" ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﺋﯩﻠﻐﺎﺭ ﺋﯜﺳﻜﯜﻧﯩﻠﻪﺭﻧﻰ ﺳﯧﺘﯩﺸﻨﻰ ﺗﻮﺧﺘﯩﺘﯩﺸﻰ ﻛﯧﺮﻩﻙ"

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﯞﯨﺴﻜﻮﻧﺴﯩﻦ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﻰ ﭼﻪﻛﻠﻪﺵ ﺗﻪﺷﻜﯩﻼﺗﻰ ﭘﻪﻳﺸﻪﻧﺒﻪ ﻛﯜﻧﻰ " ﺑﯩﺰ ﺧﯩﺘﺎﻳﻐﺎ ﺋﯩﺸﯩﻨﻪﻟﻪﻣﺪﯗﻕ؟ " ﻧﺎﻣﻠﯩﻖ 22 ﺑﻪﺗﻠﯩﻚ ﺑﯩﺮ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺷﻪﺧﺴﯩﻲ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﻫﻪﺭﺑﯩﻴﺪﻩ ﺋﯩﺸﻠﯩﺘﯩﺶ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻐﺎﻥ ﺋﯩﻠﻐﺎﺭ ﺋﯜﺳﻜﯜﻧﯩﻠﻪﺭﻧﻰ ﺳﯧﺘﯩﭗ ﺑﯧﺮﯨﺶ ﭘﺮﻭﮔﺮﺍﻣﻤﯩﺴﯩﻨﯩﯔ ﺋﺎﻣﯧﺮﯨﻜﺎ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ، ﺑﯘ ﭘﺮﻭﮔﺮﺍﻣﻤﯩﻨﻰ ﺗﻮﺧﺘﯩﺘﯩﺶ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

" ﺧﯩﺘﺎﻱ ﺑﯘ ﺷﯩﺮﻛﻪﺗﻠﯩﺮﻯ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺟﺎﺯﺍﺳﯩﻐﺎ ﺋﯘﭼﺮﯨﻐﺎﻥ ﺷﯩﺮﻛﻪﺗﻠﻪﺭ"

ﺋﺎﻣﯧﺮﯨﻜﺎ ﺳﻮﺩﺍ ﻣﯩﻨﯩﺴﺘﯩﺮﻟﯩﻘﻰ، 2007- ﻳﯩﻠﻰ ﺋﯚﻛﺘﻪﺑﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﻫﻪﺭﺑﯩﻲ ﺳﺎﻫﻪﺩﻩ ﺋﯩﺸﻠﯩﺘﯩﻠﯩﺸﻜﻪ ﺑﻮﻟﯩﺪﯨﻐﺎﻥ ﺗﯧﺨﻨﯩﻜﯩﻠﯩﻖ ﻣﻪﻫﺴﯘﻻﺗﻼﺭﻧﻰ ﺧﯩﺘﺎﻳﻐﺎ ﺳﯧﺘﯩﭗ ﺑﯧﺮﯨﺸﻜﻪ ﻗﺎﺭﯨﺘﯩﻠﻐﺎﻥ ﭼﻪﻛﻠﯩﻤﯩﻨﻰ ﺗﯘﻧﺠﻰ ﻗﯧﺘﯩﻢ ﻳﯘﻣﺸﺎﺗﻘﺎﻥ ﯞﻩ ﺧﯩﺘﺎﻳﻨﯩﯔ ﺑﻪﺵ ﺋﯧﻜﺴﭙﻮﺭﺕ ﺷﯩﺮﻛﯩﺘﯩﻨﻰ ﺑﯩﺨﻪﺗﻪﺭ ﺗﯩﺰﯨﻤﻠﯩﻜﻰ ﺋﯩﭽﯩﮕﻪ ﻛﯩﺮﮔﯜﺯﯛﭖ، ﺋﯘﻻﺭﺩﯨﻦ ﻣﺎﻝ ﺋﯧﻜﺴﭙﻮﺭﺕ ﮔﯘﯞﺍﻫﻨﺎﻣﯩﺴﻰ ﺗﻪﻟﻪﭖ ﻗﯩﻠﻤﺎﺳﻠﯩﻘﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﺳﻮﺩﺍ ﻣﯩﻨﯩﺴﺘﯩﺮﻟﯩﻘﻰ ﻳﻮﻟﻐﺎ ﻗﻮﻳﻐﺎﻥ ﺑﯘ ﺧﯩﻞ ﭘﺮﻭﮔﺮﺍﻣﻤﺎ، ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ ﺋﺎﻣﯧﺮﯨﻜﺎ ﻣﻪﻫﺴﯘﻻﺗﻠﯩﺮﻯ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯚﺯ ﺋﺎﺭﻣﯩﻴﯩﺴﯩﻨﻰ ﻛﯜﭼﻪﻳﺘﯩﺸﯩﮕﻪ ﻳﺎﺭﺩﻩﻡ ﻗﯩﻠﺴﺎ، ﻳﻪﻧﻪ ﺑﯩﺮ ﺟﻪﻫﻪﺗﺘﯩﻦ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ ﺑﯘﻧﺪﺍﻕ ﺗﯧﺨﻨﯩﻜﯩﻼﺭﻧﻰ ﺋﯩﺮﺍﻥ ﯞﻩ ﺳﯜﺭﯨﻴﯩﮕﻪ ﺋﯚﺗﻜﯜﺯﯛﭖ ﺑﯧﺮﯨﺶ ﺧﻪﺗﯩﺮﯨﻨﻰ ﻫﺎﺳﯩﻞ ﻗﯩﻠﯩﺪﯨﻜﻪﻥ.

ﺑﯘ ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ ﻳﻪﻧﻪ، ﻫﺎﺯﯨﺮﻏﯩﭽﻪ ﺋﺎﻣﯧﺮﯨﻜﺎ ﺗﻪﺭﻩﭘﺘﯩﻦ ﺋﯧﻠﯩﭗ ﺑﺎﺭﻏﺎﻥ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺷﯩﺪﯨﻦ ﺋﯚﺗﻜﻪﻥ 5 ﺧﯩﺘﺎﻱ ﺷﯩﺮﻛﯩﺘﯩﻨﯩﯔ ﺋﯩﭽﯩﺪﯨﻜﻰ ﺋﯩﻜﻜﻰ ﺷﯩﺮﻛﻪﺕ ﺋﻮﻣﯘﻣﯩﻲ ﺗﻪﻛﺸﯜﺭﯛﺵ ﺋﯚﻟﭽﯩﻤﯩﻨﯩﯔ 45 ﭘﯩﺮﺳﻪﻧﺘﯩﺪﯨﻨﻤﯘ ﺋﯚﺗﻪﻟﻤﻪﻳﺪﯨﻐﺎﻥ ﺑﻮﻟﯘﭖ، ﺑﯘ ﺷﯩﺮﻛﻪﺗﻠﻪﺭ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺳﺎﻧﺎﺋﯩﺘﯩﮕﻪ ﻗﻮﻳﯘﻕ ﺋﺎﺭﯨﻼﺷﻘﺎﻥ ﯞﻩ ﺋﯩﻠﮕﯩﺮﻯ ﻗﻮﺭﺍﻝ - ﻳﺎﺭﺍﻕ ﻛﯧﯖﻪﻳﻤﯩﭽﯩﻠﯩﻚ ﺋﯩﺸﻠﯩﺮﻯ ﯞﻩ ﻧﺎﻣﯘﯞﺍﭘﯩﻖ ﺋﯧﻜﺴﭙﻮﺭﺕ ﻗﯩﻠﯩﺶ ﺋﯩﺸﻠﯩﺮﯨﻐﺎ ﺋﺎﺭﯨﻼﺷﺘﻰ ﺩﻩﭖ ﺑﺎﻫﺎﻻﻧﻐﺎﻧﻠﯩﻘﻰ ﺋﯜﭼﯜﻥ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺟﺎﺯﺍﺳﯩﻐﺎ ﺋﯘﭼﺮﯨﻐﺎﻥ ﺷﯩﺮﻛﻪﺗﻠﻪﺭ ﺋﯩﻜﻪﻥ.

ﺩﻭﻛﻼﺗﺘﺎ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺷﺎﯕﺨﻪﻱ ﺧﯘﺍﺧﯘﯓ ﺋﯧﻠﯧﻜﺘﺮﻭﻧﻠﯘﻕ ﻣﻪﻫﺴﯘﻻﺗﻼﺭ ﺷﯩﺮﻛﯩﺘﻰ، ﺋﺎﻣﯧﺮﯨﻜﯩﺪﯨﻦ ﻫﻪﺭﺑﯩﻲ ﺳﺎﻧﺎﺋﻪﺗﻜﻪ ﺋﺎﻻﻗﯩﺪﺍﺭ ﻣﻪﻫﺴﯘﻻﺗﻼﺭﻧﻰ ﺧﯩﺘﺎﻳﻐﺎ ﺋﯩﻤﭙﻮﺭﺕ ﻗﯩﻠﯩﺪﯨﻐﺎﻥ ﺑﻪﺵ ﺷﯩﺮﻛﻪﺗﻨﯩﯔ ﺑﯩﺮﺳﻰ ﯞﻩ ﺧﯩﺘﺎﻱ ﺋﯧﻠﯧﻜﺘﺮﻭﻧﻠﯘﻕ ﻣﻪﻫﺴﯘﻻﺕ ﮔﯘﺭﯗﻫﻰ ﭼﻪﻣﺒﯩﺮﯨﻜﯩﮕﻪ ﺗﻪﯞﻩ ﺷﯩﺮﻛﻪﺕ ﺑﻮﻟﯘﭖ، ﺑﯘ ﺷﯩﺮﻛﻪﺕ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﯧﺮﯨﻚ ﺋﯩﮕﯩﺪﺍﺭﭼﯩﻠﯩﻘﯩﺪﯨﻜﻰ ﻫﻪﺭﺑﯩﻲ ﺋﻪﺳﻠﯩﻬﻪ ﯞﻩ ﺋﺎﯞﺍﻡ ﺧﻪﻟﻘﻨﯩﯔ ﺗﯘﺭﻣﯘﺷﯩﺪﺍ ﺋﯩﺸﻠﯩﺘﯩﺪﯨﻐﺎﻥ ﺋﯧﻠﯧﻜﺘﺮﻭﻧﻠﯘﻕ ﻣﻪﻫﺴﯘﻻﺗﻨﻰ ﺋﯩﺸﻠﻪﭘﭽﯩﻘﯩﺮﯨﺪﯨﻜﻪﻥ.

ﺑﻮﺋﯧﻦ ﺷﯩﺮﻛﯩﺘﻰ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺳﺎﻧﺎﺋﻪﺕ ﺷﯩﺮﻛﯩﺘﯩﻨﯩﯔ 40 ﭘﯩﺮﺳﻪﻧﺖ ﭘﺎﻱ ﭼﯧﻜﯩﮕﻪ ﺋﯩﮕﻪ

ﺷﺎﯕﺨﻪﻱ ﺧﯘﺍﺧﯘﯓ ﺋﯧﻠﯧﻜﺘﺮﻭﻧﻠﯘﻕ ﻣﻪﻫﺴﯘﻻﺗﻼﺭ ﺷﯩﺮﻛﯩﺘﯩﻨﯩﯔ ﻧﺎﻣﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺧﺎﺩﯨﻤﻰ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ ﺋﯚﺯ ﺷﯩﺮﻛﯩﺘﯩﻨﯩﯔ ﻫﻪﺭﺑﯩﻲ ﺳﺎﻫﻪﺳﻰ ﺑﯩﻠﻪﻥ ﭘﻪﻗﻪﺕ ﺋﺎﻻﻗﻪ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ: " ﺑﯩﺰﻧﯩﯔ ﺧﯧﺮﯨﺪﺍﺭ ﺗﺎﻟﻼﺵ ﺋﯩﺸﻠﯩﺮﯨﻤﯩﺰ ﺑﻪﻙ ﻗﺎﺗﺘﯩﻖ. ﺑﯩﺰ ﻫﻪﺭﺑﯩﻲ ﺗﻪﺭﻩﭖ ﺑﯩﻠﻪﻥ ﺳﻮﺩﺍ ﻗﺎﻟﻤﺎﻳﻤﯩﺰ" ﺩﯦﮕﻪﻥ ﯞﻩ ﻳﻪﻧﻪ ﺋﯚﺯ ﺷﯩﺮﻛﯩﺘﯩﻨﯩﯔ ﺋﯩﺮﺍﻥ ﯞﻩ ﺳﯘﺭﯨﻴﻪ ﺑﯩﻠﻪﻥ ﺳﻮﺩﺍ ﺋﺎﻻﻗﯩﺴﻰ ﻗﯩﻠﯩﺶ ﻣﯘﻣﻜﯩﻨﭽﯩﻠﯩﻜﻰ ﻳﻮﻕ ﺋﯩﻜﻪﻧﻠﯩﻜﯩﻨﻰ ﻗﻮﺷﯘﻣﭽﻪ ﻗﯩﻠﻐﺎﻥ.

ﺩﻭﻛﻼﺗﻘﺎ ﺋﺎﺳﺎﺳﻼﻧﻐﺎﻧﺪﺍ، ﻳﺎﺩﺭﻭ ﺋﻮﻕ ﺑﯧﺸﻰ ﺋﯧﻠﯩﭗ ﻳﯜﺭﯛﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﻫﻪﺭﺑﯩﻲ ﺑﻮﻣﺒﺎﺭﺩﯨﻤﺎﻧﭽﻰ ﺋﺎﻳﺮﻭﭘﯩﻼﻧﻼﺭﻧﻰ ﯞﻩ ﺧﯩﺘﺎﻳﻨﯩﯔ 90 ﭘﯩﺮﺳﻪﻧﺖ ﻫﻪﺭﺑﯩﻲ ﺋﺎﯞﯨﺌﺎﺗﺴﯩﻴﻪ ﺋﯜﺳﻜﯜﻧﯩﻠﯩﺮﯨﻨﻰ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﺩﯙﻟﻪﺕ ﺋﯩﮕﯩﺪﺍﺭﭼﯩﻠﯩﻘﯩﺪﯨﻜﻰ ﻫﻪﺭﺑﯩﻲ ﺳﺎﻧﺎﺋﻪﺕ ﺷﯩﺮﻛﯩﺘﻰ، ﺋﺎﻣﯧﺮﯨﻜﯩﻨﯩﯔ ﺋﺎﻳﺮﻭﭘﯩﻼﻥ ﻳﺎﺳﺎﺵ ﺷﯩﺮﻛﯩﺘﻰ ﺑﻮﺋﯧﻦ ﯞﻩ ﺭﯦﺌﺎﻛﺘﯩﭗ ﺋﺎﻳﺮﻭﭘﯩﻼﻧﻼﺭﺩﺍ ﺋﯩﺸﻠﯩﺘﯩﻠﯩﺪﯨﻐﺎﻥ ﻛﺎﺭﺑﻮﻧﻠﯘﻕ ﺗﺎﻻ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﺧﯧﻜﺴﯩﻞ ﺷﯩﺮﻛﯩﺘﯩﻨﯩﯔ ﺗﻪﯓ ﺋﯩﮕﯩﺪﺍﺭﭼﯩﻠﯩﻘﯩﺪﺍ ﺋﯩﻜﻪﻥ.

ﺋﻪﻣﻤﺎ ﺑﻮﺋﯧﻦ ﺷﯩﺮﻛﯩﺘﯩﻨﯩﯔ ﺑﯧﻴﺠﯩﯖﺪﺍ ﺗﯘﺭﯗﺷﻠﯘﻕ ﺑﺎﻳﺎﻧﺎﺗﭽﯩﺴﻰ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ، ﺑﻮﺋﯧﻦ ﺷﯩﺮﻛﯩﺘﻰ ﺧﯩﺘﺎﻳﻨﯩﯔ ﺑﯘ ﺷﯩﺮﻛﯩﺘﯩﻨﯩﯔ 40 ﭘﯩﺮﺳﻪﻧﺖ ﭘﺎﻱ ﭼﯧﻜﯩﮕﻪ ﺋﯩﮕﻪ ﺑﻮﻟﯘﭖ، ﺋﯧﻜﺴﭙﻮﺭﺕ ﯞﻩ ﺋﯩﻤﭙﻮﺭﺕ ﻗﯩﻠﯩﺸﺘﺎ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻨﯩﯔ ﺑﻪﻟﮕﯩﻠﯩﻤﯩﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﻪﺯﻯ ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ: " ﺋﺎﻣﯧﺮﯨﻜﺎ ﺋﯧﻜﺴﭙﻮﺭﺕ ﻧﯩﺴﺒﯩﺘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﺘﻪ ﻫﯧﭽﻘﺎﻧﭽﻪ ﺭﻭﻝ ﺋﻮﻳﻨﯩﻴﺎﻟﻤﺎﻳﺪﯗ"

ﺋﺎﻣﯧﺮﯨﻜﺎ ﺳﻮﺩﺍ ﻣﯩﻨﯩﺴﺘﯩﺮﻟﯩﻘﻰ ﺋﯚﺯﻯ ﻳﻮﻟﻐﺎ ﻗﻮﻳﻐﺎﻥ ﺑﯘ ﭘﺮﻭﮔﺮﺍﻣﻤﯩﻨﯩﯔ ﭘﻪﻗﻪﺕ ﺋﯩﺸﻠﻪﻣﭽﯩﻠﯩﻚ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ، ﺋﯧﻠﯧﻜﺘﺮﻭﻧﻠﯘﻕ ﻣﻪﻫﺴﯘﻻﺕ، ﻳﯧﺮﯨﻢ ﺋﯚﺗﻜﯜﺯﮔﯜﭺ ﯞﻩ ﺑﻪﺯﻯ ﺧﯩﻤﯩﻴﯩﻠﯩﻚ ﺑﯘﻳﯘﻣﻼﺭﻧﻰ ﺋﯧﻜﺴﭙﻮﺭﺕ ﻗﯩﻠﯩﺸﯩﻐﺎ ﺋﺎﺳﺎﻧﻠﯩﻖ ﻳﺎﺭﯨﺘﯩﺶ ﺋﯜﭼﯜﻥ ﻳﯜﺭﮔﯜﺯﯛﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﻤﻪﻛﺘﻪ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﻗﻮﺭﺍﻝ-ﻳﺎﺭﺍﻕ ﺳﻮﺩﯨﮕﻪﺭﻟﯩﺮﯨﮕﻪ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﯩﮕﻪ ﻳﺎﺭﺩﯨﻤﻰ ﺗﯧﮕﯩﺪﯨﻐﺎﻥ ﺑﯘ ﺧﯩﻠﺪﯨﻜﻰ ﻫﻪﺭﺑﯩﻲ ﺗﯧﺨﻨﯩﻜﯩﻼﺭﻧﻰ ﺳﯧﺘﯩﭗ ﺑﯧﺮﯨﺶ ﺭﻩﺕ ﻗﯩﻠﯩﻨﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ، ﺋﻪﻣﻤﺎ ﺋﺎﻣﯧﺮﯨﻜﺎ ﺳﻮﺩﺍ ﻣﯩﻨﯩﺴﺘﯩﺮﻟﯩﻜﻰ ﺧﺎﺩﯨﻤﻠﯩﺮﻯ، ﺧﯩﺘﺎﻳﺪﯨﻦ ﻛﻪﻟﮕﻪﻥ ﺷﻪﺧﺴﻰ ﺳﻮﺩﯨﮕﻪﺭﻟﻪﺭﻧﯩﯔ ﺑﯘ ﺧﯩﻠﺪﯨﻜﻰ ﺗﯧﺨﻨﯩﻜﯩﻼﺭﻧﻰ ﺋﺎﻣﯧﺮﯨﻜﯩﺪﯨﻦ ﺋﯩﻤﭙﻮﺭﺕ ﻗﯩﻠﯩﺸﻰ ﺋﺎﻣﯧﺮﯨﻜﺎ ﺋﯧﻜﺴﭙﻮﺭﺕ ﻧﯩﺴﺒﯩﺘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﺘﻪ ﺋﯩﺠﺎﺑﯩﻲ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ ﻫﻪﺭﺑﯩﻲ ﺳﺎﻫﻪﺳﯩﺪﻩ ﺋﯩﺸﻠﯩﺘﯩﺪﯨﻐﺎﻥ ﺋﺎﻳﺮﻭﭘﯩﻼﻥ ﻣﺎﺗﻮﺭﻯ، ﻳﯧﺘﻪﻛﻠﻪﺵ ﺳﯩﺴﺘﯧﻤﯩﺴﻰ، ﻻﺯﯦﺮ ﻧﯘﺭ ﺗﯧﺨﻨﯩﻜﯩﺴﻰ ﯞﻩ ﺋﯧﻠﯧﻜﺘﺮﻭﻧﻠﯘﻕ ﺋﺎﻻﻗﯩﺪﻩ ﺋﯩﺸﻠﯩﺘﯩﺪﯨﻐﺎﻥ ﺋﯜﺳﻜﯜﻧﯩﻠﻪﺭﻧﻰ ﺧﯩﺘﺎﻳﻐﺎ ﺳﯧﺘﯩﭗ ﺑﯧﺮﯨﺸﻜﻪ ﻗﺎﺗﺘﯩﻖ ﭼﻪﻙ ﻗﻮﻳﻐﺎﻥ ﺑﻮﻟﯘﭖ، ﺋﻪﻣﻤﺎ ﺧﯩﺘﺎﻱ ﺗﻪﺭﻩﭖ ﺋﺎﻣﯧﺮﯨﻜﺎ ﺩﺍﺋﯩﺮﯨﻠﯩﺮﯨﮕﻪ ﺑﯘ ﺧﯩﻞ ﭼﻪﻛﻠﯩﻤﯩﻨﻰ ﺋﯧﻠﯩﭗ ﺗﺎﺷﻼﺵ ﺗﻪﻛﻠﯩﭙﯩﻨﻰ ﺑﯧﺮﯨﭗ، ﺷﯘﻧﺪﺍﻕ ﺑﻮﻟﻐﺎﻧﺪﺍ ﺧﯩﺘﺎﻱ ‏- ﺋﺎﻣﯧﺮﯨﻜﺎ ﺳﻮﺩﺍ ﺋﺎﻻﻗﯩﺴﯩﺪﺍ ﻣﻪﻳﺪﺍﻧﻐﺎ ﻛﻪﻟﮕﻪﻥ ﻗﯩﺰﯨﻞ ﺭﻩﻗﻪﻣﻨﻰ ﺋﺎﺯﺍﻳﺘﯩﺸﻘﺎ ﭘﺎﻳﺪﯨﺴﻰ ﺗﯧﮕﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﺋﯩﺪﻯ.

ﺋﻪﻣﻤﺎ، ﺑﻪﺯﻯ ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯩﻠﻐﺎﺭ ﺋﯜﺳﻜﯜﻧﯩﻠﻪﺭ ﺋﯧﻜﺴﭙﻮﺭﺗﯩﻨﯩﯔ، ﺧﯩﺘﺎﻱ- ﺋﺎﻣﯧﺮﯨﻜﺎ ﺳﻮﺩﺍ ﺋﯧﻜﺴﭙﻮﺭﺗﯩﺪﺍ ﻣﻪﻳﺪﺍﻧﻐﺎ ﻛﻪﻟﮕﻪﻥ ﻗﯩﺰﯨﻞ ﺭﻩﻗﻪﻣﻨﻰ ﻛﯧﻤﻪﻳﺘﯩﺸﻜﻪ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﺋﺎﻧﭽﻪ ﭼﻮﯓ ﺋﻪﻣﻪﺱ ﺋﯩﻜﻪﻥ. (ﺟﯜﻣﻪ)