"ﺗﺎﯓ ﺳﯘﻻﻟﯩﺴﯩﻨﯩﯔ ﻛﯜﭼﻰ ﻳﻪﺗﻤﯩﮕﻪﻥ ﺋﯚﯕﻠﯜﻙ - ﺳﯘﻳﮕﯘﻥ ﻗﺎﻻﻳﻤﯩﻘﺎﻧﭽﯩﻠﯩﻘﯩﻨﻰ ﺋﻪﻳﻨﻰ ﺯﺍﻣﺎﻧﺪﯨﻜﻰ ﻛﯜﭼﻠﯜﻙ ﺋﯘﻳﻐﯘﺭ ﺩﯙﻟﯩﺘﻰ ﺗﯩﻨﺠﯩﺘﻘﺎﻥ"

ﺋﺎﭘﺘﻮﺭ 'ﺋﯘﻳﻐﯘﺭ ﺗﺎﺭﯨﺨﯩﺪﯨﻦ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﻧﻪﺯﻩﺭ' ﻧﺎﻣﻠﯩﻖ ﺑﯘ ﺋﻮﺑﺰﻭﺭﯨﺪﺍ، ﺋﺎﻟﺪﻯ ﺑﯩﻠﻪﻥ ﺧﯩﺘﺎﻱ ﺗﺎﺭﯨﺨﯩﺪﯨﻜﻰ "ﺋﯚﯕﻠﯜﻙ - ﺳﯘﻳﮕﯘﻥ ﻗﺎﻻﻳﻤﯩﻘﺎﻧﭽﯩﻠﯩﻘﻰ" ﻧﻰ ﺗﯩﻠﻐﺎ ﺋﺎﻟﻐﺎﻥ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﺗﺎﺭﯨﺨﯩﺪﯨﻜﻰ ﺟﻪﻧﯘﺑﯩﻲ ﯞﻩ ﺷﯩﻤﺎﻟﯩﻲ ﺳﯘﻻﻟﯩﻠﻪﺭ ﺩﻩﯞﺭﻯ ﺩﻩﭖ ﺋﺎﺗﺎﻟﻐﺎﻥ ﺩﻩﯞﺭﺩﻩ، ﺋﯚﯕﻠﯜﻙ - ﺳﯘﻳﮕﯘﻥ ﻗﺎﻻﻳﻤﯩﻘﺎﻧﭽﯩﻠﯩﻘﻰ ﺩﻩﭖ ﺋﺎﺗﺎﻟﻐﺎﻥ ﺑﯩﺮ ﭼﻮﯓ ﻗﺎﻻﻳﻤﯩﻘﺎﻧﭽﯩﻠﯩﻖ ﻳﯜﺯ ﺑﻪﺭﮔﻪﻥ.

ﺑﯘ ﯞﻩﻗﻪ ﻳﯜﺯ ﺑﻪﺭﮔﻪﻥ ﻣﯩﻼﺩﻯ 8‏ - ﺋﻪﺳﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﯨﻦ 9‏ - ﺋﻪﺳﺮﮔﯩﭽﻪ ﺑﻮﻟﻐﺎﻥ ﺷﯘ ﺩﻩﯞﺭﺩﻩ، ﺋﯘﻳﻐﯘﺭﻻﺭﻧﯩﯔ ﺩﯙﻟﯩﺘﻰ ﻧﺎﻫﺎﻳﯩﺘﻰ ﻛﯜﭼﻠﯜﻙ ﺩﯙﻟﻪﺕ ﺋﯩﺪﻯ. ﺋﯘﻧﯩﯔ ﺗﯧﺮﯨﺘﻮﺭﯨﻴﯩﺴﻰ ﭘﯜﺗﯜﻥ ﻣﻮﯕﻐﻮﻟﯩﻴﻪ ﻳﺎﻳﻼﻗﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯩﺪﻯ.

-- ﺋﻪﻳﻨﻰ ﺯﺍﻣﺎﻧﺪﺍ ﺋﯘﻳﻐﯘﺭﻻﺭﻧﯩﯔ ﺟﻪﯓ ﻗﯩﻠﯩﺶ ﯞﻩ ﺗﯩﺠﺎﺭﻩﺕ ﻗﯩﻠﯩﺶ ﻣﺎﻫﺎﺭﯨﺘﻰ ﻧﺎﻫﺎﻳﯩﺘﻰ ﻳﻮﻗﯩﺮﻯ ﺋﯩﺪﻯ، ﺩﻩﭖ ﺑﺎﻳﺎﻧﯩﻨﻰ ﺩﺍﯞﺍﻣﻼﺷﺘﯘﺭﯨﺪﯗ ﺋﺎﭘﺘﻮﺭ، -- ﺑﯘ ﺩﻩﯞﺭﺩﻩ ﺋﯚﯕﻠﯜﻙ - ﺳﯘﻳﮕﯘﻥ ﻗﺎﻻﻳﻤﯩﻘﺎﻧﭽﯩﻠﯩﻘﯩﻨﻰ ﺑﯧﺴﯩﻘﺘﯘﺭﯗﺷﻘﺎ ﺗﺎﯓ ﺳﯘﻻﻟﯩﺴﯩﻨﯩﯔ ﺋﻪﺳﻜﯩﺮﯨﻲ ﻛﯜﭼﻰ ﺋﺎﺟﯩﺰ ﻛﯧﻠﯩﭗ ﻗﺎﻟﻐﺎﻧﻠﯩﻘﻰ ﺋﯜﭼﯜﻥ ﺋﯘﻳﻐﯘﺭ ﺩﯙﻟﯩﺘﯩﺪﯨﻦ ﻳﺎﺭﺩﻩﻡ ﺗﻪﻟﻪﭖ ﻗﯩﻠﻐﺎﻥ. ﻛﯧﻠﯩﺸﯩﻢ ﺑﯘﻳﯩﭽﻪ ﺋﯘﻳﻐﯘﺭ ﻗﯩﺴﯩﻤﻠﯩﺮﻯ ﺗﺎﯓ ﺳﯘﻻﻟﯩﺴﯩﻨﯩﯔ ﭘﺎﻳﺘﻪﺧﺘﻰ ﺷﺌﻪﻥ ﺷﻪﻫﯩﺮﯨﮕﻪ ﻛﯩﺮﯨﭗ، ﺑﯩﺮ ﺋﺎﻱ ﺋﯩﭽﯩﺪﻩ ﺋﯚﯕﻠﯜﻙ - ﺳﯘﻳﮕﯘﻥ ﻗﺎﻻﻳﻤﯩﻘﺎﻧﭽﯩﻠﯩﻘﯩﻨﻰ ﺗﯩﻨﺠﯩﺘﯩﭗ، ﺋﺎﻟﺪﯨﻐﺎﻥ ﺋﻮﻟﺠﯩﻠﯩﺮﯨﻨﻰ ﺋﯧﻠﯩﭗ ﻗﺎﻳﺘﯩﭗ ﻛﻪﺗﻜﻪﻥ، ﺑﯘ ﺑﯩﺮ ﺗﺎﺭﯨﺦ.

 "9‏ - ﺋﻪﺳﺮﺩﯨﻦ ﭼﯩﯔ ﺳﯘﻻﻟﯩﺴﻰ ﺩﻩﯞﺭﯨﮕﯩﭽﻪ، ﺋﯘﻳﻐﯘﺭﻻﺭ ﻫﯧﭽﻘﺎﭼﺎﻥ ﺧﯩﺘﺎﻳﻨﯩﯔ ﺑﯩﺮ ﺋﯚﻟﻜﯩﺴﻰ ﺑﻮﻟﯘﭖ ﺑﺎﻗﻘﺎﻥ ﺋﻪﻣﻪﺱ"

-- 9‏ - ﺋﻪﺳﺮﻧﯩﯔ ﺋﺎﺧﯩﺮﯨﺪﺍ ﺋﯘﻳﻐﯘﺭ ﺩﯙﻟﯩﺘﯩﺪﻩ ﺋﯩﭽﻜﻰ ﻗﺎﻻﻳﻤﯩﻘﺎﻧﭽﯩﻠﯩﻖ ﻳﯜﺯ ﺑﯧﺮﯨﭗ، ﭘﺎﺭﭼﯩﻼﻧﻐﺎﻧﺪﯨﻦ ﻛﯧﻴﯩﻦ، - - - ﺩﻩﭖ ﺑﺎﻳﺎﻧﯩﻨﻰ ﺩﺍﯞﺍﻣﻼﺷﺘﯘﺭﯨﺪﯗ ﺋﺎﭘﺘﻮﺭ ﺋﯚﺯ ﭼﯜﺷﻪﻧﭽﯩﺴﻰ ﺑﯘﻳﯩﭽﻪ، -- ﻫﺎﺯﯨﺮﻗﻰ ﺗﻪﯕﺮﯨﺘﺎﻏﻠﯩﺮﯨﻨﯩﯔ ﺷﯩﻤﺎﻝ ﯞﻩ ﺟﻪﻧﯘﺑﯩﻐﺎ ﻛﯚﭼﯜﭖ ﻛﻪﻟﮕﻪﻥ ﺋﯘﻳﻐﯘﺭﻻﺭ ﺋﯚﺯ ﺩﯙﻟﯩﺘﯩﻨﻰ ﺗﺎﻛﻰ ﭼﯩﯔ ﺳﯘﻻﻟﯩﺴﻰ ﺩﻩﯞﺭﯨﮕﯩﭽﻪ ﺩﺍﯞﺍﻣﻼﺷﺘﯘﺭﺩﻯ. ﺑﯘ ﺩﻩﯞﺭﻟﻪﺭﺩﻩ، ﺋﯘﻳﻐﯘﺭﻻﺭ ﻫﯧﭽﻘﺎﭼﺎﻥ ﺧﯩﺘﺎﻳﻨﯩﯔ ﺑﯩﺮ ﺋﯚﻟﻜﯩﺴﻰ ﺑﻮﻟﻐﺎﻥ ﺋﻪﻣﻪﺱ، ﺑﯘﻣﯘ ﺗﺎﺭﯨﺨﯩﻲ ﭘﺎﻛﯩﺖ.

13‏ - ﺋﻪﺳﺮﺩﻩ ﺋﯘﻳﻐﯘﺭﻻﺭ ﭼﯩﯖﮕﯩﺰ ﺧﺎﻥ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻥ

13‏ - ﺋﻪﺳﺮﺩﻩ ﺋﯘﻳﻐﯘﺭﻻﺭ ﭼﯩﯖﮕﯩﺰ ﺧﺎﻥ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻥ، ﺋﻪﻳﻨﻰ ﺯﺍﻣﺎﻧﺪﺍ ﻣﻮﯕﻐﯘﻟﻼﺭﻧﯩﯔ ﺧﯩﺘﺎﻱ ﺷﻪﻫﻪﺭﻟﯩﺮﯨﻨﻰ ﺑﯘﻻﭖ ﺗﺎﭘﻘﺎﻥ ﺑﺎﻳﻠﯩﻘﻰ ﻣﻮﻝ ﺋﯩﺪﻯ، ﺋﻪﻣﻤﺎ ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﯩﺘﻰ ﻳﻮﻗﯩﺮﻯ ﺑﻮﻟﻐﺎﭼﻘﺎ، ﻣﻮﯕﻐﯘﻟﻼﺭ ﺋﯚﺯﯨﻨﯩﯔ ﺋﯩﮕﯩﻠﯩﻜﯩﻨﻰ ﺋﯩﺪﺍﺭﻩ ﻗﯩﻠﯩﺸﻨﻰ ﺋﯘﻳﻐﯘﺭﻻﺭﻏﺎ ﺗﺎﭘﺸﯘﺭﻏﺎﻥ، ﻣﻮﯕﻐﯘﻝ ﻳﯧﺰﯨﻘﯩﻤﯘ ﺋﯘﻳﻐﯘﺭﻻﺩﯨﻦ ﻗﻮﺑﯘﻝ ﻗﯩﻠﯩﻨﻐﺎﻥ. ﺑﯘ ﺩﻩﯞﺭﺩﻩ، ﺗﺎﯓ ﺳﯘﻻﻟﯩﺴﻰ ﺩﻩﯞﺭﯨﺪﯨﻦ ﺗﺎﺭﺗﯩﭗ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍ ﺳﻮﺩﯨﺴﯩﻨﻰ ﻛﻮﻧﺘﺮﻭﻝ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭ، ﺋﯚﺯﯨﻨﯩﯔ ﺋﯘﺭﯗﺵ ﻗﯩﻠﯩﺶ ﯞﻩ ﺗﯩﺠﺎﺭﻩﺕ ﻗﯩﻠﯩﺸﺘﯩﻜﻰ ﻳﻮﻗﯩﺮﻯ ﻣﺎﻫﺎﺭﯨﺘﻰ ﺑﯩﻠﻪﻥ، ﺑﯘ ﺩﻩﯞﺭﺩﯨﻤﯘ ﭘﺎﺭﯨﺴﻼﺭ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﻟﯩﻘﻼﺭ ﺋﺎﺭﯨﺴﯩﺪﺍ ﺋﯩﺴﻼﻡ ﻣﻪﺩﻩﻧﯩﻴﯩﺘﯩﻨﯩﯔ ﺋﻪﯞﺝ ﺋﯧﻠﯩﺸﻐﺎ، ﺋﯩﺴﻼﻡ ﺩﯨﻨﯩﻨﯩﯔ ﻣﻮﯕﻐﯘﻟﻼﺭﻏﯩﭽﻪ ﻛﯧﯖﯩﻴﯩﺸﯩﮕﯩﻤﯘ ﺯﻭﺭ ﺗﻪﺳﯩﺮ ﻛﯚﺭﺳﻪﺗﻜﻪﻥ.

1949"‏ - ﻳﯩﻠﯩﻐﯩﭽﻪ ﺋﯘﻳﻐﯘﺭﻻﺭﻧﻰ ﺑﺎﺷﻘﺎ ﺑﯩﺮ ﺩﯙﻟﻪﺕ ﺋﯩﺪﺍﺭﻩ ﻗﯩﻼﻟﻤﯩﻐﺎﻥ"

-- ﻳﯧﻘﯩﻨﻘﻰ ﻳﯜﺯ ﻳﯩﻠﻼﺭﺩﯨﻦ ﺑﯘﻳﺎﻧﻤﯘ، ﺋﯘﻳﻐﯘﺭﻻﺭﻧﻰ ﺑﺎﺷﻘﺎ ﺑﯩﺮ ﺩﯙﻟﻪﺕ ﺋﯩﺪﺍﺭﻩ ﻗﯩﻼﻟﻤﯩﻐﺎﻥ،‏ -- ﺩﻩﭖ ﺑﺎﻳﺎﻧﯩﻨﻰ ﺩﺍﯞﺍﻣﻼﺷﺘﯘﺭﯨﺪﯗ ﺋﺎﭘﺘﻮﺭ، -- ﺋﻪﻣﻤﺎ 1949‏ - ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺋﯘﻳﻐﯘﺭﻻﺭﻧﯩﯔ ﯞﻩﺯﯨﻴﯩﺘﯩﺪﻩ ﺗﻮﺳﺎﺗﺘﯩﻦ ﺑﯩﺮ ﺋﯚﺯﮔﯩﺮﯨﺶ ﺑﻮﻟﺪﻯ، ﺋﯜﺭﯛﻣﭽﯩﺪﻩ 1949‏ - ﻳﯩﻠﻰ ﺧﯩﺘﺎﻳﻼﺭ ﻧﻮﭘﯘﺱ ﺋﺎﺭﺍﻥ 6% ﻧﻰ ﺋﯩﮕﯩﻠﯩﮕﻪﻥ. ﺷﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺑﯘ ﺭﺍﻳﻮﻧﻐﺎ ﻳﯩﻠﺪﯨﻦ ‏ - ﻳﯩﻠﻐﺎ ﻛﯚﭘﻠﻪﭖ ﻧﻮﭘﯘﺱ ﻛﯚﭼﯜﺭﯛﭖ ﻛﯧﻠﯩﺸﻜﻪ ﺑﺎﺷﻠﯩﺪﻯ. ﻫﺎﺯﯨﺮ ﺑﯘ ﺷﻪﻫﻪﺭﺩﻩ ﺧﯩﺘﺎﻱ ﻧﻮﭘﯘﺳﻰ ﺋﺎﻟﻠﯩﻘﺎﭼﺎﻥ 40% ﺗﯩﻦ ﺋﺎﺷﺘﻰ.

ﺑﯘﻧﯩﯖﺪﯨﻦ ﺑﺎﺷﻘﺎ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﺭﯗﻧﻼﺷﺘﯘﺭﻏﺎﻥ ﻫﻪﺭﺑﯩﻲ ﻗﯩﺴﯩﻤﻼﺭ )ﺑﯩﯖﺘﯘﻩﻥ( ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﻪ ﺋﯘﻳﻐﯘﺭﻻﺭﻧﻰ ﭼﻪﺗﻜﻪ ﻗﯧﻘﯩﭗ ﻛﯧﻠﯩﯟﺍﺗﯩﺪﯗ، ﺧﯩﺘﺎﻱ ﻫﯚﻛﯜﻣﯩﺘﻰ ﺳﯩﻴﺎﺳﻪﺗﻠﯩﺮﯨﺪﻩ ﺑﯘ ﺭﺍﻳﻮﻧﻐﺎ ﻛﯚﭼﯜﺭﯛﭖ ﻛﻪﻟﮕﻪﻥ ﺧﯩﺘﺎﻳﻼﺭﻏﺎ ﻳﺎﻥ ﺑﯧﺴﯩﭗ ﻛﯧﻠﯩﯟﺍﺗﯩﺪﯗ. ﺑﯘ ﺟﻪﺭﻳﺎﻧﺪﺍ ﻳﯜﺯ ﺑﻪﺭﮔﻪﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺗﻮﻗﯘﻧﯘﺷﻼﺭ ﺗﺎﻣﺎﻣﻪﻥ ﻣﯘﺷﯘ ﺳﻪﯞﻩﺑﺘﯩﻦ ﻛﯧﻠﯩﭗ ﭼﯩﻘﺘﻰ.

"ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﯩﺘﺎﻳﻐﺎ ﺋﺎﻳﻼﻧﺪﯗﺭﻣﺎﻗﭽﻰ ﺑﻮﻟﻐﺎﻧﻠﯩﻘﻰ ﺋﯜﺭﯛﻣﭽﻰ ﯞﻩﻗﻪﺳﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ"

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯘﻳﻐﯘﺭﻻﺭﻧﻰ ﭘﯩﻼﻧﻠﯩﻖ ﻫﺎﻟﺪﺍ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﺑﺎﺳﺘﯘﺭﯗﭖ، ﻣﺎﺋﺎﺭﯨﭗ ﺟﻪﻫﻪﺗﺘﻪ، ﺋﯘﻳﻐﯘﺭﻻﺭﻧﯩﯔ ﺋﯚﺯ ﺗﯩﻠﯩﻨﻰ ﻗﻮﻟﻠﯩﻨﯩﺸﯩﻨﻰ ﭼﻪﻛﻠﻪﭖ، ﺩﯨﻨﯩﻲ ﺟﻪﻫﻪﺗﺘﻪ، ﻫﻪﺗﺘﺎ ﻣﯘﺳﯘﻟﻤﺎﻧﻼﺭﻧﯩﯔ ﺭﻭﺯﻯ ﺗﯘﺗﯘﺷﯩﻐﯩﻤﯘ ﻫﻪﺭ ﺧﯩﻞ ﭼﻪﻛﻠﯩﻤﻪ ﻗﻮﻳﯘﭖ، ﺋﻪﺭﻛﯩﻨﻠﯩﻚ ﺑﻪﺭﻣﻪﻱ، ﺋﺎﺧﯩﺮﻗﻰ ﻫﯧﺴﺎﺑﺘﺎ ﺋﯘﻳﻐﯘﺭﻻﺭﻧﯩﯔ ﭘﯜﺗﯜﻥ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﻳﻮﻕ ﻗﯩﻠﯩﭗ، ﺋﯘﻻﺭﻧﻰ ﺧﯩﺘﺎﻳﻐﺎ ﺋﺎﻳﻼﻧﺪﯗﺭﻣﺎﻗﭽﻰ ﺑﻮﻟﺪﻯ، ﺧﯩﺘﺎﻳﻨﯩﯔ ﻣﯘﺷﯘ ﻣﻪﻗﺴﻪﺗﺘﻪ ﻳﻮﻟﻐﺎ ﻗﻮﻳﻐﺎﻥ ﺳﯩﻴﺎﺳﻪﺗﻠﯩﺮﻯ ﺋﯜﺭﯛﻣﭽﻰ ﯞﻩﻗﻪﺳﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ.

"ﺋﯜﺭﯛﻣﭽﻰ ﯞﻩﻗﻪﺳﯩﻨﻰ ﺭﺍﺑﯩﻴﻪ ﺧﺎﻧﯩﻤﺪﯨﻦ ﻛﯚﺭﮔﻪﻧﻠﯩﻜﯩﻤﯘ ﭘﺎﻛﯩﺘﺴﯩﺰ"

ﺋﺎﭘﺘﻮﺭ ﺋﻮﺑﺰﻭﺭﯨﺪﺍ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﻳﯧﯖﯩﺪﯨﻦ ﻳﯧﺘﯩﻠﮕﻪﻥ ﺭﻩﻫﺒﯩﺮﯨﻨﻰ ﺗﻮﻧﯘﺷﺘﯘﺭﺩﻯ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻫﺎﺯﯨﺮ ﺋﯘﻳﻐﯘﺭﻻﺭﻧﯩﯔ ﺑﯩﺮ ﺭﻩﻫﺒﯩﺮﻯ ﻳﯧﺘﯩﺸﯩﭗ ﭼﯩﻘﺘﻰ. ﺑﯘ ﺧﺎﻧﯩﻢ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ. ﺋﯘ ﺋﻪﺳﻠﯩﺪﻩ ﺧﯩﺘﺎﻱ ﺋﯚﺯﻯ ﻳﻮﻟﻐﺎ ﻗﻮﻳﻐﺎﻥ 'ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺋﺎﻟﺪﻯ ﺑﯩﻠﻪﻥ ﺑﯧﻴﯩﺴﯘﻥ' ﺩﯦﮕﻪﻥ ﺳﯩﻴﺎﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﻣﯩﻠﻴﻮﻧﯧﺮ ﺑﻮﻟﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻧﻰ ﻣﻪﻣﻠﯩﻜﻪﺗﻠﯩﻚ ﺳﯩﻴﺎﺳﻰ ﻣﻪﺳﻠﯩﻬﻪﺕ ﻛﯧﯖﯩﺸﯩﮕﯩﻤﯘ ﺗﻪﻛﻠﯩﭗ ﻗﯩﻠﯩﭗ ﺋﻪﻛﯩﺮﺩﻯ. ﺋﻪﻣﻤﺎ ﻛﯧﻴﯩﻦ، ﺋﯘﻧﯩﯖﺪﺍ 'ﺋﯘﻳﻐﯘﺭﻻﺭ ﺋﯚﺯ ﺋﯩﺸﯩﻐﺎ ﺋﯚﺯﻯ ﺧﻮﺟﺎ ﺑﻮﻟﯘﺵ' ﺩﯦﮕﻪﻥ ﺋﯩﺪﯨﻴﻪ ﺑﺎﺭﻟﯩﻘﯩﻨﻰ ﺳﻪﺯﮔﻪﻧﺪﯨﻦ ﻛﯧﻴﯩﻨﻼ، ﺋﯘﻧﻰ 'ﯞﻩﺗﻪﻧﮕﻪ ﺋﺎﺳﯩﻴﻠﯩﻖ ﻗﯩﻠﺪﻯ' ﺩﯦﮕﻪﻥ ﺗﯚﻫﻤﻪﺕ ﺑﯩﻠﻪﻥ ﺗﯜﺭﻣﯩﮕﻪ ﺗﺎﺷﻠﯩﺪﻯ. ﺋﯘ 2005‏ - ﻳﯩﻠﻰ ﺋﺎﻣﯧﺮﯨﻜﯩﻨﯩﯔ ﺑﯧﺴﯩﻤﻰ ﺑﯩﻠﻪﻥ ﺗﯜﺭﻣﯩﺪﯨﻦ ﭼﯩﻘﯩﺮﯨﻠﯩﭗ، ﺋﺎﻣﯧﺮﯨﻜﯩﻐﺎ ﻛﻪﻟﺪﻯ.

ﺷﯘﻧﯩﯖﺪﯨﻦ ﻛﯧﻴﯩﻦ، ﺑﯘ ﺧﺎﻧﯩﻤﻨﯩﯔ ﺧﻪﻟﻘﺌﺎﺭﺍﺩﺍ ﺋﯧﻠﯩﭗ ﺑﺎﺭﻏﺎﻥ ﭘﺎﺋﺎﻟﯩﻴﻪﺗﻠﯩﺮﻯ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺋﻮﻣﯘﻣﻰ ﺳﺎﺩﺍ ﻗﻮﺯﻏﯩﺪﻯ. ﺑﯘ ﺳﺎﺩﺍ 'ﺋﻪﺭﻛﯩﻨﻠﯩﻚ، ﻛﯩﺸﯩﻠﯩﻚ ﻫﻮﻗﯘﻕ، ﻣﯩﻠﻠﻪﺗﻠﻪﺭﻧﯩﯔ ﺗﻪﯓ - ﺑﺎﺭﺍﯞﻩﺭﻟﯩﻜﻰ' ﺩﯦﮕﻪﻥ ﺳﺎﺩﺍ. ﻫﺎﺯﯨﺮ ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﻛﯧﻠﯩﭗ ﭼﯩﻘﯩﺸﯩﻨﻰ ﺑﯘ ﺧﺎﻧﯩﻤﻐﺎ ﺩﯙﯕﮕﻪﭖ ﺗﯘﺭﺳﯩﻤﯘ، ﺋﻪﻣﻤﺎ ﻫﺎﺯﯨﺮﻏﺎ ﻗﻪﺩﻩﺭ ﻳﻪﻧﯩﻼ ﭘﺎﻛﯩﺘﺴﯩﺰ ﺋﻮﺭﯗﻧﺪﺍ ﺗﯘﺭﯗﯞﺍﺗﯩﺪﯗ. 

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز