭ ﺗﻪﺗﻘﯩﻘﺎﺕ ﺋﯧﻠﯩﭗ ﺑﺎﺭﻏﺎﻥ؟

- ﻣﻪﻧﺪﯨﻦ ﺑﯘﺭﯗﻥ ﻗﻪﺩﯨﻤﻜﻰ ﺋﯘﻳﻐﯘﺭ ﺗﺎﺭﯨﺨﻰ ﻫﻪﻗﻘﯩﺪﻩ ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﺑﺎﻫﺎﺋﻪﺩﺩﯨﻦ ﺋﻮﮔﻪﻝ ﺗﻪﺗﻘﯩﻘﺎﺕ ﺋﯧﻠﯩﭗ ﺑﺎﺭﻏﺎﻥ ﯞﻩ ﺑﯩﺮ ﻗﺎﻧﭽﻪ ﭘﺎﺭﭼﻪ ﻣﺎﻗﺎﻟﻪ ﺋﯧﻼﻥ ﻗﯩﻠﻐﺎﻥ. ﺑﯘ ﻣﺎﻗﺎﻟﯩﻼﺭﺩﻩ ﭘﻪﻗﻪﺗﻼ ﺋﯘﻳﻐﯘﺭ ﺗﺎﺭﯨﺨﯩﺪﯨﻜﻰ ﻣﯘﻫﯩﻢ ﯞﻩﻗﻪﻟﻪﺭﻻ ﺋﻪﻣﻪﺱ، ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻗﻪﺑﯩﻠﯩﻠﻪﺭﻧﯩﯔ ﻗﺎﻧﺪﺍﻕ ﻗﯩﻠﯩﭗ ﻗﻪﺑﯩﻠﯩﺪﯨﻦ ﺋﯩﻤﭙﯧﺮﺍﺗﻮﺭﻟﯘﻗﻘﺎ ﻗﺎﺭﺍﭖ ﺗﻪﺭﻩﻗﻘﻰ ﻗﯩﻠﻐﺎﻥ ﺩﯦﮕﻪﻧﮕﻪ ﺋﻮﺧﺸﺎﺵ ﻣﻪﺳﯩﻠﯩﻠﻪﺭ ﺋﺎﯕﻠﯩﺘﯩﻠﻐﺎﻥ. ﺋﯘﻳﻐﯘﺭﻻﺭﻧﯩﯔ ﺋﯚﺗﯜﻛﻪﻥ ﺩﯙﻟﯩﺘﻰ ﻣﻪﺯﮔﯩﻠﯩﺪﯨﻜﻰ ﺗﺎﺭﯨﺨﯩﻨﻰ ﻣﻪﻥ ﺗﻪﺗﻘﯩﻖ ﻗﯩﻠﯩﭗ ﻳﺎﺯﻏﺎﻥ ﺋﯩﺪﯨﻢ. ﺋﯘﻳﻐﯘﺭ ﺧﺎﻗﺎﻧﻠﯩﻘﯩﻨﯩﯔ ﻛﯧﻴﯩﻨﻜﻰ ﻳﯩﻠﻠﯩﺮﻯ ﯞﻩ ﻳﯩﻤﯩﺮﯨﻠﯩﺸﻰ ﻫﻪﻗﻘﯩﺪﯨﻜﻰ ﺗﺎﺭﯨﺨﻨﻰ ﺗﻪﻳﯟﻩﻧﻠﯩﻚ ﺩﻭﻛﺘﻮﺭ ﺋﻮﻗﯘﻏﯘﭼﯩﺴﻰ ﺗﺴﺎﺋﻰ ﯞﻩﻧﺸﻪﻥ ﻳﺎﺯﻏﺎﻥ ﺋﯩﺪﻯ، ﺑﯘ ﺋﻪﺳﻪﺭ ﺗﻪﻳﯟﻩﻧﺪﻩ ﺗﯜﺭﻙ ﺗﯩﻠﯩﺪﺍ ﻧﻪﺷﯩﺮ ﻗﯩﻠﯩﻨﺪﻯ. ﺋﻪﺳﻠﯩﺪﻩ، ﻗﻪﺩﯨﻤﻜﻰ ﺋﯘﻳﻐﯘﺭ ﺗﺎﺭﯨﺨﯩﻨﻰ ﺗﯘﻧﺠﻰ ﺑﻮﻟﯘﭖ ﺋﻪﺗﺮﺍﭘﻠﯩﻖ ﺗﻪﺗﻘﯩﻖ ﻗﯩﻠﻐﺎﻥ ﺗﺎﺭﯨﺨﭽﯩﻼﺭﺩﯨﻦ ﺑﯩﺮﻯ ﻣﻪﺷﻬﯘﺭ ﻳﺎﭘﻮﻥ ﺋﯩﻠﯩﻢ ﺋﺎﺩﯨﻤﻰ ﻫﺎﻧﻪﺩﺍ ﺗﻮﺭﯗﺩﯗﺭ. ﺋﻪﺳﻠﯩﺪﻩ ﺑﯘﺩﺩﯨﺰﻡ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﻪﻟﮕﻪﻥ، ﻳﺎﭘﻮﻧﯩﻴﯩﺪﻩ ﺗﯘﻧﺠﻰ ﺑﻮﻟﯘﭖ ﺑﯘﺩﺩﯨﺰﻡ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﻰ ﻗﯘﺭﻏﺎﻥ ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﻫﺎﻧﻪﺩﺍ، ﺋﯘﻳﻐﯘﺭﻻﺭﻧﯩﯔ ﺑﯘﺩﺩﯨﺰﻡ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﻠﯩﺮﯨﻨﻰ ﺗﻪﺗﻘﯩﻖ ﻗﯩﻠﯩﺶ ﯞﻩ ﺋﯘﻧﻰ ﻳﺎﭘﻮﻧﯩﻴﯩﺪﻩ ﺗﻮﻧﯘﺷﺘﯘﺭﯗﺵ ﺋﯜﭼﯜﻥ ﺋﯘﻳﻐﯘﺭﻻﺭﻧﻰ ﺗﻪﺗﻘﯩﻖ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ.

- ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺸﺘﺎ ﺑﯘ ﻛﯩﺘﺎﭘﻨﯩﯔ ﺋﻪﻫﻤﯩﻴﯩﺘﻰ ﻧﯩﻤﻪ؟

- ﻛﯩﺘﺎﭖ ﺋﺎﻧﺎ ﻣﻪﻧﺒﻪﻟﻪﺭﺩﯨﻦ ﭘﺎﻳﺪﯨﻠﯩﻨﯩﭗ، ﺧﯩﺘﺎﻳﭽﻪ ﻳﯩﻠﻨﺎﻣﯩﻠﻪﺭ ﯞﻩ ﺋﯘﻳﻐﯘﺭ ﻛﯩﺘﺎﺑﯩﻠﯩﺮﯨﮕﻪ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﻳﯧﺰﯨﻠﻐﺎﻥ. ﺷﯘﯕﺎ ﺑﯘ ﺋﻪﺳﻪﺭﺩﯨﻦ ﺑﯩﺮﯨﻨﺠﻰ ﻗﻮﻝ ﺗﺎﺭﯨﺨﻰ ﻣﻪﻟﯘﻣﺎﺗﻼﺭﻏﺎ ﺋﯩﮕﻪ ﺑﻮﻻﻻﻳﻤﯩﺰ. ﺗﺎﺭﯨﺨﺘﺎ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻗﯘﺭﻏﺎﻥ ﻧﯘﺭﻏﯘﻥ ﺩﯙﻟﻪﺗﻠﻪﺭ ﺑﺎﺭ. ﺗﺎﺭﯨﺨﺘﯩﻜﻰ ﺋﯩﺴﻤﯩﻨﻰ ﺑﯜﮔﯜﻧﮕﯩﭽﻪ ﺋﯚﺯﮔﻪﺭﺗﻤﻪﻱ ﻛﻪﻟﮕﻪﻥ ﺗﯜﺭﻛﯩﻲ ﻣﯩﻠﻠﻪﺕ ﺋﯘﻳﻐﯘﺭﻻﺭﺩﯗﺭ. ﻗﺎﻟﻐﺎﻧﻠﯩﺮﯨﻤﯩﺰ ﻫﻪﻣﻤﯩﻤﯩﺰ ﺋﯩﺴﻤﯩﻤﯩﺰﻧﻰ ﺋﺎﻟﻤﺎﺷﺘﯘﺭﻏﺎﻥ. ﺋﻪﻣﻤﺎ ﺋﯘﻳﻐﯘﺭﻻﺭ ﺋﯘﻳﻐﯘﺭ ﺋﯩﺴﻤﯩﻨﻰ ﺋﯚﺯﮔﻪﺭﺗﻤﻪﻱ ﺑﯜﮔﯜﻧﻠﻪﺭﮔﯩﭽﻪ ﻛﻪﻟﮕﻪﻥ.

- ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﯘ ﺧﺎﻧﯩﻢ، ﺑﯘ ﻛﯩﺘﺎﺑﺘﯩﻦ ﺑﺎﺷﻘﺎ ﺋﯘﻳﻐﯘﺭ ﺗﺎﺭﯨﺨﻰ ﻫﻪﻗﻘﯩﺪﻩ ﻳﻪﻧﻪ ﻗﺎﻧﺪﺍﻕ ﺋﻪﺳﻪﺭﻟﯩﺮﯨﯖﯩﺰ ﺑﺎﺭ؟

- ﻣﯧﻨﯩﯔ ﺳﯧﺮﯨﻖ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺩﻭﻛﺘﻮﺭﻟﯘﻕ ﺋﯩﻠﻤﻰ ﻣﺎﻗﺎﻟﻪﻡ ﻛﯩﺘﺎﭖ ﻫﺎﻟﯩﺪﺍ ﻧﻪﺷﯩﺮ ﻗﯩﻠﯩﻨﺪﻯ. ﺋﯩﺴﻼﻣﯩﻴﻪﺗﺘﯩﻦ ﺑﯘﺭﯗﻧﻘﻰ ﺗﯜﺭﻙ ﺗﺎﺭﯨﺨﻰ ﺗﻮﻏﺮﯨﺴﯩﺪﺍ ﺳﯚﺯﻟﯩﮕﻪﻥ ﺩﻩﺭﺳﻠﯩﺮﯨﻤﻨﯩﻤﯘ ﻛﯩﺘﺎﭖ ﻗﯩﻠﯩﭗ ﻳﯧﺰﯨﭗ ﭼﯩﻘﺘﯩﻢ. ﺗﺎﺭﯨﺦ ﻣﯧﺘﻮﺩﻯ ﻫﻪﻗﻘﯩﺪﻩ ﺑﯩﺮ ﻛﯩﺘﺎﺑﯩﻢ ﺑﺎﺭ. ﺑﯘ ﻛﯩﺘﺎﭘﻠﯩﺮﯨﻤﻨﯩﯔ ﻫﻪﻣﻤﯩﺴﻰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﺪﻯ. ﻳﯧﻘﯩﻨﻘﻰ ﺯﺍﻣﺎﻧﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺯ ﺑﻪﺭﮔﻪﻥ ﻗﻮﺯﻏﯩﻼﯕﻼﺭ ﺋﺎﯕﻠﯩﺘﯩﻠﻐﺎﻥ ﺑﯩﺮ ﻛﯩﺘﺎﺑﯩﻤﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﺪﻯ. ﻫﺎﺯﯨﺮ ﻣﻪﻥ ﻳﻪﻧﻪ ﻫﺎﺯﯨﺮﻗﻰ ﺯﺍﻣﺎﻥ ﺗﯜﺭﻙ ﺩﯗﻧﻴﺎﺳﻰ ﻧﺎﻣﻠﯩﻖ ﻛﯩﺘﺎﺑﻨﻰ ﻧﻪﺷﯩﺮﮔﻪ ﺗﻪﻳﻴﺎﺭﻻﯞﺍﺗﯩﻤﻪﻥ. ﻣﻪﻥ 3 ﻳﯩﻞ ﻗﺎﺯﺍﻗﯩﺴﺘﺎﻥ، ﺋﯩﻜﻰ ﻳﯩﻞ ﻗﯩﺮﻏﯩﺰﯨﺴﺘﺎﻧﺪﺍ ﺧﯩﺰﻣﻪﺕ ﻗﯩﻠﺪﯨﻢ. ﺋﯘ ﺟﻪﺭﻳﺎﻧﺪﺍ ﻧﯘﺭﻏﯘﻥ ﻣﺎﺗﯧﺮﯨﻴﺎﻝ ﺗﻮﭘﻠﯩﻐﺎﻥ ﺋﯩﺪﯨﻢ. ﺑﯘ ﻛﯩﺘﺎﺑﯩﻤﻨﻰ ﺷﯘﻧﯩﯖﻐﺎ ﺋﺎﺳﺎﺳﻪﻥ ﻳﺎﺯﯨﻤﻪﻥ.

ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﮔﯜﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﻰ ﻳﺎﺯﻏﺎﻥ ﺋﯘﻳﻐﯘﺭ ﺩﯙﻟﻪﺗﻠﯩﺮﻯ ﺗﺎﺭﯨﺨﻰ ﯞﻩ ﻣﻪﺩﻩﻧﯩﻴﯩﺘﻰ ﻧﺎﻣﻠﯩﻖ ﺑﯘ ﻛﯩﺘﺎﺑﻨﻰ ﺋﯧﻠﯩﺸﻨﻰ ﺧﺎﻟﯩﺴﯩﯖﯩﺰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺕ ﯞﻩﺧﭙﻰ ﺑﯩﻠﻪﻥ ﺋﺎﻻﻗﻪ ﻗﯘﺭﺳﯩﯖﯩﺰ ﺑﻮﻟﯩﺪﯗ. ﺋﺎﻻﻗﯩﻠﯩﺸﯩﺶ ﺋﺎﺩﺭﯦﺴﻰ:

P. K. 94 Aksaray/Istanbul. Tel: 0122 511 10 06