ﺋﻪﻱ ﯞﯦﻴﯟﯦﻲ ﭘﻪﻳﺸﻪﻧﺒﻪ ﻛﯜﻧﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﭘﯘﻗﺮﺍﻻﺭ ﺗﻪﻛﺸﯜﺭﯛﺵ ﺋﯚﻣﯩﻜﯩﻨﯩﯔ ﭘﯩﺪﺍﺋﯩﻴﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ، ﺗﯧﺰ ﺳﯜﺭﺋﻪﺗﻠﯩﻚ ﭘﻮﭼﺘﺎ ﻳﻮﻟﻼﻧﻤﯩﺴﻰ ﻳﻮﻟﻼﺵ ﺋﺎﺭﻗﯩﻠﯩﻖ، ﺧﯩﺘﺎﻱ ﺩﯙﻟﻪﺗﻠﯩﻚ ﻳﻪﺭ ﺗﻪﯞﺭﻩﺵ ﺋﯩﺪﺍﺭﯨﺴﻰ، ﺳﯩﭽﯜﻩﻥ ﺋﯚﻟﻜﯩﻠﯩﻚ ﺧﻪﻟﻖ ﺋﯩﺸﻠﯩﺮﻯ ﻧﺎﺯﺍﺭﯨﺘﻰ، ﺳﯩﭽﯜﻩﻥ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﺩﯨﻦ 2008 - ﻳﯩﻠﻰ 12 - ﻣﺎﻱ ﻳﯜﺯ ﺑﻪﺭﮔﻪﻥ ﺳﯩﭽﯜﻩﻧﺪﯨﻜﻰ ﻳﻪﺭ ﺗﻪﯞﺭﻩﺷﻜﻪ ﺋﺎﺋﯩﺖ ﺑﺎﺭﻟﯩﻖ ﺋﯘﭼﯘﺭﻻﺭﻧﻰ ﺋﺎﯞﺍﻣﻐﺎ ﺋﺎﺷﻜﺎﺭﯨﻼﺷﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ، ﺋﻪﮔﻪﺭ ﻫﯚﻛﯜﻣﻪﺕ ﺗﻪﺭﻩﭖ 15 ﻛﯜﻥ ﺋﯩﭽﯩﺪﻩ ﺑﯘ ﺋﯩﻤﺰﺍﻟﯩﻖ ﺧﻪﺗﻜﻪ ﺟﺎﯞﺍﺏ ﻗﺎﻳﺘﯘﺭﻣﯩﺴﺎ، ﺋﯚﺯﻟﯩﺮﯨﻨﯩﯔ ﺧﯩﺘﺎﻳﺪﺍ ﺑﻪﻟﮕﯩﻠﻪﻧﮕﻪﻥ ﻗﺎﻧﯘﻥ ﻧﯩﺰﺍﻣﻠﯩﺮﻯ ﺑﻮﻳﯩﭽﻪ، ﺑﯘ ﺋﻮﺭﯗﻧﻼﺭ ﺋﯜﺳﺘﯩﺪﯨﻦ ﺋﻪﺭﺯ ﺳﯘﻧﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻪﻱ ﯞﯦﻴﯟﯦﻲ : "ﺑﯩﺰ ﺳﯩﭽﯜﻩﻧﺪﯨﻜﻰ ﻳﻪﺭ ﺗﻪﯞﺭﻩﺷﺘﻪ ﺋﯚﻟﮕﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﯩﮕﯩﻠﻪﺵ ﺟﻪﺭﻳﺎﻧﯩﺪﺍ ﭘﻪﻗﻪﺗﻼ ﺋﺎﯞﺍﻡ ﭘﯘﻗﺮﺍﻻﺭ ﺋﺎﺭﯨﺴﯩﺪﯨﻜﻰ ﺋﻪﻣﻪﻟﯩﻲ ﺗﻪﻛﺸﯜﺭﯛﺷﯩﻤﯩﺰﮔﻪ ﺗﺎﻳﯩﻨﯩﭙﻼ، ﻫﻪﻗﯩﻘﯩﻲ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﺋﯩﮕﻪ ﺑﻮﻻﻟﻤﺎﻳﻤﯩﺰ. ﺷﯘﯕﺎ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﯩﯔ ﺋﯘﭼﯘﺭﻻﺭﻧﻰ ﺋﺎﯞﺍﻡ ﭘﯘﻗﺮﺍﻏﺎ ﺋﺎﺷﻜﺎﺭﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﯗﻕ، ﺑﯩﺰ ﺋﺎﺷﻜﺎﺭﯨﻼﺷﻨﻰ ﺗﻪﻟﻪﭖ ﻗﯩﻠﻐﺎﻥ ﺋﯘﭼﯘﺭﻻﺭ ﺋﯩﭽﯩﺪﻩ ﻫﯚﻛﯜﻣﻪﺕ ﻫﺎﺯﯨﺮﻏﯩﭽﻪ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺋﯘﭼﯘﺭﻻﺭﻣﯘ ﺑﺎﺭ. ﺑﯩﺰ ﻫﯚﻛﯜﻣﻪﺗﻨﯩﯔ ﺧﯩﺘﺎﻱ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ 15 ﻛﯜﻧﻠﯜﻙ ﻣﯚﻫﻠﻪﺕ ﺋﯩﭽﯩﺪﻩ ﺑﯩﺰﮔﻪ ﺑﯘ ﻣﻪﺳﯩﻠﻪ ﺗﻮﻏﺮﯗﻟﯘﻕ ﺟﺎﯞﺍﺏ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﯗﻕ. ﺋﻪﮔﻪﺭ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺑﯘ ﻣﯚﻫﻠﻪﺕ ﺋﯩﭽﯩﺪﻩ ﺟﺎﯞﺍﺏ ﻗﺎﻳﺘﯘﺭﻣﺎﻳﺪﯨﻜﻪﻥ، ﺑﯩﺰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﻪﻟﮕﯩﻠﯩﮕﻪﻥ ﻗﺎﻧﯘﻥ، ﻧﯩﺰﺍﻣﻼﺭﻏﺎ ﺋﺎﺳﺎﺳﻪﻥ ﺑﯘ ﺋﻮﺭﯗﻧﻼﺭ ﺋﯘﺳﺘﯩﺪﯨﻦ ﺋﻪﺭﺯ ﻗﯩﻠﯩﻤﯩﺰ."

ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﻣﯘﺧﺒﯩﺮﻯ، ﺋﻪﻱ ﯞﯦﻴﯟﯦﻲ ﻗﺎﺗﺎﺭﻟﯩﻖ ﭘﯘﻗﺮﺍﻻﺭ ﺗﻪﻛﺸﯜﺭﯛﺵ ﺋﯚﻣﯩﻜﯩﻨﯩﯔ ﭘﯩﺪﺍﺋﯩﻲ ﺧﺎﺩﯨﻤﻠﯩﺮﯨﻨﯩﯔ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻐﺎ ﻳﺎﺯﻏﺎﻥ ﺑﯘ ﺋﻮﭼﯘﻕ ﺧﻪﺗﻠﯩﺮﯨﺪﻩ، ﺋﻮﺧﺸﯩﻤﯩﻐﺎﻥ ﺋﻮﺭﮔﺎﻧﻼﺭﺩﯨﻦ ﺋﻮﺧﺸﯩﻤﯩﻐﺎﻥ ﺋﯘﭼﯘﺭﻻﺭﻧﻰ ﺋﺎﺷﻜﺎﺭﯨﻼﺷﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ ﺑﺎﻳﻘﯩﻐﺎﻥ. ﺋﯘﻻﺭﻧﯩﯔ ﺩﯙﻟﻪﺗﻠﯩﻚ ﻳﻪﺭ ﺗﻪﯞﺭﻩﺵ ﺋﯩﺪﺍﺭﯨﺴﯩﮕﻪ ﻳﺎﺯﻏﺎﻥ ﺧﯧﺘﯩﺪﻩ، ﺩﯙﻟﻪﺗﻠﯩﻚ ﻳﻪﺭ ﺗﻪﯞﺭﻩﺷﻨﻰ ﺗﻪﻛﺸﯜﺭﯛﺵ ﺋﯩﺪﺍﺭﯨﺴﯩﻨﯩﯔ ﺑﯘ 10 ﻳﯩﻞ ﺋﯩﭽﯩﺪﻩ ﻣﻪﺭﻛﯩﺰﻯ ﻫﯚﻛﯜﻣﻪﺗﺘﯩﻦ ﻗﺎﻧﭽﯩﻠﯩﻚ ﻣﻪﺑﻠﻪﻏﮕﻪ ﺋﯧﺮﯨﺸﻜﻪﻧﻠﯩﻜﯩﻨﻰ، ﺑﯘ ﭘﯘﻟﻨﻰ ﻳﻪﺭ ﺗﻪﯞﺭﻩﺷﻜﻪ ﺩﺍﺋﯩﺮ ﻗﺎﻧﺪﺍﻕ ﺗﯧﺨﻨﯩﻜﯩﻠﯩﻚ ﺗﯜﺭﻟﻪﺭﮔﻪ ﺋﯩﺸﻠﻪﺗﻜﻪﻧﻠﯩﻜﯩﻨﻰ، ﺑﯘ ﭘﯘﻟﻼﺭ 12 - ﻣﺎﻱ ﻳﻪﺭ ﺗﻪﯞﺭﻩﺵ ﺑﻪﻟﯟﯨﻘﯩﻨﯩﯔ ﻣﻪﺭﻛﯩﺰﻯ ﺑﻮﻟﻐﺎﻥ ﺭﺍﻳﻮﻧﻨﻰ ﺗﻪﻛﺸﯜﺭﯛﺵ ﺋﯘﭼﯘﻥ ﺋﯩﺸﻠﯩﺘﯩﻠﮕﻪﻧﻤﯘ؟ ﻗﯘﺗﻘﯘﺯﯗﺵ ﺧﯩﺰﻣﯩﺘﻰ ﺟﻪﺭﻳﺎﻧﯩﺪﺍ ﻳﻪﺭ ﺗﻪﯞﺭﻩﺵ ﺋﯩﺪﺍﺭﯨﺴﻰ ﻗﺎﻧﺪﺍﻕ ﺗﯧﺨﻨﯩﻜﯩﻠﯩﻚ ﻗﯘﺗﻘﯘﺯﯗﺷﻼﺭﻧﻰ ﺋﯧﻠﯩﭗ ﺑﺎﺭﺩﻯ؟ ﺩﯦﮕﻪﻥ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ.

ﺋﯘﻻﺭﻧﯩﯔ ﺳﯩﭽﯜﻩﻥ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﮕﻪ ﻳﺎﺯﻏﺎﻥ ﺧﯧﺘﯩﺪﻩ، ﺳﯩﭽﯜﻩﻥ ﺋﯚﻟﻜﯩﻠﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ 12 - ﻣﺎﻱ ﻳﻪﺭ ﺗﻪﯞﺭﻩﺵ ﯞﻩﻗﻪﺳﯩﺪﯨﻜﻰ ﻗﯘﺗﻘﯘﺯﯗﺵ ﺧﯩﺰﻣﯩﺘﯩﺪﻩ ﻗﺎﻧﺪﺍﻕ ﻗﺎﻧﯘﻥ ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﺎﺭﻏﺎﻧﻠﯩﻘﯩﻨﻰ، ﻗﺎﻧﺪﺍﻕ ﻫﯚﺟﺠﻪﺗﻠﻪﺭ ﺑﺎﺭﻟﯩﻘﯩﻨﻰ، ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ ﺋﯚﻟﮕﻪﻥ ﻛﯩﺸﯩﻠﻪﺭﻧﯩﯔ ﺗﯩﺰﯨﻤﻠﯩﻜﯩﻨﻰ ﺧﻪﻟﻖ ﺋﯩﺸﻠﯩﺮﻯ ﺋﯩﺪﺍﺭﯨﺴﯩﮕﻪ ﻫﻪﻡ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻠﯩﺪﯨﻤﯘ؟ ﺋﺎﺷﻜﺎﺭﯨﻠﯩﻐﺎﻥ ﺑﻮﻟﺴﺎ ﻗﺎﭼﺎﻥ، ﻗﺎﻳﺴﻰ ﯞﺍﻗﯩﺘﺘﺎ ﺋﺎﺷﻜﺎﺭﯨﻠﯩﺪﻯ؟ ﺋﯚﻟﮕﻪﻧﻠﻪﺭﻧﯩﯔ ﺋﻪﻣﻪﻟﯩﻲ ﺳﺎﻧﻰ ﺯﺍﺩﻯ ﻗﺎﻧﭽﯩﻠﯩﻚ؟ ﺩﯦﮕﻪﻥ ﻣﻪﺳﯩﻠﯩﻠﻪﺭ ﺳﻮﺭﺍﻟﻐﺎﻥ. ﺳﯩﭽﯜﻩﻥ ﺧﻪﻟﻖ ﺋﯩﺸﻠﯩﺮﻯ ﻧﺎﺯﺍﺭﯨﺘﯩﮕﻪ ﻳﺎﺯﻏﺎﻥ ﺧﯧﺘﯩﺪﻩ، ﻳﻪﺭ ﺗﻪﯞﺭﻩﺷﺘﻪ ﻣﻪﺟﺮﯗﻫ ﺑﻮﻟﻐﺎﻧﻼﺭﻧﯩﯔ ﺳﺎﻧﻰ ﻗﺎﻧﭽﯩﻠﯩﻚ؟ ﺑﯘﻻﺭﻧﯩﯔ ﺋﯩﭽﯩﺪﻩ ﺋﻮﻗﯘﺗﻘﯘﭼﻰ - ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﻰ ﻗﺎﻧﭽﯩﻠﯩﻚ؟ ﺩﯦﮕﻪﻥ ﻣﻪﺳﯩﻠﯩﻠﻪﺭﮔﻪ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﯩﯔ ﺟﺎﯞﺍﺏ ﺑﯧﺮﯨﺸﻰ ﺗﻪﻟﻪﭖ ﻗﯩﻠﯩﻨﻐﺎﻥ.

ﺑﯘﻟﺘﯘﺭ 5 - ﺋﺎﻳﺪﺍ ﺳﯩﭽﯜﻩﻧﺪﻩ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻳﻪﺭ ﺗﻪﯞﺭﻩﺵ ﺟﻪﺭﻳﺎﻧﯩﺪﺍ ﺋﯚﻟﮕﻪﻥ ﻛﯩﺸﯩﻠﻪﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﯧﻨﯩﻖ ﻣﻪﻟﯘﻡ ﻗﯩﻠﻤﺎﺳﻠﯩﻘﻰ، ﻳﻪﺭ ﺗﻪﯞﺭﻩﺵ ﺟﻪﺭﻳﺎﻧﯩﺪﯨﻜﻰ ﻗﯘﺗﻘﯘﺯﯗﺵ ﺧﯩﺰﻣﯩﺘﯩﺪﻩ ﺳﯘﺳﻠﯘﻕ ﻗﯩﻠﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺑﯘ ﯞﻩﻗﻪ ﺗﻮﻏﺮﯗﻟﯘﻕ ﺧﻪﻟﻘﻨﯩﯔ ﻧﺎﺭﺍﺯﯨﻠﯩﻖ ﻗﻮﺯﻏﺎﻟﻐﺎﻥ ﺑﻮﻟﯘﭖ، ﻫﯚﻛﯜﻣﻪﺕ ﺋﻪﺭﺯ ﻗﯩﻠﻐﯘﭼﯩﻼﺭﻏﺎ ﻧﯩﺴﺒﻪﺗﻪﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﮔﻪﻥ. ﺑﯘ ﺳﻪﯞﻩﺑﻠﯩﻚ ﺋﻪﻱ ﯞﯦﻴﯟﯦﻲ ﻗﺎﺗﺎﺭﻟﯩﻖ ﺑﯩﺮ ﺗﯜﺭﻛﯜﻡ ﺯﯨﻴﺎﻟﯩﻴﻼﺭ ﺋﯚﺯﻟﯜﻛﯩﺪﯨﻦ ﺗﻪﺷﻜﯩﻠﻠﯩﻨﯩﭗ، ﺳﯩﭽﯜﻩﻧﺪﯨﻜﻰ ﻳﻪﺭ ﺗﻪﯞﺭﻩﺷﺘﻪ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻼﺭﻧﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ، ﺋﺎﭘﻪﺗﺘﻪ ﺋﯚﻟﮕﻪﻥ ﺋﻮﻗﯘﻏﯘﭼﯩﻼﺭ ﻫﻪﻡ ﺋﻮﻗﯘﺗﻘﯘﭼﯩﻼﺭﻧﯩﯔ ﻫﻪﻗﯩﻘﯩﻲ ﺳﺎﻧﯩﻨﻰ ﺋﺎﯞﺍﻡ ﭘﯘﻗﺮﺍﻻﺭ ﺋﺎﺭﯨﺴﯩﻐﺎ ﺑﯧﺮﯨﭗ ﺋﯩﮕﯩﻠﻪﺵ ﺧﯩﺰﻣﯩﺘﯩﻨﻰ ﺑﺎﺷﻠﯩﯟﻩﺗﻜﻪﻥ.

ﺋﻪﻱ ﯞﯦﻴﯟﯦﻲ ﻗﺎﺗﺎﺭﻟﯩﻖ ﭘﯩﺪﺍﺋﯩﻴﻼﺭﻧﯩﯔ ﺑﯘ ﺗﻪﻛﺸﯜﺭﯛﺵ ﺧﯩﺰﻣﯩﺘﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﻡ ﺳﯩﭽﯜﻩﻥ ﻳﻪﺭﻟﯩﻚ ﺩﺍﺋﯩﺮﯨﻠﯩﺮﯨﻨﯩﯔ ﻛﯚﭖ ﻗﯧﺘﯩﻤﻠﯩﻖ ﺗﻮﺳﻘﯘﻧﻠﯘﻗﻰ ﯞﻩ ﺗﻪﻫﺪﯨﺘﻠﯩﺮﯨﮕﻪ ﺋﯘﭼﺮﯨﻐﺎﻥ، ﺋﻪﻱ ﯞﯦﻴﯟﯦﻲ ﺑﯘ ﺳﻪﯞﻩﺑﻠﯩﻚ ﻛﯚﭖ ﻗﯧﺘﯩﻢ، ﺳﯩﭽﯜﻩﻥ ﯞﻩ ﺑﯧﻴﺠﯩﯖﺪﯨﻜﻰ ﺳﺎﻗﭽﯩﺨﺎﻧﯩﻼﺭﻏﺎ ﻗﺎﻣﺎﭖ ﻗﻮﻳﯘﻟﻐﺎﻥ، ﺋﯘﻧﯩﯔ ﺷﻪﺧﺴﻰ ﺗﻮﺭ ﺑﯧﺘﯩﻤﯘ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺗﺎﻗﯩﯟﯦﺘﯩﻠﯩﭗ، ﻫﯚﻛﯜﻣﻪﺕ ﺋﯘﻧﯩﯔ ﺋﯚﻳﯩﮕﻪ ﻛﯚﺯﯨﺘﯩﺶ ﺋﺎﭘﭙﺎﺭﺍﺕ ﺋﻮﺭﻧﯩﺘﯩﭗ،ﺋﯩﺶ ﻫﻪﺭﯨﻜﻪﺗﻠﯩﺮﯨﻨﻰ ﺗﻪﻗﯩﺐ ﺋﺎﺳﺘﯩﻐﺎ ﺋﺎﻟﻐﺎﻥ.

ﺋﻪﻱ ﯞﯦﻴﯟﯦﻴﻨﯩﯔ ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ "ﻳﯧﯖﻰ ﺩﻩﯞﺭ ﮊﯗﺭﻧﯩﻠﻰ" ﻣﯘﺧﺒﯩﺮﻯ ﺭﯦﻦ ﻳﻪﻧﻔﺎﯕﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ ﺑﯩﻠﺪﯛﺭﯛﺷﯩﭽﻪ، ﻫﻪﺗﺘﺎ ﺑﯘ ﻳﯩﻞ 12 - ﺳﯧﻨﺘﻪﺑﯩﺮ ﻛﯜﻧﻰ ﺋﻪﻱ ﯞﯦﻴﯟﯦﻲ ﯞﻩ ﺋﯘﻧﯩﯔ ﺩﻭﺳﺘﻠﯩﺮﻯ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﺋﯘﺭﯗﻟﻐﺎﻥ، ﺳﺎﻗﭽﯩﻼﺭﻧﯩﯔ ﺷﯘ ﻗﯧﺘﯩﻤﻠﯩﻖ ﻗﺎﺗﺘﯩﻖ ﺋﯘﺭﯗﺷﻰ ﻧﻪﺗﯩﺠﯩﺴﯩﺪﻩ ﺋﻪﻳﻨﯩﯔ ﺑﯧﺸﻰ ﺋﯧﻐﯩﺮ ﺯﻩﺧﯩﻤﻠﯩﻨﯩﭗ ﻣﯧﯖﯩﺴﯩﮕﻪ ﻗﺎﻥ ﺋﯘﻳﯘﻏﺎﻥ، ﺋﻪﻣﻤﺎ ﺧﯩﺘﺎﻳﺪﯨﻜﻰ ﺩﻭﺧﺘﯘﺭﻻﺭ ﺋﻪﻱ ﯞﯦﻴﯟﯦﻴﮕﻪ ﻳﯧﻨﯩﻚ ﺩﻩﺭﯨﺠﯩﺪﻩ ﺯﻩﺧﻤﯩﻠﻪﻧﮕﻪﻥ ﺩﻩﭖ ﺩﯨﺌﺎﮔﻨﻮﺯ ﻗﻮﻳﯘﭖ، ﺋﯘﻧﻰ ﺩﺍﯞﺍﻻﺷﻨﻰ ﺭﻩﺕ ﻗﯩﻠﻐﺎﻥ. 14 - ﺋﯚﻛﺘﻪﺑﯩﺮ ﻛﯜﻧﻰ ﮔﯧﺮﻣﺎﻧﯩﻴﯩﻨﯩﯔ ﻓﺮﺍﻧﻜﻔﻮﺭﺕ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺧﻪﻟﻘﺌﺎﺭﺍ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﮕﻪ ﻗﺎﺗﻨﯩﺸﯩﺶ ﺋﯘﭼﯘﻥ ﮔﯧﺮﻣﺎﻧﯩﻴﯩﮕﻪ ﺑﺎﺭﻏﺎﻥ ﺋﻪﻱ ﯞﯦﻴﯧﯟﯦﻲ ﺑﯧﺸﻰ ﻗﺎﺗﺘﯩﻖ ﺋﺎﻏﺮﯨﭗ ﻛﻪﺗﻜﻪﻧﻠﯩﻜﻰ ﺋﯘﭼﯘﻥ، ﺩﻭﺧﺘﯘﺭﺧﺎﻧﯩﻐﺎ ﺑﺎﺭﻏﯩﻨﯩﺪﺍ ﮔﯧﺮﻣﺎﻧﯩﻴﻪ ﺩﻭﺧﺘﯘﺭﻟﯩﺮﻯ ﺋﯘﻧﻰ ﻫﺎﻳﺎﺗﻰ ﺧﻪﯞﭖ ﺋﯩﭽﯩﺪﻩ ﺩﻩﭖ ﺩﯨﺌﺎﮔﻨﻮﺯ ﻗﻮﻳﯘﭖ، ﺋﻮﭘﯧﺮﺍﺗﺴﯩﻴﻪ ﻗﯩﻠﯩﭗ ﻣﯧﯖﯩﺴﯩﺪﻩ ﺋﯘﻳﯘﭖ ﻗﺎﻟﻐﺎﻥ ﻗﺎﻧﻨﻰ ﺗﺎﺯﯨﻼﭖ، ﺋﯘﻧﯩﯔ ﻫﺎﻳﺎﺗﯩﻨﻰ ﺧﻪﯞﭘﺘﯩﻦ ﺳﺎﻗﻼﭖ ﻗﺎﻟﻐﺎﻥ.

ﺋﻪﻱ ﯞﯦﻴﯟﯦﻲ، "ﻳﯧﯖﻰ ﺩﻩﯞﺭ ﮊﯗﺭﻧﯩﻠﻰ" ﻣﯘﺧﺒﯩﺮﻯ ﺭﯦﻦ ﻳﻪﻧﻔﺎﯕﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﺋﯚﺯ ﺋﯩﺮﺍﺩﯨﺴﯩﻨﻰ ﺋﯩﭙﺎﺩﯨﻠﻪﭖ ﻣﯘﻧﺪﺍﻕ ﺩﯦﮕﻪﻥ: "ﻣﻪﻥ ﻫﻪﺭ ﯞﺍﻗﯩﺖ ﻫﻪﻗﻘﺎﻧﯩﻴﻪﺕ ﺗﻪﺭﻩﭘﺘﻪ ﺗﯘﺭﺩﯗﻡ، ﺋﺎﯞﺍﻡ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﯩﻨﻰ ﻫﻪﻣﻤﯩﺪﯨﻦ ﺋﻪﻻ ﺑﯩﻠﺪﯨﻢ، ﻫﯚﻛﯜﻣﻪﺗﻨﯩﯔ ﺋﺎﺷﯘ ﺋﺎﺯﻏﯩﻨﻪ ﻣﺎﺋﺎﺷﯩﻨﻰ ﺩﻩﭖ ﯞﯨﺠﺪﺍﻧﯩﻤﻨﻰ ﺳﺎﺗﻤﯩﺪﯨﻢ. ﻛﯚﺭﯛﭖ ﺗﯘﺭﯗﭘﺴﯩﺰ، ﻫﺎﺯﯨﺮ ﺧﯩﺘﺎﻳﺪﺍ ﭘﯘﻗﺮﺍﻻﺭ ﺋﻪﺭﻛﯩﻨﻠﯩﻜﻰ ﻫﻪﻡ ﺩﯦﻤﻮﻛﺮﺍﺗﯩﻴﯩﺪﯨﻦ ﺳﻮﺯ ﺋﯧﭽﯩﺶ ﻣﯘﻣﻜﯩﻦ ﺋﻪﻣﻪﺱ، ﺋﯘﻻﺭ ﻣﯧﻨﻰ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﺸﺘﻰ، ﺋﯚﻳﯜﻣﮕﻪ ﺗﯩﻞ ﻛﺎﻣﯧﺮﺍ ﺋﻮﺭﻧﯩﺘﯩﭗ ﻫﻪﺭﯨﻜﻪﺗﻠﯩﺮﯨﻤﻨﻰ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﺸﺘﻰ، ﺗﻮﺭ ﺑﯧﻜﯩﺘﯩﻤﻨﯩﻤﯘ ﺗﺎﻗﯩﯟﻩﺗﺘﻰ، ﺋﻪﺳﻪﺭﻟﯩﺮﯨﻤﻨﻰ ﻧﻪﺷﺮ ﻗﯩﻠﯩﺸﯩﻤﻨﻰ ﺗﻮﺳﺘﻰ، ﺋﻪﻣﻤﺎ ﻣﻪﻥ ﻗﻮﺭﻗﻤﺎﻳﻤﻪﻥ. ﭼﯜﻧﻜﻰ ﻣﯧﻨﯩﯔ ﺋﺎﺭﻗﺎﻣﺪﺍ ﺗﯘﺭﻏﯩﻨﻰ ﺋﺎﺷﯘ ﺋﺎﯞﺍﻡ ﺧﻪﻟﻖ ‏ - ﭘﯘﻗﺮﺍﻻﺭ ﻫﻪﻡ ﺋﯘﻻﺭﻧﯩﯔ ﻫﻪﻗﯩﻘﺎﻧﯩﻲ ﺗﻪﻟﯩﭙﻰ."

ﺋﻪﻱ ﯞﯦﻴﯟﯦﻲ "ﻳﯧﯖﻰ ﺩﻩﯞﺭ ﮊﯗﺭﻧﯩﻠﻰ" ﻣﯘﺧﺒﯩﺮﻯ ﺭﯦﻦ ﻳﻪﻧﻔﺎﯕﻐﺎ ﺋﯘﻳﻐﯘﺭ ﺋﯧﻠﯩﻨﯩﯔ ﻧﯚﯞﻩﺗﺘﯩﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﺷﯘﻧﺪﺍﻕ ﺩﯦﮕﻪﻥ: "ﺑﯘ ﻳﯩﻞ ﺋﯩﻴﯘﻝ ﯞﻩﻗﻪﺳﯩﻨﯩﯔ ﻳﯜﺯ ﺑﯧﺮﯨﺸﻰ ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯩﻠﻠﯩﻲ ﺳﯩﻴﺎﺳﯩﺘﯩﺪﯨﻜﻰ ﺑﺎﺭﺍﯞﻩﺭﺳﯩﺰﻟﯩﻚ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﺎ ﻛﻪﻣﺴﯩﺘﯩﺶ ﺳﯩﻴﺎﺳﯩﺘﻰ ﺳﻪﯞﻩﺑﯩﺪﯨﻦ ﻳﯜﺯ ﺑﻪﺭﮔﻪﻥ. ﻫﯚﻛﯜﻣﻪﺕ ﺋﯚﺯ ﺧﺎﺗﺎﻟﯩﻘﯩﻨﻰ ﺗﯜﺯﯨﺘﯩﺸﻨﯩﯔ ﺋﻮﺭﻧﯩﻐﺎ ﺋﯩﻨﺘﯧﺮﻧﯧﺖ ﯞﻩ ﺗﯧﻠﯧﻔﻮﻧﻨﻰ ﺋﯜﺯﯛﯞﯦﺘﯩﭗ، ﺋﯘﭼﯘﺭﻧﻰ ﻗﺎﻣﺎﻝ ﻗﯩﻠﯩﺶ ﺋﺎﺭﻗﯩﻠﯩﻖ ﺧﻪﻟﻘﻨﻰ ﺑﺎﺳﺘﯘﺭﻣﺎﻗﭽﻰ ﺑﻮﻟﯘﯞﺍﺗﯩﺪﯗ، ﺷﯩﻨﺠﺎﯕﻨﻰ ﺩﯗﻧﻴﺎﺩﯨﻦ ﺋﺎﻳﺮﯨﯟﻩﺗﻤﻪﻛﭽﻰ ﺑﻮﻟﯘﯞﺍﺗﯩﺪﯗ. ﻣﺎﻧﺎ ﺑﯘ ﺋﯘﻻﺭﻧﯩﯔ ﺧﻪﻟﻘﻨﯩﯔ ﻏﻪﺯﯨﭙﯩﺪﯨﻦ ﻗﻮﺭﻗﻘﺎﻧﻠﯩﻘﻰ، ﺋﯚﺯ ﻗﯩﻠﻤﯩﺶ - ﺋﻪﺗﻤﯩﺸﻠﯩﺮﯨﻨﯩﯔ ﺩﯗﻧﻴﺎﻏﺎ ﺋﺎﺷﻜﺎﺭﯨﻠﯩﻨﯩﺸﯩﺪﯨﻦ ﻗﻮﺭﻗﻘﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﺑﻮﻟﯘﯞﺍﺗﯩﺪﯗ.ﭼﯜﻧﻜﻰ ﻫﻪﻗﻘﺎﻧﯩﻴﻪﺕ ﺧﻪﻟﻖ ﺗﻪﺭﻩﭘﺘﻪ، ﺷﯘﯕﺎ ﻫﺎﺯﯨﺮﻗﻰ ﻫﯚﻛﯜﻣﻪﺕ ﺧﻪﻟﻘﺘﯩﻦ ﻗﻮﺭﻗﯩﺪﯗ. ﻣﻪﻥ ﯞﻩ ﻣﯧﻨﯩﯔ ﺩﻭﺳﺘﻠﯩﺮﯨﻢ ﺑﯘ ﻫﻪﻗﯩﻘﻪﺗﻨﻰ ﻳﺎﺧﺸﻰ ﺑﯩﻠﯩﻤﯩﺰ، ﺷﯘﯕﺎ ﺑﯩﺰ ﻫﯚﻛﯜﻣﻪﺗﻨﯩﯔ ﺑﯘ ﺗﻪﻗﯩﭙﻠﯩﺮﯨﺪﯨﻦ ﻗﻮﺭﻗﯘﭖ ﻗﺎﻟﻤﺎﻳﻤﯩﺰ."

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز