ﯞﺍﯓ ﻟﯧﭽﯜﺋﻪﻥ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﯩﯔ ﻣﺎﻫﯩﻴﯩﺘﯩﻨﻰ ﺋﺎﺷﻜﺎﺭﯨﻠﯩﺪﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻥ. AFP Photo

ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻥ، 18 ‏- ﻓﯧﯟﺭﺍﻝ ﻛﯜﻧﻰ ﺧﻮﯕﻜﻮﯕﺪﯨﻜﻰ ﺳﯘﻣﺮﯗﻍ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﭼﯧﻐﯩﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﯩﯔ ﻣﺎﻫﯩﻴﯩﺘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﺋﯘ ﺳﯚﺯﯨﺪﻩ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯩﻠﻠﯩﻲ ﺋﯩﺴﻴﺎﻧﻼﺭﻧﻰ ﺑﯧﺴﯩﻘﺘﯘﺭﯗﺵ ﺋﯜﭼﯜﻥ ﻫﻪﻡ ﻗﺎﺗﺘﯩﻖ، ﻫﻪﻡ ﻳﯘﻣﺸﺎﻕ ﯞﺍﺳﺘﻪ ﻗﻮﻟﻼﻧﻐﺎﻧﻠﯩﻘﯩﻨﻰ، ﻗﻮﻟﻼﻧﻐﺎﻥ ﻳﯘﻣﺸﺎﻕ ﯞﺍﺳﺘﯩﻠﯩﺮﯨﺪﯨﻦ ﺑﯩﺮﯨﻨﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﻰ ﺋﯩﻜﻪﻧﻠﯩﻜﯩﻨﻰ¡ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﯩﯔ ﻣﻪﻗﺴﯩﺘﻰ ﺋﯘﻳﻐﯘﺭﻻﺭﺩﺍ ﺟﯘﯕﺨﯘﺍ ﻣﯩﻠﻠﯩﺘﻰ ﺋﯧﯖﯩﻨﻰ ﻳﯧﺘﯩﻠﺪﯛﺭﯛﺵ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﺍ ﺗﯩﻠﻐﺎ ﺋﺎﻟﻐﺎﻥ.

ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺑﯩﻠﻪﻥ "ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ" ﺗﻪﯓ ﺑﺎﺷﻼﻧﻐﺎﻥ

ﯞﺍﯓ ﻟﯧﭽﯜﺋﻪﻥ 2002 ‏- ﻳﯩﻠﻰ 28 ‏- ﻣﺎﺭﺕ ﻛﯜﻧﻰ ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ ﻣﯘﻧﺪﺍﻕ ﺩﯦﮕﻪﻥ ﺋﯩﺪﻯ: "ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺗﯩﻠﯩﻨﯩﯔ ﺳﯩﻐﯩﻤﭽﺎﻧﻠﯩﻘﻰ ﻧﺎﻫﺎﻳﯩﺘﻰ ﻛﯩﭽﯩﻚ، ﺑﯘ ﺗﯩﻞ ﺑﯩﻠﻪﻥ ﺯﺍﻣﺎﻧﯩﯟﯨﻲ ﭘﻪﻥ-ﺗﯧﺨﻨﯩﻜﯩﻐﺎ ﺋﺎﺋﯩﺖ ﺋﯘﻗﯘﻣﻼﺭﻧﻰ ﺋﯩﭙﺎﺩﯨﻠﯩﮕﯩﻠﻰ ﺑﻮﻟﻤﺎﻳﺪﯗ، ﺷﯘﯕﺎ ﺯﺍﻣﺎﻧﯩﯟﯨﻲ ﭘﻪﻥ-ﺗﯧﺨﻨﯩﻜﺎ ﺑﯘﻳﯩﭽﻪ ﺗﻪﻟﯩﻢ-ﺗﻪﺭﺑﯩﻴﻪ ﺋﯧﻠﯩﭗ ﺑﺎﺭﻏﯩﻠﻰ ﺑﻮﻟﻤﺎﻳﺪﯗ.". ﯞﺍﯓ ﻟﯧﭽﯜﺋﻪﻥ ﺑﯘ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻣﺎﺋﺎﺭﯨﭙﯩﻨﯩﯔ ﺳﯜﭘﯩﺘﯩﻨﻰ ﺋﯚﺳﺘﯜﺭﯛﺵ ﯞﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺯﺍﻣﺎﻧﯩﯟﯨﻲ ﻣﺎﺋﺎﺭﯨﭙﺘﯩﻦ ﺑﻪﻫﺮﯨﻤﺎﻥ ﻗﯩﻠﯩﺶ ﺋﯜﭼﯜﻥ ﺩﻩﭖ ﭼﯜﺷﻪﻧﺪﯛﺭﮔﻪﻥ ﺋﯩﺪﻯ.

ﺗﻪﯕﺮﯨﺘﺎﻍ ﺗﻮﺭﯨﻨﯩﯔ 2005 ‏- ﻳﯩﻠﻰ 7 ‏- ﺩﯦﻜﺎﺑﯩﺮ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺑﯘﻳﯩﭽﻪ ﺋﻮﻗﯘﯞﺍﺗﻘﺎﻥ ﺋﻮﻗﯘﻏﯘﭼﻰ ﺳﺎﻧﻰ 1999 ‏- ﻳﯩﻠﻰ 2629 ﻧﻪﭘﻪﺭ ﺑﻮﻟﻐﺎﻥ، 2004 ‏- ﻳﯩﻠﻰ ﺑﻮﻟﺴﺎ 35948 ﻧﻪﭘﻪﺭﮔﻪ، 2005 ‏-ﻳﯩﻠﻰ ﺑﻮﻟﺴﺎ 145000 ﻧﻪﭘﻪﺭﮔﻪ ﻳﻪﺗﻜﻪﻥ. ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺋﻮﻗﯘﻏﯘﭼﯩﻠﯩﺮﻯ ﺳﺎﻧﯩﻨﯩﯔ ﺗﯧﺰ ﻳﯜﻛﺴﻪﻟﮕﻪﻥ ﯞﺍﻗﺘﻰ، ﯞﺍﯓ ﻟﯧﭽﯜﺋﻪﻧﻨﯩﯔ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺑﺎﺷﻠﯩﻐﺎﻥ ﻳﯩﻠﯩﻐﺎ ﺗﻮﻏﺮﺍ ﻛﯧﻠﯩﺪﯗ.

ﺧﯩﺘﺎﻳﻨﯩﯔ ﺗﯘﻧﺠﻰ ﻗﯧﺘﯩﻢ ﺋﯚﺯ ﺋﯚﻟﻜﯩﻠﯩﺮﯨﺪﯨﻜﻰ 12 ﺷﻪﻫﻪﺭﺩﻩ، ﺷﯩﻨﺠﺎﯓ ﺳﯩﻨﯩﭙﻰ ﺋﺎﭼﻘﺎﻥ ﯞﺍﻗﯩﺖ 1997 ‏-ﻳﯩﻠﻰ ﺑﻮﻟﯘﭖ، ﺑﯘ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﻣﻪﺧﺴﯘﺱ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﺋﯜﭼﯜﻥ 7 ‏-ﻧﻮﻣﯘﺭﻟﯘﻕ ﻫﯚﺟﺠﻪﺕ ﭼﯩﻘﺎﺭﻏﺎﻧﺪﯨﻦ ﺑﯩﺮ ﻳﯩﻞ ﻛﯧﻴﯩﻨﮕﻪ ﺗﻮﻏﺮﺍ ﻛﯧﻠﯩﺪﯗ. ﺑﯘ ﻣﻪﻟﯘﻣﺎﺗﻼﺭ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺋﻮﻣﯘﻣﻼﺷﺘﯘﺭﯗﺵ ﻫﻪﺭﯨﻜﯩﺘﻰ ﺑﯩﻠﻪﻥ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﺎﺗﺎﻟﻤﯩﺶ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻫﻪﺭﯨﻜﻪﺗﻨﯩﯔ ﺗﻪﯓ ﻗﻪﺩﻩﻣﺪﻩ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ.

ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﻰ ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺋﯜﺭﯛﻣﭽﻰ، ﭼﯚﭼﻪﻙ ﯞﻩ ﺗﯘﺭﭘﺎﻧﺪﯨﻦ ﺋﯩﺒﺎﺭﻩﺕ 3 ﺷﻪﻫﻪﺭﺩﻩ ﺳﯩﻨﺎﻕ ﺳﯩﻨﯩﭙﻠﯩﺮﯨﻨﻰ ﺋﺎﭼﻘﺎﻥ ﺑﻮﻟﺴﺎ، ﻧﯚﯞﻩﺗﺘﻪ ﺋﯘﻳﻐﯘﺭ ﻧﻮﭘﯘﺳﻰ ﻣﯘﺗﻠﻪﻕ ﺋﯜﺳﺘﯜﻧﻠﯜﻛﺘﻪ ﺗﯘﺭﯨﺪﯨﻐﺎﻥ ﺟﻪﻧﯘﺑﺘﯩﻜﻰ ﯞﯨﻼﻳﻪﺗﻠﻪﺭﺩﯨﻤﯘ ﺋﯩﺠﺮﺍﺋﺎﺗﻰ ﺑﺎﺷﻼﻧﻐﺎﻥ. ﮔﯘﺋﺎﯕﻤﯩﯔ ﻛﯜﻧﺪﯨﻠﯩﻚ ﮔﯧﺰﯨﺘﯩﻨﯩﯔ 2005 ‏-ﻳﯩﻠﻰ 12 ‏-ﺩﯦﻜﺎﺑﯩﺮ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﻮﺗﻪﻥ ﯞﻩ ﺋﺎﺗﯘﺷﺘﺎ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺋﻮﻣﯘﻣﻼﺷﺘﯘﺭﯗﺷﻨﻰ 2012 ‏-ﻳﯩﻠﻐﯩﭽﻪ ﺗﺎﻣﺎﻣﻼﭖ ﺑﻮﻟﯘﺵ ﭘﯩﻼﻧﻼﻧﻐﺎﻥ. ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺗﯧﺰ ﺋﻮﻣﯘﻣﻼﺷﺘﯘﺭﯗﺵ ﺋﯜﭼﯜﻥ، ﺩﯙﻟﻪﺕ 430 ﻣﯩﻠﻴﻮﻥ ﺧﻪﻟﻖ ﭘﯘﻟﻰ ﺋﺎﺟﺮﺍﺗﻘﺎﻥ.

ﯞﺍﯓ ﻟﯧﭽﯜﺋﻪﻥ: " ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻣﯘﻗﯩﻤﻠﯩﻘﻨﯩﯔ ﻛﺎﭘﺎﻟﯩﺘﻰ"

ﯞﺍﯓ ﻟﯧﭽﯜﻩﻥ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺗﯜﺯﯛﻣﯩﻨﯩﯔ ﺳﯩﻴﺎﺳﯩﻲ ﻏﻪﺭﻩﺯﻟﯩﻚ ﺋﯩﻜﻪﻧﻠﯩﻜﯩﻨﻰ 2005 ‏-ﻳﯩﻠﯩﻤﯘ ﺑﯩﺮ ﻧﯚﯞﻩﺕ ﺋﺎﺷﻜﺎﺭﯨﻠﯩﻐﺎﻥ. ﺷﯘ ﻳﯩﻠﻰ 6‏-ﺋﺎﻳﻨﯩﯔ 24 ‏-ﻛﯜﻧﻰ ﺑﯩﺮ ﺧﯩﺰﻣﻪﺕ ﻳﯩﻐﯩﻨﯩﺪﺍ ﻗﯩﻠﻐﺎﻥ ﺳﯚﺯﯨﺪﻩ، ﺳﯩﻴﺎﺳﻰ ﺋﯩﺪﯨﻴﯩﯟﻯ ﺗﻪﺭﺑﯩﻴﻪ ﺋﯩﭽﻜﯩﺮﯨﺪﯨﻜﻰ ﺷﯩﻨﺠﺎﯓ ﺳﯩﻨﯩﭙﯩﻨﯩﯔ ﺑﺎﺵ ﯞﻩﺯﯨﭙﯩﺴﻰ ﺩﻩﭖ ﻛﯚﺭﺳﻪﺗﻜﻪﻥ ﺑﻮﻟﺴﺎ، 2006 ‏-ﻳﯩﻠﻰ ﺟﻴﺎﯕﺴﯘﺩﺍ ﺋﯧﭽﯩﻠﻐﺎﻥ ﺷﯩﻨﺠﺎﯓ ﺳﯩﻨﯩﭙﻰ ﺳﯚﻫﺒﻪﺕ ﻳﯩﻐﯩﻨﯩﺪﺍ ﻣﯘﻧﺪﺍﻕ ﺩﯦﮕﻪﻥ:"ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ ﺩﯙﻟﻪﺗﻨﯩﯔ ﭘﯜﺗﯜﻧﻠﯜﻛﻰ ﯞﻩ ﺋﺎﻣﺎﻧﻠﯩﻘﯩﻨﻰ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﯧﻠﯩﺸﻨﯩﯔ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﻰ."

ﯞﺍﯓ ﻟﯧﭽﯜﺋﻪﻥ ﺗﻪﺭﯨﭙﻠﻪﯞﺍﺗﻘﺎﻥ ﺑﯘ ﺗﯜﺭ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ، ﻳﺎﻟﻐﯘﺯ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺋﺎﭘﺘﻮﻧﻮﻣﯩﻴﻪ ﻗﺎﻧﯘﻧﻰ ﯞﻩ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺧﻪﻟﻘﺌﺎﺭﺍ ﻗﺎﻧﯘﻧﻼﺭﺩﯨﻜﻰ ﻛﯚﭘﻠﯩﮕﻪﻥ ﻛﯧﻠﯩﺸﯩﻤﻠﻪﺭﮔﯩﻤﯘ ﺧﯩﻼﭖ. ﺧﯩﺘﺎﻳﻨﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﯩﯔ ﻣﺎﻫﯩﻴﯩﺘﯩﻨﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻠﻪﺭﮔﻪ ﭘﺎﺵ ﻗﯩﻠﯩﺶ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺧﯩﺰﻣﻪﺗﻠﯩﺮﯨﺪﯨﻜﻰ ﻣﯘﻫﯩﻢ ﺑﯩﺮ ﻧﯘﻗﺘﺎ. ﺋﻪﻣﻤﺎ، ﯞﺍﯓ ﻟﯧﭽﯜﺋﻪﻥ ﺋﺎﺷﻜﺎﺭﺍ ﺗﯩﻠﻐﺎ ﺋﯧﻠﯩﯟﺍﺗﻘﺎﻥ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﯩﯔ ﻣﺎﻫﯩﻴﯩﺘﯩﻨﻰ ﺭﻩﺋﯩﺲ ﻧﯘﺭ ﺑﻪﻛﺮﻯ ﺩﯗﻧﻴﺎﻏﺎ ﭘﻪﺩﻩﺯﻟﻪﭖ ﻛﯚﺭﺳﻪﺗﻤﻪﻛﺘﻪ. ﺋﯘ ﺋﯚﺗﻜﻪﻥ ﺋﺎﻱ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﺎﺋﺎﺭﯨﭗ ﺳﯜﭘﯩﺘﯩﻨﻰ ﺋﯚﺳﺘﯜﺭﯛﺵ ﺩﻩﭖ ﭼﯜﺷﻪﻧﺪﯛﺭﮔﻪﻥ، ﺋﯘﻳﻐﯘﺭ ﺗﯩﻠﯩﻨﯩﯔ ﻳﻮﻗﯘﻟﯘﺵ ﺧﻪﯞﭘﯩﻨﻰ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﻪﯞﺟﯘﺩﯨﻴﯩﺘﯩﮕﻪ ﺗﻪﻫﺪﯨﺖ ﺋﻪﻣﻪﺱ ﺩﻩﭖ ﻛﯚﺭﺳﻪﺗﻜﻪﻥ.

ﯞﺍﯓ ﻟﯧﭽﯜﻩﻧﻨﯩﯔ ﺳﯘﻣﺮﯗﻍ ﺗﯧﻠﯧﯟﯨﺰﯨﻴﯩﺴﯩﺪﻩ ﻗﯩﻠﻐﺎﻥ "ﺋﯘﻳﻐﯘﺭﻻﺭﻧﻰ ﻛﯩﭽﯩﻜﯩﺪﯨﻦ ﺟﯘﯕﺨﯘﺍ ﻣﯩﻠﻠﯩﺘﻰ ﻗﯩﻠﯩﭗ ﻳﯧﺘﯩﺸﺘﯜﺭﯛﺵ" ﺩﯦﮕﻪﻥ ﺳﯚﺯﻯ، ﺏ ﺏ ﺱ ﺧﻪﯞﻩﺭ ﺗﻮﺭﯨﺪﺍ، ﺋﯘﻳﻐﯘﺭﻻﺭﻧﻰ ﻛﯩﭽﯩﻜﯩﺪﯨﻦ ﺑﺎﺷﻼﭖ ﺧﯩﺘﺎﻳﻼﺷﺘﯘﺭﯗﺵ ﺩﻩﭖ ﺑﯧﺮﯨﻠﺪﻯ. ﺋﻪﻣﻤﺎ ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﺪﺍ ﯞﺍﯓ ﻟﯧﭽﯜﺋﻪﻧﻨﯩﯔ ﺳﯚﺯﯨﻨﯩﯔ ﺑﯘ ﻗﯩﺴﻤﻰ ﭼﯩﻘﯩﺮﯨﯟﯦﺘﯩﻠﮕﻪﻥ. (ﺷﯚﻫﺮﻩﺕ ﻫﻮﺷﯘﺭ)