ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯧﻼﻥ ﻗﯩﻠﻐﺎﻥ "ﺋﺎﻣﯧﺮﯨﻜﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻭﻛﻼﺗﻰ" ﻏﺎ ﺋﯩﻨﻜﺎﺱ ﻗﺎﻳﺘﯘﺭﺩﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯜﮔﯜﻥ ﻳﻪﻧﻰ 13 - ﻣﺎﺭﺕ ﭘﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺧﺒﺎﺭﺍﺕ ﺋﯩﺸﺨﺎﻧﯩﺴﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﯧﻼﻥ ﻗﯩﻠﻐﺎﻥ ﺩﯗﻧﻴﺎﺩﯨﻜﻰ ﺩﯙﻟﻪﺗﻠﻪﺭﻧﯩﯔ 2007 - ﻳﯩﻠﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻫﻪﻗﻘﯩﺪﯨﻜﻰ ﺩﻭﻛﻼﺗﻘﺎ ﺋﯩﻨﻜﺎﺱ ﻗﺎﻳﺘﯘﺭﯗﺵ ﺗﻪﺭﯨﻘﯩﺴﯩﺪﻩ "ﺋﺎﻣﯧﺮﯨﻜﯩﻨﯩﯔ 2007 - ﻳﯩﻠﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ "ﻧﻰ ﺋﯧﻼﻥ ﻗﯩﻠﯩﭗ، ﺋﺎﻣﯧﺮﯨﻜﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﯞﻩﻳﺮﺍﻧﻪ ﯞﻩ ﺋﺎﺩﻩﻣﻨﻰ ﭼﯚﭼﯜﺗﯩﺪﯨﻐﺎﻥ ﺩﻩﺭﯨﺠﯩﺪﻩ ﻧﺎﭼﺎﺭ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ.

"ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭﻏﺎ ﺗﻮﺳﻘﯘﻧﺴﯩﺰ ﺋﯧﺮﯨﺸﻜﯜﺳﻰ"

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯧﻼﻥ ﻗﯩﻠﻐﺎﻥ ﺋﺎﻣﯧﺮﯨﻜﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﯩﻐﺎ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﺧﺒﺎﺭﺍﺕ ﺧﺎﺩﯨﻤﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﺋﯜﺳﺘﯩﺪﻩ ﺋﯧﻼﻥ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺩﻭﻛﻼﺗﻠﯩﺮﻯ ﺋﻪﺯﻩﻟﺪﯨﻦ ﺋﺎﻣﯧﺮﯨﻜﯩﻨﯩﯔ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻘﻰ، ﻧﻴﯘﻳﻮﺭﻙ ﯞﺍﻗﯩﺖ ﮔﯧﺰﯨﺘﻰ ﯞﻩ ﺑﺎﺷﻘﺎ ﺗﻪﺷﻜﯩﻼﺗﻼﺭﻧﯩﯔ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺋﺎﺷﻜﺎﺭﺍ ﻣﺎﺗﯧﺮﯨﻴﺎﻟﻼﺭﻏﺎ ﺋﺎﺳﺎﺳﻪﻥ ﺗﻪﻳﻴﺎﺭﻻﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ " ﺷﯘﻧﻰ ﺋﯜﻣﯩﺪ ﻗﯩﻠﯩﻤﯩﺰﻛﻰ، ﻛﯜﻧﻠﻪﺭﺩﯨﻦ ﺑﯩﺮ ﻛﯜﻧﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭﻏﺎ ﺗﻮﺳﻘﯘﻧﺴﯩﺰ ﺋﯧﺮﯨﺸﻜﯜﺳﻰ" ﺩﯦﺪﻯ.

" ﺋﺎﻣﯧﺮﯨﻜﯩﺪﺍ ﺋﺎﺷﻜﺎﺭﺍ ﯞﻩ ﺩﯦﻤﻮﻛﺮﺍﺗﯩﻚ ﺳﯩﺴﺘﯧﻤﺎ ﻗﯩﻠﻤﯩﺸﻼﺭﻧﻰ ﺋﯚﺯﻟﯜﻛﯩﺪﯨﻦ ﺗﯜﺯﯨﺘﯩﺶ ﻣﯧﺨﺎﻧﯩﺰﯨﻤﯩﺪﯗﺭ "

ﺧﯩﺘﺎﻱ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﺋﺎﻣﯧﺮﯨﻜﯩﺪﺍ ﺟﯩﻨﺎﻳﻪﺕ ﺋﯚﺗﻜﯜﺯﯛﺵ ﻧﯩﺴﺒﯩﺘﯩﻨﯩﯔ ﺋﯚﺳﯜﯞﺍﺗﻘﺎﻧﻠﯩﻘﻰ ﺋﺎﻣﯧﺮﯨﻜﺎ ﺧﻪﻟﻘﯩﻨﯩﯔ ﻫﺎﻳﺎﺗﻰ ﯞﻩ ﺟﯩﺴﻤﺎﻧﯩﻲ ﺑﯩﺨﻪﺗﻪﺭﻟﯩﻜﯩﮕﻪ ﺋﯧﻐﯩﺮ ﺗﻪﻫﺪﯨﺖ ﺳﯧﻠﯩﭗ ﺗﯘﺭﯗﯞﺍﺗﻘﺎﻧﻠﯩﻘﻰ ﻫﻪﻣﺪﻩ ﺋﺎﻣﯧﺮﯨﻜﯩﺪﺍ ﺟﯩﻨﺴﻰ ﯞﻩ ﺋﯩﺮﻗﯩﻲ ﻛﻪﻣﺴﯩﺘﯩﺶ ﻣﻪﯞﺟﯘﺩ ﺋﯩﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ ﺧﯩﺘﺎﻳﻨﯩﯔ ﺑﯘ ﺧﯩﻞ ﺋﻪﻳﯩﺒﻠﻪﺷﻠﯩﺮﯨﮕﻪ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﺋﺎﻣﯧﺮﯨﻜﺎ ﺗﺎﺵ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﺧﺒﺎﺭﺍﺕ ﺧﺎﺩﯨﻤﻰ: " ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﻩ ﺩﯗﻧﻴﺎﺩﺍ ﻫﯧﭽﻘﺎﻧﺪﺍﻕ ﺩﯙﻟﻪﺕ ﻧﯘﻗﺴﺎﻧﺴﯩﺰ ﺋﻪﻣﻪﺱ، ﺑﯘ ﺋﺎﻣﯧﺮﯨﻜﯩﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻟﯧﻜﯩﻦ ﺑﯩﺰﻧﯩﯔ ﺋﺎﺷﻜﺎﺭﺍ ﯞﻩ ﺩﯦﻤﻮﻛﺮﺍﺗﯩﻚ ﺳﯩﺴﺘﯧﻤﯩﻤﯩﺰ ﺷﯘﻧﺪﺍﻕ ﻗﯩﻠﻤﯩﺸﻼﺭﻧﻰ ﺋﯚﺯﻟﯜﻛﯩﺪﯨﻦ ﺗﯜﺯﯨﺘﯩﺶ ﻣﯧﺨﺎﻧﯩﺰﻣﻰ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ" ﺩﯦﺪﻯ

ﺋﯘ ﻳﻪﻧﻪ، ﺋﺎﻣﯧﺮﯨﻜﯩﺪﺍ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ، ﺋﻪﺭﻛﯩﻦ ﺋﺎﺧﺒﺎﺭﺍﺕ، ﻫﯚﻛﯜﻣﻪﺕ ﺋﺎﭘﭙﺎﺭﺍﺗﻠﯩﺮﻯ ﯞﻩ ﻗﺎﻧﯘﻧﻨﯩﯔ ﺷﯘﻧﺪﺍﻕ ﻣﯧﺨﺎﻧﯩﺰﻣﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻧﻠﯩﻘﯩﻨﻰ ﻗﻮﺷﯘﻣﭽﻪ ﻗﯩﻠﺪﻯ.

" ﺋﺎﻣﯧﺮﯨﻜﺎ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﯩﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﺍ ﺷﻪﻙ ﻳﻮﻕ "

ﺑﯜﮔﯜﻥ ﺧﯩﺘﺎﻱ ﺗﺎﺵ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﺑﺎﻳﺎﻥ ﺑﯧﺮﯨﭗ ﺋﺎﻣﯧﺮﯨﻜﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﯩﺮﯨﺪﻩ ﺋﯩﻜﻜﻰ ﺧﯩﻞ ﺋﯚﻟﭽﻪﻡ ﭘﻮﺯﯨﺘﺴﯩﻴﯩﺴﯩﺪﻩ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﺋﯩﭽﻜﻰ ﺋﯩﺸﯩﻐﺎ ﻗﻮﭘﺎﻟﻠﯩﻖ ﺑﯩﻠﻪﻥ ﺋﺎﺭﯨﻼﺷﻤﺎﺳﻠﯩﻘﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ ﯞﻩ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺗﻪﺭﯨﭙﯩﺪﯨﻦ ﺋﯧﺘﯩﺮﺍﭖ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ ﯞﻩ ﺋﺎﻣﯧﺮﯨﻜﯩﻨﯩﯔ ﺑﯘ ﺩﻭﻛﻼﺗﯩﺪﺍ ﺑﯧﺮﯨﻠﮕﻪﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﻼﺭﻧﯩﯔ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺑﯘ ﻫﻪﻗﺘﻪ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﺧﺒﺎﺭﺍﺕ ﺧﺎﺩﯨﻤﻰ ﺑﯘ ﺩﻭﻛﻼﺗﺘﯩﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﺍ ﺷﻪﻙ ﻳﻮﻕ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. "ﺩﻭﻛﻼﺗﯩﻤﯩﺰ ﺑﯘ ﻧﻪﺭﺳﯩﻠﻪﺭﮔﻪ ﺋﯚﺯﻯ ﺟﺎﯞﺍﺏ ﺑﯧﺮﻩﻟﻪﻳﺪﯗ"

" ﺋﯘﻳﻐﯘﺭ ﺋﯧﻠﯩﺪﻩ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﻰ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﺶ ﻗﯩﻠﻤﯩﺸﻠﯩﺮﻯ ﻳﻪﻧﻪ ﻣﻪﯞﺟﯘﺩ "

ﮔﻪﺭﭼﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ 11 - ﻣﺎﺭﺕ ﺋﯧﻼﻥ ﻗﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﯩﺪﺍ ﺧﯩﺘﺎﻳﻨﻰ ﺩﯗﻧﻴﺎﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻪﯓ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﺗﯩﺰﯨﻤﻠﯩﻜﯩﺪﯨﻦ ﺋﯧﻠﯩﭗ ﺗﺎﺷﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﻨﯩﯔ 2007 - ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﺪﻩ ﻫﯧﭽﻘﺎﻧﺪﺍﻕ ﻳﯜﻛﺴﯩﻠﯩﺶ ﺑﻮﻟﻤﯩﻐﺎﻧﻠﯩﻘﯩﻨﻰ ﻫﻪﻣﺪﻩ ﺧﯩﺘﺎﻳﻨﯩﯔ ﻳﺎﺯﻏﯘﭼﻰ - ﻣﯘﺧﺒﯩﺮﻻﺭﻧﻰ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﺶ، ﺳﯚﺯ، ﭘﯩﻜﯩﺮ ﯞﻩ ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺑﻮﻏﯘﺵ، ﺋﯩﻨﺘﯧﺮﻧﯧﺖ ﺋﺎﻻﻗﯩﺴﯩﻨﻰ ﭼﻪﻛﻠﻪﺷﻜﻪ ﺋﻮﺧﺸﺎﺵ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﺪﯨﻐﺎﻥ ﻗﯩﻠﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﻪﻟﮕﻪﻧﻠﯩﻜﯩﻨﻰ ﭘﺎﺵ ﻗﯩﻠﻐﺎﻥ ﻫﻪﻣﺪﻩ ﻣﻪﺯﻛﯘﺭ ﺩﻭﻛﻼﺗﻨﯩﯔ ﺑﯧﺸﯩﺪﯨﻼ ﺧﯩﺘﺎﻳﺪﺍ 2007 - ﻳﯩﻠﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﺭﺍﻳﻮﻧﻰ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺭﺍﻳﻮﻧﻼﺭﺩﺍ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﯩﯔ ﺗﯧﺨﯩﻤﯘ ﻗﺎﺗﺘﯩﻖ ﺋﯩﺴﻜﻪﻧﺠﯩﮕﻪ ﺋﯧﻠﯩﻨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﻫﻪﻣﺪﻩ ﺧﯩﺘﺎﻳﻨﻰ ﻣﯘﺳﺘﻪﺑﯩﺖ ﺩﯨﻜﺘﺎﺗﻮﺭ ﺩﯙﻟﻪﺕ ﺩﻩﭖ ﺋﯧﻼﻥ ﻗﯩﻠﻐﺎﻥ ﺷﯘﻧﯩﯖﺪﻩﻙ ﺋﯘﻳﻐﯘﺭ ﺋﯧﻠﯩﺪﻩ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﻰ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﺶ ﻗﺎﺗﺎﺭﻟﯩﻖ ﻗﯩﻠﻤﯩﺸﻼﺭﻧﯩﯔ ﻳﻪﻧﻪ ﻣﻪﯞﺟﯘﺩ ﺑﻮﻟﯘﭖ ﺗﯘﺭﯗﯞﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﺪﻯ.

ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﻮﻟﺴﺎ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﻨﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻪﯓ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﺗﯩﺰﯨﻤﻠﯩﻜﯩﺪﯨﻦ ﭼﯩﻘﯩﺮﯨﯟﻩﺗﻜﻪﻧﻠﯩﻜﯩﺪﯨﻦ ﺋﻪﭘﺴﯘﺳﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﺘﻰ. (ﺟﯜﻣﻪ)