ﺋﯘﻳﻐﯘﺭ ﺗﯧﺒﺎﺑﻪﺗﭽﯩﻠﯩﻜﻰ ﺧﻪﺗﻪﺭﻟﯩﻚ ﺋﻪﻫﯟﺍﻟﺪﺍ ﻗﺎﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

2 ﻣﯩﯔ ﻳﯩﻠﺪﯨﻦ ﻛﯚﭘﺮﻩﻙ ﺗﺎﺭﯨﺨﻘﺎ ﺋﯩﮕﻪ ﺑﻮﻟﻐﺎﻥ ﺋﯘﻳﻐﯘﺭ ﺗﯩﺒﺎﺑﯩﺘﻰ ﺩﻭﺭﯨﻠﯩﺮﻯ ﻧﯘﺭﻏﯘﻥ ﻛﯧﺴﻪﻟﻠﯩﻜﻠﻪﺭﮔﻪ ﺷﯩﭙﺎ، ﺑﻮﻟﯘﭘﻤﯘ ﻳﯘﻗﯘﻣﻠﯘﻕ ﺯﯗﻛﺎﻡ، ﺋﺎ ﯞﻩ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ، ﺳﻮﺯﯗﻟﻤﺎ ﺧﺎﺭﺍﻛﺘﯧﺮﻟﯩﻚ ﻛﺎﻧﺎﻱ ﺷﺎﺧﭽﻪ ﻳﺎﻟﻠﯘﻏﻰ، ﻣﯧﯖﻪ، ﻳﯜﺭﻩﻙ ﻗﺎﻥ -ﺗﻮﻣﯘﺭ ﻛﯧﺴﻪﻟﻠﯩﻜﻠﯩﺮﻯ، ﻳﻪﻟﻠﯩﻚ ﺑﻮﻏﯘﻡ ﻳﺎﻟﻠﯘﻏﻰ، ﺋﺎﻕ ﻛﯧﺴﻪﻝ، ﺳﯘﻧﯘﻕ، ﺗﯧﺮﻩ ﻛﯧﺴﻪﻟﻠﯩﻜﻠﯩﺮﯨﻨﻰ ﺩﺍﯞﺍﻻﺷﺘﺎ ﺋﯜﻧﯜﻣﻰ ﻫﻪﻗﯩﻘﻪﺗﻪﻥ ﻛﯚﺭﯛﻧﻪﺭﻟﯩﻚ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﻐﺎﻥ ﻣﯘﻧﺎﺳﯩﯟﻩﺗﻠﯩﻚ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﻫﺎﺯﯨﺮ ﻧﺎﻫﯩﻴﻪ ﺩﻩﺭﯨﺠﯩﻠﯩﻜﺘﯩﻦ ﻳﯘﻗﯩﺮﻯ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺷﯩﭙﺎﺧﺎﻧﯩﺴﯩﺪﯨﻦ 42 ﺳﻰ، 3 ﻣﯩﯖﭽﻪ ﻛﯧﺴﻪﻝ ﻛﺎﺭﯞﯨﺘﻰ، ﺋﯘﻳﻐﯘﺭ ﺗﯩﺒﺎﺑﯩﺘﻰ ﺩﻭﺭﯨﻠﯩﺮﻯ ﺗﻪﺗﻘﯩﻘﺎﺕ ﺋﻮﺭﻧﯩﺪﯨﻦ ﺋﯜﭼﻰ ﺑﺎﺭ ﺋﯩﻜﻪﻥ. ﻟﯧﻜﯩﻦ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭ ﺗﯩﺒﺎﺑﯩﺘﻰ ﺋﯜﭼﯜﻥ ﺳﺎﻟﻐﺎﻥ ﻣﻪﺑﻠﯩﻐﻰ ﻳﯧﺘﻪﺭﺳﯩﺰ ﺑﻮﻟﻐﺎﻧﻠﯩﻘﺘﯩﻦ، ﻧﯘﺭﻏﯘﻥ ﻣﻪﺳﯩﻠﯩﻠﻪﺭ ﺗﺎ ﻫﺎﺯﯨﺮﻏﯩﭽﻪ ﻫﻪﻝ ﻗﯩﻠﯩﻨﻤﯩﻐﺎﻥ.

ﺋﯩﻘﺘﯩﺴﺎﺩ ﯞﻩ ﻗﻮﻟﻼﺵ ﻛﻪﻣﭽﯩﻞ

26 ‏- ﻓﯧﯟﺭﺍﻝ ﻛﯜﻧﻰ ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ "ﻗﯩﻴﯩﻦ ﺋﻪﻫﯟﺍﻟﺪﺍ ﻗﺎﻟﻐﺎﻥ ﺋﯘﻳﻐﯘﺭ ﺗﯧﺒﺎﺑﻪﺗﭽﯩﻠﯩﻜﻰ" ﻧﺎﻣﻠﯩﻖ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭ ﺷﯩﭙﺎﺧﺎﻧﯩﻠﯩﺮﯨﻨﯩﯔ ﻫﻪﻣﻤﯩﺴﯩﺪﻩ ﺩﯦﮕﯩﺪﻩﻙ ﺋﯩﻘﺘﯩﺴﺎﺩﯨﻲ ﻗﯩﻴﯩﻨﭽﯩﻠﯩﻖ ﺗﯜﭘﻪﻳﻠﯩﺪﯨﻦ ﺩﺍﯞﺍﻻﺵ ﺋﯜﺳﻜﯜﻧﯩﻠﯩﺮﻯ ﺋﯩﻨﺘﺎﻳﯩﻦ ﻛﻪﻣﭽﯩﻞ ﺑﻮﻟﻐﺎﻥ ﻫﻪﺗﺘﺎ ﺋﯘﻻﺭ ﻛﻪﺳﭙﯩﻲ ﺋﯩﺸﻼﺭﺩﺍ ﺯﯙﺭﯛﺭ ﺑﻮﻟﻐﺎﻥ ﺋﺎﭘﭙﺎﺭﺍﺗﻼﺭ ﯞﻩ ﺋﺎﻳﺎﻟﻼﺭ ﻛﯧﺴﻪﻟﻠﯩﻜﻠﯩﺮﯨﻨﻰ ﺗﻪﻛﺸﯜﺭﯨﺪﯨﻐﺎﻥ ﺋﻪﺳﯟﺍﺑﻼﺭﻧﯩﻤﯘ ﺳﯧﺘﯩﯟﺍﻻﻟﻤﯩﻐﺎﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻫﺎﺯﯨﺮ ﺋﯘﻳﻐﯘﺭ ﺗﯩﺒﺎﺑﯩﺘﯩﺪﻩ، ﻳﯘﻗﯩﺮﻯ ﺋﻮﻗﯘﺵ ﺗﺎﺭﯨﺨﯩﻐﺎ ﺋﯩﮕﻪ ﺧﺎﺩﯨﻤﻼﺭ ﺗﻮﻟﯘﻣﯘ ﻛﻪﻣﭽﯩﻞ ﺑﻮﻟﯘﭖ، ﯞﺍﺭﯨﺴﻼﺭﻧﻰ ﺗﻪﺭﺑﯩﻴﯩﻠﻪﭖ ﻳﯧﺘﯩﺸﺘﯜﺭﯛﺵ ﻣﻪﺳﯩﻠﯩﺴﻰ ﻛﯜﻧﺴﯧﺮﻯ ﺋﯧﻐﯩﺮﻻﺷﻘﺎﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﯩﺮﺩﯨﻦ ‏- ﺑﯩﺮ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯘﻳﻐﯘﺭ ﺗﯩﺒﺎﺑﯩﺘﻰ ﻣﻪﻛﺘﯩﭙﻰ، ﻳﻪﻧﻰ ﺷﯩﻨﺠﺎﯓ ﺋﯘﻳﻐﯘﺭ ﺗﯩﺒﺎﺑﯩﺘﻰ ﺋﺎﻟﯩﻲ ﺗﯧﺨﻨﯩﻜﻮﻣﯩﻨﯩﯔ ﻣﯘﺩﯨﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯘﻳﻐﯘﺭ ﺗﯩﺒﺎﺑﯩﺘﻰ ﻛﻪﺳﭙﯩﻲ ﺧﺎﺩﯨﻤﻰ ﻣﯩﯖﻐﯩﻤﯘ ﻳﻪﺗﻤﻪﻳﺪﯨﻜﻪﻥ، ﻛﻪﺳﭙﯩﻲ ﺋﻮﻗﯘﺵ ﺗﺎﺭﯨﺨﻰ ﺑﺎﺭﻻﺭ ﺋﺎﺭﺍﻥ 2 ﻣﯩﯖﺪﯨﻦ ﺋﺎﺷﻘﺎﻥ ﺋﯩﻜﻪﻥ. ﺋﯘﻳﻐﯘﺭ ﺗﯩﺒﺎﺑﯩﺘﻰ ﺳﯩﭙﯩﺪﻩ ﺗﯜﺭﻟﯜﻙ ﻛﯘﺭﺱ ﻣﻪﻟﯘﻣﺎﺗﯩﻐﺎ ﺋﯩﮕﻪ ﺧﺎﺩﯨﻤﻼﺭ 35 ﭘﯩﺮﺳﻪﻧﺘﻨﻰ، ﺋﺎﻟﯩﻲ ﺗﯧﺨﻨﯩﻜﻮﻡ ﻣﻪﻟﯘﻣﺎﺗﯩﻐﺎ ﺋﯩﮕﻪ ﺧﺎﺩﯨﻤﻼﺭ 46% ﻧﻰ ﺋﻮﺗﺘﯘﺭﺍ ﯞﻩ ﻛﻪﺳﭙﯩﻲ ﺗﯧﺨﻨﯩﻜﻮﻡ ﻣﻪﻟﯘﻣﺎﺗﯩﻐﺎ ﺋﯩﮕﻪ ﺧﺎﺩﯨﻤﻼﺭ ﯞﻩ ﺋﻮﻗﯘﺵ ﺗﺎﺭﯨﺨﻰ ﻳﻮﻗﻼﺭ ﺋﻮﻣﯘﻣﯩﻲ ﺳﺎﻧﻨﯩﯔ ﻳﯧﺮﯨﻤﯩﻨﻰ ﺋﯩﮕﯩﻠﻪﻳﺪﯨﻜﻪﻥ.

"ﻗﯩﻴﯩﻦ ﺋﻪﻫﯟﺍﻟﺪﺍ ﻗﺎﻟﻐﺎﻥ ﺋﯘﻳﻐﯘﺭ ﺗﯧﺒﺎﺑﻪﺗﭽﯩﻠﯩﻜﻰ" ﻧﺎﻣﻠﯩﻖ ﺑﯘ ﻣﺎﻗﺎﻟﯩﺪﻩ، ﺋﺎﭘﺘﻮﺭ ﺋﯘﻳﻐﯘﺭ ﺗﯩﺒﺎﺑﯩﺘﻰ ﺩﻭﺭﯨﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ "ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﻯ ﻫﺎﺯﯨﺮ ﺗﯧﺒﻪﺕ ﺗﯧﺒﺎﺑﯩﺘﻰ، ﻣﯩﻴﺎﯞ ﺯﯗ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﺪﻩﻙ ﺗﯧﺰ ﻳﯜﻛﺴﻪﻟﻤﯩﮕﻪﻥ" ﺩﻩﭖ ﺗﻪﻛﯩﺘﻠﯩﮕﻪﻥ. ﺋﺎﭘﺘﻮﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺳﺘﺎﺗﯩﺴﺘﯩﻜﯩﻐﺎ ﻗﺎﺭﯨﻐﺎﻧﺪﺍ، 2004 ‏- ﻳﯩﻠﻰ ﺧﯩﺘﺎﻱ ﺑﻮﻳﯩﭽﻪ ﻣﯩﻠﻠﯩﻲ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﯩﯔ ﻣﻪﻫﺴﯘﻻﺕ ﻗﯩﻤﻤﯩﺘﻰ 5 ﻣﯩﻠﻴﺎﺭﺩ 500 ﻣﯩﻠﻴﻮﻥ ﻳﯜﺋﻪﻥ ﺑﻮﻟﻐﺎﻥ، ﻟﯧﻜﯩﻦ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﯩﯔ ﻣﻪﻫﺴﯘﻻﺕ ﻗﯩﻤﻤﯩﺘﻰ ﺋﺎﺭﺍﻥ 50 ﻣﯩﻠﻴﻮﻥ ﻳﯜﺋﻪﻧﮕﻪ ﻳﻪﺗﻜﻪﻥ، ﻳﻪﻧﻰ 1 % ﻧﯩﻤﯘ ﺋﯩﮕﯩﻠﯩﻴﻪﻟﻤﯩﮕﻪﻥ.

ﺋﯘﻳﻐﯘﺭ ﺗﯩﺒﺎﺑﻪﺕ ﺟﻪﯞﻫﻪﺭﻟﯩﺮﯨﻨﯩﯔ ﻗﺎﻧﯘﻥ ﺗﻪﺭﯨﭙﯩﺪﯨﻦ ﻗﻮﻏﺪﯨﻠﯩﻨﯩﺸﻰ ﻳﯧﺘﻪﺭﻟﯩﻚ ﺋﻪﻣﻪﺱ

ﻣﻪﺯﻛﯘﺭ ﻣﺎﻗﺎﻟﯩﺪﻩ ﻫﺎﺯﯨﺮ ﺋﯘﻳﻐﯘﺭ ﺗﯧﺒﺎﺑﻪﺗﭽﯩﻠﯩﻜﯩﻨﯩﯔ ﺋﯩﻨﺘﺎﻳﯩﻦ ﻗﯩﻴﯩﻦ ﺋﻪﻫﯟﺍﻟﺪﺍ ﻗﺎﻟﻐﺎﻧﻠﯩﻘﻰ ﺗﻪﻛﯩﺘﻠﯩﻨﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﯩﯔ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﭖ ﻗﯧﻠﯩﺶ ﺋﯩﻤﻜﺎﻧﯩﻴﯩﺘﯩﻨﯩﯖﻤﯘ ﻳﻮﻕ ﺑﻮﻟﯘﯞﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﻣﻪﺳﯩﻠﻪﻥ 96 ﺧﯩﻞ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﺴﯩﻨﯩﯔ ﺋﺎﺭﯨﺴﯩﺪﺍ ﭘﺎﺗﯧﻨﺖ ﻫﻮﻗﯘﻗﻰ ﺑﺎﺭﻻﺭ ﻳﺎﻛﻰ ﻣﻪﻣﯘﺭﯨﻲ ﺟﻪﻫﻪﺗﺘﻪ ﻗﻮﻏﺪﯨﻠﯩﺪﯨﻐﯩﻨﻰ 5 % ﮔﯩﻤﯘ ﻳﻪﺗﻤﻪﻳﺪﯨﻜﻪﻥ. ﻟﯧﻜﯩﻦ ﺗﯧﺒﻪﺕ ﺗﯧﺒﺎﺑﯩﺘﻰ ﯞﻩ ﻣﯩﻴﺎﯞ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﯩﯔ ﻗﻮﻏﺪﺍﺵ ﻧﯩﺴﺒﯩﺘﻰ 60% ﺗﯩﻦ ﺋﺎﺷﯩﺪﯨﻜﻪﻥ. ﺋﯘﻧﯩﯖﺪﯨﻦ ﺑﺎﺷﻘﺎ، ﺗﻪﻗﻠﯩﺪ ﻗﯩﻠﯩﭗ ﺋﯩﺸﻠﻪﭘﭽﯩﻘﯩﺮﯨﺶ ﻗﯩﻠﻤﯩﺸﻰ ﺋﻪﺳﻠﯩﺪﯨﻨﻼ ﻧﺎﻫﺎﻳﯩﺘﻰ ﺋﺎﺟﯩﺰ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻐﺎ ﻧﯩﺴﺒﻪﺗﻪﻥ ﻳﻮﻗﯘﻟﯘﺵ ﺧﺎﺭﺍﻛﺘﯧﺮﻟﯩﻚ ﺋﺎﭘﻪﺕ ﺑﻮﻟﻐﺎﻥ.

ﻣﺎﻗﺎﻟﯩﺪﺍ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 2005 ‏- ﻳﯩﻠﯩﻨﯩﯔ ﺋﺎﺧﯩﺮﯨﻐﯩﭽﻪ، 15 ﺧﯩﻞ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﺴﯩﻨﻰ 91 ﻛﺎﺭﺧﺎﻧﺎ ﺋﻮﺧﺸﯩﺘﯩﭗ ﻳﺎﺳﯩﯟﺍﻟﻐﺎﻥ. ﺑﯘ ﻫﻪﻗﺘﻪ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺴﻤﯩﻨﻰ ﻣﻪﻟﯘﻡ ﻗﯩﻠﯩﺸﻨﻰ ﺧﺎﻟﯩﻤﯩﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯩﻠﻠﯩﻲ ﺗﯧﺒﺎﺑﻪﺗﭽﯩﻠﯩﻚ ﺩﻭﺧﺘﯘﺭﺧﺎﻧﯩﺴﯩﺪﯨﻜﻰ ﺑﯩﺮ ﺧﯩﺰﻣﻪﺗﭽﻰ ﺧﺎﺩﯨﻢ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ، ﻣﻪﺯﻛﯘﺭ ﺩﻭﺧﺘﯘﺭﺧﺎﻧﯩﻨﯩﯔ 30 ﻧﻪﭼﭽﻪ ﺧﯩﻞ ﺩﻭﺭﯨﻨﯩﯔ ﭘﺎﺗﯧﻨﺖ ﻫﻮﻗﯘﻗﯩﻨﻰ ﺧﯩﺘﺎﻱ ﺷﯩﺮﻛﻪﺗﻠﻪﺭﮔﻪ ﺳﯧﺘﯩﯟﻩﺗﻜﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﺪﻯ.

ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﺪﻩ ﺋﯘﻳﻐﯘﺭ ﺗﯧﺒﺎﺑﻪﺗﭽﯩﻠﯩﻜﻰ ﺧﻪﺗﻪﺭﻟﯩﻚ ﻫﺎﻟﻪﺗﺘﻪ ﻗﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﯘﻳﻐﯘﺭ ﺗﯧﺒﺎﺑﯩﺘﻰ ﯞﻩ ﺩﻭﺭﯨﮕﻪﺭﻟﯩﻜﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﺗﻪﺗﻘﯩﻘﺎﺕ ﺋﯩﺸﻠﯩﺮﻯ ﺑﯩﺮ ﻗﻪﺩﻩﺭ ﻛﯚﺯﮔﻪ ﻛﯚﺭﯨﻨﻪﺭﻟﯩﻚ ﻧﻪﺗﯩﺠﯩﻠﻪﺭﮔﻪ ﺋﯧﺮﯨﺸﻤﻪﻛﺘﻪ. ﺋﺎﺗﺎﻗﻠﯩﻖ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺗﻪﺗﻘﯩﻘﺎﺗﭽﯩﺴﻰ ﺩﻭﺧﺘﯘﺭ ﻣﯘﻫﻪﻣﻤﻪﺕ ﺋﯚﻣﻪﺭ ﺋﻪﭘﻪﻧﺪﻯ ﺗﯜﺭﻛﯩﻴﯩﮕﻪ ﭼﯩﻘﯩﭗ ﻳﻪﺭﻟﻪﺷﻜﻪﻧﺪﯨﻦ ﻛﯧﻴﯩﻦ، ﺋﯜﺭﯛﻣﭽﯩﺪﯨﻜﻰ ﺋﯘﻳﻐﯘﺭ ﻣﯩﻠﻠﯩﻲ ﺗﯧﺒﺎﺑﻪﺕ ﺩﻭﺧﺘﯘﺭﺧﺎﻧﯩﺴﯩﻐﺎ ﻣﻪﺳﺌﯘﻝ ﺑﻮﻟﯘﭖ ﺗﯘﺭﻏﺎﻥ ﻣﻪﺯﮔﯩﻠﯩﺪﯨﻜﻰ ﺗﻪﺟﺮﯨﺒﯩﻠﯩﺮﯨﻨﻰ ﻳﻪﻛﯜﻧﻠﻪﺵ ﺋﺎﺳﺎﺳﯩﺪﺍ 10 ﻧﻪﭼﭽﻪ ﻳﯩﻞ ﺗﯩﺮﯨﺸﯩﭗ ﺗﻪﺗﻘﯩﻖ ﻗﯩﻠﯩﺶ ﯞﻩ ﺋﻪﻣﻪﻟﯩﻲ ﺩﺍﯞﺍﻻﺵ ﺋﺎﺭﻗﯩﻠﯩﻖ ﻫﺎﺯﯨﺮ ﺋﯩﺴﺘﺎﻧﺒﯘﻟﺪﺍ ﻳﺎﯞﺭﯗﭘﺎ ﺑﯘﻳﯩﭽﻪ ﺋﻮﺭﺗﺎﻕ ﺗﺎﺭﻗﯩﺘﯩﻠﯩﺪﯨﻐﺎﻥ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﻰ ﻳﺎﺳﺎﺵ ﯞﻩ ﺳﯧﺘﯩﺶ ﺷﯩﺮﻛﯩﺘﻰ ﻗﻮﺭﯗﭖ ﭼﯩﻘﻘﺎﻥ.

ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﻣﯘﺗﻪﺧﻪﺳﺴﯩﺴﻠﻪﺭ " ﺋﯘﻳﻐﯘﺭ ﺋﯧﻠﯩﺪﻩ، ﺋﯘﻳﻐﯘﺭ ﺗﯧﺒﺎﺑﯩﺘﻰ ﺩﻭﺭﯨﻠﯩﺮﻯ ﺧﯩﻠﻤﯘ -ﺧﯩﻞ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﺗﻪﺭﻩﻗﻘﯩﻴﺎﺕ ﭘﯘﺭﺳﯩﺘﯩﺪﯨﻦ ﻣﻪﻫﺮﯗﻡ ﻗﯩﻠﯩﻨﻤﺎﻗﺘﺎ. ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﯩﯔ ﺑﯘ ﻗﯩﻤﻤﻪﺗﻠﯩﻚ ﻣﯩﺮﺍﺳﻰ ﺗﺎﺷﻼﭖ ﻗﻮﻳﯘﻟﻤﺎﻗﺘﺎ " ﺩﻩﭖ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ. (ﻣﯧﻬﺮﯨﺒﺎﻥ)