ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﯞﺍﯓ ﻟﯧﭽﯜﻩﻧﻨﯩﯔ "ﺋﺎﺷﻨﯩﺪﺍﺭﭼﯩﻠﯩﻖ ﺳﻪﺗﭽﯩﻠﯩﻜﻰ" ﮔﻪ ﭼﯧﺘﯩﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯘﻩﻥ. AFP Photo.

ﯞﺍﯓ ﻟﯧﭽﯜﻩﻧﻨﯩﯔ ﺑﯧﻴﺠﯩﯖﻐﺎ ﻳﯚﺗﻜﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﺗﯘﻧﺠﻰ ﻗﯧﺘﯩﻢ ﺑﯘﻧﯩﯖﺪﯨﻦ 5 ﻳﯩﻞ ﺑﯘﺭﯗﻥ ﻳﻪﻧﻰ ﻛﻮﻣﭙﺎﺭﺗﯩﻴﯩﻨﯩﯔ 16 - ﻗﯘﺭﯗﻟﺘﯩﻴﻰ ﺟﻪﺭﻳﺎﻧﯩﺪﺍ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﺑﻮﻟﯘﭖ، ﺷﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻳﺪﺍ ﯞﺍﯓ ﻟﯧﭽﯜﻩﻥ ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﻟﯩﻘﯩﻐﺎ ﺳﺎﻳﻼﻧﻐﺎﻥ ﺋﯩﺪﻯ. ﺑﯘ ﯞﻩﻗﻪ ﻧﯘﺭﻏﯘﻥ ﻛﯩﺸﯩﻠﻪﺭﺩﻩ "ﯞﺍﯓ ﻟﯧﭽﯜﻩﻥ ﺋﯩﭽﻜﯩﺮﯨﮕﻪ ﻛﯧﺘﯩﺪﯨﻐﺎﻥ ﺑﻮﻟﺪﻯ " ﺩﻩﻳﺪﯨﻐﺎﻥ ﺗﯘﻳﻐﯘ ﭘﻪﻳﺪﺍ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﯞﺍﯓ ﻟﯧﭽﯜﻩﻥ ﺋﯩﭽﻜﯩﺮﯨﮕﻪ ﻛﻪﺗﻤﻪﻳﻼ ﻗﺎﻟﻤﺎﻱ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻟﯩﻘﯩﻐﺎ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻳﯩﻨﻠﻪﻧﮕﻪﻥ ﺋﯩﺪﻯ. ﺋﯘ، ﻫﺎﺯﯨﺮﻏﺎ ﻗﻪﺩﻩﺭ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻟﯩﻘﯩﻨﻰ ﺗﺎﺷﻠﯩﻤﯩﺪﻯ. ﺑﯘ ﻗﯧﺘﯩﻤﻘﻰ 17 - ﻗﯘﺭﯗﻟﺘﺎﻳﺪﺍ ﯞﺍﯓ ﻟﯧﭽﯜﻩﻧﻨﯩﯔ ﺋﻮﺭﻧﯩﺪﺍ ﺋﯚﺯﮔﯩﺮﯨﺶ ﺑﻮﻻﻣﺪﯗ ؟ ﯞﺍﯓ ﻟﯧﭽﯜﻩﻧﻨﯩﯔ " ﺋﺎﺷﻨﯩﺪﺍﺭﭼﯩﻠﯩﻖ ﺳﻪﺗﭽﯩﻠﯩﻜﻰ" ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻣﯘ ؟

ﯞﺍﯓ ﻟﯧﭽﯜﻩﻧﻨﯩﯔ ﺝ ﺥ ﻣﯩﻨﯩﺴﺘﯩﺮﻟﯩﻘﯩﻐﺎ ﺗﻪﻳﯩﻨﻠﯩﻨﯩﺶ ﺋﯧﻬﺘﯩﻤﺎﻟﻰ ﺋﺎﺯﺍﻳﻐﺎﻥ

ﭼﻪﺗﺌﻪﻟﺪﯨﻜﻰ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘ ﻗﯧﺘﯩﻢ ﯞﺍﯓ ﻟﯧﭽﯜﻩﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﯞﻩﺯﯨﭙﯩﺴﯩﻨﻰ ﺋﯚﺗﻜﯜﺯﯛﭖ ﺑﻪﺭﺳﻪ، ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺟﺎﯞ ﻳﯘﯕﻜﺎﯕﻨﯩﯔ ﺋﻮﺭﻧﯩﻐﺎ ﻗﻮﻳﯘﻻﺗﺘﻰ. ﯞﺍﯓ ﻟﯧﭽﯜﻩﻧﻨﯩﯔ ﺋﺎﺋﯩﻠﯩﺴﻰ ﺑﻮﻟﺴﺎ ﻛﯚﭼﯜﺷﻨﯩﯔ ﺗﻪﻳﻴﺎﺭﻟﯩﻘﯩﻨﻰ ﺑﺎﺷﻠﯩﯟﻩﺗﻜﻪﻥ ﺑﻮﻟﯘﭖ، ﺑﯧﻴﺠﯩﯖﺪﺍ ﻳﯧﯖﻰ ﺗﯘﺭﺍﻟﻐﯘ ﺟﺎﻱ ﺳﺎﻟﺪﯗﺭﻣﺎﻗﺘﺎ ﺋﯩﺪﻯ. ﻟﯧﻜﯩﻦ ﺋﺎﻣﯧﺮﯨﻜﯩﺪﺍ ﺗﺎﺭﻗﯩﺘﯩﻠﯩﺪﯨﻐﺎﻥ ﺩﻭﯞﯦﻲ ﺋﺎﺧﺒﺎﺭﺍﺕ ﺗﻮﺭﻯ ﺑﯘ ﻫﻪﻗﺘﯩﻜﻰ ﺑﯩﺮ ﺧﻪﯞﯨﺮﯨﺪﻩ، ﯞﺍﯓ ﻟﯧﭽﯜﻩﻧﻨﯩﯔ ﺑﯧﻴﺠﯩﯖﻐﺎ ﻳﯚﺗﻜﯩﻠﯩﺶ ﺋﯩﺸﯩﺪﺍ ﺋﯚﺯﮔﯩﺮﯨﺶ ﺑﻮﻟﯘﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ، ﭼﯜﻧﻜﻰ ﯞﺍﯓ ﻟﯧﭽﯜﻩﻥ ﺧﯩﺘﺎﻱ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﺟﯩﻦ ﺭﯦﻨﭽﯩﯖﻨﯩﯔ ﻟﻰ ﯞﯦﻲ ﺋﯩﺴﯩﻤﻠﯩﻚ ﺋﻮﻳﻨﯩﺸﻰ ﺑﯩﻠﻪﻥ " ﺋﺎﺷﻨﯩﺪﺍﺭﭼﯩﻠﯩﻖ ﺳﻪﺗﭽﯩﻠﯩﻜﻰ " ﮔﻪ ﭼﯧﺘﯩﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﻳﺎﺯﺩﻯ.

ﺩﯗﯞﯦﻲ ﺋﺎﺧﺒﺎﺭﺍﺕ ﺗﻮﺭﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﮔﻪﺭﭼﻪ ﯞﺍﯓ ﻟﯧﭽﯜﻩﻥ ﺳﻪﻧﺪﯗﯕﺪﯨﻦ 1991 - ﻳﯩﻠﻰ ﺋﺎﻳﺮﯨﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻧﯩﯔ ﻳﯩﻠﺘﯩﺰﻯ ﻳﻪﻧﯩﻼ ﺳﻪﻧﺪﯗﯕﺪﺍ ﺑﻮﻟﯘﭖ، ﺋﯘ ﺳﻪﻧﺪﯗﯕﺪﯨﻜﻰ ﺋﻪﻣﻪﻟﺪﺍﺭﻻﺭ ﻗﺎﺗﻠﯩﻤﻰ ﯞﻩ ﺳﻮﺩﺍ ‏- ﺳﺎﻧﺎﺋﻪﺕ ﺳﺎﻫﻪﺳﻰ ﺑﯩﻠﻪﻥ ﺯﯨﭻ ﺋﺎﻻﻗﯩﺴﯩﻨﻰ ﺳﺎﻗﻼﭖ ﻛﻪﻟﮕﻪﻥ. ﺧﻪﯞﻩﺭﻟﻪﺭﺩﻩ ﺟﯩﻦ ﺭﯦﭽﯩﯖﻨﯩﯔ ﺋﺎﺷﻨﯩﺴﻰ ﻟﻰ ﯞﯦﻴﻨﯩﯔ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻪﺯﺍﺳﻰ ﺩﯗ ﺷﯩﭽﯧﯔ، ﭼﯧﻦ ﺗﻮﯕﺨﻪﻱ ﻗﺎﺗﺎﺭﻟﯩﻘﻼﺭ ﯞﻩ ﺳﻪﻧﺪﯗﯕﺪﺍ ﺧﯩﺰﻣﻪﺕ ﻗﯩﻠﻐﺎﻥ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻛﺎﺩﯨﺮﻻﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 11 ﻧﻪﭘﻪﺭ ﺋﻪﻣﻪﻟﺪﺍﺭ ﺑﯩﻠﻪﻥ "ﺟﯩﻨﺴﯩﻲ ﺳﻪﺗﭽﯩﻠﯩﻚ " ﻛﻪ ﻳﺎﺗﯩﺪﯨﻐﺎﻥ ﺋﺎﻻﻗﯩﺪﻩ ﺑﻮﻟﻐﺎﻧﻠﯩﻘﯩﻨﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﻪﺗﭽﯩﻠﯩﻜﻜﻪ ﭼﯧﺘﯩﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺩﻭﯞﯦﻲ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ، ﺑﯘ ﯞﻩﻗﻪ ﺗﯜﭘﻪﻳﻠﻰ ﯞﺍﯓ ﻟﯧﭽﯜﻩﻧﻨﯩﯔ ﺝ ﺥ ﻣﯩﻨﯩﺴﺘﯩﺮﻟﯩﻘﯩﻐﺎ ﺗﻪﻳﯩﻨﻠﯩﻨﯩﺶ ﺋﯧﻬﺘﯩﻤﺎﻟﻰ ﺋﺎﺯﺍﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﻣﻪﺯﻛﯘﺭ ﺋﺎﺧﺒﺎﺭﺍﺕ ﺋﻮﺭﮔﯩﻨﯩﻨﯩﯔ ﻗﯩﻴﺎﺱ ﻗﯩﻠﯩﺸﯩﭽﻪ، ﺋﻪﮔﻪﺭ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﻪﺗﭽﯩﻠﯩﻜﻜﻪ ﭼﯧﺘﯩﻠﯩﭗ ﻗﯧﻠﯩﺶ ﯞﻩﻗﻪﺳﻰ ﺭﺍﺳﺖ ﺑﻮﻟﺴﺎ، ﺝ ﺥ ﻣﯩﻨﯩﺴﺘﯩﺮﻯ ﺑﯘ ﻗﯧﺘﯩﻢ ﺑﺎﺷﻘﺎ ﺋﯚﻟﻜﯩﻠﻪﺭﻧﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻟﯩﺮﻯ ﺋﯩﭽﯩﺪﯨﻦ ﺗﺎﻟﻠﯩﻨﯩﺸﻰ ﻣﯘﻣﻜﯩﻦ.

ﭼﯩﺮﯨﻜﻠﯩﻜﻨﻰ ﺗﺎﺯﯨﻼﻳﻤﻪﻥ ﺩﯦﺴﻪ ﺧﯘ ﺟﯩﻨﺘﺎﯞﻧﯩﯔ ﻳﯧﻨﯩﺪﺍ ﺋﺎﺩﻩﻡ ﻗﺎﻟﻤﺎﻳﺪﯗ

ﺑﻪﺯﻯ ﺋﺎﻧﺎﻟﯩﺰﭼﯩﻼﺭ، ﺑﯘ ﯞﻩﻗﻪ ﺭﺍﺳﺖ ﺑﻮﻟﯘﭖ ﭼﯩﻘﻘﺎﻥ ﺗﻪﻗﺪﯨﺮﺩﯨﻤﯘ ﺑﯘﻧﯩﯔ ﯞﺍﯓ ﻟﯧﭽﯜﻩﻧﮕﻪ ﭼﻮﯓ ﺗﻪﺳﯩﺮ ﻛﯚﺭﺳﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﺋﺎﻧﺎﻟﯩﺰﭼﻰ ﻟﻴﯘ ﺷﺎﯞﺟﯘﻱ ﺑﯘ ﺗﻮﻏﺮﯨﺴﯩﺪﺍ ﻣﯘﻧﺪﺍﻕ ﺩﻩﻳﺪﯗ، "ﻫﺎﺯﯨﺮ ﺋﻪﻣﻪﻟﯩﻴﻪﺗﺘﻪ ﺑﯘﻧﯩﯖﻐﺎ ﺋﻮﺧﺸﺎﺵ ﯞﻩﻗﻪﻟﻪﺭ ﻛﻮﻣﭙﺎﺭﺗﯩﻴﻪ ﻳﯘﻗﯩﺮﻯ ﻗﺎﺗﻠﯩﻤﯩﺪﯨﻜﯩﻠﻪﺭ ﺋﯜﭼﯜﻥ ﭼﻮﯓ ﺋﯩﺶ ﺋﻪﻣﻪﺱ ﺑﻮﻟﯘﭖ ﻗﺎﻟﺪﻯ. ﺑﯘﺭﯗﻥ ﻣﻪﺗﺒﯘﺋﺎﺕ ﯞﻩ ﺗﻮﺭ ﺑﻪﺗﻠﻪﺭﺩﻩ 5- ﺋﻪﯞﻻﺩ ﻛﺎﺩﯨﺮﻻﺭﻧﯩﯔ ﻫﻮﻗﯘﻗﻨﻰ ﯞﺍﻛﺎﻟﯩﺘﻪﻥ ﺋﯩﮕﯩﻠﯩﯟﺍﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺋﯘﻻﺭﺩﺍ ﭼﯩﺮﯨﻜﻠﯩﻚ ﺋﻪﻫﯟﺍﻟﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻳﺎﺯﺍﺗﺘﻰ. ﺋﻪﻣﻪﻟﯩﻴﻪﺗﺘﻪ ﺧﯘ ﺟﯩﻨﺘﺎﯞﻏﺎ ﺳﺎﺩﯨﻖ ﺑﻮﻟﺴﯩﻼ ﺋﯚﺳﺘﯜﺭﯛﻟﻤﻪﻛﺘﻪ. ﺋﺎﺷﻨﺎ ﺗﯘﺗﯘﺵ، ﺗﯘﺭﻣﯘﺵ ﺋﯩﺴﺘﯩﻠﯩﺪﯨﻜﻰ ﻣﻪﺳﯩﻠﻪ ﭼﯧﺮﯨﻜﻠﯩﻜﻨﯩﯔ ﻛﯩﭽﯩﻚ ﺑﯩﺮ ﻗﯩﺴﯩﻤﯩﺪﯨﻨﻼ ﺋﯩﺒﺎﺭﻩﺕ. ﺋﻪﮔﻪﺭ ﺧﯘ ﺟﯩﻨﺘﺎﯞ ﺑﯘ ﺋﯩﺸﻼﺭﻧﻰ ﺗﻮﺳﺎﻳﻤﻪﻥ ﺩﯦﺴﻪ ﺋﻪﺗﺮﺍﭘﯩﺪﺍ ﺋﺎﺩﻩﻡ ﻗﺎﻟﻤﺎﺳﻠﯩﻘﻰ ﻣﯘﻣﻜﯩﻦ."

ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﺪﻩ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯗ

ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ 20 - ﺋﻪﺳﯩﺮﻧﯩﯔ 50 ‏- ﯞﻩ 60 - ﻳﯩﻠﻠﯩﺮﯨﺪﺍ ﻧﺎﻫﺎﻳﯩﺘﻰ ﻣﯘﻫﯩﻢ ﺋﻮﺭﯗﻥ ﻫﯧﺴﺎﺑﻠﯩﻨﺎﺗﺘﻰ. ﻟﯧﻜﯩﻦ 1977 - ﻳﯩﻠﻰ ﺋﻪﻳﻨﻰ ﺩﻩﯞﺭﻧﯩﯔ ﺝ ﺥ ﻣﯩﻨﯩﺴﺘﯩﺮﻯ ﺧﯘﺍ ﮔﻮﻓﯧﯔ ﻛﻮﻣﭙﺎﺭﺗﯩﻴﻪ ﺭﻩﻫﺒﻪﺭﻟﯩﻚ ﻫﻮﻗﯘﻗﯩﻨﻰ ﺋﯚﺗﻜﯜﺯﯛﯞﯦﻠﯩﭗ، ﺝ ﺥ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺳﯩﻴﺎﺳﯩﻲ ﺑﻴﯘﺭﻭﻏﺎ ﺋﻪﺯﺍ ﺑﻮﻟﯘﺵ ﯞﻩﺯﯨﻴﯩﺘﯩﮕﻪ ﺧﺎﺗﯩﻤﻪ ﺑﯧﺮﯨﻠﮕﻪﻥ. ﻟﯧﻜﯩﻦ ﺑﯘ ﯞﻩﺯﯨﻴﻪﺕ ﻫﺎﺯﯨﺮﻗﻰ ﺝ ﺥ ﻣﯩﻨﯩﺴﺘﯩﺮﻯ ﺟﺎﯞ ﻳﯘﯕﻜﺎﯓ ﺩﻩﯞﺭﯨﺪﻩ ﺋﯚﺯﮔﻪﺭﺩﻯ ﯞﻩ ﺝ ﺥ ﻣﯩﻨﯩﺴﺘﯩﺮﻯ ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﺋﻪﺯﺍﻟﯩﻘﯩﻨﻰ ﺋﯜﺳﺘﯩﮕﻪ ﺋﺎﻟﯩﺪﯨﻐﺎﻥ ﺑﻮﻟﺪﻯ. ﯞﺍﯓ ﻟﯧﭽﯜﻩﻥ، 2002 - ﻳﯩﻠﻰ ﻛﻮﻣﭙﺎﺭﺗﯩﻴﯩﻨﯩﯔ 16 - ﻗﯘﺭﯗﻟﺘﯩﻴﯩﺪﺍ ﻛﻮﻣﭙﺎﺭﺗﯩﻴﻪ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﻟﯩﺮﯨﻐﺎ ﺳﺎﻳﻼﻧﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﻳﻪﻧﯩﻼ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﯞﻩﺯﯨﭙﯩﺴﯩﻨﻰ ﺗﺎﺷﻠﯩﻤﺎﻱ ﻛﻪﻟﻤﻪﻛﺘﻪ ﺋﯩﺪﻯ.

ﻛﯚﺯﻩﺗﻜﯜﭼﯩﻠﻪﺭ ﺋﻪﻳﻨﻰ ﭼﺎﻏﺪﺍ ﺑﯘ ﺋﯘﻳﻐﯘﺭ ﺋﯧﻠﯩﻨﻰ ﺗﯚﻣﯜﺭ ﻣﯘﺷﺖ ﺑﯩﻠﻪﻥ ﺳﻮﺭﺍﯞﺍﺗﻘﺎﻥ ﯞﺍﯓ ﻟﯧﭽﯜﻩﻧﻨﻰ ﺗﻪﻗﺪﯨﺮﻟﻪﺷﻼ ﺋﻪﻣﻪﺱ، ﺑﯘ ﻳﻪﻧﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﯩﺘﻰ ﯞﻩ ﺧﯩﺘﺎﻳﻨﯩﯔ ﺋﺎﺗﺎﻟﻤﯩﺶ ﺧﻪﻟﻘﺌﺎﺭﺍ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﺳﯩﻴﺎﺳﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ، ﺩﻩﭖ ﺗﻪﻛﯩﺘﻠﯩﮕﻪﻥ. ﺋﺎﻣﯧﺮﯨﻜﯩﺪﯨﻜﻰ ﺋﺎﻧﺎﻟﯩﺰﭼﻰ ﻟﻴﯘ ﺷﺎﯞﺟﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﻪﮔﻪﺭ ﯞﺍﯓ ﻟﯧﭽﯜﻩﻥ ﺝ ﺥ ﻣﯩﻨﯩﺴﺘﯩﺮﻟﯩﻘﯩﻐﺎ ﻳﯚﺗﻜﻪﻟﺴﻪ، ﺑﯘ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ ﺩﺍﯞﺍﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻜﻪﻥ.

11 - ﺳﯧﻨﺘﻪﺑﯩﺮ ﯞﻩﻗﻪﺳﻰ ﯞﺍﯓ ﻟﯧﭽﯜﻩﻧﮕﻪ ﭘﯘﺭﺳﻪﺕ ﻳﺎﺭﺍﺗﺘﻰ

ﺑﯘ ﯞﻩﺯﯨﭙﯩﺪﻩ ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﺗﻪﺟﺮﯨﺒﯩﺴﯩﻨﻰ ﻛﯚﺯﺩﻩ ﺗﯘﺗﻘﺎﻥ ﺩﯦﻴﯩﺸﻜﻪ ﺑﻮﻟﯩﺪﯗ، ﺩﻩﭖ ﺗﻪﻛﯩﺘﻠﯩﮕﻪﻥ ﻟﻴﯘ ﺷﺎﯞﺟﯘ، " ﺑﯘ ﻫﻪﻳﺮﺍﻥ ﻗﺎﻻﺭﻟﯩﻖ ﺋﯩﺶ ﺋﻪﻣﻪﺱ. ﭼﯜﻧﻜﻰ ﺋﯘﻻﺭﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺑﺎﺳﺘﯘﺭﯗﺷﺘﺎ ﺑﻮﻟﯘﭘﻤﯘ ﺷﯩﻨﺠﻴﺎﯓ ﯞﻩ ﺷﯩﺰﺍﯕﺪﯨﻜﻰ ﺑﯧﺴﯩﻤﻰ ﻳﯧﻨﯩﻜﻠﻪﭖ ﺑﺎﻗﻤﯩﺪﻯ. ﺋﯘﻧﯩﯔ ﻳﯧﻨﯩﻜﻠﻪﻳﺪﯨﻐﺎﻧﻠﯩﻘﯩﺪﯨﻦ ﺑﯩﺸﺎﺭﻩﺗﻤﯘ ﻳﻮﻕ. ﺷﯘﯕﺎ ﺝ ﺥ ﻣﯩﻨﯩﺴﺘﯩﺮﯨﻨﯩﯔ ﺷﯩﻨﺠﻴﺎﯕﺪﯨﻦ ﭼﯩﻘﯩﺸﻰ ﺋﯘﻻﺭﻧﯩﯔ ﻫﺎﺯﯨﺮﻗﻰ ﺳﯩﻴﺎﺳﯩﺘﯩﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ. ﺋﯘﻻﺭﻧﯩﯔ ﺩﯙﻟﻪﺕ ﻫﺎﻛﯩﻤﯩﻴﻪﺕ ﺋﺎﭘﭙﺎﺭﺍﺗﻠﯩﺮﯨﻨﻰ ﻛﯜﭼﻪﻳﺘﯩﭗ، ﺋﻮﺧﺸﯩﻤﯩﻐﺎﻥ ﭘﯩﻜﯩﺮ ﯞﻩ ﻗﺎﺭﺍﺷﺘﯩﻜﻰ ﻛﯩﺸﯩﻠﻪﺭﮔﻪ ﺩﺍﯞﺍﻣﻠﯩﻖ ﺯﻩﺭﺑﻪ ﺑﯧﺮﯨﺸﻰ ﭼﻮﻗﯘﻡ "ﺩﻩﻳﺪﯗ.

ﺋﺎﻣﯧﺮﯨﻜﯩﻨﯩﯔ 2002 ‏-ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﺷﯩﻨﻰ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ، ﺋﺎﻣﯧﺮﯨﻜﯩﻨﯩﯔ ﻗﺎﺭﺍﺭﻯ ﯞﺍﯓ ﻟﯧﭽﯜﻩﻧﻨﯩﯔ ﻛﻮﻣﭙﺎﺭﺗﯩﻴﻪ ﺋﯩﭽﯩﺪﻩ ﺷﯚﻫﺮﻩﺕ ﻗﺎﺯﯨﻨﯩﭗ، ﺋﯘﻳﻐﯘﺭ ﺋﯧﻠﯩﺪﺍ ﻫﻮﻗﯘﻗﯩﻨﻰ ﻣﯘﺳﺘﻪﻫﻜﻪﻣﻠﻪﺵ، ﺋﯘﻳﻐﯘﺭ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﯩﻨﻰ ﺗﯧﭙﯩﻠﻐﯘﺳﯩﺰ ﭘﯘﺭﺳﻪﺕ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ. ﭼﯜﻧﻜﻰ ﺋﯘ، ﺑﯩﺮ ﻛﯧﭽﯩﺪﯨﻼ ﺋﺎﺗﺎﻟﻤﯩﺶ ﺧﯩﺘﺎﻱ ﯞﻩ ﺧﻪﻟﻘﺌﺎﺭﺍ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﯜﺭﯨﺸﯩﻨﯩﯔ ﺋﺎﻟﺪﯨﻨﻘﻰ ﺳﯧﭙﯩﺪﯨﻜﻰ ﺭﻩﻫﺒﻪﺭﻟﯩﻚ ﺳﺎﻻﻫﯩﻴﯩﺘﯩﮕﻪ ﺋﯧﺮﯨﺸﻜﻪﻥ ﺋﯩﺪﻯ. (ﺋﻪﺭﻛﯩﻦ)