ﺧﯩﺘﺎﻳﻨﯩﯔ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﯩﻨﻰ ﻣﻪﺧﭙﯩﻲ ﻗﺎﻧﺎﺕ ﻳﺎﻳﺪﯗﺭﯗﺷﻰ ﺋﺎﻣﯧﺮﯨﻜﯩﻨﻰ ﺧﺎﺗﯩﺮﺟﻪﻣﺴﯩﺰ ﻗﯩﻠﯩﯟﺍﺗﯩﺪﯗ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻫﻪﺭﺑﯩﻲ ﺳﯧﻠﯩﻨﻤﺎ ﯞﻩ ﻫﻪﺭﺑﯩﻲ ﻗﯩﺴﯩﻤﻼﺭﻧﻰ ﺯﺍﻣﺎﻧﯩﯟﯨﻼﺷﺘﯘﺭﯗﺵ ﭘﯩﻼﻧﯩﻨﻰ ﺋﺎﺷﻜﺎﺭﺍ ﺋﯧﻠﯩﭗ ﺑﯧﺮﯨﺶ ﺗﻪﻟﯩﭙﻰ ﺧﯩﺘﺎﻱ - ﺋﺎﻣﯧﺮﯨﻜﺎ ﻫﻪﺭﺑﯩﻲ ﻣﯘﻧﺎﺳﯩﯟﻩﺗﻠﯩﺮﯨﺪﻩ ﺋﺎﻣﯧﺮﯨﻜﺎ ﺋﯜﺯﻟﯜﻛﺴﯩﺰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻛﯧﻠﯩﯟﺍﺗﻘﺎﻥ ﯞﻩ ﺋﯘﻧﻰ ﻗﺎﻳﻐﯘﻏﺎ ﺳﯧﻠﯩﯟﺍﺗﻘﺎﻥ ﻣﻪﺳﯩﻠﯩﺪﯗﺭ. ﺋﺎﻣﯧﺮﯨﻜﺎ ﺗﯩﻨﭻ ﺋﻮﻛﻴﺎﻥ ﻗﯩﺴﯩﻤﻠﯩﺮﯨﻨﯩﯔ ﺋﺎﺩﯦﻤﯩﺮﺍﻟﻰ، ﻗﻮﻣﺎﻧﺪﺍﻥ ﺗﯩﻤﻮﺗﻰ ﻛﯧﺘﯩﯔ، ﺋﺎﻟﺪﯨﻨﻘﻰ ﻛﯜﻧﻰ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎﺳﯩﻨﯩﯔ ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺑﯘ ﻣﻪﺳﯩﻠﯩﺪﯨﻜﻰ ﺋﻪﻧﺪﯨﺸﯩﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺧﯩﺘﺎﻳﻨﯩﯔ ﻫﻪﺭﺑﯩﻲ ﺳﯧﻠﯩﻨﻤﯩﻨﻰ ﺋﯜﺯﻟﯜﻛﺴﯩﺰ ﻛﯚﭘﻪﻳﺘﯩﺸﻰ ﺋﺎﻣﯧﺮﯨﻜﺎ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﯨﻨﻰ ﺑﯩﺌﺎﺭﺍﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻫﻪﻡ ﺧﯩﺘﺎﻱ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﺯﺍﺩﻯ ﻧﯧﻤﻪ ﻏﻪﺭﻩﺯﮔﻪ ﻳﻪﺗﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻐﺎ ﻧﯩﺴﺒﻪﺗﻪﻥ ﭼﯜﺷﻪﻧﭽﯩﺴﻰ ﭼﻪﻛﻠﯩﻚ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

"ﺋﯘﻻﺭﻧﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻏﻪﺭﯨﺰﻯ ﺑﯩﺰﻧﯩﯔ ﺩﯨﻘﻘﯩﺘﯩﻤﯩﺰﻧﻰ ﻗﻮﺯﻏﺎﻳﺪﯗ"

ﻛﯧﺘﯩﯖﻨﯩﯔ ﻛﯧﯖﻪﺵ ﭘﺎﻻﺗﺎﺳﯩﺪﯨﻜﻰ ﺳﯚﺯﻯ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ "ﺧﯩﺘﺎﻱ ﻫﻪﺭﺑﯩﻲ ﻛﯜﭼﯩﻨﯩﯔ ﺋﻪﻫﯟﺍﻟﻰ" ﺩﯦﮕﻪﻥ ﺩﻭﻛﻼﺗﺘﯩﻜﻰ ﻗﺎﺭﺍﺷﻼﺭ ﺑﯩﻠﻪﻥ ﺋﻮﺧﺸﺎﺵ ﺑﻮﻟﯘﭖ، ﺩﻭﻛﻼﺗﺘﺎ ﺧﯩﺘﺎﻱ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﺎﺷﻜﺎﺭﺍ ﺋﻪﻣﻪﺳﻠﯩﻜﻰ، ﺑﯘ ﻣﻪﻟﯘﻡ ﺳﺎﻫﻪﻟﻪﺭﺩﻩ ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﯩﮕﻪ ﺗﻪﻫﺪﯨﺖ ﺳﯧﻠﯩﯟﺍﺗﻘﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ. ﻛﯧﺘﯩﯔ، ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﺪﯨﻜﻰ ﻛﯧﯖﻪﺵ ﭘﺎﻻﺗﺎ ﺋﻪﺯﺍﻟﯩﺮﯨﻐﺎ ﺑﻪﺭﮔﻪﻥ ﮔﯘﯞﺍﻫﻠﯩﻖ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﺋﯜﺯﻟﯜﻛﺴﯩﺰ ﻛﯜﭼﯩﻴﯩﯟﺍﺗﻘﺎﻥ ﻫﻪﺭﺑﯩﻲ ﺋﯩﻘﺘﯩﺪﺍﺭﻯ ﺋﯚﺯﻟﯩﺮﯨﺪﻩ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻱ ﺋﺎﺭﻣﯩﻴﯩﺴﯩﻨﯩﯔ ﻳﻪﺗﻤﻪﻛﭽﻰ ﺑﻮﻟﻐﺎﻥ ﻏﻪﺭﯨﺰﯨﮕﻪ ﻗﺎﺭﯨﺘﺎ ﭼﯜﺷﻪﻧﭽﯩﺴﻰ ﭼﻪﻛﻠﯩﻚ ﺩﺍﺋﯩﺮﯨﺪﻩ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ، " ﺋﯘﻻﺭ ﺋﺎﺷﻜﺎﺭﯨﻠﯩﻐﺎﻥ ﻧﻪﺭﺳﯩﻠﻪﺭ ﺑﯩﺰﻧﯩﯔ ﻧﯘﻗﺘﯩﺌﯩﻨﻪﺯﯨﺮﯨﻤﯩﺰﭼﻪ ﻳﯧﺘﻪﺭﻟﯩﻚ ﺋﻪﻣﻪﺱ " ﺩﻩﻳﺪﯗ.

ﺑﺎﺵ ﺷﺘﺎﺑﻰ ﻫﺎﯞﺍﻳﺪﯨﻜﻰ ﺋﺎﻣﯧﺮﯨﻜﺎ ﺗﯩﻨﭻ ﺋﻮﻛﻴﺎﻥ ﺋﺎﺭﻣﯩﻴﯩﺴﻰ ﺋﺎﻣﯧﺮﯨﻜﯩﻨﯩﯔ ﺋﻪﯓ ﻗﯘﺩﺭﻩﺗﻠﯩﻚ ﻫﺎﯞﺍ ﯞﻩ ﺩﯦﯖﯩﺰ ﻛﯜﭼﻰ ﻣﻪﺭﻛﻪﺯﻟﻪﺷﻜﻪﻥ ﻗﯩﺴﯩﻤﻰ ﺑﻮﻟﯘﭖ، ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﻣﻪﺯﻛﯘﺭ ﻗﯩﺴﯩﻤﻨﯩﯔ ﻣﻪﺳﺌﯘﻟﯩﻴﻪﺕ ﺩﺍﺋﯩﺮﯨﺴﯩﺪﻩ ﺋﯩﺪﻯ. ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎﺳﯩﺪﯨﻜﻰ ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﺋﯚﺯ ﺗﻪﺳﯩﺮ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻛﯧﺘﯩﯔ " ﺋﯘﻻﺭﻧﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻏﻪﺭﯨﺰﻯ ﺑﯩﺰﮔﻪ ﻗﺎﺭﺷﻰ ﺗﯘﺭﯗﺷﻨﻰ ﻣﻪﻗﺴﻪﺕ ﻗﯩﻠﻤﯩﻐﺎﻥ ﺗﻪﻗﺪﯨﺮﺩﯨﻤﯘ، ﻟﯧﻜﯩﻦ ﺑﯘ ﻳﻪﻧﯩﻼ ﺑﯩﺰﻧﯩﯔ ﺩﯨﻘﻘﯩﺘﯩﻤﯩﺰﻧﻰ ﻗﻮﺯﻏﺎﻳﺪﯗ " ﺩﯦﺪﻯ.

" ﻫﻪﺭ ﺋﯩﻜﻜﻰ ﺗﻪﺭﻩﭘﻨﻰ ﻫﻪﺭﺑﯩﻲ ﻫﻪﺭﯨﻜﻪﺗﺘﯩﻦ ﺳﺎﻗﻠﯩﻨﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﺩﯗﻕ "

ﺋﺎﻣﯧﺮﯨﻜﺎ ﺗﯩﻨﭻ ﺋﻮﻛﻴﺎﻥ ﺋﺎﺭﻣﯩﻴﯩﺴﯩﻨﯩﯔ ﻣﻪﺯﻛﯘﺭ ﺋﺎﺩﯦﻤﯩﺮﺍﻟﻰ، ﺧﯩﺘﺎﻳﻨﯩﯔ ﺋﯚﺯﻟﯩﺮﯨﺪﻩ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﯞﻩ ﺋﯧﻠﯧﻜﺘﺮﻭﻧﯩﻚ ﺋﯘﺭﯗﺵ ﻗﯩﻠﯩﺶ ﻛﯜﭼﻰ ﺋﺎﻣﯧﺮﯨﻜﺎ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﯨﺪﻩ ﻣﯘﻧﺎﺯﯨﺮﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، "ﺑﯩﺰﻧﯩﯔ ﺋﯧﻬﺘﯩﻴﺎﺝ ﭼﯜﺷﻜﻪﻧﺪﻩ ﺋﻮﺭﯗﻧﻼﺷﺘﯘﺭﯨﺪﯨﻐﺎﻥ ﻧﺎﺯﯗﻙ ﻗﻮﺭﺍﻟﻠﯩﺮﯨﻤﯩﺰ ﺑﺎﺭ. ﻛﯚﭖ ﻗﯩﺴﯩﻢ ﺋﯧﻠﯧﻜﺘﺮﻭﻧﯩﻚ ﻗﻮﺭﺍﻟﻼﺭﻧﯩﯔ ﻗﺎﺭﺷﻰ ﺗﯘﺭﯗﺵ ﺋﯜﻧﯜﻣﻰ ﻳﺎﺧﺸﻰ، ﻟﯧﻜﯩﻦ ﻳﻪﻧﻪ ﺑﯩﺮ ﻗﯩﺴﯩﻢ ﻗﻮﺭﺍﻟﻼﺭﻧﯩﯔ ﺋﯜﻧﯜﻣﻰ ﻳﻪﻧﯩﻼ ﭼﻪﻛﻠﯩﻚ "ﺩﻩﭖ ﻛﯚﺭﺳﻪﺗﺘﻰ.

ﻛﯧﺘﯩﯔ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎ ﺋﻪﺯﺍﻟﯩﺮﯨﻐﺎ ﺧﯩﺘﺎﻱ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﻰ ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺳﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺋﺎﻣﯧﺮﯨﻜﺎ ﺗﯩﻨﭻ ﺋﻮﻛﻴﺎﻥ ﺋﺎﺭﻣﯩﻴﯩﺴﯩﻨﯩﯔ ﻣﯘﻫﯩﻢ ﯞﻩﺯﯨﭙﯩﻠﯩﺮﯨﻨﯩﯔ ﺑﯩﺮﻯ، ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺑﻮﻟﯘﭖ، ﻟﯧﻜﯩﻦ ﺑﻮﻏﯘﺯﺩﯨﻜﻰ ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺷﻨﯩﯔ ﺋﺎﭼﻘﯘﭼﻰ ﻳﻪﻧﯩﻼ ﺗﻪﻳﯟﻩﻧﻨﯩﯔ ﺋﯚﺯﯨﻨﻰ ﻣﯘﺩﺍﭘﯩﺌﻪ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﺋﯚﺳﺘﯜﺭﯛﺵ "ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، ﺗﻪﻳﯟﻩﻥ ﺑﻮﻏﯘﺯﯨﺪﺍ ﺋﯘﺭﯗﺵ ﭘﺎﺭﺗﻼﺵ ﺋﯧﻬﺘﯩﻤﺎﻟﻰ ﻳﯜﺯ ﺑﻪﺭﻣﻪﺳﻠﯩﻜﻰ ﻣﯘﻣﻜﯩﻦ، ﺩﻩﭖ ﻗﺎﺭﯨﻤﺎﻗﺘﺎ.

ﻛﯧﯖﻪﺵ ﭘﺎﻻﺗﺎ ﺋﻪﺯﺍﻟﯩﺮﯨﻐﺎ "ﺗﻪﻳﯟﻩﻥ ﺑﻮﻏﯘﺯﯨﺪﺍ ﯞﻩﻗﻪ ﻳﯜﺯ ﺑﻪﺭﻣﻪﺳﻠﯩﻜﻰ ﻣﯘﻣﻜﯩﻦ " ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻛﯧﺘﯩﯔ، ﺋﯚﺯﻟﯩﺮﯨﻨﯩﯔ ﺗﻪﻳﯟﻩﻥ ﻳﺎﻛﻰ ﺧﯩﺘﺎﻳﻼﺭ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﻩ ﺋﯘﻻﺭﻏﺎ ﺋﺎﺳﯩﻴﺎ - ﺗﯩﻨﭻ ﺋﻮﻛﻴﺎﻥ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻘﯩﻨﻰ، ﺑﻮﻟﯘﭘﻤﯘ ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﺎﻻﻫﯩﺪﻩ ﺳﻪﻣﯩﮕﻪ ﺳﺎﻟﻐﺎﻧﻠﯩﻘﯩﻨﻰ، ﻟﯧﻜﯩﻦ ﺧﯩﺘﺎﻳﻼﺭﻧﯩﯔ ﺗﻪﻳﯟﻩﻥ ﺑﻮﻏﯘﺯﻯ ﺋﻪﺗﺮﺍﭘﯩﺪﺍ ﻫﻪﺭﺑﯩﻲ ﺋﻮﺭﯗﻧﻼﺷﺘﯘﺭﯗﺷﻨﻰ ﻛﯜﭼﻪﻳﺘﻜﻪﻧﻠﯩﻜﻰ ﺗﯜﭘﻪﻳﻠﻰ ﺑﯘ ﺗﻪﻳﯟﻩﻥ ﺩﺍﺋﯩﺮﯨﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﯞﺍﺗﻘﺎﻧﻠﯩﻘﯩﻨﻰ، ﺋﻪﻣﻤﺎ ﺋﯚﺯﻟﯩﺮﯨﻨﯩﯔ ﻫﻪﺭ ﺋﯩﻜﻜﻰ ﺗﻪﺭﻩﭘﻨﻰ ﻫﻪﺭﺑﯩﻲ ﻫﻪﺭﯨﻜﻪﺗﺘﯩﻦ ﺳﺎﻗﻠﯩﻨﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﺧﯩﺘﺎﻱ ﺗﻪﻳﯟﻩﻥ ﺑﻮﻏﯘﺯﻯ ﺋﻪﺗﺮﺍﭘﯩﻐﺎ ﺋﺎﺯ ﻛﻪﻡ 1000 ﺩﺍﻧﻪ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺋﻮﺭﯗﻧﻼﺷﺘﯘﺭﺩﻯ "

ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﺑﻪﺵ ﺑﯘﺭﺟﻪﻛﻠﯩﻚ ﺑﯩﻨﺎﻧﯩﯔ ﺩﻭﻛﻼﺗﯩﺪﺍ، ﺧﯩﺘﺎﻳﻨﯩﯔ ﺗﻪﻳﯟﻩﻥ ﺑﻮﻏﯘﺯﻯ ﺋﻪﺗﺮﺍﭘﯩﻐﺎ ﺋﺎﺯ ﻛﻪﻡ 1000 ﺩﺍﻧﻪ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺋﻮﺭﯗﻧﻼﺷﺘﯘﺭﻏﺎﻧﻠﯩﻘﯩﻨﻰ، ﺋﺎﯞﯨﺌﺎﻣﺎﺗﻜﺎ، ﺋﯘﺭﯗﺵ ﭘﺎﺭﺍﺧﻮﺗﯩﻐﺎ ﻗﺎﺭﺷﻰ ﭼﺎﺭﻟﯩﻐﯘﭼﻰ ﯞﻩ ﺑﺎﻟﻠﯩﺴﺘﯩﻚ ﺑﻮﻣﺒﯩﻼﺭ ﺷﯘﻧﺪﺍﻗﻼ ﺳﯜﻧﺌﯩﻲ ﻫﻪﻣﺮﺍﻫ ﻫﻪﻡ ﻗﯩﺘﺌﻪﻟﻪﺭﺋﺎﺭﺍ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻐﺎ ﻗﺎﺭﺷﻰ ﻗﻮﺭﺍﻟﻼﺭﻧﻰ ﺭﺍﯞﺍﺟﻼﻧﺪﯗﺭﯗﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻟﯧﻜﯩﻦ ﻛﯧﺘﯩﯔ، ﻛﯧﯖﻪﺵ ﭘﺎﻻﺗﺎﺳﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﯞﻩﺯﯨﻴﯩﺘﻰ ﺗﻪﻳﯟﻩﻧﺪﯨﻜﻰ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﯨﻦ ﻛﯧﻴﯩﻦ ﻳﯘﻣﺸﺎﺵ ﻳﻮﻟﯩﻐﺎ ﻗﺎﺭﺍﭖ ﻣﯧﯖﯩﺸﻰ ﻣﯘﻣﻜﯩﻦ، ﻗﺎﺭﯨﻤﺎﻗﺘﺎ. ﺋﯘ، " ﺗﻪﻳﯟﻩﻥ ﭘﺎﺕ ﻳﯧﻘﯩﻨﺪﺍ ﻳﻪﻧﻰ 3 ‏- ﺋﺎﻳﻨﯩﯔ 22 ‏- ﻛﯜﻧﻰ ﺳﺎﻳﻼﻡ ﺋﯚﺗﻜﯜﺯﯨﺪﯗ. ﻧﺎﻣﺰﺍﺗﻼﺭﻧﯩﯔ ﻫﻪﺭ ﺋﯩﻜﻜﯩﺴﻰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﮕﻪ ﻣﯚﺗﯩﺪﯨﻞ ﺳﯩﻴﺎﺳﻪﺕ ﺗﯘﺗﻤﺎﻗﺘﺎ. ﺑﯘ، ﺋﻮﺗﺘﯘﺭﯨﺪﯨﻜﻰ ﺋﯩﺨﺘﯩﻼﭘﻨﻰ ﻳﯘﻣﺸﯩﺘﯩﺸﻰ ﻣﯘﻣﻜﯩﻦ. ﺑﯩﺰ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺕ ﺑﯩﻠﻪﻥ 22 ‏- ﻣﺎﺭﺗﺘﯩﻜﻰ ﺳﺎﻳﻼﻣﺪﯨﻦ ﻛﯧﻴﯩﻦ ﺋﻮﺗﺘﯘﺭﯨﺪﯨﻜﻰ ﻣﯘﻧﺎﺳﯩﯟﻩﺕ ﻳﯘﻣﺸﺎﻳﺪﯗ، ﺩﻩﭖ ﻗﺎﺭﺍﻳﻤﯩﺰ " ﺩﻩﭖ ﺋﻪﺳﻜﻪﺭﺗﯩﺪﯗ.

"ﺧﯩﺘﺎﻳﻨﯩﯔ ﺋﯧﻠﯧﻜﺘﺮﻭﻧﯩﻚ ﺋﯘﺭﯗﺵ ﻗﯩﻠﯩﺶ ﺗﻪﻳﻴﺎﺭﻟﯩﻘﻰ ﺑﯩﺰﻧﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﯩﺪﯗ "

ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﻳﯧﻘﯩﻨﺪﺍ، ﺧﯩﺘﺎﻳﻨﯩﯔ ﺑﯘ ﻳﯩﻠﻘﻰ ﻫﻪﺭﺑﯩﻲ ﺧﺎﻡ ﭼﻮﺗﯩﻨﻰ 17.6 ﭘﯩﺮﺳﻪﻧﺖ ﺋﯚﺳﺘﯜﺭﯨﺪﯨﻐﺎﻧﻠﯩﻘﯩﻨﻰ، ﺋﻮﻣﯘﻣﻰ ﻫﻪﺭﺑﯩﻲ ﺳﯧﻠﯩﻨﻤﺎ ﺗﻪﺧﻤﯩﻨﻪﻥ 57 ﻣﯩﻠﻴﺎﺭﺩ ﺩﻭﻟﻼﺭﻏﺎ ﻳﯧﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﻫﻪﺭﺑﯩﻲ ﺳﯧﻠﯩﻨﻤﯩﺪﯨﻜﻰ ﺑﯘ ﺋﺎﺭﺗﯩﺸﻨﻰ ﺋﺎﺳﺎﺳﻠﯩﻘﻰ ﻫﻪﺭﺑﯩﻴﻠﻪﺭﻧﯩﯔ ﺗﻪﻟﯩﻢ - ﺗﻪﺭﺑﯩﻴﻪ ﯞﻩ ﺗﯘﺭﻣﯘﺵ ﺷﺎﺭﺍﺋﯩﺘﯩﻨﻰ ﻳﺎﺧﺸﯩﻼﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ، ﺩﻩﭖ ﭼﯜﺷﻪﻧﺪﯛﺭﻣﻪﻛﺘﻪ. ﻟﯧﻜﯩﻦ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﺩﻭﻛﻼﺗﯩﺪﺍ ﺧﯩﺘﺎﻳﻨﯩﯔ ﺋﯧﻠﯧﻜﺘﺮﻭﻧﯩﻚ ﺋﯘﺭﯗﺵ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﺋﯚﺳﺘﯜﺭﯛﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻱ ﺗﻮﺭ ﺯﻩﺭﺑﯩﺪﺍﺭﻟﯩﺮﯨﻨﯩﯔ ﺋﺎﻣﯧﺮﯨﻜﺎ ﺗﻮﺭ ﺳﯧﺴﺘﯩﻤﯩﺴﻰ ﯞﻩ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯩﻨﺘﯧﺮﻧﯧﺖ ﺋﯘﻻﻧﻤﯩﻠﯩﺮﯨﻐﺎ ﻫﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻛﯧﺘﯩﯔ ﻛﯧﯖﻪﺵ ﭘﺎﻻﺗﺎﺳﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺑﯘ ﻣﻪﺳﯩﻠﯩﮕﻪ ﺋﯩﺰﺍﻫﺎﺕ ﺑﯧﺮﯨﭗ، "ﺧﯩﺘﺎﻳﻨﯩﯔ ﺋﯧﻠﯧﻜﺘﺮﻭﻧﯩﻚ ﺋﯘﺭﯗﺵ ﻗﯩﻠﯩﺶ ﺗﻪﻳﻴﺎﺭﻟﯩﻘﻰ ﺑﯩﺰﻧﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﯩﺪﯗ. ﺑﯘ ﺑﯩﺰﻧﯩﯔ ﺩﯨﻘﻘﯩﺘﯩﻤﯩﺰﻧﻰ ﻗﻮﺯﻏﺎﯞﺍﺗﻘﺎﻥ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ. ﺧﯩﺘﺎﻱ ﺋﯘﭼﯘﺭﻻﺷﺘﯘﺭﯗﺷﻨﻰ ﻫﻪﺭﺑﯩﻲ ﻣﻪﻛﺘﻪﭘﻠﻪﺭﺩﯨﻜﻰ ﻣﯘﻫﯩﻢ ﺗﻪﺗﻘﯩﻘﺎﺕ ﺗﯧﻤﯩﺴﻰ ﺳﯜﭘﯩﺘﯩﺪﻩ ﺗﯘﺗﯘﯞﺍﺗﯩﺪﯗ " ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)