ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﺪﯨﻜﻰ ﭘﻪﺭﻗﻠﻪﺭﻧﻰ ﺑﯩﻠﯩﺸﻜﻪ ﻗﯩﺰﯨﻘﻘﯘﭼﯩﻼﺭ ﺋﯜﭼﯜﻥ ﺋﯘﭼﯘﺭﻻﺭ (1)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﯩﺪﯨﻜﻰ ﺋﯩﻨﺘﯧﺮﻧﯧﺖ ﺗﻪﺗﻘﯩﻘﺎﺗﭽﯩﺴﻰ ﻧﯧﻠﺴﯧﻨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﮔﻪﺭﭼﻪ ﺑﻪﺯﻯ ﺟﺎﻳﻼﺭﺩﺍ ﺧﻪﻟﻘﻨﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺳﻪﺭﭘﯩﻴﺎﺗﻰ ﺗﯧﺨﻰ ﺋﯩﻜﻜﻰ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﻪﺗﻤﯩﺴﯩﻤﯘ، ﺋﻪﻣﻤﺎ ﻫﺎﺯﯨﺮ ﺋﺎﺯ ﺩﯦﮕﻪﻧﺪﻩ 56 ﻣﯩﻠﻴﻮﻥ ﺋﺎﺩﻩﻡ ﺋﯩﻨﺘﯧﺮﻧﯧﺘﻜﻪ ﻛﯩﺮﯨﯟﺍﺗﯩﺪﯗ. (ﺏ ﺏ ﺱ ﻧﯩﯔ 2007 ‏- ﻳﯩﻞ 4 ‏- ﺋﺎﻳﻨﯩﯔ 22 ‏- ﻛﯜﻧﯩﺪﯨﻜﻰ ﺧﻪﯞﯨﺮﯨﮕﻪ ﻗﺎﺭﺍﯓ). ﺗﻮﺭ ﺋﻪﻫﻠﻰ ﻗﯩﺰﯨﻘﯩﯟﺍﺗﻘﺎﻥ ﺗﯧﻤﯩﻼﺭﻏﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ، ﺋﯘﻻﺭ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﺪﯨﻜﻰ ﭘﻪﺭﻗﻠﻪﺭﻧﻰ ﺳﯧﻠﯩﺸﺘﯘﺭﯗﺷﻘﺎ ﻧﺎﻫﺎﻳﯩﺘﻰ ﻗﯩﺰﯨﻘﯩﺪﯨﻜﻪﻥ.

ﺑﯘﻧﯩﯖﻐﺎ ﺋﺎﺳﺎﺳﻪﻥ، 'ﻛﯚﺯﯨﺘﯩﺶ ﮊﯗﺭﻧﯩﻠﻰ' ﻗﺎﺗﺎﺭﻟﯩﻖ ﺋﺎﻣﯧﺮﯨﻜﯩﺪﯨﻜﻰ ﺋﯘﭼﯘﺭ ﯞﺍﺳﺘﯩﻠﯩﺮﻯ ﻳﯧﻘﯩﻨﺪﺍ، ﺧﯩﺘﺎﻳﺪﯨﻜﻰ ﺗﻮﺭ ﺋﻪﻫﻠﯩﻨﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﯧﺮﯨﺶ ﺋﯜﭼﯜﻥ، ﺋﺎﻣﯧﺮﯨﻜﯩﺪﺍ 'ﺳﺎﻳﻼﻡ' ﺩﯦﮕﻪﻧﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﻰ، 'ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ' ﺩﯦﮕﻪﻧﻨﯩﯔ ﻗﺎﻧﺪﺍﻕ ﺋﯧﭽﯩﻠﯩﺪﯨﻐﺎﻧﻠﯩﻘﻰ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻨﯩﯔ ﻗﺎﻧﺪﺍﻕ ﺳﺎﻳﻠﯩﻨﯩﺪﯨﻐﺎﻧﻠﯩﻘﻰ، ﺋﯘ ﺧﻪﻟﻘﻘﻪ ﻗﺎﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻧﻠﯩﻘﻰ ﯞﻩ ﺑﯘﻧﯩﯔ ﺑﯩﻠﻪﻥ ﺧﯩﺘﺎﻳﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ 'ﺳﺎﻳﻼﻡ'، ' ﻗﯘﺭﯗﻟﺘﺎﻱ' ﻧﯩﯔ ﻗﺎﻧﺪﺍﻕ ﭘﻪﺭﻗﻰ ﺑﺎﺭﻟﯩﻘﻰ، ﺧﻪﻟﻘﻨﯩﯔ ﺗﯘﺭﻣﯘﺷﻰ، ﺋﻪﺭﻛﯩﻨﻠﯩﻚ ﻣﻪﺳﯩﻠﯩﺴﻰ، ﻗﺎﺗﺎﺭﻟﯩﻘﻼﺭ ﻫﻪﺭ ﺧﯩﻞ ﺗﯧﻤﯩﻼﺭ ﺑﯘﻳﯩﭽﻪ ﺋﻮﺑﺰﻭﺭﻻﺭ ﯞﻩ ﻣﯘﻻﻫﯩﺰﯨﻠﻪﺭ ﺋﯧﻼﻥ ﻗﯩﻠﺪﻯ. ﺑﯘﻧﯩﯖﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﺍ ﺋﺎﺯ ﺩﯦﮕﻪﻧﺪﻩ ﺗﯚﯞﻩﻧﺪﯨﻜﻰ ﻣﻪﺳﯩﻠﯩﻠﻪﺭﺩﻩ ﻧﺎﻫﺎﻳﯩﺘﻰ ﭼﻮﯓ ﭘﻪﺭﻕ ﺑﺎﺭ.

ﻳﯩﻐﯩﻦ ﻳﺎﻛﻰ ﻗﯘﺭﯗﻟﺘﺎﻱ ﭼﯩﻘﯩﻤﯩﻨﻰ ﻛﯩﻢ ﻛﯚﺗﯜﺭﯨﺪﯗ؟

'ﻛﯚﺯﯨﺘﯩﺶ ﮊﯗﺭﻧﯩﻠﻰ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ ﺋﯧﭽﯩﻠﯩﺶ ﻫﺎﺭﭘﯩﺴﯩﺪﺍ، ﺋﺎﻣﯧﺮﯨﻜﯩﺪﯨﻜﻰ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ 2004 ‏- ﻳﯩﻠﻰ ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ ﺋﺎﭼﻘﺎﻧﺪﺍ 4 ﻛﯜﻥ ﺋﯩﭽﯩﺪﻩ 60 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺳﻪﺭﭖ ﻗﯩﻠﻐﺎﻥ ﺋﯩﺪﻯ، ﺩﻩﭖ ﺧﻪﯞﻩﺭ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺋﻪﻣﻤﺎ ﺑﯘ ﭘﯘﻟﻨﯩﯔ ﻣﻪﻧﺒﻪﺳﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. ﺋﻪﻣﻪﻟﯩﻴﻪﺗﺘﻪ، ‏-‏ ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ "ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ ﻫﻪﻗﻘﯩﺪﻩ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﯧﻠﯩﺸﺘﯘﺭﻣﺎ" ﺩﯦﮕﻪﻥ ﺋﻮﺑﺰﻭﺭﺩﺍ، ‏-‏ ﺋﺎﻣﯧﺮﯨﻜﯩﺪﺍ ﭘﺎﺭﺗﯩﻴﯩﻠﻪﺭ ﻫﻪﺭ 4 ﻳﯩﻠﺪﺍ ﺑﯩﺮ ﻗﯧﺘﯩﻢ ﻗﯘﺭﯗﻟﺘﺎﻱ ﺋﺎﭼﯩﺪﯗ.

ﺋﻪﻣﻤﺎ ﻗﯘﺭﯗﻟﺘﺎﻱ ﺋﺎﭼﺴﺎ ﻳﺎﻛﻰ ﺳﺎﻳﻼﻡ ﺋﯚﺗﻜﯜﺯﺳﻪ، ﺋﯘﻧﯩﯔ ﺧﯩﺮﺍﺟﯩﺘﯩﻨﻰ ﻫﯧﭽﻘﺎﻧﺪﺍﻕ ﺑﯩﺮ ﭘﺎﺭﺗﯩﻴﻪ ﺩﯙﻟﻪﺕ ﺧﻪﺯﯨﻨﯩﺴﯩﺪﯨﻦ ﭼﯩﻘﯩﻢ ﻗﯩﻼﻟﻤﺎﻳﺪﯗ. ﻗﯘﺭﯗﻟﺘﺎﻱ ﻳﺎﻛﻰ ﺳﺎﻳﻼﻣﻐﺎ ﻛﻪﺗﻜﻪﻥ ﭘﯜﺗﯜﻥ ﺳﻪﺭﭘﯩﻴﺎﺕ ﺷﯘ ﭘﺎﺭﺗﯩﻴﯩﻨﻰ ﻗﻮﻟﻼﻳﺪﯨﻐﺎﻥ ﺷﻪﺧﺴﯩﻲ ﺋﻪﺯﺍ ﻳﺎﻛﻰ ﺗﻪﺷﻜﯩﻼﺗﻼﺭ ﺋﯩﺌﺎﻧﻪ ﻗﯩﻠﻐﺎﻥ ﻣﻪﺑﻠﻪﻏﺪﯨﻦ ﭼﯩﻘﯩﻢ ﻗﯩﻠﯩﻨﯩﺪﯗ. ﻗﯘﺭﯗﻟﺘﺎﻱ ﻳﺎﻛﻰ ﺳﺎﻳﻼﻡ ﻫﻪﻗﻘﯩﺪﻩ ﺭﺍﺩﯨﺌﻮ-ﺗﯧﻠﯩﯟﯨﺰﯨﻴﻪﻟﻪﺭﺩﻩ ﺑﯧﺮﯨﻠﮕﻪﻥ ﺋﯧﻼﻧﻼﺭﻧﯩﯔ ﭼﯩﻘﯩﻤﯩﻨﯩﻤﯘ ﺷﯘ ﭘﺎﺭﺗﯩﻴﻪ ﺋﯚﺯﻯ ﺗﯚﻟﻪﻳﺪﯗ. ﺧﻪﻟﻖ ﺋﯩﭽﯩﺪﻩ ﻛﯩﻢ ﻗﺎﻳﺴﻰ ﭘﺎﺭﺗﯩﻴﯩﻨﯩﯔ ﺷﯘﺋﺎﺭﯨﻨﻰ، ﺳﯩﻴﺎﺳﯩﺘﯩﻨﻰ ﺗﻮﻏﺮﺍ ﺩﻩﭖ ﻗﺎﺭﯨﺴﺎ، ﺋﯘ ﻛﯩﺸﻰ ﺷﯘﻧﯩﯖﻐﺎ ﺋﺎﯞﺍﺯ ﺑﯧﺮﯨﺪﯗ ﯞﻩ ﺷﻪﺧﺴﯩﻲ ﭘﯘﻟﯩﻨﻰ ﺋﺎﻳﯩﻤﺎﻱ ﺋﯩﺌﺎﻧﻪ ﻗﯩﻠﯩﺪﯗ.

ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ، ﭘﺎﺭﺗﯩﻴﻪ ﻗﯘﺭﯗﻟﺘﯧﻴﯩﻨﯩﯔ ﭘﯜﺗﯜﻥ ﺳﻪﺭﭘﯩﻴﺎﺗﻰ، ‏-‏ ﺩﻩﭖ ﺳﯧﻠﯩﺸﺘﯘﺭﯗﻟﯩﺪﯗ ﺑﯘ ﻣﺎﻗﺎﻟﯩﺪﻩ، ‏-‏ﻫﻪﺗﺘﺎ ﻗﯘﺭﯗﻟﺘﺎﻱ ﺟﻪﺭﻳﺎﻧﯩﺪﺍ ﺧﻪﻟﻖ ﺋﯩﭽﯩﺪﻩ ﭘﻪﻳﺪﺍ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﺋﺎﯞﺍﺯﻻﺭﻧﻰ ﺑﺎﺳﺘﯘﺭﯗﺵ ﺋﯜﭼﯜﻥ ﺋﯩﺸﻠﻪﺗﻜﻪﻥ ﭘﯘﻟﻤﯘ، ﺑﯩﯟﺍﺳﺘﻪ ﺩﯙﻟﻪﺕ ﺧﻪﺯﯨﻨﯩﺴﯩﺪﯨﻦ ﭼﯩﻘﯩﻢ ﻗﯩﻠﯩﻨﯩﺪﯗ. ﺩﯙﻟﻪﺕ ﺧﻪﺯﯨﻨﯩﺴﻰ ﺧﻪﻟﻖ ﺑﺎﺝ ﺗﺎﭘﺸﯘﺭﯗﭖ ﺗﻮﭘﻼﻧﻐﺎﻥ ﭘﯘﻝ. ﺑﯘﻧﯩﯔ ﺳﺎﻧﯩﻨﻰ ﻫﯧﭽﻜﯩﻤﻨﯩﯔ ﺳﯜﺭﯛﺷﺘﻪ ﻗﯩﻠﯩﺶ ﻫﻮﻗﯘﻗﻰ ﻳﻮﻕ. ﺩﯦﻤﻪﻙ ﺑﯘ ﻳﯜﻛﻨﻰ ﺧﻪﻟﻖ ﻛﯚﺗﯜﺭﯨﺪﯗ.

ﻗﯘﺭﯗﻟﺘﺎﻳﺪﺍ ﻧﺎﻣﺰﺍﺕ ﻛﯚﺭﺳﯩﺘﻪﻣﺪﯗ ﻳﺎﻛﻰ ﭘﺮﯦﺰﯨﺪﯦﻨﺘﻨﻰ ﺳﺎﻳﻼﭖ ﭼﯩﻘﺎﻣﺪﯗ؟

ﺋﺎﻣﯧﺮﯨﻜﯩﺪﺍ ﭘﺎﺭﺗﯩﻴﻪ ﻗﯘﺭﯗﻟﺘﺎﻳﻠﯩﺮﻯ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯚﺗﻜﯜﺯﯛﻟﯜﺷﺘﯩﻦ ﺑﯘﺭﯗﻥ ﻛﻪﻟﮕﯜﺳﯩﺪﯨﻜﻰ ﭘﺮﯦﺰﯨﺪﯦﻨﺘﻠﯩﻘﻘﺎ ﻧﺎﻣﺰﺍﺕ ﻛﯚﺭﺳﯩﺘﯩﺪﯗ. ﭘﺮﯦﺰﯨﺪﯦﻨﺘﻨﻰ ﺋﻮﻣﯘﻡ ﺧﻪﻟﻖ ﺳﺎﻳﻼﭖ ﭼﯩﻘﯩﺪﯗ. 'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﯩﺪﺍ 1968 ‏- ﻳﯩﻠﯩﺪﯨﻦ ﺑﯘﺭﯗﻥ، ﭘﺮﯦﺰﯨﺪﯦﻨﺖ ﻧﺎﻣﺰﺍﺗﯩﻨﻰ ﻫﻪﺭ ﻗﺎﻳﺴﻰ ﺷﺘﺎﺗﻼﺭﻧﯩﯔ ﯞﻩﻛﯩﻠﻠﯩﺮﻯ ﺳﺎﻳﻼﭖ ﭼﯩﻘﺎﺗﺘﻰ.

ﺋﺎﻣﯧﺮﯨﻜﯩﺪﯨﻜﻰ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ 1924 ‏- ﻳﯩﻠﻰ ﺑﯩﺮ ﻧﻪﭘﻪﺭ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﯩﻨﻰ 103 ﻗﯧﺘﯩﻢ ﺑﯧﻠﻪﺕ ﺗﺎﺷﻼﺵ ﺋﺎﺭﻗﯩﻠﯩﻖ ﺑﯧﻜﯩﺘﻜﻪﻥ ﺋﯩﻜﻪﻥ. ﺋﻪﻣﻤﺎ ﺋﯘﻧﯩﯖﺪﯨﻦ ﻛﯧﻴﯩﻦ، ﻫﻪﺭﻛﯩﻢ ﺋﺎﻟﺪﻯ ﺑﯩﻠﻪﻥ ﺋﯚﺯﯨﻨﻰ ﻧﺎﻣﺰﺍﺗﻠﯩﻘﻘﺎ ﻛﯚﺭﺳﯩﺘﯩﭗ، ﺷﯘﺋﺎﺭ ﯞﻩ ﺳﯩﻴﺎﺳﻪﺗﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺧﻪﻟﻖ ﺳﻮﺭﯨﻐﺎﻥ ﺳﻮﺋﺎﻟﻼﺭﻧﯩﯔ ﻫﻪﻣﻤﯩﺴﯩﮕﻪ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﺏ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺧﻪﻟﻖ ﺋﺎﯞﺍﺯ ﺑﯧﺮﯨﺪﯨﻐﺎﻥ ﺑﻮﻟﺪﻯ. ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﺑﻮﻟﺴﺎ 1972 ‏- ﻳﯩﻠﯩﺪﯨﻦ ﻛﯧﻴﯩﻦ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﯩﻨﻰ، ﻫﻪﺭ ﻗﺎﻳﺴﻰ ﺟﺎﻳﻼﺭﺩﺍ ﻳﯩﻞ ﺑﯧﺸﯩﺪﺍ ﺋﯚﺗﻜﯜﺯﯛﻟﮕﻪﻥ ﺳﺎﻳﻼﻡ ﭘﺎﺋﺎﻟﯩﻴﯩﺘﯩﺪﻩ ﺋﯧﺮﯨﺸﻜﻪﻥ ﺋﺎﯞﺍﺯﻧﯩﯔ ﺳﺎﻧﯩﻐﺎ ﻗﺎﺭﺍﭖ ﺑﯧﻜﯩﺘﯩﺪﯨﻐﺎﻥ ﺑﻮﻟﺪﻯ. ﺋﺎﻣﯧﺮﯨﻜﯩﺪﺍ ﺋﺎﺩﻩﺗﺘﻪ، ﻛﯩﻤﻨﯩﯔ ﭘﺮﯦﺰﯨﺪﯦﻨﺘﻠﯩﻘﻘﺎ ﺳﺎﻳﻼﻧﻐﺎﻧﻠﯩﻘﯩﻨﻰ ﺋﻪﯓ ﺋﺎﺧﯩﺮﯨﺪﺍ ﺳﺎﻳﻼﻡ ﺑﯧﻠﯩﺘﻰ ﺳﺎﻧﺎﭖ ﭼﯩﻘﯩﻠﻤﯩﻐﯩﭽﻪ ﻫﯧﭽﻜﯩﻢ ﺑﯩﻠﻤﻪﻳﺪﯗ.

ﺋﻪﻣﻤﺎ ﺧﯩﺘﺎﻳﺪﺍ ﺋﯘﻧﺪﺍﻕ ﺋﻪﻣﻪﺱ، ﭘﺎﺭﺗﯩﻴﻪ ﻗﯘﺭﯗﻟﺘﯧﻴﯩﺪﺍ ﺑﺎﺵ ﺳﯧﻜﺮﯨﺘﺎﺭ، ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﻟﯩﺮﻯ، ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻪﺯﺍﻟﯩﺮﯨﻨﯩﯔ ﻧﺎﻣﺰﺍﺗﯩﻨﻰ ﺋﻪﻣﻪﺱ، ﺋﯚﺯﯨﻨﯩﻼ ﺑﯩﺮﺍﻗﻼ ﺑﯧﻜﯩﺘﯩﭗ ﭼﯩﻘﯩﺪﯗ. ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ 17 ‏- ﻗﯘﺭﯗﻟﺘﺎﻳﺪﺍ 2200 ﺩﯨﻦ ﺋﺎﺭﺗﯘﻕ ﭘﺎﺭﺗﯩﻴﻪ ﯞﻩﻛﯩﻠﻰ 204 ﻧﻪﭘﻪﺭ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻪﺯﺍﺳﯩﻨﻰ ﺳﺎﻳﻼﭖ ﭼﯩﻘﺘﻰ، ﺩﻩﭖ ﺧﻪﯞﻩﺭ ﺋﯧﻼﻥ ﻗﯩﻠﺪﻯ. ﺋﻪﻣﻤﺎ ﺋﯘﻻﺭﻧﯩﯔ ﻗﺎﻧﺪﺍﻕ 'ﺳﺎﻳﻼﻧﻐﺎﻥ'ﻟﯩﻘﻰ ﻛﯩﺸﯩﻠﻪﺭﮔﻪ ﻫﯧﭽﺒﯩﺮ ﺳﯩﺮ ﺋﻪﻣﻪﺱ. ﯞﻩﻛﯩﻠﻠﻪﺭﻧﯩﻤﯘ، 'ﺳﺎﻳﻼﻧﻐﺎﻥ' ﺋﻪﻣﻪﻟﺪﺍﺭﻻﺭﻧﯩﻤﯘ ﺑﯩﺮ ﻧﻪﭼﭽﻪ ﻛﯩﺸﻰ ﺋﺎﻟﻠﯩﻘﺎﭼﺎﻥ ﻣﻪﺧﭙﯩﻲ ﺑﻪﻟﮕﯩﻠﻪﭖ ﺑﻮﻟﻐﺎﻥ. ﺋﺎﻣﯧﺮﯨﻜﯩﺪﺍ ﺳﺎﻳﻼﻧﻐﺎﻥ ﻛﯩﺸﯩﻠﻪﺭ ﺋﺎﻟﺪﻯ ﺑﯩﻠﻪﻥ ﺧﻪﻟﻘﺘﯩﻦ ﻣﻪﺳﻠﯩﻬﻪﺕ ﺳﻮﺭﺍﻳﺪﯗ، ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ ﺑﻪﻟﮕﯩﻠﻪﭖ ﭼﯩﻘﯩﻠﻐﺎﻥ ﻛﯩﺸﯩﻠﻪﺭ ﺩﻩﺭﻫﺎﻝ ﺧﻪﻟﻘﻘﻪ ﺩﻭﻛﻼﺕ ﺑﯧﺮﯨﺪﯗ، ﺋﯘﻻﺭ ﺑﻪﺭﮔﻪﻥ ﺩﻭﻛﻼﺗﻘﺎ ﻫﯧﭽﻜﯩﻢ ﻗﺎﺭﯨﻤﯘ-ﻗﺎﺭﺷﻰ ﭘﯩﻜﯩﺮ ﺑﯧﺮﻩﻟﻤﻪﻳﺪﯗ. ﭘﻪﻗﻪﺕ ﺋﯘﻧﻰ ﺗﯧﺨﯩﻤﯘ ﮔﯜﺯﻩﻝ ﺗﯩﻞ ﺑﯩﻠﻪﻥ ﻣﻪﺩﻫﯩﻴﯩﻠﻪﺷﻜﻪ ﻣﻪﺟﺒﯘﺭ. (ﺩﺍﯞﺍﻣﻰ ﺑﺎﺭ، ﯞﻩﻟﻰ)