ﮔﯧﺮﻣﺎﻧﯩﻴﯩﺪﻩ ﺧﯩﺘﺎﻳﻐﺎ ﻗﺎﺭﺷﻰ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

3 - ﺋﺎﻳﻨﯩﯔ 24 - ﻛﯜﻧﻰ ﮔﯧﺮﻣﺎﻧﯩﻴﯩﻨﯩﯔ ﻣﻴﯘﻧﺨﯧﻦ ﺷﻪﻫﺮﯨﺪﯨﻜﻰ ﻣﻪﺷﻬﯘﺭ ﻣﻪﺭﻳﻪﻡ ﻣﻪﻳﺪﺍﻧﯩﺪﺍ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﻳﻪﻧﻪ ﺑﯩﺮ ﻗﯧﺘﯩﻢ ﺟﻪﯞﻻﻥ ﻗﯩﻠﺪﻯ. ﻗﺎﻧﭽﻪ ﺋﻮﻧﻠﯩﻐﺎﻥ ﻟﻮﺯﯗﻧﻜﯩﻼﺭ ﯞﻩ ﯞﯨﯟﯨﺴﻜﯩﻼﺭ ﻣﯩﯖﻠﯩﻐﺎﻥ ﺗﺎﻣﺎﺷﯩﺒﯩﻨﻼﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﺘﻰ. ﻧﺎﻣﺎﻳﯩﺸﭽﯩﻼﺭﻧﯩﯔ ﺟﺎﺭﺍﯕﻠﯩﻖ ﺋﺎﯞﺍﺯﻟﯩﺮﻯ ﺷﻪﻫﻪﺭﻧﯩﯔ ﺋﻪﯓ ﺋﺎﯞﺍﺕ ﻣﻪﺭﻛﯩﺰﻯ ﺑﻮﻟﻐﺎﻥ ﺑﯘ ﺭﺍﻳﻮﻧﻨﻰ ﻟﻪﺭﺯﯨﮕﻪ ﺳﺎﻟﺪﻯ.

ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻨﻰ ﺑﺎﺵ ﺷﯩﺘﺎﺑﻰ ﮔﯧﺮﻣﺎﻧﯩﻴﯩﻨﯩﯔ ﻣﻴﯘﻧﺨﯧﻦ ﺷﻪﻫﺮﯨﺪﻩ ﺑﻮﻟﻐﺎﻥ ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ ﺋﻮﺭﯗﻧﻼﺷﺘﯘﺭﻏﺎﻥ ﺑﻮﻟﯘﭖ، ﻧﺎﻣﺎﻳﯩﺸﻘﺎ ﻳﯜﺯﻟﯩﮕﻪﻥ ﺋﯘﻳﻐﯘﺭﻻﺭ ﻗﺎﺗﻨﺎﺷﻘﺎﻧﺪﯨﻦ ﺳﯩﺮﺕ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻰ، ﺗﯜﺭﻙ ﺗﻪﺷﻜﯩﻼﺗﻠﯩﺮﻯ ﯞﻩ ﺑﺎﺷﻘﺎ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺭﻩﻫﺒﻪﺭﻟﯩﺮﯨﻤﯘ ﻗﺎﺗﻨﺎﺷﺘﻰ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﻗﺎﺯﺍﻗﯩﺴﺘﺎﻥ، ﺷﯟﯦﺘﺴﯩﻴﻪ ﯞﻩ ﺑﺎﺷﻘﺎ ﻳﺎﯞﺭﯗﭘﺎ ﺋﻪﻟﻠﯩﺮﯨﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﻣﯧﻬﻤﺎﻧﻼﺭﻣﯘ ﺋﯩﺸﺘﯩﺮﺍﻙ ﻗﯩﻠﺪﻯ.

ﺩ ﺋﯘ ﻕ ﻧﯩﯔ ﺋﻮﺭﯗﻧﻼﺷﺘﯘﺭﯗﺷﯩﻐﺎ ﺑﯩﻨﺎﺋﻪﻥ، ﺑﻪﺵ ﺋﺎﻳﻐﺎ ﻗﻪﺩﻩﺭ ﺩﺍﯞﺍﻣﻠﯩﺸﯩﺪﯨﻐﺎﻥ ﺑﯘ ﻧﺎﻣﺎﻳﯩﺶ ﯞﻩ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ، ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ، ﺩ ﺋﯘ ﻕ ﻧﯩﯔ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﭼﯜﺷﻪﻧﭽﻪ ﺑﯧﺮﯨﭗ ﺋﯚﺗﺘﻰ.

ﺑﯩﺰ ﺋﯘﻳﻐﯘﺭﻻﺭ ﺑﯩﻠﻪﻥ ﺑﯩﻠﻠﻪ

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ، ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﻳﺎﺧﺸﻰ ﭼﯜﺷﻪﻧﮕﻪﻥ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﮕﻪ ﻳﯩﻠﻼﺭﺩﯨﻦ ﺑﯘﻳﺎﻥ ﻫﯧﺴﺪﺍﺷﻠﯩﻖ ﻗﯩﻠﯩﭗ ﻛﻪﻟﮕﻪﻥ ﺧﻪﻟﻖ`ﺋﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻰ ﻣﻴﯘﻧﺨﯧﻦ ﺗﺎﺭﻣﯩﻘﯩﻨﯩﯔ ﺭﻩﺋﯩﺴﻰ ﭘﺎﺗﺮﯨﻚ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﭘﯩﻜﯩﺮﻟﯩﺮﯨﻨﻰ ﺩﯨﻘﻘﯩﺘﯩﻤﯩﺰﮔﻪ ﺳﯘﻧﺪﻯ.

ﺋﯘ ﺳﯚﺯﯨﺪﻩ، ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺗﯩﺒﻪﺗﺘﻪ ﻳﯜﺭﮔﯜﺯﯨﯟﺍﺗﻘﺎﻥ ﺋﯩﻨﺴﺎﻧﯩﻴﻪﺗﺴﯩﺰ ﻗﯩﻠﻤﯩﺸﻠﯩﺮﯨﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﭘﻼ ﻗﺎﻟﻤﺎﻱ، ﺧﯩﺘﺎﻱ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺋﻪﻣﻪﺳﻠﯩﻜﯩﻨﻰ ﺗﻪﻛﯩﺘﻠﯩﺪﻯ ﻫﻪﻣﺪﻩ ﺧﻪﻟﻖ`ﺋﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭ ﺑﯩﻠﻪﻥ ﺑﯩﺮﮔﻪ، ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﺭﯨﻜﯩﺘﯩﻨﻰ ﺋﺎﺧﯩﺮﻏﯩﭽﻪ ﺩﺍﯞﺍﻣﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﺧﯩﺘﺎﻳﻼﺭ ﭼﯩﻘﯩﭗ ﻛﻪﺗﺴﯘﻥ!

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﺘﺎ، ﺧﯩﺘﺎﻱ ﺯﯗﻟﻤﯩﻐﺎ ﺋﺎﺋﯩﺖ ﻛﯚﭖ ﺳﺎﻧﺪﺍ ﺗﻪﺷﯟﯨﻘﺎﺕ ﯞﺍﺭﺍﻗﭽﯩﻠﯩﺮﻯ ﺗﺎﺭﻗﯩﺘﯩﻠﺪﻯ. ﻧﺎﻣﺎﻳﯩﺸﻨﻰ ﺋﻪﺗﺮﺍﭘﺘﺎ ﺗﻮﭘﻠﯩﺸﯩﭗ ﻛﯚﺯﯨﺘﯩﯟﺍﺗﻘﺎﻥ ﭼﻪﺕ`ﺋﻪﻟﻠﯩﻜﻠﻪﺭﮔﻪ ﺩ ﺋﯘ ﻕ ﻧﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺋﻪﺳﻘﻪﺭﺟﺎﻥ ﺋﻪﭘﻪﻧﺪﻯ ﮔﯧﺮﻣﺎﻧﭽﻪ ﭼﯜﺷﻪﻧﭽﯩﻠﻪﺭ ﺑﯧﺮﯨﭗ ﺋﯚﺗﺘﻰ. ﻧﺎﻣﺎﻳﯩﺸﻨﯩﯔ ﻣﻪﻗﺴﯩﺪﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ 1949 - ﻳﯩﻠﻰ ﺧﯩﺘﺎﻱ ﺋﯩﺴﺘﯩﻼﺳﯩﻐﺎ ﺩﯗﭺ ﻛﻪﻟﮕﻪﻧﺪﯨﻦ ﺑﯘﻳﺎﻧﻘﻰ ﭘﺎﺟﯩﺌﻪﻟﯩﻚ ﺗﻪﻗﺪﯨﺮﻯ، ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺋﺎﺭﺯﯗ - ﺗﯩﻠﻪﻛﻠﯩﺮﯨﻨﻰ ﺷﻪﺭﻫﯩﻠﯩﺪﻯ.

ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ „ﺧﯩﺘﺎﻳﻼﺭ ﯞﻩﺗﯩﻨﯩﻤﯩﺰﺩﯨﻦ ﭼﯩﻘﯩﭗ ﻛﻪﺗﺴﯘﻥ، ﺋﯘﻳﻐﯘﺭﻻﺭﻏﺎ ﺋﻪﺭﻛﯩﻨﻠﯩﻚ، ﺋﯘﻳﻐﯘﺭﻻﺭﻏﺎ ﺩﯦﻤﻮﻛﺮﺍﺗﯩﻴﻪ، ﺋﯩﻨﺴﺎﻥ ﻫﻪﻗﻠﯩﺮﻯ ﺑﻮﻟﻤﯩﻐﺎﻥ ﺩﯙﻟﻪﺗﺘﻪ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﻜﻪ ﺑﻮﻟﻤﺎﻳﺪﯗ، ﺧﯩﺘﺎﻳﺪﯨﻜﻰ ﺋﯚﻟﯜﻡ ﺟﺎﺯﺍﺳﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﺴﯘﻥ، ﺳﯩﻴﺎﺳﯩﻲ ﻣﻪﻫﺒﯘﺳﻼﺭ ﻗﻮﻳﯘﭖ ﺑﯧﺮﯨﻠﺴﯘﻥ، ﺩﯦﮕﻪﻧﺪﻩﻙ ﺷﻮﺋﺎﺭﻻﺭ ﺋﯜﺯﻣﻪﻱ ﺗﻮﯞﻟﯩﻨﯩﭗ ﺗﯘﺭﺩﻯ.

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﻳﻪﻧﻪ، ﺩ ﺋﯘ ﻕ، ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﻨﻔﻮﺭﻣﺎﺗﺴﯩﻴﻮﻥ ﻣﻪﺭﻛﯩﺰﻯ ﻗﺎﺗﺎﺭﻟﯩﻖ ﺗﻪﺷﻜﯩﻼﺗﻼﺭﻧﯩﯔ ﺭﻩﻫﺒﻪﺭﻟﯩﺮﯨﺪﯨﻦ ﺑﺎﺷﻘﺎ، ﺩ ﺋﯘ ﻕ ﻧﯩﯔ ﺳﺎﺑﯩﻖ ﺭﻩﺋﯩﺴﻰ ﺋﻪﺭﻛﯩﻦ ﺋﺎﻟﯩﭙﺘﯧﻜﯩﻦ ﺋﻪﭘﻪﻧﺪﻯ، ﻗﺎﺯﺍﻗﯩﺴﺘﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﺋﺎﺑﺪﯗﺭﯦﺸﯩﺖ ﺋﻪﭘﻪﻧﺪﻯ، ﻣﻪﺭﻫﯘﻡ ﻳﺎﺯﻏﯘﭼﻰ ﯞﻩ ﺭﻩﻫﺒﻪﺭ ﺯﯨﻴﺎ ﺳﻪﻣﯩﺪﯨﻨﯩﯔ ﺋﻮﻏﻠﻰ ﺭﯨﺰﺍ ﺳﻪﻣﯩﺪﻯ ﺋﻪﭘﻪﻧﺪﻯ، ﺷﯟﯦﺘﺴﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺭﻩﻫﺒﻪﺭﻟﯩﺮﯨﺪﯨﻦ ﻳﺎﺯﻏﯘﭼﻰ ﯞﻩ ﯞﻩﺗﻪﻧﭙﻪﺭﯞﻩﺭ ﺋﯩﻨﻘﯩﻼﺑﭽﻰ ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻣﯘ ﻗﺎﺗﻨﺎﺷﺘﻰ. (ﺋﻪﻛﺮﻩﻡ)