ﯞﺍﯓ ﻟﯧﭽﯘﻩﻥ ﻧﯧﻤﻪ ﺋﯜﭼﯜﻥ ﺋﯚﺯﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺋﺎﺷﻜﺎﺭﯨﻼﺷﻨﻰ ﺭﻩﺕ ﻗﯩﻠﯩﺪﯗ؟

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﺪﺍ ﭘﺎﺭﺗﯩﻴﻪ-ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﺪﯨﻜﻰ ﻛﺎﺩﯨﺮﻻﺭﻧﯩﯔ ﺋﯚﺯﻟﯩﺮﯨﻨﯩﯔ ﯞﻩ ﺋﺎﺋﯩﻠﻪ -ﺗﻪﯞﻩﻟﯩﺮﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻠﯩﺸﻰ ﻫﻪﻗﻘﯩﺪﻩ ﻣﯘﻻﻫﯩﺰﻩ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﯩﻠﻰ 20 ﻳﯩﻠﺪﯨﻦ ﺋﺎﺷﺘﻰ. ﻣﻪﺭﻛﯩﺰﻯ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﻰ، ﺩﯙﻟﻪﺕ ﻛﺎﺑﯩﻨﺘﻰ ﺋﯩﺸﺨﺎﻧﯩﺴﻰ ﻗﺎﺗﺎﺭﻟﯩﻘﻼﺭﻣﯘ ﺑﯘ ﻫﻪﻗﺘﻪ 5-6 ﻗﯧﺘﯩﻢ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ ﺑﻮﻟﺪﻯ. ﺑﻪﺯﻯ ﺟﺎﻳﻼﺭﺩﺍ ﻫﻪﺗﺘﺎ ﺑﯘ ﺟﻪﻫﻪﺗﺘﻪ ﻣﻪﺧﺴﯘﺱ ﺳﯩﻨﺎﻕ ﺋﯧﻠﯩﭗ ﺑﯧﺮﯨﻠﺪﻯ. ﺋﻪﻣﻤﺎ ﺑﯘ ﺧﯩﺰﻣﻪﺗﻨﻰ ﻳﻮﻟﻐﺎ ﻗﻮﻳﯘﺵ ﻣﯘﻣﻜﯩﻦ ﺑﻮﻟﻤﯩﺪﻯ.

ﻫﯚﻛﯜﻣﻪﺗﻨﯩﯔ ﺑﯘﻳﺮﯗﻗﯩﻨﻰ ﺭﻩﺕ ﻗﯩﻠﻐﺎﻥ ﻫﯚﻛﯜﻣﻪﺕ ﺑﺎﺷﻠﯩﻘﻠﯩﺮﻯ

'ﺧﯩﺘﺎﻱ ﺋﯘﭼﯘﺭ ﻣﻪﺭﻛﯩﺰﻯ' ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﻰ 3 ‏- ﺋﺎﻳﻨﯩﯔ 15 ‏-ﻛﯜﻧﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ، ﭘﺎﺭﺗﯩﻴﻪ -ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﺪﯨﻜﻰ ﺭﻩﻫﺒﯩﺮﯨﻲ ﻛﺎﺩﯨﺮﻻﺭﻧﯩﯔ ﺋﯚﺯﯨﻨﯩﯔ ﯞﻩ ﺋﺎﺋﯩﻠﻪ ﺗﻪﯞﻩﻟﯩﺮﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ 3 ‏-ﺋﺎﻳﻨﯩﯔ 28‏- ﻛﯜﻧﯩﺪﯨﻦ ﺑﯘﺭﯗﻥ ﺗﺎﻣﺎﻣﻪﻥ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﺑﯘ ﻗﯧﺘﯩﻢ ﭼﯜﺷﯜﺭﯛﻟﮕﻪﻥ ﺋﯘﻗﺘﯘﺭﯗﺷﺘﺎ ﻫﻪﻣﻤﻪ ﺭﻩﻫﺒﯩﺮﯨﻲ ﻛﺎﺩﯨﺮﻧﯩﯔ ﺑﯘ ﺋﯘﻗﺘﯘﺭﯗﺷﻨﻰ ﻗﻮﺑﯘﻝ ﻗﯩﻠﯩﺪﯨﻐﺎﻥ ﻳﺎﻛﻰ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﯚﺯ ﻗﻮﻟﻰ ﺑﯩﻠﻪﻥ ﺋﯩﻤﺰﺍ ﻗﻮﻳﯘﭖ ﻳﯧﺰﯨﭗ ﺗﺎﭘﺸﯘﺭﯗﺷﻰ ﺗﻪﻟﻪﭖ ﻗﯩﻠﯩﻨﻐﺎﻥ. ﻧﻪﺗﯩﺠﯩﺪﻩ 25 ﻧﻪﭘﻪﺭ ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﺳﯩﺪﯨﻦ 11 ﻛﯩﺸﻰ ﺋﯩﻤﺰﺍ ﻗﻮﻳﯘﺷﻨﻰ ﺭﻩﺕ ﻗﯩﻠﻐﺎﻥ. ﺑﯘﻧﯩﯔ ﺑﯩﺮﻯ ﺧﯘﺍﯓ ﺟﯜ، ﻳﻪﻧﻪ ﺑﯩﺮﻯ ﻟﻰ ﭼﺎﯕﭽﯜﻥ. ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﻟﯩﺮﯨﺪﯨﻦ ﯞﺍﯓ ﺟﺎﯞﮔﻮ، ﭼﯧﻦ ﻟﯩﻴﺎﯕﻴﯜ، ﺧﯘﻱ ﻟﯩﻴﺎﯕﻴﯜ، ﯞﺍﯓ ﻟﯧﭽﯘﻩﻥ ﻗﺎﺗﺎﺭﻟﯩﻖ 9 ﻛﯩﺸﻰ ﺑﯘ ﺋﯘﻗﺘﯘﺭﯗﺷﻨﻰ ﺭﻩﺕ ﻗﯩﻠﻐﺎﻥ.

188 ﻧﻪﭘﻪﺭ ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺋﻪﺯﺍﺳﯩﯩﻨﯩﯔ 60 ﻧﻪﭼﭽﯩﺴﻰ ﻗﻮﺷﯘﻟﻐﺎﻥ، ﻗﺎﻟﻐﺎﻥ 120 ﻧﻪﭼﭽﯩﺴﻰ ﺭﻩﺕ ﻗﯩﻠﻐﺎﻥ. 158 ﻧﻪﭘﻪﺭ ﻣﻪﺭﻛﯩﺰﻯ ﻛﻮﻣﯩﺘﯧﺖ ﻛﺎﻧﺪﯨﺪﺍﺕ ﺋﻪﺯﺍﺳﯩﻨﯩﯔ ﺋﯩﭽﯩﺪﻩ 83 ﻯ ﺋﯩﻤﺰﺍ ﻗﻮﻳﯘﺷﻨﻰ ﺭﻩﺕ ﻗﯩﻠﻐﺎﻥ. 31 ﺋﯚﻟﻜﻪ ﯞﻩ ﺑﯩﯟﺍﺳﺘﻪ ﻗﺎﺭﺍﺷﻠﯩﻖ ﺷﻪﻫﻪﺭﻟﻪﺭﺩﯨﻜﻰ ﭘﺎﺭﺗﯩﻴﻪ ﯞﻩ ﻫﯚﻛﯜﻣﻪﺕ، ﺧﻪﻟﻖ ﻗﻮﺭﯗﻟﺘﯧﻴﻰ، ﺳﯩﻴﺎﺳﯩﻲ ﻛﯧﯖﻪﺷﻠﻪﺭﻧﯩﯔ ﺑﯩﺮﯨﻨﭽﻰ ﻗﻮﻝ ﺑﺎﺷﻠﯩﻘﻠﯩﺮﯨﺪﯨﻦ 100 ﺩﻩﻙ ﺋﺎﺩﻩﻡ ﺋﯩﻤﺰﺍ ﻗﻮﻳﯘﺷﻨﻰ ﺭﻩﺕ ﻗﯩﻠﻐﺎﻥ.

'ﻛﯚﺯﯨﺘﯩﺶ ﮊﯗﺭﻧﯩﻠﻰ' ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺋﻮﺑﺰﻭﺭﻻﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭﺳﻰ ﺋﻪﺯﺍﻟﯩﺮﯨﻨﯩﯔ 48% ﻯ، ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻪﺯﺍﻟﯩﺮﯨﻨﯩﯔ 3 ﺗﯩﻦ 2 ﻗﯩﺴﻤﻰ، ﻣﻪﺭﻛﯩﺰﻯ ﻛﻮﻣﯩﺘﯧﺖ ﻛﺎﻧﺪﯨﺪﺍﺕ ﺋﻪﺯﺍﻟﯩﺮﯨﻨﯩﯔ 50% ﻯ، ﺋﯚﻟﻜﻪ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭﻧﯩﯔ 78% ﻯ ﯞﻩ ﺋﯘﻧﯩﯖﺪﯨﻦ ﺗﯚﯞﻩﻥ ﺋﻪﻣﻪﻟﺪﺍﺭﻻﺭﻧﯩﯔ 100% ﺋﯚﺯﻟﯩﺮﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺋﺎﺷﻜﺎﺭﯨﻼﺷﻨﻰ ﺭﻩﺕ ﻗﯩﻠﻤﺎﻗﺘﺎ.

ﺧﯘ ﺟﯩﻨﺘﺎﯞ ﻗﻮﻝ ﺋﺎﺳﺘﯩﺪﯨﻜﯩﻠﻪﺭﮔﻪ ﮔﯧﭙﯩﻨﻰ ﺋﺎﯕﻠﯩﺘﺎﻻﻣﺪﯗ

ﺑﻪﺯﻯ ﺋﻮﺑﺰﻭﺭﻻﺭﺩﺍ "ﺧﯩﺘﺎﻳﺪﺍ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﻰ ﺧﯩﻴﺎﻧﻪﺗﭽﯩﻠﻪﺭﻧﻰ ﺟﺎﺯﺍﻻﻳﻤﯩﺰ ﺩﻩﯞﺍﺗﻘﯩﻠﻰ 20 ﻳﯩﻞ ﺑﻮﻟﺪﻯ، ﺋﻪﻣﻪﻟﯩﻴﻪﺗﺘﻪ ﺑﯘ ﭘﺎﺭﺗﯩﻴﻪ ﺋﯚﺯﻯ 'ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻨﯩﯔ ﺋﯩﻠﻐﺎﺭﻟﯩﻘﯩﻨﻰ ﺳﺎﻗﻼﺵ' ﺩﯦﮕﻪﻥ ﺧﺎﻟﺘﺎ ﺋﯩﭽﯩﺪﻩ ﺳﯧﺴﯩﭗ، ﺧﯩﻴﺎﻧﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﮕﻪ ﺋﺎﻳﻠﯩﻨﯩﭗ ﻗﺎﻟﺪﻯ" ﺩﻩﭖ ﺑﺎﻳﺎﻥ ﻗﯩﻠﯩﻨﻐﺎﻥ. ﻳﻪﻧﻪ ﺑﻪﺯﻯ ﻣﯘﻻﻫﯩﺰﯨﭽﯩﻠﻪﺭ "ﻫﺎﺯﯨﺮ ﺟﻪﻣﺌﯩﻴﻪﺗﺘﻪ ﺧﯩﻴﺎﻧﻪﺗﭽﯩﻠﻪﺭﻧﻰ ﭘﺎﺵ ﻗﯩﻠﯩﺶ ﻫﻪﺭﯨﻜﯩﺘﻰ ﺋﻪﯞﺝ ﺋﺎﻟﻤﺎﻗﺘﺎ. ﺋﻪﮔﻪﺭ ﺧﯘ ﺟﯩﻨﺘﺎﯞ ﺑﯘ ﻗﯧﺘﯩﻢ ﻗﻮﻝ ﺋﺎﺳﺘﯩﺪﯨﻜﻰ ﺋﻪﻣﻪﻟﺪﺍﺭﻻﺭﻏﺎ ﮔﯧﭙﯩﻨﻰ ﺋﺎﻗﻘﯘﺯﺍﻟﻤﯩﺴﺎ، ﻛﻮﻟﻠﯧﻜﺘﯩﭗ ﻫﺎﻟﺪﺍ ﯞﻩﺯﯨﭙﯩﺴﯩﺪﯨﻦ ﺋﯩﺴﺘﯩﭙﺎ ﺑﯧﺮﯨﺸﻰ ﻛﯧﺮﻩﻙ" ﺩﯦﮕﻪﻥ.

ﯞﺍﯓ ﻟﯧﭽﯘﻩﻥ ﻧﯧﻤﻪ ﺋﯜﭼﯜﻥ ﺋﯚﺯﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺋﺎﺷﻜﺎﺭﯨﻼﺷﻨﻰ ﺭﻩﺕ ﻗﯩﻠﯩﺪﯗ؟

ﺋﺎﻣﯧﺮﯨﻜﯩﺪﺍ ﺗﯘﺭﯨﯟﺍﺗﻘﺎﻥ ﺋﯘﻳﻐﯘﺭ ﻛﯩﺸﯩﻠﯩﻚ ﻫﯘﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ، ﺋﯘﻳﻐﯘﺭﻻﺭﻧﯩﯔ ﻣﻪﻧﯩﯟﯨﻲ ﺋﺎﻧﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻤﯘ ﻳﯧﻘﯩﻨﺪﺍ ﺧﯩﺘﺎﻳﺪﺍ ﻣﻪﺭﻛﯩﺰﻯ ﻫﯚﻛﯜﻣﻪﺕ ﻣﻪﺧﺴﯘﺱ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ، ﺋﻪﻣﻪﻟﺪﺍﺭﻻﺭﻧﯩﯔ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻼﺷﻨﻰ ﯞﻩ ﺋﺎﻟﺪﻯ ﺑﯩﻠﻪﻥ ﺋﻪﻣﻪﻟﺪﺍﺭﻻﺭﺩﯨﻦ ﺑﯘ ﺋﯘﻗﺘﯘﺭﯗﺷﻨﻰ ﻗﻮﺑﯘﻝ ﻗﯩﻠﯩﺪﯨﻐﺎﻥ ﻳﺎﻛﻰ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﻪﭖ ﺋﯩﻤﺰﺍ ﻗﻮﻳﯘﺷﯩﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﻮﺑﺰﻭﺭ ﺋﯧﻼﻥ ﻗﯩﻠﯩﭗ "ﺧﯘ ﺟﯩﻨﺘﺎﯞﻧﯩﯔ ﺑﯘ ﻫﻪﺭﯨﻜﯩﺘﯩﻨﻰ ﺑﯩﺮ ﺧﯩﻞ ﺋﯩﻠﮕﯩﺮﯨﻠﻪﺵ ﺩﻩﭖ ﻗﺎﺭﺍﺷﻘﺎ ﺑﻮﻟﯩﺪﯗ، ﺋﻪﻣﻤﺎ ﺋﯘﻧﯩﯔ ﺧﯩﻴﺎﻧﻪﺗﭽﯩﻠﻪﺭﻧﻰ ﺟﺎﺯﺍﻻﺵ ﻫﻪﻗﻘﯩﺪﻩ ﺑﻪﺭﮔﻪﻥ ﯞﻩﺩﯨﺴﯩﻨﯩﯔ ﺭﺍﺱ -ﻳﺎﻟﻐﺎﻧﻠﯩﻘﻰ، ﺋﻪﻣﻪﻟﮕﻪ ﺋﺎﺷﯩﺪﯨﻐﺎﻥ ﻳﺎﻛﻰ ﺋﺎﺷﻤﺎﻳﺪﯨﻐﺎﻧﻠﯩﻘﻰ ﺗﯧﺨﻰ ﻧﺎﻣﻪﻟﯘﻡ، ﺑﯘﻧﻰ ﺋﻪﻣﺪﻯ ﻛﯚﺭﯨﻤﯩﺰ" ﺩﯦﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ، ﯞﺍﯓ ﻟﯧﭽﯘﻩﻧﻨﯩﯔ ﻧﯧﻤﻪ ﺋﯜﭼﯜﻥ ﺋﯚﺯﯨﻨﯩﯔ ﯞﻩ ﺋﺎﺋﯩﻠﻪ -ﺗﻪﯞﻩﻟﯩﺮﯨﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺧﯘﺳﯘﺳﯩﻲ ﻣﯜﻟﻜﯩﻨﻰ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻼﺷﻨﻰ ﺭﻩﺕ ﻗﯩﻠﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯚﺯﻯ ﺋﯧﻨﯩﻖ ﺑﯩﻠﯩﺪﯨﻐﺎﻥ ﭘﺎﻛﯩﺘﻼﺭﻏﺎ ﺋﺎﺳﺎﺳﻪﻥ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﯞﺍﯓ ﻟﯧﭽﯘﻩﻥ ﻣﻪﺭﻛﻪﺯﺩﯨﻜﻰ ﺋﯚﺯﯨﺪﯨﻦ ﻳﯘﻗﯩﺮﻯ ﺋﻪﻣﻪﻟﺪﺍﺭﻻﺭﻧﯩﯖﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯩﻴﺎﻧﯩﺘﻰ ﺑﺎﺭﻟﯩﻘﯩﻨﻰ ﺑﯩﻠﯩﺪﯗ، ﯞﺍﯓ ﻟﯧﭽﯘﻩﻧﻨﯩﯔ ﺋﯚﺯﻯ ﯞﻩ ﺋﯘﺭﯗﻕ -ﺗﯘﻗﻘﺎﻧﻠﯩﺮﻯ ﺋﯘﻻﺭ ﺑﯩﻠﻪﻥ ﻛﯚﭖ ﺟﻪﻫﻪﺗﺘﻪ ﺷﯩﺮﯨﻚ، ﺷﯘﯕﻼﺷﻘﺎ ﯞﺍﯓ ﻟﯧﭽﯘﻩﻥ ﻣﻪﺭﻛﻪﺯﻧﯩﯔ ﺋﯘﻗﺘﯘﺭﯗﺷﯩﻨﻰ ﻗﻮﺭﻗﻤﺎﻱ ﺭﻩﺕ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯧﻴﺘﻘﺎﻧﺪﺍ، ﯞﺍﯓ ﻟﯧﭽﯘﻩﻥ ﺋﯘﺯ ﺷﯩﺮﯨﻜﻠﯩﺮﯨﺪﯨﻦ ﻗﻮﺭﻗﺴﺎ ﻛﯧﺮﻩﻙ. (ﯞﻩﻟﻰ)