80 ﻳﺎﺷﻠﯩﻖ ﺑﯩﺮ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻣﻪﻟﺪﺍﺭﻻﺭ ﺋﯜﺳﺘﯩﺪﯨﻦ ﺷﯩﻜﺎﻳﯩﺘﻰ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﺍ ﺋﯜﺭﯛﻣﭽﻰ ﺷﻪﻫﯩﺮﯨﺪﻩ ﺋﻮﻟﺘﯘﺭﯗﺷﻠﯘﻕ ﻟﻴﯘ ﺷﯩﯖﻴﯘﻩﻥ ﺋﯩﺴﯩﻤﻠﯩﻚ ﺑﯩﺮ ﺧﯩﺘﺎﻱ ﭘﯘﻗﺮﺍﺳﻰ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯧﺰﺍ ﺋﯩﮕﯩﻠﯩﻚ 6 ‏-ﺩﯨﯟﯨﺰﯨﻴﻪ 106 ‏-ﭘﻮﻟﻜﯩﻨﯩﯔ ﺋﻪﻣﻪﻟﺪﺍﺭﻯ ﺟﺎﯓ ﻟﻮﻳﯘ ﺋﯜﺳﺘﯩﺪﯨﻦ ﺋﯩﻨﺘﯧﺮﻧﯧﺘﺘﻪ ﺷﯩﻜﺎﻳﻪﺗﻨﺎﻣﻪ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﯩﺘﻰ ﻣﻪﺯﻛﯘﺭ ﻣﻪﺳﯩﻠﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﻫﻪﻗﻘﯩﺪﻩ ﺗﯚﯞﻩﻧﮕﻪ ﺋﯘﻗﺘﯘﺭﯗﺵ ﭼﯜﺷﯜﺭﮔﻪﻥ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﻣﻪﺯﻛﯘﺭ ﺩﯨﯟﯨﺰﯨﻴﯩﺪﯨﻜﻰ 2 ﻧﻪﭘﻪﺭ ﺩﯙﻟﻪﺕ ﻛﺎﺩﯨﺮﻯ، ﻟﻴﯘ ﺷﯩﯖﻴﯜﻩﻥ ﻗﺎﺗﺎﺭﻟﯩﻖ ﺋﻪﺭﺯﺩﺍﺭﻻﺭﻧﯩﯔ ﺋﺎﺋﯩﻠﯩﺴﯩﮕﻪ ﺑﯧﺮﯨﭗ ﺗﻪﻫﺪﯨﺖ ﺳﺎﻟﻐﺎﻥ.

ﭘﺎﺭﺗﯩﻜﻮﻡ ﺳﯧﻜﺮﯨﺘﺎﺭﻯ ﺧﻪﻟﻘﻨﯩﯔ 350 ﻣﯩﯔ ﻳﯜﻩﻥ ﭘﯘﻟﯩﻨﻰ ﻳﻪﯞﺍﻟﻐﺎﻥ

ﻟﻴﯘ ﺷﯩﯖﻴﯜﻩﻥ ﺋﻪﺳﻠﯩﺪﻩ، ﻗﯘﺗﯘﺑﯩﻴﻐﺎ ﻣﺎﻛﺎﻧﻼﺷﻘﺎﻥ 106 ‏- ﭘﻮﻟﻚ ﺋﺎﺭﻗﺎ ﺳﻪﭖ ﺑﯚﻟﯜﻣﯩﻨﯩﯔ ﺳﺎﺑﯩﻖ ﺑﺎﺷﻠﯩﻐﻰ ﺑﻮﻟﯘﭖ، ﻫﺎﺯﯨﺮ ﺋﯜﺭﯛﻣﭽﯩﺪﻩ ﻳﺎﺷﺎﻳﺪﯗ. ﺑﯘ ﻳﯩﻞ 80 ﻳﺎﺷﻘﺎ ﻛﯩﺮﮔﻪﻥ ﺋﻪﺭﺯﺩﺍﺭ ﻟﻴﯘ ﺷﯩﯖﻴﯜﻩﻥ ﺋﻪﺭﺯﯨﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﺪﯗ: "ﺑﯘ 1993 ‏-ﻳﯩﻠﻰ ﻳﯜﺯ ﺑﻪﺭﮔﻪﻥ ﺋﻪﻫﯟﺍﻝ. 106 ‏- ﭘﻮﻟﻚ ﻳﻮﻝ ﻗﯘﺭﯗﻟﯘﺷﻰ ﯞﻩ ﻛﯚﻣﯜﺭ ﻛﺎﻥ ﻗﯘﺭﯗﻟﯘﺷﻰ ﺋﯜﭼﯜﻥ ﭘﯘﻝ ﺗﻮﭘﻠﯩﻐﺎﻥ، ﭘﯘﻟﻨﻰ 106 ‏-ﭘﻮﻟﻜﯩﻤﯩﺰﺩﯨﻜﻰ ﺋﯩﺸﭽﻰ-ﺧﯩﺰﻣﻪﺗﭽﯩﻠﻪﺭﻧﯩﯔ ﻣﺎﺋﺎﺷﯩﺪﯨﻦ ﺗﯘﺗﻘﺎﻥ، ﺑﺎﺷﻠﯩﻘﻼﺭﺩﯨﻦ ﺗﯘﺗﯘﻟﻤﯩﻐﺎﻥ. ﺋﻪﻣﻤﺎ ﻛﯧﻴﯩﻦ ﻣﺎﻟﯩﻴﻪ ﺑﯚﻟﯜﻣﯩﺪﯨﻦ ﺋﯧﻨﯩﻘﻼﭖ ﻛﯚﺭﮔﯩﻨﯩﻤﯩﺰﺩﻩ، ﺑﯩﺰﺩﯨﻦ ﻳﯩﻐﯩﻠﻐﺎﻥ ﭘﯘﻝ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﻫﯧﺴﺎﯞﺍﺕ ﻛﯚﺭﻣﯩﺪﯗﻕ. ﺟﻪﻣﺌﯩﻲ ﻳﯩﻐﯩﻠﻐﺎﻥ ﭘﯘﻝ 350 ﻣﯩﯔ ﻳﯜﻩﻥ ﺑﻮﻟﺴﯩﻤﯘ، ﺑﯘ ﭘﯘﻟﻨﯩﯔ ﻫﯧﭽﻘﺎﻧﺪﺍﻕ ﺋﻮﺭﻧﻰ ﻳﻮﻕ. ﺋﻪﺳﻠﯩﺪﻩ ﻛﯚﻣﯜﺭ ﻛﺎﻧﻐﺎ ﭘﯘﻝ ﺑﻪﺭﮔﻪﻥ ﭼﯧﻐﯩﻤﯩﺰﺩﺍ ﭘﺎﻱ ﻗﻮﺷﻘﯘﭼﻰ ﺑﻮﻟﯘﭖ ﺑﻪﺭﮔﻪﻥ، ﺋﻪﻣﻤﺎ ﭘﺎﻱ ﻗﻮﺷﻘﺎﻧﻼﺭ ﺑﯘ ﻛﯚﻣﯜﺭ ﻛﺎﻧﯩﻨﯩﯔ ﻛﯩﺮﯨﻤﯩﺪﯨﻦ ﻫﯧﭽﻘﺎﻧﺪﺍﻕ ﺑﻪﻫﺮﯨﻤﺎﻥ ﺑﻮﻻﻟﻤﯩﺪﯗﻕ."

" 80 ﻳﺎﺷﻠﯩﻖ ﺑﻮﯞﺍﻱ ﺑﻮﻟﻤﯩﻐﺎﻥ ﺑﻮﻟﺴﺎ، ﺑﯘ ﭼﺎﻏﻘﺎ ﻗﻮﻟﻐﺎ ﺋﯧﻠﯩﻨﺎﺗﺘﻰ"

ﻟﻴﯘ ﺷﯩﯖﻴﯜﻩﻧﻨﯩﯔ ﺋﺎﺳﺎﺳﻠﯩﻖ ﺷﯩﻜﺎﻳﯩﺘﻰ 106 ‏- ﭘﻮﻟﻜﯩﻨﯩﯔ ﺳﺎﺑﯩﻖ ﺑﺎﺷﻠﯩﻘﻰ ﯞﻩ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ، ﻫﺎﺯﯨﺮ 6 ‏-ﺩﯦﯟﯨﺰﯨﻴﯩﻨﯩﯔ ﺋﻪﻣﻪﻟﺪﺍﺭﻟﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻟﻮ ﻳﯜﭼﯧﯔ ﺋﯜﺳﺘﯩﺪﻩ ﺑﻮﻟﯘﭖ، ﺋﯘ ﺋﻪﺭﺯ ﻗﯩﻠﯩﺸﻨﻰ 1996 ‏-ﻳﯩﻠﻰ ﺑﺎﺷﻠﯩﻐﺎﻥ، ﺋﻪﻣﻤﺎ ﻫﺎﺯﯨﺮﻏﺎ ﻗﻪﺩﻩﺭ ﻧﻪﺗﯩﺠﯩﺴﻰ ﭼﯩﻘﻤﯩﻐﺎﻥ.

ﻟﻴﯘ ﺷﯩﯖﻴﯜﻩﻥ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ: " ﺑﯩﺰ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻼﺭ 130 ﻛﯩﺸﻰ، ﺋﻪﺭﺯﯨﻤﯩﺰﻧﻰ ﺋﯧﻴﺘﯩﭗ ﺑﺎﺭﻣﯩﻐﺎﻥ ﻳﻪﺭ ﻗﺎﻟﻤﯩﺪﻯ، ﭘﻮﻟﻜﺘﯩﻦ ﻣﻪﺭﻛﻪﺯﮔﯩﭽﻪ 10 ﻧﻪﭼﭽﻪ ﻳﯩﻠﺪﯨﻦ ﺑﯧﺮﻯ ﺋﻪﺭﺯ ﻗﯩﻠﯩﭗ ﻛﯧﻠﯩﯟﺍﺗﯩﻤﯩﺰ، ﺋﻪﺭﺯﯨﻤﯩﺰﮔﻪ ﻗﯘﻻﻕ ﺳﺎﻟﯩﺪﯨﻐﺎﻥ ﻛﯩﺸﻰ ﻳﻮﻕ."

ﻟﻴﯘ ﺷﯩﯖﻴﯜﻩﻥ ﺋﻪﺭﺯﻧﻰ ﺋﯩﻨﺘﯧﺮﻧﯧﺘﻜﻪ ﺳﺎﻟﻐﺎﻧﺪﯨﻦ ﻛﯧﻴﯩﻦ، ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ، ﻣﻪﺭﻛﻪﺯ ﺗﯚﯞﻩﻧﮕﻪ ﻣﻪﺧﺴﯘﺱ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ، ﻣﻪﺳﯩﻠﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺑﯘﻳﺮﯨﻐﺎﻥ. ﺑﯘ ﺑﯘﻳﺮﯗﻗﻨﻰ ﺋﯩﺠﺮﺍ ﻗﯩﻠﯩﺶ ﺋﯜﭼﯜﻥ، ﭼﺎﻏﺎﻥ ﻫﺎﺭﭘﯩﺴﯩﺪﺍ ﺋﻪﺭﺯﺩﺍﺭﻻﺭﻧﯩﯔ ﺋﺎﺋﯩﻠﯩﺴﯩﮕﻪ ﺑﺎﺭﻏﺎﻥ ﺋﯩﻜﻜﻰ ﻧﻪﭘﻪﺭ ﭘﻮﻟﻚ ﻛﺎﺩﯨﺮﻯ ﺋﻪﺭﺯﺩﺍﺭﻻﺭﻏﺎ ﺗﻪﻫﺪﯨﺖ ﺳﺎﻟﻐﺎﻥ؛ ﺋﯘﻻﺭ ﺗﻪﻫﺪﯨﺘﯩﺪﻩ، ﺋﻪﮔﻪﺭ ﻟﻴﯘ ﺷﯩﯖﻴﯜﻩﻥ 80 ﻳﺎﺷﻠﯩﻖ ﺑﻮﯞﺍﻱ ﺑﻮﻟﻤﯩﻐﺎﻥ ﺑﻮﻟﺴﺎ، ﺋﺎﻟﻠﯩﻘﺎﭼﺎﻥ ﻗﻮﻟﻐﺎ ﺋﯧﻠﯩﻨﯩﭗ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻪﺭﺯﺩﺍﺭ ﻟﻴﯘ ﺷﯩﯖﻴﯜﻩﻧﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘ ﻫﺎﺯﯨﺮ ﺋﺎﻳﺪﺍ 1000 ﻳﯜﻩﻧﺪﯨﻦ ﺋﺎﺭﺗﯘﻕ ﻣﺎﺋﺎﺵ ﺋﺎﻟﯩﺪﯗ، ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﯩﻤﯘ ﺑﺎﺭ، 4 ﺑﺎﻟﯩﺴﯩﺪﯨﻦ ﺑﯩﺮﺳﻰ ﺗﯩﺠﺎﺭﻩﺗﭽﻰ، ﻳﻪﻧﻪ ﺑﯩﺮﺳﻰ ﻛﯩﭽﯩﻚ ﺑﯩﺮ ﺋﻪﻣﻪﻟﺪﺍﺭ. ﻣﯘﻧﺪﺍﻕ ﺑﯩﺮ ﺗﯘﺭﻣﯘﺵ ﺷﺎﺭﺍﺋﯩﺘﻰ ﻧﯚﯞﻩﺗﺘﻪ ﺋﯘﻳﻐﯘﺭﻻﺭ ﺋﺎﺭﺯﯗ ﻗﯩﻠﯩﺪﯨﻐﺎﻥ ﺧﺎﺗﯩﺮﺟﻪﻡ ﺑﯩﺮ ﺗﯘﺭﻣﯘﺵ ﺳﻪﯞﯨﻴﯩﺴﻰ، ﺋﻪﻣﻤﺎ، ﻟﻴﯘ ﺷﯩﯖﻴﯜﻩﻥ ﺑﯘ ﻫﺎﻟﯩﺪﯨﻦ ﺷﯩﻜﺎﻳﻪﺗﭽﻰ، ﺑﯩﺰ ﺋﯘﻧﯩﯖﺪﯨﻦ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺩﻩﺭﺕ ‏-ﺋﻪﻫﯟﺍﻟﻰ ﻫﻪﻗﻘﯩﺪﻩ ﺑﯩﻠﯩﺪﯨﻐﺎﻧﻠﯩﺮﯨﻨﻰ ﺋﯧﻴﺘﯩﭗ ﺑﯧﺮﯨﺸﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ، ﺋﯘ ﻣﯘﻧﺪﺍﻕ ﺩﯦﺪﻯ:" ﻣﻪﻧﻤﯘ ﺑﯩﺮ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﻰ، ﺑﯘ ﻫﻪﻗﺘﻪ ﻛﯚﭖ ﺑﯩﺮ ﻧﻪﺭﺳﻪ ﺑﯩﻠﻤﻪﻳﻤﻪﻥ، ﺋﻪﻣﻤﺎ 2004 ‏-ﻳﯩﻠﯩﺪﯨﻦ ﺑﯧﺮﻯ ﻫﯚﻛﯜﻣﻪﺗﻨﯩﯔ 3 ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﯩﻨﻰ ﺩﺍﯞﺍﻣﻼﺷﺘﯘﺭﯗﯞﺍﺗﻘﺎﻧﻠﯩﻘﻰ ﺭﺍﺳﺖ."

ﻟﻴﯘ ﺷﯩﯖﻴﯘﯛﻩﻥ: "ﯞﺍﯓ ﻟﯧﭽﯜﻩﻥ 3 ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﭗ، ﻣﻪﺭﻛﻪﺯﻧﯩﯔ ﺋﯩﺸﻪﻧﭽﯩﺴﯩﮕﻪ ﺋﯧﺮﯨﺸﺘﻰ"

ﻟﻴﯘ ﺷﯩﯖﻴﯜﻩﻧﻨﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯜﻩﻥ 3 ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ ﺋﺎﺭﻗﯩﻠﯩﻖ ﻣﻪﺭﻛﻪﺯﻧﯩﯔ ﺋﯩﺸﻪﻧﭽﯩﺴﯩﮕﻪ ﺋﯧﺮﯨﺸﻜﻪﻥ. ﺷﯘﯕﺎ ﺑﯘ ﻳﯩﻞ ﺧﯩﺘﺎﻳﻨﯩﯔ ﻛﯚﭘﻠﯩﮕﻪﻥ ﺋﯚﻟﻜﻪ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﯩﺮﻯ ﺋﺎﻟﻤﺎﺷﻘﺎﻥ ﺑﻮﻟﺴﯩﻤﯘ، ﯞﺍﯓ ﻟﯧﭽﯜﻩﻥ ﺋﻮﺭﻧﯩﻨﻰ ﺳﺎﻗﻼﭖ ﻗﺎﻟﻐﺎﻥ. ﺑﻮﻟﻤﯩﺴﺎ، ﯞﺍﯓ ﻟﯧﭽﯜﻩﻥ ﭼﻮﯓ ﺑﯩﺮ ﺧﯩﻴﺎﻧﻪﺗﭽﻰ.

ﺋﯩﻠﮕﯩﺮﻯ ﺋﯩﮕﯩﻠﯩﮕﻪﻥ ﺑﯩﺮ ﺧﻪﯞﯨﺮﯨﻤﯩﺰﺩﻩ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻫﯚﻛﯜﻣﻪﺗﺘﻪ ﺋﯩﺸﻠﻪﻳﺪﯨﻐﺎﻥ ﺑﯩﺮ ﺧﯩﺘﺎﻱ ﻛﺎﺩﯨﺮ ﺋﻮﺕ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺩﯦﺨﯘﻱ ﺷﯩﺮﻛﯩﺘﯩﻨﯩﯔ ﺳﺎﻫﯩﺒﯩﻨﻰ ﯞﺍﯓ ﻟﯧﭽﯜﻩﻧﻨﯩﯔ ﻗﯘﺩﯨﺴﻰ ﺩﻩﭖ ﭘﺎﺵ ﻗﯩﻠﻐﺎﻥ ﺋﯩﺪﻯ، ﻟﻴﯘ ﺷﯩﯖﭽﯜﻩﻥ ﺑﻮﻟﺴﺎ ﺋﻮﻏﻠﻰ ﺩﻩﭖ ﭘﺎﺵ ﻗﯩﻠﺪﻯ؛ ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯩﺪﺍﺭﻩ-ﺟﻪﻣﺌﯩﻴﻪﺗﻠﻪﺭﻧﯩﯔ ﺋﯩﺌﺎﻧﻪ ﻧﺎﻣﻰ ﺑﯩﻠﻪﻥ ﺩﯦﺨﯘﻱ ﺷﯩﺮﻛﯩﺘﯩﮕﻪ ﺑﻪﺭﮔﻪﻥ ﻳﺎﺭﺩﯨﻤﻰ ﺋﻪﻣﻪﻟﯩﻴﻪﺗﺘﻪ، ﯞﺍﯓ ﻟﯧﭽﯘﻩﻧﮕﻪ ﻗﯩﻠﯩﻨﯩﯟﺍﺗﻘﺎﻥ ﺳﻮﯞﻏﺎ، ﺑﯘ ﺳﻮﯞﻏﯩﻨﯩﯔ ﻗﻮﺑﯘﻝ ﻗﯩﻠﯩﻨﯩﺸﻰ ﭘﺎﺭﯨﺨﻮﺭﻟﯘﻗﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ. (ﺷﯚﻫﺮﻩﺕ ﻫﻮﺷﯘﺭ)