ﯞﯦﻦ ﺟﻴﺎﺑﺎﯞﻧﯩﯔ ﺋﺎﭘﻪﺕ ﻣﻪﺯﮔﯩﻠﯩﺪﻩ ﺧﻪﻟﻘﺘﯩﻦ ﻛﻪﭼﯜﺭﯛﻡ ﺳﻮﺭﯨﺸﻰ ﺳﻪﻣﯩﻤﯩﻴﻤﯘ؟

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﺋﺎﻟﺪﯨﻨﻘﻰ ﻫﻪﭘﺘﻪ، ﻗﺎﺭ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺧﻪﻟﻘﺘﯩﻦ ﺋﻪﭘﯘ ﺳﻮﺭﯨﺪﻯ. ﺑﯘ ﺋﺎﺭﻗﯩﻠﯩﻖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﺑﯩﺌﯩﻲ ﺋﺎﭘﻪﺗﻠﻪﺭﺩﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺧﯩﺰﻣﯩﺘﯩﺪﯨﻜﻰ ﺋﺎﺟﯩﺰﻟﯩﻘﻨﻰ ﺋﯧﺘﯩﺮﺍﭖ ﻗﯩﻠﺪﻯ. ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﻪﻟﻘﺘﯩﻦ ﺋﻪﭘﯘ ﺳﻮﺭﺍﺵ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻪﻟﻖ ﺑﯩﻠﻪﻥ ﻣﯘﻧﺎﺳﯩﯟﻩﺕ ﺗﺎﺭﯨﺨﯩﺪﯨﻜﻰ ﺑﯩﺮ ﻳﯧﯖﯩﻠﯩﻖ. ﺑﯘ ﻳﯧﯖﯩﻠﯩﻖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯜﮔﯜﻧﻜﻰ ﺩﯗﻧﻴﺎﯞﻯ ﻳﯜﺯﻟﯩﻨﯩﺶ ﺑﻮﻟﻐﺎﻥ ﺩﯦﻤﻮﻛﺮﺍﺗﯩﻚ ﺋﯩﺪﯨﻴﯩﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﯩﯔ ﺋﯩﭙﺎﺩﯨﺴﯩﻤﯘ ﯞﻩ ﻳﺎﻛﻰ ﻳﯘﺯ ﺑﯧﺮﯨﺶ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ ﺧﻪﻟﻖ ﺋﯩﺴﻴﺎﻧﯩﺪﯨﻦ ﻫﺎﻛﯩﻤﯩﻴﯩﺘﯩﻨﻰ ﻗﻮﻏﺪﺍﺷﻨﯩﯔ ﯞﺍﻗﯩﺘﻠﯩﻖ ﺑﯩﺮ ﭼﺎﺭﯨﺴﯩﻤﯘ؟

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﻰ ﻫﻪﺭ ﺧﯩﻞ

ﺧﻪﻟﻘﻨﻰ ﻫﯚﻛﯜﻣﻪﺗﺘﯩﻦ ﺋﯜﺳﺘﯜﻥ ﺑﯩﻠﯩﺶ، ﻫﻪﻗﯩﻘﻪﺗﻨﯩﯔ ﻛﯜﭼﯩﻨﻰ ﻗﻮﺭﺍﻝ-ﻳﺎﺭﺍﻗﻨﯩﯔ ﻛﯜﭼﯩﺪﯨﻦ ﺋﯜﺳﺘﯜﻥ ﺗﻮﻧﯘﺵ ﺩﯦﻤﻮﻛﺮﺍﺗﯩﻚ ﺋﻪﻟﻠﻪﺭﻧﯩﯔ ﻗﯩﻤﻤﻪﺕ ﻗﺎﺭﯨﺸﯩﺪﯨﻜﻰ ﻣﯘﻫﯩﻢ ﺑﯩﺮ ﺗﻪﺭﻛﯩﭗ. ﺩﻩﻝ ﻣﯘﺷﯘ ﺳﻪﯞﻩﺑﺘﯩﻦ،ﺩﯦﻤﻮﻛﺮﺍﺗﯩﻚ ﺋﻪﻟﻠﻪﺭﺩﯨﻜﻰ ﻫﺎﻛﯩﻤﯩﻴﻪﺗﻠﻪﺭ ﺋﯚﺗﻤﯜﺷﺘﻪ ﺋﯚﺗﻜﯜﺯﮔﻪﻥ ﺧﺎﺗﺎﻟﯩﻘﻠﯩﺮﻯ ﺗﯜﭘﻪﻳﻠﯩﺪﯨﻦ ﺋﯚﺯ ﺧﻪﻟﻘﯩﺪﯨﻨﻼ ﺋﻪﻣﻪﺱ، ﻗﻮﺷﻨﺎ ﺋﻪﻟﻠﻪﺭﺩﯨﻨﻤﯘ ﺋﻪﭘﯘ ﺳﻮﺭﯨﻐﺎﻥ.

ﻣﻪﺳﯩﻠﻪﻥ، ﻏﻪﺭﺑﯩﻲ ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻛﻮﻧﺮﺍﺩ ﺋﺎﺩﯦﻨﺎﺭ، 1951 ‏- ﻳﯩﻠﻰ ﻳﻪﻫﯘﺩﯨﻴﻼﺭﺩﯨﻦ ﺋﻪﭘﯘ ﺳﻮﺭﯨﻐﺎﻥ ﯞﻩ ﮔﯧﺮﻣﺎﻥ ﻫﯚﻛﯜﻣﯩﺘﻰ ﺋﯩﺴﺮﺍﺋﯩﻠﯩﻴﯩﮕﻪ ﺗﯚﻟﻪﻡ ﺗﯚﻟﻪﺷﻜﻪ ﻗﻮﺷﯘﻟﻐﺎﻥ. ﺷﻪﺭﻗﻰ ﮔﯧﺮﻣﺎﻧﯩﻴﻪ ﭘﺎﺭﻻﻣﯧﻨﺘﻰ 1990 ‏- ﻳﯩﻠﻰ ﺋﯩﺴﺮﺍﺋﯩﻠﯩﻴﯩﺪﯨﻦ ﯞﻩ ﭘﯜﺗﯜﻥ ﺩﯗﻧﻴﺎﺩﯨﻜﻰ ﻳﻪﻫﯘﺩﯨﻴﻼﺭﺩﯨﻦ ﺋﻪﭘﯘ ﺳﻮﺭﯨﻐﺎﻥ. ﺋﺎﻣﯧﺮﯨﻜﺎ ﭘﺎﺭﻻﻣﯧﻨﺘﻰ 1988 ‏-ﻳﯩﻠﻰ، 2 ‏- ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﻧﺎﻫﻪﻕ ﻣﯘﺋﺎﻣﯩﻠﯩﮕﻪ ﺋﯘﭼﺮﯨﻐﺎﻥ ﺋﺎﻣﯧﺮﯨﻜﯩﺪﯨﻜﻰ ﻳﺎﭘﻮﻧﻠﯘﻕ ﯞﻩﺗﻪﻧﺪﺍﺷﻠﯩﺮﯨﺪﯨﻦ ﺋﻪﭘﯘ ﺳﻮﺭﯨﻐﺎﻥ ﯞﻩ ﻫﻪﺭ ﺑﯩﺮ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻐﺎ 20 ﻣﯩﯔ ﺩﻭﻟﻼﺭﺩﯨﻦ ﺗﯚﻟﻪﻡ ﺗﯚﻟﯩﮕﻪﻥ.

ﺳﻮﯞﯦﺖ ﺋﯩﺘﺘﯩﭙﺎﻗﻰ 1990 ‏- ﻳﯩﻠﻰ 2 ‏- ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﺗﯜﺭﻣﯩﺪﻩ ﻗﻪﺗﻠﻰ ﻗﯩﻠﯩﻨﻐﺎﻥ ﭘﻮﻟﺸﺎ ﺋﻮﻓﯩﺘﺴﯧﺮﻟﯩﺮﻯ ﺋﯜﭼﯜﻥ، ﭘﻮﻟﺸﺎﺩﯨﻦ ﺋﻪﭘﯘ ﺳﻮﺭﯨﻐﺎﻥ. 1992 ‏-ﻳﯩﻠﻰ ﺟﻪﻧﯘﺑﯩﻲ ﺋﺎﻓﺮﯨﻘﺎ ﭘﺮﯦﺰﯨﺪﯦﻨﺘﻰ، F.W.Klerk ﺋﯚﺗﻤﯜﺷﺘﻪ ﺋﯩﺮﻗﯩﻲ ﺋﺎﻳﺮﯨﻤﭽﯩﻠﯩﻖ ﺗﯜﺯﯛﻣﻰ ﺳﻪﯞﻩﺑﯩﺪﯨﻦ ﺟﻪﻧﯘﺑﯩﻲ ﺋﺎﻓﺮﯨﻘﯩﺪﯨﻜﻰ 5 ﻣﯩﻠﻴﻮﻥ ﺋﺎﻕ ﺗﻪﻧﻠﯩﻚ ﭘﯘﻗﺮﺍﻧﯩﯔ 30 ﻣﯩﻠﻴﻮﻥ ﻗﺎﺭﺍ ﺗﻪﻧﻠﯩﻚ ﭘﯘﻗﺮﺍ ﺋﯜﺳﺘﯩﺪﯨﻦ ﻳﯜﺭﮔﯜﺯﮔﻪﻥ ﻣﯘﺗﻠﻪﻕ ﻫﯚﻛﯜﻣﺮﺍﻧﻠﯩﻘﻰ ﺋﯜﭼﯜﻥ ﺋﻪﭘﯘ ﺳﻮﺭﯨﻐﺎﻥ. 1998 ‏-ﻳﯩﻠﻰ ﻛﺎﻧﺎﺩﺍ، ﻳﻪﺭﻟﯩﻚ ﻣﯩﻠﻠﻪﺗﻠﻪﺭ ﺑﻮﻟﻐﺎﻥ ﺋﯩﻨﺪﯨﺌﺎﻧﻼﺭﻧﯩﯔ ﻣﻪﺩﻩﻧﯩﻴﯩﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ ﺋﯜﭼﯜﻥ ﺋﻪﭘﯘ ﺳﻮﺭﯨﻐﺎﻥ.

ﺟﯘﯕﮕﻮﭼﻪ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﻛﻪﭼﯜﺭﯛﻡ ﺳﻮﺭﺍﺵ

ﺧﯩﺘﺎﻳﺪﺍ 2008 ‏-ﻳﯩﻠﯩﻐﺎ ﻗﻪﺩﻩﺭ ﻗﻮﺷﻨﺎ ﺋﻪﻟﻠﻪﺭﺩﯨﻦ ﺋﻪﻣﻪﺱ، ﺋﯚﺯ ﺧﻪﻟﻘﯩﺪﯨﻨﻤﯘ ﺋﻪﭘﯘ ﺳﻮﺭﺍﺵ ﺑﻮﻟﯘﭖ ﺑﺎﻗﻤﯩﻐﺎﻥ. ﭘﻪﻗﻪﺕ 2008 ‏-ﻳﯩﻠﻰ ﻛﯩﺮﯨﺸﻰ ﺑﯩﻠﻪﻥ، ﺧﯩﺘﺎﻱ ﺩﯙﻟﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺧﻪﻟﻘﺘﯩﻦ ﺋﻪﭘﯘ ﺳﻮﺭﯨﺸﻰ ﺋﺎﺭﻗﺎ-ﺋﺎﺭﻗﯩﺪﯨﻦ 3 ﻗﯧﺘﯩﻢ ﻛﯚﺭﯛﻟﺪﻯ، ﺑﯘﻻﺭ، ﺷﻪﻧﺸﻰ ﺋﯚﻟﻜﯩﻠﯩﻚ ﺋﻮﺭﻣﺎﻧﭽﯩﻠﯩﻖ ﻧﺎﺯﺍﺭﯨﺘﯩﻨﯩﯔ ﺳﺎﺧﺘﺎ ﻳﻮﻟﯟﺍﺱ ﯞﻩﻗﻪﺳﻰ ﻫﻪﻗﻘﯩﺪﻩ، ﺧﯩﺘﺎﻱ ﺩﯙﻟﻪﺗﻠﯩﻚ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﯩﻨﯩﯔ ﺋﺎﭘﻪﺗﺘﯩﻦ ﺗﻮﻏﺮﺍ ﻣﻪﻟﯘﻣﺎﺕ ﺑﯧﺮﻩﻟﻤﯩﮕﻪﻧﻠﯩﻜﻰ ﻫﻪﻗﻘﯩﺪﻩ، ﺑﺎﺵ ﻣﯩﻨﯩﺴﺘﯩﺮ ﯞﯦﻦ ﺟﻴﺎ ﺑﺎﯞﻧﯩﯔ ﺋﺎﭘﻪﺗﺘﯩﻦ ﺗﻮﻟﯘﻕ ﻣﯘﺩﺍﭘﯩﺌﻪ ﻛﯚﺭﻩﻟﻤﯩﮕﻪﻧﻠﯩﻚ ﻫﻪﻗﻘﯩﺪﻩ ﺑﻮﻟﯘﭖ، ﺑﯘ ﻛﻪﭼﯜﺭﯛﻣﻨﯩﯔ ﺳﻪﻣﯩﻤﯩﻴﻠﯩﻚ ﺩﻩﺭﯨﺠﯩﺴﻰ ﻳﻪﻧﯩﻼ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻣﯘﻻﻫﯩﺰﻩ ﻧﯘﻗﺘﯩﺴﻰ ﺑﻮﻟﯘﭖ ﻛﻪﻟﻤﻪﻛﺘﻪ.

ﺧﯩﺘﺎﻱ ﻛﯚﺯﻩﺗﻜﯜﭼﯩﻠﻪﺭﺩﯨﻦ ﻟﯘ ﺟﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ،ﺧﯩﺘﺎﻱ ﺩﯙﻟﻪﺕ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻐﻰ ﺟﯧﯔ ﭼﺎﻏﺎﻥ ﻫﺎﺭﭘﯩﺴﯩﺪﺍ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺋﯚﺯﻟﯩﺮﯨﻨﯩﯔ ﻫﺎﯞﺍ ﺭﺍﻳﯩﺪﯨﻦ ﺋﺎﻟﺪﯨﻦ ﻣﻪﻟﯘﻣﺎﺗﻨﻰ ﺗﻮﻏﺮﺍ ﺑﯧﺮﻩﻟﻤﯩﮕﻪﻧﻠﯩﻜﻰ ﺋﯜﭼﯜﻥ ﺧﻪﻟﻘﺘﯩﻦ ﺋﻪﭘﯘ ﺳﻮﺭﯨﻐﺎﻥ. ﺋﻪﻣﻤﺎ ﻛﻪﭼﯜﺭﯛﻣﻨﺎﻣﯩﺴﯩﻨﯩﯔ ﺋﺎﺭﻗﯩﺴﯩﺪﺍ، ﺑﯘﻧﺪﺍﻕ ﺋﯘﺯﯗﻧﻐﺎ ﺳﻮﺯﯗﻟﻐﺎﻥ ﻗﺎﺭ ﻳﯧﻐﯩﺸﯩﺪﯨﻦ ﺋﺎﻟﺪﯨﻦ ﻣﻪﻟﯘﻣﺎﺕ ﺑﯧﺮﯨﺸﻜﻪ ﻫﺎﺯﯨﺮﻗﻰ ﺯﺍﻣﺎﻥ ﺗﯧﺨﻨﯩﻜﯩﺴﯩﻨﯩﯔ ﺋﺎﺟﯩﺰﻟﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺑﯘﻧﺪﺍﻕ ﺑﯩﺮ ﺋﺎﭘﻪﺗﺘﯩﻦ ﭼﻪﺕ ﺋﻪﻟﻠﻪﺭﻧﯩﯖﻤﯘ ﺗﻮﻏﺮﺍ ﻣﻪﻟﯘﻣﺎﺕ ﺑﯧﺮﯨﺸﯩﻨﯩﯔ ﻣﯘﻣﻜﯩﻨﺴﯩﺰﻟﯩﻜﯩﻨﻰ ﺋﻪﺳﻜﻪﺭﺗﯩﭗ، ﺑﺎﻳﺎﻧﺎﺗﯩﻨﯩﯔ ﺑﺎﺵ ﻗﯩﺴﻤﯩﺪﺍ ﺗﯩﻠﻐﺎ ﺋﺎﻟﻐﺎﻥ ﻛﻪﭼﯜﺭﯛﻣﯩﻨﻰ ﺋﯩﻨﻜﺎﺭ ﻗﯩﻠﻐﺎﻥ.

ﺑﯘ ﻛﻪﭼﯜﺭﯛﻣﻨﺎﻣﯩﻨﻰ ﺟﯘﯕﮕﻮﭼﻪ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﻛﻪﭼﯜﺭﯛﻡ ﺩﻩﭖ ﻗﺎﺭﯨﻐﺎﻥ ﺋﺎﭘﺘﻮﺭ ﯞﯦﻦ ﺟﻴﺎﺑﺎﯞﻧﯩﯔ ﻛﻪﭼﯜﺭﯛﻣﯩﻨﯩﻤﯘ ﺋﻮﺧﺸﺎﺷﻼ ﺳﻪﻣﯩﻤﯩﻲ ﺋﻪﻣﻪﺱ ﺩﻩﭖ ﻗﺎﺭﺍﻳﺪﯗ. ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺋﻪﮔﻪﺭ ﺧﯩﺘﺎﻱ ﺭﺍﺳﺘﯩﻨﻼ، ﺧﻪﻟﻘﻨﻰ ﻫﯚﻛﯜﻣﻪﺗﺘﯩﻦ ﺋﯜﺳﺘﯜﻥ ﺑﯩﻠﯩﺪﯨﻐﺎﻥ ﺋﯩﺶ ﺑﻮﻟﺴﺎ ﺋﺎﻟﺪﻯ ﺑﯩﻠﻪﻥ ﺧﻪﻟﻘﻘﻪ ﺋﻪﺭﻛﯩﻦ ﺳﺎﻳﻼﻡ ﻫﻮﻗﯘﻗﯩﻨﻰ ﺑﻪﺭﮔﻪﻥ ﺑﻮﻻﺗﺘﻰ؛ ﺋﻪﮔﻪﺭ ﺭﺍﺳﺘﯩﻨﻼ ﺧﺎﺗﺎﻟﯩﻘﯩﻨﻰ ﺗﻮﻧﯘﺵ ﯞﻩ ﺋﯧﺘﯩﺮﺍﭖ ﻗﯩﻠﯩﺶ ﭘﻪﺯﯨﻠﯩﺘﯩﻨﻰ ﻳﯧﺘﯩﻠﺪﯛﺭﮔﻪﻥ ﺑﻮﻟﺴﺎ ﺋﺎﻟﺪﻯ ﺑﯩﻠﻪﻥ، ﺗﻪﺑﯩﺌﯩﻲ ﺋﺎﭘﻪﺗﺘﯩﻦ ﺋﻪﻣﻪﺱ، ﺋﯚﺯﻟﯩﺮﻯ ﺑﯩﯟﺍﺳﺘﻪ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺳﯩﻴﺎﺳﯩﻲ ﺋﺎﭘﻪﺕ ﺯﯨﻴﺎﻧﻠﯩﺮﻯ ﺋﯜﭼﯜﻥ ﺋﻪﭘﯘ ﺳﻮﺭﯨﺸﻰ ﻛﯧﺮﻩﻙ ﺋﯩﺪﻯ. ﭼﯜﻧﻜﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﻪﭘﯘ ﺳﻮﺭﯨﺸﯩﻨﻰ ﻛﯜﺗﯜﭖ ﺗﯘﺭﻏﺎﻥ ﭼﻮﯓ-ﭼﻮﯓ ﯞﻩﻗﻪﻟﻪﺭ ﺑﺎﺭ، ﺑﯘﻻﺭﺩﯨﻦ ﺑﯩﺮﻯ ﺗﻴﻪﻧﺌﻪﻧﻤﯧﻦ ﯞﻩﻗﻪﺳﻰ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﺋﯚﺯ ﭘﯘﻗﺮﺍﻟﯩﺮﯨﻨﯩﯔ ﺩﯦﻤﻮﻛﺮﺍﺗﯩﻴﻪ ﺗﻪﻟﯩﭙﯩﻨﻰ ﺗﺎﻧﻜﺎ ﺑﯩﻠﻪﻥ ﺑﺎﺳﺘﯘﺭﻏﺎﻥ ﻗﯩﻠﻤﯩﺸﯩﻨﻰ ﺧﺎﺗﺎ ﺩﻩﭖ ﺋﯧﺘﯩﺮﺍﭖ ﻗﯩﻠﻤﺎﻱ ﺗﯘﺭﯗﭖ، ﺑﺎﺷﻘﺎ ﻗﯩﻠﻤﯩﺸﻠﯩﺮﯨﺪﯨﻦ ﺋﻪﭘﯘ ﺳﻮﺭﯨﺸﻰ ﺧﻪﻟﻘﻨﻰ ﺋﺎﻟﺪﺍﺷﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ.

ﺧﯩﺘﺎﻱ ﺩﯦﻤﻮﻛﺮﺍﺗﯩﻴﻪ ﺑﯩﻠﻪﻥ ﻣﯘﺳﺘﻪﺑﯩﺘﻠﯩﻜﻨﯩﯔ ﺋﺎﺭﯨﺴﯩﺪﺍ ﻳﻮﻝ ﺋﯩﺰﺩﻩﯞﺍﺗﯩﺪﯗ

ﻳﻪﻧﻪ ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ 4 ‏- ﺋﻪﯞﻻﺩ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﻰ ﺋﯚﺯﯨﻨﻰ ﺧﻪﻟﻘﺘﯩﻦ ﺋﯜﺳﺘﯜﻥ ﺗﯘﺗﯘﺷﻘﺎ ﭘﯩﺴﺨﻮﻟﻮﮔﯩﻚ ﻧﯘﻗﺘﯩﺪﯨﻦ ﻗﺎﺩﯨﺮ ﺋﻪﻣﻪﺱ. ﭼﯜﻧﻜﻰ ﺋﺎﻟﺪﯨﻨﻘﻰ ﺋﻪﯞﻻﺩ ﻛﻮﻣﻤﯘﻧﯩﺴﺖ ﺭﻩﻫﺒﻪﺭﻟﯩﻚ ﻗﺎﺗﻼﻣﻠﯩﺮﻯ ﺩﯗﻧﻴﺎﺩﺍ ﻛﻮﻣﻤﯘﻧﯩﺰﯨﻤﻨﯩﯔ ﻏﻪﻟﯩﺒﯩﺴﯩﮕﻪ ﺷﺎﻫﯩﺪ ﺋﯩﺪﻯ، ﻧﯚﯞﻩﺗﺘﯩﻜﻰ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﻰ ﺑﻮﻟﺴﺎ، ﻛﻮﻣﻤﯘﻧﯩﺰﯨﻤﻨﯩﯔ ﻣﻪﻏﻠﯘﺑﯩﻴﯩﺘﯩﻨﯩﯔ ﺷﺎﻫﯩﺪﻟﯩﺮﻯ، ﺋﯘﻻﺭ ﺑﯘ ﻣﻪﻏﻠﯘﺑﯩﻴﻪﺗﻨﯩﯔ ﺧﯩﺘﺎﻳﺪﺍ ﻳﯜﺯ ﺑﯧﺮﯨﺸﻨﯩﯔ ﭘﻪﻗﻪﺗﻼ ﺑﯩﺮ ﯞﺍﻗﯩﺖ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﯧﺘﯩﮕﻠﯩﻚ. ﺷﯘﯕﺎ ﺋﯘﻻﺭ، ﻫﺎﻛﯩﻤﯩﻴﯩﺘﯩﻨﻰ ﻗﻮﻏﺪﺍﭖ ﻗﯧﻠﯩﺸﻨﯩﯔ ﭼﺎﺭﯨﺴﻰ ﺳﯜﭘﺘﯩﺪﻩ ﺩﯦﻤﻮﻛﺮﺍﺗﯩﻴﻪ ﺑﯩﻠﻪﻥ ﻣﯘﺳﺘﻪﺑﯩﺘﻠﯩﻜﻨﯩﯔ ﺋﺎﺭﯨﺴﯩﺪﺍ ﺑﯩﺮ ﺋﻮﺗﺘﯘﺭﺍ ﻳﻮﻝ ﺋﯩﺰﺩﻩﯞﺍﺗﯩﺪﯗ. ﯞﯦﻦ ﺟﻴﺎﺑﺎﯞﻧﯩﯔ ﻛﻪﭼﯜﺭﯛﻡ ﺳﻮﺭﯨﺸﻰ ﺋﻪﻧﻪ ﺋﻪﺷﯘ ﺋﯩﺰﺩﯨﻨﯩﺸﺘﯩﻦ ﻛﯩﭽﯩﻚ ﺑﯩﺮ ﺋﯩﺸﺎﺭﻩﺕ. (ﺷﯚﻫﺮﻩﺕ ﻫﻮﺷﯘﺭ)