ﺧﯩﺘﺎﻱ، ﺋﯩﺴﺘﺎﻧﺒﯘﻟﺪﺍ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﺑﺎﺷﻠﯩﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪﻧﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﻨﻰ ﻣﻪﺭﻛﻪﺯ ﻗﯩﻠﻐﺎﻥ ﻣﺎﺭﻣﺎﺭﺍ ﺭﺍﻳﻮﻧﯩﻐﺎ ﺗﺎﺭﻗﯩﺘﯩﺶ ﻗﯩﻠﯩﺪﯨﻐﺎﻥ ﻳﯚﻥ FM ﺭﺍﺩﯨﺌﻮﺳﻰ ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮﺳﯩﻨﯩﯔ ﺋﯘﻳﻐﯘﺭ ﺗﯩﻠﯩﺪﯨﻜﻰ ﺋﺎﯕﻠﯩﺘﯩﺸﯩﻨﻰ ﺋﯘﻻﭖ ﺋﺎﯕﻠﯩﺘﯩﺸﻘﺎ ﺑﺎﺷﻠﯩﻐﺎﻥ.

ﻫﻪﺭ ﻛﯜﻧﻰ ﺑﯩﺮ ﺳﺎﺋﻪﺕ ﺑﯧﺮﯨﻠﯩﺪﯨﻐﺎﻥ ﺑﯘ ﺋﺎﯕﻠﯩﺘﯩﺸﺘﺎ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﺪﯨﻦ ﺧﻪﯞﻩﺭﻟﻪﺭ، ﺟﯘﯕﮕﻮﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺗﻮﻧﯘﺷﺘﯘﺭﯗﻟﻐﺎﻥ ﭘﺮﻭﮔﺮﺍﻣﻤﯩﻼﺭ ﯞﻩ ﺋﯘﻳﻐﯘﺭ ﻣﯘﻗﺎﻣﻠﯩﺮﯨﺪﯨﻦ ﺋﺎﺭﯨﻴﻪﻟﻪﺭ ﺑﯧﺮﯨﻠﯩﺪﯨﻐﺎﻥ ﺑﻮﻟﯘﭖ، ﺑﯘ ﺋﻪﻫﯟﺍﻝ ﺋﯘﻳﻐﯘﺭﻻﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﺩﻯ. ﺋﯘﻻﺭ ﺑﯘ ﻫﻪﻗﺘﻪ ﻣﯘﻻﻫﯩﺰﻩ ﻗﯩﻠﯩﭗ ﺧﯩﺘﺎﻳﻼﺭﻧﯩﯔ ﺗﯜﺭﻛﯩﻴﻪﺩﻩ ﺋﯘﻳﻐﯘﺭ ﺗﯩﻠﯩﺪﺍ ﺑﯘﻧﺪﺍﻕ ﺑﯩﺮ ﺋﺎﯕﻠﯩﺘﯩﺶ ﺑﯧﺮﯨﺸﯩﻨﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺗﯜﺭﻛﯩﻴﻪﺩﯨﻜﻰ ﺗﻪﺳﯩﺮﯨﻨﻰ ﺋﺎﺯﺍﻳﺘﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻧﻠﯩﻘﯩﻨﻰ ﺩﯨﻴﯩﺸﺘﻰ.

ﺋﯘﻳﻐﯘﺭﻻﺭﻧﯩﯔ ﺩﯦﻴﯩﺸﯩﭽﻪ، ﺑﯘ ﺭﺍﺩﯨﺌﻮ ﺧﯩﺘﺎﻱ ﺩﯙﻟﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺗﻮﻟﯩﻤﯘ ﻳﺎﺧﺸﻰ ﺑﻮﻟﻐﺎﻥ ﺗﯜﺭﻛﯩﻴﻪ ﺋﯩﺸﭽﻰ ﭘﺎﺭﺗﯩﻴﯩﺴﯩﻨﻰ ﻳﺎﻗﯩﻼﻳﺪﯨﻐﺎﻥ ﺑﯩﺮ ﺭﺍﺩﯨﺌﻮ ﺋﯩﻜﻪﻥ. ﺑﯘﻧﯩﯔ ﺑﯩﻠﻪﻥ ﺑﯩﺰ ﺑﯘ ﺋﺎﯕﻠﯩﺘﯩﺶ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻳﯚﻥ FM ﺭﺍﺩﯨﺌﻮﺳﯩﻨﯩﯔ ﻣﻪﺳﺌﯘﻟﻠﯩﺮﯨﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ ﺋﯘﻻﺭ ﺑﯘ ﺋﺎﯕﻠﯩﺘﯩﺶ ﻫﻪﻗﻘﯩﺪﻩ ﺑﯩﺰﮔﻪ ﻣﻪﻟﯘﻣﺎﺕ ﺑﯧﺮﯨﺸﺘﯩﻦ ﺋﯚﺯﯨﻨﻰ ﺗﺎﺭﺗﺘﻰ.

ﺑﯩﺰ ﺋﯘﻻﺭﻏﺎ ﺗﯜﺭﻛﯩﻴﻪﺩﻩ ﺑﯘﻧﺪﺍﻕ ﺑﯩﺮ ﺋﯘﻳﻐﯘﭼﻪ ﺋﺎﯕﻠﯩﺘﯩﺶ ﺑﯧﺮﯨﺸﯩﻨﯩﯔ ﺳﻪﯞﻩﺑﯩﻨﻰ ﺳﻮﺭﯨﻐﯩﻨﯩﻤﺰﺩﺍ ﺋﯘ ﺑﯘﻧﯩﯔ ﻧﻮﺭﻣﺎﻝ ﺑﯩﺮ ﺋﻪﻫﯟﺍﻝ ﺋﯩﻜﻪﻧﻠﯩﻜﯩﻨﻰ، ﺋﺎﻣﯧﺮﯨﻜﺎ ﺋﺎﯞﺍﺯﻯ، BBC ﮔﻪ ﺋﻮﺧﺸﺎﺵ ﺭﺍﺩﯨﺌﻮﻻﺭﻧﯩﯖﻤﯘ ﺗﯜﺭﻛﯩﻴﻪﺩﻩ ﺋﺎﯕﻠﯩﺘﯩﺶ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭙﻼ ﺳﯚﺯﯨﻨﻰ ﺋﺎﻳﺎﻗﻼﺷﺘﯘﺭﺩﻯ. ﺋﯘ ﺑﯩﺰﺩﯨﻦ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﻗﺎﻳﺴﻰ ﺗﯩﻠﻼﺭﺩﺍ، ﻗﻪﻳﻪﺭﺩﯨﻦ ﺋﺎﯕﻠﯩﺘﯩﺶ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻧﺪﯨﻦ ﻛﯧﻴﯩﻦ ﻣﯘﻧﺪﺍﻕ ﺟﺎﯞﺍﭖ ﺑﻪﺭﺩﻯ: " ﻣﻪﻥ ﻣﯘﻧﺎﺳﯩﯟﻩﺗﻠﯩﻚ ﻛﯩﺸﯩﻠﻪﺭﮔﻪ ﺳﯩﺰﻧﯩﯔ ﺳﯘﺋﺎﻟﻠﯩﺮﯨﯖﯩﺰﻧﻰ ﻳﻪﺗﻜﯜﺯﻩﻱ، ﺋﯘﻻﺭ ﺟﺎﯞﺍﭖ ﺑﻪﺭﺳﯘﻥ." ﺑﯘ ﻛﯩﺸﻰ ﻣﯘﺷﯘﻧﺪﺍﻕ ﺩﻩﭘﻼ ﺗﯧﻠﯧﻔﻮﻧﻨﻰ ﻗﻮﻳﯘﯞﻩﺗﺘﻰ.

ﺑﯩﺰ ﻛﯧﻴﯩﻦ ﺋﯩﺴﺘﺎﻧﺒﯘﻟﺪﺍ ﺑﯘ ﺭﺍﺩﯨﺌﻮﻧﻰ ﺋﺎﯕﻠﯩﻐﺎﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.

ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻪﭘﺴﯩﻠﻰ ﻣﻪﻟﯘﻣﺎﺗﯩﻨﻰ ﺋﺎﯕﻠﯩﻐﺎﻳﺴﯩﺰ.