ﻫﻪﺗﺘﺎ ﻣﺎﯞﺯﯦﺪﻭﯕﻨﯩﯔ 1949‏ - ﻳﯩﻠﻰ 10‏ - ﺋﺎﻳﻨﯩﯔ ﺑﯩﺮﯨﻨﭽﻰ ﻛﯜﻧﯩﺪﯨﻜﻰ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﺪﺍ 'ﺟﯘﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﯦﮕﻪﻥ ﺋﺎﯞﺍﺯﯨﻤﯘ ﻗﻮﺭﺍﺷﺘﯘﺭﯗﭖ ﭼﯩﻘﯩﻠﻐﺎﻥ ﻳﺎﻟﻐﺎﻥ ﺋﺎﯞﺍﺯ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﺪﻯ.

ﺧﻮﯕﻜﻮﯕﺪﺍ ﺋﯩﻨﮕﯩﻠﯩﺰﭼﻪ ﭼﯩﻘﯩﺪﯨﻐﺎﻥ 'ﺟﻪﻧﯘﺑﯩﻲ ﺧﯩﺘﺎﻱ ﺳﻪﻫﻪﺭ ﮔﯧﺰﯨﺘﻰ' ﻧﯩﯔ ﺟﯜﻣﻪ ﻛﯜﻧﯩﺪﯨﻜﻰ ﺑﺎﺵ ﻣﺎﻗﺎﻟﯩﺴﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 1949‏ - ﻳﯩﻠﻰ 10‏ - ﺋﺎﻳﻨﯩﯔ 1 - ﻛﯜﻧﻰ ﺗﻴﻪﻧﻪﻧﻤﯧﻨﺪﻩ ﺋﯧﭽﯩﻠﻐﺎﻥ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﺪﺍ، ﻣﺎﯞﺯﯦﺪﻭﯓ 'ﺟﯘﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺷﯘﺋﺎﺭ ﺗﻮﯞﻟﯩﻤﯩﻐﺎﻥ.

ﻣﺎﯞﺯﯦﺪﻭﯓ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﺪﺍ 'ﺟﯘﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺷﯘﺋﺎﺭ ﺗﻮﯞﻟﯩﺪﻯ، ﺩﯦﮕﻪﻥ ﺑﯩﺮ ﻳﺎﻟﻐﺎﻥ ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﻣﺎﯞﺯﯦﺪﻭﯓ ﭘﻪﻗﻪﺕ 'ﺷﯘ ﻛﯜﻧﺪﯨﻜﻰ ﻣﯘﺭﺍﺳﯩﻤﺪﺍ 'ﺟﯘﯕﺨﯘﺋﺎ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺑﯜﮔﯜﻥ ﻗﯘﺭﯗﻟﺪﻯ' ﺩﻩﭖ ﺟﺎﻛﺎﺭﻟﯩﻐﺎﻥ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﻣﺎﯞﺯﯦﺪﻭﯓ 'ﺟﯘﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺟﺎﻛﺎﺭﻟﯩﻐﺎﻥ ﺋﯩﺪﻯ، ﺩﻩﭖ ﻳﺎﻟﻐﺎﻥ ﺗﻪﺷﯟﯨﻘﺎﺕ ﻗﯩﻠﯩﯟﯦﺮﯨﭗ، ﺋﯘﻧﻰ 'ﺭﺍﺳﺘﻘﺎ ﺋﺎﻳﻼﻧﺪﯗﺭﯗﯞﺍﻟﻐﺎﻥ. ﻣﺎﯞﺯﯦﺪﻭﯕﻨﯩﯔ 'ﺟﻮﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺗﻮﯞﻟﯩﻐﺎﻥ ﺋﺎﯞﺍﺯﯨﻨﻰ، ﻳﯧﻘﯩﻨﻘﻰ ﻳﯩﻠﻼﺭﺩﺍ ﺗﻪﻳﻴﺎﺭﻻﻧﻐﺎﻥ 'ﺩﯙﻟﻪﺕ ﻗﯘﺭﯗﺵ'، 'ﺗﻴﻪﺋﻪﻧﻤﯧﻦ' ﺩﯦﮕﻪﻧﺪﻩﻙ ﻓﯩﻠﯩﻤﻠﻪﺭﺩﻩ ﻛﻮﻣﭙﻴﯘﺗﯧﺮ ﺗﯧﺨﻨﯩﻜﯩﺴﻰ ﺋﺎﺭﻗﯩﻠﯩﻖ ﻗﻮﺭﺍﺷﺘﯘﺭﯗﭖ ﻳﺎﺳﺎﭖ ﭼﯩﻘﻘﺎﻥ.

ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﻨﻰ ﺋﺎﯕﻠﯩﺘﯩﺸﻘﺎ ﻣﻪﺳﺌﯘﻝ ﺑﻮﻟﻐﺎﻥ ﻣﻪﺭﻛﯩﺰﻯ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺩﯨﻜﺘﻮﺭﻯ ﺑﯘ ﺷﯘﺋﺎﺭﻧﻰ ﺋﺎﯕﻠﯩﻤﯩﻐﺎﻥ

ﺑﯘ ﻣﺎﻗﺎﻟﯩﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﻣﻪﺭﻛﯩﺰﻯ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺩﯨﻜﺘﻮﺭﻯ ﺩﯨﯔ ﻳﯩﻠﻪﻥ 197‏1 - ﻳﯩﻠﻰ 'ﺑﯧﻴﺠﯩﯔ ﻛﻪﭼﻠﯩﻚ ﮔﯧﺰﯨﺘﻰ' ﺩﻩ ﺋﯧﻼﻥ ﻗﯩﻠﻐﺎﻥ ﺋﻪﺳﻠﯩﻤﯩﺴﯩﺪﻩ، 1949‏ - ﻳﯩﻠﻰ 10‏ - ﺋﺎﻳﻨﯩﯔ 1 - ﻛﯜﻧﻰ ﺗﻴﻪﻧﻪﻧﻤﯧﻨﺪﻩ ﺋﯚﺗﻜﯜﺯﯛﻟﮕﻪﻥ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﻨﻰ ﺋﺎﯕﻠﯩﺘﯩﺸﻘﺎ ﺋﯚﺯﻯ ﻣﻪﺳﺌﯘﻝ ﺑﻮﻟﻐﺎﻧﻠﯩﻘﯩﻨﻰ، ﻣﺎﯞﺯﯦﺪﻭﯓ ﺩﯙﻟﻪﺕ ﻗﯘﺭﯗﻟﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻧﺪﺍ 'ﺟﯘﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺷﯘﺋﺎﺭ ﺗﻮﯞﻟﯩﻤﯩﻐﺎﻧﻠﯩﻘﯩﻨﻰ، ﺑﯘ ﮔﻪﭘﻨﻰ ﻛﯧﻴﯩﻦ ﻗﻮﺷﯘﯞﺍﻟﻐﺎﻧﻠﯩﻖ ﺑﯩﺮ ﺳﻪﯞﻩﻧﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ ﺋﯩﻜﻪﻥ.

ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﻨﯩﻨﯩﯔ ﺧﻪﯞﻩﺭ ﺗﯧﻜﯩﺴﺘﯩﻨﻰ ﻳﺎﺯﻏﺎﻥ ﻣﯘﺧﺒﯩﺮﻣﯘ ﺑﯘ ﺷﯘﺋﺎﺭﻧﻰ ﺋﺎﯕﻠﯩﻤﯩﻐﺎﻥ

1949‏ - ﻳﯩﻠﻰ 10‏ - ﺋﺎﻳﻨﯩﯔ 1 ‏ - ﻛﯜﻧﻰ ﺗﻴﻪﻧﻪﻧﻤﯧﻨﺪﻩ ﺋﯚﺗﻜﯜﺯﯛﻟﮕﻪﻥ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﺪﯨﻜﻰ ﺧﻪﯞﻩﺭ ﺗﯧﻜﯩﺴﺘﻠﯩﺮﯨﻨﻰ ﻳﺎﺯﻏﺎﻥ ﺷﯩﻨﺨﯘﺋﺎ ﺋﺎﮔﯧﻨﺘﻠﯩﻘﻰ ﻣﯘﺧﺒﯩﺮﻯ ﻟﻰ ﭘﯘ ﺋﻪﭘﻪﻧﺪﯨﻤﯘ، 1998‏ - ﻳﯩﻠﻰ 'ﻳﻪﻥ، ﺧﯘﺋﺎﯓ ﭘﺎﺩﯨﺸﺎﻫﻠﯩﺮﻯ ' ﺩﯦﮕﻪﻥ ﺟﯘﺭﻧﺎﻟﺪﺍ ﺋﯧﻼﻥ ﻗﯩﻠﻐﺎﻥ ﺋﻪﺳﻠﯩﻤﯩﺴﯩﺪﻩ، ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﺪﺍ 'ﺟﻮﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ' ﺩﻩﭖ ﺷﯘﺋﺎﺭ ﺗﻮﯞﻻﻧﻤﯩﻐﺎﻥ، ﺩﻩﭖ ﺋﻪﺳﻜﻪﺭﺗﯩﭗ ﺋﯚﺗﻜﻪﻥ ﺋﯩﻜﻪﻥ.

1950‏ - ﻳﯩﻠﻼﺭﺩﯨﻜﻰ ﻣﻪﺭﻛﯩﺰﻯ ﭘﺎﺭﺗﯩﻴﻪ ﻣﻪﻛﺘﯩﺒﯩﻨﯩﯔ ﭘﺎﺭﺗﯩﻴﻪ ﺗﺎﺭﯨﺨﻰ ﺋﻮﻗﯘﺗﻘﯘﭼﯩﺴﯩﻨﯩﯔ ﻛﯚﺯ ﻗﺎﺭﯨﺸﻰ

-- ﻳﯩﻠﻼﺭﺩﯨﻦ ﺑﯘﻳﺎﻥ، ﻣﺎﯞﺯﯦﺪﻭﯓ ﺩﯙﻟﻪﺕ ﻗﯘﺭﯗﺵ ﻣﯘﺭﺍﺳﯩﻤﯩﺪﺍ "ﺟﻮﯕﮕﻮ ﺧﻪﻟﻘﻰ ﺑﺎﺵ ﻛﯚﺗﯜﺭﺩﻯ" ﺩﻩﭖ ﺟﺎﻛﺎﺭﻟﯩﻐﺎﻥ ﺋﯩﺪﻯ ﺩﯦﻴﯩﻠﯩﺌﯩﯟﺍﺗﯩﺪﯗ، ﺋﻪﻣﻤﺎ ﻣﻪﻥ ﺑﯘﻧﻰ ﺟﻪﺯﯨﻤﻠﻪﺷﺘﯜﺭﻣﻪﻳﻤﻪﻥ - ﺩﻩﭖ ﺑﺎﻳﺎﻥ ﻗﯩﻠﺪﻯ 1950‏ - ﻳﯩﻠﻼﺭﺩﺍ ﻣﻪﺭﻛﯩﺰﻯ ﭘﺎﺭﺗﯩﻴﻪ ﻣﻪﻛﺘﯩﭙﯩﺪﻩ ﭘﺎﺭﺗﯩﻴﻪ ﺗﺎﺭﯨﺨﻰ ﺋﻮﻗﯘﺗﻘﯘﭼﯩﺴﻰ ﺑﻮﻟﻐﺎﻥ ﮔﻪﻧﺴﯜﻱ ﺋﻪﭘﻪﻧﺪﻯ ﺗﯜﻧﯜﮔﯜﻥ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻯ ﺩﯨﯖﺸﺎﯞﻧﯩﯔ ﺳﯘﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ.

ﺋﯘﻧﯩﯔ ﺋﯧﻴﺘﯩﺸﯩﭽﻪ، ﻣﺎﯞﺯﯦﺪﻭﯓ ﺑﯩﺮﯨﻨﭽﻰ ﻗﯧﺘﯩﻤﻠﯩﻖ ﺳﯩﻴﺎﺳﯩﻲ ﻛﯧﯖﻪﺵ ﻳﯩﻐﯩﻨﯩﺪﺍ 'ﺟﯘﯕﮕﻮﻟﯘﻗﻼﺭ ﺑﺎﺵ ﻛﯚﺗﯜﺭﺩﻯ' ﺩﯦﮕﻪﻥ ﺋﯩﺪﻯ، ﺩﯦﮕﻪﻥ ﻳﻪﻧﻪ ﺑﯩﺮ ﮔﻪﭘﻤﯘ ﺑﺎﺭ. ﺑﯘ ﮔﻪﭘﻠﻪﺭ ﺑﯩﺮ - ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯗ. ﺑﯘﻧﯩﯔ ﻫﻪﻳﺮﺍﻥ ﻗﺎﻟﻐﯘﭼﯩﻠﯩﻜﻰ ﻳﻮﻕ. ﭼﯜﻧﻜﻰ ﺩﯙﻟﻪﺕ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﺑﯘﺭﻣﯩﻼﭖ ﺗﺎﭘﻘﺎﻥ ﻳﺎﻛﻰ ﺋﯚﺯﻯ ﺗﻮﻗﯘﯞﺍﻟﻐﺎﻥ ﺑﯘﻧﺪﺍﻕ ﮔﻪﭘﻠﻪﺭ ﻧﺎﻫﺎﻳﯩﺘﻰ ﻛﯚﭖ، ﻣﺎﯞﺯﯦﺪﻭﯕﻨﯩﯔ ﻛﺎﺗﯩﭙﻰ ﻟﻰ ﺭﯛﻳﻨﯩﯔ ﻣﺎﯕﺎ ﺋﯧﻴﺘﯩﭗ ﺑﯧﺮﯨﺸﯩﭽﻪ، ‏ - ‏ ﺩﻩﻳﺪﯗ ﺑﯘ ﺋﻪﺭﺑﺎﺏ، ‏ - ‏ ﺗﯘﻧﺠﻰ ﻗﯧﺘﯩﻤﻠﯩﻖ 1‏ - ﻣﺎﻱ ﺋﻪﻣﮕﻪﻛﭽﯩﻠﻪﺭ ﺑﺎﻳﺮﯨﻤﯩﺪﺍ ﺗﻮﯞﻻﻧﻐﺎﻥ ﺷﯘﺋﺎﺭﻻﺭﻧﯩﯔ ﺗﯩﺰﯨﻤﻠﯩﻜﯩﻨﻰ ﺋﺎﺭﺧﯩﭙﻼﺷﺘﯘﺭﯨﺪﯨﻐﺎﻧﺪﺍ، 'ﻳﺎﺷﯩﺴﯘﻥ ﻣﺎﯞﺯﯦﺪﻭﯓ' ﺩﯦﮕﻪﻧﻨﯩﻤﯘ ﻣﺎﯞﺯﯦﺪﻭﯓ ﺋﯚﺯﻯ ﻗﻮﺷﯘﭖ ﻗﻮﻳﻐﺎﻥ ﺋﯩﻜﻪﻥ.

ﺧﯩﺘﺎﻳﺪﺍ ﺋﻪﯓ ﺑﯘﺭﯗﻥ ﺋﻮﯕﭽﻰ ﻗﺎﻟﭙﯩﻘﻰ ﻛﯩﻴﮕﯜﺯﯛﻟﮕﻪﻥ ﺯﯨﻴﺎﻟﯩﻴﻨﯩﯔ ﺑﺎﻳﺎﻧﻰ

-- ﺗﺎﺭﯨﺨﻨﻰ ﺑﯘﺭﻣﯩﻼﺵ ﺑﻪﻙ ﻗﻮﺭﻗﯘﻧﭽﻠﯘﻕ، ‏ - ‏ ﺩﻩﻳﺪﯗ ﺧﯩﺘﺎﻳﺪﺍ ﺋﻪﯓ ﺑﯘﺭﯗﻥ ﺋﻮﯕﭽﻰ ﻗﺎﻟﭙﯩﻘﻰ ﻛﯩﻴﮕﯜﺯﯛﻟﮕﻪﻥ ﺗﻴﯧﻠﻴﯘ ﺋﻪﭘﻪﻧﺪﻯ ﺗﯜﻧﯜﮔﯜﻥ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ‏ -- ﻣﻪﻥ "ﺩﯙﻟﻪﺕ ﻗﯘﺭﯗﺵ" ﺩﯦﮕﻪﻥ ﻓﯩﻠﯩﻤﻨﻰ ﻛﯚﺭﺩﯛﻡ، ﭼﻮﯓ ﻗﯘﺭﯗﻗﻠﯘﻗﺘﺎ ﻫﺎﺯﯨﺮ ﺧﻪﻟﻖ، ﭘﻪﻗﻪﺕ 60 ﻳﯩﻠﺪﯨﻦ ﺑﯘﻳﺎﻥ ﺑﯘﺭﻣﯩﻼﻧﻐﺎﻥ ﺗﺎﺭﯨﺨﻨﯩﻼ ﺑﯩﻠﯩﺪﯗ. ﻣﺎﯞﺯﯦﺪﻭﯓ ﺑﯘﺭﻣﯩﻠﯩﻐﺎﻥ ﺗﺎﺭﯨﺦ ﺑﻪﻙ ﻛﯚﭖ. ﺑﯩﺰﺩﻩﻙ ﻳﯧﺸﻰ ﺋﺎﺗﻤﯩﺶ - ﻳﻪﺗﻤﯩﺸﻜﻪ ﻳﻪﺗﻜﻪﻥ ﺋﺎﺩﻩﻣﻠﻪﺭ، ﮔﻪﺭﭼﻪ ﻣﯧﯖﻪ ﻳﯘﻳﯘﺵ ﻫﻪﺭﯨﻜﯩﺘﯩﮕﻪ ﻛﯚﭖ ﺋﯘﭼﺮﺍﭖ ﻛﻪﺗﻜﻪﻥ ﺑﻮﻟﺴﺎﻗﻤﯘ، ﺋﻪﻣﻤﺎ ﻳﻪﻧﯩﻼ ﻧﯧﻤﯩﻨﯩﯔ ﺭﺍﺳﻠﯩﻘﯩﻨﻰ ﭘﻪﺭﻕ ﺋﯧﺘﯩﻤﯩﺰ. ﺑﯘﺭﯗﻥ ﺑﻮﻟﻤﯩﻐﺎﻥ ﺋﯩﺸﻨﻰ ﻳﺎﻟﻐﺎﻧﺪﯨﻦ ﺗﻮﻗﯘﭖ ﭼﯩﻘﺴﺎ، ﻫﺎﺯﯨﺮ ﻧﻪﻕ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﻧﯩﻤﯘ ﺋﻮﭼﯘﻕ - ﺋﺎﺷﻜﺎﺭﺍ ﺑﯘﺭﻣﯩﻠﯩﺴﺎ، ﺑﯘﻧﺪﺍﻕ ﺩﯙﻟﻪﺗﻨﯩﯔ ﻛﻪﻟﮕﯜﺳﯩﺪﯨﻦ ﺋﯜﻣﯩﺪ ﻳﻮﻕ.

ﺧﯩﺘﺎﻱ 60 ﻳﯩﻠﺪﯨﻦ ﺑﯘﻳﺎﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﯚﺯﻯ ﺋﻪﻣﻪﻝ ﻗﯩﻠﻤﯩﻐﺎﻥ ﺷﯘﺋﺎﺭﻻﺭ

ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﺗﯘﺭﯗﯞﺍﺗﻘﺎﻥ ﻣﯘﺳﺘﻪﻗﯩﻞ ﻳﺎﺯﻏﯘﭼﻰ ﺧﯥ ﭼﯩﯖﻠﻴﻪﻥ، ﺧﯩﺘﺎﻱ 60 ﻳﯩﻠﺪﯨﻦ ﺑﯘﻳﺎﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﯚﺯﻯ ﺋﻪﻣﻪﻝ ﻗﯩﻠﻤﯩﻐﺎﻥ ﻳﺎﻟﻐﺎﻥ ﺷﯘﺋﺎﺭﻻﺭﻧﻰ ﺗﯩﺰﯨﭗ ﭼﯩﻘﺘﻰ.

ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﺎﻛﯩﻤﻴﻪﺕ ﻗﯘﺭﻏﺎﻧﺪﯨﻦ ﻛﯧﻴﯩﻨﻼ، ﻣﺎﯞﺯﯦﺪﻭﯓ 'ﺯﻭﻣﯩﮕﻪﺭﻟﻪﺭﻧﻰ ﻳﻮﻗﯘﺗﯘﺵ، ﻳﻪﺭ ﺗﻪﻗﺴﯩﻤﻠﻪﺵ' ﺷﯘﺋﺎﺭﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ، ﺑﯘ ﺷﯘﺋﺎﺭﻏﺎ ﺩﯦﻬﻘﺎﻧﻼﺭ ﺋﯩﺸﻪﻧﮕﻪﻥ ﯞﻩ ﺋﯜﻣﯩﺪ ﺑﺎﻏﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻪﻟﯩﻴﻪﺗﺘﻪ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﭘﯜﺗﯜﻥ ﻳﻪﺭ - ﺯﯦﻤﯩﻨﻨﻰ ﻳﻪﺭ ﺋﯩﮕﯩﻠﯩﺮﯨﺪﯨﻦ ﺗﺎﺭﺗﯩﯟﯦﻠﯩﭗ ﺋﯚﺯﯨﻨﯩﯔ ﻗﯩﻠﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﺩﯦﻬﻘﺎﻧﻼﺭ ﺑﯘ ﺷﯘﺋﺎﺭﻏﺎ ﺑﻮﻟﻐﺎﻥ ﺋﯩﺸﻪﻧﭻ ﯞﻩ ﺋﯜﻣﯩﺪﯨﻨﻰ ﺋﯜﺯﮔﻪﻥ ﺋﯩﺪﻯ.

ﻣﺎﯞﺯﯦﺪﻭﯓ ﺋﯩﺸﭽﯩﻼﺭ ﺩﯙﻟﻪﺗﻨﯩﯔ ﺧﻮﺟﺎﻳﯩﻨﻰ' ﺩﯦﮕﻪﻥ ﺷﯘﺋﺎﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ، ﺋﯩﺸﭽﯩﻼﺭ ﺑﯘ ﺷﯘﺋﺎﺭﻏﺎ ﺋﯩﺸﻪﻧﮕﻪﻥ ﯞﻩ ﺋﯜﻣﯩﺪ ﺑﺎﻏﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻪﻟﯩﻴﻪﺗﺘﻪ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻣﻪﻧﭙﻪﺋﻪﺗﻜﻪ ﺋﯚﺯﻯ ﺋﯧﺮﯨﺸﯩﭗ، ﺩﯙﻟﻪﺗﻜﻪ ﺋﯚﺯﻯ ﺧﻮﺟﺎﻳﯩﻦ ﺑﻮﻟﯘﯞﺍﻟﻐﺎﻧﺪﯨﻦ ﻛﯧﻴﯩﻦ، ﺋﯩﺸﭽﯩﻼﺭ ﺑﯘ ﺷﯘﺋﺎﺭﺩﯨﻦ ﺋﯩﺸﻪﻧﭻ ﯞﻩ ﺋﯜﻣﯩﺪﯨﻨﻰ ﺋﯜﺯﮔﻪﻥ ﺋﯩﺪﻯ.

ﻣﺎﯞﺯﯦﺪﻭﯓ 'ﺩﯦﻤﻮﻛﺮﺍﺗﯩﻴﻪ - ﺋﻪﺭﻛﯩﻨﻠﯩﻚ' ﺷﯘﺋﺎﺭﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ، ﻫﻪﺭ ﺳﺎﻫﻪ ﺧﻪﻟﻘﻰ، ﺑﻮﻟﯘﭘﻤﯘ ﺯﯨﻴﺎﻟﯩﻴﻼﺭ ﺑﯘﻧﯩﯖﻐﺎ ﺋﯩﺸﯩﻨﯩﭗ، ﻛﻪﻟﮕﯜﺳﯩﮕﻪ ﺋﯜﻣﯩﺪ ﺑﺎﻏﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻪﻟﯩﻴﻪﺗﺘﻪ ﻣﯘﺳﺘﻪﺑﯩﺖ ﺗﯜﺯﯛﻣﺪﻩ ﺋﻪﺭﻛﯩﻨﻠﯩﻜﻰ ﺑﻮﻏﯘﻟﻐﺎﻧﺪﯨﻦ ﻛﯧﻴﯩﻦ، ﺑﯘ ﺷﯘﺋﺎﺭﺩﯨﻨﻤﯘ ﺋﯜﻣﯩﺪ ﺋﯜﺯﮔﻪﻥ ﺋﯩﺪﻯ. ﺋﯘﻧﯩﯖﺪﯨﻦ ﻛﯧﻴﯩﻦ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ 'ﻫﻪﻣﻤﻪ ﺋﺎﺩﻩﻡ ﻫﻮﻗﯘﻗﺘﺎ ﺑﺎﺭﺍﯞﻩﺭ ﺟﻪﻣﺌﯩﻴﻪﺕ ﻗﯘﺭﯗﺵ' ﺩﯦﮕﻪﻥ ﺷﯘﺋﺎﺭﻏﺎ ﻫﯧﭽﻜﯩﻢ ﺋﯩﺸﻪﻧﻤﯩﺪﻯ.

ﺩﯦﯔ ﺷﺎﯞﭘﯩﯔ 1978‏ - ﻳﯩﻠﻰ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ - ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ'، 'ﺳﯩﻴﺎﺳﯩﻲ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻣﺎﺳﻠﯩﻖ'، 'ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭﻧﻰ ﺋﺎﻟﺪﻯ ﺑﯩﻠﻪﻥ ﺑﺎﻱ ﻗﯩﻠﯩﺶ' ﺷﯘﺋﺎﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ، ﺑﯘ ﺷﯘﺋﺎﺭﻻﺭﻏﺎ ﺋﯩﺸﯩﻨﯩﺪﯨﻐﺎﻥ، ﺋﯜﻣﯩﺪ ﺑﺎﻏﻠﯩﻐﺎﻥ ﺋﺎﺩﻩﻡ ﭼﯩﻘﻘﺎﻥ ﺑﻮﻟﺴﯩﻤﯘ، ﺋﻪﻣﻪﻟﯩﻴﻪﺗﺘﻪ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯘ ﻗﯧﺘﯩﻢ ﻳﻪﻧﻪ ﺑﯘ ﺷﯘﺋﺎﺭﻻﺭ ﺋﺎﺭﻗﯩﻠﯩﻖ ﻳﻪﻧﯩﻼ ﺋﯚﺯﯨﮕﻪ ﺑﺎﻳﻠﯩﻖ ﻳﺎﺭﯨﺘﯩﯟﺍﺗﻘﺎﻧﻠﯩﻘﯩﻨﻰ، ﺑﯘ ﺟﻪﺭﻳﺎﻧﻨﻰ ﺑﻪﻟﻜﻰ ﭘﯜﺗﯜﻧﻠﻪﻱ ﻣﯩﻠﺘﯩﻘﻘﺎ ﺗﺎﻳﯩﻨﯩﭗ ﺋﯩﺠﺮﺍ ﻗﯩﻠﻐﺎﻧﻠﯩﻘﯩﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ، ﺑﯘ ﻳﺎﻟﻐﺎﻧﭽﯩﻠﯩﻘﻘﯩﻤﯘ ﻟﻪﻧﻪﺕ ﺋﻮﻗﯘﺩﻯ.

ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻫﺎﺯﯨﺮﻗﻰ ﻛﻮﻣﻤﯘﻧﯩﺴﺖ ﺭﻩﻫﺒﻪﺭﻟﯩﺮﻯ ﺩﯙﻟﻪﺕ ﻗﯘﺭﯗﻟﻐﺎﻧﻠﯩﻘﯩﻨﯩﯔ 60 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺵ ﺋﯜﭼﯜﻥ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻳﺎﻟﻐﺎﻥ ﺷﯘﺋﺎﺭﻟﯩﺮﯨﺪﯨﻦ ﺋﺎﻟﻠﯩﻘﺎﭼﺎﻥ ﺋﯜﻣﯩﺪ ﺋﯜﺯﮔﻪﻥ ﺧﻪﻟﻘﻘﻪ ﻳﻪﻧﻪ 'ﺧﻪﻟﻘﻨﯩﯔ ﺋﯩﺸﻪﻧﭽﯩﺴﯩﻨﻰ ﯞﻩ ﺋﯜﻣﯩﺪﯨﻨﻰ ﻣﻪﯕﮕﯘ ﻳﻪﺭﺩﻩ ﻗﻮﻳﻤﺎﻳﻤﯩﺰ' ﺩﻩﭖ ﯞﻩﺩﻩ ﺑﯧﺮﯨﭗ ﺷﯘﺋﺎﺭ ﺗﻮﯞﻟﯩﺴﺎ، ﺑﯘﻧﯩﯖﻐﺎ ﻛﯩﻢ ﺋﯩﺸﻪﻧﺴﯘﻥ؟