ﯞﺍﯓ ﻟﯧﭽﯜﻩﻧﻨﯩﯔ ﺳﯚﺯﻟﯩﺮﻯ ﺋﯘﻳﻐﯘﺭﻻﺭﻧﯩﯔ ﺋﺎﭘﺘﻮﻧﻮﻣﯩﻴﯩﺪﯨﻦ ﺑﻪﻫﺮﯨﻤﺎﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻨﻜﺎﺭ ﻗﯩﻠﯩﺪﯗ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

"ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﻰ" ﻧﯩﯔ ﺑﯩﺮ ﺗﯧﻤﯩﻐﺎ ﺋﯧﺴﯩﻠﻐﺎﻥ ﺗﻪﺷﯟﯨﻘﺎﺕ ﺗﺎﺧﺘﯩﺴﻰ. ﺋﯜﺳﺘﯩﺪﯨﻜﻰ ﻗﯘﺭﺩﺍ "ﺩﯙﻟﻪﺕ ﺑﺎﻳﺮﯨﻘﯩﻨﻰ ﺳﯚﻳﯜﭖ، ﺩﯙﻟﻪﺕ ﺷﯧﺌﯩﺮﯨﻨﻰ ﺋﻮﻗﯘﭖ، ﭘﯘﺗﯘﻧﻐﯘﺋﺎﺩﺍ ﺳﯚﺯﻟﯩﺸﻪﻳﻠﻰ" ﺩﯦﮕﻪﻥ ﺳﯚﺯﻟﻪﺭ، ﺋﺎﺳﺘﯩﺪﯨﻜﻰ ﻗﯘﺭﺩﺍ "ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺗﯩﻞ – ﻳﯧﺰﯨﻖ ﺧﯩﺰﻣﯩﺘﻰ ﻛﻮﻣﯩﺘﯧﺘﻰ ﻧﺎﺯﺍﺭﻩﺗﭽﯩﻠﯩﻜﯩﺪﻩ ﻳﺎﺳﺎﻟﺪﻯ" ﺩﯦﮕﻪﻥ ﺳﯚﺯﻟﻪﺭ ﻳﯧﺰﯨﻠﻐﺎﻥ.

ﺗﯧﺨﻰ ﺑﯘﻧﺪﯨﻦ ﺋﯩﻜﻜﻰ ﻛﯜﻥ ﺋﯩﻠﮕﯩﺮﻯ، ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﭘﺎﺭﺗﻜﻮﻡ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻥ ﺋﯜﺭﯛﻣﭽﯩﺪﻩ ﺋﯧﭽﯩﻠﻐﺎﻥ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﻣﻪﺯﻛﯘﺭ ﺭﺍﻳﻮﻧﺪﯨﻜﻰ ﺧﯩﺘﺎﻱ ﺋﻪﻣﻪﺱ ﻣﯩﻠﻠﻪﺗﻠﻪﺭﻧﯩﯔ ﺋﯩﺸﺴﯩﺰﻟﯩﻖ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، "ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺧﯩﺰﻣﻪﺕ ﺗﯧﭙﯩﺸﯩﻨﯩﯔ ﺗﻪﺱ ﺑﻮﻟﯘﺷﯩﻐﺎ ﺋﯘﻻﺭﻧﯩﯔ ﺧﯩﺘﺎﻱ ﺗﯩﻠﯩﻨﻰ ﻳﺎﺧﺸﻰ ﺑﯩﻠﻤﯩﮕﻪﻧﻠﯩﻜﻰ ﺳﻪﯞﻩﺏ ﺑﻮﻟﻤﺎﻗﺘﺎ، ﺷﯘﯕﺎ ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﺟﯩﺪﺩﯨﻲ ﻣﻪﺳﯩﻠﻪ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﭘﻪﺭﺯﻩﻧﺘﻠﯩﺮﯨﻨﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻜﻪ ﻛﯩﺮﯨﺸﺘﯩﻦ ﺑﯘﺭﯗﻧﻼ ﺧﯩﺘﺎﻱ ﺗﯩﻠﯩﺪﺍ ﺗﻪﺭﺑﯩﻴﯩﻠﻪﺵ ﻣﻪﺳﯩﻠﯩﺴﯩﺪﯗﺭ. ﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺋﻪﻣﮕﻪﻙ ﻛﯜﭼﻰ ﺳﺎﭘﺎﺳﯩﻨﻰ ﻳﺎﺧﺸﯩﻠﯩﻐﯩﻠﻰ ﺑﻮﻟﯩﺪﯗ" ﺩﻩﭖ ﻛﯚﺭﺳﻪﺗﻜﻪﻥ.

10 ‏- ﺋﺎﻳﻨﯩﯔ 19 ‏- ﻛﯜﻧﻰ ﺋﯜﺭﯛﻣﭽﯩﺪﻩ ﺋﯧﭽﯩﻠﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ 7 ‏- ﻗﯧﺘﯩﻤﻠﯩﻖ ﻛﻮﻣﭙﺎﺭﺗﯩﻴﻪ ﯞﻩﻛﯩﻠﻠﻪﺭ ﻳﯩﻐﯩﻨﯩﺪﺍ، ﺋﯘ ﻳﻪﻧﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﺟﯩﺪﺩﯨﻲ ﻣﻪﺳﯩﻠﯩﻠﻪﺭﻧﯩﯔ ﻳﻪﻧﻪ ﺑﯩﺮﻯ، ﺋﯜﭺ ﺧﯩﻞ ﻛﯜﭼﻜﻪ ﺯﻩﺭﺑﻪ ﺑﯧﺮﯨﺶ ﺩﻩﭖ ﺗﻪﻛﯩﺘﻠﻪﭖ، "ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﭖ ﺗﯘﺭﯗﺷﺘﯩﻜﻰ ﺋﻪﯓ ﺋﺎﺳﺎﺳﻠﯩﻖ ﯞﻩﺯﯨﭙﯩﻤﯩﺰ ‘ﺋﯜﭺ ﺧﯩﻞ ﻛﯜﭺ’ ﻛﻪ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﯩﻨﻰ ﺋﯩﺰﭼﯩﻞ ﻫﺎﻟﺪﺍ ﺩﺍﯞﺍﻣﻼﺷﺘﯘﺭﯗﺷﺘﯩﻦ ﺋﯩﺒﺎﺭﻩﺕ" ﺩﻩﭖ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻗﯩﻠﯩﯟﺍﺗﻘﺎﻧﻠﯩﺮﻯ ﺯﻭﻣﯩﮕﻪﺭﻟﯩﻚ

ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﭘﺎﺭﺗﻜﻮﻡ ﺳﯧﻜﺮﯦﺘﺎﺭﻯ ﺑﻮﻟﻐﺎﻥ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﯚﺯﻟﯩﺮﻯ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﺵ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺧﯩﺘﺎﻱ ﺗﻪﺷﻜﯩﻼﺗﻠﯩﺮﯨﻨﯩﯖﻤﯘ ﻗﺎﺗﺘﯩﻖ ﺋﻪﻳﯩﺒﻠﯩﺸﯩﮕﻪ ﺋﯘﭼﺮﯨﻤﺎﻗﺘﺎ.

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺋﯘﭼﯘﺭ ﻣﻪﺭﻛﯩﺰﯨﻨﯩﯔ ﻣﻪﺳﺌﯘﻟﻰ ﻟﻴﺎﯞ ﺗﻴﻪﻧﭽﻰ ﺧﺎﻧﯩﻢ ﺋﯘﻳﻐﯘﺭ ﺋﯧﻠﯩﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، "ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ‘ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﻰ ﺋﺎﺳﺘﯩﺪﺍ، ﻣﻪﺯﻛﯘﺭ ﺭﺍﻳﻮﻧﻨﻰ ﻫﻪﺭ ﺗﻪﺭﻩﭘﻤﯩﻠﻪﭖ ﻗﻪﺩﻩﻣﻤﯘ ﻗﻪﺩﻩﻡ ﺧﯩﺘﺎﻳﻼﺷﺘﯘﺭﻣﺎﻗﺘﺎ. ﻣﻪﺳﯩﻠﻪﻥ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﯚﭼﻤﻪﻧﻠﻪﺭ ﺳﯩﻴﺎﺳﯩﺘﻰ ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭﻟﯩﻚ ﻣﯩﻠﻠﻪﺗﻨﻰ ﺋﻪﺳﻠﯩﺪﯨﻜﻰ ﻛﯚﭖ ﺳﺎﻧﻠﯩﻖ ﻧﻮﭘﯘﺳﺘﯩﻦ ﺋﺎﺯ ﺳﺎﻧﻠﯩﻖ ﻧﻮﭘﯘﺳﻘﺎ ﺋﺎﻳﻼﻧﺪﯗﺭﯗﭖ ﻗﻮﻳﺪﻯ. ﺑﯘﻧﻰ ﺋﺎﺯ ﺩﻩﭖ، ﻛﯚﭼﻤﻪﻥ ﺑﻮﻟﯘﭖ ﻛﻪﻟﮕﻪﻥ ﺧﯩﺘﺎﻱ ﻣﯩﻠﻠﯩﺘﻰ ﺋﯘﻳﻐﯘﺭ ﺗﯩﻠﯩﻨﻰ ﺋﯚﮔﯩﻨﯩﺶ ﺑﯩﺮ ﻳﺎﻗﺘﺎ ﺗﯘﺭﺳﯘﻥ، ﺋﻪﻛﺴﯩﭽﻪ، ﺋﯘﻳﻐﯘﺭﻻﺭ ﺧﯩﺘﺎﻱ ﺗﯩﻠﯩﻨﻰ ﺋﯚﮔﯩﻨﯩﺸﻜﻪ ﻣﻪﺟﺒﯘﺭ ﺑﻮﻟﻤﺎﻗﺘﺎ. ﻳﻪﻧﻪ ﻛﯧﻠﯩﭗ ﺧﯩﺘﺎﻱ ﺗﯩﻠﻰ ﺑﯩﻠﻤﯩﮕﻪﻧﻠﻪﺭﮔﻪ ﺧﯩﺰﻣﻪﺕ ﻳﻮﻕ ﺩﯦﮕﯩﻨﻰ ﺑﻪﻛﻤﯘ ﻫﻪﺩﺩﯨﺪﯨﻦ ﺋﺎﺷﻘﺎﻧﻠﯩﻖ. ﺋﯘﻳﻐﯘﺭﻻﺭ ﺋﻪﯞﻻﺩﻣﯘ ‏- ﺋﻪﯞﻻﺩ ﻣﯘﺷﯘ ﺯﯦﻤﯩﻨﺪﺍ ﻳﺎﺷﺎﭖ ﻛﻪﻟﮕﻪﻥ ﺗﯘﺭﺳﺎ، ﺋﯘﻻﺭﻏﺎ ﺋﯚﺯ ﺗﯩﻠﯩﯖﺪﯨﻦ ﯞﺍﺯ ﻛﯧﭽﯩﭗ، ﺑﯩﺰﻧﯩﯔ ﺧﯩﺘﺎﻱ ﺗﯩﻠﯩﻤﯩﺰﻧﻰ ﺋﯚﮔﻪﻥ، ﺧﯩﺘﺎﻱ ﺗﯩﻠﯩﻨﻰ ﺋﯚﮔﻪﻧﻤﯩﺴﻪﯓ ﺳﺎﯕﺎ ﺧﯩﺰﻣﻪﺕ ﻳﻮﻕ' ﺩﯦﮕﻪﻧﻠﯩﻚ ﺑﻪﻛﻤﯘ ﻳﻮﻟﺴﯩﺰﻟﯩﻖ ﯞﻩ ﺯﻭﻣﯩﮕﻪﺭﻟﯩﻚ ﻗﯩﻠﻐﺎﻧﻠﯩﻖ" ﺩﻩﭖ ﺑﯩﻠﺪﯛﺭﺩﻯ.

ﺩ ﺋﯘ ﻕ: ﯞﺍﯓ ﻟﯧﭽﯜﻩﻧﻨﯩﯔ ﺳﯚﺯﻟﯩﺮﻯ ﺋﯘﻳﻐﯘﺭﻻﺭﻧﯩﯔ ﺋﺎﭘﺘﻮﻧﻮﻣﯩﻴﯩﺪﯨﻦ ﺑﻪﻫﺮﯨﻤﺎﻥ ﺑﻮﻟﯩﯟﺍﺗﻘﺎﻧﻠﯩﻘﻨﻰ ﺋﯩﻨﻜﺎﺭ ﻗﯩﻠﯩﺪﯗ

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺩ ﺭﯨﺸﯩﺖ ﺋﻪﭘﻪﻧﺪﯨﻤﯘ ﯞﺍﯓ ﻟﯧﭽﯜﻩﻧﻨﯩﯔ ﺋﯩﺸﺴﯩﺰﻟﯩﻖ ﻣﻪﺳﯩﻠﯩﺴﯩﻨﻰ ﺧﯩﺘﺎﻱ ﺗﯩﻠﻰ ﺑﯩﻠﯩﺶ ‏- ﺑﯩﻠﻤﻪﺳﻠﯩﻚ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺩﯦﮕﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﯚﺯﻟﯩﺮﯨﻨﯩﯔ ﺋﺎﻟﺪﻯ ﺑﯩﻠﻪﻥ ﺋﯘﻳﻐﯘﺭﻻﺭ ﺋﺎﭘﺘﻮﻧﻮﻣﯩﻴﯩﺪﯨﻦ ﺑﻪﻫﺮﯨﻤﺎﻥ ﺑﻮﻟﯩﯟﺍﺗﯩﺪﯗ، ﺩﯦﮕﻪﻥ ﺗﻪﺷﯟﯨﻘﺎﺗﻨﻰ ﺋﯩﻨﻜﺎﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺩ ﺭﯨﺸﯩﺖ ﺋﻪﭘﻪﻧﺪﻯ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻳﻪﻧﻪ، ﯞﺍﯓ ﻟﯧﭽﯜﻩﻧﻨﯩﯔ ﺋﻪﺯﻩﻟﺪﯨﻦ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﯞﻩ ﺑﯘ ﻗﯧﺘﯩﻤﻤﯘ ﺋﺎﻻﻫﯩﺪﻩ ﺋﻪﺳﻜﻪﺭﺗﯩﭗ ﺋﯚﺗﻜﻪﻥ ﺋﯜﭺ ﺧﯩﻞ ﻛﯜﭺ' ﻛﻪ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﯚﺯﻟﯩﺮﯨﻨﯩﯔ ﻣﻪﺭﻛﯩﺰﻯ ﻫﯚﻛﯜﻣﻪﺗﻜﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯘﻳﻐﯘﺭﻻﺭﻧﯩﯔ ﻫﻪﺭﻗﺎﻧﺪﺍﻕ ﺋﯘﺳﺴﯘﻟﺪﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ "ﺋﯜﭺ ﺧﯩﻞ ﻛﯜﭺ" ﺑﺎﻫﺎﻧﯩﺴﻰ ﺑﯩﻠﻪﻥ ﺑﺎﺳﺘﯘﺭﯨﺪﯨﻐﺎﻧﻠﻘﯩﻨﻰ ﺋﯧﻴﺘﺘﻰ.

ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﯩﺪﯨﻜﻰ ﺧﻪﻟﻘﻨﯩﯔ ﺋﯚﺯﻯ ﺑﯘﻧﯩﯖﻐﺎ ﺟﯩﺪﺩﯨﻲ ﻗﺎﺭﯨﺸﻰ ﻛﯧﺮﻩﻙ.

ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺋﯘﭼﯘﺭ ﻣﻪﺭﻛﯩﺰﯨﻨﯩﯔ ﺗﻪﻫﺮﯨﺮﻯ ﻟﯩﻴﺎﯞ ﺗﻴﻪﻧﭽﻰ ﺧﺎﻧﯩﻢ "ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﺯﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﯩﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﭗ، ﺋﯘﻻﺭﻧﻰ ﺗﯩﻞ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﻪ ﭘﯜﺗﯜﻧﻠﻪﻱ ﻳﻮﻕ ﻗﯩﻠﯩﺶ ﺋﯜﭼﯜﻥ ﻗﻮﻟﻠﯩﻨﯩﯟﺍﺗﻘﺎﻥ ﺯﻭﺭﺍﯞﺍﻧﻠﯩﻖ ﺗﯜﺯﯛﻣﯩﻨﻰ ﻳﯜﺭﮔﯜﺯﯛﺷﻰ ﺧﻪﻟﻘﺌﺎﺭﺍ ﻗﺎﻧﯘﻧﻐﯩﻤﯘ ﺧﯩﻼﭖ ﺑﯩﺮ ﺋﯩﺶ" ﺩﻩﭖ ﺗﻪﻛﯩﺘﻠﻪﭖ، ﻣﯘﻧﺪﺍﻕ ﺩﯦﺪﻯ:

"ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺧﯩﻞ ﺯﻭﺭﺍﯞﺍﻧﻠﯩﻖ ﺗﯜﺯﯛﻣﯩﻨﻰ ﭘﻪﻗﻪﺕ ﺷﯩﻨﺠﺎﯕﺪﯨﻼ ﺋﯩﺸﻠﻪﺗﻜﻪﻥ ﺋﻪﻣﻪﺱ، ﺋﯘﻻﺭ ﻣﻮﯕﻐﯘﻝ ﺭﺍﻳﻮﻧﯩﺪﯨﻤﯘ ﺧﯘﺩﺩﻯ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺳﯩﻴﺎﺳﻪﺗﻠﯩﺮﯨﻨﻰ ﻳﯜﺭﮔﯜﺯﯛﭖ، ﻣﻪﺯﻛﯘﺭ ﺟﺎﻳﺪﯨﻜﻰ ﺋﻪﺳﻠﯩﺪﯨﻜﻰ ﻛﯚﭖ ﺳﺎﻧﻠﯩﻖ ﻧﻮﭘﯘﺳﻨﻰ ﺋﯩﮕﯩﻠﯩﮕﻪﻥ ﻣﻮﯕﻐﯘﻝ ﻣﯩﻠﻠﯩﺘﯩﻨﻰ ﺋﺎﺯ ﺳﺎﻧﻠﯩﻖ ﻧﻮﭘﯘﺳﻘﺎ ﺋﺎﻳﻼﻧﺪﯗﺭﯗﭖ، ﻛﯚﭼﻤﻪﻥ ﺧﯩﺘﺎﻱ ﻣﯩﻠﻠﯩﺘﯩﻨﻰ ﻣﻪﺯﻛﯘﺭ ﺟﺎﻳﺪﯨﻜﻰ ﻛﯚﭖ ﺳﺎﻧﻠﯩﻖ ﻧﻮﭘﯘﺳﻘﺎ ﺋﺎﻳﻼﻧﺪﯗﺭﻏﺎﻥ. ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻣﻮﯕﻐﯘﻟﻼﺭﻧﻰ ﭘﯜﺗﯜﻧﻠﻪﻱ ﺧﯩﺘﺎﻳﻼﺷﺘﯘﺭﯗﭖ ﺑﻮﻟﻐﺎﻥ. ﻫﺎﺯﯨﺮ ﺋﯘﻻﺭ ﺷﯩﻨﺠﺎﯕﺪﯨﻤﯘ ﻣﯘﺷﯘﻧﺪﺍﻕ ﻗﯩﻠﯩﺸﻘﺎ ﻛﯩﺮﯨﺸﺘﻰ. ﺑﯘﻧﯩﯖﺪﯨﻦ ﺑﺎﺷﻘﺎ ﺗﯩﺒﻪﺗﺘﯩﻤﯘ ﺑﺎﺭﺍ -ﺑﺎﺭﺍ ﻣﯘﺷﯘﻧﺪﺍﻕ ﻗﯩﻠﯩﺸﻰ ﻣﯘﻣﻜﯩﻦ. ﺑﯘ ﻧﺎﻫﺎﻳﯩﺘﻰ ﺧﻪﺗﻪﺭﻟﯩﻚ ﺑﯩﺮ ﺋﯩﺶ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﯩﺪﯨﻜﻰ ﺧﻪﻟﻘﻨﯩﯔ ﺋﯚﺯﻯ ﺑﯘﻧﯩﯖﻐﺎ ﺟﯩﺪﺩﯨﻲ ﻗﺎﺭﯨﺸﻰ ﻛﯧﺮﻩﻙ. ﻳﻪﻧﻰ ﺗﯜﺭﻟﯜﻙ ﻳﻮﻟﻼﺭ ﺋﺎﺭﻗﯩﻠﯩﻖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﺧﯩﻞ ﺯﻭﺭﺍﯞﺍﻧﻠﯩﻖ ﻗﯩﻠﻤﯩﺸﯩﻨﻰ ﭘﯜﺗﯜﻥ ﺩﯗﻧﻴﺎﻏﺎ ﺑﯩﻠﺪﯛﺭﯛﺷﻰ ﻛﯧﺮﻩﻙ. ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻤﯘ ﺑﯘ ﺧﯩﻞ ﻣﻪﺳﯩﻠﯩﻠﻪﺭﮔﻪ ﺟﯩﺪﺩﯨﻲ ﭘﻮﺯﯨﺘﺴﯩﻴﯩﺪﻩ ﺑﻮﻟﯘﺷﻰ ﻛﯧﺮﻩﻙ". (ﻣﯧﻬﺮﯨﺒﺎﻥ)