"ﺟﻮﯕﺨﯘﺍ ﻣﯩﻠﻠﯩﺘﻰ" ﺗﻪﺭﺑﯩﻴﻪﭼﯩﻠﯩﺮﻯ ﻗﻪﺷﻘﻪﺭﮔﻪ ﻳﻮﻟﻐﺎ ﭼﯩﻘﺘﻰ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ، ﺋﯘﻳﻐﯘﺭ ﺋﯧﻠﯩﺪﻩ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺋﻮﻣﯘﻣﻼﺷﺘﯘﺭﯗﺵ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﺶ ﺋﯜﭼﯜﻥ، ﻗﻮﺵ ﺗﯩﻠﻠﯩﻖ ﻣﺎﺍﺭﯨﭗ ﺑﻮﻳﯩﭽﻪ ﻳﻪﺳﻠﻰ ﺋﻮﻗﯘﺗﻘﯘﭼﯩﻠﯩﺮﯨﻨﻰ ﻳﯧﺘﯩﺸﺘﯜﺭﯨﯟﺍﺗﻘﺎﻥ ﺋﯩﺪﻯ. ﺑﯘﻻﺭﺩﯨﻦ ﺋﻮﻗﯘﺵ ﭘﯜﺗﺘﯜﺭﯛﺵ ﺋﺎﻟﺪﯨﺪﺍ ﺗﯘﺭﻏﺎﻥ 105 ﻧﻪﭘﻪﺭ ﺗﯘﻧﺠﻰ ﻗﺎﺭﺍﺭ ﺋﻮﻗﯘﻏﯘﭼﻰ، 27 ‏-ﻓﯩﯟﺭﺍﻝ ﻛﯜﻧﻰ ﭘﯩﺮﺍﻛﺘﯩﻜﺎ ﺋﯜﭼﯜﻥ ﻗﻪﺷﻘﻪﺭﮔﻪ ﻳﻮﻟﻐﺎ ﭼﯩﻘﺘﻰ. ﺳﻪﭘﻪﺭ ﺋﺎﻟﺪﯨﺪﺍ ﺋﯘﻻﺭ ﺋﯜﭼﯜﻥ، ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﯨﻤﯘ ﻗﺎﺗﻨﺎﺷﻘﺎﻥ ﺩﺍﻏﺪﯗﻏﯩﻠﯩﻖ ﺋﯘﺯﯨﺘﯩﺶ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ.

ﻗﻮﺵ ﺗﯩﻞ ﻣﺎﺍﺭﯨﭙﭽﯩﻠﯩﺮﯨﻨﯩﯔ ﺗﻮﻗﻘﯘﺯﻯ ﺗﻪﻝ

ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺋﻮﻣﯘﻣﻼﺷﺘﯘﺭﯗﺷﺘﺎ ﺧﯩﺘﺎﻱ ﺋﻪﯓ ﺩﻩﺳﻠﻪﭖ ﺩﯗﭺ ﻛﻪﻟﮕﻪﻥ ﻣﻪﺳﯩﻠﯩﻠﻪﺭ، ﻳﻪﺳﻠﻰ ﻣﺎﺋﺎﺭﯨﭙﯩﻨﯩﯔ ﺋﺎﺳﺎﺳﻰ ﻗﯘﺭﯗﻟﯘﺷﻰ ﻳﯧﺘﻪﺭﺳﯩﺰ ﺑﻮﻟﯘﺵ ﯞﻩ ﻻﻳﺎﻗﻪﺗﻠﯩﻚ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﻰ ﺋﯧﻐﯩﺮ ﺩﻩﺭﯨﺠﯩﺪﻩ ﻛﻪﻡ ﺑﻮﻟﯘﺵ ﻗﺎﺗﺎﺭﻟﯩﻘﻼﺭ ﺑﻮﻟﯘﭖ؛ ﺑﯘ ﺑﻮﺷﻠﯘﻗﻨﻰ ﺗﻮﻟﺪﯗﺭﯗﺵ ﺋﯜﭼﯜﻥ، ﺷﯩﻨﺠﺎﯓ ﺑﺎﻟﯩﻼﺭ ﭘﯩﺪﺍﮔﻮﮔﯩﻜﺎ ﻣﻪﻛﺘﯩﭙﻰ ﻗﻮﺵ ﺗﯩﻠﻠﯩﻖ ﻳﻪﺳﻠﻰ ﺋﻮﻗﯘﺗﻘﯘﭼﯩﺴﯩﻨﻰ ﺗﻪﺭﺑﯩﻴﯩﻠﻪﺵ ﺳﯩﻨﯩﭙﻠﯩﺮﯨﻨﻰ ﺋﺎﭼﻘﺎﻥ ﺋﯩﺪﻯ. 27 ‏-ﻓﯩﯟﺭﺍﻝ ﻛﯜﻧﻰ ﻗﻪﺷﻘﻪﺭﮔﻪ ﻳﻮﻟﻐﺎ ﭼﯩﻘﻘﺎﻧﻼﺭ ﻣﯘﺷﯘ ﻣﻪﻛﺘﻪﭘﻨﯩﯔ ﺋﻮﻗﯘﻏﯘﭼﯩﻠﯩﺮﻯ. ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯘ ﭘﺮﺍﻛﺘﯩﻜﺎﻧﺘﻼﺭﻏﺎ ﺋﺎﭘﺘﻮﻧﻮﻡ ﺭﺍﻳﻮﻥ ﺋﺎﻻﻫﯩﺪﻩ ﺗﻪﻣﯩﻨﺎﺕ ﺋﯩﻤﻜﺎﻧﻰ ﻫﺎﺯﯨﺮﻟﯩﻐﺎﻥ.

ﺑﯘ ﺑﯘﻳﯩﭽﻪ، ﺋﺎﭘﺘﻮﻧﻮﻡ ﺭﺍﻳﻮﻥ ﺋﯘﻻﺭﻏﺎ ﺋﺎﻳﺪﺍ 400 ﻳﯜﻩﻧﺪﯨﻦ ﺗﯘﺭﻣﯘﺵ ﻳﺎﺭﺩﻩﻡ ﭘﯘﻟﻰ ﺑﯧﺮﯨﺪﯗ، ﺑﺎﺭﺩﻯ-ﻛﻪﻟﺪﻯ ﻳﻮﻝ ﺧﯩﺮﺍﺟﯩﺘﻰ ﯞﻩ ﺳﯘﻏﯘﺭﺗﺎ ﭘﯘﻟﯩﻨﻰ ﻛﯚﺗﯜﺭﯨﺪﯗ. ﭘﺮﺍﻛﯩﺘﯩﻜﺎ ﻗﯩﻠﯩﺪﯨﻐﺎﻥ ﻣﻪﻛﺘﻪﭘﻠﯩﺮﻯ ﺑﻮﻟﺴﺎ، ﺋﯘﻻﺭﻧﯩﯔ ﻳﺎﺗﺎﻕ ﻣﻪﺳﯩﻠﯩﺴﯩﻨﻰ ﺋﻮﺭﯗﻧﻼﺷﺘﯘﺭﻏﺎﻧﺪﯨﻦ ﺑﺎﺷﻘﺎ،ﺑﻪﻟﮕﯩﻠﯩﻚ ﺋﯚﻟﭽﻪﻣﺪﻩ ﻣﺎﺋﺎﺵ ﺑﯧﺮﯨﺪﯗ. ﺋﯘﻻﺭ ﭘﺮﺍﻛﺘﯩﻜﯩﻨﻰ ﺗﺎﻣﺎﻣﻼﻣﻠﯩﻐﺎﻧﺪﺍ، ﺋﯩﺸﻘﺎ ﺋﻮﺭﯗﻧﻠﯩﺸﯩﺶ ﻧﯚﯞﯨﺘﻰ ﺟﻪﻫﻪﺗﺘﻪ ﺋﺎﻻﻫﯩﺪﻩ ﺋﯩﻤﺘﯩﻴﺎﺯ ﺑﯧﺮﯨﻠﯩﺪﯗ. ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﭘﺮﺍﻛﺘﯩﻜﺎﻧﻠﯩﺮﯨﻐﺎ ﺑﯧﺮﯨﻠﮕﻪﻥ ﺑﯘ ﺋﯩﻤﻜﺎﻧﻼﺭ ﻫﻪﻗﻘﯩﺪﻩ، ﺋﺎﻟﯩﻲ ﻣﻪﻛﺘﻪﭘﻨﻰ ﺷﺎﯕﺨﻪﻳﺪﻩ ﭘﯘﺗﺘﯜﺭﯛﭖ، ﺋﯘﻳﻐﯘﺭ ﺋﯧﻠﯩﺪﺍ 5 ﻳﯩﻞ ﺋﯩﺸﺴﯩﺰ ﻗﺎﻟﻐﺎﻥ، ﺋﺎﺧﯩﺮﻯ ﻣﯘﻫﺎﺟﯩﺮﻩﺕ ﻳﻮﻟﯩﻨﻰ ﺗﺎﻟﻠﯩﻐﺎﻥ ﺑﯩﺮ ﺋﯘﻳﻐﯘﺭ ﻣﯘﻧﺪﺍﻕ ﺩﻩﻳﺪﯗ:" ﺋﯘﻳﻐﯘﺭﻻﺭ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﻪﺭﺳﻪ ﺋﯩﺶ ﺗﺎﭘﺎﻻﻣﻴﺪﯗ، ﺗﻪﻟﻪﻳﻠﯩﻜﻠﯩﺮﻯ ﺋﯩﺶ ﺗﯧﭙﯩﭗ ﺋﯩﺸﻘﺎ ﭼﯜﺷﺴﯩﻤﯘ، ﺭﻩﺳﻤﯩﻴﻠﻪﺷﻜﯩﭽﻪ 200-300 ﻳﯜﻩﻧﺪﯨﻦ ﻣﯘﺍﺵ ﺋﺎﻟﯩﺪﯗ."

ﯞﺍﯕﻠﯧﭽﯜﻩﻥ: "ﻗﻮﺵ ﺗﯩﻠﻠﯩﻖ ﻣﺎﺍﺭﯨﭗ ﺟﻮﯕﺨﯘﺍ ﻣﯩﻠﻠﯩﺘﻰ ﻳﯧﺘﯩﺸﺘﯘﺭﯛﺵ ﺋﯜﭼﯜﻥ"

ﺋﯘ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ: ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﭘﺮﺍﻛﺘﯩﻜﺎﻧﺘﻠﯩﺮﯨﻐﺎ ﺑﯧﺮﯨﻠﮕﻪﻥ ﺑﯘ ﺋﯩﻤﺘﯩﻴﺎﺯﻻﺭﻧﯩﯔ ﺋﯚﺯﯨﻼ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﯩﯔ ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﺪﯨﻜﻰ ﻣﯘﻫﯩﻤﻠﯩﻖ ﺩﻩﺭﯨﺠﯩﺴﯩﻨﻰ ﻛﯚﺭﺳﺘﯩﭗ ﺑﯧﺮﻩﻟﻪﻳﺪﯗ. ﺋﯘﻧﯩﯔ ﻗﺎﺭﯨﺸﯩﭽﻪ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﻰ ﺋﯘﻳﻐﯘﺭﻻﺭﻧﻰ ﺩﯨﻨﯩﺪﯨﻦ، ﺗﺎﺭﯨﺨﯩﺪﯨﻦ، ﺋﯚﺭﭖ-ﺋﺎﺩﯨﺘﯩﺪﯨﻦ، ﺋﻪﺩﻩﺑﯩﻴﺎﺗﯩﺪﯨﻦ، ﻣﯩﻠﻠﯩﻲ ﺧﺎﺭﺍﻛﺘﯧﺮﯨﺪﯨﻦ، ﻗﯩﺴﻘﯩﺴﻰ ﻫﻪﻣﻤﻪ ﻧﻪﺭﺳﯩﺴﯩﺪﯨﻦ ﺋﺎﻳﺮﯨﭗ ﺗﺎﺷﻼﺵ ﭘﯩﻼﻧﯩﺪﯗﺭ. ﺋﯘﭼﻘﯘﻧﺠﺎﻥ ﺋﻪﭘﻪﻧﺪﯨﻨﯩﯔ ﺑﯘ ﺩﯦﮕﻪﻧﻠﯩﺮﯨﻨﻰ ﯞﺍﯓ ﻟﯧﭽﯜﻩﻥ ﺋﺎﻟﺪﯨﻨﻘﻰ ﻫﻪﭘﺘﻪ ﺧﻮﯕﻜﻮﯕﺪﯨﻜﻰ ﺳﯘﻣﺮﯗﻍ ﺗﯧﻠﯩﯟﯨﺰﯨﺴﯩﺪﻩ ﻗﯩﻠﻐﺎﻥ ﺳﯚﺯﯨﺪﯨﻤﯘ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ، ﺋﯘ ﺷﯘ ﻗﯧﺘﯩﻤﻘﻰ ﺳﯚﺯﯨﺪﻩ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﯩﻨﯩﯔ ﻏﺎﻳﯩﺴﯩﻨﯩﯔ، ﺋﯘﻳﻐﯘﺭﻻﺭﺩﺍ ﺟﯘﯕﺨﯘﺍ ﻣﯩﻠﻠﯩﺘﻰ ﺋﯧﯖﻰ ﯞﻩ ﻫﯩﺴﺴﯩﻴﺎﺗﯩﻨﻰ ﻳﯧﺘﯩﻠﺪﯛﺭﯛﺵ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ.

ﺏ ﺏ ﺱ ﺧﻪﯞﻩﺭ ﺗﻮﺭﻯ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﯚﺯﻟﯩﺮﯨﻨﻰ، ﺋﯘﻳﻐﯘﺭﻻﺭﻧﻰ ﻛﯩﭽﯩﻜﯩﺪﯨﻦ ﺑﺎﺷﻼﭖ ﺧﯩﺘﺎﻳﻼﺷﺘﯘﺭﯗﺵ ﺩﻩﭖ ﻳﺎﺯﻏﺎﻥ ﺋﯩﺪﻯ. ﯞﺍﯓ ﻟﯧﭽﯜﻩﻧﻨﯩﯔ ﻳﻪﻧﻪ ﺷﯘ ﻗﯧﺘﯩﻢ ﺋﯧﺘﯩﺮﺍﭖ ﻗﯩﻠﯩﺸﯩﭽﻪ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺋﯘﻳﻐﯘﺭ ﺗﯩﻠﯩﻨﯩﯔ ﭘﻪﻥ‏-ﺗﯧﺨﻨﯩﻜﺎ ﺗﻪﺭﻩﻗﻘﯩﻴﺎﺗﯩﻨﯩﯔ ﻫﯚﺩﺩﯨﺴﯩﺪﯨﻦ ﭼﯩﻘﺎﻟﻤﯩﻐﺎﻧﻠﯩﻘﯩﺪﯨﻦ ﺋﻪﻣﻪﺱ، ﺑﻪﻟﻜﯩﻢ، " ﺷﯩﻨﺠﺎﯕﻨﯩﯔ ﺋﯘﺯﯗﻥ ﻣﻪﺯﮔﯩﻠﻠﯩﻚ ﻣﯘﻗﯩﻤﻠﯩﻘﻰ" ﻧﯩﯔ ﺋﯧﻬﺘﯩﻴﺎﺟﻰ ﺋﯩﺪﻯ.

ﺋﯘﭼﻘﯘﻧﺠﺎﻥ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺗﯩﻠﯩﻨﻰ ﻳﻮﻕ ﻗﯩﻠﯩﺶ ﭘﯩﻼﻧﻰ ﻳﯧﻘﯩﻨﺪﯨﻼ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﭘﯩﻼﻥ ﺋﻪﻣﻪﺱ، ﺑﻪﻟﻜﻰ ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﮕﻪ ﻗﻪﺩﻩﻡ ﺑﯧﺴﯩﺶ ﺑﯩﻠﻪﻥ، ﻫﻪﺗﺘﺎ ﺑﯘﺭﯗﻥ ﭘﻪﻳﺪﺍ ﺑﻮﻟﻐﺎﻥ، ﻳﯧﻘﯩﻨﻘﻰ 50 ﻳﯩﻞ ﺋﯩﭽﯩﺪﻩ ﻳﯜﺭﮔﯜﺯﯛﻟﮕﻪﻥ ﺳﯩﻴﺎﺳﻪﺕ ﻣﻪﺯﻛﯘﺭ ﭘﯩﻼﻧﻨﯩﯔ ﺗﻪﻳﻴﺎﺭﻟﯩﻖ ﺑﺎﺳﻘﯘﭼﻰ ﺑﻮﻟﻐﺎﻥ. ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﻧﻮﭘﯘﺱ ﺟﻪﻫﻪﺗﺘﯩﻜﻰ ﺋﯜﺳﺘﯜﻧﻠﯜﻛﻰ ﺋﻪﻧﻪ ﺋﻪﺷﯘ ﺗﻪﻳﻴﺎﺭﻟﯩﻖ ﺑﺎﺳﻘﯘﭼﻰ ﺷﻪﻛﯩﻠﻠﻪﻧﺪﯛﺭﮔﻪﻥ ﺑﯩﺮ ﺋﺎﺳﺎﺱ.

ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻧﯚﯞﻩﺗﺘﻪ، ﺋﯘﻳﻐﯘﺭ ﺋﯧﻠﯩﺪﻩ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻳﻪﺳﻠﻰ ﺳﯩﻨﯩﭙﯩﻨﯩﯔ ﺋﻮﻣﯘﻣﻰ ﺳﺎﻧﻰ 2892، ﺋﻮﻗﯘﻏﯘﭼﻰ ﺳﺎﻧﻰ 93 ﻣﯩﯔ ﺑﻮﻟﯘﭖ، ﺋﯩﺸﭽﻰ-ﺧﯩﺰﻣﻪﺗﭽﻰ ﺳﺎﻧﻰ 1835 ﮔﻪ ﻳﻪﺗﻜﻪﻥ، ﺑﯘ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﯩﯔ ﺋﻮﻣﯘﻣﻠﯩﺸﯩﺶ ﻏﺎﻳﯩﺴﯩﺪﯨﻦ ﻛﯚﭖ ﺋﯘﺯﺍﻗﺘﺎ.

ﺋﯘﭼﻘﯘﻧﺠﺎﻥ، ﺧﻪﺗﻪﺭﻧﻰ ﺗﻮﻧﯘﺵ، ﺧﻪﺗﻪﺭﺩﯨﻦ ﺳﺎﻗﻠﯩﻨﯩﺸﻨﯩﯔ ﺗﯘﻧﺠﻰ ﻗﻪﺩﯨﻤﻰ

ﻳﯘﻗﯘﺭﯨﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯘﭼﻘﯘﻧﺠﺎﻥ ﺋﻪﭘﻪﻧﺪﻯ ﻣﯘﻧﺪﺍﻕ ﺩﻩﻳﺪﯗ:"ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ، ﺋﯘﻳﻐﯘﺭ ﻛﯩﻤﻠﯩﻜﯩﮕﻪ ﻗﺎﺭﯨﺘﺎ ﻛﻪﯓ ﻛﯚﻟﻪﻣﻠﯩﻚ ﺑﯩﺮ ﻫﯘﺟﯘﻡ ﺋﻪﻣﻤﺎ، ﺧﯩﺘﺎﻳﻨﯩﯔ ﺑﯘ ﻫﯘﺟﯘﻣﺪﺍ ﻧﻪﺗﯩﺠﻪ ﻗﺎﺯﯨﻨﯩﺸﻰ ﺋﯘﻧﺪﺍﻕ ﺋﺎﺳﺎﻥ ﯞﻩ ﻗﯩﺴﻘﺎ ﺑﯩﺮ ﺟﻪﺭﻳﺎﻥ ﺋﻪﻣﻪﺱ. ﭼﯘﻧﻜﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻧﯚﯞﻩﺗﺘﯩﻜﻰ ﻧﻮﭘﯘﺱ ﻗﯘﺭﯗﻟﻤﯩﺴﻰ، ﺋﯘﻳﻐﯘﺭ ﻣﯩﻠﻠﯩﻲ ﻣﻪﺩﻩﻧﯩﻴﯩﺘﯩﻨﯩﯔ ﺗﯩﺮﻛﯩﺸﯩﺶ ﻛﯜﭼﻰ، ﺗﯩﻠﻨﯩﯔ ﺋﯚﺯ-ﺋﯚﺯﯨﻨﻰ ﻗﻮﻏﺪﺍﺵ ﻓﻮﻧﻜﯩﺴﯩﻴﯩﺴﻰ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﺎﺋﺎﺭﯨﭗ ﺋﺎﺳﺎﺳﻰ ﻗﯘﺭﯗﻟﯘﺷﯩﻨﯩﯔ ﺋﺎﺟﯩﺰﻟﯩﻘﻰ ﻗﺎﺗﺎﺭﻟﯩﻖ ﺋﺎﻣﯩﻠﻼﺭ ﺧﯩﺘﺎﻳﻨﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﯩﯔ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻣﯩﯟﻩ ﺑﯧﺮﯨﺸﯩﮕﻪ ﺗﻮﺳﺎﻟﻐﯘ. ﺋﯘﭼﻘﯘﻧﺠﺎﻧﻨﯩﯔ ﻗﺎﺭﯨﺸﯩﭽﻪ، ﻳﯘﻗﯩﺮﯨﻘﻰ ﺋﺎﻣﯩﻠﻼﺭ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺯﯨﻴﺎﻧﻜﻪﺷﻜﯩﺪﯨﻦ ﻗﻮﻏﺪﯨﻨﯩﺸﻰ ﺋﯜﭼﯜﻥ ﭘﺎﻳﺪﯨﻠﯩﻖ ﺑﯩﺮ ﺋﯩﻤﻜﺎﻥ ﻫﻪﻡ ﭘﯘﺭﺳﻪﺕ ﺑﯧﺮﯨﺪﯗ."

ﺋﯘﭼﻘﯘﻧﺠﺎﻥ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﯩﯔ ﻣﺎﻫﯩﻴﯩﺘﯩﻨﻰ ﺗﻮﻧﯘﭖ ﻳﯧﺘﯩﺶ، ﺋﯘﻳﻐﯘﺭﻻﺭﻧﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺯﯨﻴﺎﻧﻜﻪﺷﻠﯩﻜﯩﺪﯨﻦ ﺳﺎﻗﻠﯩﻨﯩﺸﯩﻨﯩﯔ ﺑﯩﺮﯨﻨﭽﻰ ﻗﻪﺩﯨﻤﻰ. (ﺷﯚﻫﺮﻩﺕ ﻫﻮﺷﯘﺭ)