ﯞﺍﯓ ﻟﯧﭽﯜﺋﻪﻥ ﯞﻩ ﻧﯘﺭ ﺑﻪﻛﺮﻯ ﺳﯩﻴﺎﺳﯩﻲ ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺷﻨﻰ ﺗﻪﻟﻪﭖ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﯘﯞﻩﭘﭙﻪﻕ ﺭﻩﺋﯩﺴﻰ ﻧﯘﺭ ﺑﻪﻛﺮﻯ. Photo Source:http://www.xinjiang.gov.cn

8- ﻳﺎﻧﯟﺍﺭ ﻛﯜﻧﻰ ﺋﯜﺭﯛﻣﭽﯩﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺳﯩﻴﺎﺳﯩﻲ ﻗﺎﻧﯘﻥ ﺧﯩﺰﻣﻪﺕ ﻳﯩﻐﯩﻨﻰ ﺋﯧﭽﯩﻠﻐﺎﻥ ﺑﻮﻟﯘﭖ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﻪﺭﻛﯩﺰﯨﻲ ﻛﻮﻣﯩﺘﯧﺘﻰ ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﺳﻰ، ﺋﺎﭘﺘﻮﻧﻮﻡ ﺭﺍﻳﻮﻥ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ ﻣﻪﺯﻛﯘﺭ ﻳﯩﻐﯩﻨﯩﺪﺍ ﺳﯚﺯ ﻗﯩﻠﯩﭗ، ﺳﯩﻴﺎﺳﯩﻲ ﻗﺎﻧﯘﻥ ﺳﺎﻫﻪﺳﯩﻨﯩﯔ 2008- ﻳﯩﻠﻰ ﻗﯩﻠﯩﺪﯨﻐﺎﻥ ﺧﯩﺰﻣﻪﺗﻠﯩﺮﻯ ﯞﻩ ﻣﯘﻫﯩﻢ ﯞﻩﺯﯨﭙﯩﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﺶ ﺑﯩﻠﻪﻥ ﺑﯩﺮﮔﻪ، ﻣﻪﺯﻛﯘﺭ ﺑﯘ ﻳﯩﻠﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺳﯩﻴﺎﺳﯩﻲ ﻣﯘﻗﯩﻤﻠﯩﻖ ﯞﻩﺯﯨﻴﯩﺘﯩﻨﻰ ﺗﯧﺨﯩﻤﯘ ﻗﻮﻏﺪﺍﺷﻨﯩﯔ ﺯﯙﺭﯛﺭﻟﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺧﺴﯘﺱ ﺋﯘﭼﯘﺭ ﺋﺎﮔﯧﻨﺘﻠﯩﻘﻰ ﻫﯧﺴﺎﺑﻠﯩﻨﯩﺪﯨﻐﺎﻥ ﺷﯩﻨﺨﯘﺍﻧﯩﯔ ﺑﯘ ﻫﻪﻗﺘﻪ ﺗﺎﺭﻗﺎﺗﻘﺎﻥ ﺋﯘﭼﯘﺭﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﯞﺍﯓ ﻟﯧﭽﯜﺋﻪﻥ ﺳﯩﻴﺎﺳﯩﻲ ﻗﺎﻧﯘﻥ ﺳﺎﻫﻪﺳﯩﻨﯩﯔ ﺧﯩﺰﻣﻪﺗﻠﯩﺮﯨﮕﻪ ﺑﺎﻫﺎ ﺑﯧﺮﯨﭗ، " ﺋﯚﺗﻜﯜﺭ ﯞﻩ ﻣﯘﺭﻩﻛﻜﻪﭖ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺵ ﯞﻩﺯﯨﻴﯩﺘﯩﺪﻩ، ﺭﺍﻳﻮﻧﯩﻤﯩﺰﺩﯨﻜﻰ ﻫﻪﺭ ﻗﺎﻳﺴﻰ ﺳﯩﻴﺎﺳﯩﻲ ﻗﺎﻧﯘﻥ ﺗﺎﺭﻣﺎﻗﻠﯩﺮﻯ" ﻣﯘﻗﯩﻤﻠﯩﻖ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯗ" ﺩﯦﮕﻪﻥ ﺑﺎﺷﻼﻣﭽﻰ ﺋﯩﺪﯨﻴﯩﺪﻩ ﺗﻪﯞﺭﻩﻧﻤﻪﻱ ﭼﯩﯔ ﺗﯘﺭﯗﭖ، ﻣﯘﻗﯩﻤﻠﯩﻖ ﺧﯩﺰﻣﯩﺘﯩﻨﻰ ﻗﻪﺗﺌﯩﻲ ﻫﺎﻟﺪﺍ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﻨﯩﯔ ﻛﺎﭘﺎﻟﯩﺘﯩﻨﻰ ﺗﻪﻣﯩﻦ ﺋﯧﺘﯩﺶ، ﺋﯩﺠﺘﯩﻤﺎﺋﯩﻲ -ﺋﯩﻘﺘﯩﺴﺎﺩﻧﻰ ﺭﺍﯞﺍﺟﻼﻧﺪﯗﺭﯗﺵ، ﻫﻪﺭ ﻣﯩﻠﻠﻪﺕ ﺋﺎﻣﻤﯩﺴﯩﻨﯩﯔ ﺗﯜﭖ ﻣﻪﻧﭙﻪﺋﻪﺗﻰ ﻗﻮﻏﺪﺍﺷﺘﯩﻜﻰ ﭼﻮﯓ ﺋﯩﺶ ﺳﯜﭘﯩﺘﯩﺪﻩ ﺗﯘﺗﯘﭖ، "ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﻫﯘﺟﯘﻣﻐﺎ ﺋﯚﺗﯜﺵ، ﺑﺎﺵ ﻛﯚﺗﻪﺭﮔﻪﻥ ﻫﺎﻣﺎﻥ ﺯﻩﺭﺑﻪ ﺑﯧﺮﯨﺶ، ﺋﺎﯞﺍﻝ ﻗﻮﻝ ﺳﯧﻠﯩﺶ" ﺋﯩﺴﺘﺮﺍﺗﯧﮕﯩﻴﯩﺴﯩﺪﻩ ﭼﯩﯔ ﺗﯘﺭﯗﭖ، ﺋﺎﻟﺪﯨﻨﻰ ﺋﯧﻠﯩﺸﻨﻰ ﭼﯩﯖﯩﺘﯩﭗ، ﭼﯧﮕﺮﺍ ﺋﯩﭽﻰ -ﺳﯩﺮﺗﯩﺪﯨﻜﻰ "ﺋﯘﭺ ﺧﯩﻞ ﻛﯜﭺ" ﻟﻪﺭ ﻫﻪﻡ ﻫﻪﺭ ﺧﯩﻞ ﺩﯛﺷﻤﻪﻥ ﻛﯜﭼﻠﻪﺭﻧﯩﯔ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﭗ، ﺩﯛﺷﻤﻪﻧﮕﻪ ﻗﺎﺭﺷﻰ ﻛﯜﺭﻩﺷﺘﯩﻜﻰ ﺗﻪﺷﻪﺑﺒﯘﺳﻜﺎﺭﻟﯩﻘﻨﻰ ﺋﯩﮕﯩﻠﯩﭗ، ﺷﯩﻨﺠﺎﯕﻨﯩﯔ ﺋﯩﺠﺘﯩﻤﺎﺋﯩﻲ -ﺳﯩﻴﺎﺳﯩﻲ ﺋﻮﻣﯘﻣﯩﻴﻠﯩﻘﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯜﻧﯜﻣﻠﯜﻙ ﻗﻮﻏﺪﯨﺸﻰ ﻛﯧﺮﻩﻙ " ﺩﯦﮕﻪﻥ.

ﯞﺍﯓ ﻟﯧﭽﯜﺋﻪﻧﻨﯩﯔ ﺑﯘ ﺳﯚﺯﯨﻨﻰ ﺗﻪﻫﻠﯩﻞ ﻗﯩﻠﻐﺎﻥ ﺋﺎﻣﯧﺮﯨﻜﺎ ﺋﯘﻳﻐﯘﺭﻟﯩﺮﻯ ﺑﯩﺮﻟﻪﺷﻤﯩﺴﯩﻨﯩﯔ ﺑﺎﺵ ﻛﺎﺗﯩﭙﻰ ﺋﺎﻟﯩﻢ ﺳﯧﻴﯩﺖ ﺋﻪﭘﻪﻧﺪﻯ " ﻫﻪﻗﯩﻘﻪﺗﻪﻥ 2007- ﻳﯩﻠﯩﻨﯩﯔ ﯞﺍﯓ ﻟﯧﭽﯜﺋﻪﻥ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﯩﻲ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﻨﻰ ﺗﯧﺨﯩﻤﯘ ﺩﻩﭘﺴﻪﻧﺪﻩ ﻗﯩﻠﻐﺎﻥ ﺑﯩﺮ ﻳﯩﻞ ﺑﻮﻟﺪﻯ " ﺩﻩﭖ ﻛﯚﺭﺳﯩﺘﯩﺶ ﺑﯩﻠﻪﻥ ﺑﯩﺮﮔﻪ 2007- ﻳﯩﻠﻰ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻘﻠﯩﺮﻯ ﯞﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺋﯘﻳﻐﯘﺭﻻﺭﻧﯩﯔ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺯﻛﯘﺭ ﻣﻪﺳﯩﻠﯩﻠﯩﺮﯨﮕﻪ ﺗﯧﺨﯩﻤﯘ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﮕﻪﻥ ﺑﯩﺮ ﻳﯩﻞ ﺑﻮﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺗﯧﺨﻰ ﻳﯧﻘﯩﻨﺪﯨﻼ ﺳﺎﺑﯩﻖ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺋﻮﺭﻧﯩﻐﺎ ﻣﯘﯞﻩﭘﭙﻪﻕ ﺭﻩﺋﯩﺲ ﺑﻮﻟﻐﺎﻥ ﻧﯘﺭ ﺑﻪﻛﺮﯨﻤﯘ ﺑﯘ ﻳﯩﻐﯩﻨﺪﺍ ﺳﯚﺯ ﻗﯩﻠﯩﭗ، " ﺳﯩﻴﺎﺳﯩﻲ ﻗﺎﻧﯘﻥ ﺋﻮﺭﮔﺎﻧﻠﯩﺮﻯ ﻫﻪﺭ ﺧﯩﻞ ﺩﯗﺷﻤﻪﻥ ﻛﯜﭼﻠﻪﺭﻧﯩﯔ ﺑﯘﺯﻏﯘﻧﭽﯩﻠﯩﻘﯩﺪﯨﻦ ﻗﺎﺗﺘﯩﻖ ﻣﯘﺩﺍﭘﯩﺌﻪ ﻛﯚﺭﯛﺷﻰ ﯞﻩ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻰ ﻻﺯﯨﻢ، ﺩﯨﻨﯩﻲ ﺋﯩﺸﻼﺭﻧﻰ ﻗﺎﻧﯘﻥ ﺑﻮﻳﯩﭽﻪ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﭗ، ﻧﻮﺭﻣﺎﻝ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺗﻪﺭﺗﯩﭙﯩﻨﻰ ﻗﻮﻏﺪﺍﭖ، ﺋﯩﺪﯦﺌﻮﻟﻮﮔﯩﻴﻪ ﺳﺎﻫﻪﺳﯩﺪﯨﻜﻰ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﻨﻰ ﻛﯜﭼﻪﻳﺘﯩﭗ، ﻫﻪﺭ ﺧﯩﻞ ﺳﯩﯖﯩﭗ ﻛﯩﺮﯨﭗ، ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﺪﯨﻦ ﻗﻪﺗﺌﯩﻲ ﻣﯘﺩﺍﭘﯩﺌﻪ ﻛﯚﺭﯛﺷﯩﻤﯩﺰ ﻻﺯﯨﻢ" ﺩﻩﭖ ﺗﻪﻛﯩﺘﻠﯩﮕﻪﻥ.

ﻧﯘﺭ ﺑﻪﻛﺮﯨﻨﯩﯔ ﺋﯩﺪﯦﺌﻮﻟﻮﮔﯩﻴﻪ ﺳﺎﻫﻪﺳﯩﺪﯨﻜﻰ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﻨﻰ ﻛﯜﭼﻪﻳﺘﯩﺶ ﺋﯩﺪﯨﻴﯩﺴﯩﻨﻰ ﻳﯧﯖﯩﺪﯨﻦ ﺭﻩﺋﯩﺲ ﺑﻮﻟﯘﭘﻼ ﻗﺎﻳﺘﯩﺪﯨﻦ ﺗﻪﻛﯩﺘﻠﯩﮕﻪﻧﻠﯩﻜﯩﮕﻪ ﻧﯩﺴﺒﻪﺗﻪﻥ ﺗﯧﺨﻰ ﻳﯧﻘﯩﻨﺪﺍ ﺋﯘﻳﻐﯘﺭ ﺋﯧﻠﯩﺪﯨﻦ ﮔﻮﻟﻼﻧﺪﯨﻴﯩﮕﻪ ﻛﯧﻠﯩﭗ ﻣﺎﻛﺎﻧﻼﺷﻘﺎﻥ ﺳﺎﺑﯩﺖ ﺋﻪﭘﻪﻧﺪﻯ ﺋﯚﺯ ﺑﺎﻫﺎﺳﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﻧﯘﺭ ﺑﻪﻛﺮﯨﻨﯩﯔ ﺑﯘ ﺳﯩﻴﺎﺳﯩﺘﻰ ﺗﯜﭘﻪﻳﻠﯩﺪﯨﻦ ﺋﯘﻳﻐﯘﺭ ﺗﯩﻠﻰ، ﺋﯘﻳﻐﯘﺭ ﻣﺎﺋﺎﺭﯨﭗ ﯞﻩ ﻣﻪﺩﻩﻧﯩﻴﻪﺕ ﻫﻮﻗﯘﻗﻠﯩﺮﯨﻨﯩﯔ ﺋﯧﻐﯩﺮ ﺩﻩﺧﻠﻰ-ﺗﻪﺭﯛﺯﮔﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﯞﺍﯓ ﻟﯧﭽﯜﺋﻪﻥ ﺳﯩﻴﺎﺳﯩﻲ ﻗﺎﻧﯘﻥ ﺧﯩﺰﻣﻪﺕ ﻳﯩﻐﯩﻨﯩﺪﺍ ﻳﻪﻧﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻣﯘﻗﯩﻤﻠﯩﻖ ﯞﻩﺯﯨﻴﯩﺘﯩﻨﯩﯔ ﻳﻪﻧﯩﻼ ﻧﺎﻫﺎﻳﯩﺘﻰ ﺋﯧﻐﯩﺮﻟﯩﻘﻰ، ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﯞﻩﺯﯨﭙﯩﺴﯩﻨﯩﯔ ﻳﻪﻧﯩﻼ ﻧﺎﻫﺎﻳﯩﺘﻰ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﻣﯘﻧﺪﺍﻕ ﺋﯧﻐﯩﺮ ﯞﻩ ﻣﯘﺭﻩﻛﻜﻪﭖ ﯞﻩﺯﯨﻴﻪﺗﺘﻪ ﻫﻪﺭ ﻗﺎﻳﺴﻰ ﭘﺎﺭﺗﯩﻴﻪ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﭼﻮﻗﯘﻡ ﺳﯩﻴﺎﺳﻪﺗﻨﻰ، ﯞﻩﺯﯨﻴﻪﺗﻨﯩﯔ ﭼﻮﯓ ﻳﺎﺧﺸﯩﻠﯩﻘﯩﻨﻰ ﺗﻪﻛﯩﺘﻠﻪﺷﺘﻪ ﭼﯩﯔ ﺗﯘﺭﯗﭖ، ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺷﺘﯩﻦ ﺋﯩﺒﺎﺭﻩﺕ ﺳﯩﻴﺎﺳﯩﻲ ﯞﻩﺯﯨﭙﯩﻨﻰ ﻫﻪﻗﯩﻘﯩﻲ ﺯﯨﻤﻤﯩﺴﯩﮕﻪ ﺋﯧﻠﯩﺸﻰ ﻻﺯﯨﻤﻠﯩﻘﯩﻨﻰ ﺗﻪﻟﻪﭖ ﻗﯩﻠﻐﺎﻥ. (ﺋﯜﻣﯩﺪﯞﺍﺭ)