ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﻯ "ﻣﯩﻨﯩﯔ ﻏﻪﺭﺑﯩﻲ ﺩﯨﻴﺎﺭﯨﻢ، ﺳﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﯩﯔ" ﻧﺎﻣﻠﯩﻖ ﻛﯩﺘﺎﺑﻰ ﻫﻪﻗﻘﯩﺪﻩ ﺋﯩﺰﻫﺎﺕ ﺑﻪﺭﺩﻯ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

"ﺑﯘ ﺳﯜﺭﻩﺕ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﯩﺘﺎﻱ ﺳﺎﻟﺪﺍﺗﻠﯩﺮﯨﻨﯩﯔ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﯞﺍﺗﻘﺎﻥ ﻛﯚﺭﯛﻧﯜﺷﻰ، ﺧﯩﺘﺎﻱ ﻳﺎﺯﻏﯘﭼﯩﺴﻰ ﯞﺍﯓ ﻟﯩﺸﻮﯕﻨﯩﯔ "ﻣﯧﻨﯩﯔ ﻏﻪﺭﺑﻰ ﺩﯨﻴﺎﺭﯨﻢ، ﺳﯧﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻧﯩﯔ" ﺩﯦﮕﻪﻥ ﻛﯩﺘﺎﺑﯩﺪﺍ ﺑﯧﺮﯨﻠﮕﻪﻥ ﺑﻮﻟﯘﭖ، ﻳﺎﺯﻏﯘﭼﻰ ﺳﯜﺭﻩﺗﻨﻰ ﺑﯩﺮ ﺋﯘﻳﻐﯘﺭﺩﯨﻦ ﺋﺎﻟﻐﺎﻥ ﺋﯩﻜﻪﻥ. ﺑﯘ ﺳﯜﺭﻩﺗﻨﯩﯔ ﻗﺎﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ ﺗﺎﺭﺗﯩﻠﻐﺎﻧﻠﯩﻘﻰ، ﻛﯩﻤﻨﯩﯔ، ﻗﺎﻳﺴﻰ ﯞﺍﻗﯩﺘﺘﺎ، ﻧﯩﻤﻪ ﺋﺎﺭﻗﺎ ﻛﯚﺭﯛﻧﯜﺷﺘﻪ ﺗﺎﺭﺗﻘﺎﻧﻠﯩﻘﯩﻨﻰ ﺟﻪﺯﯨﻤﻠﻪﺵ ﻗﯩﻴﯩﻦ ﺑﻮﻟﯘﭖ، ﺑﯘﻧﻰ ﭘﻪﻗﻪﺕ، ﺑﯘﺭﯗﻥ ﺷﯩﻨﺠﺎﯕﺪﺍ ﻳﯜﺯ ﺑﻪﺭﮔﻪﻥ ﺑﯩﺮ ﻫﻪﻗﯩﻘﻰ ﺋﻪﻫﯟﺍﻝ ﺩﻩﭖ ﭼﯜﺷﻪﻧﺪﯛﺭﯛﺵ ﻣﯘﻣﻜﯩﻦ." 王力雄："我的西域，你的东土" http://woeser.middle-way.net

ﻳﺎﺯﻏﯘﭼﻰ ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﯨﻨﯩﯔ1999 ‏- ﻳﯩﻠﻰ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺗﻪﺗﻘﯩﻖ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ 'ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﯩﻨﻰ ﺋﻮﻏﺮﯨﻠﯩﻐﺎﻥ' ﺩﯦﮕﻪﻥ ﺟﯩﻨﺎﻳﻰ ﻧﺎﻡ ﺑﯩﻠﻪﻥ ﺷﯩﻨﺠﺎﯓ ﺑﯩﺨﻪﺗﻪﺭﻟﯩﻚ ﻧﺎﺯﺍﺭﯨﺘﻰ ﺗﻪﺭﯨﭙﯩﺪﯨﻦ ﻗﺎﻣﺎﻗﻘﺎ ﺋﯧﻠﯩﻨﻐﺎﻧﻠﯩﻘﻰ ﺗﻪﺳﯟﯨﺮﻟﻪﻧﮕﻪﻥ 'ﺷﯩﻨﺠﺎﯓ ﺧﺎﺗﯩﺮﯨﻠﯩﺮﻯ' ﺩﯦﮕﻪﻥ ﻛﯩﺘﺎﺑﯩﻨﻰ ﺑﯘﻧﯩﯖﺪﯨﻦ ﺑﯘﺭﯗﻥ ﺗﻪﭘﺴﯩﻠﯩﻲ ﺋﺎﯕﻼﺗﻘﺎﻥ ﺋﯩﺪﯗﻕ. ﺷﯘﻧﯩﯖﺪﯨﻦ ﺑﯘﻳﺎﻥ ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﯨﻨﯩﯔ ﺗﻪﺗﻘﯩﻘﺎﺗﻰ ﯞﻩ ﻫﯧﻜﺎﻳﯩﻠﯩﺮﻯ ﺋﯘﻳﻐﯘﺭﻻﺭﻏﺎ ﺗﻮﻧﯘﺵ. ﺋﻪﻣﺪﻯ 9 ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، 2007 ‏- ﻳﯩﻠﻰ 10 ‏- ﺋﺎﻳﺪﺍ، ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﯨﻨﯩﯔ "ﻣﯧﻨﯩﯔ ﻏﻪﺭﺑﯩﻲ ﺩﯨﻴﺎﺭﯨﻢ ‏- ﺳﯧﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﯩﯔ" ﻧﺎﻣﻠﯩﻖ ﻳﻪﻧﻪ ﺑﯩﺮ ﻛﯩﺘﺎﺑﻰ ﺗﻪﻳﯟﻩﻧﺪﻩ ﻧﻪﺷﺮ ﻗﯩﻠﯩﻨﺪﻯ. ﻫﺎﺯﯨﺮ ﺑﯘ ﻛﯩﺘﺎﺑﺘﯩﻜﻰ ﺑﯩﺮ ﭘﺎﺭﭼﻪ ﻓﻮﺗﻮ ﺳﯜﺭﻩﺕ ﻛﯩﺘﺎﺑﻨﯩﯔ ﺋﯚﺯﯨﺪﯨﻨﻤﯘ ﻛﯜﭼﻠﯜﻙ ﺋﯩﻨﻜﺎﺱ ﻗﻮﺯﻏﯩﻤﺎﻗﺘﺎ.

ﺑﯜﮔﯜﻥ ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﻯ ﺋﯚﺯﻯ ﻣﻪﺯﻛﯘﺭ ﻛﯩﺘﺎﺑﻰ ﻫﻪﻗﻘﯩﺪﻩ ﺋﯩﺰﺍﻫﺎﺕ ﺑﻪﺭﺩﻯ.

"ﺑﯘ ﻛﯩﺘﺎﺑﯩﻢ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺋﯘﻳﻐﯘﺭﻻﺭﻧﯩﯔ ﻛﯚﯕﻠﯩﺪﯨﻜﻰ ﮔﯧﭙﻰ ﺑﯩﻠﻪﻥ ﺑﺎﻳﺎﻥ ﻗﯩﻠﯩﺪﯨﻐﺎﻥ ﻛﯩﺘﺎﺑﻘﺎ ﺋﺎﻳﻼﻧﺪﻯ"

ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﯘﻧﯩﯔ ﺑﯘ ﻛﯩﺘﺎﺑﻰ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺋﯘﻳﻐﯘﺭﻻﺭﻧﯩﯔ ﻛﯚﯕﻠﯩﺪﯨﻜﻰ ﮔﯧﭙﻰ ﺑﯩﻠﻪﻥ ﺑﺎﻳﺎﻥ ﻗﯩﻠﯩﺪﯨﻐﺎﻥ ﺷﻪﻛﯩﻞ ﺑﯩﻠﻪﻥ ﻳﯧﺰﯨﻠﻐﺎﻥ.

ﻣﻪﻥ 1999 ‏- ﻳﯩﻠﻰ ﺗﻪﺗﻘﯩﻘﺎﺕ ﺋﯜﭼﯜﻥ ﺷﯩﻨﺠﺎﯕﻐﺎ ﺑﯧﺮﯨﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﺩﯨﻢ،‏-‏ ﺩﻩﻳﺪﯗ ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﻯ ﻛﯩﺘﺎﺑﻰ ﺗﻮﻏﺮﯨﺴﯩﺪﺍ ﺑﻪﺭﮔﻪﻥ ﺋﯩﺰﺍﻫﺎﺗﯩﺪﺍ، ‏-‏ ﺷﯘ ﯞﺍﻗﯩﺘﺘﯩﻼ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺗﻪﺗﻘﯩﻖ ﻗﯩﻠﯩﺸﻘﺎ ﺗﻪﻳﻴﺎﺭﻟﯩﻖ ﻗﯩﻠﻐﺎﻥ ﺋﯩﺪﯨﻢ. ﺋﻪﻣﻤﺎ ﺗﻪﺗﻘﯩﻘﺎﺕ ﺋﯜﭼﯜﻥ ﺗﻪﻛﺸﯜﺭﯛﺵ-ﺋﯩﺰﺩﯨﻨﯩﺶ ﺟﻪﺭﻳﺎﻧﯩﺪﺍ، ﻛﯜﺗﯜﻟﻤﯩﮕﻪﻥ ﻫﺎﻟﺪﺍ، ﺷﯩﻨﺠﺎﯓ ﺩﺍﺋﯩﺮﯨﻠﯩﺮﻯ ﻣﯩﻨﻰ ﺩﯙﻟﻪﺕ 'ﻣﻪﺧﭙﯩﻴﻪﺗﻠﯩﻜﯩﻨﻰ ﺋﻮﻏﺮﯨﻼﺵ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺗﯜﺭﻣﯩﮕﻪ ﺳﻮﻻﭖ ﻗﻮﻳﺪﻯ.

ﺷﯘﻧﯩﯔ ﺑﯩﻠﻪﻥ ﻣﯧﻨﯩﯔ ﺗﻪﺗﻘﯩﻘﺎﺗﯩﻢ ﺋﯚﻛﺴﯜﭖ ﻗﺎﻟﺪﻯ. ﺋﻪﻣﻤﺎ ﺑﯘ ﯞﻩﻗﻪ ﻣﻪﻧﺪﻩ ﺑﺎﺷﻘﺎ ﺑﯩﺮﺧﯩﻞ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﺪﻯ. ﺷﯩﻨﺠﺎﯓ ﻣﻪﺳﯩﻠﯩﺴﯩﺪﻩ، ﻣﻪﻧﺪﻩ ﺋﯚﺯﮔﯩﭽﻪ ﻛﯚﺯﯨﺘﯩﺶ ﻧﻮﻗﺘﯩﺴﻰ، ﻳﯧﯖﻰ ﭘﯩﻜﯩﺮ ﭘﻪﻳﺪﺍ ﺑﻮﻟﺪﻯ. ﺩﯦﻤﻪﻙ، ﻣﯧﻨﯩﯔ ﺷﯘ ﯞﺍﻗﯩﺘﺘﯩﻦ ﺗﺎﺭﺗﯩﭗ ﻳﯧﺰﯨﺸﻘﺎ ﻛﯩﺮﯨﺸﻜﻪﻥ ﺑﯘ ﻛﯩﺘﺎﺑﯩﻢ، ﺑﯘﺭﯗﻧﻘﻰ ﺗﻪﺳﻪﯞﯞﯗﺭ ﺑﯩﻠﻪﻥ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯨﻐﺎﻥ ﺋﯘﺳﻠﯘﺑﺘﺎ ﭘﯜﺗﺘﻰ. ﺩﻩﺳﻠﻪﭘﺘﻪ ﺷﯩﻨﺠﺎﯕﻨﻰ ﺳﯩﺮﺗﺘﯩﻦ ﺗﯘﺭﯗﭖ ﻛﯚﺯﯨﺘﯩﺸﻜﻪ ﺑﺎﺷﻠﯩﻐﺎﻥ ﺑﻮﻟﺴﺎﻡ ، ﺷﯘ ﻗﯧﺘﯩﻤﻘﻰ ﯞﻩﻗﻪﺩﯨﻦ ﻛﯧﻴﯩﻦ، ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺋﯘﻳﻐﯘﺭﻻﺭ ﻳﯜﺯﻟﻪﻧﮕﻪﻥ ﺋﻪﻫﯟﺍﻟﺪﯨﻜﻰ ﻫﯧﺴﺴﯩﻴﺎﺕ ﺑﯩﻠﻪﻥ، ﺋﯘﻳﻐﯘﺭﻻﺭﻧﯩﯔ ﺋﯚﺯﯨﻨﯩﯔ ﻫﯧﺴﺴﯩﻴﺎﺗﻰ ﯞﻩ ﺋﯧﻬﺘﯩﻴﺎﺟﯩﻐﺎ ﺋﺎﺳﺎﺳﻪﻥ ﻛﯚﺯﯨﺘﯩﺪﯨﻐﺎﻥ ﯞﻩ ﭘﯩﻜﯩﺮ ﻗﯩﻠﯩﺪﯨﻐﺎﻥ ﺑﻮﻟﺪﯗﻡ. ﻧﻪﺗﯩﺠﯩﺪﻩ ﻣﯩﻨﯩﯔ ﺑﯘ ﻛﯩﺘﺎﺑﯩﻢ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﻰ ﺋﯩﻤﻜﺎﻥ ﻗﻪﺩﻩﺭ ﺋﯘﻳﻐﯘﺭﻻﺭﻧﯩﯔ ﻛﯚﯕﻠﯩﺪﯨﻜﻰ ﮔﯧﭙﻰ ﺑﯩﻠﻪﻥ ﺑﺎﻳﺎﻥ ﻗﯩﻠﯩﺪﯨﻐﺎﻥ ﻛﯩﺘﺎﺑﻘﺎ ﺋﺎﻳﻼﻧﺪﻯ.

"ﺑﯘ ﻛﯩﺘﺎﺑﺘﯩﻜﻰ ﺑﯩﺮ ﻓﻮﺗﻮ ﺳﯜﺭﻩﺕ ﺭﺍﺳﺘﯩﻨﻼ ﻳﯜﺯ ﺑﻪﺭﮔﻪﻥ ﺑﯩﺮ ﯞﻩﻗﻪﻧﯩﯔ ﻛﯚﺭﯛﻧﯩﺸﻰ"

ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﯨﻨﯩﯔ ﺑﯘ ﻛﯩﺘﺎﺑﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﭘﺎﺭﭼﻪ ﻓﻮﺗﻮ ﺳﯜﺭﻩﺕ ﺑﺎﺭ. ﺑﯘ ﺳﯜﺭﻩﺗﻨﻰ ﻫﺎﺯﯨﺮ ﻛﯚﺭﯛﯞﺍﺗﻘﺎﻥ ﺋﺎﺩﻩﻡ ﻧﺎﻫﺎﻳﯩﺘﻰ ﻛﯚﭖ، ﻛﯩﺸﯩﻠﻪﺭ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺑﯘ ﺳﯜﺭﻩﺗﻨﻰ ﺑﯩﺮ-ﺑﯩﺮﯨﮕﻪ ﺋﻪﯞﻩﺗﯩﭗ ﺑﯧﺮﯨﺸﯩﯟﺍﺗﯩﺪﯗ. ﺑﯘ ﺳﯜﺭﻩﺗﺘﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﻣﻪﻟﯘﻡ ﺑﯩﺮ ﻳﯧﺮﯨﺪﻩ ﺳﺎﻗﭽﯩﻼﺭ ﺑﯩﻠﻪﻥ ﺋﺎﺯﺍﺩﻟﯩﻖ ﺋﺎﺭﻣﯩﻴﻪ ﺑﯩﺮﻟﯩﻜﺘﻪ ﺑﯩﺮ ﺗﯜﺭﻛﯜﻡ ﺋﯘﻳﻐﯘﺭﻻﺭﻧﻰ ﻗﻮﺭﺷﯩﯟﯦﻠﯩﭗ، ﺋﯘﻻﺭﻧﻰ ﻳﯜﻛﯜﻧﺪﯛﺭﯛﭖ ﺋﻮﻟﺘﯘﺭﻏﯘﺯﯗﭖ ﻗﻮﻳﯘﭖ، ﺯﻭﺭﻟﯘﻕ -ﺯﯗﻣﺒﯩﻠﯩﻖ ﻗﯩﻠﯩﯟﺍﺗﻘﺎﻥ ﺋﯧﭽﯩﻨﯩﺸﻠﯩﻖ ﻛﯚﺭﯨﻨﯩﺶ ﺑﺎﺭ. ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﻯ ﺑﯘﻫﻪﻗﺘﻪ ﺋﯩﺰﺍﻫﺎﺕ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ:

ﻣﻪﻥ ﺑﯘ ﻓﻮﺗﻮ ﺳﯜﺭﻩﺗﻨﻰ ﻣﺎﯕﺎ ﻛﯩﻢ ﺑﻪﺭﮔﻪﻧﻠﯩﻜﯩﻨﻰ ﺋﯧﻴﺘﻤﺎﻳﻤﻪﻥ، ، ﻣﻪﻥ ﺋﯘ ﻛﯩﺸﯩﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﯨﺸﯩﻢ ﻻﺯﯨﻢ. ﺋﻪﻳﻨﻰ ﯞﺍﻗﯩﺘﺘﺎ، ﻣﺎﯕﺎ ﺑﯘ ﻓﻮﺗﻮ ﺳﯜﺭﻩﺗﻨﻰ ﺑﻪﺭﮔﻪﻥ ﺋﺎﺩﻩﻡ ﺋﯚﺯﯨﻤﯘ ﺑﯘﻧﯩﯖﺪﯨﻜﻰ ﻛﯚﺭﯨﻨﯩﺸﻨﯩﯔ ﻗﺎﭼﺎﻥ ﻳﯜﺯ ﺑﻪﺭﮔﻪﻥ ﯞﻩ ﻗﺎﻧﺪﺍﻕ ﯞﻩﻗﻪ ﺋﯩﻜﻪﻧﻠﯩﻜﯩﻨﻰ ﺋﯧﻨﯩﻖ ﺋﯧﻴﺘﯩﭗ ﺑﻪﺭﻣﯩﮕﻪﻥ. ﺋﻪﻣﻤﺎ 80 ‏- 90 ‏- ﻳﯩﻠﻼﺭﺩﺍ ﻳﯜﺯ ﺑﻪﺭﮔﻪﻥ ﺑﯩﺮ ﯞﻩﻗﻪ ﺋﯩﻜﻪﻧﻠﯩﻜﯩﻨﻰ ﺋﯧﻨﯩﻖ ﭘﻪﺭﻩﺯ ﻗﯩﻠﯩﺶ ﻣﯘﻣﻜﯩﻦ، ﺷﯘﻧﻰ ﺋﯧﻴﺘﺎﻻﻳﻤﻪﻧﻜﻰ، ﺑﯘ ﻫﻪﻗﯩﻘﯩﻲ ﻳﯜﺯ ﺑﻪﺭﮔﻪﻥ ﺑﯩﺮ ﯞﻩﻗﻪﻧﯩﯔ ﻛﯚﺭﯛﻧﯩﺸﻰ. ﻣﯘﺷﯘ ﻛﯚﺭﯨﻨﯩﺸﻨﯩﯔ ﺋﯚﺯﻯ ﺑﯩﺰﮔﻪ ﻛﯚﭖ ﻣﻪﺳﯩﻠﯩﺴﻨﻰ ﭼﯜﺷﻪﻧﺪﯛﺭﯛﭖ ﺑﯧﺮﻩﻟﻪﻳﺪﯗ.

"ﻣﻪﻥ ﺋﯚﺯﻩﻡ 'ﺑﯩﺰﻧﯩﯔ ﻏﻪﺭﺑﯩﻲ ﺩﯨﻴﺎﺭﯨﻤﯩﺰ' ﻻ ﺋﻪﻣﻪﺱ ﻫﻪﻡ ﺋﯘﻳﻐﯘﺭﻻﺭﻧﯩﯔ ' ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻰ' ﺋﯩﻜﻪﻥ ﺩﻩﭖ ﭼﯜﺷﯩﻨﯩﺪﯨﻐﺎﻥ ﺑﻮﻟﺪﯗﻡ"

ﯞﺍﯓ ﺋﻪﭘﻪﻧﺪﻯ ﺑﯘ ﻛﯩﺘﺎﺑﻰ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﻪﺷﻜﻪ ﺗﯩﺮﯨﺸﻘﺎﻥ ﺋﺎﺭﺯﯗﻳﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﻣﯧﻨﯩﯔ ﺑﯘ ﻛﯩﺘﺎﺑﯩﻢ ﻣﻪﻧﺪﻩﻙ ﺑﯩﺮ ﺧﻪﻧﺰﯗﻧﯩﯔ ﻧﻪﺯﯨﺮﻯ ﺑﯩﻠﻪﻥ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﭗ ﻳﯧﺰﯨﻠﻐﺎﻥ. ﺋﻪﻣﻤﺎ ﻫﯧﭽﺒﻮﻟﻤﯩﻐﺎﻧﺪﺍ، ﻣﻪﻥ ﺋﯘﻳﻐﯘﺭﻻﺭﻧﯩﯔ ﻛﯚﯕﻠﯩﺪﯨﻜﻰ ﻣﻪﺳﯩﻠﯩﻨﻰ ﺑﺎﻳﺎﻥ ﻗﯩﻠﯩﺸﻘﺎ ﺗﯩﺮﯨﺸﺘﯩﻢ. 'ﺷﯩﻨﺠﺎﯓ ﻣﻪﺳﯩﻠﯩﺴﻰ' ﺩﯦﮕﻪﻥ ﺑﯩﺮ ﺋﻮﺭﺗﺎﻕ ﻣﻪﺳﯩﻠﯩﻨﻰ ﻫﻪﻣﻤﻪ ﻛﯩﺘﺎﺑﺨﺎﻧﻠﯩﺮﯨﻤﻨﯩﯔ ﺋﺎﻟﺪﯨﻐﺎ ﻗﻮﻳﺪﯗﻡ، ﺷﯩﻨﺠﺎﯓ ﻣﻪﺳﯩﻠﯩﺴﻰ، ﺋﯧﺘﯩﺮﺍﭖ ﻗﯩﻼﻣﺴﻪﻥ- ﻗﯩﻠﻤﺎﻣﺴﻪﻥ، ﺋﯘ ﺑﯩﺮ ﺭﯨﺌﺎﻝ ﻣﻪﺳﯩﻠﻪ. ﺑﯘ ﻣﻪﺳﯩﻠﻪ ﺑﯩﺮ ﺗﻪﺭﻩﭘﻨﯩﯖﻼ ﻣﻪﺳﯩﻠﯩﺴﻰ ﺋﻪﻣﻪﺱ.

ﺧﻪﻧﺰﯗﻻﺭ ﻳﺎﻛﻰ ﺋﯘﻳﻐﯘﺭﻻﺭ ﺋﯚﺯﻯ ﻫﻪﻝ ﻗﯩﻠﯩﯟﺍﻟﯩﺪﯨﻐﺎﻥ ﻣﻪﺳﯩﻠﯩﻤﯘ ﺋﻪﻣﻪﺱ، ﺋﯩﻜﻜﻰ ﺗﻪﺭﻩﭖ ﺑﯩﺮﻟﯩﻜﺘﻪ ﺗﯘﺭﯗﭖ ﻫﻪﻝ ﻗﯩﻠﯩﺪﯨﻐﺎﻥ ﻣﻪﺳﯩﻠﻪ. ﺷﯘﯕﻼﺷﻘﺎ ﻣﻪﻥ ﺑﯘ ﻛﯩﺘﺎﺑﻨﯩﯔ ﻧﺎﻣﯩﻨﻰ "ﻣﯧﻨﯩﯔ ﻏﻪﺭﺑﯩﻲ ﺩﯨﻴﺎﺭﯨﻢ ‏- ﺳﯧﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﯩﯔ" ﺩﻩﭖ ﻗﻮﻳﺪﯗﻡ. ﭼﯜﻧﻜﻰ ﻣﻪﻥ ﻫﺎﺯﯨﺮ ﺋﯘﺯﯗﻥ ﺗﺎﺭﯨﺨﯩﻲ ﺯﺍﻣﺎﻧﻼﺭﺩﯨﻦ ﺑﯘﻳﺎﻥ ﺧﻪﻧﺰﯗﻻﺭ 'ﺑﯩﺰﻧﯩﯔ ﻏﻪﺭﺑﯩﻲ ﺩﯨﻴﺎﺭﯨﻤﯩﺰ' ﺩﻩﭖ ﻗﺎﺭﺍﻳﺪﯨﻐﺎﻥ ﺑﯘ ﺟﺎﻳﻨﻰ، ﺋﯘﻳﻐﯘﺭﻻﺭ ﯞﻩ ﺑﺎﺷﻘﺎ ﻳﻪﺭﻟﯩﻚ ﻣﯩﻠﻠﻪﺗﻠﻪﺭ 'ﺑﯩﺰﻧﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻧﯩﻤﯩﺰ' ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯨﻢ. ﻣﻪﻥ ﺋﯚﺯﻩﻡ ﺑﯘ ﺟﺎﻱ 'ﺑﯩﺰﻧﯩﯔ ﻏﻪﺭﺑﯩﻲ ﺩﯨﻴﺎﺭﯨﻤﯩﺰ' ﻻ ﺋﻪﻣﻪﺱ ﻫﻪﻡ ﺋﯘﻳﻐﯘﺭﻻﺭﻧﯩﯔ ' ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻰ' ﺋﯩﻜﻪﻥ ﺩﻩﭖ ﭼﯜﺷﯩﻨﯩﺪﯨﻐﺎﻥ ﺑﻮﻟﺪﯗﻡ ، ﺷﯘﻧﺪﺍﻗﻼ ﺑﯘ ﻛﯩﺘﺎﺑﯩﻢ ﺋﺎﺭﻗﯩﻠﯩﻖ ﺑﯘ ﻣﻪﺳﯩﻠﯩﻨﻰ ﺋﯩﻜﻜﻰ ﺗﻪﺭﻩﭖ ﺑﯩﺮﻟﯩﻜﺘﻪ ﺋﻮﻟﺘﯘﺭﯗﭖ ﻫﻪﻝ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯨﻜﻪﻥ ﺩﯦﮕﻪﻥ ﻛﯚﺯ ﻗﺎﺭﺍﺷﻨﻰ ﺑﺎﻳﺎﻥ ﻗﯩﻠﺪﯨﻢ. (ﯞﻩﻟﻰ)