ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻥ ﺋﺎﺗﺎﻟﻐﯘﻧﯩﯔ ﻣﻪﻧﯩﺴﯩﻨﻰ ﺋﯚﺯﮔﻪﺭﺗﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﮔﯧﺰﯨﺘﻠﯩﺮﯨﮕﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﻮﺭﮔﯩﻨﻰ 'ﺧﻪﻟﻖ ﮔﯧﺰﯨﺘﻰ' ﻫﺎﺯﯨﺮ ﭘﯜﺗﯜﻥ ﻣﻪﻣﻠﯩﻜﻪﺗﺘﻪ 17 ‏- ﻗﯘﺭﯗﻟﺘﺎﻳﻨﯩﯔ ﺭﻭﻫﯩﻨﻰ ﺋﯩﺰﭼﯩﻠﻼﺷﺘﯘﺭﯗﭖ 'ﺟﯘﯕﮕﻮﭼﻪ ﺳﻮﺗﺴﻴﺎﻟﯩﺰﻡ' ﺩﯦﮕﻪﻥ ﺋﯩﺪﯨﻴﯩﻨﻰ ﺗﯩﻜﻠﻪﺷﻨﻰ ﺟﯩﺪﺩﯨﻲ ﺗﻪﺷﯟﯨﻖ ﻗﯩﻠﯩﯟﺍﺗﯩﺪﯗ.

ﺑﯘ ﺗﻪﺷﯟﯨﻘﺎﺗﻼﺭﺩﺍ، 17 ‏- ﻗﯘﺭﯗﻟﺘﺎﻳﻨﯩﯔ 'ﺭﻭﻫﻰ' ﻧﻰ ﺩﯦﻤﻮﻛﺮﺍﺗﯩﻴﻪ ﺩﻩﯞﺍﺗﯩﺪﯗ، ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻡ ﺩﻩﯞﺍﺗﯩﺪﯗ. 'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﯞﺍﯓ ﻟﯧﭽﯘﻩﻥ ﺋﻪﭘﻪﻧﺪﯨﻤﯘ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ، 17 ﻗﯘﺭﯗﻟﺘﺎﻳﻨﯩﯔ ﺭﻭﻫﯩﻨﻰ ﺋﯚﮔﯩﻨﯩﺸﻨﯩﯔ ﺑﯩﺮﯨﻨﭽﻰ ﺑﺎﺳﻘﯘﭼﻰ 10 ‏- ﺋﺎﻳﺪﯨﻦ 11 ‏- ﺋﺎﻳﻨﯩﯔ ﺋﺎﺧﯩﺮﯨﻐﯩﭽﻪ، ﺋﯩﻜﻜﯩﻨﭽﻰ ﺑﺎﺳﻘﯘﭼﻰ 12 ‏- ﺋﺎﻳﻨﯩﯔ ﺋﺎﺧﯩﺮﯨﻐﯩﭽﻪ ﺑﻮﻟﯩﺪﯗ، ﺩﻩﭖ ﺑﻪﻟﮕﯩﻠﯩﮕﻪﻥ.

ﯞﺍﻫﺎﻟﻪﻧﻜﻰ، ﺧﯩﺘﺎﻳﺪﺍ ﻫﺎﺯﯨﺮ ﻣﯘﻧﺪﺍﻕ ﺑﯩﺮ ﭼﻮﯓ ﻧﻪﺯﯨﺮﯨﻴﻪ ﺗﻪﺭﻏﯩﺒﺎﺗﻰ ﺑﻮﻟﯘﯞﺍﺗﻘﺎﻧﺪﺍ، 'ﻳﯧﯖﻰ ﺋﻪﺳﯩﺮ ﮊﯗﺭﻧﯩﻠﻰ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﯩﺪﯨﻜﻰ ﻛﻮﻟﯘﻣﺒﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺋﺎﻧﺪﺭﯗ ﻧﺎﺗﺎﻥ ﺋﻪﭘﻪﻧﺪﻯ "ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﻫﺎﺯﯨﺮ ﺩﻩﯞﺍﺗﻘﺎﻥ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺳﯚﺯ ﻫﯧﭽﻘﺎﭼﺎﻥ ﺋﺎﺩﻩﺗﺘﻪ ﭘﯜﺗﯜﻥ ﺩﯗﻧﻴﺎ ﺑﯩﺮﺩﻩﻙ ﭼﯜﺷﯩﻨﯩﺪﯨﻐﺎﻥ ، ﻏﻪﺭﺏ ﺩﯙﻟﻪﺗﻠﯩﺮﯨﺪﻩ ﻛﻪﯓ ﻛﯚﻟﻪﻣﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ 'ﺩﯦﻤﻮﻛﺮﺍﺗﯩﻴﻪ' ﺋﻪﻣﻪﺱ" ﺩﻩﭖ ﻛﯚﺭﺳﻪﺗﻜﻪﻥ. ﺑﯘ ﭘﺮﻭﻓﯧﺴﺴﻮﺭﻧﯩﯔ ﺋﯧﻨﯩﻘﻠﯩﺸﯩﭽﻪ، 'ﺧﯩﺘﺎﻳﺪﺍ ﺋﻪﻣﻪﻟﺪﺍﺭﻻﺭﻧﯩﯔ ﺧﻪﻟﻖ ﺗﻪﺭﯨﭙﯩﺪﯨﻦ ﺳﺎﻳﻼﻧﻤﺎﻳﺪﯨﻐﺎﻧﻠﯩﻘﻰ، ﺑﻪﻟﻜﻰ ﺋﯘﻻﺭﻧﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯚﺯﻯ ﺑﻪﻟﮕﯩﻠﻪﭖ ﻗﻮﻳﯩﺪﯨﻐﺎﻧﻠﯩﻘﻰ، ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺑﯘﻧﻰ ﺩﯦﻤﻮﻛﺮﺍﺗﯩﻴﻪ ﺩﻩﯞﺍﺗﻘﺎﻧﻠﯩﻘﻰ، ﻣﺎﻧﺎ ﺑﯘ ﺩﻩﻝ ﻏﻪﺭﺏ ﺋﻪﻟﻠﯩﺮﯨﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ، ﻏﻪﺭﺏ ﺋﻪﻟﻠﯩﺮﯨﺪﻩ ﺋﻪﺭﻛﯩﻨﻠﯩﻚ ﯞﻩ ﺗﻪﺭﻩﻗﻘﯩﻴﺎﺕ ﺗﻪﯓ ﺋﻪﻣﻪﻟﮕﻪ ﺋﺎﺷﯘﺭﯗﻟﻐﺎﻥ ﺩﯦﻤﻮﻛﺮﺍﺗﯩﻴﯩﮕﻪ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯨﻐﺎﻥ ﻳﯧﺮﻯ.

ﻳﺎﻟﻼﻧﻤﺎ ﺋﻪﺩﯨﺒﻠﻪﺭﻧﯩﯔ ﮔﻪﭖ ﺋﻮﻳﯘﻧﻰ

'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﻐﺎﻥ "ﺧﯩﺘﺎﻳﺪﯨﻜﻰ ﻳﺎﻟﻼﻧﻤﺎ ﺋﻪﺩﯨﺒﻠﻪﺭ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺋﺎﺗﺎﻟﻐﯘﻧﯩﯔ ﺗﻪﺑﯩﺮﯨﻨﻰ ﺋﯚﺯﮔﻪﺭﺗﻤﻪﻛﺘﻪ" ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯧﻴﺠﯩﯖﻨﯩﯔ ﺳﯩﻴﺎﺳﯩﻲ ﻣﯘﺗﻪﺧﻪﺳﺴﯩﺴﻰ ﻳﯜ ﻛﯧﭙﯩﯔ 'ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻥ ﻳﺎﺧﺸﻰ ﻧﻪﺭﺳﻪ' ﺩﯦﮕﻪﻥ ﺑﯩﺮ ﻣﺎﻗﺎﻟﯩﻨﻰ ﻳﯧﺰﯨﭗ، ﺋﯘﻧﯩﯖﺪﺍ "ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻧﻨﯩﯔ ﺑﻪﻟﮕﯩﺴﻰ ﺑﯩﯟﺍﺳﺘﻪ ﺳﺎﻳﻼﻡ ﺋﻪﻣﻪﺱ، ﺑﻪﻟﻜﻰ ﻫﺎﻛﯩﻤﯩﻴﻪﺗﻜﻪ ﻧﺎﺯﺍﺭﻩﺕ ﻗﯩﻠﯩﺸﻘﺎ ﭘﯘﻗﺮﺍﻻﺭﻧﻰ ﻗﺎﺗﻨﺎﺷﺘﯘﺭﯗﺷﺘﯩﻦ ﺋﯩﺒﺎﺭﻩﺕ" ﺩﯦﻴﯩﺶ ﺋﺎﺭﻗﯩﻠﯩﻖ، ﭘﯜﺗﯜﻥ ﺩﯗﻧﻴﺎﺩﺍ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ﺩﯦﻤﻮﻛﺮﺍﺗﯩﻴﻪ ﺗﯜﺯﯛﻣﯩﻨﻰ ﻗﻪﺳﺘﻪﻥ ﺑﯘﺭﻣﯩﻠﯩﻐﺎﻥ.

'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﺪﯨﻜﻰ ﺑﯘﻧﺪﺍﻕ ﻳﺎﻟﻼﻧﻤﺎ ﺋﻪﺩﯨﺒﻠﻪﺭ ﻫﺎﺯﯨﺮ، ﻧﻮﻣﯘﺳﺴﯩﺰﻻﺭﭼﻪ ﮔﻪﭖ ﺋﻮﻳﯘﻧﻰ ﺋﺎﺭﻗﯩﻠﯩﻖ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺋﺎﺗﺎﻟﻐﯘﻧﯩﯔ ﺗﻪﺑﯩﺮﯨﻨﻰ ﺋﯚﺯﮔﻪﺭﺗﯩﭗ ﺧﻪﻟﻘﻨﻰ ﺋﺎﺯﺩﯗﺭﻣﺎﻗﺘﺎ. ﺋﯘﻻﺭ ﻏﻪﺭﺏ ﺋﻪﻟﻠﯩﺮﯨﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ، ﺩﯙﻟﻪﺗﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﯞﺍﺗﻘﺎﻥ 'ﺩﯦﻤﻮﻛﺮﺍﺗﯩﻴﻪ'ﻧﯩﯔ ﺗﻪﺑﯩﺮﯨﻨﻰ ﺋﯚﺯﮔﻪﺭﺗﯩﭗ، ﺋﯘﻧﻰ ﻛﻮﻣﻤﯘﻧﯩﺴﺖ ﺭﻩﻫﺒﻪﺭﻟﯩﺮﻯ ﺷﻪﻛﯩﻞ ﺋﻮﺭﻧﯩﺪﺍ ﭘﺎﻳﺪﯨﻠﯩﻨﯩﺪﯨﻐﺎﻥ ﺑﯩﺮﺧﯩﻞ 'ﻳﺎﺧﺸﻰ ﻧﻪﺭﺳﻪ'ﮔﻪ ﺋﺎﻳﻼﻧﺪﯗﺭﯗﭖ ﺑﻪﺭﻣﻪﻛﺘﻪ.

ﻫﻪﺗﺘﺎ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﻮﻟﻤﯩﻐﺎﻥ ﺧﻪﻟﻖ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﻪﺗﻜﻪ ﻗﺎﻧﺪﺍﻕ ﻧﺎﺯﺍﺭﻩﺗﭽﯩﻠﯩﻚ ﻗﯩﻼﻻﻳﺪﯗ؟

‏-‏ ﻳﺎﻟﻼﻧﻤﺎ ﺋﻪﺩﯨﺒﻠﻪﺭﻧﯩﯔ ﺋﯚﺯﻟﯩﺮﻯ ﺑﯘﺭﻣﯩﻼﭖ ﭼﯩﻘﻘﺎﻥ 'ﺩﯦﻤﻮﻛﺮﺍﺗﯩﻴﻪ' ﻧﻰ 'ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻡ' ﺩﯦﮕﻪﻥ، ﺋﻪﻣﻤﺎ ﺋﻪﻣﻪﻟﯩﻴﯩﺘﻰ ﻫﯧﭽﻘﺎﭼﺎﻥ ﺳﻮﺗﺴﯩﻴﺎﻟﯩﺰﻡ ﺑﻮﻟﻤﯩﻐﺎﻥ ﻳﻪﻧﻪ ﺑﯩﺮ ﺑﯩﻤﻪﻧﻪ ﻧﻪﺭﺳﻪ ﺑﯩﻠﻪﻥ ﺑﯩﺮﻟﻪﺷﺘﯜﺭﮔﻪﻧﻠﯩﻜﯩﻤﯘ ﺑﯩﺮﺧﯩﻞ ﻧﺎﭼﺎﺭ 'ﺋﯩﺠﺎﺩﯨﻴﻪﺕ'‏ ، ‏-‏ ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ 'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﻮﺑﺰﻭﺭﺩﺍ، ‏-‏ ﺧﯩﺘﺎﻳﺪﯨﻜﻰ ﺑﻪﺯﻯ ﻳﺎﻟﻼﻧﻤﺎ ﺋﻪﺩﯨﺒﻠﻪﺭ 'ﺟﯘﯕﮕﻮﭼﻪ ﺳﻮﺗﺴﯩﻴﺎﻟﯩﺰﻡ' ﺩﯦﮕﻪﻥ، ﺋﻪﻣﻪﻟﯩﻴﻪﺗﺘﻪ ﻫﻪﺭﮔﯩﺰﻣﯘ ﺋﻪﻗﯩﻠﮕﻪ ﻣﯘﯞﺍﭘﯩﻖ ﺑﻮﻟﻤﯩﻐﺎﻥ ﺑﯘﻧﺪﺍﻕ ﺷﻪﻛﯩﻠﻨﻰ 'ﭘﯘﻗﺮﺍﻻﺭ ﻫﺎﻛﯩﻤﯩﻴﻪﺗﻜﻪ ﻧﺎﺯﺍﺭﻩﺕ ﻗﯩﻠﯩﺪﯨﻐﺎﻥ' ﺗﯜﺯﯛﻡ ﺩﻩﭖ ﺋﺎﺗﺎﯞﺍﺗﯩﺪﯗ. ﻣﯘﻧﺪﺍﻕ ﺑﯩﺮ ﺋﺎﺩﺩﻯ ﺳﯘﺋﺎﻟﻐﺎ ﺟﺎﯞﺍﺏ ﺑﻪﺭﺳﯘﻧﻜﻰ، ﻫﺎﺯﯨﺮﻗﯩﺪﻩﻙ، ﻫﻪﺗﺘﺎ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺋﻪﺭﻛﯩﻨﻠﯩﻜﯩﻤﯘ ﺑﻮﻟﻤﯩﻐﺎﻥ ﺧﻪﻟﻖ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﻪﺗﻨﻰ ﻗﺎﻧﺪﺍﻕ ﻧﺎﺯﺍﺭﻩﺕ ﻗﯩﻼﻻﻳﺪﯗ؟

ﺩﯗﻧﻴﺎﺩﺍ ﺋﻪﻫﯟﺍﻟﻰ ﺋﻮﺧﺸﯩﻤﺎﻳﺪﯨﻐﺎﻥ ﻫﻪﺭ ﻗﺎﻧﺪﺍﻕ ﺩﯙﻟﻪﺗﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﺍﻟﯩﻐﺎﻥ 'ﺩﯦﻤﻮﻛﺮﺍﺗﯩﻴﻪ' ﻗﺎﻧﺪﺍﻕ ﻗﯩﻠﯩﭗ ﺧﯩﺘﺎﻳﻐﺎ ﺑﺎﭖ ﻛﻪﻟﻤﻪﻳﺪﯨﻜﻪﻥ؟

‏-‏ ﺑﯘﻧﺪﺍﻕ ﻳﺎﻟﻼﻧﻤﺎ ﺋﻪﺩﯨﺒﻠﻪﺭ ﻛﻮﻣﻤﯘﻧﯩﺴﺖ ﻣﯘﺳﺘﻪﺑﯩﺘﻠﯩﺮﻯ ﺑﯩﻠﻪﻥ ﺑﯩﺮ ﮔﯘﺭﯗﻫ ﺑﻮﻟﯘﺷﻰ ﻧﺎﺗﺎﻳﯩﻦ، ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ، ‏- 'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﻮﺑﺰﻭﺭﺩﺍ ‏، ‏- ﺋﻪﻣﻤﺎ ﺋﯘﻻﺭ ﻣﯘﺳﺘﻪﺑﯩﺘﻠﻪﺭﮔﻪ ﻫﻪﻣﺪﯗﺳﺎﻧﺎ ﺋﻮﻗﯘﭖ ﺟﺎﻥ ﺑﯧﻘﯩﺸﻘﺎ ﺋﺎﺩﻩﺗﻠﻪﻧﮕﻪﻥ ، ﺷﯘﯕﻼﺷﻘﺎ ﺋﯘﻻﺭ ﻧﻮﻣﯘﺱ ﻗﯩﻠﻤﺎﺳﺘﯩﻦ، ﻫﻪﺭﺧﯩﻞ ﻏﻪﻟﯩﺘﻪ ﮔﻪﭖ ﺋﻮﻳﯘﻧﻰ ﻗﯩﻠﯩﺪﯗ. ﺋﻪﮔﻪﺭ ﻗﻮﻳﯘﻟﻐﺎﻥ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﻩﻟﻤﯩﺴﻪ، ﺩﻩﺭﻫﺎﻝ 'ﻫﻪﺭ ﺑﯩﺮ ﺩﯙﻟﻪﺗﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﻰ ﺑﯩﺮ-ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯗ' ﺩﻩﭖ ﺑﺎﻫﺎﻧﻪ ﻛﯚﺭﺳﯩﺘﯩﺪﯗ. ﺋﻪﻣﻪﻟﯩﻴﻪﺗﺘﻪ ﺩﯗﻧﻴﺎﺩﺍ ﺋﻪﻣﻪﻟﯩﻲ ﺋﻪﻫﯟﺍﻟﻰ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﯙﻟﻪﺗﻠﻪﺭﻧﯩﯔ ﻫﻪﻣﻤﯩﺴﯩﮕﻪ ﺑﺎﭖ ﻛﯧﻠﯩﯟﺍﺗﻘﺎﻥ ، ﺋﯘﻧﻰ ﺗﻪﺭﻩﻗﻘﯩﻴﺎﺗﻼﺭﻏﺎ ﺑﺎﺷﻼﯞﺍﺗﻘﺎﻥ ﻫﺎﺯﯨﺮﻗﻰ 'ﺩﯦﻤﻮﻛﺮﺍﺗﯩﻴﻪ' ﺗﯜﺯﯛﻣﻰ ﻗﺎﻧﺪﺍﻕ ﻗﯩﻠﯩﭗ ﺧﯩﺘﺎﻳﻐﺎ ﺑﺎﭖ ﻛﻪﻟﻤﻪﻳﺪﯨﻜﻪﻥ؟

ﻣﺎﯞﺯﯦﺪﯗﯓ، ﺩﯦﯔ ﺷﺎﯞﭘﯩﯖﻼﺭﻣﯘ 'ﺩﯦﻤﻮﻛﺮﺍﺗﯩﻴﻪ'ﻧﯩﯔ ﻣﻪﻧﯩﺴﯩﻨﻰ ﺋﯚﺯﮔﻪﺭﺗﯩﺶ ﻣﻪﻗﺴﯩﺘﯩﮕﻪ ﻳﯧﺘﻪﻟﻤﻪﻱ ﺋﺎﻟﻪﻣﺪﯨﻦ ﺋﯚﺗﻜﻪﻥ ﺋﯩﺪﻯ

‏-‏ ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻥ ﺩﯗﻧﻴﺎﻧﯩﯔ ﻫﻪﻣﻤﻪ ﻳﯧﺮﯨﮕﻪ ﺑﺎﺏ ﻛﯧﻠﯩﺪﯨﻐﺎﻥ ﻧﻪﺯﯨﺮﯨﻴﯩﻼ ﺋﻪﻣﻪﺱ، ﺑﻪﻟﻜﻰ ﺳﯩﻨﺎﻗﺘﯩﻦ ﺋﯚﺗﻜﻪﻥ ﺋﻪﻣﻪﻟﯩﻴﻪﺕ، ﺋﻪﻣﻤﺎ ﻳﺎﻟﻼﻧﻤﺎ ﺋﻪﺩﯨﺒﻠﻪﺭ ﭘﻪﻗﻪﺕ ﻣﯘﺳﺘﻪﺑﯩﺘﻠﻪﺭﮔﻪ ﻫﻪﻣﺪﯗﺳﺎﻧﺎ ﺋﻮﻗﯘﭖ ﺟﺎﻥ ﺑﯧﻘﯩﺸﻘﺎ ﺋﺎﺩﻩﺗﻠﻪﻧﮕﻪﻥ ، ‏-‏ ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ 'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﻮﺑﺰﻭﺭﺩﺍ ، ‏-‏ ﺧﯩﺘﺎﻳﺪﺍ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺋﺎﺗﺎﻟﻐﯘ ﺧﻪﻟﻘﻘﻪ ﻧﺎﺗﻮﻧﯘﺵ ﺋﻪﻣﻪﺱ، ﺑﯘ ﺋﺎﺗﺎﻟﻐﯘ ﺋﯚﺗﻜﻪﻥ ﺋﻪﺳﺮﻧﯩﯔ ﺑﯧﺸﯩﺪﯨﻼ ﺧﻪﻟﻖ ﺋﯩﭽﯩﺪﻩ ﻛﻪﯓ ﻏﯘﻟﻐﯘﻻ ﻗﯩﻠﯩﻨﯩﺸﻘﺎ، ﭼﯜﺷﯩﻨﯩﻠﯩﺸﻜﻪ ﺑﺎﺷﻠﯩﻐﺎﻥ ﯞﻩ ﺩﯦﻤﻮﻛﺮﺍﺗﯩﻴﻪ ﺧﻪﻟﻘﻨﯩﯔ ﻧﻪﺯﯨﺮﯨﺪﻩ ﺋﺎﻟﻠﯩﻘﺎﭼﺎﻥ ﺋﯩﻠﻐﺎﺭﻟﯩﻖ ﺑﯩﻠﻪﻥ ﻗﺎﻻﻗﻠﯩﻖ، ﺧﻪﻟﻘﭽﯩﻠﯩﻚ ﺑﯩﻠﻪﻥ ﻣﯘﺳﺘﻪﺑﯩﺘﻠﯩﻜﻨﻰ ﺋﺎﻳﺮﯨﻴﺪﯨﻐﺎﻥ ﺋﯚﻟﭽﻪﻡ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ. ﺷﯘﻧﯩﯔ ﺋﯜﭼﯜﻥ ﺧﻪﻟﻖ ﺩﯦﻤﻮﻛﺮﺍﺗﯩﻴﻪ ﺗﯜﺯﯛﻣﯩﻨﻰ ﺗﯩﻜﻠﻪﺵ ﺋﯜﭼﯜﻥ ﻫﺎﺭﻣﺎﻱ -ﺗﺎﻟﻤﺎﻱ ﻛﯚﺭﻩﺵ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ. ﻣﯘﺳﺘﻪﺑﯩﺘﻠﻪﺭ، ﺯﺍﻟﯩﻢ ﺋﻪﻣﻪﻟﺪﺍﺭﻻﺭ ﺧﻪﻟﻖ ﺋﺎﺭﺯﯗ ﻗﯩﻠﯩﯟﺍﺗﻘﺎﻥ ﺑﯘ ﺩﯦﻤﻮﻛﺮﺍﺗﯩﻴﯩﺪﯨﻦ ﺋﯚﻟﮕﯜﺩﻩﻙ ﻗﻮﺭﻗﯘﺩﯗ، ﺋﻪﻣﻤﺎ ﺋﯘﻻﺭ ﺋﻮﭼﯘﻕ - ﺋﺎﺷﻜﺎﺭﺍ ﻗﺎﺭﺷﻰ ﭼﯩﻘﺎﻟﻤﺎﻱ ، ﺋﯘﻧﻰ ﺑﯘﺭﻣﯩﻼﭖ ﻛﯧﻠﯩﯟﺍﺗﯩﺪﯗ.

ﻣﺎﯞﺯﯦﺪﯗﯕﻤﯘ ﺩﯦﻤﻮﻛﺮﺍﺗﯩﻴﯩﻨﻰ ﺑﯘﺭﻣﯩﻼﭖ " ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻥ ﻣﻪﻗﺴﻪﺕ ﺋﻪﻣﻪﺱ، ﺑﻪﻟﻜﻰ ﻗﻮﻟﻠﯩﻨﯩﺪﯨﻐﺎﻥ ﯞﺍﺳﺘﻪ" ﺩﻩﭖ ﺗﻪﺑﯩﺮ ﺑﯧﺮﯨﭗ، ﺋﯘﻧﻰ ﺋﯚﺯﮔﻪﺭﺗﯩﭗ ﻗﻮﻟﻼﻧﻤﺎﻗﭽﻰ، ﺋﯚﺯﯨﻨﯩﯔ ﻣﻪﻗﺴﯩﺘﻰ ﺋﯜﭼﯜﻥ ﻗﻮﻟﻠﯩﻨﯩﺪﯨﻐﺎﻥ 'ﻳﺎﺧﺸﻰ ﻧﻪﺭﺳﻪ' ﮔﻪ ﺋﺎﻳﻼﻧﺪﯗﺭﯗﯞﺍﻟﻤﺎﻗﭽﻰ ﺑﻮﻟﻐﺎﻥ ﺋﯩﺪﻯ. ﻣﻪﻳﻠﻰ ﻣﺎﯞﺯﯦﺪﯗﯓ ﺑﻮﻟﺴﯘﻥ ﻳﺎﻛﻰ ﻛﯧﻴﯩﻨﻜﻰ ﺩﯦﯔ ﺷﺎﯞﭘﯩﯔ ﺑﻮﻟﺴﯘﻥ ، ﺋﯘﻻﺭﻧﯩﯔ ﻫﯧﭽﻘﺎﻳﺴﻰ ﺋﺎﺧﯩﺮﻗﻰ ﻫﯧﺴﺎﺑﺘﺎ ﺩﯦﻤﻮﻛﺮﺍﺗﯩﻴﯩﻨﻰ ﺋﯚﺯﮔﻪﺭﺗﯩﺶ ﻣﻪﻗﺴﯩﺘﯩﮕﻪ ﻳﯧﺘﻪﻟﻤﻪﻱ ﺋﺎﻟﻪﻣﺪﯨﻦ ﺋﯚﺗﺘﻰ. ﻫﺎﺯﯨﺮﻗﯩﻼﺭﻧﯩﯔ ﺩﯦﻤﻮﻛﺮﺍﺗﯩﻴﯩﻨﻰ ﺋﯚﺯﮔﻪﺭﺗﯩﺶ ﻣﻪﻗﺴﯩﺘﯩﻤﯘ ﻫﻪﺭﮔﯩﺰ ﺋﻪﻣﻪﻟﮕﻪ ﺋﺎﺷﻤﺎﻳﺪﯗ. (ﯞﻩﻟﻰ)