ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﻰ ﺧﯩﺘﺎﻱ ﺑﯩﻠﻪﻥ ﮔﯧﺮﻣﺎﻧﯩﻴﻪ ﺋﺎﺭﯨﺴﯩﺪﺍ ﻳﻪﻧﻪ ﻣﺎﺟﯩﺮﺍ ﭘﻪﻳﺪﺍ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻨﯩﯔ ﮔﯧﺮﻣﺎﻧﯩﻴﻪ ﺗﻮﺭ ﺑﻪﺗﻠﯩﺮﯨﮕﻪ ﻫﯘﺟﯘﻡ ﻗﯩﻠﯩﭗ، ﻫﯚﻛﯜﻣﻪﺕ ﯞﻩ ﺷﯩﺮﻛﻪﺗﻠﻪﺭﻧﯩﯔ ﺗﻮﺭ ﺑﻪﺗﻠﯩﺮﯨﺪﯨﻦ ﺋﺎﺧﺒﺎﺭﺍﺕ ﺋﻮﻏﺮﯨﻼﺵ ﯞﻩﻗﻪﺳﻰ ﮔﯧﺮﻣﺎﻧﯩﻴﻪ - ﺧﯩﺘﺎﻱ ﺋﺎﺭﯨﺴﯩﺪﺍ ﻳﻪﻧﻪ ﺳﯜﺭﻛﯩﻠﯩﺶ ﭘﻪﻳﺪﺍ ﻗﯩﻠﺪﻯ. ﺑﯘ ﻣﻪﺳﯩﻠﯩﺪﯨﻜﻰ ﺳﯜﺭﻛﯩﻠﯩﺶ ﮔﯧﺮﻣﺎﻧﯩﻴﻪ ﺑﯩﺨﻪﺗﻪﺭﻟﯩﻚ ﺋﻮﺭﮔﺎﻧﻠﯩﺮﻯ ﺋﺎﺧﺒﺎﺭﺍﺕ ﺋﻮﻏﺮﯨﻼﺵ ﯞﻩﻗﻪﺳﯩﺪﻩ ﺧﯩﺘﺎﻱ ﺩﯙﻟﯩﺘﯩﻨﯩﯔ ﻗﻮﻟﻰ ﺑﺎﺭﻟﯩﻘﯩﻨﻰ ﺟﺎﻛﺎﺭﻻﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﺎﺷﻜﺎﺭﺍ ﺋﻪﻳﯩﺒﻠﯩﮕﻪﻧﺪﯨﻦ ﻛﯧﻴﯩﻦ ﺗﯧﺨﯩﻤﯘ ﺋﻪﯞﺝ ﺋﺎﻟﺪﻯ. ﺧﯩﺘﺎﻱ ﺗﻪﺭﻩﭖ ﺑﻮﻟﺴﺎ ﮔﯧﺮﻣﺎﻧﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﭘﯩﻜﯩﺮﯨﻨﻰ ﺭﻩﺕ ﻗﯩﻠﻤﺎﻗﺘﺎ.

ﮔﯧﺮﻣﺎﻧﯩﻴﻪ ﺋﺎﺳﺎﺳﯩﻲ ﻗﺎﻧﯘﻥ ﻗﻮﻏﺪﺍﺵ ﺋﯩﺪﺍﺭﯨﺴﻰ ﮔﯧﺮﻣﺎﻧﯩﻴﯩﻨﯩﯔ ﺋﯩﭽﻜﻰ ﺋﺎﺧﺒﺎﺭﺍﺕ ﺋﻮﺭﮔﯩﻨﻰ ﺑﻮﻟﯘﭖ، ﻣﻪﺯﻛﯘﺭ ﺋﻮﺭﮔﺎﻧﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺧﻪﻧﯩﺰ ﺋﯧﻠﻤﺎﺭ ﺭﯦﻤﺒﯧﺮﮒ، ﺋﺎﻟﺪﯨﻨﻘﻰ ﻛﯜﻧﻰ ﮔﯧﺮﻣﺎﻧﯩﻴﻪ ﺷﯩﺮﻛﻪﺗﻠﯩﺮﻯ ﯞﻩ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﯩﯔ ﺗﻮﺭ ﺑﻪﺗﻠﯩﺮﯨﮕﻪ ﻗﺎﺭﯨﺘﯩﻠﻐﺎﻥ ﻛﯜﻧﺪﯨﻠﯩﻚ ﺟﺎﺳﯘﺳﻠﯘﻕ ﻫﯘﺟﯘﻣﻼﺭﻧﯩﯔ ﻫﻪﻣﻤﯩﺴﯩﺪﻩ ﺩﯦﮕﯜﺩﻩﻙ ﺧﯩﺘﺎﻱ ﺩﯙﻟﯩﺘﯩﻨﯩﯔ ﻗﻮﻟﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺧﻪﻧﯩﺰ ﺋﯧﻠﻤﺎﺭ ﺭﯦﻤﺒﯧﺮﮒ، ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﻐﺎ ﺋﯧﻼﻥ ﻗﯩﻠﻐﺎﻥ ﺑﺎﻳﺎﻧﺎﺗﯩﺪﺍ "ﺑﯩﺰﻧﯩﯔ ﻗﺎﺭﯨﺸﯩﻤﯩﺰﭼﻪ، ﺑﯘ ﺋﯩﻨﺘﯧﺮﻧﯧﺖ ﻫﯘﺟﯘﻣﻠﯩﺮﯨﻨﯩﯔ ﻫﻪﻣﻤﯩﺴﻰ ﺧﯩﺘﺎﻱ ﺩﯙﻟﯩﺘﯩﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﯩﯟﺍﺗﯩﺪﯗ " ﺩﻩﭖ ﺗﻪﻛﯩﺘﻠﯩﮕﻪﻥ. ﺋﯘ ﻳﻪﻧﻪ،"ﺑﯘ ﻫﯘﺟﯘﻣﻨﯩﯔ ﺟﯩﺪﺩﯨﻴﻠﯩﻜﻰ، ﻻﻳﯩﻬﯩﻠﯩﻨﯩﺶ ﺩﻩﺭﯨﺠﯩﺴﻰ ﯞﻩ ﮔﯧﺮﻣﺎﻧﯩﻴﻪ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﻰ ﻫﻪﻡ ﺷﯩﺮﻛﻪﺗﻠﯩﺮﯨﻨﻰ ﻧﯩﺸﺎﻥ ﻗﯩﻠﻐﺎﻧﻠﯩﻘﻰ ﺑﯘ ﻗﺎﺭﯨﺸﯩﻤﯩﺰﻧﯩﯔ ﺗﻮﻏﺮﯨﻠﯩﻘﯩﻨﻰ ﺋﯩﺴﭙﺎﺗﻠﯩﻤﺎﻗﺘﺎ " ﺩﻩﻳﺪﯗ. ﺑﯘ ﮔﯧﺮﻣﺎﻧﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺧﯩﺘﺎﻳﻨﻰ ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﻰ ﻣﻪﺳﯩﻠﯩﺴﯩﺪﻩ ﺑﯩﺮﯨﻨﭽﻰ ﻗﯧﺘﯩﻢ ﺋﻪﻳﯩﺒﻠﯩﺸﻰ ﺋﻪﻣﻪﺱ.

ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﺋﯘﺭﯗﺷﻰ ﮔﯧﺮﻣﺎﻧﯩﻴﯩﻨﻰ ﻧﯩﺸﺎﻥ ﻗﯩﻠﺪﻯ

ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﻯ ﺑﯘ ﻳﯩﻞ 8 ‏- ﺋﺎﻳﺪﯨﻜﻰ ﺧﻪﯞﻩﺭﻟﯩﺮﯨﺪﻩ، ﮔﯧﺮﻣﺎﻧﯩﻴﻪ ﻫﯚﻛﯜﻣﻪﺕ ﻣﯩﻨﯩﺴﺘﯩﺮﻟﯩﻘﻠﯩﺮﯨﻨﯩﯔ ﺗﻮﺭ ﺑﯧﺘﻰ ﺧﺎﻛﻼﻧﻐﺎﻧﻠﯩﻘﯩﻨﻰ ﯞﻩ ﺑﯘ ﯞﻩﻗﻪﻟﻪﺭﺩﻩ ﺧﯩﺘﺎﻱ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﯨﻨﯩﯔ ﻗﻮﻟﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﻰ ﺭﻩﺕ ﻗﯩﻠﻐﺎﻥ ﺋﯩﺪﻯ.

ﺋﺎﺳﺎﺳﯩﻲ ﻗﺎﻧﯘﻥ ﻗﻮﻏﺪﺍﺵ ﺋﯩﺪﺍﺭﯨﺴﯩﺪﯨﻜﻰ ﺭﯦﻤﺒﯧﺮﮒ، ﺑﯧﺮﻟﯩﻨﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ "ﺑﻪﺯﻯ ﻛﯩﺸﯩﻠﻪﺭﻧﯩﯔ ﺑﯘ ﺋﻪﻫﯟﺍﻟﻨﻰ ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﺋﯘﺭﯗﺷﻰ " ﺩﻩﭖ ﺋﺎﺗﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺑﯘ ﺗﯜﺭﺩﯨﻜﻰ ﻫﯘﺟﯘﻣﻼﺭﻏﺎ ﻗﺎﺭﺷﻰ ﺗﯘﺭﯨﺪﯨﻐﺎﻥ ﻳﯧﯖﻰ ﺋﯘﻗﯘﻣﻐﺎ ﺋﯧﻬﺘﯩﻴﺎﺝ ﺗﯘﻳﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﺋﯘ ﻳﻪﻧﻪ، ﻗﺎﻧﯘﻥ ﻳﻮﻟﻼﺭ ﺑﯩﻠﻪﻥ ﺋﯘﭼﯘﺭ ﺗﻮﭘﻼﻳﺪﯨﻐﺎﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﻰ ﺧﯩﺘﺎﻳﻨﯩﯔ ﺳﺎﻧﺎﺋﻪﺕ ﺟﺎﺳﯘﺳﻠﯘﻗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺋﻮﺭﮔﺎﻧﻠﯩﺮﯨﺪﯨﻦ ﭘﻪﺭﻗﻠﻪﻧﺪﯛﺭﯛﺷﻜﻪ ﺗﻮﻏﺮﺍ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﺭﯦﻤﺒﯧﺮﮒ ﻣﯘﻧﺪﺍﻕ ﺩﻩﻳﺪﯗ،"ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﭘﯜﺗﯜﻥ ﻛﯜﭼﻰ ﺑﯩﻠﻪﻥ ﺩﯗﻧﻴﺎﯞﻯ ﻣﯩﻘﻴﺎﺳﯩﺪﺍ ﺳﯩﻴﺎﺳﯩﻲ، ﻫﻪﺭﺑﯩﻲ، ﺋﯩﺴﺘﺮﺍﺗﯧﮕﯩﻴﯩﻠﯩﻚ ﯞﻩ ﭘﻪﻥ- ﺗﯧﺨﻨﯩﻜﺎ ﺋﯘﭼﯘﺭﻯ ﻳﯩﻐﯩﭗ، ﺋﯚﺯﯨﻨﯩﯔ ﺗﯧﺨﻨﯩﻜﺎ ﺟﻪﻫﻪﺗﺘﯩﻜﻰ ﺑﻮﺷﻠﯘﻗﯩﻨﻰ ﺗﯧﺰ ﺋﺎﺭﯨﺪﺍ ﺗﻮﻟﺪﯗﺭﻣﺎﻗﭽﻰ ﺑﻮﻟﯘﯞﺍﺗﯩﺪﯗ". ﺋﺎﻣﯧﺮﯨﻜﺎ ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﯩﻲ ﭘﻪﻧﻠﻪﺭ ﻣﺎﮔﯩﺴﺘﯩﺮﻯ، ﺋﯘﻧﯩﯟﯦﺮﺳﯩﺘﯧﺘﺘﯩﻜﻰ ﺑﯩﺮ ﺗﻪﺗﻘﯩﻘﺎﺕ ﺗﯜﺭﯨﻨﯩﯔ ﻳﺎﺭﺩﻩﻣﭽﻰ ﺗﻪﺗﻘﯩﻘﺎﺗﭽﯩﺴﻰ ﺋﻪﻟﻨﯩﮕﺎﺭ ﺋﯩﻠﺘﻪﺑﯩﺮ ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﺟﺎﺳﯘﺳﻠﯘﻗﻰ ﺗﻮﻏﺮﯨﺴﯩﺪﺍ ﺗﻮﺧﺘﺎﻟﺪﻯ.

ﻟﻴﯘ ﺟﻴﻪﻧﭽﺎﯞ " ﺑﯩﺰ ﺑﯘ ﺗﯜﺭﺩﯨﻜﻰ ﺋﻪﻳﯩﺒﻠﻪﺷﻨﻰ ﺭﻩﺕ ﻗﯩﻠﯩﻤﯩﺰ "

ﮔﯧﺮﻣﺎﻧﯩﻴﻪ ﺋﺎﺳﺎﺳﯩﻲ ﻗﺎﻧﯘﻥ ﻗﻮﻏﺪﺍﺵ ﺋﯩﺪﺍﺭﯨﺴﯩﻨﯩﯔ ﭘﯩﻜﯩﺮﻯ ﺳﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺭﻩﺕ ﻗﯩﻠﯩﺸﯩﻐﺎ ﺋﯘﭼﺮﯨﺪﻯ. ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺳﻪﻳﺸﻪﻧﺒﻪ ﻛﯜﻧﻜﻰ ﻛﯜﻧﺪﯨﻠﯩﻚ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ "ﻣﻪﻥ ﮔﯧﺮﻣﺎﻧﯩﻴﻪ ﺗﻪﺭﻩﭘﻨﯩﯔ ﺷﯘﻧﻰ ﺋﺎﻳﺪﯨﯖﻼﺷﺘﯘﺭﯗﯞﯦﻠﯩﺸﯩﻨﻰ ﺗﻪﻛﯩﺘﻠﯩﻤﻪﻛﭽﻰ" ﺩﻩﭖ ﺋﻪﺳﻜﻪﺭﺗﻜﻪﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﻴﻪﻧﭽﺎﯞ، "ﺑﯘ ﺑﯩﺰﻧﻰ ﻧﺎﻫﺎﻳﯩﺘﻰ ﺗﻪﺋﻪﺟﯜﭘﻠﻪﻧﺪﯛﺭﺩﻯ ﺷﯘﻧﺪﺍﻗﻼ ﺑﯩﺰ ﺑﯘ ﺗﯜﺭﺩﯨﻜﻰ ﺋﻪﻳﯩﺒﻠﻪﺷﻨﻰ ﺭﻩﺕ ﻗﯩﻠﯩﻤﯩﺰ " ﺩﻩﻳﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ، ﺋﯚﺯﯨﻨﯩﯔ ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻐﺎ ﻗﺎﺭﺷﻰ ﺋﯩﻜﻪﻧﻠﯩﻜﯩﻨﻰ ﯞﻩ ﻫﻪﺭ ﻳﯩﻠﻰ ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﯩﻐﺎ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﻟﯧﻜﯩﻦ ﮔﯧﺮﻣﺎﻧﯩﻴﯩﻠﯩﻚ ﺋﺎﻧﺎﻟﯩﺰﭼﯩﻼﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﻪﮔﻪﺭ ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﻳﯧﺘﻪﺭﻟﯩﻚ ﭘﺎﻛﯩﺘﻰ ﺑﻮﻟﻤﯩﺴﺎ، ﺑﯘ ﻣﻪﺳﯩﻠﯩﻨﻰ ﺋﺎﺷﻜﺎﺭﺍ ﺋﻮﺗﺘﯘﺭﯨﻐﺎ ﻗﻮﻳﻤﺎﺳﻠﯩﻘﻰ ﻣﯘﻣﻜﯩﻦ. ﮔﯧﺮﻣﺎﻧﯩﻴﻪ ﺋﺎﺳﺎﺳﯩﻲ ﻗﺎﻧﯘﻥ ﻗﻮﻏﺪﺍﺵ ﺋﯩﺪﺍﺭﯨﺴﯩﺪﯨﻜﻰ ﺭﯦﻤﺒﯧﺮﮒ، ﮔﯧﺮﻣﺎﻧﯩﻴﻪ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻐﺎ ﻗﺎﺭﯨﺘﯩﻠﻐﺎﻥ ﻫﯘﺟﯘﻣﻨﯩﯔ ﻛﯩﺸﯩﻨﻰ "ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ ﺩﻩﺭﯨﺠﯩﺪﻩ ﺟﯩﺪﺩﯨﻴﻠﯩﻜﻰ" ﯞﻩ ﺧﺎﻛﯩﺮﻻﺭﺩﺍ ﺑﺎﻳﻘﯩﻠﯩﭗ ﻗﯧﻠﯩﺶ ﻏﻪﻡ - ﻗﺎﻳﻐﯘﺳﻰ ﻳﻮﻗﻠﯘﻗﯩﻨﻰ ﺋﻪﺳﻜﻪﺭﺗﯩﭗ، " ﻫﯘﺟﯘﻣﻼﺭ ﻫﻪﺭ ﻛﯜﻧﻰ ﻳﺎﻛﻰ ﻫﻪﺭ 2 ﻛﯜﻧﺪﻩ ﺑﯩﺮ ﻗﯧﺘﯩﻢ ﻳﯜﺯ ﺑﯧﺮﯨﯟﺍﺗﯩﺪﯗ " ﺩﻩﭖ ﻛﯚﺭﺳﻪﺗﺘﻰ.

ﺭﯦﻤﺒﯧﺮﮒ ﻳﻪﻧﻪ، ﺧﯩﺘﺎﻳﻨﯩﯔ ﻛﻼﺳﺴﯩﻚ ﺟﺎﺳﯘﺳﻠﯘﻕ ﻣﯧﺘﻮﺩﻟﯩﺮﯨﻨﻰ ﻗﻮﻟﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﮔﯧﺮﻣﺎﻧﯩﻴﯩﺪﯨﻜﻰ ﺩﯨﭙﻠﻮﻣﺎﺗﯩﻚ ﯞﻩﻛﯩﻠﻠﯩﺮﻯ ﯞﻩ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺟﺎﺳﯘﺳﻼﺭﻏﺎ ﻫﻪﻣﺪﻩﻣﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻪﻳﯩﺒﻠﻪﭖ،" ﮔﯧﺮﻣﺎﻧﯩﻴﯩﺪﯨﻜﻰ ﺧﯩﺘﺎﻱ ﺩﯨﭙﻠﻮﻣﺎﺗﯩﻚ ﯞﻩﻛﯩﻠﻠﯩﺮﯨﻨﯩﯔ ﺋﯩﺸﺨﺎﻧﯩﻠﯩﺮﻯ ﯞﻩ ﺧﯩﺘﺎﻱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻠﯩﺮﻯ ﻣﻪﺧﭙﯩﻲ ﺟﺎﺳﯘﺳﻼﺭﻧﻰ ﻳﻪﺭﻟﻪﺷﺘﯜﺭﻣﻪﻛﺘﻪ" ﺩﻩﭖ ﺗﻪﻛﯩﺘﻠﯩﮕﻪﻥ.

" ﺑﯘ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺸﻰ ﻣﯘﻣﻜﯩﻦ"

ﺧﯩﺘﺎﻱ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﯩﻐﺎ ﺋﯘﭼﺮﯨﻐﺎﻥ ﺩﯙﻟﻪﺗﻠﻪﺭ ﺋﺎﻣﯧﺮﯨﻜﺎ، ﻓﺮﺍﻧﺴﯩﻴﻪ، ﻛﺎﻧﺎﺩﺍ ﯞﻩ ﻳﯧﯖﻰ ﺯﯦﻼﻧﺪﯨﻴﯩﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﺴﯩﻤﯘ، ﻟﯧﻜﯩﻦ ﮔﯧﺮﻣﺎﻧﯩﻴﻪ ﺑﯘ ﺩﯙﻟﻪﺗﻠﻪﺭ ﺋﯩﭽﯩﺪﻩ ﺋﻪﯓ ﺟﯩﺪﺩﯨﻲ ﻫﯘﺟﯘﻣﻐﺎ ﺩﯗﭺ ﻛﯧﻠﯩﯟﺍﺗﻘﺎﻥ ﺩﯙﻟﻪﺗﺘﯘﺭ. ﺋﺎﻣﯧﺮﯨﻜﺎ ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﻪﻟﻨﯩﮕﺎﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﻰ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﺳﻪﺯﮔﯜﺭ ﻣﻪﺯﮔﯩﻠﯩﺪﻩ ﻳﯜﺯ ﺑﻪﺭﮔﻪﻥ. ﻟﯧﻜﯩﻦ ﺋﻪﻟﻨﯩﮕﺎﺭ، "ﺑﯘ ﺧﯩﺘﺎﻱ ﺧﺎﻛﯩﺮﻟﯩﺮﯨﻨﯩﯔ ﻫﯘﺟﯘﻣﯩﺪﯨﻜﻰ ﺑﯩﺮﺩﯨﻦ - ﺑﯩﺮ ﺳﻪﯞﻩﺏ ﺋﻪﻣﻪﺱ" ﺩﯦﺪﻯ. ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺧﻪﯞﯨﺮﯨﺪﻩ، ﺧﯩﺘﺎﻱ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻨﺘﯧﺮﻧﯧﺖ ﺧﺎﻛﯩﺮﻟﯩﺮﯨﻨﯩﯔ 8 ‏- ﺋﺎﻳﺪﯨﻜﻰ ﯞﻩﻗﻪﺩﻩ ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻠﻨﯩﯔ ﺑﺎﺵ ﻣﯩﻨﯩﺴﺘﯩﺮﻟﯩﻖ ﺋﯩﺸﺨﺎﻧﯩﺴﯩﺪﯨﻜﻰ ﺗﻮﺭ ﺳﯧﺴﺘﯩﻤﯩﺴﯩﻐﺎ ﺋﯘﭼﯘﺭ ﺋﻮﻏﺮﯨﻼﻳﺪﯨﻐﺎﻥ ﭘﺮﻭﮔﺮﺍﻣﻤﺎ ﻳﻪﺭﻟﻪﺷﺘﯜﺭﻣﻪﻛﭽﻰ ﺑﻮﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺧﯩﺘﺎﻳﻨﯩﯔ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺳﻮﺩﺍ ﺷﯧﺮﯨﻜﻰ ﺑﻮﻟﯘﭘﻼ ﻗﺎﻟﻤﺎﻱ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﮔﯧﺮﻣﺎﻧﯩﻴﻪ ﺧﯩﺘﺎﻳﻨﯩﯔ ﺑﯘ ﺋﯩﺘﺘﯩﭙﺎﻗﺘﯩﻜﻰ ﺋﻪﯓ ﭼﻮﯓ ﺳﻮﺩﺍ ﺷﯧﺮﯨﻜﯩﺪﯗﺭ. ﮔﯧﺮﻣﺎﻧﯩﻴﯩﻠﯩﻚ ﺋﺎﻧﺎﻟﯩﺰﭼﯩﻼﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﺩﺍﻻﻱ ﻻﻣﺎﻧﻰ ﻛﯜﺗﯩﯟﯦﻠﯩﺶ ﯞﻩﻗﻪﺳﻰ ﻳﺎﻛﻰ ﺋﯘﻳﻐﯘﺭ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﮔﯧﺮﻣﺎﻧﯩﻴﯩﺪﯨﻜﻰ ﭘﺎﺋﺎﻟﯩﻴﯩﺘﻰ ﺧﯩﺘﺎﻳﻼﺭﻧﻰ ﻏﻪﺯﻩﭘﻠﻪﻧﺪﯛﺭﺳﯩﻤﯘ ،ﻟﯧﻜﯩﻦ ﺧﯩﺘﺎﻳﻨﯩﯔ ﮔﯧﺮﻣﺎﻧﯩﻴﻪ ﺗﻮﺭ ﺑﻪﺗﻠﯩﺮﯨﮕﻪ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﻰ " ﺩﻭﺳﺘﺎﻧﻪ ﺑﻮﻟﻤﯩﻐﺎﻥ "ﻫﻪﺭﯨﻜﻪﺕ ﺑﻮﻟﯘﭖ، ﺑﯘ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺸﻰ ﻣﯘﻣﻜﯩﻦ. (ﺋﻪﺭﻛﯩﻦ)