ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﺑﯧﻴﺠﯩﯖﺪﯨﻜﻰ "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﯩﻨﻰ ﺋﺎﺷﻜﺎﺭﺍ ﺋﻪﻳﯩﺒﻠﻪﭖ، 5‏ - ﺋﯩﻴﯘﻟﺪﯨﻜﻰ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﺑﯩﺮ ﻗﯩﺴﯩﻢ ﺟﺎﯞﺍﺑﻜﺎﺭﻟﯩﻘﯩﻨﻰ ﻣﻪﺯﻛﯘﺭ ﺗﻮﺭ ﺑﯧﻜﯩﺘﯩﮕﻪ ﺋﺎﺭﺗﻘﺎﻥ ﺋﯩﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺗﻮﺭ ﺳﺎﻫﯩﺒﻰ، ﺑﯧﻴﺠﯩﯔ ﻣﻪﺭﻛﯩﺰﻯ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺋﯩﻠﻬﺎﻡ ﺗﻮﺧﺘﻰ ﻧﻪﺯﻩﺭﺑﻪﻧﺖ ﺋﺎﺳﺘﯩﻐﺎ ﺋﯧﻠﯩﻨﯩﭗ، "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﯩﻨﯩﯔ ﻣﻪﻣﻠﯩﻜﻪﺕ ﺋﯩﭽﯩﺪﻩ ﺗﺎﺭﻗﯩﺘﯩﻠﯩﺸﻰ ﭼﻪﻛﻠﻪﻧﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﺋﯩﻠﻬﺎﻡ ﺗﻮﺧﺘﯩﻐﺎ ﻗﺎﺭﯨﺘﯩﻠﻐﺎﻥ ﻧﻪﺯﻩﺭﺑﻪﻧﺘﻨﻰ ﺑﯩﻜﺎﺭ ﻗﯩﻠﺪﻯ. ﺋﯩﻠﻬﺎﻡ ﺗﻮﺧﺘﻰ ﺑﻮﻟﺴﺎ "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﯩﺪﯨﻜﻰ ﺧﺎﺩﯨﻤﻼﺭﻧﯩﯔ ﻫﺎﺯﯨﺮﻏﺎ ﻗﻪﺩﻩﺭ ﺋﯩﺰ ‏ - ﺩﯦﺮﯨﻜﻰ ﺋﯧﻠﯩﻨﺎﻟﻤﺎﻳﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺟﻪﻣﺌﯩﻴﻪﺗﻨﻰ ﺗﻮﺭ ﺧﺎﺩﯨﻤﻠﯩﺮﯨﻨﯩﯔ ﺋﺎﻗﯩﯟﯨﺘﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﯨﯟﺍﺗﯩﺪﯗ.

ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﻛﯩﺸﯩﻠﻪﺭ ﺑﻮﻟﺴﺎ "ﺋﯘﻳﻐﯘﺭﺑﯩﺰ"ﺗﻮﺭ ﺑﯧﻜﯩﺘﯩﺪﯨﻜﻰ ﺑﻪﺯﻯ ﺧﺎﺩﯨﻤﻼﺭﻧﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻨﻰ، ﻳﻪﻧﻪ ﺑﻪﺯﯨﻠﻪﺭﻧﯩﯔ ﺋﺎﺋﯩﻠﻪ ﻧﻪﺯﻩﺭﺑﻪﻧﺘﻰ ﺋﺎﺳﺘﯩﺪﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﻮﻟﯘﺵ ﺋﯩﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﻫﺎﺯﯨﺮﻏﺎ ﻗﻪﺩﻩﺭ ﺋﯩﺰ ‏ - ﺩﯦﺮﯨﻜﻰ ﺑﻮﻟﻤﯩﻐﺎﻥ "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﯩﺪﯨﻜﻰ ﺑﺎﺷﻘﯘﺭﻏﯘﭼﯩﻼﺭﻧﯩﯔ ﺑﯩﺮﻯ، ﺧﯩﺘﺎﻱ ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﻣﯘﺧﺒﯩﺮﻯ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﺑﻮﻟﯘﭖ، ﺋﯘﻧﯩﯔ ﺋﺎﺋﯩﻠﯩﺴﯩﺪﯨﻜﯩﻠﻪﺭ 7 ‏ - ﺋﺎﻳﻨﯩﯔ ﺋﻮﺗﺘﯘﺭﻟﯩﺮﯨﺪﺍ ﺋﯘﻧﻰ ﺳﺎﻗﭽﯩﻼﺭ ﺋﯧﻠﯩﭗ ﻛﻪﺗﻜﻪﻧﺪﯨﻦ ﺑﯧﺮﻯ ﺋﯩﺰ ‏ - ﺩﯦﺮﯨﻜﯩﻨﻰ ﺋﺎﻻﻟﻤﯩﻐﺎﻥ.

ﺋﯩﻠﻬﺎﻡ ﺗﻮﺧﺘﻰ ﺭﺍﺩﯨﺌﻮﻣﯩﺰﻧﯩﯔ ﺧﯩﺘﺎﻱ ﺑﯚﻟﯜﻣﯩﮕﻪ ﺑﻪﺭﮔﻪﻥ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﺪﺍ "ﺋﯘﻧﯩﯔ 7 ‏ - ﺋﺎﻳﻨﯩﯔ 12 ‏ - ﻛﯜﻧﯩﺪﯨﻦ 14 ‏ - ﻛﯜﻧﯩﮕﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﻛﯧﺘﯩﻠﮕﻪﻧﺪﯨﻦ ﺑﯧﺮﻯ ﻗﺎﻳﺘﯩﭗ ﻛﻪﻟﻤﯩﮕﻪﻧﻠﯩﻜﻰ"ﻧﻰ ﺑﯩﻠﺪﯛﺭﺩﻯ.

ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﺑﯧﻴﺠﯩﯔ ﭘﯩﺪﺍﮔﻮﮔﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﭘﯜﺗﺘﯜﺭﯛﭖ، ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺋﯘﻳﻐﯘﺭ ﺑﯚﻟﯜﻣﯩﺪﻩ ﺧﯩﺰﻣﻪﺕ ﻗﯩﻼﺗﺘﻰ. ﺋﯘ ﻳﻪﻧﻪ ﺋﯩﻠﻬﺎﻡ ﺗﻮﺧﺘﯩﻨﯩﯔ ﺳﺎﻫﯩﭙﺨﺎﻧﻠﯩﻘﯩﺪﯨﻜﻰ "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﻰ ﺑﯩﻠﻪﻥ "ﺳﻪﻟﻜﯩﻦ" ﺗﻮﺭ ﺑﯧﻜﯩﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﺋﯩﺪﻯ. ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﺪﯨﻜﻰ ﺑﯩﺮ ﺧﺎﺩﯨﻢ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼﻧﯩﯔ ﺯﺍﺩﻯ ﻛﯩﻢ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﮕﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﯨﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﺩﻯ، ﻟﯧﻜﯩﻦ ﺋﯘﻧﯩﯔ ﻳﯧﻘﯩﻨﻘﻰ ﻣﻪﺯﮔﯩﻠﻠﻪﺭﺩﯨﻦ ﺑﯧﺮﻯ ﺧﯩﺰﻣﻪﺗﻜﻪ ﻛﻪﻟﻤﻪﻳﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘ ﺧﺎﺩﯨﻢ، " ﺑﯘ ﺋﯩﺸﻼﺭﻧﻰ ﻣﻪﻥ ﺑﯩﻠﯩﭗ ﻛﻪﺗﻤﻪﻳﻤﻪﻥ، ﺳﯩﺰ ﺋﻪﺗﻪ ﺗﯧﻠﯧﻔﻮﻥ ﻗﯩﻠﯩﭗ ﺑﺎﻗﺎﻣﺴﯩﺰ؟ ﻣﻪﻥ ﺋﯘﻧﻰ ﺑﯩﻠﯩﻤﻪﻥ، ﺋﯘﻧﯩﯔ ﺋﯩﺴﻤﻰ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ. ﺋﯘ ﻫﺎﺯﯨﺮﻏﯩﭽﻪ ﻛﻪﻟﻤﯩﺪﻯ. ﺋﯩﻬﺘﯩﻤﺎﻝ ﭘﺎﺕ ﻳﯧﻘﯩﻨﺪﺍ ﻛﯧﻠﯩﭗ ﻗﯧﻠﯩﺸﻰ ﻣﯘﻣﻜﯩﻦ. ﺑﯘ ﺋﯩﺸﻼﺭﻧﻰ ﻣﻪﻥ ﺗﺎﺯﺍ ﺑﯩﻠﯩﭗ ﻛﻪﺗﻤﻪﻳﻤﻪﻥ" ﺩﻩﻳﺪﯗ. ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﺪﯨﻜﻰ ﺑﯘ ﺧﺎﺩﯨﻢ، ﻣﯘﻫﻪﻣﻤﻪﺗﺠﺎﻧﻨﯩﯔ ﻗﺎﭼﺎﻧﺪﯨﻦ ﺑﯧﺮﻯ ﺧﯩﺰﻣﻪﺗﻜﻪ ﻛﻪﻟﻤﻪﻳﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺳﯘﺋﺎﻟﻐﺎ "ﻣﻪﻥ ﺑﯘﻧﻰ ﺑﯩﻠﻤﻪﻳﻤﻪﻥ" ﺩﻩﭖ ﺟﺎﯞﺍﺏ ﺑﻪﺭﺩﻯ.

"ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﯩﻨﯩﯔ ﻧﻪﺯﻩﺭﺑﻪﻧﺖ ﺋﺎﺳﺘﯩﺪﯨﻜﻰ ﻳﻪﻧﻪ ﺑﯩﺮ ﺗﻮﺭ ﺑﺎﺷﻘﯘﺭﻏﯘﭼﯩﺴﻰ ﺗﯘﺭﻏﯘﻥ ﺋﺎﺑﻠﯩﺰ ﺑﻮﻟﯘﭖ، ﺋﯘ ﺋﺎﺋﯩﻠﻪ ﻧﻪﺯﻩﺭﺑﻪﻧﺘﯩﺪﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯘ ﭼﺎﺭﺷﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﺪﻯ. ﺗﯘﺭﻏﯘﻥ ﺋﺎﺑﻠﯩﺰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺳﯩﻴﺎﺳﻰ ﻣﻪﺳﻠﯩﻬﻪﺕ ﻛﯧﯖﯩﺸﻰ ﺗﻪﺭﺟﯩﻤﻪ ﺑﺎﺷﻘﺎﺭﻣﯩﺴﯩﻨﯩﯔ ﺧﯩﺰﻣﻪﺗﭽﯩﺴﻰ ﺑﻮﻟﯘﭖ، ﺋﯘ ﺋﯩﻠﮕﯩﺮﻯ "ﺋﺎﺳﯩﻴﺎ ﻛﯧﻨﺪﯨﻜﻰ" ﮔﯧﺰﯨﺘﯩﺪﻩ ﺋﯩﺸﻠﻪﻳﺘﺘﻰ. ﺩﺍﺋﯩﺮﯨﻠﻪﺭ ﺋﯘﻧﻰ ﺑﯘ ﻳﯩﻞ 5 ‏ - ﺋﺎﻳﺪﺍ ﺑﯩﺮ ﻗﯧﺘﯩﻢ ﺗﻪﻛﺸﯜﺭﯛﭖ، ﺋﯘﻧﯩﯔ ﻛﻮﻣﭙﻴﯘﺗﯧﺮﯨﻨﻰ ﻣﯘﺳﺎﺩﯨﺮﻩ ﻗﯩﻠﻐﺎﻥ.

ﺋﯩﻠﻬﺎﻡ ﺗﻮﺧﺘﻰ ﺭﺍﺩﯨﺌﻮﻣﯩﺰﻧﯩﯔ ﺧﯩﺘﺎﻱ ﺑﯚﻟﯜﻣﯩﮕﻪ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ ﺋﯘﻧﯩﯔ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﺴﯩﻨﯩﯔ 5 - ﺋﺎﻳﺪﯨﻦ ﺑﯧﺮﻯ ﺋﯜﺯﯛﻟﯜﭖ ﻗﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ "ﺷﯩﻨﺠﺎﯓ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺋﯩﻠﮕﯩﺮﻯ ﺋﯘﻧﻰ ﺋﯩﺰﺩﻩﭖ ﻛﻪﻟﮕﻪﻥ. ﺋﯘﻧﻰ ﭼﺎﻗﯩﺮﺗﯩﭗ، ﺑﯩﺰ ﺋﯘﻧﯩﯖﻐﺎ ﺋﯧﻠﯩﭗ ﺑﻪﺭﮔﻪﻥ ﻛﻮﻣﭙﻴﯘﺗﯧﺮﻧﻰ ﺋﯧﻠﯩﭗ ﻛﻪﺗﻜﻪﻥ. ﺋﯘ ﺑﯩﺮ ﻗﯧﺘﯩﻢ ﺩﻭﺧﺘﯘﺭﺧﺎﻧﯩﻨﯩﯔ ﺋﺎﻣﻤﯩﯟﻯ ﺗﯧﻠﯧﻔﻮﻧﯩﺪﯨﻦ ﻣﺎﯕﺎ ﺗﯧﻠﯧﻔﻮﻥ ﻗﯩﭙﺘﯩﻜﻪﻥ. ﺋﯚﺯﯨﻨﯩﯔ ﺋﻪﻧﺴﯩﺮﻩﯞﺍﺗﻘﺎﻧﻠﯩﻘﯩﻨﻰ ﺋﯧﻴﺘﻘﺎﻧﺘﻰ. ﻣﻪﻥ ﺋﻪﻧﺴﯩﺮﯨﻤﻪ، ﺑﯩﺰﻧﯩﯔ ﻗﺎﻧﯘﻧﻐﺎ ﺧﯩﻼﭖ ﺋﯩﺶ ﻗﯩﻠﻐﺎﻥ ﻳﯧﺮﯨﻤﯩﺰ ﻳﻮﻕ، ﺩﯦﮕﻪﻥ ﺋﯩﺪﯨﻢ. ﺑﯘ 5 ‏ - ﺋﺎﻳﻼﺭﺩﯨﻜﻰ ﺋﯩﺶ ﺑﻮﻟﺴﺎ ﻛﯧﺮﻩﻙ. ﺷﯘﻧﯩﯖﺪﯨﻦ ﺑﯧﺮﻯ ﺋﺎﻻﻗﯩﻤﯩﺰ ﺋﯜﺯﯛﻟﯜﭖ ﻗﺎﻟﺪﻯ. ﻛﯧﻴﯩﻨﭽﻪ ﺷﯩﻨﺠﺎﯕﺪﯨﻜﻰ ﺑﻪﺯﻯ ﺩﻭﺳﺘﻠﯩﺮﯨﻢ ﺗﯧﻠﯧﻔﻮﻥ ﻗﯩﻠﯩﭗ، ﺋﯘﻧﯩﯔ ﺑﯩﻠﻪﻥ ﺋﯘﺯﯗﻧﺪﯨﻦ ﺑﯧﺮﻯ ﺩﯨﺪﺍﺭﻻﺷﻤﯩﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ" ﺩﻩﭖ ﻛﯚﺭﺳﻪﺗﺘﻰ.

ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﺑﻪﺯﯨﻠﻪﺭ ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﺪﯨﻜﻰ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼﻧﯩﯔ ﺋﯩﺰ ‏ - ﺩﯦﺮﻩﻛﺴﯩﺰ ﻳﻮﻗﺎﭖ ﻛﯧﺘﯩﺸﻰ ﺋﯘﻧﯩﯔ ﺷﻪﺧﺴﻰ ﺗﻮﺭ ﻣﯘﻧﺒﯩﺮﯨﮕﻪ )ﺑﻠﻮﮒ( ﺑﺎﺷﻘﯩﻼﺭﻧﯩﯔ 5‏ - ﺋﯩﻴﯘﻟﺪﺍ ﻧﺎﻣﺎﻳﯩﺶ ﻗﯩﻠﯩﺶ ﺋﯘﻗﺘﯘﺭﯗﺷﯩﻨﻰ ﭼﺎﭘﻠﯩﻐﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ، ﺩﻩﭖ ﻗﺎﺭﺍﻳﺪﯨﻜﻪﻥ. ﺋﯩﻠﻬﺎﻡ ﺗﻮﺧﺘﻰ ﺑﯘ ﺗﻮﻏﺮﯨﺴﯩﺪﺍ ﻣﯘﻧﺪﺍﻕ ﺩﻩﻳﺪﯗ": ﺋﯘ ﺑﯩﺮ ﺗﻮﺭ ﻣﯘﻧﺒﯩﺮﻯ ﺋﺎﭼﻘﺎﻥ ﺋﯩﺪﻯ. ﺗﯜﻧﯜﮔﯜﻧﻜﻰ ﺧﻪﯞﻩﺭﺩﻩ ﺋﯘﻧﯩﯔ ﺗﻮﺭ ﻣﯘﻧﺒﯩﺮﯨﮕﻪ ﺑﻪﺯﯨﻠﻪﺭ ﻧﺎﻣﺎﻳﯩﺶ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﯘﻗﺘﯘﺭﯗﺵ ﭼﺎﭘﻠﯩﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ، ﺩﯦﻴﯩﻠﮕﻪﻥ. ﺋﯘﻧﯩﯔ ﭼﺎﭘﻠﯩﺸﻰ ﻣﯘﻣﻜﯩﻦ ﺋﻪﻣﻪﺱ ... ﺋﯘ ﺷﯩﻨﺠﺎﯕﻨﯩﯔ ﺋﻪﻫﯟﺍﻟﯩﻨﻰ ﻳﺎﺧﺸﻰ ﺑﯩﻠﻤﻪﻳﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﺋﯩﺸﻠﻪﻳﺪﯨﻐﺎﻥ ﺋﻮﺭﮔﺎﻥ ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ. ﺋﯘﻧﯩﯔ ﻣﯩﺠﻪﺯﻯ ﺋﯧﻐﯩﺮ. ﺋﯘ ﺑﯘﺭﯗﻥ ﻣﯧﻨﯩﯔ ﺋﻮﻗﯘﻏﯘﭼﯩﻢ ﺋﯩﺪﻯ. ﺋﯘﻧﯩﯔ ﺗﻮﺭ ﻣﯘﻧﺒﯩﺮﯨﻨﻰ ﺗﯩﺰﯨﻤﻐﺎ ﺋﺎﻟﺪﯗﺭﻏﯩﻨﯩﻐﺎ ﺋﯘﺯﯗﻥ ﺑﻮﻟﻤﯩﻐﺎﻥ. ﺋﯘ ﻛﻪﻣﺴﯚﺯ، ﺋﯧﻐﯩﺮ ﺑﯧﺴﯩﻖ ﺑﺎﻻ ﺋﯩﺪﻯ. ﺋﯘﻧﯩﯖﻐﺎ ﻧﯧﻤﻪ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﻤﯩﺪﯨﻢ."

ﺋﯩﻠﻬﺎﻡ ﺗﻮﺧﺘﻰ، "ﺋﯘﻳﻐﯘﺭﺑﯩﺰ" ﺗﻮﺭ ﺑﯧﻜﯩﺘﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﺳﻪﯞﻩﺑﻰ "ﺷﯩﻨﺠﺎﯓ" ﺩﺍﺋﯩﺮﯨﻠﯩﺮﯨﻨﯩﯔ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻧﻼﺭ ﺋﺎﺭﯨﺴﯩﺪﺍ ﻳﻪﻧﻪ، ﻏﻪﻳﺮﻩﺕ ﻧﯩﻴﺎﺯﻧﯩﯔ ﺑﺎﺭﻟﯩﻘﯩﻨﻰ، ﺋﯘﻧﯩﯔ 3 - ﺋﺎﻳﺪﺍ "ﺷﯩﻨﺠﺎﯓ ﺋﯩﻘﺘﯩﺴﺎﺩﻯ" ﮔﯧﺰﯨﺘﯩﺪﯨﻜﻰ ﻣﻪﺳﺌﯘﻝ ﻣﯘﻫﻪﺭﺭﯨﺮﻟﯩﻚ ﯞﻩﺯﯨﭙﯩﺴﯩﺪﯨﻦ ﺗﻮﺧﺘﯩﺘﯩﻠﯩﭗ، ﻣﻪﺟﺒﯘﺭﯨﻲ ﭘﯩﻨﺴﯩﻴﯩﮕﻪ ﭼﯩﻘﯩﺮﯨﻠﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﯘﺯﯗﻥ ﺋﯚﺗﻤﻪﻱ ﭘﯩﻨﺴﯩﻴﻪ ﭘﯘﻟﯩﻨﯩﯔ ﺗﻮﺧﺘﯩﺘﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻏﻪﻳﺮﻩﺕ ﻧﯩﻴﺎﺯ 7 - ﺋﺎﻳﻨﯩﯔ 21 ‏ - ﻛﯜﻧﻰ ﺧﻮﯕﻜﻮﯕﺪﯨﻜﻰ "ﺋﺎﺳﯩﻴﺎ ﻫﻪﭘﺘﯩﻠﯩﻚ ﮊﻭﺭﻧﯩﻠﻰ" ﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، 5 ‏- ﺋﯩﻴﯘﻟﺪﯨﻜﻰ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺩﺍﺋﯩﺮ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﭘﯩﻜﯩﺮ ﺑﯩﻠﺪﯛﺭﮔﻪﻥ ﺋﯩﺪﻯ. ﺋﯘ، "ﺋﺎﺳﯩﻴﺎ ﻫﻪﭘﺘﯩﻠﯩﻚ ﮊﻭﺭﻧﯩﻠﻰ"ﺩﯨﻜﻰ ﺑﺎﻳﺎﻧﯩﺪﺍ ﺋﯚﺯﯨﻨﯩﯔ 7 ‏- ﺋﺎﻳﻨﯩﯔ 4 ‏ - ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﺪﯨﻜﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯩﺮ ﺭﻩﻫﺒﻪﺭ ﺑﯩﻠﻪﻥ ﻛﯚﺭﯛﺷﯜﭖ، 5 ‏ - ﭼﯩﺴﻼ ﻧﺎﻣﺎﻳﯩﺶ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﯞﻩﻗﻪ ﻳﯜﺯ ﺑﯧﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺗﻪﺩﺑﯩﺮ ﺋﯧﻠﯩﺸﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ، ﻟﯧﻜﯩﻦ ﺑﯘ ﺭﻩﻫﺒﻪﺭﻧﯩﯔ ﺑﯘﻧﯩﯖﻐﺎ ﭘﯩﺴﻪﻧﺖ ﻗﯩﻠﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﻏﻪﻳﺮﻩﺕ ﻧﯩﻴﺎﺯ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﭘﺎﺭﺗﻜﻮﻣﯩﺪﯨﻜﻰ ﺑﯘ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻧﯩﯔ ﻛﯩﻤﻠﯩﻜﯩﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ ﺑﻮﻟﺴﯩﻤﯘ، ﯞﻩﺯﯨﻴﻪﺗﺘﯩﻦ ﺧﻪﯞﻩﺭﺩﺍﺭ ﺯﺍﺗﻼﺭ ﻏﻪﻳﺮﻩﺕ ﻧﯩﻴﺎﺯﻧﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﺑﯩﻠﻪﻥ ﺳﺎﯞﺍﻗﺪﺍﺵ ﺋﯩﻜﻪﻧﻠﯩﻜﯩﻨﻰ، ﻏﻪﻳﺮﻩﺕ ﻧﯩﻴﺎﺯ 4 ‏ - ﭼﯩﺴﻼ ﻛﯚﺭﯛﺷﻜﻪﻥ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻧﯩﯔ ﻧﯘﺭ ﺑﻪﻛﺮﻯ ﺑﻮﻟﯘﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.