ﺧﯩﺘﺎﻳﺪﯨﻜﻰ ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﻠﻪﺭ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ ﺋﯧﻴﺘﯩﻠﻐﺎﻥ ﻛﯚﭖ ﭘﺎﺭﺗﯩﻴﻪ ﻫﻪﻣﻜﺎﺭﻟﯩﻖ ﺗﯜﺯﯛﻣﻰ ﻧﯩﯔ ﺳﺎﺧﺘﯩﻠﯩﻘﯩﻨﻰ ﭘﺎﺵ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﯩﺘﻰ 11 ‏- ﺋﺎﻳﻨﯩﯔ 15 ‏- ﻛﯜﻧﻰ 'ﺟﯘﯕﮕﻮﻧﯩﯔ ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭ ﺗﯜﺯﯛﻣﻰ' ﻧﺎﻣﻠﯩﻖ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﺪﻯ. ﺋﯘﻧﯩﯖﺪﺍ ﺧﯩﺘﺎﻳﺪﯨﻜﻰ ﻫﺎﺯﯨﺮﻗﻰ ﻫﺎﻛﯩﻤﯩﻴﻪﺕ ﺗﯜﺯﯛﻣﯩﻨﻰ 'ﻛﯚﭖ ﭘﺎﺭﺗﯩﻴﻪ ﻫﻪﻣﻜﺎﺭﻟﯩﻖ ﺗﯜﺯﯛﻣﻰ' ﺩﻩﭖ ﺋﺎﺗﯩﺪﻯ.

'ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ' ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﻫﻪﻗﻘﯩﺪﯨﻜﻰ ﺑﺎﻳﺎﻧﻠﯩﺮﯨﺪﺍ 'ﻛﯚﭖ ﭘﺎﺭﺗﯩﻴﻪ ﻫﻪﻣﻜﺎﺭﻟﯩﻖ ﺗﯜﺯﯛﻣﻰ' ﺩﯦﮕﻪﻥ ﺋﯩﺒﺎﺭﯨﻨﻰ ﺋﺎﻻﻫﯩﺪﻩ ﮔﻪﯞﺩﯨﻠﻪﻧﺪﯛﺭﯛﺵ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻳﺪﺍ ﻫﺎﺯﯨﺮ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺑﯩﺮ ﭘﺎﺭﺗﯩﻴﻪ ﻣﯘﺳﺘﻪﺑﯩﺘﻠﯩﻜﯩﻨﻰ 'ﺳﻪﻛﻜﯩﺰ ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﻪ ﻫﻪﻣﻜﺎﺭﻻﺷﻘﺎﻥ ﺳﯩﻴﺎﺳﯩﻲ ﺗﯜﺯﯛﻡ' ﺩﻩﭖ ﺗﻪﺳﯟﯨﺮﻟﯩﮕﻪﻥ ﺋﯩﺪﻯ.

ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻳﻮﻟﻐﺎ ﻗﻮﻳﻐﺎﻥ ﺳﯩﻴﺎﺳﯩﻲ ﭘﺎﺭﺗﯩﻴﻪ ﺗﯜﺯﯛﻣﻰ ﻣﻪﻏﻠﯘﭖ ﺑﻮﻟﺪﯨﻐﯘ!

ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ 'ﺟﯘﯕﮕﻮ ﺩﯦﻤﻮﻛﺮﺍﺗﯩﻴﻪ ﺋﯩﺘﺘﯩﭙﺎﻗﻰ' ﺩﻩﭖ ﺋﺎﺗﺎﻟﻐﺎﻥ ﭘﺎﺭﺗﯩﻴﯩﻨﯩﯔ ﺋﻪﺯﺍﺳﻰ، ﻧﻪﻧﺠﯩﻦ ﭘﯩﺪﺍﮔﻮﮔﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﮔﻮ ﭼﯘﻩﻥ ﺋﻪﭘﻪﻧﺪﯨﻨﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯧﻼﻥ ﻗﯩﻠﻐﺎﻥ ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﯩﻜﻰ ﺑﺎﻳﺎﻧﻼﺭ ﻫﻪﻣﻤﯩﺴﻰ ﺑﯘﻧﯩﯖﺪﯨﻦ 10‏- 20 ﻳﯩﻠﻼﺭ ﺑﯘﺭﯗﻥ ﺩﯦﻴﯩﻠﮕﻪﻥ ﻛﻮﻧﺎ ﮔﻪﭖ، ﺷﯘ ﭼﺎﻏﻼﺭﺩﯨﻼ 'ﻛﯚﭖ ﭘﺎﺭﺗﯩﻴﻪ ﻛﯧﯖﯩﺸﯩﺪﯨﻐﺎﻥ ﺳﯩﻴﺎﺳﯩﻲ ﺗﯜﺯﯛﻡ ﺗﯩﻜﻠﻪﻳﻤﯩﺰ' ﺩﻩﻳﺘﺘﻰ.

'ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﻠﻪﺭ' ﺩﻩﭖ ﺋﺎﺗﺎﻟﻐﺎﻥ ﭘﺎﺭﺗﯩﻴﯩﻠﻪﺭ ﺷﯘ ﯞﺍﻗﯩﺘﺘﯩﻼ ﺑﺎﺭ ﺋﯩﺪﻯ. ﺋﻪﻣﻤﺎ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯘﻻﺭﻏﺎ ﺋﯚﺯﯨﻨﯩﯔ ﺭﻭﻟﯩﻨﻰ ﺟﺎﺭﻯ ﻗﯩﻠﻐﯘﺯﻣﯩﺪﻯ. ﺋﻪﻣﻪﻟﯩﻴﻪﺗﺘﻪ ﺑﯘ ﭘﺎﺭﺗﯩﻴﯩﻠﻪﺭﺩﻩ ﻧﺎﺯﺍﺭﻩﺕ ﻗﯩﻠﯩﺶ ﻫﻮﻗﯘﻗﻰ ﺑﻮﻟﻤﯩﺪﻯ. ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻳﻮﻟﻐﺎ ﻗﻮﻳﻐﺎﻥ ﺑﯘ ﺳﯩﻴﺎﺳﯩﻲ ﺗﯜﺯﯛﻡ ﺋﺎﻟﻠﯩﻘﺎﭼﺎﻥ ﻣﻪﻏﻠﯘﭖ ﺑﻮﻟﻐﺎﻧﻐﯘ! ﻫﯚﻛﯜﻣﻪﺕ ﻫﺎﺯﯨﺮ ﻳﻪﻧﻪ ﺷﯘ ﮔﻪﭘﻨﻰ ﻗﯩﻠﯩﯟﺍﺗﯩﺪﯗ. ﺑﯘ ﻗﯧﺘﯩﻢ ﺋﯘﻧﯩﯖﺪﺍ ﻳﻪﻧﻪ ﻫﯧﭽﻘﺎﻧﺪﺍﻕ ﻳﯧﯖﯩﻠﯩﻖ ﻳﻮﻕ. ﺋﻪﻣﻪﻟﯩﻴﻪﺗﺘﻪ، ﺟﯘﯕﮕﻮﺩﯨﻜﻰ ﭼﯩﺮﯨﻜﻠﯩﻚ ﺑﺎﺷﻘﺎ ﭘﺎﺭﺗﯩﻴﯩﻠﻪﺭﻧﯩﯔ ﻧﺎﺯﺍﺭﻩﺗﭽﯩﻠﯩﻜﻰ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ ﻛﯧﻠﯩﭗ ﭼﯩﻘﺘﻰ.

ﺧﯩﺘﺎﻱ ﻫﯚﻛﯜﻣﯩﺘﻰ 'ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﻪ' ﺩﻩﯞﺍﺗﻘﺎﻥ ﭘﺎﺭﺗﯩﻴﯩﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺑﯩﺮﻟﯩﻜﺴﻪﭖ ﺑﯚﻟﯩﻤﻰ ﺑﺎﺷﻘﯘﺭﯨﺪﯗ

'ﺟﯘﯕﮕﻮﺩﺍ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﻗﯘﺭﯗﺵ ﺑﯩﺮﻟﻪﺷﻤﯩﺴﻰ' ﺩﯦﮕﻪﻥ ﭘﺎﺭﺗﯩﻴﯩﻨﯩﯔ ﺳﻪﻧﺪﯗﯓ ﺋﯚﻟﻜﯩﻠﯩﻚ ﻛﻮﻣﯩﺘﯧﺖ ﺩﺍﺋﯩﻤﯩﻲ ﺋﻪﺯﺍﺳﻰ، ﺳﻪﻧﺪﯗﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺳﯜﻥ ﯞﯦﻨﮕﯘﺍﯕﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ 'ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﻠﻪﺭ' ﺩﻩﭖ ﺋﺎﺗﺎﯞﺍﺗﻘﺎﻥ ﭘﺎﺭﺗﯩﻴﯩﻠﻪﺭﻧﯩﯔ ﻫﯧﭽﻘﺎﻳﺴﻰ ﻣﯘﺳﺘﻪﻗﯩﻞ ﭘﺎﺭﺗﯩﻴﻪ ﺋﻪﻣﻪﺱ، ﺋﯘﻻﺭﻧﯩﯔ ﻫﻪﻣﻤﯩﺴﯩﻨﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺑﯩﺮﻟﯩﻜﺴﻪﭖ ﺑﯚﻟﯩﻤﻰ ﺑﺎﺷﻘﯘﺭﯨﺪﯗ. ﺑﯘ ﭘﺎﺭﺗﯩﻴﯩﻠﻪﺭ ﺑﯧﺮﻩﺭ ﺋﻪﺯﺍ ﻗﻮﺑﯘﻝ ﻗﯩﻠﻤﺎﻗﭽﻰ ﺑﻮﻟﺴﺎ، ﺋﺎﻟﺪﻯ ﺑﯩﻠﻪﻥ ﺑﯩﺮﻟﯩﻜﺴﻪﭖ ﺑﯚﻟﯜﻣﯩﺪﯨﻦ ﻳﻮﻟﻴﯘﺭﯗﻕ ﺳﻮﺭﺍﻳﺪﯗ، ﺋﯘﻧﯩﯔ ﺭﯗﺧﺴﯩﺘﯩﺴﯩﺰ ﺋﻪﺯﺍ ﻗﻮﺑﯘﻝ ﻗﯩﻼﻟﻤﺎﻳﺪﯗ.

ﺑﯘ ﭘﺎﺭﺗﯩﻴﯩﻠﻪﺭﻧﯩﯔ ﻗﺎﻳﺴﻰ ﺑﯩﺮﻯ ﻳﯩﻐﯩﻦ ﺋﺎﭼﻤﺎﻗﭽﻰ ﺑﻮﻟﺴﯩﻤﯘ، ﺋﺎﻟﺪﻯ ﺑﯩﻠﻪﻥ ﺑﯩﺮﻟﯩﻜﺴﻪﭖ ﺑﯚﻟﯜﻣﯩﮕﻪ ﺩﻭﻛﻼﺕ ﻳﻮﻟﻼﭖ ﺭﯗﺧﺴﻪﺕ ﺋﯧﻠﯩﺶ ﻛﯧﺮﻩﻙ، ﺋﯘﻧﯩﯔ ﺭﯗﺧﺴﯩﺘﯩﺴﯩﺰ ﻫﯧﭽﻘﺎﻧﺪﺍﻕ ﻳﯩﻐﯩﻦ ﺋﺎﭼﺎﻟﻤﺎﻳﺪﯗ. ﺑﯘ 'ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﻠﻪﺭ' ﺳﺎﻳﻼﻡ ﻗﯩﻠﻤﺎﻗﭽﻰ ﺑﻮﻟﺴﯩﻤﯘ، ﻧﺎﻣﺰﺍﺕ ﺋﯩﺴﯩﻤﻠﯩﻜﯩﻨﻰ ﻛﻮﻣﻤﯘﻧﺴﺖ ﭘﺎﺭﺗﯩﻴﯩﻨﯩﯔ ﺑﯩﺮﻟﯩﻜﺴﻪﭖ ﺑﯚﻟﯜﻣﯩﮕﻪ ﻳﻮﻟﻼﻳﺪﯗ، ﺋﯘﻻﺭ ﺗﻪﺳﺘﯩﻘﻠﯩﺴﺎ ﺋﺎﻧﺪﯨﻦ 'ﺳﺎﻳﻼﻡ' ﺋﯚﺗﻜﯜﺯﯛﭖ 'ﺳﺎﻳﻼﭖ' ﭼﯩﻘﯩﺪﯗ. ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻳﺪﯨﻜﻰ 'ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﻠﻪﺭ' ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﭘﺎﺭﺗﯩﻴﯩﻠﻪﺭﻧﯩﯔ ﻫﻪﻣﻤﯩﺴﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺭﻩﻫﺒﻪﺭﻟﯩﻚ ﻗﯩﻠﯩﯟﺍﺗﻘﺎﻥ ﭘﺎﺭﺗﯩﻴﯩﻠﻪﺭ. ﺑﯘ ﭘﺮﻭﻓﯧﺴﺴﻮﺭﻧﯩﯔ ﺋﯧﻴﺘﯩﺸﯩﭽﻪ، ﺑﯘﻧﯩﯖﺪﯨﻦ ﺑﯩﺮ ﻧﻪﭼﭽﻪ ﻳﯩﻞ ﺑﯘﺭﯗﻥ، ﺋﯘ ﺋﯚﺯﯨﻨﻰ 'ﺧﻪﻟﻖ ﯞﻩﻛﯩﻞ' ﻟﯩﻜﻜﻪ ﻛﯚﺭﺳﻪﺗﻜﻪﻧﺪﻩ، ﻛﻮﻣﻤﯘﻧﯩﺴﺖ ﺑﯩﺮﻟﯩﻜﺴﻪﭖ ﺑﯚﻟﯩﻤﻰ ﺗﻪﺳﺘﯩﻘﻠﯩﻤﯩﻐﺎﻧﻠﯩﻘﻰ ﺋﯜﭼﯜﻥ، ﺋﯘﻧﯩﯔ ﻧﺎﻣﺰﺍﺗﻠﯩﻘﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.

ﻛﯚﭖ ﭘﺎﺭﺗﯩﻴﻠﯩﻚ ﺗﯜﺯﯛﻡ ﻳﻮﻟﻐﺎ ﻗﻮﻳﯘﻟﺴﺎ، ﺋﻪﻗﯩﻠﻠﯩﻖ ﯞﻩ ﺭﺍﺳﺘﭽﯩﻞ ﺭﻩﻫﺒﻪﺭﻧﻰ ﺧﻪﻟﻖ ﺋﯚﺯﻯ ﺗﺎﻟﻠﯩﯟﺍﻟﯩﺪﯗ

ﺧﯩﺘﺎﻳﻨﯩﯔ ﺩﯙﻟﻪﺕ ﻛﺎﺑﯩﻨﯩﺘﻰ ﺋﯧﻼﻥ ﻗﯩﻠﻐﺎﻥ ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ، ﺟﯘﯕﮕﻮﺩﺍ ﻫﺎﺯﯨﺮ ﺩﺍﯞﺍﻣﻠﯩﺸﯩﯟﺍﺗﻘﺎﻥ 'ﻛﯚﭖ ﭘﺎﺭﺗﯩﻴﻪ ﻫﻪﻣﻜﺎﺭﻟﯩﻖ ﺗﯜﺯﯛﻣﻰ' ﻧﻰ 'ﺟﯘﯕﮕﻮ ﺧﻪﻟﻘﻰ ﺗﺎﻟﻠﯩﯟﺍﻟﻐﺎﻥ ﺗﯜﺯﯛﻡ'، ﺑﯘ ﺧﯩﻞ ﺗﯜﺯﯛﻡ ﻫﻪﻣﻤﻪ ﺗﻪﺭﻩﭘﻨﯩﯔ ﻣﻪﻧﭙﻪﺋﻪﺗﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯗ، ﻫﯚﻛﯜﻣﻪﺗﻜﻪ ﻧﺎﺯﺍﺭﻩﺗﭽﯩﻠﯩﻚ ﻗﯩﻠﯩﺶ، ﺟﻪﻣﺌﯩﻴﻪﺗﻨﯩﯔ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ ﺭﻭﻟﯩﻨﻰ ﺋﻮﻳﻨﺎﻳﺪﯗ، ' ﺑﯘ ﺧﯩﻞ ﺗﯜﺯﯛﻡ ﻏﻪﺭﺏ ﺋﻪﻟﻠﯩﺮﯨﺪﯨﻜﯩﺪﻩﻙ ﻫﻮﻗﯘﻕ ﺗﺎﻟﯩﺸﯩﭗ ﺟﻪﻣﺌﯩﻴﻪﺕ ﻣﯘﻗﯩﻤﺴﯩﺰﻟﯩﻘﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻳﺪﯗ' ﺩﻩﭖ ﺗﻪﺳﯟﯨﺮﻟﻪﻧﮕﻪﻥ ﺋﯩﺪﻯ.

'ﺟﯘﯕﮕﻮ ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﺴﻰ' ﺩﯦﮕﻪﻥ ﭘﺎﺭﺗﯩﻴﯩﻨﯩﯔ ﻧﻪﻧﺠﯩﻦ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﻪﺯﺍﻟﯩﺮﻯ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﻛﻮﻣﻤﯘﻧﯩﺴﺖ ﺭﻩﻫﺒﻪﺭﻟﯩﺮﯨﮕﻪ ﺋﻮﭼﯘﻕ ﺧﻪﺕ ﻳﯧﺰﯨﭗ، ﺋﯘﻻﺭ ﺑﯘ ﺋﻮﭼﯘﻕ ﺧﻪﺕ ﺋﺎﺭﻗﯩﻠﯩﻖ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﻰ ﻫﻪﻗﯩﻘﯩﻲ ﻛﯚﭖ ﭘﺎﺭﺗﯩﻴﻪ ﺗﯜﺯﯛﻣﯩﻨﻰ ﻳﻮﻟﻐﺎ ﻗﻮﻳﯘﺷﻘﺎ ﭼﺎﻗﯩﺮﺩﻯ. ﺋﯘﻧﯩﯖﺪﺍ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﻨﯩﯔ ﻫﻪﺭﮔﯩﺰ ﺗﻮﺭﺍﻗﺴﯩﺰﻟﯩﻖ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻳﺪﯨﻐﺎﻧﻠﯩﻘﯩﻨﻰ، ﺑﻪﻟﻜﻰ ﻛﯚﭖ ﭘﺎﺭﺗﯩﻴﯩﻠﯩﻚ ﺗﯜﺯﯛﻡ ﻳﻮﻟﻐﺎ ﻗﻮﻳﯘﻟﺴﺎ، ﺧﻪﻟﻖ ﺧﯘﺩﺩﻯ ﺑﺎﺯﺍﺭﺩﯨﻜﻰ ﻣﺎﻟﻼﺭﻧﯩﯔ ﺋﻪﯓ ﻳﺎﺧﺸﯩﺴﯩﻨﻰ ﺗﺎﻟﻼﭖ ﺋﺎﻟﻐﺎﻧﻐﺎ ﺋﻮﺧﺸﺎﺵ، ﺋﯚﺯﻟﯩﺮﻯ ﺩﯙﻟﻪﺗﻜﻪ ﺑﺎﺝ ﺗﯚﻟﯩﮕﻪﻥ ﭘﯘﻟﻐﺎ، ﺑﺎﺝ ﺗﯚﻟﯩﮕﻪﻥ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ، ﺧﻪﻟﻘﻘﻪ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ ﺋﻪﯓ ﺋﻪﻗﯩﻠﻠﯩﻖ ﺭﻩﻫﺒﻪﺭﻧﻰ ﺳﯧﺘﯩﯟﺍﻻﻻﻳﺪﯗ، ﺩﻩﭖ ﻛﯚﺭﺳﻪﺗﺘﻰ. (ﯞﻩﻟﻰ)