ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺑﯩﻠﻪﻥ ﺟﯩﻨﺎﻳﻰ ﺋﯩﺸﻼﺭ ﺗﻮﻏﺮﯨﺴﯩﺪﺍ ﻛﯧﻠﯩﺸﯩﻢ ﺋﯩﻤﺰﺍﻟﯩﺪﻯ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭﺟﺎﻥ ﺗﻮﺧﺘﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2007- ﻳﯩﻠﻰ 27- ﻣﺎﻱ ﻛﯜﻧﻰ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﻨﯩﯔ ﭘﺎﻳﺘﻪﺧﺘﻰ ﺋﻪﺑﯘ ﺩﺍﺑﻰ ﺷﻪﻫﯩﺮﯨﺪﻩ، ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺋﻮﺗﺘﯘﺭﯨﺴﯩﺪﺍ ﺟﯩﻨﺎﻳﻰ ﻣﻪﺳﯩﻠﯩﻠﻪﺭ ﺗﻮﻏﺮﯨﻠﯩﻖ ﺋﯩﻜﻜﻰ ﺗﻪﺭﻩﭖ ﻗﺎﻧﯘﻥ ﻛﯧﻠﯩﺸﯩﻤﻰ ﺋﯩﻤﺰﺍﻻﻧﺪﻯ.

ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺧﯩﺘﺎﻱ ﺑﯩﻠﻪﻥ 3 ﻛﯧﻠﯩﺸﯩﻢ ﺋﻮﺭﻧﺎﺗﻘﺎﻥ

ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﻨﯩﯔ ﺩﯗﺑﻪﻱ ﺷﻪﻫﯩﺮﯨﺪﻩ ﭼﯩﻘﯩﺪﯨﻐﺎﻥ "ﻛﯜﻧﻠﯜﻙ ﺧﻪﯞﻩﺭﻟﻪﺭ" ﮔﯧﺰﯨﺘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ: ﻛﯧﻠﯩﺸﯩﻤﮕﻪ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺗﻪﺭﯨﭙﯩﺪﯨﻦ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻗﺎﻧﯘﻥ ﺋﯩﺸﻠﯩﺮﻯ ﻣﻪﺳﺌﯘﻟﻰ ﻳﺎﯓ ﻳﯚﭼﻴﻪﻥ، ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺗﻪﺭﯨﭙﯩﺪﯨﻦ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﯞﻩﻛﯩﻠﻰ ﺋﺎﺑﺪﯗﺭﯦﻬﯩﻢ ﺋﯩﯟﻩﺯﻟﻪﺭ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ.

ﻣﻪﺯﻛﯘﺭ ﮔﯧﺰﯨﺘﻨﯩﯔ ﺧﻪﯞﯨﺮﯨﮕﻪ ﻛﯚﺭﻩ، ﺋﺎﺑﺪﯗﺭﯦﻬﯩﻢ ﺋﯩﯟﻩﺯ ﻛﯧﻠﯩﺸﯩﻤﺪﯨﻦ ﻛﯧﻴﯩﻨﻜﻰ ﺑﺎﻳﺎﻧﺎﺗﯩﺪﺍ ﻣﯘﻧﺪﺍﻕ ﺩﯦﺪﻯ:" ﺩﯙﻟﯩﺘﯩﻤﯩﺰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺟﯩﻨﺎﻳﻰ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﻗﺎﻧﯘﻥ ﺗﻪﺭﻩﭘﺘﯩﻦ ﻫﻪﻣﻜﺎﺭﻟﯩﺸﯩﺸﻘﺎ ﺋﯩﺘﺘﯩﭙﺎﻗﻼﺷﺘﻰ. ﻣﻪﻟﯘﻣﻜﻰ، ﺑﯘ ﺩﯙﻟﯩﺘﯩﻤﯩﺰ ﺑﯩﻠﻪﻥ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺋﻮﺗﺘﯘﺭﯨﺴﯩﺪﺍ ﺋﯩﻤﺰﺍﻻﻧﻐﺎﻥ ﺋﯜﭼﯩﻨﭽﻰ ﭼﻮﯓ ﻛﯧﻠﯩﺸﯩﻤﺪﯗﺭ. ﻣﯘﻧﺪﯨﻦ ﺑﯘﺭﯗﻥ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺋﯩﻜﻜﻰ ﭼﻮﯓ ﻛﯧﻠﯩﺸﯩﻢ ﺋﯩﻤﺰﺍﻻﻧﻐﺎﻥ ﺋﯩﺪﻯ. ﺋﯘﻻﺭﻧﯩﯔ ﺑﯩﺮﯨﻨﭽﯩﺴﻰ، ﺟﯩﻨﺎﻳﻪﺗﭽﯩﻠﻪﺭﻧﻰ ﺗﺎﭘﺸﯘﺭﯗﺵ ﺗﻮﻏﺮﯨﻠﯩﻖ، ﺋﯩﻜﻜﯩﻨﭽﯩﺴﻰ ﺳﻮﺩﺍ ﺋﯩﺸﻠﯩﺮﯨﺪﺍ ﻫﻪﻣﻜﺎﺭﻟﯩﺸﯩﺶ ﺗﻮﻏﺮﯨﻠﯩﻖ ﺋﯩﺪﻯ."

"ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﻩ ﺋﯩﺸﻠﻪﻳﺪﯨﻐﺎﻥ ﺧﯩﺘﺎﻱ ﺳﺎﻧﻰ 100 ﻣﯩﯖﻐﺎ ﻳﻪﺗﺘﻰ"

ﺋﺎﺑﺪﯗﺭﯦﻬﯩﻢ ﺋﯩﯟﻩﺯ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺧﯩﺘﺎﻳﻨﯩﯔ ﻣﺎﻟﻠﯩﺮﯨﻨﻰ ﺋﯩﻤﭙﻮﺭﺕ ﻗﯩﻠﯩﺸﺘﺎ ﺋﻮﺗﺘﯘﺭﺍ ﺷﻪﺭﻗﺘﯩﻜﻰ ﺑﯩﺮﯨﻨﭽﻰ ﭼﻮﯓ ﺩﯙﻟﻪﺗﺘﯘﺭ. ﺑﯘ ﺋﻪﺭﻩﺏ ﻗﻮﻟﺘﯘﻗﯩﻐﺎ ﺟﺎﻳﻼﺷﻘﺎﻥ ﺩﯙﻟﻪﺗﻠﻪﺭﮔﻪ ﻛﻪﻟﮕﻪﻥ ﺧﯩﺘﺎﻱ ﻣﺎﻟﻠﯩﺮﯨﻨﯩﯔ ﻳﯜﺯﺩﻩ ﺋﺎﺗﻤﯩﺶ ﭘﯩﺮﺳﻪﻧﺘﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺋﯚﺗﻜﻪﻥ ﺗﯚﺕ ﻳﯩﻠﺪﯨﻦ ﺑﯩﺮﻯ ﺧﯩﺘﺎﻱ ﺩﯗﺑﻪﻳﮕﻪ ﻣﺎﻝ ﺋﯧﻜﯩﺴﭙﻮﺭﺕ ﻗﯩﻠﯩﺸﺘﺎ ﻳﺎﭘﻮﻧﻨﯩﯔ ﺋﻮﺭﻧﯩﻨﻰ ﺋﺎﻟﺪﻯ. ﺧﯩﺘﺎﻱ ﺩﯙﻟﯩﺘﻰ ﻳﺎﯞﺭﻭﭘﺎ ﯞﻩ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﮕﻪ ﻳﯚﺗﻜﻪﻳﺪﯨﻐﺎﻥ ﺑﺎﺭﻟﯩﻖ ﻣﺎﻟﻠﯩﺮﯨﻨﻰ ﭘﻪﻗﻪﺕ ﺩﯗﺑﻪﻱ ﺋﺎﺭﻗﯩﻠﯩﻖ ﻳﯚﺗﻜﻪﻳﺪﯗ. ﻫﺎﺯﯨﺮ ﻫﺎﺯﯨﺮ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﻩ ﺋﯩﺸﻠﻪﻳﺪﯨﻐﺎﻥ ﺧﯩﺘﺎﻱ ﯞﻩﺗﻪﻧﺪﺍﺷﻠﯩﺮﯨﻨﯩﯔ ﺳﺎﻧﻰ ﻳﯜﺯ ﻣﯩﯖﻐﺎ ﻳﻪﺗﺘﻰ. "

2007- ﻳﯩﻠﻰ 28- ﻣﺎﻱ ﻛﯜﻧﻰ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﻨﯩﯔ ﺩﯙﻟﻪﺕ ﺗﯧﻠﯧﯟﯨﺰﻭﺭﯨﻐﺎ ﺑﺎﻳﺎﻧﺎﺕ ﺑﻪﺭﮔﻪﻥ ﺋﻮﺑﺰﻭﺭﭼﻰ ﻣﯘﻫﻪﻣﻤﻪﺩ ﺳﺎﻣﻰ ﺋﻪﭘﻪﻧﺪﻯ ﻣﯘﻧﺪﺍﻕ ﺩﻩﭖ ﺳﯚﺯﻟﯩﺪﻯ:" ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﮕﻪ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﺪﯨﻦ ﻛﯧﻠﯩﺪﯨﻐﺎﻧﻼﺭ ﺧﯩﺘﺎﻳﻨﯩﯔ ﺋﻮﺧﺸﺎﺷﻤﯩﻐﺎﻥ ﺋﯚﻟﻜﻪ ﯞﻩ ﺷﻪﻫﻪﺭﻟﯩﺮﯨﺪﯨﻦ ﻛﯧﻠﯩﺪﯗ. ﺋﯘﻻﺭﻧﯩﯔ ﺋﺎﺳﺎﺳﻠﯩﻘﻰ 30 ﻳﺎﺷﻨﯩﯔ ﺋﺎﺳﺘﯩﺪﯨﻜﻰ ﺧﯩﺘﺎﻱ ﻳﺎﺷﻠﯩﺮﻯ ﺑﻮﻟﯘﭖ، ﺋﯘﻻﺭ ﺋﺎﺯ ﯞﺍﻗﯩﺖ ﺋﯩﭽﯩﺪﻩ ﻛﯚﭖ ﭘﯘﻝ ﺗﯧﭙﯩﺶ، ﻳﺎﺧﺸﻰ ﻫﺎﻳﺎﺕ ﻛﻪﭼﯜﺭﯛﺵ ﻧﯩﻴﯩﺘﻰ ﺑﯩﻠﻪﻥ ﻛﻪﻟﮕﻪﻥ ﻣﯘﻫﺎﺟﯩﺮﻻﺭﺩﯗﺭ. ﻫﺎﺯﯨﺮ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﻩ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮ ﻣﯩﯖﺪﯨﻦ ﻛﯚﭘﺮﻩﻙ ﺳﻮﺩﺍ ﺷﯩﺮﻛﯩﺘﻰ ﺋﯩﺸﻠﯩﻤﻪﻛﺘﻪ. ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﺍ ﻛﯚﻟﯩﻤﻰ 2006- ﻳﯩﻠﻰ 14 ﻣﯩﻠﻴﺎﺭﺩ 206 ﻣﯩﻠﻴﻮﻧﻐﺎ ﻳﻪﺗﻜﻪﻥ ﺋﯩﺪﻯ. ﻫﺎﺯﯨﺮ ﺋﯘﻧﯩﯖﺪﯨﻨﻤﯘ ﺋﺎﺷﻤﺎﻗﺘﺎ. "

ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺋﻮﺗﺘﯘﺭﯨﺴﯩﺪﺍ ﺩﯨﭙﻠﻮﻣﺎﺗﯩﻴﻪ ﺋﺎﻻﻗﯩﺴﻰ ﺑﺎﻏﻼﻧﻐﺎﻥ ﻳﯩﮕﯩﺮﻣﻪ ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺖ ﺋﯩﭽﯩﺪﻩ ﺧﯩﺘﺎﻱ ﺩﯙﻟﯩﺘﻰ ﺋﯩﻨﺘﺎﻳﯩﻦ ﭼﻮﯓ ﺋﯩﻘﺘﯩﺴﺎﺩﯨﻲ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺑﻮﻟﺪﻯ. ﺑﯘﻧﯩﯖﺪﯨﻦ ﺗﺎﺷﻘﯩﺮﻯ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺗﻪﯞﻩﺳﯩﺪﻩ ﺋﯩﺸﻠﻪﻳﺪﯨﻐﺎﻥ ﻳﯜﺯ ﻣﯩﯖﺪﯨﻦ ﻛﯚﭘﺮﻩﻙ ﺧﯩﺘﺎﻱ ﻣﯘﻫﺎﺟﯩﺮﻟﯩﺮﯨﻨﯩﯔ ﻳﯜﺯﺩﻩ ﺋﺎﺗﻤﯩﺶ ﭘﯩﺮﺳﻪﻧﺘﻰ ﺩﯗﺑﻪﻳﺪﻩ ﺋﯩﺸﻠﻪﻳﺪﯗ. ﺋﯘﻻﺭ ﺑﯩﻨﺎﻛﺎﺭﻟﯩﻖ، ﺳﻮﺩﯨﮕﻪﺭﻟﯩﻚ، ﺩﯦﯖﯩﺰ ﺋﺎﺭﻗﯩﻠﯩﻖ ﻣﺎﻝ ﺗﻮﺷﯘﺵ ﻗﺎﺗﺎﺭﻟﯩﻖ ﺋﯩﺸﻼﺭ ﺑﯩﻠﻪﻥ ﺷﯘﻏﯘﻟﻼﻧﻤﺎﻗﺘﺎ. ﺧﯩﺘﺎﻳﻼﺭﻧﯩﯔ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﻩﻙ ﻛﯩﭽﯩﻚ ﺑﯩﺮ ﺩﯙﻟﻪﺗﻜﻪ ﺑﯘﻧﺪﺍﻕ ﻛﻪﯓ ﻛﯚﻟﻪﻣﻠﯩﻚ ﺋﺎﻗﻘﯘﻥ ﻗﯩﻠﯩﺸﻰ ﻛﯩﺸﯩﻨﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻱ ﻗﺎﻟﻤﺎﻳﺪﯗ. ﻫﺎﺯﯨﺮ ﺧﯩﺘﺎﻳﻼﺭ ﺑﯘ ﻣﻪﻣﻠﯩﻜﻪﺗﺘﻪ ﻫﯩﻨﺪﯨﻼﺭ ﺑﯩﻠﻪﻥ ﻓﯩﻠﯩﭙﭙﯩﻨﻠﯩﻜﻠﻪﺭﺩﯨﻦ ﻗﺎﻟﺴﺎ ﻛﯚﭖ ﺳﺎﻧﻠﯩﻘﻨﻰ ﺋﯩﮕﯩﻠﻪﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ."

ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﻩ ﭼﯩﻘﯩﺪﯨﻐﺎﻥ"ﺋﻪﺭﻩﺏ ﻗﻮﻟﺘﯘﻗﻰ ﺩﯙﻟﻪﺗﻠﯩﺮﻯ ﺧﻪﯞﻩﺭﻟﯩﺮﻯ"ﮔﯧﺰﯨﺘﯩﻨﯩﯔ 28- ﻣﺎﻱ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ ﺑﯩﻠﻪﻥ ﺑﻮﻟﻐﺎﻥ ﺩﯨﭙﻠﻮﻣﺎﺗﯩﻴﻪ ﺋﺎﻻﻗﯩﺴﻰ 1984- ﻳﯩﻠﻰ ﺑﺎﺷﻼﻧﻐﺎﻥ ﺑﻮﻟﯘﭖ، 1985- ﻳﯩﻠﻰ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺋﯩﻘﺘﯩﺴﺎﺩ ﯞﻩ ﭘﻪﻥ - ﺗﯧﺨﻨﯩﻜﺎ ﺋﯩﺸﻠﯩﺮﯨﺪﺍ ﻫﻪﻣﻜﺎﺭﻟﯩﺸﯩﺶ ﻫﻪﻗﻘﯩﺪﻩ ﺗﯘﻧﺠﻰ ﻛﯧﻠﯩﺸﯩﻢ ﺋﯩﻤﺰﺍﻻﻧﻐﺎﻥ ﺋﯩﻜﻪﻥ.

ﺷﯘﻧﺪﯨﻦ ﺑﯧﺮﻯ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﻛﯚﭘﻠﯩﮕﻪﻥ ﻛﯧﻠﯩﺸﯩﻢ ﯞﻩ ﺋﯩﺘﺘﯩﭙﺎﻗﻼﺭ ﺗﯜﺯﯛﻟﯜﭖ ﻛﻪﻟﮕﻪﻥ. ﺑﯘﻻﺭﻧﯩﯔ ﻣﻪﺷﻬﯘﺭﻟﯩﺮﻯ 1993- ﻳﯩﻠﻰ ﻗﯘﺭﯗﻟﻐﺎﻥ ﺋﯩﻘﺘﯩﺴﺎﺩﯨﻲ ﻫﻪﻣﻜﺎﺭﻟﯩﻖ ﻛﻮﻣﯩﺘﯧﺘﻰ ﺑﯩﻠﻪﻥ 1990- ﻳﯩﻠﻰ ﺋﯩﻤﺰﺍﻻﻧﻐﺎﻥ ﺋﺎﯞﯨﺌﺎﺗﺴﯩﻴﻪ ﻛﯧﻠﯩﺸﯩﻤﯩﺪﯗﺭ. 2005- ﻳﯩﻠﯩﺪﯨﻦ ﺋﯧﺘﯩﺒﺎﺭﻩﻥ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﺪﯨﻦ ﻧﯧﻔﯩﺖ ﺳﯧﺘﯩﯟﯦﻠﯩﺸﻨﻰ ﺑﺎﺷﻠﯩﻐﺎﻥ. (ﺋﯚﻣﻪﺭﺟﺎﻥ ﺗﻮﺧﺘﻰ)