ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﺋﯧﻜﻮﻟﻮﮔﯩﻴﯩﻠﯩﻚ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺩﯗﻧﻴﺎﻧﻰ ﺋﺎﮔﺎﻫﻼﻧﺪﯗﺭﺩﻯ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﺟﯜﻣﻪ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، ﻳﻪﺭ ﺷﺎﺭﻯ ﺋﯩﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺗﯜﺭﻟﯜﻙ ﻛﯧﺴﻪﻟﻠﯩﻜﻠﻪﺭﻧﯩﯔ ﭘﻪﻳﺪﺍ ﺑﻮﻟﯘﭖ، ﻛﯩﺸﯩﻠﻪﺭﻧﯩﯔ ﺳﺎﻻﻣﻪﺗﻠﯩﻜﯩﮕﻪ ﺯﻭﺭ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺷﯘﻧﺪﺍﻗﻼ ﻗﯘﺵ ﺯﯗﻛﯘﻣﻰ، ﺳﺎﺭﺱ ﻗﺎﺗﺎﺭﻟﯩﻖ ﻳﯧﯖﻰ ﺗﯜﺭﺩﯨﻜﻰ ﻛﯧﺴﻪﻟﻠﯩﻜﻠﻪﺭﻧﯩﻤﯘ ﺩﻩﻝ ﻣﯘﺷﯘ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﺋﻪﺳﻜﻪﺭﺗﯩﻠﮕﻪﻥ. ﻣﻪﺯﻛﯘﺭ ﺩﻭﻛﻼﺗﺘﺎ ﻳﻪﻧﻪ ﺧﯩﺘﺎﻳﺪﺍ ﭘﻪﻳﺪﺍ ﺑﻮﻟﻐﺎﻥ ﺳﺎﺭﺱ ﻛﯧﺴﯩﻠﯩﻨﯩﯔ ﺋﻪﻳﻨﻰ ﯞﺍﻗﯩﺘﺘﺎ ﻳﺎﯞﺍﻳﻰ ﻫﺎﻳﯟﺍﻥ ﮔﯚﺷﯩﻨﻰ ﻳﯧﻴﯩﺶ ﺋﺎﺭﻗﯩﻠﯩﻖ ﺋﺎﺩﻩﻣﮕﻪ ﻳﯘﻗﻘﺎﻧﻠﯩﻘﻰ ﭘﻪﺭﺯ ﻗﯩﻠﯩﻨﻐﺎﻥ. ﮔﯘﺋﺎﯕﺠﯘ ﺑﯩﺮﯨﻨﭽﻰ ﺩﻭﺧﺘﯘﺭﺧﺎﻧﺎ ﻧﻪﭘﻪﺱ ﺑﯚﻟﯜﻣﻰ ﺩﻭﺧﺘﯘﺭﻯ ﺳﯩﯔ ﺟﯜﻥ "ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻳﺪﯨﻜﻰ ﺳﺎﺭﺱ ﻛﯧﺴﯩﻠﻰ ﺳﯧﺴﯩﻖ ﻗﻮﺯﺍﻧﺪﯨﻦ ﺗﺎﺭﻗﺎﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ" ﺩﻩﭖ ﺑﯩﻠﺪﯛﺭﮔﻪﻥ.

ﻗﯘﺵ ﺯﯗﻛﯩﻤﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻛﯚﭘﻰ ﻳﯧﺰﯨﺪﯨﻦ ﻛﻪﻟﮕﻪﻥ

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺩﯗﻧﻴﺎ ﺑﯘﻳﯩﭽﻪ ﺋﯚﻱ ﻗﯘﺷﻠﯩﺮﯨﻨﻰ ﺑﯧﻘﯩﺶ ﺑﺎﺯﺍﺭﻟﯩﺸﯩﭗ ﻛﻪﺗﻜﻪﻥ. ﺑﯩﺮ ﻗﯩﺴﯩﻢ ﭼﻮﯓ ﺗﻮﺧﯘ ﻓﯧﺮﻣﯩﻠﯩﺮﯨﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﻰ ﺷﯘﻧﺪﺍﻗﻼ ﻛﯚﭘﻠﯩﮕﻪﻥ ﺩﯦﻬﻘﺎﻧﻼﺭﻧﯩﯔ ﺗﻮﺧﯘ ﻓﯧﺮﻣﯩﺴﻰ ﺋﻪﺗﺮﺍﭘﯩﺪﺍ ﻳﺎﺷﺎﯞﺍﺗﻘﺎﻧﻠﯩﻘﻰ ﻗﯘﺵ ﺯﯗﻛﯘﻣﯩﻨﯩﯔ ﺗﺎﺭﻗﯩﻠﯩﺶ ﺋﯧﻬﺘﯩﻤﺎﻟﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﻜﻪﻥ.

ﮔﯘﺋﺎﯕﺠﯘ ﺑﯩﺮﯨﻨﭽﻰ ﺩﻭﺧﺘﯘﺭﺧﺎﻧﺎ ﻧﻪﭘﻪﺱ ﺑﯚﻟﯜﻣﻰ ﺩﻭﺧﺘﯘﺭﻯ ﺳﯩﯔ ﺟﯜﻧﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻳﺪﯨﻜﻰ ﻗﯘﺵ ﺯﯗﻛﯘﻣﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﻛﯧﺴﻪﻝ ﺗﺎﺭﯨﺨﯩﻐﺎ ﻗﺎﺭﯨﻐﺎﻧﺪﺍ، ﺑﯩﻤﺎﺭﻻﺭﻧﯩﯔ ﻫﻪﻣﻤﯩﺴﻰ ﺩﯦﮕﯩﺪﻩﻙ ﻳﯧﺰﯨﺪﯨﻦ ﻛﻪﻟﮕﻪﻧﻠﻪﺭ ﺑﻮﻟﯘﭖ ﺋﯘﻻﺭ ﻛﯧﺴﻪﻝ ﺗﻮﺧﯘ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﯩﺴﻰ ﺑﻮﻟﻐﺎﻥ. ﺑﯘﻧﻰ ﺋﺎﺯ ﺩﻩﭖ، ﺑﯩﺮ ﻗﯩﺴﯩﻢ ﻳﯧﺰﺍ ﻳﺎﻛﻰ ﭼﻪﺕ ﺭﺍﻳﻮﻧﻼﺭﺩﯨﻜﻰ ﺩﯦﻬﻘﺎﻧﻼﺭﺩﺍ ﻛﯧﺴﻪﻝ ﺑﻮﻟﯘﭖ ﻗﺎﻟﻐﺎﻥ ﻫﻪﺗﺘﺎ ﺋﯚﻟﮕﻪﻥ ﺗﻮﺧﯘﻧﻰ ﺳﻮﻳﯘﭖ ﻳﻪﻳﺪﯨﻐﺎﻥ ﺋﺎﺩﻩﺕ ﺑﺎﺭ ﺋﯩﻜﻪﻥ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ ﺑﯘ ﺩﻭﻛﻼﺗﯩﺪﺍ ﻳﻪﻧﻪ ﺗﯜﺭﻟﯜﻙ ﻛﯧﺴﻪﻟﻠﯩﻜﻠﻪﺭﻧﯩﯔ ﭘﻪﻳﺪﺍ ﺑﻮﻟﯘﺷﻰ ﭘﻪﻗﻪﺕ ﻳﺎﯞﺍﻳﻰ ﻫﺎﻳﯟﺍﻥ ﻳﺎﻛﻰ ﺋﯚﻱ ﻗﯘﺷﻠﯩﺮﯨﺪﯨﻨﻼ ﺋﻪﻣﻪﺱ، ﺑﻪﻟﻜﻰ ﺑﯘﻟﻐﺎﻧﻐﺎﻥ ﺳﯘ ﺑﯩﻠﻪﻧﻤﯘ ﺋﯩﻨﺘﺎﻳﯩﻦ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﻰ ﺗﻪﻛﯩﺘﻠﯩﻨﯩﭗ، ﻫﺎﺯﯨﺮ ﺩﯗﻧﻴﺎﺩﺍ ﻫﻪﺭ ﻳﯩﻠﻰ 3 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺑﯘﻟﻐﺎﻧﻐﺎﻥ ﺳﯘﻧﻰ ﺋﯩﺴﺘﯩﻤﺎﻝ ﻗﯩﻠﻐﺎﻧﻠﯩﻘﺘﯩﻦ، ﺗﯜﺭﻟﯜﻙ ﻛﯧﺴﻪﻟﻠﯩﻜﻠﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﯟﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﻐﺎﻥ.

ﺧﯩﺘﺎﻳﺪﺍ ﺳﯘﻧﯩﯔ ﺑﯘﻟﻐﯩﻨﯩﺸﻰ ﺋﯧﻐﯩﺮ

ﺧﯩﺘﺎﻳﺪﯨﻜﻰ ﻣﯘﻫﯩﺘﻨﻰ ﺋﺎﺳﺮﺍﺵ ﭘﺎﺋﺎﻟﯩﻴﻪﺗﭽﯩﺴﻰ ﻳﺎﯓ ﺷﯩﯖﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﯨﻜﻰ ﻛﯚﭘﻠﯩﮕﻪﻥ ﺩﻩﺭﻳﺎ ‏- ﺋﯧﻘﯩﻨﻼﺭﻧﯩﯔ ﻫﻪﻣﻤﯩﺴﻰ ﺩﯦﮕﯩﺪﻩﻙ ﺑﯘﻟﻐﺎﻧﻐﺎﻥ ﺑﻮﻟﯘﭖ، 300 ﻣﯩﻠﻴﻮﻥ ﺋﺎﺩﻩﻡ ﺋﯩﭽﯩﻤﻠﯩﻚ ﺳﯘﺩﯨﻦ ﺑﻪﻫﺮﯨﻤﺎﻥ ﺑﻮﻻﻟﻤﺎﻱ ﻛﻪﻟﮕﻪﻥ.

ﻳﺎﯕﺸﯩﯖﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ ﺋﯩﭽﯩﻤﻠﯩﻚ ﺳﯘ ﻫﻪﻣﻤﯩﻼ ﺟﺎﻳﺪﺍ ﺋﯩﻨﺘﺎﻳﯩﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻥ ﺑﻮﻟﯘﭖ، ﭘﻪﻗﻪﺕ ﭼﺎﯓ ﺟﻴﺎﯓ ﺩﻩﺭﻳﺎﺳﯩﻨﯩﯔ ﺋﯚﺯﯨﺪﯨﻼ ﺑﯘﻟﻐﺎﻧﻐﺎﻥ ﺳﯘﻧﯩﯔ ﻣﯩﻘﺪﺍﺭﻯ 200 ﻣﯩﻠﻴﺎﺭﺩ ﺗﻮﻧﻨﯩﺪﯨﻦ ﺋﯧﺸﯩﭗ ﻛﻪﺗﻜﻪﻥ ﺷﯘﻧﯩﯔ ﺑﯩﻠﻪﻥ ﭘﺎﺳﻜﯩﻨﺎ ﺳﯘﻧﻰ ﺋﯩﺴﺘﯩﻤﺎﻝ ﻗﯩﻠﻐﯘﭼﯩﻼﺭ ﺋﺎﺭﯨﺴﯩﺪﺍ، ﺗﯜﺭﻟﯜﻙ ﻛﯧﺴﻪﻟﻠﯩﻜﻠﻪﺭﮔﻪ ﮔﯩﺮﯨﭗ ﺑﻮﻟﻐﯘﭼﯩﻼﺭ ﺳﺎﻧﯩﻤﯘ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﮕﻪﻥ.

ﺧﯩﺘﺎﻱ ﺋﺎﮔﯧﻨﺘﻠﯩﻘﯩﻨﯩﯔ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺧﻪﯞﯨﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﻩﺭﻳﺎ - ﺋﯧﻘﯩﻨﻼﺭﻣﯘ ﺯﻭﺭ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻥ ﺑﻮﻟﯘﭖ، 5 ﻣﯩﻠﻴﻮﻧﻐﺎ ﻳﯧﻘﯩﻦ ﻛﯩﺸﻰ ﺗﺎ ﺑﯜﮔﯜﻧﮕﻪ ﻗﻪﺩﻩﺭ ﺩﯦﺰﯨﻨﻔﯩﻜﺴﯩﻴﻪ ﻗﯩﻠﯩﻨﻤﯩﻐﺎﻥ ﺳﯘﻧﻰ ﺋﯩﺴﺘﯩﻤﺎﻟﻘﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﻫﻪﻣﺪﻩ ﺑﯘﻻﺭﻧﯩﯔ ﻛﯚﭖ ﺳﺎﻧﺪﯨﻜﯩﺴﻰ ﺩﯦﻬﻘﺎﻧﻼﺭ ﺋﯩﻜﻪﻥ.

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺋﺎﻗﺴﯘﺩﯨﻜﻰ ﺑﯩﺮ ﺩﯦﻬﻘﺎﻥ ﺋﯚﺯﻯ ﺗﯘﺭﯨﯟﺍﺗﻘﺎﻥ ﻳﯧﺰﯨﺪﯨﻜﻰ 70% ﺩﯦﻬﻘﺎﻧﻨﯩﯔ ﺗﺎ ﺑﯜﮔﯜﻧﮕﻪ ﻗﻪﺩﻩﺭ ﻳﻪﻧﯩﻼ ﻛﯚﻝ ﺳﯜﻳﻰ ﺋﯩﭽﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﻐﺎﻥ.