ﮔﯧﺮﻣﺎﻧﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﻳﯧﯖﻰ ﺳﯩﻴﺎﺳﯩﺘﻰ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﮔﯧﺮﻣﺎﻧﯩﻴﯩﻨﯩﯔ ﻧﯚﯞﻩﺗﺘﻪ ﻫﻮﻗﯘﻕ ﻳﯜﺭﮔﯜﺯﯨﯟﺍﺗﻘﺎﻥ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻳﯧﻘﯩﻨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺋﺎﺳﯩﻴﺎ ﺭﺍﻳﻮﻧﻰ ﻫﻪﻗﻘﯩﺪﯨﻜﻰ ﻳﯧﯖﻰ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﺧﯩﺘﺎﻱ ﺩﯙﻟﯩﺘﻰ ﺋﯜﭼﯜﻥ ﺋﯧﻐﯩﺮ ﺯﻩﺭﺑﻪ ﺑﻮﻟﻐﺎﻧﻠﯩﻘﻰ، ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ ﺗﻪﺭﯨﭙﯩﺪﯨﻦ ﺗﻪﻛﯩﺘﻠﻪﻧﻤﻪﻛﺘﻪ. ﻫﯚﻛﯜﻣﻪﺗﻨﯩﯔ ﺑﺎﻳﺎﻧﺎﺗﭽﯩﺴﻰ ﻛﻼﺋﻪﺩﯨﻦ ﺋﻪﭘﻪﻧﺪﻯ ﮔﯧﺮﻣﺎﻧﯩﻴﯩﻨﯩﯔ ﻳﯧﯖﻰ ﺋﺎﺳﯩﻴﺎ ﺋﯩﺴﺘﺮﺍﺗﯧﮕﯩﻴﯩﺴﯩﺪﯨﻦ ﺋﻮﺭﯗﻥ ﺋﺎﻟﻐﺎﻥ ﺧﯩﺘﺎﻱ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﭼﯜﺷﻪﻧﭽﻪ ﺑﯧﺮﯨﭗ، ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﻰ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﻪ ﺋﺎﺭﯨﻠﯩﻖ ﺳﺎﻗﻠﯩﺸﻰ ﻛﯧﺮﻩﻙ، ﺩﯦﮕﻪﻥ ﺑﺎﻳﺎﻧﺎﺗﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺑﯩﺮﻟﻪﺷﻤﻪ ﻫﯚﻛﯜﻣﻪﺗﻨﯩﯔ ﺑﯘ ﺑﺎﻳﺎﻧﺎﺗﻰ ﺗﯜﺭﻟﯜﻙ ﺑﻪﺱ - ﻣﯘﻧﺎﺯﯨﺮﯨﻠﻪﺭﻧﯩﯔ ﻗﻮﺯﻏﯩﻠﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﺪﻯ.

ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﮔﯧﺮﻣﺎﻧﯩﻴﯩﻨﯩﯔ ﺑﯘ ﻳﯧﯖﻰ ﺳﯩﻴﺎﺳﯩﺘﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﯞﻩ ﭘﯜﺗﯜﻥ ﻳﺎﯞﺭﯗﭘﺎﺩﺍ ﻣﯘﺷﯘ ﺧﯩﻞ ﺳﺘﺮﺍﺗﯩﮕﯩﻴﯩﻨﯩﯔ ﺋﻪﻣﻪﻟﮕﻪ ﺋﯧﺸﯩﺸﯩﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﯨﺘﻰ ﻫﻪﻣﻜﺎﺭﻻﺷﻘﯘﭼﻰ ﺩﯙﻟﻪﺗﻠﯩﻚ ﺋﻮﺭﻧﯩﺪﯨﻦ ﺭﯨﻘﺎﺑﻪﺗﻠﻪﺷﻜﯜﭼﻰ ﺩﯙﻟﻪﺗﻠﯩﻚ ﺩﻩﺭﯨﺠﯩﺴﯩﮕﻪ ﺋﯚﺯﮔﻪﺭﺩﻯ

ﺧﯩﺘﺎﻱ ﺑﯩﻠﻪﻥ ﻧﻪﭼﭽﻪ ﺋﻮﻥ ﻣﯩﻠﻴﺎﺭﺩ ﺩﻭﻟﻼﺭﻟﯩﻖ ﺋﯩﻘﺘﯩﺴﺎﺩﻯ ﻛﯧﻠﯩﺸﯩﻤﮕﻪ ﺋﯩﮕﻪ ﺑﻮﻟﻐﺎﻥ ﮔﯧﺮﻣﺎﻧﯩﻴﻪ ﺩﯙﻟﯩﺘﻰ ﻧﯩﻤﻪ ﺋﯜﭼﯜﻥ ﺑﯘﻧﺪﺍﻕ ﺑﯩﺮ ﺋﯩﺴﺘﺮﺍﺗﯧﮕﯩﻴﯩﻨﻰ ﻳﻮﻟﻐﺎ ﻗﻮﻳﯘﺷﻨﻰ ﻻﻳﯩﻖ ﺗﺎﭘﺘﻰ؟ ﺧﯩﺘﺎﻱ ﺑﯩﻠﻪﻥ ﮔﯧﺮﻣﺎﻧﯩﻴﻪ ﺋﻮﺗﺘﯘﺭﯨﺴﯩﺪﺍ ﻫﻪﻝ ﺑﻮﻟﻤﺎﻳﯟﺍﺗﻘﺎﻥ ﻣﻪﺳﯩﻠﻪ ﺯﺍﺩﻯ ﻧﯩﻤﻪ؟ ﺩﯦﮕﻪﻥ ﺳﻮﺋﺎﻟﻼﺭ ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ ﺗﻪﺭﯨﭙﯩﺪﯨﻦ ﺋﻮﺗﺘﯘﺭﯨﻐﺎ ﺗﺎﺷﻼﻧﺪﻯ. ﻣﻪﺗﺒﯘﺋﺎﺗﻼﺭﺩﺍ ﺑﯘ ﻫﻪﻗﺘﯩﻜﻰ ﺑﻪﺱ - ﻣﯘﻧﺎﺯﯨﺮﯨﻠﻪﺭ ﻣﻪﻳﺪﺍﻧﻐﺎ ﭼﯩﻘﯩﺸﻘﺎ ﺑﺎﺷﻠﯩﺪﻯ.

ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻤﯘ 11 - ﺋﺎﻳﻨﯩﯔ 6 - ﻛﯜﻧﻰ، ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﮔﯧﺮﻣﺎﻧﯩﻴﯩﻨﯩﯔ ﺋﯩﻠﯩﻢ - ﭘﻪﻥ، ﺳﯩﻴﺎﺳﻪﺕ ﯞﻩ ﺋﯩﺴﺘﯩﺮﺍﺧﯘﺋﺎﻧﯩﻴﻪ ﺳﺎﻫﻪﺳﻰ ﺑﻮﻳﯩﭽﻪ ﻳﺎﯞﺭﯗ - ﺋﺎﺳﯩﻴﺎ ﻣﻪﺳﯩﻠﯩﻠﯩﺮﻯ ﻣﯘﺗﻪﺧﻪﺳﺴﯩﺴﻰ ﺩﺭ. ﺳﻪﺑﺎﺳﺘﯩﺌﺎﻥ ﺑﻪﺭﺳﯩﻜﻚ ﺋﻪﭘﻪﻧﺪﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﻨﻰ ﺋﯧﻼﻥ ﻗﯩﻠﺪﻯ.

ﺩﺭ. ﺳﻪﺑﺎﺳﺘﯩﺌﺎﻥ ﺑﻪﺭﺳﯩﻜﻚ ﺋﻪﭘﻪﻧﺪﻯ ﺳﯚﺯﯨﺪﻩ، ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﺑﯘﻧﺪﺍﻕ ﺑﯩﺮ ﻳﯧﯖﻰ ﺋﯩﺴﺘﺮﺍﺗﯧﮕﯩﻴﯩﻨﻰ ﻗﻮﺑﯘﻝ ﻗﯩﻠﯩﺸﯩﻨﯩﯔ ﺋﯩﻘﺘﯩﺪﺍﺭﺩﯨﻜﻰ ﻫﯚﻛﯜﻣﻪﺗﻨﯩﯔ ﺧﯩﺘﺎﻳﻐﺎ ﺑﻮﻟﻐﺎﻥ ﺗﻪﻧﻘﯩﺪﻯ ﻣﯘﺋﺎﻣﯩﻠﯩﺴﯩﻨﯩﯔ ﺩﺍﯞﺍﻣﻰ ﺋﻪﻣﻪﺳﻠﯩﻜﯩﻨﻰ، ﺑﻪﻟﻜﻰ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﯨﺘﯩﻨﯩﯔ ﻧﯚﯞﻩﺗﺘﻪ ﻫﻪﻣﻜﺎﺭﻻﺷﻘﯘﭼﻰ ﺩﯙﻟﻪﺗﻠﯩﻚ ﺋﻮﺭﻧﯩﺪﯨﻦ ﺭﯨﻘﺎﺑﻪﺗﻠﻪﺷﻜﯜﭼﻰ ﺩﯙﻟﻪﺗﻠﯩﻚ ﺩﻩﺭﯨﺠﯩﺴﯩﮕﻪ ﻛﯚﺗﯜﺭﯛﻟﮕﻪﻧﻠﯩﻜﯩﻨﯩﯔ ﺋﺎﺳﺎﺳﻰ ﺳﻪﯞﻩﭖ ﺑﻮﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﻳﯧﯖﻰ ﺋﯩﺴﺘﺮﺍﺗﯧﮕﯩﻴﯩﻨﻰ ﺑﻪﻟﮕﯩﻠﯩﺸﯩﮕﻪ ﺗﯜﺭﺗﻜﻪ ﺑﻮﻟﻐﺎﻥ ﺋﺎﻣﯩﻠﻼﺭ

ﺋﻪﻣﻤﺎ ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ، ﮔﻪﺭﭼﻪ ﺧﯩﺘﺎﻱ 2007 - ﻳﯩﻠﯩﻐﺎ ﻛﻪﻟﮕﻪﻧﺪﻩ ﺩﯗﻧﻴﺎ ﺑﻮﻳﯩﭽﻪ 2 - ﺋﻮﺭﯗﻧﺪﯨﻜﻰ ﺋﯧﻜﯩﺴﭙﻮﺭﺕ ﻗﯩﻠﻐﯘﭼﻰ ﺩﯙﻟﻪﺗﻜﻪ ﺋﺎﻳﻠﯩﻨﯩﭗ، ﺋﺎﻣﯧﺮﯨﻜﯩﺪﯨﻦ ﺋﯧﺸﯩﭗ ﭼﯜﺷﻜﻪﻥ ﯞﻩ ﮔﯧﺮﻣﺎﻧﯩﻴﯩﮕﻪ ﻳﯧﺘﯩﺸﯩﯟﯦﻠﯩﺸﻘﺎ ﺋﺎﺯ ﻗﺎﻟﻐﺎﻥ ﺑﻮﻟﺴﯩﻤﯘ، ﺑﯘﻧﯩﯔ ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﻳﯧﯖﻰ ﺋﯩﺴﺘﺮﺍﺗﯧﮕﯩﻴﻪ ﺑﻪﻟﮕﯩﻠﯩﺸﯩﻨﯩﯔ ﺋﺎﺳﺎﺳﻰ ﺳﻪﯞﻩﺑﻰ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﺷﻤﻪﻛﺘﻪ. ﺋﻪﻛﺴﯩﭽﻪ ﺋﯘﻻﺭ ﻣﯘﻧﺪﺍﻕ ﻗﺎﺭﺍﺷﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻤﺎﻗﺘﺎ. 2005 - ﻳﯩﻠﯩﺪﯨﻦ ﺑﯘﻳﺎﻥ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻞ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﺌﺎﺑﺎﯞ ﯞﻩ ﺧﯩﺘﺎﻱ ﭘﺮﯦﺰﯨﺪﯦﻨﺘﻰ ﺧﯘ ﺟﯩﻨﺘﺎﯞﻧﻰ ﮔﯧﺮﻣﺎﻧﯩﻴﻪ ﺯﯨﻴﺎﺭﯨﺘﻰ ﻣﻪﺯﮔﯩﻠﯩﺪﻩ ﺧﻪﻟﻘﺎﺭﺍ ﻣﯘﺧﺒﯩﺮﻻﺭﻧﯩﯔ ﻛﯚﺯ ﺋﺎﻟﺪﯨﺪﯨﻼ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﻩ ﺋﻪﻳﯩﺒﻠﻪﭖ ﻛﻪﻟﺪﻯ. 2007 - ﻳﯩﻠﻰ 10 - ﺋﺎﻳﺪﺍ ﺧﯩﺘﺎﻳﻨﯩﯔ ﻗﺎﻳﺘﺎ - ﻗﺎﻳﺘﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺷﯩﮕﻪ ﻗﺎﺭﯨﻤﺎﻱ، ﺗﯩﺒﻪﺗﻨﯩﯔ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎﻧﻰ ﻣﯩﻨﯩﺴﺘﯩﺮﻻﺭ ﻣﻪﻫﻜﯩﻤﯩﺴﯩﺪﻩ ﻗﻮﺑﯘﻝ ﻗﯩﻠﻐﺎﻧﺪﺍ ﺧﯩﺘﺎﻱ ﻳﻮﻟﺴﯩﺰﻻﺭﭼﻪ ﻗﺎﺭﺷﻰ ﺗﻪﺩﺑﯩﺮ ﻗﻮﻟﻼﻧﺪﻯ. ﺧﯩﺘﺎﻳﻨﯩﯔ ﺳﺎﺧﺘﺎ ﺗﺎﯞﺍﺭﻟﯩﺮﯨﻨﯩﯔ ﻳﺎﯞﺭﯗﭘﺎ ﺑﺎﺯﺍﺭﻟﯩﺮﯨﻐﺎ ﺋﯧﻘﯩﭗ ﻛﯩﺮﯨﺸﻰ، ﻳﺎﻟﻐﯘﺯ ﮔﯧﺮﻣﺎﻧﯩﻴﯩﮕﯩﻼ ﺋﻪﻣﻪﺱ، ﭘﯜﺗﯜﻥ ﻳﺎﯞﺭﻭﭘﺎﻧﯩﯔ ﺋﯩﻘﺘﯩﺴﺎﺩﯨﻐﺎ ﺗﻪﺳﯩﺮ ﻛﯚﺭﺳﻪﺗﺘﻰ.

ﺧﯩﺘﺎﻳﻨﯩﯔ ﮔﯧﺮﻣﺎﻧﯩﻴﻪ ﺗﺎﯞﺍﺭﻟﯩﺮﯨﻨﻰ ﺗﻪﻗﻠﯩﺪ ﻗﯩﻠﯩﭗ ﻳﺎﺳﯩﺸﻰ ﯞﻩ ﺗﯧﺨﻨﯩﻜﺎ ﺋﻮﻏﯘﺭﻟﯩﺸﻰ ﺳﻪﯞﻩﺑﯩﺪﯨﻦ ﮔﯧﺮﻣﺎﻧﯩﻴﻪ ﻳﯩﻠﻐﺎ ﻧﻪﭼﭽﻪ ﺋﻮﻥ ﻣﯩﻠﻴﻮﻧﻼﭖ ﻳﻮﯞﺭﻭ ﺯﯨﻴﺎﻥ ﺗﺎﺭﺗﯩﭗ ﻛﻪﻟﺪﻯ. ﮔﯧﺮﻣﺎﻧﯩﻴﻪ ﭘﯘﻗﺮﺍﻟﯩﺮﻯ ﺑﯘ ﺟﻪﻫﻪﺗﺘﻪ ﻳﯩﻠﻼﺭﺩﯨﻦ ﺑﯘﻳﺎﻥ ﻛﯜﭼﻠﯜﻙ ﺋﯩﻨﻜﺎﺳﻼﺭﻧﻰ ﺑﯩﻠﺪﯛﺭﯛﭖ ﻛﻪﻟﺪﻯ. ﺑﯘﻧﺪﯨﻦ ﺑﺎﺷﻘﺎ ﺧﯩﺘﺎﻳﻨﯩﯔ ﺩﺍﺭﻓﯘﺭﺩﯨﻜﻰ ﻗﯩﺮﻏﯩﻨﭽﯩﻠﯩﻖ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﯩﺪﺍﺭ ﺑﻮﻟﯘﺷﻰ، ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻐﺎ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﺋﻪﻣﻪﻝ ﻗﯩﻠﻤﺎﺳﻠﯩﻘﻰ، ﺧﯩﺘﺎﻳﻨﯩﯔ ﺋﯩﭽﻜﻰ ﺟﻪﻫﻪﺗﺘﻪ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﺪﻩ ﻗﯩﻠﭽﯩﻤﯘ ﺋﯚﺯﮔﯜﺭﯛﺵ ﺑﻮﻟﻤﯩﻐﺎﻧﻠﯩﻘﻰ ﯞﻩ ﺑﻪﻟﻜﻰ ﻛﯜﻧﺪﯨﻦ ﻛﯜﻧﮕﻪ ﻧﺎﭼﺎﺭﻟﯩﺸﯩﭗ ﺑﯧﺮﯨﺸﻰ ﻫﻪﻣﺪﻩ ﺧﯩﺘﺎﻳﻨﯩﯔ ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﺗﻪﻟﻪﭖ - ﺋﯩﺴﺘﻪﻛﻠﯩﺮﯨﮕﻪ ﻗﺎﺭﯨﺘﺎ ﻗﯘﻻﻕ ﻳﻮﭘﯘﺭﯨﯟﯦﻠﯩﺸﻰ ﻗﺎﺗﺎﺭﻟﯩﻖ ﻧﯘﺭﻏﯘﻥ ﺳﻪﯞﻩﭘﻠﻪﺭ، ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺑﯘ ﻗﯧﺘﯩﻤﻘﻰ ﻳﯧﯖﻰ ﺋﯩﺴﺘﺮﺍﺗﯧﮕﯩﻴﯩﻨﻰ ﺑﻪﻟﮕﯩﻠﯩﺸﯩﮕﻪ ﺗﯜﺭﺗﻜﻪ ﺑﻮﻟﻐﺎﻥ ﺑﻮﻟﯘﺷﻰ ﻣﯜﻣﻜﯩﻦ.

ﮔﯧﺮﻣﺎﻧﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﺳﯩﻴﺎﺳﯩﻲ ﻣﻪﻳﺪﺍﻧﻰ

ﺩﺭ. ﺳﻪﺑﺎﺳﺘﯩﺌﺎﻥ ﺑﻪﺭﺳﯩﻜﻚ ﺋﻪﭘﻪﻧﺪﻯ ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯩﻠﻪﻥ ﺑﯩﺮﻟﯩﺸﯩﭗ ﺋﺎﺳﯩﻴﺎ - ﺗﯧﻨﯩﭻ ﺋﻮﻛﻴﺎﻥ ﺭﺍﻳﻮﻧﻠﯩﺮﯨﻨﯩﯔ ﺗﯧﻨﭽﻠﯩﻘﯩﻨﻰ ﻗﻮﻏﺪﺍﺷﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. ﺑﯘ ﺑﯩﺮ ﺟﯜﻣﻠﻪ ﺳﯚﺯ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﻩ "ﮔﯧﺮﻣﺎﻧﯩﻴﻪ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﯩﻦ، ﺋﺎﻣﯧﺮﯨﻜﺎ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻨﻰ ﺋﯜﺳﺘﯜﻥ ﺋﻮﺭﯗﻧﻐﺎ ﻗﻮﻳﺪﻯ" ﺩﯦﮕﻪﻥ ﺋﯩﻨﻜﺎﺳﻨﻰ ﭘﻪﻳﺪﺍ ﻗﯩﻠﻐﺎﻥ.

ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ، ﮔﯧﺮﻣﺎﻧﯩﻴﯩﻨﯩﯔ ﺋﺎﺳﯩﻴﺎ - ﺗﯧﻨﯩﭻ ﺋﻮﻛﻴﺎﻥ ﺭﺍﻳﻮﻧﯩﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﺋﯚﺯﯨﻨﯩﯔ ﺋﻪﯓ ﭼﻮﯓ ﺳﻮﺩﺍ ﺷﯧﺮﯨﻜﻰ ﻫﯧﺴﺎﺑﻼﻧﻐﺎﻥ ﺋﺎﺳﯩﻴﺎﺩﯨﻜﻰ ﺋﻪﯓ ﻛﯜﭼﻠﯜﻙ ﺩﯙﻟﻪﺕ ﺑﻮﻟﻐﺎﻥ ﺟﯘﯕﮕﻮ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺋﺎﻣﯧﺮﯨﻜﺎ ﺑﯩﻠﻪﻥ ﻗﻮﻏﺪﺍﺷﻨﻰ ﺗﯩﻠﻐﺎ ﺋﯧﻠﯩﺸﻰ، ﮔﯧﺮﻣﺎﻧﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﺳﯩﻴﺎﺳﯩﻲ ﻣﻪﻳﺪﺍﻧﯩﻨﻰ ﺋﻮﭼﯘﻕ - ﺋﺎﺷﻜﺎﺭﻩ ﺋﯩﭙﺎﺩﯨﻠﯩﺪﻯ، ﺩﻩﭖ ﺗﻪﻫﻠﯩﻞ ﻗﯩﻠﯩﺸﻤﺎﻗﺘﺎ. ﺧﯩﺘﺎﻱ ﺗﻪﺭﻩﭘﺘﯩﻦ ﻛﻪﻟﮕﻪﻥ ﺋﯩﻨﻜﺎﺳﻼﺭﺩﺍ ﺑﻮﻟﺴﺎ " ﮔﯧﺮﻣﺎﻧﯩﻴﻪ ﺩﯗﻧﻴﺎ ﺗﯧﻨﭽﻠﯩﻘﯩﻨﻰ ﺑﯘﺯﯗﯞﺍﺗﻘﺎﻥ ﺋﺎﻣﯧﺮﯨﻜﺎ ﺑﯩﻠﻪﻥ ﺩﯗﻧﻴﺎ ﺗﯧﻨﭽﻠﯩﻘﯩﻨﻰ ﻗﻮﻏﺪﯨﻤﺎﻗﭽﯩﻤﯘ؟" ﺩﯦﻴﯩﻠﮕﻪﻥ.

ﺧﯩﺘﺎﻱ ﺋﻪﯓ ﺯﻭﺭ ﺗﻪﻫﺪﯨﺖ

"ﺧﯩﺘﺎﻳﻨﯩﯔ ﺑﺎﺵ ﻛﯚﺗﯜﺭﯛﺷﯩﮕﻪ ﻗﺎﺭﺷﻰ، ﮔﯧﺮﻣﺎﻧﯩﻴﯩﻨﯩﯔ ﻳﯧﯖﻰ ﺋﯩﺴﺘﯩﺮﺍﺗﯧﮕﯩﻴﯩﺴﻰ" ﻧﺎﻣﻠﯩﻖ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﻩ ﺩﺭ. ﺳﻪﺑﺎﺳﺘﯩﺌﺎﻥ ﺑﻪﺭﺳﯩﻜﻚ ﺋﻪﭘﻪﻧﺪﻯ ﺋﻪﻳﻨﻰ ﻳﯩﻠﻠﯩﺮﻯ ﮔﯧﺮﻣﺎﻧﯩﻴﻪ ﯞﻩ ﻓﺮﺍﻧﺴﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﻳﻮﻟﻐﺎ ﻗﻮﻳﯘﻟﯩﯟﺍﺗﻘﺎﻥ ﻗﻮﺭﺍﻝ - ﻳﺎﺭﺍﻕ ﺋﯩﻤﺒﺎﺭﮔﻮﺳﯩﻨﻰ ﺑﯩﻜﺎﺭ ﻗﯩﻠﯩﭗ، ﺧﯩﺘﺎﻱ ﺑﯩﻠﻪﻥ ﺯﯨﭻ ﻫﻪﻣﻜﺎﺭﻟﯩﺸﯩﺸﻨﻰ ﺧﺎﻟﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﻗﯩﺴﯩﻢ ﺋﻪﻟﻠﻪﺭﻧﯩﯔ ﺑﯘﻧﺪﺍﻕ ﻗﯩﻠﯩﺸﻨﯩﯔ ﺋﺎﺳﯩﻴﺎ - ﺗﯧﻨﯩﭻ ﺋﻮﻛﻴﺎﻥ ﺭﺍﻳﻮﻧﯩﻨﯩﯔ ﺑﯩﺨﻪﺗﻪﺭﻟﯩﻜﻰ ﺋﯜﭼﯜﻥ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺸﻰ ﺳﻪﯞﻩﺑﯩﺪﯨﻦ، ﺑﯘ ﺋﯩﻤﺒﺎﺭﮔﻮﻧﻰ ﺑﯩﻜﺎﺭ ﻗﯩﻠﯩﺸﻨﯩﯔ ﺋﻪﻣﻪﻟﮕﻪ ﺋﺎﺷﻤﯩﻐﺎﻧﻠﯩﻘﯩﻨﻰ ﻗﯩﺴﺘﯘﺭﯗﭖ ﺋﯚﺗﻜﻪﻥ.

ﺩﺭ. ﺳﻪﺑﺎﺳﺘﯩﺌﺎﻥ ﺑﻪﺭﺳﯩﻜﻚ ﺋﻪﭘﻪﻧﺪﯨﻨﯩﯔ ﺑﯘ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﭽﻰ ﺑﻮﻟﻐﯩﻨﻰ، ﺧﯩﺘﺎﻳﻨﯩﯔ ﺋﺎﺳﯩﻴﺎ - ﺗﯧﻨﯩﭻ ﺋﻮﻛﻴﺎﻥ ﺭﺍﻳﻮﻧﻰ ﺋﯜﭼﯜﻥ ﺋﻪﯓ ﺯﻭﺭ ﺗﻪﻫﺪﯨﺖ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﮔﯧﺮﻣﺎﻧﯩﻴﯩﻨﯩﯔ ﻣﺎﻧﺎ ﺋﻪﻣﺪﻯ ﺭﻩﺳﻤﻰ ﺋﯩﺘﯩﺮﺍﭖ ﻗﯩﻠﻐﺎﻧﻠﯩﻘﯩﺪﯨﻦ ﺑﯩﺸﺎﺭﻩﺕ ﺑﯧﺮﯨﺶ ﺑﻮﻟﺴﺎ ﻛﯧﺮﻩﻙ. (ﺋﻪﻛﺮﻩﻡ)