ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﯟﺍﺗﻘﺎﻥ ﺳﯜﻳﯩﻘﻪﺳﺘﻠﯩﺮﻯ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﻨﯩﯔ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ. ﻣﻪﻧﺒﻪ:www.xjtsnews.com

ﻏﻪﺭﺏ ﻣﻪﺗﺒﯘﺋﺎﺗﯩﺪﺍ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﺑﻪﺯﻯ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﻪﺭﺩﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ، ﺋﻮﻟﯩﻤﭙﯩﻚ 2008‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺭﺷﻰ ﻫﯘﺟﯘﻡ ﭘﯩﻼﻧﻠﯩﻐﺎﻧﻠﯩﻘﯩﻨﻰ ﺷﯘﻧﯩﯖﺪﻩﻙ ﺧﯩﺘﺎﻱ ﻳﻮﻟﯘﭼﯩﻼﺭ ﺋﺎﻳﺮﻭﭘﯩﻼﻧﯩﻨﻰ ﭘﺎﺭﺗﻠﯩﺘﯩﺸﻘﺎ ﺋﯘﺭﯗﻧﻐﺎﻧﻠﯩﻘﯩﻨﻰ ﺩﯗﻧﻴﺎﻏﺎ ﺋﯧﻼﻥ ﻗﯩﻠﯩﺶ ﺋﺎﺭﻗﯩﻠﯩﻖ، ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﯘﻳﻐﯘﺭﻻﺭﻏﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺋﺎﻗﻼﺷﻘﺎ ﺗﯩﺮﯨﺸﻘﺎﻧﻠﯩﻘﻰ، ﻟﯧﻜﯩﻦ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﻪﺭﻧﯩﯔ ﺗﯧﺮﺭﻭﺭﻟﯘﻕ ﻫﯘﺟﯘﻣﻼﺭ ﭘﯩﻼﻧﻠﯩﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﻳﯧﺘﻪﺭﻟﯩﻚ ﺩﻩﻟﯩﻞ - ﺋﯩﺴﭙﺎﺗﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﻐﺎﻧﻠﯩﻘﯩﻨﯩﯔ، ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﺪﻩ ﮔﯘﻣﺎﻥ ﻗﻮﺯﻏﯩﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻤﺎﻗﺘﺎ.

ﺑﯘ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﻪﺭﺩﻩ ﺗﻪﻛﯩﺘﻠﯩﻨﯩﺸﯩﭽﻪ، ﺑﯘﻧﺪﺍﻕ ﺑﯩﺮ ﭘﻪﻳﺘﺘﻪ، ﺗﯩﺒﻪﺗﺘﻪ ﺑﺎﺷﻼﻧﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﻏﺎﻧﻠﯩﻘﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 2008‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﺪﯨﻦ، ﺩﯗﻧﻴﺎﻏﺎ ﺧﯩﺘﺎﻳﻨﻰ ﺋﯩﻨﺎﻕ ﺑﯩﺮ ﺟﻪﻣﺌﯩﻴﻪﺕ ﻗﯩﻠﯩﭗ ﻛﯚﺭﺳﯩﺘﯩﺶ ﯞﻩ ﺋﯚﺯﯨﻨﯩﯔ ﺋﻮﺑﺮﺍﺯﯨﻨﻰ ﺗﯩﻜﻠﻪﺵ ﺋﯜﭼﯜﻥ ﭘﺎﻳﺪﯨﻠﯩﻨﯩﺶ ﺋﺎﺭﺯﯗﺳﯩﻨﻰ ﺑﯩﺖ ‏ - ﭼﯩﺖ ﻗﯩﻠﻐﺎﻥ.

ﻳﻪﻧﻪ ﺑﯩﺮ ﻗﯩﺴﯩﻢ ﻣﯘﻻﻫﯩﺰﯨﭽﯩﻠﻪﺭ، ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﯩﻠﯩﺮﯨﺪﻩ، ﺋﯘﻳﻐﯘﺭ ﯞﻩ ﺗﯩﺒﻪﺕ ﺧﻪﻟﻘﻠﯩﺮﯨﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﺑﺎﺵ ﻛﯚﺗﯜﺭﯛﺷﯩﻨﯩﯔ ﺳﻪﯞﻩﺑﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، ﺑﯘﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﻰ ﺩﻩﭖ ﻛﯚﺭﺳﻪﺗﻤﻪﻛﺘﻪ.

25‏ - ﻣﺎﺭﺕ ﻛﯜﻧﻰ ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ " ﻧﻴﯘ ﺭﯨﭙﺎﺑﻠﯩﻚ" ﻳﻪﻧﻰ ﻳﯧﯖﻰ ﺟﯘﻣﻬﯘﺭﯨﻴﻪﺕ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﯘﻻﻫﯩﺰﯨﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻫﻪﻗﻠﯩﻖ ﻛﯚﺭﺳﯩﺘﯩﺶ ﺋﯜﭼﯜﻥ، ﺋﺎﺗﺎﻟﻤﯩﺶ ﺗﯧﺮﺭﻭﺭﻟﯘﻕ ﺳﯜﻳﻘﻪﺳﺘﯩﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺋﯧﻼﻥ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺟﺎﺷﯩﯟﺍ ﻛﯘﺭﻻﻧﺘﺴﯩﻚ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﯘﻻﻫﯩﺰﯨﺪﻩ ﻣﯘﻧﺪﺍﻕ ﺩﯦﻴﯩﻠﮕﻪﻥ: " ﺑﯘ ﺋﺎﻳﻨﯩﯔ ﺑﺎﺷﻠﯩﺮﯨﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺗﯧﺮﺭﻭﺭﭼﯩﻼﺭﻧﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺭﺷﻰ ﻫﯘﺟﯘﻡ ﭘﯩﻼﻧﻠﯩﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺋﯚﺗﻤﯜﺷﺘﻪ ﺑﯩﺮ ﻧﻪﭼﭽﻪ ﻗﯧﺘﯩﻢ ﻗﺎﻧﻠﯩﻖ ﻫﯘﺟﯘﻣﻼﺭﻏﺎ ﺳﻪﻫﻨﻪ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﺑﯘ ﺋﻪﻟﯟﻩﺗﺘﻪ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﻳﺪﯨﻐﺎﻥ ﺑﺎﻳﺎﻧﺎﺕ ﺋﯩﺪﻯ. ﻫﻪﺗﺘﺎ ﺑﻪﺯﻯ ﺗﻪﻧﻬﻪﺭﯨﻜﻪﺗﭽﯩﻠﻪﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺑﯚﻟﮕﯜﻧﭽﯩﻠﻪﺭﻧﯩﯔ ﻫﯘﺟﯘﻣﯩﻨﯩﯔ ﺋﺎﻟﺪﯨﻨﻰ ﺋﺎﻟﻐﺎﻧﻠﯩﻘﯩﻨﻰ ﺋﺎﯕﻼﭖ، ﺭﺍﻫﻪﺕ ﺑﯩﺮ ﻧﻪﭘﻪﺱ ﺋﺎﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ."

ﻣﯘﻻﻫﯩﺰﯨﺴﯩﺪﻩ، ﯞﺍﯓ ﻟﯧﭽﯜﻩﻧﻨﯩﯔ، ﺋﯘﻳﻐﯘﺭﻻﺭﻧﯩﯔ ﺗﯧﺮﺭﻭﺭﻟﯘﻕ ﭘﯩﻼﻧﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﭘﺎﻛﯩﺖ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ، ﺋﺎﭘﺘﻮﺭ، "ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ، ﺋﺎﺗﺎﻟﻤﯩﺶ ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﺗﯧﺮﺭﻭﺭﻟﯘﻕ ﺳﯜﻳﻘﻪﺳﯩﺘﻰ ﺗﻮﻏﺮﯨﺴﯩﺪﯨﻜﻰ ﺋﻮﻳﯘﻧﯩﺪﺍ ﻏﻪﻟﯩﺒﻪ ﻗﯩﻠﻐﺎﻥ ﺑﻮﻟﺴﺎ، ﺑﯘ ﺧﯩﺘﺎﻳﻐﺎ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﺋﺎﻟﺪﯨﺪﺍ، ﺷﯩﻨﺠﺎﯕﺪﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﺎﻗﻼﺵ ﺋﯜﭼﯜﻥ،ﺗﯧﭙﯩﻠﻤﺎﺱ ﭘﯘﺭﺳﻪﺕ ﻳﺎﺭﯨﺘﯩﭗ ﺑﻪﺭﮔﻪﻥ ﺑﻮﻻﺗﺘﻰ" ﺩﻩﻳﺪﯗ.

ﺗﯩﺒﻪﺗﺘﯩﻜﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﺪﯨﻦ ﻛﯧﻴﯩﻦ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯩﺒﻪﺗﻠﻪﺭﻧﯩﯔ ﺩﯨﻨﯩﻲ ﺩﺍﻫﯩﺴﻰ ﺩﺍﻻﻱ ﻻﻣﺎﻧﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻼﺭ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﯟﺍﺗﯩﺪﯗ، ﺩﻩﭖ ﺋﻪﻳﯩﺒﻠﯩﮕﻪﻧﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ ﺟﺎﺷﯩﯟﺍ ﻛﯘﺭﺍﻟﻨﺘﺴﯩﻚ ﻣﯘﻻﻫﯩﺰﯨﺴﯩﺪﻩ ﻣﯘﻧﺪﺍﻕ ﺩﻩﻳﺪﯗ" ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺩﺍﻻﻱ ﻻﻣﺎ ﻏﺎ ﻗﺎﺭﺍﺗﻘﺎﻥ ﺋﻪﻳﯩﺒﻠﻪﺷﻠﯩﺮﻯ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﺪﯨﻦ، ﺋﺎﺗﺎﻟﻤﯩﺶ ﺩﯛﺷﻤﻪﻧﻠﯩﺮﯨﻨﻰ ﺋﯜﺯﯛﻝ - ﻛﯧﺴﯩﻞ ﺋﯘﺟﯘﻗﺘﯘﺭﯗﺵ ﺋﯜﭼﯜﻥ ﭘﺎﻳﺪﯨﻠﯩﻨﯩﺶ ﻣﻪﻗﺴﯩﺘﯩﺪﻩ ﻳﻮﻟﻐﺎ ﻗﻮﻳﻐﺎﻥ ﻳﯧﯖﻰ ﺗﺎﻛﺘﯩﻜﯩﺴﻰ ﺑﻮﻟﯘﺷﻰ ﻣﯘﻣﻜﯩﻦ.

ﻣﯘﻻﻫﯩﺰﯨﺴﯩﺪﻩ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻘﯩﻨﯩﯔ ﺳﻪﯞﻩﺑﻠﯩﺮﻯ ﺋﯜﺳﺘﯩﺪﯨﻤﯘ ﺗﻮﺧﺘﺎﻟﻐﺎﻥ ﺋﺎﭘﺘﯘﺭ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: " 2000 ‏ - ﻳﯩﻠﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺑﺎﺳﺘﯘﺭﯗﭘﻼ ﻗﺎﻟﻤﺎﺳﺘﯩﻦ، ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﮕﻪ ﻗﺎﺭﺷﻰ ﻛﻪﯓ ﺩﺍﺋﯩﺮﯨﻠﯩﻚ ﻳﻮﻗﯩﺘﯩﺶ ﻫﻪﺭﯨﻜﯩﺘﻰ ﺑﺎﺷﻼﺗﺘﻰ ﺷﯘﻧﯩﯖﺪﻩﻙ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﺷﯩﻨﺠﺎﯕﻐﺎ ﺑﯧﺮﯨﭗ، ﺗﯩﺠﺎﺭﻩﺕ ﺑﺎﺷﻠﯩﺸﻰ ﺋﯜﭼﯜﻥ ﭘﯘﻝ ﻳﺎﺭﺩﯨﻤﻰ ﺑﯧﺮﯨﺸﻜﻪ ﺑﺎﺷﻠﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘﻧﺪﺍﻕ ﺳﯩﻴﺎﺳﻪﺗﻠﯩﺮﯨﮕﻪ ﻗﺎﺭﺷﻰ ﭼﯩﻘﻘﺎﻥ ﺋﯘﻳﻐﯘﺭﻻﺭ ﻧﺎﻫﺎﻳﯩﺘﻰ ﻗﺎﺗﺘﯩﻖ ﺟﺎﺯﺍﻻﻧﺪﻯ. ﻧﻪﺗﯩﺠﯩﺪﻩ ﭘﯜﺗﯜﻥ ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭﻻﺭﺩﺍ ﺑﯩﺮ ﺩﻩﻫﺸﻪﺕ ﯞﻩ ﻗﻮﺭﻗﯘﻧﭻ ﭘﻪﻳﺪﺍ ﺑﻮﻟﺪﻯ."

ﻣﯘﻻﻫﯩﺰﯨﺴﯩﺪﻩ، ﺑﯩﺮﻧﻪﭼﭽﻪ ﻗﯧﺘﯩﻢ ﺋﯘﻳﻐﯘﺭ ﺋﯧﻠﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﺋﺎﭘﺘﯘﺭ، ﺑﯘ ﺯﯨﻴﺎﺭﻩﺗﻠﯩﺮﻯ ﺟﻪﺭﻳﺎﻧﯩﺪﺍ، ﺋﯚﺯﻯ ﺑﯩﻠﻪﻥ ﺳﯚﺯﻟﯩﺸﯩﺪﯨﻐﺎﻥ ﺋﺎﺩﻩﻡ ﺗﯧﭙﯩﺸﺘﺎ ﻗﯩﻴﻨﺎﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

23‏ - ﻣﺎﺭﺕ ﻛﯜﻧﻰ ﺋﻪﻧﮕﻠﯩﻴﯩﺪﻩ ﭼﯩﻘﯩﺪﯨﻐﺎﻥ ﺳﻪﻧﺪﻯ ﺗﺎﻳﻤﯩﺰ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﺋﺎﺳﺎﺳﻠﯩﻖ ﻧﯩﺸﺎﻧﻰ ﺋﯩﺰﺍﻫﻼﻧﻐﺎﻥ.

ﻣﻪﺯﻛﯘﺭ ﮔﯧﺰﯨﺘﯩﻨﯩﯔ ﻳﯩﺮﺍﻕ ﺷﻪﺭﻕ ﺭﺍﻳﻮﻧﯩﺪﯨﻜﻰ ﻣﯘﺧﺒﯩﺮﻯ ﻣﺎﻳﻜﯧﻞ ﺷﻪﺭﯨﺪﺍﻥ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺑﻮﻟﯘﭘﻤﯘ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﯞﺍﯓ ﻟﯩﭽﯜﻩﻥ، ﺟﺎﯓ ﭼﯩﯖﻠﻰ ﯞﻩ ﻟﻰ ﺩﯦﺠﯘ ﻗﺎﺗﺎﺭﻟﯩﻖ ﺋﯜﭺ ﻛﯩﺸﻰ ﺗﻪﺭﯨﭙﯩﺪﯨﻦ ﺑﯧﻜﯩﺘﯩﻠﯩﭗ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ. ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﺳﯩﻴﺎﺳﻪﺗﻨﯩﯔ ﺗﯜﭖ ﻧﯩﺸﺎﻧﻰ، ﻣﻪﺯﻛﯘﺭ ﺭﺍﻳﻮﻧﻼﺭﺩﯨﻜﻰ ﻣﯩﻠﻠﯩﻲ ﻫﻪﺭﯨﻜﻪﺗﻠﻪﺭﻧﻰ ﺑﺎﺳﺘﯘﺭﯗﺵ، ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﻟﻜﯩﻠﯩﺮﯨﺪﯨﻦ ﺑﯘ ﺭﺍﻳﻮﻧﻼﺭﻏﺎ ﻣﯩﻠﻴﻮﻧﻠﯩﻐﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﻳﯚﺗﻜﻪﺵ، ﻳﻪﺭ ﺋﺎﺳﺘﻰ ﯞﻩ ﻳﻪﺭ ﺋﯜﺳﺘﻰ ﺑﺎﻳﻠﯩﻘﻠﯩﺮﯨﻨﻰ ﺧﯩﺘﺎﻱ ﺋﯩﻘﺘﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﯩﺸﻠﯩﺘﯩﺶ، ﺭﺍﻳﻮﻧﺪﯨﻜﻰ ﺧﻪﻟﻘﻠﻪﺭﻧﯩﯔ ﻣﯩﻠﻠﯩﻲ ﻣﻪﺩﻩﻧﯩﻴﯩﺘﯩﻨﻰ ﻳﻮﻗﯩﺘﯩﺶ ﯞﻩ ﺋﯘﻻﺭﻧﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﮕﻪ ﻗﻮﺷﯘﯞﯦﺘﯩﺸﺘﯩﻦ ﺋﯩﺒﺎﺭﻩﺕ ﺋﯩﻜﻪﻥ. (ﺩﺍﯞﺍﻣﻰ ﺑﺎﺭ، ﺋﯚﻣﻪﺭ ﻗﺎﻧﺎﺕ)