ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻘﻰ ﭼﻪﺗﺌﻪﻟﺪﻩ ﺋﯩﻜﻜﯩﻨﭽﻰ ﻗﯧﺘﯩﻢ ﻳﯩﻘﯩﺘﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯜﮔﯜﻥ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﺗﯩﺒﻪﺕ ﻗﻮﺯﻏﯩﻠﯩﯖﯩﻨﯩﯔ 59 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺵ ﻣﯘﻧﺎﺳﯩﯟﯨﺘﻰ ﻛﻪﯓ ﻛﯚﻟﻪﻣﻠﯩﻚ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ ﺋﯧﻠﯩﺶ ﺑﺎﺭﺩﻯ. ﺑﯘ ﻧﺎﻣﺎﻳﯩﺸﻼﺭ ﺋﯩﭽﯩﺪﻩ ﻛﺎﻧﺎﺩﺍﻧﯩﯔ ﺋﻮﻧﺘﺎﺭﯨﺌﻮ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﯩﻨﻰ ﺋﻪﯓ ﺩﺍﻏﺪﯗﻏﯩﻠﯩﻖ ﺑﻮﻟﺪﻯ. ﺑﯘ ﻛﯜﻧﻰ ﻧﺎﻣﺎﻳﯩﺸﭽﯩﻼﺭ، ﺧﯩﺘﺎﻱ ﺋﻪﻟﭽﯩﺨﺎﻧﺎ ﺑﯩﻨﺎﺳﯩﻨﯩﯔ ﺋﯚﮔﺰﯨﺴﯩﮕﻪ ﭼﯩﻘﯩﭗ، ﺧﯩﺘﺎﻳﻨﯩﯔ ﺑﻪﺵ ﻳﯘﻟﺘﯘﺯﻟﯘﻕ ﻗﯩﺰﯨﻞ ﺑﺎﻳﺮﯨﻘﯩﻨﻰ ﻳﯩﻘﯩﺘﺘﻰ، ﺋﻮﺭﻧﯩﻐﺎ ﺗﯩﺒﻪﺕ ﺑﺎﻳﺮﯨﻘﯩﻨﻰ ﺗﯩﻜﻠﯩﺪﻯ.

ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻘﯩﻨﻰ ﻳﯩﻘﯩﺘﯩﺶ ﻣﯘﺷﯘﻧﯩﯔ ﺑﯩﻠﻪﻥ ﺋﯩﻜﻜﯩﻨﭽﻰ ﻗﯧﺘﯩﻢ ﻳﯜﺯ ﺑﻪﺭﺩﻯ. ﺗﯘﻧﺠﻰ ﻗﯧﺘﯩﻤﻘﯩﺴﻰ، ﺑﯘﻧﺪﯨﻦ 11 ﻳﯩﻞ ﺑﯘﺭﯗﻥ ﺗﯜﺭﻛﯩﻴﯩﺪﻩ ﻳﯜﺯ ﺑﻪﺭﮔﻪﻥ. 1997 ‏ - ﻳﯩﻠﻰ 2‏ - ﺋﺎﻳﻨﯩﯔ 8‏ - ﻛﯜﻧﻰ ﻳﻪﻧﻰ ﻏﯘﻟﺠﺎ ﺷﻪﻫﯩﺮﯨﺪﻩ 5 ‏ - ﻓﯧﯟﺭﺍﻝ ﯞﻩﻗﻪﺳﻰ ﻳﯜﺯ ﺑﯧﺮﯨﭗ 3 ﻛﯜﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﺋﯩﺴﺘﺎﻧﺒﯘﻟﺪﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﮔﻪﻥ، ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭﺩﯨﻦ 2 ﻧﻪﭘﻪﺭ ﻳﺎﺵ ﻛﻮﻧﺴﯘﻟﺨﺎﻧﺎ ﻗﻮﺭﻭﺳﯩﺪﯨﻜﻰ ﺑﺎﻳﺮﺍﻕ ﺧﺎﺩﯨﺴﯩﻐﺎ ﻳﺎﻣﯩﺸﯩﭗ ﭼﯩﻘﯩﭗ ﺧﯩﺘﺎﻱ ﺑﺎﻳﺮﯨﻘﯩﻨﻰ ﻳﯩﻘﯩﺘﻘﺎﻥ ﯞﻩ ﺑﺎﻳﺮﺍﻗﻘﺎ ﺋﻮﺕ ﻗﻮﻳﻐﺎﻥ ﺋﯩﺪﻯ.

10‏ - ﻣﺎﺭﺕ ﻛﯜﻧﯩﺪﯨﻜﻰ ﺗﯩﺒﻪﺗﻠﯩﻜﻠﻪﺭﻧﯩﯔ ﺑﺎﻳﺮﺍﻕ ﻳﯩﻘﯩﺘﯩﺶ ﯞﻩﻗﻪﺳﻰ ﻫﻪﻗﻘﯩﺪﻩ، ﻛﺎﻧﺎﺩﺍﺩﺍ ﻧﺎﻣﺎﻳﯩﺶ ﺋﻮﻳﯘﺷﺘﯘﺭﻏﺎﻥ ﺗﻪﺷﻜﯩﻼﺗﻨﯩﯔ ﺭﻩﻫﺒﯩﺮﻯ ﻣﯘﻧﺪﺍﻕ ﻣﻪﻟﯘﻣﺎﺕ ﺑﯧﺮﯨﺪﯗ: "ﻧﺎﻣﺎﻳﯩﺸﻘﺎ 1000 ﻳﯧﻘﯩﻦ ﺗﯩﺒﻪﺗﻠﯩﻚ ﯞﻩ ﺗﯩﺒﻪﺕ ﺩﻭﺳﺘﻠﯩﺮﻯ ﻗﺎﺗﻨﺎﺷﺘﻰ. ﻧﺎﻣﺎﻳﯩﺸﺘﺎ، 18 ﯞﻩ 19 ﻳﺎﺷﻠﯩﻖ ﺋﯩﻜﻜﻰ ﻧﻪﭘﻪﺭ ﺗﯩﺒﻪﺗﻠﯩﻚ ﻛﺎﻧﺎﺩﺍ ﭘﯘﻗﺮﺍﺳﻰ ﺋﻪﻟﭽﯩﺨﺎﻧﺎ ﺑﯩﻨﺎﺳﯩﻨﯩﯔ ﺋﯚﮔﺰﯨﺴﯩﮕﻪ ﭼﯩﻘﯩﭗ، ﺧﯩﺘﺎﻱ ﺑﺎﻳﺮﯨﻘﯩﻨﻰ ﻳﯩﻘﯩﺘﺘﻰ، ﺋﻮﺭﻧﯩﻐﺎ ﺗﯩﺒﻪﺕ ﺑﺎﻳﺮﯨﻘﯩﻨﻰ ﺗﯩﻜﻠﯩﺪﻯ. ﯞﻩﻗﻪﺩﯨﻦ ﻛﯧﻴﯩﻦ، ﺋﻪﻟﭽﯩﺨﺎﻧﺎ ﻣﯘﻫﺎﭘﯩﺰﻩﺗﭽﯩﻠﯩﺮﻯ ﯞﻩ ﻛﺎﻧﺎﺩﺍ ﺳﺎﻗﭽﯩﺴﻰ ﺑﯘ ﺋﯩﻜﻜﻰ ﻳﺎﺷﻨﻰ ﺳﺎﻗﭽﯩﻐﺎ ﺋﯧﻠﯩﭗ ﺑﯧﺮﯨﭗ 5 ﺳﺎﺋﻪﺕ ﺳﻮﺭﺍﻕ ﻗﯩﻠﺪﻯ. ﺋﯘﻻﺭ ﺋﺎﻟﺪﯨﻤﯩﺰﺩﯨﻜﻰ ﺋﺎﻳﻼﺭﺩﺍ ﺳﻮﺗﻘﺎ ﺗﺎﺭﺗﯩﻠﯩﺪﯗ. ﺑﯩﺰ ﺑﯘﻻﺭ ﺋﯜﭼﯜﻥ ﻫﺎﺯﯨﺮ ﺋﺎﺩﯞﻭﻛﺎﺕ ﺗﻪﻛﻠﯩﭗ ﻗﯩﻠﺪﯗﻕ."

ﺋﺎﺩﻩﺗﺘﻪ، ﺧﻪﻟﻘﺎﺭﺍ ﻗﺎﻧﯘﻥ ﺑﯘﻳﯩﭽﻪ، ﺋﻪﻟﭽﯩﺨﺎﻧﯩﻼﺭ ﻗﻮﺭﯗﺳﻰ، ﺷﯘ ﺋﻪﻟﭽﯩﺨﺎﻧﺎ ﺗﻪﯞﻩ ﺑﻮﻟﻐﺎﻥ ﺩﯙﻟﻪﺗﻨﯩﯔ ﺯﯦﻤﯩﻨﻰ ﻫﯧﺴﺎﺑﻠﯩﻨﯩﺪﯗ. ﺋﻪﻟﭽﯩﺨﺎﻧﺎ ﻗﻮﺭﯗﺳﯩﻐﺎ ﺭﯗﺧﺴﻪﺗﺴﯩﺰ ﻛﯩﺮﯨﺶ، ﺑﻮﻟﯘﭘﻤﯘ ﺑﺎﻳﺮﯨﻘﯩﻨﻰ ﻳﯩﻘﯩﺘﯩﺶ ﺷﯘ ﺩﯙﻟﻪﺗﻜﻪ ﻗﯩﻠﯩﻨﻐﺎﻥ ﻫﯘﺟﯘﻡ ﻳﺎﻛﻰ ﻫﺎﻗﺎﺭﻩﺕ ﻫﯧﺴﺎﺑﻠﯩﻨﯩﺪﯗ.ﻛﺎﻧﺎﺩﺍﺩﯨﻜﻰ ﻧﺎﻣﺎﻳﺸﻨﻰ ﺋﻮﻳﯘﺷﺘﯘﺭﻏﺎﻥ ﺗﻪﺷﻜﯩﻼﺕ ﺑﺎﺷﻠﯩﻘﻰ ﺗﺮﯨﺰﯦﺮﻯ ﺧﺎﻧﯩﻢ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﻛﺎﻧﺎﺩﺍ ﺩﯦﻤﻮﻛﺮﺍﺗﯩﻚ ﺑﯩﺮ ﺩﯙﻟﻪﺕ، ﺑﯘ ﺋﯩﻜﻜﻰ ﻳﺎﺷﻨﯩﯔ ﻳﺎﺵ ﯞﻩ ﻫﯧﺴﺴﯩﻴﺎﺕ ﺟﻪﻫﻪﺗﺘﯩﻜﻰ ﺋﺎﻻﻫﯩﺪﻩ ﺋﻪﻫﯟﺍﻟﯩﻨﻰ ﻧﻪﺯﻩﺭﺩﻩ ﺗﯘﺗﯘﭖ ﻛﺎﻧﺎﺩﺍ ﻗﺎﻧﯘﻧﯩﻨﯩﯔ ﺋﯧﻐﯩﺮ ﺟﺎﺯﺍ ﺑﻪﺭﻣﻪﻳﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﯩﺰ."

ﻛﺎﻧﺎﺩﺍﺩﺍ ﺧﯩﺘﺎﻱ ﺑﺎﻳﺮﯨﻘﯩﻨﻰ ﻳﯩﻘﯩﺘﻘﺎﻥ ﺋﯩﻜﻜﻰ ﺗﯩﺒﻪﺗﻠﯩﻚ ﻳﺎﺷﺘﯩﻦ ﺑﯩﺮﻯ ﺗﯧﻨﺰﯨﯔ ﺩﻩﻟﻪﻙ، ﻳﻪﻧﻪ ﺑﯩﺮﻯ ﻧﺎﯞﺍﯓ ﺩﺍﭘﻜﺎ ﺑﻮﻟﯘﭖ، ﻧﺎﯞﺍﯓ ﺩﺍﭘﻜﺎ ﯞﻩﻗﻪ ﻫﻪﻗﻘﯩﺪﯨﻜﻰ ﺗﻪﺳﯩﺮﺍﺗﯩﻨﻰ ﺳﯚﺯﻟﻪﭖ ﺋﯚﺗﯩﺪﯗ.

ﺋﯩﺴﺘﺎﻧﺒﯘﻟﺪﯨﻜﻰ ﺧﯩﺘﺎﻱ ﺑﺎﻳﺮﯨﻘﯩﻨﻰ ﻳﯩﻘﯩﺘﻘﺎﻥ ﺋﯘﻳﻐﯘﺭﻻﺭﺩﯨﻦ ﺑﯩﺮﻯ ﺑﻪﺵ ﻗﯧﺘﯩﻢ ﺳﻮﺗﻘﺎ ﺗﺎﺭﺗﯩﻠﻐﺎﻥ ﯞﻩ ﺋﺎﺧﯩﺮﻗﻰ ﺳﻮﺗﺘﺎ 5 ﻳﯩﻞ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﺎﺷﻤﺎﺳﻠﯩﻖ ﺟﺎﺯﺍﺳﻰ ﺑﯧﺮﯨﻠﮕﻪﻥ. ﺋﻪﻧﻪ ﺋﻪﺷﯘ ﺟﺎﺯﺍﻏﺎ ﺋﯘﭼﺮﯨﻐﺎﻥ ﻳﺎﺵ، ﺗﻪﺑﻪﺕ ﻳﯜﺟﻪﺗﯜﺭﻙ، ﺷﯘ ﻗﯧﺘﯩﻤﻘﻰ ﻛﻪﭼﯜﺭﻣﯩﺸﻠﯩﺮﻯ ﺗﻮﻏﺮﯨﺴﯩﺪﺍ ﺗﻮﺧﺘﯩﻠﯩﭗ ﺋﯚﺗﯩﺪﯗ.

ﻣﯘﻫﺎﺟﯩﺮﻩﺗﺘﯩﻜﻰ ﺗﯩﺒﻪﺕ ﻫﻪﺭﯨﻜﯩﺘﻰ ﺑﯩﻠﻪﻥ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺗﻪﯓ ﻗﻪﺩﻩﻣﺪﻩ ﺋﯩﻠﮕﯩﺮﯨﻠﯩﻤﻪﻛﺘﻪ. ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺧﻪﻟﻘﺌﺎﺭﺍ ﻛﯜﻥ ﺗﻪﺭﺗﯩﭙﻜﻪ ﻛﯧﻠﯩﺶ ﻧﯩﺴﺒﯩﺘﻰ، 11 ‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺑﻮﻟﯘﭘﻤﯘ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺭﻩﻫﺒﻪﺭﻟﯩﻚ ﺋﻮﺭﻧﯩﻐﺎ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺗﯩﺒﻪﺗﻠﯩﻜﻠﻪﺭﻧﯩﯖﻜﯩﺪﯨﻨﻤﯘ ﺋﺎﻟﺪﯨﺪﺍ ﻛﯧﺘﯩﯟﺍﺗﻤﺎﻗﺘﺎ. (ﺷﯚﻫﺮﻩﺕ ﻫﻮﺷﯘﺭ)