ﺑﯧﻴﺠﯩﯖﺪﯨﻜﻰ ﺋﻮﻟﯩﻤﭙﯩﻚ ﺋﯘﻳﻐﯘﺭﻻﺭﻏﺎ ﻫﻪﺳﺴﯩﻠﻪﭖ ﻗﯩﻴﯩﻨﭽﯩﻠﯩﻖ ﺋﯧﻠﯩﭗ ﻛﻪﻟﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﻰ ﺑﺎﺭﻟﯩﻖ ﻛﯜﭼﻰ ﺑﯩﻠﻪﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺗﻪﻳﻴﺎﺭﻟﯩﻖ ﻗﯩﻠﻤﺎﻗﺘﺎ. ﺋﯘﻻﺭ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﯩﺨﻪﺗﻪﺭ ﺋﯚﺗﻜﯜﺯﯛﯞﯦﻠﯩﺶ ﺩﻩﺭﺩﯨﮕﻪ ﭼﯜﺷﯜﭖ ﻗﺎﻟﻐﺎﻥ ﺑﯘ ﻛﯜﻧﻠﻪﺭﺩﻩ، ﺑﯧﻴﺠﯩﯖﺪﺍ ﻳﺎﺷﺎﯞﺍﺗﻘﺎﻥ ﺋﺎﺯﺳﺎﻧﺪﯨﻜﻰ ﺋﯘﻳﻐﯘﺭﻻﺭﻧﯩﻤﯘ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯜﭼﯜﻥ ﺑﯩﺮ ﺧﻪﯞﭖ ﺩﻩﭖ ﻗﺎﺭﯨﻤﺎﻗﺘﺎ.

ﺑﯧﻴﺠﯩﯖﺪﯨﻜﻰ ﺋﯘﻳﻐﯘﺭﻻﺭ ﻗﻮﻏﻼﭖ ﭼﯩﻘﯩﺮﯨﻠﻤﺎﻗﺘﺎ

ﺋﯩﮕﯩﻠﯩﺸﯩﻤﯩﺰﭼﻪ، ﺑﯧﻴﺠﯩﯔ ﻫﯚﻛﯜﻣﯩﺘﻰ ﺑﯧﻴﺠﯩﯔ ﻧﻮﭘﯘﺳﻰ ﺑﻮﻟﻤﯩﻐﺎﻥ ﺋﯘﻳﻐﯘﺭﻻﺭﻧﻰ ﺑﯧﻴﺠﯩﯖﺪﯨﻦ ﻗﻮﻏﻼﭖ ﭼﯩﻘﯩﺮﯨﺸﻘﺎ ﺑﺎﺷﻠﯩﻐﺎﻥ. ﺋﯘﻻﺭ ﺑﯧﻴﺠﯩﯖﺪﺍ ﺗﯩﺠﺎﺭﻩﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﺎﺷﺨﺎﻧﯩﻠﯩﺮﯨﻨﻰ ﺋﯧﺘﯩﯟﯦﺘﯩﭗ، ﻛﯧﻠﻪﺭ ﻳﯩﻠﻰ ﭼﺎﻏﺎﻧﺪﯨﻦ ﻛﯧﻴﯩﻦ ﺑﯧﻴﺠﯩﯖﮕﻪ ﻛﯧﻠﯩﺸﻨﻰ ﺑﯘﻳﺮﯗﻕ ﻗﯩﻠﻐﺎﻥ. ﺑﯘﻧﯩﯖﻐﺎ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯘﻳﻐﯘﺭﻻﺭﻏﺎ ﺳﺎﻗﭽﻰ ﺋﯩﺪﺍﺭﯨﺴﻰ ﺑﯘ ﻫﻪﻗﺘﻪ ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﻗﺎﺭﺍﺭﻯ ﺑﺎﺭﻟﯩﻘﯩﻨﻰ ﺩﯦﮕﻪﻥ. ﺑﯘ ﻗﺎﺭﺍﺭﻏﺎ ﺋﺎﺳﺎﺳﻪﻥ، ﺑﯧﻴﺠﯩﯖﺪﺍ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ، ﺑﯧﻴﺠﯩﯔ ﻧﻮﭘﯘﺳﯩﻐﺎ ﺋﯩﮕﻪ ﺑﻮﻟﻐﺎﻥ ﻫﻪﺗﺘﺎ ﺳﯩﻴﺎﺳﻰ ﻛﯧﯖﻪﺵ ﺋﻪﺯﺍﺳﻰ ﺑﻮﻟﯘﭖ ﺳﺎﻳﻼﻧﻐﺎﻥ ﺋﯘﻳﻐﯘﺭﻻﺭﻣﯘ ﺳﺎﻗﭽﻰ ﺋﯩﺪﺍﺭﯨﻠﯩﺮﯨﻐﺎ ﭼﺎﻗﯩﺮﺗﯩﻠﻐﺎﻥ.

ﺋﯘﻻﺭﻏﺎ ﺟﻪﺩﯞﻩﻟﻠﻪﺭ ﺗﻮﻟﺪﯗﺭﻏﯘﺯﯗﻟﯘﭖ، 5-ﺋﺎﻳﺪﯨﻦ ﺗﺎﺭﺗﯩﭗ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺋﺎﺧﯩﺮﻻﺷﻘﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﻘﯩﭽﻪ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﻫﯧﭽﻘﺎﻧﺪﺍﻕ ﺗﯘﻏﻘﯩﻨﯩﻨﯩﯔ ﺑﯧﻴﺠﯩﯖﻐﺎ ﻛﯧﻠﻪﻟﻤﻪﻳﺪﯨﻐﺎﻧﻠﯩﻘﻰ ﺋﯘﻗﺘﯘﺭﯗﻟﻐﺎﻥ. ﺑﯧﻴﺠﯩﯔ ﺳﺎﻗﭽﻰ ﺋﯩﺪﺍﺭﯨﻠﯩﺮﻯ، ﻣﻪﻫﻪﻟﻠﻪ ﺋﯩﺶ ﺑﯧﺠﯩﺮﯨﺶ ﺋﻮﺭﯗﻧﻠﯩﺮﻯ ﺑﯧﻴﺠﯩﯖﺪﯨﻜﻰ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺋﯚﻳﻤﯘ-ﺋﯚﻱ ﺋﻪﺗﺮﺍﭘﻠﯩﻖ ﻣﻪﻟﯘﻣﺎﺕ ﺗﻮﭘﻠﯩﻐﺎﻥ. ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻰ ﻣﻪﺳﺌﯘﻟﻠﯩﺮﻯ، ﺑﺎﺷﻘﺎ ﺧﯩﺘﺎﻱ ﭘﯘﻗﺮﺍﻟﯩﺮﯨﻐﺎ ﺋﻪﻣﻪﺱ، ﭘﻪﻗﻪﺗﻼ ﺋﯘﻳﻐﯘﺭﻻﺭﻏﺎ ﺑﯘﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﺸﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﺧﯩﻼﭖ، ﺩﯦﺪﻯ. ﺑﯩﺰ ﺑﯘ ﺋﻪﻫﯟﺍﻝ ﻫﻪﻗﻘﯩﺪﻩ ﺋﻪﺗﺮﺍﭘﻠﯩﻖ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺑﯧﻴﺠﯩﯖﺪﺍ ﻳﺎﺷﺎﻳﺪﯨﻐﺎﻥ، ﺑﯧﻴﺠﯩﯖﺪﺍ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﺑﯩﺮ ﺋﯘﻳﻐﯘﺭ ﺧﺎﻧﯩﻢ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﺑﯧﻴﺠﯩﯔ ﻧﻮﭘﯘﺳﯩﻐﺎ ﺋﯩﮕﻪ ﺑﻮﻟﻐﺎﻥ ﺑﯘ ﺧﺎﻧﯩﻢ ﺑﯩﺨﻪﺗﻪﺭﻟﯩﻚ ﺳﻪﯞﻩﺑﯩﺪﯨﻦ ﺋﯚﺯﯨﻨﯩﯔ ﺋﯩﺴﻤﯩﻨﯩﯔ ﺭﺍﺩﯨﺌﻮﻣﯩﺰﺩﺍ ﺋﺎﺷﻜﺎﺭﯨﻼﻧﻤﺎﺳﻠﯩﻘﯩﻨﻰ ﺗﻪﻟﻪﭖ ﻗﯩﻠﺪﻯ.

ﺑﯧﻴﺠﯩﯔ ﺳﺎﻗﭽﯩﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﺋﯚﻳﯩﮕﻪ ﺑﯩﺮﻣﯘ ﺑﯩﺮ ﻛﯩﺮﯨﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ

ﺋﯘ، ﺑﯧﻴﺠﯩﯔ ﺳﺎﻗﭽﯩﻠﯩﺮﯨﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯚﻳﯩﮕﻪ ﺑﯩﺮﻣﯘ ﺑﯩﺮ ﻛﯩﺮﯨﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺑﯘ ﺧﯩﻞ ﺋﻪﻫﯟﺍﻝ ﺑﺎﺭ. ﺑﯘ ﻳﯩﻠﻨﯩﯔ ﺑﯧﺸﯩﺪﺍ ﺳﺎﻗﭽﻰ ﺋﯩﺸﯩﻜﯩﻤﻨﻰ ﭼﯧﻜﯩﭗ ﻣﯧﻨﯩﯔ ﺋﯚﻳﯜﻣﮕﻪ ﻛﯩﺮﺩﻯ. ﻣﻪﻧﺪﯨﻦ ﺳﻪﻥ ﺋﯘﻳﻐﯘﺭﻣﯘ، ﺑﯧﻴﺠﯩﯔ ﺷﻪﻫﯩﺮﯨﺪﻩ ﻧﻮﭘﯘﺳﯘﯓ ﺑﺎﺭﻣﯘ؟، ﺩﻩﭖ ﺳﻮﺭﯨﺪﻯ. ﺋﯘ ﺋﻪﮔﻪﺭ ﻣﯧﻨﯩﯔ ﺑﯧﻴﺠﯩﯔ ﻧﻮﭘﯘﺳﯘﻡ ﺑﻮﻟﻤﯩﺴﺎ، ﻣﯧﻨﻰ ﺑﯧﻴﺠﯩﯖﺪﯨﻦ ﻫﻪﻳﺪﻩﭖ ﭼﯩﻘﯩﺮﯨﯟﯦﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﻧﻮﭘﯘﺱ ﺩﻩﭘﺘﯩﺮﯨﻤﻨﻰ ﯞﻩ ﻛﯩﻤﻠﯩﻜﯩﻤﻨﻰ ﭼﯩﻘﯩﺮﯨﭗ ﺳﺎﻗﭽﯩﻐﺎ ﻛﯚﺭﺳﻪﺗﺘﯩﻢ. ﺳﺎﻗﭽﯩﻼﺭ ﻛﯩﻤﻠﯩﻜﯩﻢ ﺑﯩﻠﻪﻥ ﻧﻮﭘﯘﺱ ﺩﻩﭘﺘﯩﺮﯨﻤﻨﻰ ﺗﻪﻛﺸﯜﺭﮔﻪﻧﺪﯨﻦ ﻛﯧﻴﯩﻦ ﭼﯩﻘﯩﭗ ﻛﻪﺗﺘﻰ. ﺋﯩﭽﯩﻤﺪﻩ ﻫﻪﻣﻤﻪ ﺋﺎﺩﻩﻣﻨﯩﯖﻜﯩﻨﻰ ﺗﻪﻛﺸﯜﺭﯛﯞﺍﺗﺎﻣﺪﯨﻐﺎﻧﺪﯗ ﻳﺎﻛﻰ ﻣﻪﻥ ﺋﯘﻳﻐﯘﺭ ﺑﻮﻟﻐﺎﻧﻠﯩﻘﯩﻢ ﺋﯜﭼﯜﻧﻼ ﺗﻪﻛﺸﯜﺭﯛﯞﺍﺗﺎﻣﺪﯨﻐﺎﻧﺪﯗ ﺩﻩﭖ ﺋﻮﻳﻼﭖ ﻗﻮﺷﻨﯩﻠﯩﺮﯨﻤﺪﯨﻦ ﺳﻮﺭﯨﺴﺎﻡ، ﺑﯩﺰﻧﯩﯔ ﺑﯩﻨﺎﺩﺍ ﭘﻪﻗﻪﺗﻼ ﻣﯧﻨﻰ ﺗﻪﻛﺸﯜﺭﯛﭘﺘﯘ."

ﺑﯘ ﺋﯘﻳﻐﯘﺭ ﺋﺎﻳﺎﻝ، ﺳﺎﻗﭽﯩﻼﺭﻧﯩﯔ ﺑﯩﺮ ﻗﺎﻧﭽﻪ ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻦ ﻳﻪﻧﻪ ﺗﻪﻛﺸﯜﺭﮔﯩﻠﻰ ﻛﻪﻟﮕﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺑﯘ ﯞﻩﻗﻪﺩﯨﻦ ﺑﯩﺮﻗﺎﻧﭽﻪ ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺳﺎﻗﭽﯩﻼﺭ ﻣﯧﻨﯩﯔ ﺋﯚﻳﯜﻣﮕﻪ ﻳﻪﻧﻪ ﻛﻪﻟﺪﻯ. ﻣﻪﻧﺪﯨﻦ ﻳﻪﻧﻪ ﻧﻮﭘﯘﺱ ﺩﻩﭘﺘﯩﺮﯨﻢ ﺑﯩﻠﻪﻥ ﻛﯩﻤﻠﯩﻜﯩﻤﻨﻰ ﺳﻮﺭﯨﺪﻯ. ﺋﯘﻻﺭ ﻣﻪﻧﺪﯨﻦ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﻪﺯﮔﯩﻠﯩﺪﻩ ﺋﯚﻳﯜﯕﮕﻪ ﺋﯘﻳﻐﯘﺭ ﻣﯧﻬﻤﺎﻥ ﻛﯧﻠﻪﻣﺪﯗ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﺋﯘﺭﯗﻕ-ﺗﯘﻏﻘﺎﻧﻠﯩﺮﯨﯔ ﺑﺎﺭﻣﯘ، ﺋﯘﻻﺭ ﻗﻪﻳﻪﺭﺩﻩ ﺗﯘﺭﯨﺪﯗ، ﺋﺎﺩﺭﯦﺴﻰ ﯞﻩ ﺗﯧﻠﯧﻔﻮﻥ ﻧﻮﻣﯘﺭﻟﯩﺮﻯ ﻗﺎﻧﺪﺍﻕ ﺩﯦﮕﻪﻧﺪﻩﻙ ﺳﻮﺋﺎﻟﻼﺭﻧﻰ ﺳﻮﺭﺍﭖ ﻫﻪﻣﻤﯩﻨﻰ ﻳﯧﺰﯨﯟﯦﻠﯩﭗ ﭼﯩﻘﯩﭗ ﻛﻪﺗﺘﻰ. ﺑﯘﻻﺭﺩﯨﻦ ﺑﺎﺷﻘﺎ ﻣﺎﯕﺎ ﻳﻪﻧﻪ ﺑﯩﺮ ﺋﺎﻧﻜﯩﺖ ﺗﻮﻟﺪﯗﺭﻏﯘﺯﯗﭖ، ﻗﻮﻝ ﻗﻮﻳﻐﯘﺯﯗﯞﺍﻟﺪﻯ."

ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺳﺎﻗﭽﻰ ﺋﯩﺪﺍﺭﯨﺴﯩﺪﯨﻦ ﻛﻪﻟﮕﻪﻧﺪﯨﻦ ﺑﺎﺷﻘﺎ ﻳﻪﻧﻪ ﻣﻪﻫﻪﻟﻠﻪ ﺋﯩﺶ ﺑﯧﺠﯩﺮﯨﺶ ﺋﻮﺭﻧﯩﻨﯩﯔ ﺋﺎﺩﻩﻣﻠﯩﺮﯨﻤﯘ ﺑﯘ ﺧﺎﻧﯩﻤﻨﯩﯔ ﺋﯚﻳﯩﮕﻪ ﻛﯧﻠﯩﭗ ﺋﺎﻧﻜﯩﺖ ﺗﻮﻟﺪﯗﺭﺗﯘﭖ ﻛﻪﺗﻜﻪﻥ ﺑﻮﻟﯘﭖ، ﺋﯘ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ: "ﻣﻪﻫﻪﻟﻠﻪ ﻛﻮﻣﯩﺘﯧﺘﯩﻨﯩﯔ ﻣﯘﺩﯨﺮﻯ ﺋﯚﻳﯜﻣﮕﻪ ﻛﻪﻟﺪﻯ. ﻣﺎﯕﺎ ﺑﯩﺮ ﺋﺎﻧﻜﯩﺖ ﺗﻮﻟﺪﯗﺭﺗﺘﻰ. ﺋﺎﻧﻜﯧﺘﺘﺎ ﺋﺎﺭﺧﯩﭙﯩﻨﯩﯔ ﻗﻪﻳﻪﺭﺩﻩ ﺋﯩﻜﻪﻧﻠﯩﻜﻰ، ﺧﯩﺰﻣﻪﺕ ﺋﻮﺭﻧﯘﻡ ﯞﻩ ﻣﯧﻨﯩﯔ ﺗﻪﺭﺟﯩﻤﯩﻬﺎﻟﯩﻢ ﻫﻪﻗﻘﯩﺪﻩ ﺗﻪﭘﺴﯩﻠﻰ ﺳﻮﺋﺎﻟﻼﺭ ﺳﻮﺭﺍﻟﻐﺎﻥ ﺋﯩﻜﻪﻥ. ﺑﯘ ﺋﺎﻧﻜﯧﺘﻨﯩﻤﯘ ﺑﯩﺰﻧﯩﯔ ﺑﯩﻨﺎﺩﺍ ﭘﻪﻗﻪﺗﻼ ﻣﻪﻥ ﺗﻮﻟﺪﯗﺭﯗﭘﺘﯩﻤﻪﻥ. ﻛﯧﻴﯩﻦ ﺑﯧﻴﺠﯩﯖﻨﯩﯔ ﺑﺎﺷﻘﺎ ﺭﺍﻳﻮﻧﻠﯩﺮﯨﺪﺍ ﺗﯘﺭﯗﺷﻠﯘﻕ ﺋﯘﻳﻐﯘﺭﻻﺭﻏﺎ ﺗﯧﻠﯧﻔﻮﻥ ﻗﯩﻠﯩﭗ ﺳﻮﺭﯨﺴﺎﻡ ﺋﯘﻻﺭﻣﯘ ﻣﺎﯕﺎ ﺋﻮﺧﺸﺎﺵ ﺋﺎﻧﻜﯧﺘﻼﺭﻧﻰ ﺗﻮﻟﺪﯗﺭﯗﭘﺘﯘ. ﻫﻪﺗﺘﺎ ﺑﯧﻴﺠﯩﯖﻨﯩﯔ ﺧﯧﭙﯩﯖﻠﻰ ﺭﺍﻳﻮﻧﯩﺪﺍ ﺋﻮﻟﺘﯘﺭﯗﺷﻠﯘﻕ ﺳﯩﻴﺎﺳﻰ ﻛﯧﯖﻪﺵ ﺋﻪﺯﺍﺳﻰ ﺑﻮﻟﻐﺎﻥ ﺑﯩﺮ ﺋﯘﻳﻐﯘﺭﻧﯩﻤﯘ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﭼﺎﻗﯩﺮﯨﭗ ﺋﺎﭘﯩﺮﯨﭗ، ﺋﯘﻧﯩﯖﺪﯨﻦ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻳﯘﺭﺗﯘﯕﺪﯨﻦ ﺗﯘﻏﻘﺎﻧﻠﯩﺮﯨﯔ ﻛﯧﻠﻪﻣﺪﯗ، ﺩﯦﮕﻪﻧﮕﻪ ﺋﻮﺧﺸﺎﺵ ﺳﻮﺋﺎﻟﻼﺭﻧﻰ ﺳﻮﺭﺍﭘﺘﯘﺩﻩﻙ."

ﺑﯧﻴﺠﯩﯖﺪﺍ ﻧﻮﭘﯘﺳﻰ ﻳﻮﻕ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﻰ ﺗﯧﺨﯩﻤﯘ ﭼﺎﺗﺎﻕ ﺋﯩﻜﻪﻥ

ﺋﯩﺴﻤﯩﻨﻰ ﺋﯧﻴﺘﯩﺸﻨﻰ ﺧﺎﻟﯩﻤﯩﻐﺎﻥ ﺑﯧﻴﺠﯩﯖﻠﯩﻖ ﺋﯘﻳﻐﯘﺭ ﺋﺎﻳﺎﻝ ﺑﯩﺰﮔﻪ، ﺑﯧﻴﺠﯩﯖﺪﺍ ﻧﻮﭘﯘﺳﻰ ﻳﻮﻕ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﯩﻨﯩﯔ ﺗﯧﺨﯩﻤﯘ ﭼﺎﺗﺎﻕ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺑﯧﻴﺠﯩﯖﺪﺍ ﻧﻮﭘﯘﺳﻰ ﻳﻮﻕ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﻰ ﺗﯧﺨﯩﻤﯘ ﺋﯧﭽﯩﻨﯩﺸﻠﯩﻖ. ﻣﯧﻨﯩﯔ ﺑﯩﺮ ﺋﯘﻳﻐﯘﺭ ﺩﻭﺳﺘﯘﻣﻨﯩﯔ ﺑﯧﻴﺠﯩﯖﺪﯨﻜﻰ ﺑﯩﺮ ﺋﯘﻧﯩﯟﯦﺮﺳﯩﺘﯧﺘﻘﺎ ﻳﯧﻘﯩﻦ ﻳﻪﺭﺩﻩ ﺋﺎﺷﺨﺎﻧﯩﺴﻰ ﺑﺎﺭ ﺋﯩﺪﻯ. ﺳﺎﻗﭽﯩﻼﺭ ﻛﯧﻠﯩﭗ ﺩﻭﺳﺘﯘﻣﻨﯩﯔ ﺋﺎﺷﺨﺎﻧﯩﺴﯩﻨﻰ ﺋﻪﺗﻜﯜﺯﯨﯟﻩﺗﺘﻰ. ﻳﯧﻘﯩﻨﺪﯨﻦ ﺑﯧﺮﻯ ﺑﯧﻴﺠﯩﯖﺪﺍ ﺋﺎﺷﺨﺎﻧﺎ ﺋﯧﭽﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺑﯩﺮ-ﺑﯩﺮﻟﻪﭖ ﺑﯧﻴﺠﯩﯖﺪﯨﻦ ﻗﻮﻏﻼﭖ ﭼﯩﻘﯩﯟﺍﺗﯩﺪﯗ. ﻧﯘﺭﻏﯘﻥ ﻣﻪﺑﻠﻪﻍ ﺳﯧﻠﯩﺶ ﺋﺎﺭﻗﯩﻠﯩﻖ ﻗﺎﻧﯘﻥ ﺑﻮﻳﯩﭽﻪ ﺋﺎﭼﻘﺎﻥ ﺋﺎﺷﺨﺎﻧﯩﻼﺭﻧﯩﻤﯘ ﺗﺎﻗﺎﯞﺍﺗﯩﺪﯗ. ﺋﯘﻻﺭﻧﻰ ﺋﺎﺷﺨﺎﻧﯩﻠﯩﺮﯨﻨﻰ 1-2 ﺋﺎﻱ ﺋﻪﻣﻪﺱ، 8 ﺋﺎﻳﺪﻩﻙ ﺗﺎﻗﯩﯟﯦﺘﯩﺸﻜﻪ ﻣﻪﺟﺒﯘﺭﻻﯞﺍﺗﯩﺪﯗ. ﺋﻪﻣﻤﺎ ﺋﯩﺠﺎﺭﻩ ﻫﻪﻗﻘﯩﻨﻰ ﺑﻮﻟﺴﺎ ﺩﺍﯞﺍﻣﻠﯩﻖ ﺗﯚﻟﻪﻳﺪﯨﻜﻪﻥ، ﺩﯙﻟﻪﺕ ﺑﯘﻻﺭﻧﯩﯔ ﺋﯩﻘﺘﯩﺴﺎﺩﯨﻲ ﺯﯨﻴﯩﻨﯩﻨﻰ ﺗﯚﻟﻪﭖ ﺑﯧﺮﯨﺶ ﺑﯩﺮ ﻳﺎﻗﺘﺎ ﺗﯘﺭﺳﯘﻥ، ﻫﻪﺭ ﺧﯩﻞ ﺑﺎﻫﺎﻧﯩﻼﺭ ﺑﯩﻠﻪﻥ ﺟﻪﺭﯨﻤﺎﻧﻪ ﻗﻮﻳﯘﯞﺍﺗﯩﺪﯗ."

ﺑﯘ ﺧﺎﻧﯩﻢ ﺑﯩﺰﻧﯩﯔ، ﺑﯘ ﺋﯘﻳﻐﯘﺭﻻﺭ ﻳﯘﻗﯩﺮﯨﻐﺎ ﺋﻪﺭﺯ ﻗﯩﻠﺴﺎ ﺑﻮﻟﻤﺎﻣﺪﯗ؟ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﺳﺎﻗﭽﻰ ﺗﻪﺭﻩﭖ ﺑﯘ ﻫﻪﻗﺘﻪ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﻗﺎﺭﺍﺭﻯ ﺑﺎﺭﻟﯩﻘﯩﻨﻰ، ﺑﯘ ﺋﯘﻳﻐﯘﺭﻻﺭﻧﯩﯔ ﭼﻮﻗﯘﻡ ﺑﯧﻴﺠﯩﯖﺪﯨﻦ ﭼﯩﻘﯩﺮﯨﯟﯦﺘﯩﻠﯩﺪﯨﻐﺎﻧﻠﯩﻘﯩﻨﻰ ﺩﯦﮕﻪﻥ. ﻫﻪﺗﺘﺎ ﺑﯘ ﺋﺎﺷﺨﺎﻧﯩﻼﺭﻧﻰ 2009-ﻳﯩﻠﻰ ﺧﯩﺘﺎﻳﻼﺭﻧﯩﯔ ﺑﺎﻫﺎﺭ ﺑﺎﻳﺮﯨﻤﯩﺪﯨﻦ ﻛﯧﻴﯩﻦ ﺋﯧﭽﯩﺸﻘﺎ ﺭﯗﺧﺴﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ. ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺑﯘﻧﺪﺍﻕ ﺑﯩﺮ ﻗﺎﺭﺍﺭ ﭼﯩﻘﺎﺭﻏﺎﻥ ﻳﻪﺭﺩﻩ، ﻛﯩﻤﮕﻪ ﺑﯧﺮﯨﭗ ﺋﻪﺭﺯ ﻗﯩﻠﯩﺪﯗ ﺩﻩﻳﺴﯩﺰ. ﺑﯘ ﺋﯘﻳﻐﯘﺭﻻﺭ ﺑﻪﻛﻼ ﺑﯩﭽﺎﺭﻩ، ﺑﯧﻴﺠﯩﯖﺪﯨﻦ ﻛﯧﺘﯩﺸﺘﯩﻦ ﺑﺎﺷﻘﺎ ﭼﺎﺭﯨﺴﻰ ﻳﻮﻕ. ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺑﯧﻴﺠﯩﯖﺪﺍ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﯩﻨﻰ ﺑﻮﻟﺴﯘﻥ، ﻳﯧﯖﻰ ﻛﻪﻟﮕﯩﻨﻰ ﺑﻮﻟﺴﯘﻥ ﻫﻪﻣﻤﯩﺴﯩﻨﻰ ﺋﻮﺧﺸﺎﺷﻼ ﻗﻮﻏﻼﭖ ﭼﯩﻘﯩﯟﺍﺗﯩﺪﯗ. ﺑﯧﻴﺠﯩﯖﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﯚﻳﯩﮕﻪ ﻣﯧﻬﻤﺎﻥ ﻛﻪﻟﮕﻪﻥ ﺗﻪﻗﺪﯨﺮﺩﯨﻤﯘ، ﺋﺎﻟﺪﻯ ﺑﯩﻠﻪﻥ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺑﯩﻠﺪﯛﺭﯛﺷﻰ ﻛﯧﺮﻩﻙ."

ﺑﯧﻴﺠﯩﯖﺪﯨﻜﻰ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺑﯘﻧﺪﺍﻕ ﺑﯩﺮ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﺘﯩﻜﻰ ﺳﻪﯞﻩﭖ

ﺳﯩﺰﭼﻪ ﺑﯧﻴﺠﯩﯖﺪﯨﻜﻰ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺑﯘﻧﺪﺍﻕ ﺑﯩﺮ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﺘﯩﻜﻰ ﺳﻪﯞﻩﭖ ﻧﯧﻤﻪ، ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﺑﯘ ﺧﺎﻧﯩﻢ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﯨﺴﺖ ﺩﻩﭖ ﺋﻪﻳﯩﺒﻠﻪﯞﺍﺗﯩﺪﯗ. ﺋﯘﻳﻐﯘﺭﻻﺭﻧﻰ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﻰ ﺋﯜﭼﯜﻥ ﺋﻪﯓ ﭼﻮﯓ ﺧﻪﯞﭖ ﺩﻩﭖ ﻗﺎﺭﺍﻳﺪﯗ. ﺷﯘﯕﺎ ﺋﺎﻣﺎﻝ ﺑﺎﺭ ﺋﯘﻳﻐﯘﺭﻻﺭﻧﻰ ﻛﯚﺯﺩﯨﻦ ﻧﯧﺮﻯ ﻗﯩﻠﯩﺸﻘﺎ ﺋﯘﺭﯗﻧﯩﺪﯗ. ﭘﻪﻗﻪﺕ ﺑﯘﻻ ﺋﻪﻣﻪﺱ. ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﺍ ﺧﯩﺰﻣﻪﺕ ﻗﯩﻠﯩﺶ ﺋﯜﭼﯜﻥ ﺋﯘﻧﯩﯟﯦﺮﺳﯩﺘﯧﺖ ﺋﻮﻗﯘﻏﯘﭼﯩﻠﯩﺮﻯ ﺗﺎﻟﻼﻧﺪﻯ. ﺑﯘﻧﯩﯖﺪﺍ ﺩﯗﻧﻴﺎﻧﯩﯔ ﻗﻪﻳﻪﺭﺩﯨﻦ ﻛﻪﻟﮕﻪﻥ ﺗﻪﻧﺘﻪﺭﺑﯩﻴﯩﭽﻰ ﺑﻮﻟﺴﺎ، ﺑﯧﻴﺠﯩﯖﺪﯨﻜﻰ ﺷﯘ ﻣﯩﻠﻠﻪﺕ ﻳﺎﻛﻰ ﺷﯘﻧﯩﯖﻐﺎ ﻳﯧﻘﯩﻦ ﻣﯩﻠﻠﻪﺗﻠﻪﺭﺩﯨﻦ ﺋﻮﻗﯘﻏﯘﭼﯩﻼﺭ ﺗﺎﻟﻼﻧﺪﻯ. ﺋﻪﻣﻤﺎ ﺗﯜﺭﻛﯩﻴﻪ، ﻗﺎﺯﺍﻗﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻧﻐﺎ ﺋﻮﺧﺸﺎﺵ ﺩﯙﻟﻪﺗﻠﻪﺭﺩﯨﻦ ﻛﯧﻠﯩﺪﯨﻐﺎﻥ ﺗﻪﻧﺘﻪﺭﺑﯩﻴﻪﭼﯩﻠﻪﺭ ﺋﯜﭼﯜﻥ ﺑﻮﻟﺴﺎ ﺑﯧﻴﺠﯩﯖﺪﯨﻜﻰ ﻗﺎﺯﺍﻕ، ﻗﯩﺮﻏﯩﺰ، ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺗﺎﻟﻠﯩﻤﯩﺪﻯ. ﺧﯩﺘﺎﻳﻼﺭ، ﺑﯘﻻﺭ ﻫﻪﻣﻤﯩﺴﻰ ﺋﻮﺧﺸﺎﺵ ﻣﯘﺳﯘﻟﻤﺎﻥ ﺗﯜﺭﻙ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺗﯩﻞ ﺑﯩﺮﯨﻜﺘﯜﺭﯨﯟﺍﻟﯩﺪﯗ، ﺩﻩﭖ ﻗﺎﺭﺍﻳﺪﯗ. ﺧﯩﺘﺎﻳﻼﺭ ﺋﻮﻟﯩﻤﭙﯩﻚ ﺋﯜﭼﯜﻥ ﻛﻪﻟﮕﻪﻥ ﺗﻪﻧﺘﻪﺭﺑﯩﻴﯩﭽﯩﻠﻪﺭﮔﯩﻤﯘ ﺋﯩﺸﻪﻧﻤﻪﻳﺪﯗ. ﺋﯚﺯﻟﯩﺮﻯ ﺋﻮﻗﯘﺗﯘﯞﺍﺗﻘﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﻮﻗﯘﻏﯘﭼﯩﻠﯩﺮﯨﻐﯩﻤﯘ ﺋﯩﺸﻪﻧﻤﻪﻳﺪﯗ. ﺋﻪﻫﯟﺍﻝ ﻣﺎﻧﺎ ﻣﯘﺷﯘ ﺩﻩﺭﯨﺠﯩﺪﻩ ﭘﺎﺟﯩﺌﻪﻟﯩﻚ." (ﺋﻪﺭﻛﯩﻦ ﺗﺎﺭﯨﻢ)