ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺮ ﺯﻭﺭﺍﯞﺍﻥ ﮔﯘﺭﯗﻫ، ﺋﯘ ﺗﯩﻜﻠﯩﮕﻪﻥ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭﻣﯘ ﻧﻮﻣﯘﺳﺴﯩﺰ ﻳﺎﻟﻐﺎﻧﭽﻰ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﻪﻳﯟﻩﻧﺪﻩ 3 ‏ - ﺋﺎﻳﻨﯩﯔ 22 ‏ - ﻛﯜﻧﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻨﯩﯔ ﺗﻪﻳﻴﺎﺭﻟﯩﻘﻰ ﻫﺎﺯﯨﺮ ﻧﻮﺭﻣﺎﻝ ﺩﺍﯞﺍﻣﻠﯩﺸﯩﯟﺍﺗﯩﺪﯗ؛ ﺗﻪﻳﯟﻩﻥ ﻫﺎﺯﯨﺮ ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻳﻨﯩﯔ ﺑﺎﺳﺘﯘﺭﯗﺷﯩﻐﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﻪﺭﯨﻜﻪﺗﻠﯩﺮﯨﻨﻰ ﻗﯩﺰﻏﯩﻦ ﻗﻮﻟﻼﯞﺍﺗﯩﺪﯗ؛ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﯩﺘﯩﻤﯘ ﺗﯩﺒﻪﺗﻠﻪﺭﻧﯩﯔ ﻛﻮﻣﻤﯘﻧﯩﺴﺖ ﺯﯗﻟﯘﻣﯩﻐﺎ ﻗﺎﺭﺷﻰ ﻫﻪﺭﯨﻜﻪﺗﻠﯩﺮﯨﻨﻰ ﻗﻮﻟﻼﯞﺍﺗﯩﺪﯗ؛ ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﺴﺎ، ﺗﯩﺒﻪﺗﻨﯩﯔ ﺩﯨﻨﯩﻲ ﺩﺍﻫﯩﺴﻰ ﺩﺍﻻﻱ ﻻﻣﺎﻏﺎ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻘﯩﺪﯨﻨﻼ ﺋﻪﻣﻪﺱ، ﺑﻪﻟﻜﻰ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﺪﯨﻨﻤﯘ ﯞﺍﺯ ﻛﻪﭼﺴﻪ، ﺋﺎﻧﺪﯨﻦ ﺋﯘﻧﯩﯔ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻻﯞﺍﺗﯩﺪﯗ. ﺑﯘﻧﺪﺍﻕ ﯞﻩﺯﯨﻴﻪﺗﺘﻪ، ﺋﺎﻣﯧﺮﯨﻜﯩﻨﯩﯔ ﻳﺎﭘﻮﻧﯩﻴﯩﺪﯨﻜﻰ ﻫﻪﺭﺑﯩﻲ ﺑﺎﺯﯨﺴﯩﺪﺍ ﺗﯘﺭﯗﯞﺍﺗﻘﺎﻥ 'ﻛﯩﭽﯩﻚ ﻻﭼﯩﻦ' ﺑﻪﻟﮕﯩﻠﯩﻚ ﺋﺎﯞﯨﺌﺎﻣﺎﺗﻜﺎ ﺋﯘﺭﯗﺷﭽﻰ ﭘﺎﺭﺍﺧﻮﺗﻼﺭ ﺗﻮﭘﻰ ﺗﯩﻨﭻ ﺋﻮﻛﻴﺎﻧﻐﺎ ﭼﯩﻘﯩﭗ، ﺗﻪﻳﯟﻩﻥ ﺋﺎﺭﯨﻠﯩﻐﺎ ﻳﯧﻘﯩﻦ ﺟﺎﻳﻼﺭﺩﺍ ﻧﻮﺭﻣﺎﻝ ﻫﻪﺭﺑﯩﻲ ﻣﻪﺷﻖ ﺑﺎﺷﻠﯩﺪﻯ. ﺑﯘ ﻫﻪﻗﺘﻪ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺟﻪﻫﻪﺗﺘﻪ ﺗﻮﻧﯘﻟﻐﺎﻥ، ﻫﺎﺯﯨﺮ ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﻣﯘﺳﺘﻪﻗﯩﻞ ﻳﺎﺯﻏﯘﭼﻰ، ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﻫﺎﺯﯨﺮﻗﻰ ﺧﯩﺘﺎﻱ - ﺗﻪﻳﯟﻩﻥ - ﺗﯩﺒﻪﺕ - ﺋﯘﻳﻐﯘﺭ - ﺋﺎﻣﯧﺮﯨﻜﺎ ﻣﯘﻧﺎﺳﯩﯟﻩﺗﻠﯩﺮﻯ ﻫﻪﻗﻘﯩﺪﻩ ﻣﯘﻻﻫﯩﺰﻩ ﺋﯧﻼﻥ ﻗﯩﻠﺪﻯ.

ﺧﯩﺘﺎﻱ ﻫﺎﺯﯨﺮ ﺋﺎﻣﯧﺮﯨﻜﺎ ﺋﺎﺭﻗﯩﻠﯩﻖ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺑﺎﺳﻤﺎﻗﭽﻰ

ﺋﺎﻣﯧﺮﯨﻜﺎ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﻫﻪﻗﻘﯩﺪﻩ، ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻫﺎﺯﯨﺮ ﺋﺎﻣﯧﺮﯨﻜﯩﻐﺎ'ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺑﻮﻟﯘﺵ - ﺑﻮﻟﻤﺎﺳﻠﯩﻘﻰ ﻫﻪﻗﻘﯩﺪﻩ ﺋﻮﻣﯘﻡ ﺧﻪﻟﻖ ﺋﺎﯞﺍﺯ ﻗﻮﻳﯘﺷﻨﻰ ﺋﯧﻠﯩﭗ ﺑﺎﺭﻣﺎﺳﻠﯩﻖ ﻛﯧﺮﻩﻙ' ﺩﻩﭖ ﺷﻪﺭﺕ ﻗﻮﻳﯘﭖ، ﺋﺎﻣﯧﺮﯨﻜﺎ ﺋﺎﺭﻗﯩﻠﯩﻖ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺑﺎﺳﻤﺎﻗﭽﻰ ﺑﻮﻟﯘﯞﺍﺗﯩﺪﯗ. ﺑﯘ ﺧﯩﺘﺎﻱ - ﺋﺎﻣﯧﺮﯨﻜﺎ ﻣﯘﻧﺎﺳﯩﯟﻩﺗﻠﯩﺮﯨﺪﯨﻜﻰ ﺑﯩﺮ ﺋﺎﻻﻫﯩﺪﯨﻠﯩﻚ.

ﺋﻪﻣﻪﻟﯩﻴﻪﺗﺘﻪ ﺗﻪﻳﯟﻩﻥ ﺑﯩﺮ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ، ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯧﻠﯩﭗ ﺑﯧﺮﯨﺶ، ﺋﻮﻣﯘﻡ ﺧﻪﻟﻖ ﺋﺎﯞﺍﺯ ﻗﻮﻳﯘﺵ ﺩﯦﮕﻪﻥ ﻧﺎﻫﺎﻳﯩﺘﻰ ﻧﻮﺭﻣﺎﻝ ﺩﯦﻤﻮﻛﺮﺍﺗﯩﻚ ﭘﺎﺋﺎﻟﯩﻴﻪﺕ، ﺋﯘ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺕ ﺋﻪﻣﻪﺱ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﻳﯟﻩﻧﮕﻪ 'ﺯﻭﺭﺍﯞﺍﻧﻠﯩﻖ ﻗﯩﻠﺪﻯ' ﺩﻩﭖ ﺗﯚﻫﻤﻪﺕ ﭼﺎﭘﻼﻳﺪﯗ، ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺋﯚﺯﻯ ﺯﻭﺭﺍﯞﺍﻧﻠﯩﻖ ﮔﯘﺭﯗﻫﻰ، ﺋﯘﻧﯩﯔ ﺑﺎﺷﻘﯩﻼﺭﻧﻰ 'ﺯﻭﺭﺍﯞﺍﻧﻠﯩﻖ ﻗﯩﻠﺪﻯ' ﺩﯦﻴﯩﺸﻰ ﻫﻪﺭﮔﯩﺰﻣﯘ ﭘﯘﺕ ﺗﯧﺮﯨﭗ ﺗﯘﺭﺍﻟﻤﺎﻳﺪﯗ. ﻣﯧﻨﯩﯔ ﻗﺎﺭﯨﺸﯩﻤﭽﻪ، ﺋﺎﻣﯧﺮﯨﻜﺎ ﺋﻪﮔﻪﺭ ﺗﻪﻳﯟﻩﻧﺪﻩ ﺋﻮﻣﯘﻡ ﺧﻪﻟﻖ ﺋﺎﯞﺍﺯ ﻗﻮﻳﯘﺷﻘﺎ ﻗﻮﺷﯘﻟﻤﯩﻐﺎﻥ ﺗﻪﻗﺪﯨﺮﺩﯨﻤﯘ، ﺧﯩﺘﺎﻳﻨﯩﯔ ﺗﻪﻳﯟﻩﻧﮕﻪ ﻗﻮﺭﺍﻝ ﺋﯩﺸﻠﯩﺘﯩﺸﯩﮕﻪ ﻫﻪﺭﮔﯩﺰ ﻳﻮﻝ ﻗﻮﻳﻤﺎﻳﺪﯗ. ﺷﯘﯕﻼﺷﻘﺎ، ﻫﺎﺯﯨﺮﻗﻰ ﯞﻩﺯﯨﻴﻪﺗﺘﻪ، ﺋﺎﻣﯧﺮﯨﻜﯩﻨﯩﯔ 'ﻛﯩﭽﯩﻚ ﻻﭼﯩﻦ' ﺋﺎﯞﯨﺌﺎﻣﺎﺗﻜﺎ ﺋﯘﺭﯗﺷﭽﻰ ﭘﺎﺭﺍﺧﻮﺗﻼﺭ ﺗﻮﭘﯩﻨﯩﯔ ﺗﻪﻳﯟﻩﻥ ﺋﻪﺗﺮﺍﭘﯩﻐﺎ ﻳﯧﻘﯩﻨﻠﯩﺸﯩﺸﻰ ﺋﻪﺟﻪﭘﻠﯩﻨﻪﺭﻟﯩﻚ ﺋﻪﻣﻪﺱ، ﺑﻪﻟﻜﻰ ﺷﯘﻧﺪﺍﻕ ﻗﯩﻠﯩﺸﻰ ﻛﯧﺮﻩﻙ.

ﺗﻪﻳﯟﻩﻥ ﻫﺎﺯﯨﺮ ﺗﯩﺒﻪﺗﻨﻰ ﻗﯩﺰﻏﯩﻦ ﻗﻮﻟﻼﯞﺍﺗﯩﺪﯗ

ﺗﻪﻳﯟﻩﻥ - ﺗﯩﺒﻪﺕ ﻣﯘﻧﺎﺳﯩﯟﯨﺘﻰ ﻫﻪﻗﻘﯩﺪﻩ، ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺗﯩﺒﻪﺕ ﻫﺎﺯﯨﺮﻣﯘ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ، ﺗﻪﻳﯟﻩﻥ ﺗﯧﺨﻰ ﺋﻪﻣﻪﺱ، ﺑﯘ ﺗﻪﻳﯟﻩﻥ ﺑﯩﻠﻪﻥ ﺗﯩﺒﻪﺗﻨﯩﯔ ﺋﻮﺧﺸﯩﻤﺎﻳﺪﯨﻐﺎﻥ ﻳﯧﺮﻯ. ﺋﻪﻣﻤﺎ ﺗﻪﻳﯟﻩﻥ ﺑﯩﻠﻪﻥ ﺗﯩﺒﻪﺕ ﺋﻮﺧﺸﺎﺷﻼ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﻪ ﺷﯘﻛﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﻳﯟﻩﻧﻨﯩﯖﻤﯘ، ﺗﯩﺒﻪﺗﻨﯩﯖﻤﯘ ﻣﯘﺳﺘﻪﻗﯩﻠﻠﯩﻘﯩﻐﺎ، ﻫﻪﺗﺘﺎ ﺋﺎﭘﺘﻮﻧﻮﻣﯩﻴﻪ ﻳﯜﺭﮔﯜﺯﯨﺸﯩﮕﯩﻤﯘ ﻗﺎﺭﺷﻰ ﺗﯘﺭﯗﯞﺍﺗﯩﺪﯗ. ﺑﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ، ﺗﻪﻳﯟﻩﻥ ﻫﺎﺯﯨﺮ ﺗﯩﺒﻪﺗﻨﻰ ﻗﯩﺰﻏﯩﻦ ﻗﻮﻟﻼﯞﺍﺗﯩﺪﯗ، ﺑﯘﻧﻰ ﺧﯩﺘﺎﻱ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﭼﯜﻧﻜﻰ ﺋﯧﺰﯨﻠﮕﻪﻥ ﺧﻪﻟﻘﻠﻪﺭ ﻫﺎﻣﺎﻥ ﺑﯩﺮ - ﺑﯩﺮﯨﻨﻰ ﻗﻮﻟﻼﺷﻘﺎ ﻣﻪﺟﺒﯘﺭ.

ﮔﻪﺭﭼﻪ ﺩﺍﻻﻱ ﻻﻣﺎ ﻣﯘﺳﺘﻪﻗﯩﻞ ﺑﻮﻟﻤﺎﻳﻤﯩﺰ، ﺩﻩﭖ ﺗﯘﺭﺳﯩﻤﯘ، ﺧﯩﺘﺎﻱ ﻳﻪﻧﯩﻼ ﺋﯘﻧﻰ 'ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻘﻘﺎ ﯞﻩﺩﻩ ﺑﯧﺮﯨﺸﻰ ﻛﯧﺮﻩﻙ، ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻘﯩﻐﯩﻤﯘ ﯞﻩﺩﻩ ﺑﯧﺮﯨﺸﻰ ﻛﯧﺮﻩﻙ' ﺩﻩﯞﺍﺗﯩﺪﯗ. ﺑﯘﻧﺪﺍﻕ ﺷﻪﺭﺗﻨﻰ ﺗﻪﻳﯟﻩﻧﮕﻪ ﻗﻮﻳﻤﺎﻱ ﺩﺍﻻ ﻻﻣﺎﻏﺎ ﻗﻮﻳﻐﺎﻧﻠﯩﻘﻰ، ﺑﯘ ﺑﯩﺮ ﻳﻮﻟﺴﯩﺰﻟﯩﻖ! ﺩﺍﻻﻱ ﻻﻣﺎ ﺧﯩﺘﺎﻳﻨﯩﯔ ﺑﯘ ﺷﻪﺭﺗﯩﻨﻰ ﺭﻩﺕ ﻗﯩﻠﺪﻯ. ﺋﯘ ﺗﻪﻳﯟﻩﻥ ﺧﻪﻟﻘﻨﯩﯔ ﺭﺍﻳﯩﻐﺎ ﻫﯚﺭﻣﻪﺕ ﻗﯩﻠﯩﺪﯗ، ﺗﻪﻳﯟﻩﻧﻤﯘ ﺗﯩﺒﻪﺕ ﺧﻪﻟﻘﻨﯩﯔ ﺭﺍﻳﯩﻐﺎ ﻫﯚﺭﻣﻪﺕ ﻗﯩﻠﯩﺪﯗ. ﺗﻪﻳﯟﻩﻧﺪﻩ 3 ‏ - ﺋﺎﻳﻨﯩﯔ 17 ‏ - ﻛﯜﻧﯩﺪﯨﻦ ﺑﺎﺷﻼﭖ ﻫﻪﺭ ﻛﯜﻧﻰ ﻛﻪﭼﺘﻪ ﺷﺎﻡ ﻧﯘﺭﯨﺪﺍ ﺗﯩﺒﻪﺗﻜﻪ ﻣﯘﯞﻩﭘﭙﻪﻗﯩﻴﻪﺕ ﺗﯩﻠﻪﺵ ﭘﺎﺋﺎﻟﯩﻴﯩﺘﻰ ﺑﻮﻟﯘﯞﺍﺗﯩﺪﯗ، ﻣﺎﻧﺎ ﺑﯘ ﺧﻪﻟﻘﻨﯩﯔ ﺭﺍﻳﻰ. ﺋﻪﻣﻪﻟﯩﻴﻪﺗﺘﻪ ﺑﯘ ﺋﯩﻜﻜﻰ ﺋﻪﻟﻨﯩﯔ ﺧﻪﻟﻘﯩﻨﻰ ﺧﯩﺘﺎﻳﻨﯩﯔ ﺋﺎﺩﺍﻟﻪﺗﺴﯩﺰﻟﯩﻜﻰ ﺗﯧﺨﯩﻤﯘ ﻳﯧﻘﯩﻨﻼﺷﺘﯘﺭﻣﺎﻗﺘﺎ.

ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﻜﻪ ﻗﻮﭘﺎﻟﻠﯩﻖ ﻗﯩﻠﯩﯟﻩﺭﺳﻪ، ﺑﯘ ﺋﯘﻳﻐﯘﺭﻻﺭﺩﯨﻤﯘ ﺋﻪﻛﺲ ﺗﻪﺳﯩﺮ ﭘﻪﻳﺪﺍ ﻗﯩﻠﯩﺪﯗ

ﺗﻪﻳﯟﻩﻥ - ﺗﯩﺒﻪﺕ - ﺋﯘﻳﻐﯘﺭ ﻣﯘﻧﺎﺳﯩﯟﯨﺘﻰ ﻫﻪﻗﻘﯩﺪﻩ، ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﻜﻪ، ﺗﻪﻳﯟﻩﻧﮕﻪ ﻣﯘﺷﯘﻧﺪﺍﻕ ﻗﻮﭘﺎﻟﻠﯩﻖ ﻗﯩﻠﯩﯟﻩﺭﺳﻪ، ﺑﯘ ﺋﯘﻳﻐﯘﺭﻻﺭﺩﯨﻤﯘ ﺋﻪﻛﺲ ﺗﻪﺳﯩﺮ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ. ﺑﯘ ﺋﯜﭺ ﺋﻪﻟﻨﯩﯔ ﺋﯚﺯ - ﺋﺎﺭﺍ ﻫﻪﻣﻜﺎﺭﻟﯩﻘﯩﻨﻰ ﻛﯜﭼﻪﻳﺘﯩﺸﻰ ﻣﯘﻣﻜﯩﻦ. ﮔﻪﺭﭼﻪ ﺑﯘﻧﯩﯖﺪﯨﻦ ﻛﯧﻴﯩﻦ ﺋﯘﻳﻐﯘﺭﻻﺭﻧﯩﯔ ﻗﺎﻧﺪﺍﻕ ﻫﻪﺭﯨﻜﻪﺕ ﻗﻮﻟﻠﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﺳﻪﯞﯞﯗﺭ ﻗﯩﻼﻟﻤﯩﺴﺎﻣﻤﯘ، ﺋﻪﻣﻤﺎ ﺋﯘﻻﺭﻧﯩﯖﻤﯘ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮ ﺧﯩﻞ ﺷﻪﻛﯩﻞ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﯨﺘﺎ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ.

ﺧﯘ ﺟﯩﻨﺘﺎﯞ ﻗﺎﻳﺘﯩﺪﯨﻦ ﺭﻩﺋﯩﺲ ﺑﻮﻟﯘﭘﻼ ﻳﻪﻧﻪ ﺗﯩﺒﻪﺗﻨﻰ ﺑﺎﺳﺘﯘﺭﯗﺷﻘﺎ ﻛﯩﺮﯨﺸﺘﻰ

ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﻯ ﺧﯘ ﺟﯩﻨﺘﺎﯞ ﻧﯩﻤﯘ ﺗﯩﻠﻐﺎ ﺋﺎﻟﺪﻯ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 1989 ‏ - ﻳﯩﻠﻰ ﺗﯩﺒﻪﺗﺘﻪ ﻗﻮﺭﺍﻟﻠﯩﻖ ﻗﯩﺴﯩﻤﻼﺭﻏﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﭗ ﺗﯩﺒﻪﺗﻠﻪﺭﻧﻰ ﺑﺎﺳﺘﯘﺭﻏﺎﻥ ﺧﯘ ﺟﯩﻨﺘﺎﯞ ﻫﺎﺯﯨﺮ ﻳﻪﻧﻪ ﻗﺎﻳﺘﯩﺪﯨﻦ ﺭﻩﺋﯩﺲ ﺑﻮﻟﯘﭖ ﺳﺎﻳﻼﻧﺪﻯ، ﺩﯦﻴﯩﻠﮕﻪﻧﺪﻩ، ﺗﯩﺒﻪﺗﺘﻪ ﻳﻪﻧﻪ ﺑﺎﺳﺘﯘﺭﯗﺵ ﺑﺎﺷﻼﻧﺪﻯ. ﻫﺎﺯﯨﺮﻗﻰ ﺑﺎﺳﺘﯘﺭﯗﺵ ﺗﻪﺩﺑﯩﺮﻟﯩﺮﻯ ﺑﯘﺭﯗﻧﻘﯩﻐﺎ ﺋﻮﭘﻤﯘ - ﺋﻮﺧﺸﺎﺵ، ﺑﻪﻟﻜﻰ ﺗﯧﺨﯩﻤﯘ ﻗﺎﺗﺘﯩﻖ. ﻫﺎﺯﯨﺮ ﻳﻪﻧﻪ ﺗﯧﺨﯩﻤﯘ ﻛﯚﭖ ﻫﻪﺭﺑﯩﻲ ﻗﯩﺴﯩﻤﻼﺭ ﺗﯩﺒﻪﺗﻜﻪ ﻛﯩﺮﺩﻯ. ﺑﯘ‏ - ‏ - ﺧﯘ ﺟﯩﻨﺘﺎﯞ ﻫﻮﻗﯘﻕ ﺗﯘﺗﯘﭖ ﺗﯘﺭﺳﯩﻼ ﺗﯩﺒﻪﺗﻨﻰ ﺩﺍﯞﺍﻣﻠﯩﻖ ﺑﺎﺳﺘﯘﺭﯨﺪﯨﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮ ﺗﯩﺒﻪﺗﻜﻪ ﻗﻮﻟﻼﻧﻐﺎﻥ ﺗﻪﺩﺑﯩﺮﻯ 4 ‏ - ﺋﯩﻴﻮﻥ ﯞﻩﻗﻪﺳﯩﺪﯨﻜﻰ ﺑﯩﻠﻪﻥ ﺋﻮﺧﺸﺎﺵ

ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﻯ ﺗﯩﺒﻪﺕ ﻧﺎﻣﺎﻳﯩﺸﻰ ﺑﯩﻠﻪﻥ 1989 ‏ - ﻳﯩﻠﯩﺪﯨﻜﻰ 4 ‏ - ﺋﯩﻴﻮﻥ ﯞﻩﻗﻪﺳﯩﻨﻰ ﺳﯧﻠﯩﺸﺘﯘﺭﺩﻯ، ﺋﯘﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺯﯗﻟﯘﻣﯩﻐﺎ ﭼﯩﺪﯨﻤﯩﻐﺎﻥ ﺗﯩﺒﻪﺕ ﻻﻣﺎﻟﯩﺮﻯ ﻧﺎﻣﺎﻳﯩﺸﻘﺎ ﭼﯩﻘﺘﻰ. ﺋﯘﻻﺭﻧﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﺎﺳﺘﯘﺭﺩﻯ. ﺑﺎﺳﺘﯘﺭﻏﺎﻧﺪﯨﻦ ﻛﯧﻴﯩﻦ ﺋﯘﻻﺭﻣﯘ ﻗﺎﺭﺷﯩﻠﯩﻖ ﻛﯚﺭﺳﻪﺗﺘﻰ. ﺗﻮﻗﯘﻧﯘﺵ ﺑﻮﻟﻐﺎﻧﺪﺍ ﺋﺎﺩﻩﻡ ﺋﯘﺭﯗﺵ، ﻫﻪﺗﺘﺎ ﺋﺎﺩﻩﻡ ﺋﯚﻟﯜﺵ ﯞﻩﻗﻪﺳﻰ ﻛﯧﻠﯩﭗ ﭼﯩﻘﻤﺎﻳﺪﯗ ﺩﯦﮕﯩﻠﻰ ﺑﻮﻟﻤﺎﻳﺪﯗ. ﺋﻪﺳﻠﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﻩﭖ ﻗﻮﺭﺍﻟﻠﯩﻖ ﺑﺎﺳﺘﯘﺭﻏﺎﻥ، ﺋﺎﺩﻩﻡ ﺋﯚﻟﺘﯜﺭﮔﻪﻥ.

ﻳﻪﻧﻪ ﺑﯩﺮ ﺗﻪﺭﻩﭖ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻧﺪﯨﻦ ﻛﯧﻴﯩﻦ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺑﯩﺮ ﺗﻪﺭﻩﭘﻠﯩﻤﻪ ﻫﺎﻟﺪﺍ ﺋﯧﻼﻥ ﻗﯩﻠﯩﭗ، ﺋﯚﺯﯨﻨﯩﯔ ﻗﯩﻠﻐﯩﻨﯩﻨﻰ ﻛﯚﺭﺳﻪﺗﻤﻪﻱ، ﻳﻪﻧﻪ ﺑﯩﺮ ﺗﻪﺭﻩﭘﻨﯩﯔ ﻗﺎﺭﺷﯩﻠﯩﻖ ﻗﯩﻠﻐﯩﻨﯩﻨﯩﻼ ﻛﯚﺭﺳﯩﺘﯩﭗ، ﯞﻩﻗﻪﻧﻰ ﺋﺎﺳﺘﯩﻦ - ﺋﯜﺳﺘﯜﻥ ﻗﯩﻠﯩﭗ 'ﺧﻪﻧﺰﯗ ﺧﻪﻟﻘﯩﻨﻰ ﺋﯚﻟﺘﯜﺭﺩﻯ' ﺩﻩﭖ ﺗﯩﺒﻪﺗﻠﻪﺭﮔﻪ ﺗﯚﻫﻤﻪﺕ ﭼﺎﭘﻼﯞﺍﺗﯩﺪﯗ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﯨﻨﻰ 'ﺑﺎﺳﺘﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ' ﻗﯩﻠﯩﭗ ﻛﯚﺭﺳﯩﺘﯩﯟﺍﺗﯩﺪﯗ. ﺑﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﯘﺩﺩﻯ 4‏ - ﺋﯩﻴﻮﻥ ﯞﻩﻗﻪﺳﯩﺪﻩ ﻗﻮﻟﻼﻧﻐﺎﻥ ﻫﯧﻠﻪ - ﻧﻪﻳﺮﻩﯕﻠﯩﺮﻯ ﺑﯩﻠﻪﻥ ﺋﻮﭘﻤﯘ - ﺋﻮﺧﺸﺎﺵ.

ﺧﯩﺘﺎﻱ ﻫﯚﻛﯜﻣﯩﺘﻰ ﺗﺎﻟﻠﯩﯟﺍﻟﻐﺎﻥ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭ ﻧﻮﻣﯘﺱ ﻗﯩﻠﻤﺎﻳﺪﯨﻐﺎﻥ ﻳﺎﻟﻐﺎﻧﭽﯩﻼﺭ

ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﻪﺭﺩﯨﻦ ﯞﻩ ﺋﯘﻳﻐﯘﺭﻻﺭﺩﯨﻦ ﻗﺎﻧﺪﺍﻕ ﺷﻪﺧﺴﻨﻰ ﺗﺎﻟﻼﭖ ﻳﯧﺘﯩﺸﺘﯜﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ. ﺧﯩﺘﺎﻱ ﺋﺎﺭﻣﯩﻴﯩﺴﯩﻨﯩﯔ ﺑﺮﻭﻧﯩﯟﯨﻜﻠﯩﺮﻯ، ﻫﻪﺭﺑﯩﻴﻠﯩﺮﻯ ﻛﻮﭼﯩﻼﺭﺩﺍ ﺋﻮﻕ ﭼﯩﻘﺎﺭﻏﺎﻥ ﻛﯚﺭﯛﻧﯜﺷﻠﻪﺭﻧﻰ ﻫﻪﻣﻤﻪ ﺋﺎﺩﻩﻡ ﺋﯧﻨﯩﻖ ﻛﯚﺭﺩﯨﻐﯘ!‏ - ‏ ﺩﻩﻳﺪﯗ ﻟﯩﻦ ﺑﺎﯞﺧﯘﺋﺎ ﺋﻪﭘﻪﻧﺪﻯ ﻣﯘﻻﻫﯩﺰﯨﺴﯩﺪﻩ، ‏ - ‏ ﺗﯩﺒﻪﺗﻨﯩﯔ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﺷﺎﻣﺒﺎ ﭘﯩﻨﺴﻮ 'ﻫﻪﺭﺑﯩﻲ ﻗﯩﺴﯩﻤﻼﺭ ﺗﯩﺒﻪﺗﺘﻪ ﻛﯘﭼﺎ ﺳﯜﭘﯜﺭﮔﻪﻥ' ﺩﯦﺪﻯ، ‏ - ‏ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ ﺑﺮﻭﻧﯩﯟﯨﻜﻠﯩﺮﻯ ﺋﻪﺧﻠﻪﺕ ﻣﺎﺷﯩﻨﯩﺴﯩﻤﯩﺪﻯ؟ ﺑﯘ ﻛﯩﺸﻰ ﺋﯩﺰﺍﺭ ﺗﺎﺭﺗﻤﺎﻱ ﺑﯘﻧﺪﺍﻕ ﺑﯩﻤﻪﻧﻪ ﮔﻪﭘﻠﻪﺭﻧﯩﻤﯘ ﻗﯩﻼﻟﯩﺪﻯ. ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﯩﺒﻪﺗﻠﻪﺭﺩﯨﻦ، ﺋﯘﻳﻐﯘﺭﻻﺭﺩﯨﻦ ﺗﺎﻟﻠﯩﯟﺍﻟﻐﺎﻥ ﺋﻪﻣﻪﻟﺪﺍﺭﻻﺭ ﻣﯘﺷﯘﻧﺪﺍﻕ ﺑﯩﻠﯩﻤﻰ ﺗﯚﯞﻩﻥ، ﻣﯧﯖﯩﺴﻰ ﻳﻮﻕ، ﺳﯚﺯ ﺗﯧﻜﯩﺴﺘﯩﻨﻰ ﻳﯧﺰﯨﭗ ﺑﻪﺭﻣﯩﮕﻪﻧﺪﻩ، ﺋﯚﺯﻯ ﺳﯚﺯ ﻗﯩﻠﺴﺎ، ﺗﺎﻧﻜﺎ ﺑﯩﻠﻪﻥ ﺧﻪﻟﻘﻨﻰ ﺑﺎﺳﺘﯘﺭﻏﺎﻧﻨﻰ ﻛﯘﭼﯩﻼﺭﺩﺍ ﺗﺎﺯﯨﻠﯩﻖ ﻗﯩﻠﺪﻯ، ﺩﻩﻳﺪﯨﻐﺎﻥ ﺑﯩﻤﻪﻧﺎ ﺳﯚﺯﻟﻪﺭﻧﻰ ﻗﯩﻠﯩﺪﯗ، ﺑﯘ ﻫﺎﺯﯨﺮ ﺧﻪﻟﻘﺌﺎﺭﺍﻟﯩﻖ ﭼﺎﻗﭽﺎﻗﻘﺎ ﺋﺎﻳﻼﻧﺪﻯ. ﺑﯩﺮ ﻣﯩﻠﻠﻪﺗﻨﯩﯔ ﺭﻩﻫﺒﯩﺮﻯ ﻣﯘﺷﯘﻧﺪﺍﻕ ﺋﻪﻫﯟﺍﻟﻐﺎ ﭼﯜﺷﯜﭖ ﻗﯧﻠﯩﺸﻰ، ﺑﯩﺮ ﺋﯧﭽﯩﻨﯩﺸﻠﯩﻖ ﺋﻪﻫﯟﺍﻝ، ﺑﯩﺮ ﻣﯩﻠﻠﻪﺕ ﻣﯘﺷﯘﻧﺪﺍﻕ ﺋﺎﺩﻩﻣﻠﻪﺭﮔﻪ ﺗﺎﻳﯩﻨﯩﭗ ﻗﺎﻧﺪﺍﻗﻤﯘ ﺋﺎﭘﺘﻮﻧﻮﻣﯩﻴﻪ ﻳﯜﺭﮔﯜﺯﻩﻟﻪﻳﺪﯗ؟ ﺑﯘﻧﺪﺍﻕ ﻛﯩﺸﯩﻠﻪﺭ ﭘﻪﻗﻪﺕ ﻏﺎﻟﭽﺎ ﺑﻮﻻﻻﻳﺪﯗ، ﺋﯚﺯﯨﮕﻪ - ﺋﯚﺯﻯ ﺧﻮﺟﺎ ﺑﻮﻻﻟﻤﺎﻳﺪﯗ، ﺑﯘﻧﺪﺍﻕ ﺋﻪﻫﯟﺍﻝ ﺧﻮﯕﻜﻮﯕﺪﯨﻤﯘ ﺑﺎﺭ. ﻣﺎﻧﺎ ﺑﯘ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﭘﺘﻮﻧﻮﻣﯩﻴﻪ ﻳﯜﺭﮔﯜﺯﯛﯞﺍﺗﻘﺎﻥ ﺟﺎﻳﻼﺭﺩﯨﻜﻰ ﭘﺎﺟﯩﺌﻪ. (ﯞﻩﻟﻰ)