" ﺑﺎﺵ ﺋﻪﮔﻤﻪﺱ ﻣﯩﻠﻠﻪﺕ ﺋﯘﻳﻐﯘﺭﻻﺭ ﺋﻮﻟﯩﻤﭙﯩﻜﻨﯩﯔ ﻫﺎﺭﭘﯩﺴﯩﺪﺍ ﺧﯩﺘﺎﻳﻨﻰ ﺑﯩﺌﺎﺭﺍﻡ ﻗﯩﻠﻤﺎﻗﺘﺎ "

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻣﻪﺯﻛﯘﺭ ﻣﺎﻗﺎﻟﻪ ﯞﻩ ﺳﯜﺭﻩﺗﻨﯩﯔ ﺗﻮﺭﺩﯨﻜﻰ ﻛﯧﻠﯩﺶ ﻣﻪﻧﺒﻪﺳﻰ: http://www.isn.ethz.ch/news/sw/details.cfm?id=18377

ﺑﯘ ﻳﯩﻞ 8 ‏- ﻧﻮﻳﺎﺑﯩﺮ ﻛﯜﻧﻰ ﻗﻪﺷﻘﻪﺭﺩﻩ ﺋﯚﻟﯜﻣﮕﻪ ﺑﯘﻳﺮﯗﻟﻐﺎﻥ ﯞﻩ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﻪﺭ ﺧﯩﻞ ﺋﻮﻏﻼﻧﻠﯩﺮﻯ ﺩﻩﭖ ﺋﺎﺗﺎﻟﻐﺎﻥ 5 ﺋﯘﻳﻐﯘﺭ ﺋﻪﺭﻛﯩﻨﻠﯩﻚ ﺟﻪﯕﭽﯩﺴﻰ ﺋﯘﭼﺮﯨﻐﺎﻥ ﺟﺎﺯﺍ، ﺩﯗﻧﻴﺎﺩﯨﻜﻰ ﺩﺍﯕﻠﯩﻖ ﺗﻪﺗﻘﯩﻘﺎﺕ ﺋﻮﺭﯗﻧﻠﯩﺮﯨﻨﯩﯔ، ﻗﻪﻟﻪﻣﻜﻪﺷﻠﻪﺭﻧﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﭘﯩﻜﯩﺮ ﻗﯩﻠﯩﺸﯩﻐﺎ، ﻗﻪﻟﻪﻡ ﺗﻪﯞﺭﯨﺘﯩﺸﯩﮕﻪ ﺗﯜﺭﺗﻜﻪ ﺑﻮﻟﻤﺎﻗﺘﺎ.

ﺋﯘﻳﻐﯘﺭﻻﺭ ﮔﯜﺯﻩﻝ ﺯﯨﻤﯩﻨﻨﯩﯔ ﺋﯩﮕﯩﺴﻰ، ﺋﻪﻣﻤﺎ ﮔﯜﺯﻩﻝ ﺗﯘﺭﻣﯘﺷﻨﯩﯔ ﺋﯩﮕﯩﺴﻰ ﺋﻪﻣﻪﺱ

ﯞﺍﺷﯩﻨﮕﺘﻮﻧﺪﯨﻜﻰ ﺋﻮﺗﺘﯘﺭﺍ ﺷﻪﺭﻕ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺟﻮﻥ ﺩﻩﻟﻲ، ﺑﯘ ﻳﯩﻞ 21 ‏- ﻧﻮﻳﺎﺑﯩﺮ ﻛﯜﻧﻰ " ﺋﯧﻨﯧﺮﮔﯩﻴﻪ ﺋﺎﺧﺒﺎﺭﺍﺗﻰ" ﺗﻮﺭﯨﺪﺍ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﺳﻮﺗﯩﻨﯩﯔ ﻗﻪﺷﻘﻪﺭﺩﻩ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺸﯩﻨﯩﯔ ﺳﯩﻴﺎﺳﯩﻲ ﺋﺎﺭﻗﺎ ﻛﯚﺭﯛﻧﯜﺷﯩﻨﻰ ﻣﯘﻻﻫﯩﺰﻩ ﻗﯩﻠﺪﻯ؛ ﺋﯘ ﻣﯘﻻﻫﯩﺰﯨﺴﯩﺪﻩ " ﺑﺎﺵ ﺋﻪﮔﻤﻪﺱ ﺋﯘﻳﻐﯘﺭﻻﺭ، ﺋﻮﻟﯩﻤﭙﯩﻜﻨﯩﯔ ﻫﺎﺭﭘﯩﺴﯩﺪﺍ ﺧﯩﺘﺎﻳﻨﯩﯔ ﺋﯘﻳﻘﯘﺳﯩﻨﻰ ﻗﺎﭼﯘﺭﯗﯞﺍﺗﯩﺪﯗ" ﺩﻩﭖ ﺧﯘﻻﺳﻪ ﭼﯩﻘﺎﺭﺩﻯ.

ﺟﻮﻥ ﺩﻩﻟﻰ، ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭﻻﺭﻧﯩﯔ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ ﻳﯩﻠﺘﯩﺰﻯ ﺳﯜﭘﯩﺘﯩﺪﻩ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﯞﻩ ﺩﯨﻨﯩﻲ ﻛﯩﻤﻠﯩﻜﯩﻨﻰ ﻛﯚﺭﺳﻪﺗﻜﻪﻥ ﻫﻪﻡ ﺋﯘﻳﻐﯘﺭﻻﺭﻧﯩﯔ 1933 ‏- ﯞﻩ 1944 ‏-ﻳﯩﻠﻼﺭﺩﺍ ﺋﯩﻜﻜﻰ ﻗﯧﺘﯩﻢ ﻣﯘﺳﺘﻪﻗﯩﻠﻠﯩﻘﻨﯩﯔ ﺗﻪﻣﯩﻨﻰ ﺗﯧﺘﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﯩﻠﻠﯩﻲ ﺗﻮﻗﯘﻧﯘﺷﻨﯩﯔ ﺳﻪﯞﻩﺑﻠﯩﺮﯨﺪﯨﻦ ﺑﯩﺮﻯ ﺋﯘﻳﻐﯘﺭﻻﺭﻧﯩﯔ ﺑﺎﻱ ﯞﻩ ﮔﯜﺯﻩﻝ ﺑﯩﺮ ﺯﯦﻤﯩﻨﻨﯩﯔ ﺋﯩﮕﯩﺴﻰ ﺋﻪﻣﻤﺎ، ﮔﯜﺯﻩﻝ ﺗﯘﺭﻣﯘﺷﻨﯩﯔ ﺋﯩﮕﯩﺴﻰ ﺋﻪﻣﻪﺱ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯗ ﯞﻩ ﻣﯘﻧﺪﺍﻕ ﻳﺎﺯﯨﺪﯗ: ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻛﯚﻣﯜﺭ ﺯﺍﭘﯩﺴﻰ 2 ﺗﯩﺮﯨﻠﻴﻮﻥ 190 ﻣﯩﻠﻴﺎﺭﺩ ﺗﻮﻧﻨﺎ، ﺑﯘ ﺧﯩﺘﺎﻳﺪﯨﻜﻰ ﻛﯚﻣﯜﺭ ﺯﺍﭘﺎﺱ ﻣﯩﻘﺪﺍﺭﯨﻨﯩﯔ %40 ﯨﻨﻰ ﺗﻪﺷﻜﯩﻞ ﻗﯩﻠﯩﺪﯗ؛ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺑﺎﻳﻘﺎﻟﻐﺎﻥ ﻣﯩﻨﯧﺮﺍﻝ ﻣﺎﺩﺩﯨﻼﺭ 138 ﺗﯜﺭﻟﯜﻙ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺋﻪﯓ ﻣﯘﻫﯩﻤﻰ ﺗﻪﺑﺌﯩﻲ ﮔﺎﺯ، ﺑﯘ ﺭﺍﻳﻮﻧﺪﯨﻜﻰ ﺯﺍﭘﺎﺱ ﺗﻪﺑﯩﺌﯩﻲ ﮔﺎﺯ ﻣﯩﻘﺪﺍﺭﻯ 840 ﻣﯩﻠﻴﺎﺭﺩ ﻛﯜﭖ ﻣﯧﺘﯩﺮ ﺑﻮﻟﯘﭖ، ﺑﯘ ﺧﯩﺘﺎﻳﻨﯩﯔ ﺋﻮﻣﯘﻣﻰ ﺗﻪﺑﯩﺌﯩﻲ ﮔﺎﺯ، ﻧﯧﻔﯩﺖ ﺯﺍﭘﯩﺴﯩﻨﯩﯔ %25 ﻧﻰ ﺗﻪﺷﻜﯩﻞ ﻗﯩﻠﯩﺪﯗ. ﺧﯩﺘﺎﻳﻨﯩﯔ ﻣﺎﻧﺎ ﺑﯘ ﺑﺎﻳﻠﯩﻘﻨﻰ ﻗﻮﻟﺪﯨﻦ ﭼﯩﻘﺎﺭﻣﺎﺳﻠﯩﻖ ﺋﯜﭼﯜﻥ ﻧﻮﭘﯘﺱ ﻛﯚﭼﯜﺭﯛﺵ ﺳﯩﻴﺎﺳﯩﺘﯩﻨﻰ ﻳﻮﻝ ﻗﻮﻳﻐﺎﻧﻠﯩﻘﯩﻨﻰ ﻳﺎﺯﻏﺎﻥ ﺋﺎﭘﺘﻮﺭ ﻳﻪﻧﻪ ﻣﯘﻧﯘﻻﺭﻧﻰ ﺑﯩﻠﺪﯛﺭﮔﻪﻥ: 1949 ‏-ﻳﯩﻠﻰ ﺋﯜﺭﯛﻣﭽﻰ ﻧﻮﭘﯘﺳﯩﻨﯩﯔ %80 ﻯ ﺋﯘﻳﻐﯘﺭ ﺋﯩﺪﻯ، 2007 ‏-ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺧﯩﺘﺎﻱ ﻧﻮﭘﯘﺳﻰ %80 ﮔﻪ ﻳﻪﺗﺘﻰ؛ 1970 ‏-ﻳﯩﻠﺪﯨﻦ ﻛﯧﻴﯩﻦ، ﺑﯩﺮ ﻣﯩﻠﻴﻮﻥ 200 ﻣﯩﯖﺪﯨﻦ ﺋﺎﺭﺗﯘﻕ ﻛﯚﭼﻤﻪﻥ ﺋﯘﻳﻐﯘﺭ ﺭﺍﻳﻮﻧﯩﻐﺎ ﻛﯚﭼﯜﭖ ﻛﻪﻟﺪﻯ، ﺑﯘ ﺳﻪﯞﻩﺑﺘﯩﻦ ﺋﯘﻳﻐﯘﺭﻻﺭ ﺋﯩﺸﯩﺪﯨﻦ ﺋﺎﻳﺮﯨﻠﺪﻯ، ﺋﯚﻱ-ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﺪﻯ.

ﺟﻮﻥ ﺩﻩﻟﻲ ﻣﺎﻗﺎﻟﯩﺴﯩﺪﻩ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ 80‏ - ﻳﯩﻠﻼﺭﻧﯩﯔ ﺋﺎﺧﯩﺮﯨﺪﯨﻦ ﺑﺎﺷﻼﭖ ﺷﯩﺪﺩﻩﺗﻠﻪﻧﺪﻯ ﺩﻩﭖ ﻛﯚﺭﺳﯩﺘﯩﺪﯗ ﻫﻪﻡ ﺑﯘ ﻛﯜﭼﯩﻴﯩﺸﻨﻰ ﻣﯘﻧﺪﺍﻕ 3 ﺋﺎﺳﺎﺳﯩﻲ ﺳﻪﯞﻩﭘﻜﻪ ﺑﺎﻏﻼﭖ ﭼﯜﺷﻪﻧﺪﯛﺭﯨﺪﯗ.

ﺳﻮﯞﯨﺖ ﺋﯩﺘﺘﯩﭙﺎﻗﯩﻨﯩﯔ ﻳﯩﻤﯩﺮﯨﻠﯩﺸﻰ؛ ﻳﻪﻧﻰ، ﺋﯘﻳﻐﯘﺭﻻﺭﻧﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﻳﺎﺷﺎﯞﺍﺗﻘﺎﻥ ﻗﯧﺮﯨﻨﺪﺍﺵ ﻣﯩﻠﻠﻪﺗﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻘﻘﻪ ﺋﯧﺮﯨﺸﯩﺸﻰ. 11 ‏- ﺳﯧﻨﺘﻪﺑﯩﺮ ﯞﻩﻗﻪﺳﯩﻨﯩﯔ ﻳﯜﺯ ﺑﯧﺮﯨﺸﻰ. ﺧﯩﺘﺎﻳﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻦ ﻛﯧﻠﯩﺪﯨﻐﺎﻥ ﺋﯧﻨﯧﺮﮔﯩﻴﻪ ﺗﺮﺍﻧﺴﭙﻮﺭﺗﯩﺪﺍ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺋﻪﻫﻤﯩﻴﯩﺘﯩﻨﯩﯔ ﻫﻪﺳﺴﯩﻠﻪﭖ ﺋﯧﺸﯩﺸﻰ.

ﯞﺍﯓ ﻟﯧﭽﯘﻩﻥ: " ﻫﻪﺭﻗﺎﻧﺪﺍﻕ ﻛﯩﺸﻰ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﺷﯘﻏﯘﻟﻼﻧﺴﺎ ﺋﯩﻜﻜﯩﻠﻪﻧﻤﻪﻱ ﺑﺎﺳﺘﯘﺭﯨﻤﯩﺰ "

11 ‏- ﺳﯧﻨﺘﻪﺑﯩﺮ ﯞﻩﻗﻪﺳﻰ، ﺧﯩﺘﺎﻳﻨﻰ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﻫﻪﻡ ﺋﻪﻧﺪﯨﺸﯩﮕﻪ ﺳﺎﻟﺪﻯ ﻫﻪﻡ ﺧﻮﺷﺎﻝ ﻗﯩﻠﺪﻯ؛ ﺋﻪﻧﺪﯨﺸﯩﺴﻰ، ﺋﺎﺯ ﺳﺎﻧﺪﯨﻜﻰ ﺑﯩﺮ ﮔﯘﺭﯗﻫ ﻛﯩﺸﯩﻠﻪﺭﻧﯩﯔ ﺩﯗﻧﻴﺎﻧﻰ ﻫﻪﻳﺮﺍﻥ ﻗﺎﻟﺪﯗﺭﻏﯩﺪﻩﻙ ﺋﯩﺸﻼﺭﻧﻰ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﺑﺎﻳﻘﯩﺸﯩﺪﯗﺭ؛ ﺧﯘﺷﺎﻟﻠﯩﻘﻰ ﺑﻮﻟﺴﺎ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ، ﺗﯧﺮﺭﻭﺭﭼﯩﻠﯩﻘﻘﺎ ﺑﺎﻏﻼﭖ ﭼﯜﺷﻪﻧﺪﯛﺭﯛﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻜﯩﻨﯩﺪﯗﺭ. ﺧﯩﺘﺎﻳﻨﯩﯔ ﺑﯘ ﺧﯩﻞ ﭘﯘﺭﺳﻪﺗﭙﻪﺭﻩﺳﻠﯩﻜﻰ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ، ﺟﻮﻥ ﺩﺍﻟﻲ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﺘﯩﻦ ﻳﯩﻠﻼﺭﺩﯨﻦ ﺑﯧﺮﻯ ﺳﯩﺮ ﺗﯘﺗﯘﭖ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ 11 ‏- ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﺋﯩﻜﻜﻰ ﺋﺎﻱ ﺋﯚﺗﻜﻪﻧﺪﻩ ﺋﺎﺷﻜﺎﺭﯨﻼﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﯨﻨﯩﯔ" ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﻪﻟﻘﺎﺋﯩﺪﻩ ﻫﻪﺭﺑﯩﻲ ﻻﮔﯧﺮﯨﺪﺍ 1000 ﻧﻪﭘﻪﺭ ﺋﯘﻳﻐﯘﺭ ﺑﺎﺭ ﺩﯦﮕﻪﻥ " ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﺩﻯ.

ﺋﺎﭘﺘﻮﺭ ﺧﯩﺘﺎﻱ ﺳﻮﺗﯩﻨﯩﯔ ﻗﻪﺷﻘﻪﺭﺩﻩ، 5 ﺋﯘﻳﻐﯘﺭﻧﻰ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯘﻳﺮﯗﻏﺎﻧﻠﯩﻘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، 10 ‏- ﻧﻮﻳﺎﺑﯩﺮ ﻛﯜﻧﻰ، ﻗﻪﺷﻘﻪﺭ ﺋﻮﺗﺘﯘﺭﺍ ﺧﻪﻟﻖ ﺳﻮﺕ ﻣﻪﻫﻜﯩﻤﯩﺴﻰ ﺗﻪﺭﯨﭙﯩﺪﯨﻦ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻧﻠﯩﻚ ﺧﻪﯞﯨﺮﻯ ﺑﯩﻠﻪﻥ، ﺋﯘﻳﻐﯘﺭ ﻣﻪﺳﯩﻠﯩﺴﻰ ﺩﯗﻧﻴﺎﻏﺎ ﺋﻪﯓ ﻳﯧﻘﯩﻨﺪﺍ ﺋﻪﯓ ﻛﻪﯓ ﻛﯚﻟﻪﻣﺪﻩ ﻳﻪﻧﻪ ﺑﯩﺮ ﺭﻩﺕ ﺋﺎﺷﻜﺎﺭﯨﻼﻧﺪﻯ، ﺩﻩﭖ ﻳﺎﺯﻏﺎﻥ ﯞﻩ ﺧﯩﺘﺎﻳﻨﯩﯔ، ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ، ﺋﯘﻳﻐﯘﺭﻻﺭﻧﯩﯔ ﺑﯩﺮﻩﺭ ﺋﯩﺶ ﭼﯩﻘﯩﺮﯨﭗ ﻗﻮﻳﯘﺷﯩﺪﯨﻦ ﺋﻪﻧﺴﯩﺮﻩﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﯞﻩ ﺋﯘﻳﻐﯘﺭﻻﺭﻧﻰ ﻗﻮﺭﻗﯘﺗﯘﺵ ﻳﻮﻟﻰ ﺑﯩﻠﻪﻥ ﺗﯧﻨﭽﻼﻧﺪﯗﺭﯗﺷﻘﺎ ﺋﯘﺭﯗﻧﯩﺸﯩﻨﯩﯔ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯧﺮﻯ ﺩﺍﯞﺍﻣﻠﯩﺸﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺳﯚﺯﻟﯩﺮﯨﺪﯨﻦ ﻣﯩﺴﺎﻝ ﺋﯧﻠﯩﭗ ﻛﯚﺭﺳﻪﺗﻜﻪﻥ، ﺋﯘ ﻣﯩﺴﺎﻟﯩﺪﺍ، ﯞﺍﯓ ﻟﯧﭽﯜﻩﻧﻨﯩﯔ " ﻫﻪﺭﻗﺎﻧﺪﺍﻕ ﻛﯩﺸﻰ ﺋﻪﮔﻪﺭ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﺷﯘﻏﯘﻟﻼﻧﺴﺎ ﻳﺎﻛﻰ ﺑﯚﻟﮕﯜﻧﭽﯩﻠﯩﻜﻜﻪ ﻛﯜﺷﻜﯜﺭﺗﺴﻪ، ﺋﯩﻜﻜﯩﻠﻪﻧﻤﻪﻱ ﺑﺎﺳﺘﯘﺭﯨﻤﯩﺰ " ﺩﯦﮕﻪﻥ ﺳﯚﺯﯨﻨﻰ، 2000 ‏-ﻳﯩﻠﻰ13 ‏-ﺳﯧﻨﺘﻪﺑﯩﺮ ﻛﯜﻧﻰ، ﺧﯩﺘﺎﻳﻨﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﺟﯘ ﺭﻭﯕﺠﯩﻨﯩﯔ " ﺧﯩﺘﺎﻳﻨﯩﯔ ﺑﯩﺮﻟﯩﻜﻰ ﯞﻩ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺳﺎﻟﻐﯘﭼﯩﻼﺭﻏﺎ ﺗﯚﻣﯜﺭ ﻣﯘﺵ ﺑﯩﻠﻪﻥ ﺯﻩﺭﺑﻪ ﺑﯧﺮﯨﻤﯩﺰ " ﺩﯦﮕﻪﻥ ﺳﯚﺯﻟﯩﺮﯨﻨﻰ، ﻳﻪﻧﻪ، ﺧﯘ ﺟﯩﻨﺘﺎﯞﻧﯩﯔ، 2005 ‏- ﻳﯩﻠﻰ 25 ‏- ﻣﺎﻱ ﻛﯜﻧﻰ، " ﺋﯧﺘﻨﯩﻚ ﻣﻪﺳﯩﻠﯩﻠﻪﺭﻧﻰ ﺑﺎﻫﺎﻧﻪ ﻗﯩﻠﯩﭗ ﻛﯜﺷﻜﯜﺭﺗﻜﯜﭼﯩﻠﯩﻚ ﻗﯩﻠﯩﯟﺍﺗﻘﺎﻥ ﺩﯙﻟﻪﺕ ﺋﯩﭽﻰ ‏- ﺳﯩﺮﺗﯩﺪﯨﻜﻰ ﺩﯛﺷﻤﻪﻥ ﻛﯜﭼﻠﻪﺭﮔﻪ ﺭﻩﻫﯩﻢ ﻗﯩﻠﻤﺎﻳﻤﯩﺰ " ﺩﯦﮕﻪﻥ ﺳﯚﺯﻟﯩﺮﯨﻨﻰ ﻧﻪﻗﯩﻞ ﻛﻪﻟﺘﯜﺭﮔﻪﻥ.

ﺑﯜﮔﯜﻥ ﺩﯗﻧﻴﺎﺩﺍ، ﺳﯩﻴﺎﺳﯩﻲ ﻗﯩﻠﻤﯩﺸﻰ ﺳﻪﯞﻩﺑﻠﯩﻚ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯘﻳﺮﯗﻟﯘﯞﺍﺗﻘﺎﻥ ﻣﯩﻠﻠﻪﺕ ﭘﻪﻗﻪﺕ ﺋﯘﻳﻐﯘﺭﻻﺭﺩﯗﺭ

ﺋﺎﭘﺘﻮﺭ ﻳﻪﻧﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻚ ﻗﻮﻣﺎﻧﺪﺍﻧﻠﯩﻖ ﺋﯩﺸﺘﺎﺑﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻐﻰ ﻟﻴﯘ ﺷﺎﯞﯞﯗﻧﯩﯔ ﻣﯘﺷﯘ ﺋﺎﻳﻨﯩﯔ 16 -ﻛﯜﻧﻰ ﻣﯘﺧﺒﯩﺮﻻﺭﻏﺎ ﺋﯧﻴﺘﻘﺎﻥ " ﺧﯩﺘﺎﻳﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻧﻠﻪﺭ ﺋﻪﭘﯘ ﻗﯩﻠﯩﻨﻤﺎﻳﺪﯗ" ﺩﯦﮕﻪﻥ ﺳﯚﺯﻟﯩﺮﯨﻨﻰ ﺋﻪﺳﻠﻪﭖ ﺋﯚﺗﻜﻪﻥ.

ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯜﮔﯜﻥ ﺩﯗﻧﻴﺎﺩﺍ ﺳﯩﻴﺎﺳﯩﻲ ﻗﯩﻠﻤﯩﺸﻰ ﺳﻪﯞﻩﺑﻠﯩﻚ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯘﻳﺮﯗﻟﯘﯞﺍﺗﻘﺎﻥ ﻣﯩﻠﻠﻪﺕ ﺋﯘﻳﻐﯘﺭﻻﺭﺩﯗﺭ؛ ﻣﯘﻻﻫﯩﺰﯨﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺩﯗﻧﻴﺎﻧﯩﯔ ﺋﻪﯓ ﺭﻩﻫﯩﻤﺴﯩﺰ ﺑﯩﺮ ﺩﯨﻜﺘﺎﺗﻮﺭ ﺗﯜﺯﯛﻣﯩﻨﯩﯔ ﺑﺎﺳﺘﯘﺭﯗﺷﯩﻐﺎ ﺋﯘﭼﺮﺍﯞﺍﺗﻘﺎﻥ ﻣﯩﻠﻠﻪﺕ ﺋﯘﻳﻐﯘﺭﻻﺭﺩﯗﺭ؛ ﻳﻪﻧﻪ ﺩﯗﻧﻴﺎ ﺋﺎﺧﺒﺎﺭﺍﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯜﮔﯜﻥ ﺋﻪﺭﻛﯩﻨﻠﯩﻜﻰ ﺋﯜﭼﯜﻥ ﻛﯜﺭﻩﺵ ﻗﯩﻠﯩﭗ، ﺩﯗﻧﻴﺎﺩﺍ ﺋﯜﭺ ﻗﯩﺘﺌﻪﺩﻩ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ ﺑﯩﺮ ﮔﯘﺭﯗﻫ ﺑﻮﻟﯘﭖ، ﺋﯘ ﺑﻮﻟﺴﯩﻤﯘ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﺪﯗﺭ. ﺷﯘﻧﭽﻪ ﻗﺎﺗﺘﯩﻖ ﺑﺎﺳﺘﯘﺭﯗﺷﻼﺭﻏﺎ ﻗﺎﺭﯨﻤﺎﻱ، ﺋﯜﺯﯛﻟﻤﻪﻱ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﯟﺍﺗﻘﺎﻧﻼﺭ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﺪﯗﺭ؛ ﻣﺎﻧﺎ ﺑﯘ ﻧﯘﻗﺘﯩﻨﻰ ﻧﻪﺯﻩﺭﺩﻩ ﺗﯘﺗﻘﺎﻥ ﺑﻮﻟﺴﺎ ﻛﯧﺮﻩﻙ، ﺗﻪﺗﻘﯩﻘﺎﺗﭽﻰ ﺟﻮﻥ ﺩﻩﻟﻲ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺋﺎﺧﯩﺮﻻﺷﺘﯘﺭﻏﺎﻥ: " ﺷﯜﺑﻬﯩﺴﯩﺰﻛﻰ، ﺧﯩﺘﺎﻳﺪﯨﻜﻰ ﺑﺎﺵ ﺋﻪﮔﻤﻪﺱ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﯘﻳﻐﯘﺭﻻﺭ، ﺋﻮﻟﯩﻤﭙﯩﻜﻨﯩﯔ ﻫﺎﺭﭘﯩﺴﯩﺪﺍ، ﺋﻮﻟﯩﻤﭙﯩﻚ ﺗﯩﻨﭽﻠﯩﻘﯩﻐﺎ ﻣﻪﺳﺌﯘﻝ ﺑﺎﺷﻠﯩﻖ ﻟﻴﯘ ﻧﯩﯔ ﭘﺎﺕ-ﭘﺎﺕ ﭼﯜﺷﯩﻨﻰ ﺑﯘﺯﯗﭖ ﺗﯘﺭﯗﯞﺍﺗﯩﺪﯗ." (ﺷﯚﻫﺮﻩﺕ ﻫﻮﺷﯘﺭ)