ﺧﯩﺘﺎﻱ 2007- ﻳﯩﻠﻠﯩﻖ ﭘﺎﻛﻠﯩﻖ ﺩﻩﺭﯨﺠﯩﺴﻰ ﺑﺎﻫﺎﻟﯩﺸﯩﺪﺍ ﻧﺎﭼﺎﺭ ﺑﺎﻫﺎﻏﺎ ﺋﯧﺮﯨﺸﺘﻰ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

26- ﺳﯧﻨﺘﻪﺑﯩﺮ ﭼﺎﺭﺷﻪﻧﺒﻪ ﻛﯜﻧﻰ، ﺑﺎﺵ ﺷﺘﺎﺑﻰ ﮔﯧﺮﻣﺎﻧﯩﻴﯩﻨﯩﯔ ﺑﯧﺮﻟﯩﻦ ﺷﻪﻫﯩﺮﯨﮕﻪ ﺟﺎﻳﻼﺷﻘﺎﻥ ﭼﯩﺮﯨﻜﻠﯩﻜﻜﻪ ﻗﺎﺭﯨﺸﻰ ﺗﯘﺭﯗﺵ ﺗﻪﺷﻜﯩﻼﺗﻰ- ﺧﻪﻟﻘﺌﺎﺭﺍ ﺳﯜﺯﯛﻛﻠﯜﻙ ﺗﻪﺷﻜﯩﻼﺗﻰ، 2007- ﻳﯩﻠﻠﯩﻖ ﺗﻪﻛﺸﯜﺭﯛﺵ ﺩﻭﻛﻼﺗﯩﻨﻰ ﺋﯧﻼﻥ ﻗﯩﻠﯩﭗ، ﺩﯗﻧﻴﺎﺩﯨﻜﻰ ﺋﻪﯓ ﭼﯩﺮﯨﻜﻰ ﺩﯙﻟﻪﺗﻠﻪﺭﻧﻰ ﺭﻩﺗﻜﻪ ﺗﯩﺰﺩﻯ.

ﺩﻭﻛﻼﺕ ﻧﻪﺗﯩﺠﯩﺴﯩﮕﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺋﯧﺮﯨﺸﻜﻪﻥ ﺋﻮﻣﯘﻣﻰ ﻧﻮﻣﯘﺭ ﺑﻪﻙ ﺗﯚﯞﻩﻥ ﺑﻮﻟﯘﭖ، 180 ﺩﯙﻟﻪﺕ ﺋﯩﭽﯩﺪﻩ 72 -ﺋﻮﺭﯗﻧﻐﺎ ﺗﯩﺰﯨﻠﻐﺎﻥ. ﺗﻪﻫﻠﯩﻠﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﭼﯩﺮﯨﻜﻠﯩﻚ ﺧﯩﺘﺎﻳﺪﺍ ﻛﯜﻧﺴﺎﻳﯩﻦ ﺋﯧﻐﯩﺮﻟﯩﺸﯩﯟﺍﺗﻘﺎﻥ ﺑﺎﻱ-ﻛﻪﻣﺒﻪﻏﻪﻟﻠﯩﻚ ﺋﺎﺭﯨﺴﯩﺪﯨﻜﻰ ﭘﻪﺭﻗﻨﻰ ﺗﯧﺨﯩﻤﯘ ﻛﯧﯖﻪﻳﺘﯩﭗ، ﻧﻪﺗﯩﺠﯩﺪﻩ ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﺋﯩﺠﺘﯩﻤﺎﺋﯩﻲ ﯞﻩ ﺳﯩﻴﺎﺳﯩﻲ ﺩﺍﯞﺍﻟﻐﯘﺵ ﭘﻪﻳﺪﺍ ﻗﯩﻠﯩﺪﯨﻜﻪﻥ.

ﺑﯘ ﺑﺎﻫﺎﻻﺵ ﺗﯜﺯﯛﻣﯩﺪﻩ ﭘﺎﻛﻠﯩﻘﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﺴﻰ ﻧﻮﻣﯘﺭ 10، ﺋﻪﯓ ﺗﯚﯞﻩﻥ ﺩﻩﺭﯨﺠﯩﺴﻰ 0 ﻧﻮﻣﯘﺭ ﻗﯩﻠﯩﭗ ﺑﻪﻟﮕﯩﻠﻪﻧﮕﻪﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺧﯩﺘﺎﻱ 3.5 ﻧﻮﻣﯘﺭﻏﺎ ﺋﯧﺮﯨﺸﯩﭗ، ﻫﯩﻨﺪﯨﺴﺘﺎﻥ، ﻣﯧﻜﺴﯩﻜﺎ، ﻣﺎﺭﺍﻛﻪﺵ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺑﯩﻠﻪﻥ ﺑﯩﺮ ﺋﻮﺭﯗﻧﻐﺎ ﺗﯩﺰﯨﻠﻐﺎﻥ.

ﺑﺎﻫﺎﻻﺵ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﺸﯩﭽﻪ، ﺋﺎﺳﯩﻴﺎ ﺋﻪﻟﻠﯩﺮﯨﺪﻩ ﭼﯩﺮﯨﻜﻠﯩﻚ ﻳﻪﻧﯩﻼ ﺋﯧﻐﯩﺮ ﺑﻮﻟﯘﭖ، ﺑﯘ ﻧﯚﯞﻩﺕ ﺑﺎﻫﺎﻻﻧﻐﺎﻥ 32 ﺋﺎﺳﯩﻴﺎ ﺩﯙﻟﯩﺘﯩﻨﯩﯔ 22ﺳﻰ ﺑﺎﻫﺎﻻﺷﺘﺎ 5 ﺗﯩﻦ ﺗﯚﯞﻩﻥ ﻧﻮﻣﯘﺭ ﺋﺎﻟﻐﺎﻥ ﺩﯙﻟﻪﺗﻠﻪﺭ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﻟﮕﻪﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺋﻪﻟﻠﯩﺮﯨﺪﯨﻦ ﺗﯜﺭﻛﻤﻪﻧﯩﺴﺘﺎﻥ، ﺗﺎﺟﯩﻜﯩﺴﺘﺎﻥ ﻗﺎﺗﺎﺭﻟﯩﻘﻼﺭﻣﯘ ﺑﺎﺭ.

ﭼﯧﺮﯨﻜﻠﯩﻚ، ﺷﯘ ﺩﯙﻟﻪﺗﻠﻪﺭﺩﯨﻜﻰ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﯩﯔ ﺋﯧﻘﯩﭗ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ

ﺧﻪﻟﻘﺌﺎﺭﺍ ﺳﯜﺯﯛﻛﻠﯜﻙ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﺭﺍﺑﯩﺮﻧﯩﯔ ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﺪﺍ ﺋﯧﻴﺘﻘﺎﻧﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﭼﯩﺮﯨﻜﻠﯩﻚ ﺗﻪﺭﻩﻗﻘﯩﻴﺎﺗﻨﻰ ﺋﯩﻠﮕﯩﺮﻯ ﺳﯜﺭﯛﺷﻜﻪ ﺗﻮﺳﺎﻟﻐﯘ ﺑﻮﻟﯩﺪﯨﻜﻪﻥ. ﺋﯘﻧﯩﯔ ﻗﺎﺭﯨﺸﯩﭽﻪ، ﺑﯘ ﻳﯩﻞ ﺑﻪﺯﻯ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﭼﯩﺮﯨﻜﻠﯩﻜﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﺯﻭﺭ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﭼﯧﺮﯨﻜﻠﯩﻚ ﻣﻪﺯﻛﯘﺭ ﺩﯙﻟﻪﺗﻠﻪﺭﺩﯨﻜﻰ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﯩﯔ ﺋﯧﻘﯩﭗ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ ﺋﯩﻜﻪﻥ.

ﺧﯩﺘﺎﻱ ﻫﻪﺭ ﻳﯩﻠﻰ ﭼﯩﺮﯨﻜﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺗﻪﺷﻜﯩﻼﺗﯩﻨﯩﯔ ﻳﯩﻠﻠﯩﻖ ﺑﺎﻫﺎﻟﯩﺸﯩﺪﺍ ﺋﯩﺰﭼﯩﻞ ﺗﯚﯞﻩﻥ ﻧﻮﻣﯘﺭ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، 2006- ﻳﯩﻠﯩﻤﯘ 3.3 ﻧﻮﻣﯘﺭﻏﺎ ﺋﯧﺮﯨﺸﻜﻪﻥ ﺋﯩﺪﻯ.

ﺳﯩﻴﺎﺳﯩﻲ ﺗﻪﻫﻠﯩﻠﭽﻰ ﺋﺎﺳﯩﻴﺎ ﯞﻩ ﺧﯩﺘﺎﻱ ﺋﯩﻠﻤﯩﻲ ﺗﻪﺗﻘﯩﻘﺎﺗﭽﯩﺴﻰ، ﺗﯜﺭﻛﯩﻴﯩﺪﯨﻜﻰ ﻫﺎﺟﻰ ﺗﯚﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ، ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﭼﯩﺮﯨﻜﻠﯩﻚ ﺧﯩﺘﺎﻳﺪﺍ ﺑﯩﺮ ﺧﯩﻞ ﺳﯩﻴﺎﺳﯩﻲ ﺋﻪﻧﺌﻪﻧﻪ ﺑﻮﻟﯘﭖ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﯩﺘﺎﻳﺪﺍ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯩﻘﺘﯩﺴﺎﺩﻯ ﺋﯩﺴﻼﻫﺎﺗﻘﺎ ﻳﺎﻧﺪﺍﺵ ﻫﺎﻟﺪﺍ ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﻠﻤﯩﻐﺎﻧﻠﯩﻘﺘﯩﻦ، ﺧﯩﺘﺎﻳﺪﯨﻜﻰ ﭼﯧﺮﯨﻜﻠﯩﻚ ﺗﯧﺨﯩﻤﯘ ﺋﯧﻐﯩﺮﻻﺷﻘﺎﻥ ﺋﯩﻜﻪﻥ.

ﻟﻴﯘ ﺷﺎﯞﺟﯘ: ﺧﯩﺘﺎﻳﺪﯨﻜﻰ ﭼﯩﺮﯨﻜﻠﯩﻚ ﻣﻪﺳﯩﻠﯩﺴﻰ، ﺩﯙﻟﻪﺕ ﺗﯜﺯﯛﻟﻤﯩﺴﯩﻨﯩﯔ ﻣﺎﻫﯩﻴﻪﺗﻠﯩﻚ ﺋﺎﻻﻫﯩﺪﯨﻠﯩﻜﻰ

ﺧﯩﺘﺎﻱ ﺳﯩﻴﺎﺳﯩﻲ ﺗﻪﻫﻠﯩﻠﭽﻰ ﻟﻲ ﺷﺎﯞﺟﯘﻧﯩﯔ ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﺪﺍ ﺧﯩﺘﺎﻳﺪﯨﻜﻰ ﭼﯩﺮﯨﻜﻠﯩﻚ ﺗﻮﻏﺮﯨﺴﯩﺪﺍ ﺋﯧﻴﺘﻘﺎﻧﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﯨﻜﻰ ﭼﯩﺮﯨﻜﻠﯩﻚ ﻣﻪﺳﯩﻠﯩﺴﻰ ﺩﯙﻟﻪﺕ ﺗﯜﺯﯛﻟﻤﯩﺴﯩﻨﯩﯔ ﻣﺎﻫﯩﻴﻪﺗﻠﯩﻚ ﺋﺎﻻﻫﯩﺪﯨﻠﯩﻜﻰ ﺑﻮﻟﯘﭖ، ﺑﻴﯘﺭﻭﻛﺮﺍﺗﻠﯩﻘﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺋﯩﻜﻪﻥ.

ﻟﻴﯘ ﺷﺎﯞﺟﯘﻧﯩﯔ ﺋﯧﻴﺘﻘﺎﻧﻠﯩﺮﯨﻐﺎ ﻗﺎﺭﯨﻐﺎﻧﺪﺍ ﻳﻪﻧﻪ، ﭼﯩﺮﯨﻜﻠﯩﻚ ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﺩﯙﻟﻪﺕ ﺗﯜﺯﯛﻟﻤﯩﺴﯩﺪﯨﻜﻰ ﺋﯩﻜﻜﯩﻠﻪﻣﭽﻰ ﺋﻮﺭﯗﻧﺪﺍ ﺗﯘﺭﺳﺎ، ﺧﯩﺘﺎﻳﺪﺍ ﺋﺎﺳﺎﺳﻠﯩﻖ ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ.

ﺋﻪﺭﻛﯩﻦ ﺋﻪﻛﺮﻩﻡ: ﭼﯩﺮﯨﻜﻠﯩﻚ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﺯﻭﺭ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯗ

ﺋﻪﺭﻛﯩﻦ ﺋﻪﻛﺮﻩﻡ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ، ﻏﻪﺭﺏ ﺋﻪﻟﻠﯩﺮﯨﺪﻩ ﺋﯩﻘﺘﯩﺴﺎﺩﻯ ﺋﯩﺴﻼﻫﺎﺕ ﺑﯩﻠﻪﻥ ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺗﯩﻨﯩﯔ ﺑﯩﺮﻟﯩﻜﺘﻪ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ، ﺋﯩﻘﺘﯩﺴﺎﺩﻧﯩﯔ ﻳﯜﻛﺴﯩﻠﯩﺸﯩﮕﻪ ﺋﻪﮔﯩﺸﯩﭗ ﺷﯘﻧﯩﯖﻐﺎ ﻣﺎﺱ ﻫﺎﻟﺪﺍ ﺷﯘ ﺩﯙﻟﻪﺗﺘﯩﻜﻰ ﺋﯩﻘﺘﯩﺴﺎﺩﻯ ﺗﯜﺯﯛﻟﻤﯩﻠﻪﺭ ﯞﻩ ﺗﻪﺭﻩﻗﻘﯩﻴﺎﺗﻨﻰ ﻛﯚﺯﯨﺘﯩﭗ ﯞﻩ ﻧﺎﺯﺍﺭﻩﺕ ﻗﯩﻠﯩﭗ ﺗﯘﺭﯨﺪﯨﻐﺎﻥ ﺋﻮﺭﮔﺎﻧﻼﺭﻧﯩﯔ ﺗﻪﺳﯩﺲ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ ﺑﺎﺭﻟﯩﻖ ﺳﯩﻴﺎﺳﯩﻲ ﺗﯜﺯﯛﻟﻤﻪ ﻗﺎﻧﯘﻥ ﻳﯜﺭﮔﯜﺯﯛﺵ ﺋﻮﺭﮔﺎﻧﻠﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﻫﺎﻛﯩﻤﯩﻴﻪﺕ ﺑﯧﺸﯩﺪﯨﻜﻰ ﭘﺎﺭﺗﯩﻴﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻗﻮﻟﯩﺪﺍ ﺋﯩﻜﻪﻧﻠﯩﻜﯩﻨﻰ، ﻣﺎﻧﺎ ﺑﯘ ﺧﯩﻞ ﺋﻪﻫﯟﺍﻟﻨﯩﯔ ﭼﯩﺮﯨﻜﻠﯩﻜﻨﯩﯔ ﺧﯩﺘﺎﻳﺪﺍ ﺋﻪﯞﺝ ﺋﯧﻠﯩﭗ ﻛﯧﺘﯩﺸﯩﺪﯨﻜﻰ ﺋﺎﺳﺎﺳﯩﻲ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ ﻳﻪﻧﻪ، ﺋﯩﻘﺘﯩﺴﺎﺩﻯ ﻳﯜﻛﺴﯩﻠﯩﯟﺍﺗﻘﺎﻥ، ﺋﻪﻣﻤﺎ ﺳﯩﻴﺎﺳﯩﻲ ﺗﯜﺯﯛﻟﻤﯩﺴﯩﺪﻩ ﻣﯘﻧﺎﺳﯩﭗ ﺋﯚﺯﮔﻪﺭﺗﯩﺶ ﺋﯧﻠﯩﭗ ﺑﯧﺮﯨﻠﯩﭗ ﭼﯩﺮﯨﻜﻠﯩﻜﻨﯩﯔ ﺋﺎﻟﺪﻯ ﺋﯧﻠﯩﻨﻤﯩﻐﺎﻥ ﺩﯙﻟﻪﺗﻠﻪﺭﻧﯩﯔ، ﻗﺎﺭﯨﻤﺎﻗﻘﺎ ﻳﯜﻛﺴﻪﻟﮕﻪﻥ ﯞﻩ ﻗﯘﺩﺭﻩﺗﻠﯩﻚ ﻛﯚﺭﯛﻧﮕﻪﻧﺪﻩﻙ ﻗﯩﻠﺴﯩﻤﯘ، ﺋﻪﻣﻪﻟﯩﻴﻪﺗﺘﻪ ﺋﯩﭽﯩﺪﯨﻦ ﭘﻮﺭﻟﯩﺸﯩﭗ ﻛﻪﺗﻜﻪﻥ ﻳﺎﻏﺎﭼﻘﺎ ﺋﻮﺧﺸﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﺋﯘ ﻳﻪﻧﻪ، ﺧﯩﺘﺎﻳﺪﯨﻜﻰ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﯩﺪﯨﻦ ﭘﻪﻗﻪﺕ ﻧﻪﭼﭽﻪ ﺋﻮﻥ ﭘﯩﺮﺳﻪﻧﺖ ﺋﺎﺩﻩﻡ ﻣﻪﻧﭙﻪﺋﻪﺕ ﺋﯧﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺧﯩﻞ ﺋﻪﻫﯟﺍﻝ ﺧﯩﺘﺎﻳﺪﺍ ﻛﯜﻧﺴﺎﻳﯩﻦ ﺋﯧﻐﯩﺮﻟﯩﺸﯩﯟﺍﺗﻘﺎﻥ ﺑﺎﻱ ‏- ﻛﻪﻣﺒﻪﻏﻪﻟﻠﯩﻚ ﺋﺎﺭﯨﺴﯩﺪﯨﻜﻰ ﭘﻪﺭﻗﻨﻰ ﻳﻪﻧﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﭼﻮﯕﺎﻳﺘﯩﭗ ﻛﻪﻟﮕﯜﺳﯩﺪﻩ ﺧﯩﺘﺎﻳﺪﺍ ﺗﯧﺨﯩﻤﯘ ﺋﯧﻐﯩﺮ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻧﻠﯩﻘﯩﻨﻰ ﻫﻪﻣﺪﻩ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻫﺎﻛﯩﻤﯩﻴﯩﺘﯩﮕﻪ ﺯﻭﺭ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﯩﻤﯘ ﻗﻮﺷﯘﻣﭽﻪ ﻗﯩﻠﺪﻯ. (ﺟﯜﻣﻪ)