ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﺍ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﯘﻻﻫﯩﺰﯨﻠﻪﺭ ﻛﯚﭘﻪﻳﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

23‏ - ﻣﺎﺭﺕ ﻛﯜﻧﻰ ﺋﻪﻧﮕﻠﯩﻴﯩﺪﻩ ﭼﯩﻘﯩﺪﯨﻐﺎﻥ " ﺳﻪﻧﺪﻯ ﺗﺎﻳﻤﯩﺰ " ﮔﯧﺰﯨﺘﯩﺪﻩ، ﻣﻪﺯﻛﯘﺭ ﮔﯧﺰﯨﺘﯩﻨﯩﯔ ﻳﯩﺮﺍﻕ ﺷﻪﺭﻕ ﻣﯘﺧﺒﯩﺮﻯ، ﻣﺎﻳﻜﯧﻞ ﺷﻪﺭﯨﺪﺍﻥ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﻛﯩﻤﻠﻪﺭ ﺗﻪﺭﯨﭙﯩﺪﯨﻦ ﭘﯩﻼﻧﻼﻧﻐﺎﻧﻠﯩﻘﻰ، ﻗﺎﻧﺪﺍﻕ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻧﻠﯩﻘﻰ ﯞﻩ ﺑﯘ ﺳﯩﻴﺎﺳﻪﺗﻨﯩﯔ ﺋﺎﺳﺎﺳﻠﯩﻖ ﻧﯩﺸﺎﻧﻰ ﺗﻮﻏﺮﯨﺴﯩﺪﺍ ﻳﯧﻘﯩﻨﻘﻰ ﻛﯜﻧﻠﻪﺭﺩﻩ ﻏﻪﺭﺏ ﻣﻪﺗﺒﯘﺋﺎﺗﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻳﯩﺮﯨﻚ ﻣﺎﻗﺎﻟﯩﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ.

" ﯞﺍﯓ ﻟﯧﭽﯘﻩﻥ ﻛﻪﯓ ﻛﯚﻟﻪﻣﻠﯩﻚ ﺳﯩﻴﺎﺳﯩﻲ ﺑﺎﺳﺘﯘﺭﯗﺷﻨﻰ ﻳﻮﻟﻐﺎ ﻗﻮﻳﺪﻯ"

ﻣﺎﻳﻜﯧﻞ ﺷﻪﺭﯨﺪﺍﻥ ﻣﺎﻗﺎﻟﯩﺴﯩﺪﻩ، ﺧﯩﺘﺎﻳﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ، ﺑﻮﻟﯘﭘﻤﯘ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﺋﺎﺳﺎﺳﻪﻥ، ﺧﯩﺘﺎﻱ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﯨﻜﻰ ﺗﺎﺷﻘﻰ ﺩﯗﻧﻴﺎﺩﺍ ﺋﺎﻧﭽﯩﻼ ﺗﻮﻧﯘﻟﻤﯩﻐﺎﻥ، ﺋﺎﻟﺪﯨﻤﯩﺰﺩﯨﻜﻰ ﺋﺎﻳﻼﺭﺩﺍ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺋﻪﻳﯩﺒﻠﻪﺵ ﻧﯩﺸﺎﻧﯩﻐﺎ ﺋﯧﻠﯩﻨﯩﺸﻰ ﻣﯘﻗﻪﺭﺭﻩﺭ ﺑﻮﻟﻐﺎﻥ ﯞﺍﯓ ﻟﯩﭽﯜﻩﻥ، ﺟﺎﯓ ﭼﯧﯖﻠﻰ ﯞﻩ ﻟﻰ ﺩﯦﺠﯘ ﻗﺎﺗﺎﺭﻟﯩﻖ ﺋﯜﭺ ﻛﯩﺸﻰ ﺗﻪﺭﯨﭙﯩﺪﯨﻦ ﭘﯩﻼﻧﻠﯩﻨﯩﭗ ﻳﻮﻟﻐﺎ ﻗﻮﻳﯘﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، "ﺑﯘﻻﺭﻧﯩﯔ ﺋﯩﭽﯩﺪﻩ ﯞﺍﯓ ﻟﯩﭽﯜﻩﻥ ﺋﻪﯓ ﺋﺎﺳﺎﺳﻠﯩﻖ ﺭﻭﻟﻨﻰ ﺋﻮﻳﻨﺎﯞﺍﺗﻘﺎﻥ ﺑﻮﻟﯘﭖ، ﺋﯘ ﺧﯩﺘﺎﻳﻨﯩﯔ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭ ﮔﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﻛﯩﺸﻰ ﻫﯧﺴﺎﺑﻠﯩﻨﯩﺪﯗ" ﺩﻩﭖ ﻛﯚﺭﺳﯩﺘﯩﺪﯗ.

ﯞﺍﯓ ﻟﯧﭽﯜﻩﻧﻨﯩﯔ ﺋﯚﺯﯨﻨﻰ، ﺗﯧﺮﺭﻭﺭﭼﯩﻼﺭﻧﯩﯔ ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯩﺸﺎﻧﻰ ﺩﻩﭖ ﺗﻮﻧﯘﺷﺘﯘﺭﻏﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﻣﺎﻳﻜﯧﻞ ﺷﻪﺭﯨﺪﺍﻥ، "ﺋﯘ ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﻣﻪﺩﻩﻧﯩﻴﯩﺘﯩﻨﻰ ﻳﻮﻗﯩﺘﯩﺪﯨﻐﺎﻥ ﺑﯩﺮ ﺳﯩﻴﺎﺳﻪﺕ ﻳﻮﻟﻐﺎ ﻗﻮﻳﺪﻯ. ﻛﻪﯓ ﻛﯚﻟﻪﻣﻠﯩﻚ ﺳﯩﻴﺎﺳﯩﻲ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﻯ ﻳﻮﻟﻐﺎ ﻗﻮﻳﯘﭖ، ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﺋﯚﻟﯜﻡ ﺟﺎﺯﺍﻟﯩﺮﯨﻐﺎ ﻫﯚﻛﯜﻡ ﻗﯩﻠﯩﭗ ﺋﯧﻴﺘﯩﭗ ﺋﯚﻟﺘﯜﺭﺩﻯ. ﺋﯘﻳﻐﯘﺭ ﺋﯧﻠﯩﻨﯩﯔ ﻳﻪﺭ ﺋﺎﺳﺘﻰ ﯞﻩ ﻳﻪﺭ ﺋﯜﺳﺘﻰ ﺑﺎﻳﻠﯩﻘﻠﯩﺮﯨﻨﻰ ﻗﯧﺰﯨﭗ ﭼﯩﻘﯩﺮﯨﭗ ﺧﯩﺘﺎﻱ ﺋﯩﻘﺘﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﯩﺸﻠﻪﺗﺘﻰ ﯞﻩ ﺋﯘﻳﻐﯘﺭ ﺋﯧﻠﯩﮕﻪ ﺧﯩﺘﺎﻳﻨﯩﯔ ﺋﯩﭽﻜﯩﺮﻯ ﺋﯚﻟﻜﯩﻠﯩﺮﯨﺪﯨﻦ ﻣﯩﻠﻴﻮﻧﻠﯩﻐﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﻳﯚﺗﻜﻪﭖ ﻛﻪﻟﺪﻯ" ﺩﻩﻳﺪﯗ.

ﺗﯩﺒﻪﺗﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﺑﻮﻟﻐﺎﻥ ﺟﺎﯓ ﭼﯧﯖﻠﯩﻨﯩﯔ، ﺋﺎﺳﺎﺳﻪﻥ ﯞﺍﯓ ﻟﯧﭽﯜﻩﻧﻨﯩﯔ ﺷﺎﮔﯩﺮﺗﻰ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﻣﺎﻳﻜﯧﻞ ﺷﻪﺭﯨﺪﺍﻥ، ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﯨﺪﯗ": ﺟﺎﯓ ﭼﯧﯖﻠﻰ ﻧﯚﯞﻩﺗﺘﻪ، ﺋﯘﺳﺘﺎﺯﻯ ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﻮﻟﻐﺎ ﻗﻮﻳﻐﺎﻥ ﺳﯩﻴﺎﺳﻪﺗﻠﯩﺮﯨﻨﻰ، ﺗﯩﺒﻪﺗﺘﻪ ﺋﻪﻣﻪﻟﯩﻴﻠﻪﺷﺘﯜﺭﻣﻪﻛﺘﻪ. ﺋﯘ ﺗﯩﺒﻪﺗﻨﯩﯔ ﺩﯨﻨﯩﻲ ﯞﻩ ﻣﯩﻠﻠﯩﻲ ﻛﯩﻤﻠﯩﻜﯩﮕﻪ ﻗﺎﺭﯨﺘﯩﻠﻐﺎﻥ ﺑﺎﺳﺘﯘﺭﯗﺷﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﭗ، ﺗﯩﺒﻪﺗﻜﻪ ﺗﯧﺨﯩﻤﯘ ﻛﯚﭖ ﺧﯩﺘﺎﻱ ﻛﯜﭼﻤﻪﻧﻠﯩﺮﯨﻨﻰ ﻳﯚﺗﻜﻪﺷﻜﻪ ﺑﺎﺷﻠﯩﺪﻯ ﻫﻪﻣﺪﻩ ﺗﯩﺒﻪﺗﻨﯩﯔ ﻳﻪﺭﺋﺎﺳﺘﻰ ﯞﻩ ﻳﻪﺭ ﺋﯜﺳﺘﻰ ﺑﺎﻳﻠﯩﻘﻠﯩﺮﯨﺪﯨﻦ ﭘﺎﻳﺪﯨﻠﯩﻨﯩﺶ ﻫﻪﺭﯨﻜﯩﺘﯩﻨﻰ ﺗﯧﺰﻟﻪﺗﺘﻰ."

ﻟﻰ ﺩﯦﺠﯘ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﯩﺮﻗﯩﻲ ﻧﻪﺯﻩﺭﯨﻴﯩﭽﯩﺴﻰ

ﻣﺎﻗﺎﻟﯩﺴﯩﺪﻩ، ﻟﻰ ﺩﯦﺠﯘﻧﻰ ﺧﯩﺘﺎﻳﻨﯩﯔ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ، ﺧﯩﺘﺎﻱ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﯨﻜﻰ ﺋﻪﯓ ﻧﻮﭘﯘﺯﻟﯘﻕ ﺋﯜﭼﯩﻨﭽﻰ ﻛﯩﺸﻰ ﺩﻩﭖ ﻛﯚﺭﺳﻪﺗﻜﻪﻥ ﺋﺎﭘﺘﯘﺭ ﻣﯘﻧﺪﺍﻕ ﺩﻩﻳﺪﯗ" ﻟﻰ ﺩﯦﺠﯘ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﯩﺮﻗﯩﻲ ﻧﻪﺯﻩﺭﯨﻴﯩﭽﯩﺴﻰ ﻫﯧﺴﺎﺑﻠﯩﻨﯩﺪﯗ.

ﺋﯘ، ﺧﯩﺘﺎﻳﺪﯨﻜﻰ ﻣﯘﺳﺘﻪﻗﯩﻞ ﯞﻩ ﺋﺎﻳﺮﯨﻢ ﻣﻪﺩﻩﻧﯩﻴﻪﺗﻠﻪﺭﻧﻰ ﺑﯩﺖ - ﭼﯩﺖ ﻗﯩﻠﯩﭗ، ﻣﺎﺗﯧﺮﯨﻴﺎﻟﯩﺰﻣﻨﻰ ﺗﻪﺭﻏﯩﺐ ﻗﯩﻠﯩﺶ ﺋﺎﺭﻗﯩﻠﯩﻖ، ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ، ﻳﻮﻗﯩﺘﯩﺶ ﻫﻪﻗﻘﯩﺪﻩ ﻛﯩﺘﺎﺏ ﻳﺎﺯﻏﺎﻥ ﻛﯩﺸﻰ. ﻟﻰ ﺩﯦﺠﯘ 2007‏ - ﻳﯩﻠﻰ ﺧﯩﺘﺎﻱ ﭘﺎﺭﺗﯩﻴﻪ ﮊﯗﺭﻧﯩﻠﯩﺪﺍ، ﺧﯩﺘﺎﻱ "ﻣﻪﺩﻩﻧﯩﻴﻪﺕ ﺑﯩﺨﻪﺗﻪﺭﻟﯩﻜﻰ" ﻧﺎﻣﯩﺪﺍ ﺑﯩﺮ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺧﯩﺘﺎﻳﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﺳﯩﻴﺎﺳﺘﯩﻨﻰ ﺋﯚﺯﮔﻪﺭﺗﯩﭗ، ﺋﯘﻳﻐﯘﺭ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﻗﻮﻏﺪﺍﺵ ﺳﯩﻴﺎﺳﯩﺘﯩﺪﯨﻦ ﯞﺍﺯ ﻛﯧﭽﯩﭗ، ﺑﯘ ﻣﯩﻠﻠﻪﺗﻠﻪﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﻳﯧﯖﯩﺪﯨﻦ ﺷﻪﻛﯩﻠﻠﻪﻧﺪﯛﺭﯨﺪﯨﻐﺎﻥ ﺑﯩﺮ ﺳﯩﻴﺎﺳﻪﺕ ﻳﻮﻟﻐﺎ ﻗﻮﻳﯘﺵ، ﭘﯩﻜﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ."

ﻣﺎﻗﺎﻟﯩﺪﻩ ﺗﻪﻛﯩﺘﻠﯩﻨﯩﺸﯩﭽﻪ، ﻟﻰ ﺩﯦﺠﯘ، ﺧﯩﺘﺎﻳﺪﯨﻜﻰ ﺋﺎﺯﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻣﻪﺳﯩﻠﯩﺴﯩﻨﯩﯔ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﻠﯩﺮﯨﻐﺎ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﻟﻜﯩﻠﯩﺮﯨﺪﯨﻦ ﻛﻪﯓ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﻳﯚﺗﻜﻪﺵ ﺋﺎﺭﻗﯩﻠﯩﻖ "ﺗﯜﭘﺘﯩﻦ ﺑﯩﺮ ﺗﻪﺭﻩﭖ" ﻗﯩﻠﯩﻨﯩﺸﯩﻨﻰ ﺋﻮﭼﯘﻕ - ﺋﺎﺷﻜﺎﺭﺍ ﺟﺎﻛﺎﺭﻟﯩﻐﺎﻥ ﺗﯘﻧﺠﻰ ﺧﯩﺘﺎﻱ ﺭﻩﻫﺒﯩﺮﻯ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺗﯩﺒﻪﺗﺘﻪ ﻫﻪﻝ ﻗﯩﻠﯩﻨﻤﯩﺴﺎ،ﺷﯩﻨﺠﺎﯕﺪﺍ ﻗﺎﻳﺘﯩﺪﯨﻦ ﺋﻮﺗﺘﯘﺭﯨﻐﺎ ﭼﯩﻘﯩﺪﯨﻐﺎﻧﻠﯩﻘﻰ ﻣﯘﻗﻪﺭﺭﻩﺭ

ﺗﯩﺒﻪﺗﺘﯩﻜﻰ ﯞﻩﻗﻪﻟﻪﺭﺩﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍﺩﺍ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﺑﻮﻟﯘﭘﻤﯘ ﺋﯘﻳﻐﯘﺭ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻗﻮﺯﻏﺎﻟﻐﺎﻥ ﻣﯘﻧﺎﺯﯨﺮﯨﻠﻪﺭ، ﻫﻪﺗﺘﺎ ﺧﯩﺘﺎﻱ ﺯﯨﻴﺎﻟﻴﻠﯩﺮﯨﻨﯩﻤﯘ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﻰ ﺋﯘﻳﻐﯘﺭ ﯞﻩ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﺋﯚﺯﮔﻪﺭﺗﯩﺸﻜﻪ ﭼﺎﻗﯩﺮﯨﺸﻘﺎ ﻣﻪﺟﺒﯘﺭ ﻗﯩﻠﻤﺎﻗﺘﺎ.

ﺑﯧﻴﺠﯩﯖﺪﺍ ﺗﯘﺭﯗﺷﻠﯘﻕ ﺋﺎﺗﺎﻗﻠﯩﻖ ﺧﯩﺘﺎﻱ ﻳﺎﺯﻏﯘﭼﯩﺴﻰ ﯞﺍﯓ ﻟﯩﺸﻮﯓ 28‏ - ﻣﺎﺭﺕ ﻛﯜﻧﻰ ﯞﺍﻝ ﺳﯩﺘﺮﯨﺖ ﮊﯗﺭﻧﺎﻝ ﮔﯧﺰﯨﺘﯩﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﺘﯩﻨﻰ ﻗﺎﻳﺘﯩﺪﯨﻦ ﻛﯚﺯﺩﯨﻦ ﻛﻪﭼﯜﺭﯛﺷﻜﻪ ﭼﺎﻗﯩﺮﺩﻯ. ﺋﯘ ﻣﺎﻗﺎﻟﯩﺴﯩﺪﻩ ﻣﯘﻧﺪﺍﻕ ﺩﻩﻳﺪﯗ: "ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﻧﯧﻤﻪ ﺋﯜﭼﯜﻥ ﻏﻪﻟﯩﺒﻪ ﻗﯩﻠﻤﯩﻐﺎﻧﻠﯩﻘﯩﻨﻰ ﻗﺎﻳﺘﯩﺪﯨﻦ ﺋﻮﻳﻠﯩﻨﯩﭗ، ﺋﯘﻧﻰ ﺋﯚﺯﮔﻪﺭﺗﯩﺶ ﯞﺍﻗﺘﻰ ﻳﯧﺘﯩﭗ ﻛﻪﻟﺪﻯ. ﺑﯘﺭﯗﻧﻘﻰ ﻣﻪﺳﯩﻠﯩﻠﻪﺭ ﺑﯩﺮ ﺗﻪﺭﻩﭖ ﻗﯩﻠﯩﻨﻤﯩﻐﺎﻥ. ﺋﻪﮔﻪﺭ ﻣﻪﺳﯩﻠﯩﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯜﭼﯜﻥ، ﻣﯘﯞﺍﭘﯩﻖ ﺑﯩﺮ ﻳﻮﻝ ﺗﺎﻟﻼﻧﻤﯩﺴﺎ، ﺑﯘ ﻣﻪﺳﯩﻠﯩﻠﻪﺭﻧﯩﯔ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻗﺎﻳﺘﯩﺪﯨﻦ ﺋﻮﺗﺘﯘﺭﯨﻐﺎ ﭼﯩﻘﯩﺪﯨﻐﺎﻧﻠﯩﻘﻰ ﻣﯘﻗﻪﺭﺭﻩﺭ." (ﺋﯚﻣﻪﺭ ﻗﺎﻧﺎﺕ)