ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﺋﺎﻟﺘﯘﻥ ﺩﻩﯞﺭﻯ ﺋﺎﺧﯩﺮﻻﺷﺘﻰ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻧﮕﯧﻼ ﻣﯧﺮﻛﯧﻞ ﺧﺎﻧﯩﻢ ﮔﯧﺮﻣﺎﻧﯩﻴﯩﻨﯩﯔ ﺑﺎﺵ ﻣﯩﻨﯩﺴﺘﯩﺮﻟﯩﻘﯩﻐﺎ ﺳﺎﻳﻼﻧﻐﺎﻥ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯘﻳﺎﻥ، ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﺩﯙﻟﯩﺘﯩﻨﻰ ﺋﯩﺰﭼﯩﻞ ﺋﻪﻳﯩﺒﻠﻪﭖ ﻛﻪﻟﮕﻪﻥ ﺑﻮﻟﺴﯩﻤﯘ، ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺑﯜﮔﯜﻧﻜﯩﺪﻩﻙ ﻳﺎﻣﺎﻧﻠﯩﺸﯩﭗ ﻛﻪﺗﻤﯩﮕﻪﻥ ﺋﯩﺪﻯ. ﮔﯧﺮﻣﺎﻧﯩﻴﯩﺪﻩ ﻧﻪﺷﺮﺩﯨﻦ ﭼﯩﻘﯩﺪﯨﻐﺎﻥ " ﺩﯗﻧﻴﺎ ﮔﯧﺰﯨﺘﻰ" ﻧﯩﯔ 16 - ﻧﻮﻳﺎﺑﯩﺮﺩﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻳﻨﯩﯔ ﺋﺎﺳﯩﻴﺎﭼﻪ ﻧﺎﺯﻟﯩﻨﯩﺸﻰ" ﻧﺎﻣﻠﯩﻖ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﻳﯩﻠﻼﺭﺩﯨﻦ ﺑﯘﻳﺎﻥ ﺋﯩﻘﺘﯩﺴﺎﺩﻯ ﯞﻩ ﺩﯦﭙﻠﻮﻣﺎﺗﯩﻴﻪ ﺟﻪﻫﻪﺗﺘﻪ ﻣﯘﻫﯩﻢ ﻫﻪﻣﻜﺎﺭﻟﯩﻘﻘﺎ ﺋﯩﮕﻪ ﺑﻮﻟﯘﭖ ﻛﻪﻟﮕﻪﻥ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﺋﺎﺭﯨﺴﯩﺪﺍ ﺋﻪﻣﺪﻯ ﺭﻩﺳﻤﯩﻲ ﺳﻮﻏﯘﻕ ﻣﯘﻧﺎﺳﯩﯟﻩﺕ ﺷﻪﻛﯩﻠﻠﻪﻧﮕﻪﻥ. ﺑﯘ ﺳﻮﻏﯘﻕ ﻣﯘﻧﺎﺳﯩﯟﻩﺗﻨﯩﯔ ﺷﻪﻛﯩﻠﻠﯩﻨﯩﺸﯩﮕﻪ، ﺳﯧﻨﺘﻪﺑﯩﺮﻧﯩﯔ ﺋﺎﺧﯩﺮﻟﯩﺮﻯ ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻞ ﺧﺎﻧﯩﻤﻨﯩﯔ ﮔﯧﺮﻣﺎﻧﯩﻴﻪ ﻣﯩﻨﯩﺴﺘﯩﺮﻻﺭ ﻣﻪﻫﻜﯩﻤﯩﺴﯩﺪﻩ ﺗﯩﺒﻪﺗﻠﯩﻜﻠﻪﺭﻧﯩﯔ ﺭﻭﻫﺎﻧﯩﻲ ﺩﺍﻫﯩﺴﻰ ﺩﺍﻻﻱ ﻻﻣﺎﻧﻰ ﻗﻮﺑﯘﻝ ﻗﯩﻠﯩﺸﻰ ﺋﺎﺳﺎﺳﯩﻲ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﻥ.

"ﺧﯩﺘﺎﻳﻨﯩﯔ ﺋﺎﺳﯩﻴﺎﭼﻪ ﻧﺎﺯﻟﯩﻨﯩﺸﻰ"

ﮔﯧﺮﻣﺎﻧﯩﻴﻪ ﺳﯩﻴﺎﺳﻪﺗﭽﯩﻠﯩﺮﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﺗﻪﺭﻩﭖ ﺑﯘﻧﯩﯖﻐﺎ ﻗﺎﺭﯨﺘﺎ ﺋﻪﻳﻨﻰ ﭼﺎﻏﺪﺍ ﺟﺎﯞﺍﺏ ﻳﯜﺯﯨﺴﯩﺪﯨﻦ ﮔﯧﺮﻣﺎﻧﯩﻴﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﺎﻟﻤﺎﻱ، ﻳﯧﻘﯩﻨﺪﯨﻦ ﺑﯘﻳﺎﻥ ﮔﯧﺮﻣﺎﻧﯩﻴﻪ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﮕﻪ ﻗﺎﺭﯨﺘﺎ ﺳﻮﻏﯘﻕ ﻣﯘﺋﺎﻣﯩﻠﯩﺴﯩﻨﻰ ﻫﻪﺭ ﺧﯩﻞ ﺷﻪﻛﯩﻠﻠﻪﺭﺩﻩ ﺋﯩﭙﺎﺩﯨﻠﻪﺷﻜﻪ ﺑﺎﺷﻠﯩﻐﺎﻥ.

"ﺧﯩﺘﺎﻳﻨﯩﯔ ﺋﺎﺳﯩﻴﺎﭼﻪ ﻧﺎﺯﻟﯩﻨﯩﺸﻰ"ﻧﺎﻣﻠﯩﻖ ﺧﻪﯞﻩﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﮔﯧﺮﻣﺎﻧﯩﻴﻪ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﭘﻪﺋﻪﺭ ﺳﺘﻪﺋﯩﻨﺒﺮﯛﻛﻚ ﺋﻪﭘﻪﻧﺪﯨﻨﯩﯔ ﺑﯘ ﻳﯩﻞ 12 - ﺋﺎﻳﺪﺍ ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﺷﻰ ﭘﯜﺗﯜﺷﯜﭖ ﻗﻮﻳﯘﻟﻐﺎﻥ ﺑﻮﻟﺴﯩﻤﯘ، ﺧﯩﺘﺎﻳﻨﯩﯔ ﻳﯧﯖﻰ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﺷﯩﺌﯥ ﺷﯜﺭﯦﻦ ﺑﺎﻫﺎﻧﻪ ﻛﯚﺭﺳﯩﺘﯩﭗ، ﮔﯧﺮﻣﺎﻧﯩﻴﻪ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﺑﯩﻠﻪﻥ ﺩﯦﮕﻪﻥ ﻗﻪﺭﻩﻟﺪﻩ ﻛﯚﺭﯛﺷﯜﺷﺘﯩﻦ ﺋﯚﺯﯨﻨﻰ ﻗﺎﭼﯘﺭﻏﺎﻥ.

ﺑﯘﻧﺪﯨﻦ ﺋﯩﻠﮕﯩﺮﻯ ﺧﯩﺘﺎﻱ ﺗﻪﺭﻩﭖ ﮔﯧﺮﻣﺎﻧﯩﻴﯩﺪﻩ ﭼﺎﻗﯩﺮﯨﻠﻐﺎﻥ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯔ ﺑﯩﺮ ﻗﯧﺘﯩﻤﻠﯩﻖ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺸﻨﻰ ﺭﻩﺕ ﻗﯩﻠﻐﺎﻥ. ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﭘﺎﺭﯨﮋﺩﺍ ﻣﯘﺧﺒﯩﺮﻻﺭﻏﺎ ﺑﯩﻠﺪﯛﺭﯨﺸﯩﭽﻪ، ﺑﯘ ﻗﯧﺘﯩﻢ ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﻤﺎﻗﭽﻰ ﺑﻮﻟﻐﺎﻥ ﮔﯧﺮﻣﺎﻧﯩﻴﯩﻨﯩﯔ ﻣﺎﻟﯩﻴﻪ ﻣﯩﻨﯩﺴﺘﯩﺮﻯ ﭘﻪﺋﻪﺭ ﺳﺘﻪﺋﯩﻨﺒﺮﯛﻛﻚ ﺋﻪﭘﻪﻧﺪﻯ ﺑﻮﻟﺴﺎ، ﺋﯩﻠﮕﯩﺮﻯ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﻩ ﺧﯩﺘﺎﻳﻨﻰ ﺋﻪﻳﯩﺒﻠﯩﮕﻪﻥ ﺋﯩﻜﻪﻥ. ﺋﯘﻧﯩﯔ ﺑﯘ ﻗﯧﺘﯩﻢ ﺧﯩﺘﺎﻳﺪﺍ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺯﯨﻴﺎﺭﯨﺘﯩﻨﯩﯔ ﺗﻮﺳﺎﻟﻐﯘﻏﺎ ﺋﯘﭼﺮﯨﺸﻰ، ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﻗﯩﺰﯨﻖ ﺗﯧﻤﯩﻼﺭﻧﯩﯔ ﺑﯩﺮﻯ ﺳﯜﭘﯩﺘﯩﺪﻩ ﻣﯘﻧﺎﺯﯨﺮﻩ ﻗﻮﺯﻏﯩﻐﺎﻥ.

ﺧﯩﺘﺎﻳﻨﯩﯔ ﻗﺎﻳﺘﯘﺭﻣﺎ ﻫﯘﺟﯘﻣﻰ

ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻼﺭ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﺩﺍﻻﻱ ﻻﻣﺎﻧﻰ ﻗﻮﺑﯘﻝ ﻗﯩﻠﯩﺸﻰ، ﺧﯩﺘﺎﻳﻨﯩﯔ ﺗﯩﺒﻪﺕ ﺳﯩﻴﺎﺳﯩﺘﯩﻨﯩﯔ ﻳﺎﯞﺭﯗﭘﺎﺩﺍ ﻣﻪﻏﻠﯘﭖ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ، ﺩﯦﮕﻪﻥ ﻳﻪﻛﯜﻧﻨﻰ ﭼﯩﻘﯩﺮﯨﺸﻘﺎﻥ ﺋﯩﺪﻯ. ﺋﺎﻟﺪﯨﻨﻘﻰ ﻫﻪﭘﺘﻪ ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﻰ ﺋﯧﻼﻥ ﻗﯩﻠﻐﺎﻥ " ﮔﯧﺮﻣﺎﻧﯩﻴﯩﻨﯩﯔ ﻳﯧﯖﻰ ﺋﺎﺳﯩﻴﺎ ﺋﯩﺴﺘﯩﺮﺍﺗﯧﮕﯩﻴﯩﺴﻰ"ﻧﯩﯔ ﺧﯩﺘﺎﻳﻐﺎ ﻣﯘﻧﺎﺳﯩﯟﻩﺗﻠﯩﻚ ﻗﯩﺴﻤﯩﺪﺍ، ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺑﯩﻠﻪﻥ ﺋﺎﺭﯨﻠﯩﻖ ﺳﺎﻗﻼﭖ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻧﻠﯩﻘﻰ ﺋﻪﺳﻜﻪﺭﺗﯩﻠﮕﻪﻥ. ﮔﻪﺭﭼﻪ ﻗﺎﻧﭽﯩﻠﯩﻚ ﺩﻩﺭﯨﺠﯩﺪﻩ ﯞﻩ ﻗﺎﻳﺴﻰ ﺳﺎﻫﻪﺩﻩ ﺋﺎﺭﯨﻠﯩﻖ ﺳﺎﻗﻼﻳﺪﯨﻐﺎﻧﻠﯩﻘﻰ ﺋﯧﻨﯩﻖ ﺋﯩﺰﺍﻫﻼﻧﻤﯩﻐﺎﻥ ﺑﻮﻟﺴﯩﻤﯘ، ﻣﯧﺮﻛﯧﻞ ﺧﺎﻧﯩﻤﻨﯩﯔ ﺩﺍﻻﻱ ﻻﻣﺎﻧﻰ ﻗﻮﺑﯘﻝ ﻗﯩﻠﯩﭗ ﺋﺎﺭﯨﺪﯨﻦ ﺋﯩﻜﻜﻰ ﺋﺎﻱ ﺋﯚﺗﻤﻪﻳﻼ ﺑﯘﻧﺪﺍﻕ ﺑﯩﺮ ﺗﺎﺷﻘﻰ ﺳﯩﻴﺎﺳﻪﺗﻨﻰ ﺑﻪﻟﮕﯩﻠﯩﺸﻰ ﺧﯩﺘﺎﻳﻨﯩﯔ ﺟﯧﻨﯩﻐﺎ ﺗﻪﻛﻜﻪﻥ.

ﺑﯘﻧﺪﯨﻦ ﺋﯩﻠﮕﯩﺮﻯ، ﮔﯧﺮﻣﺎﻧﯩﻴﻪ ﻫﯚﻛﯜﻣﻪﺕ ﺗﻪﺭﻩﭖ ﯞﻩ ﻣﻪﺗﺒﯘﺋﺎﺗﻼﺭ ﺧﯩﺘﺎﻳﻨﯩﯔ ﮔﯧﺮﻣﺎﻧﯩﻴﻪ ﺗﺎﯞﺍﺭﻟﯩﺮﯨﻨﻰ ﺗﻪﻗﻠﯩﺖ ﻗﯩﻠﯩﭗ ﻛﯚﭼﯜﺭﯛﭖ ﻳﺎﺳﯩﺸﻰ، ﮔﯧﺮﻣﺎﻧﯩﻴﯩﻨﯩﯔ ﺗﯧﺨﻨﯩﻜﯩﻠﯩﺮﯨﻨﻰ ﺋﻮﻏﺮﯨﻠﯩﺸﻰ، ﺧﯩﺘﺎﻱ ﺗﺎﯞﺍﺭﻟﯩﺮﯨﻨﯩﯔ ﺳﺎﺧﺘﯩﻠﯩﻘﻰ، ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﺟﺎﺳﯘﺳﻠﯘﻗﻰ ﯞﻩ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﺳﺎﻫﻪﻟﻪﺭﺩﻩ ﺧﯩﺘﺎﻳﻨﻰ ﺋﻪﻳﯩﺒﻠﻪﻳﺪﯨﻐﺎﻥ ﻫﻪﺭ ﺧﯩﻞ ﺑﺎﻳﺎﻧﻼﺭﻧﻰ ﺋﯧﻼﻥ ﻗﯩﻠﯩﭗ ﻛﻪﻟﮕﻪﻥ ﺋﯩﺪﻯ. ﮔﯧﺮﻣﺎﻧﯩﻴﻪ ﺗﻪﺭﻩﭘﻨﯩﯔ ﺑﯘ ﻣﯘﺋﺎﻣﯩﻠﯩﺴﻰ ﺋﻪﻣﺪﻯ ﺧﯩﺘﺎﻳﻨﯩﯔ ﻗﺎﻳﺘﯘﺭﻣﺎ ﻫﯘﺟﯘﻣﯩﻐﺎ ﺳﻪﯞﻩﺏ ﺑﻮﻟﻐﺎﻥ.

17 - ﻧﻮﻳﺎﺑﯩﺮ ﻛﯜﻧﻰ، " ﺑﯧﺮﻟﯩﻨﻠﯩﻘﻼﺭ ﮔﯧﺰﯨﺘﻰ" ﺩﻩ "ﺳﺘﻪﺋﯩﻨﻤﻪﺋﯩﺮ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻨﯩﯔ ﺟﯩﺪﺩﯨﻴﻠﯩﺸﯩﭗ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﻤﻪﻛﺘﻪ" ﻧﺎﻣﻠﯩﻖ ﺑﯩﺮ ﺧﻪﯞﻩﺭ ﺋﯧﻼﻥ ﻗﯩﻠﯩﻨﻐﺎﻥ. ﺧﻪﯞﻩﺭﺩﻩ ﻳﯧﺰﯨﻠﯩﺸﯩﭽﻪ، ﮔﯧﺮﻣﺎﻧﯩﻴﯩﻨﯩﯔ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺳﺘﻪﺋﯩﻨﻤﻪﺋﯩﺮ ﺋﻪﭘﻪﻧﺪﻯ ﭘﺎﺭﯨﮋﺩﺍ ﭼﺎﻗﯩﺮﯨﻠﻐﺎﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﺪﯨﻜﻰ ﺳﻮﻏﯘﻗﭽﯩﻠﯩﻖ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ: " ﺑﯩﺰ ﺧﯩﺘﺎﻱ ﺑﯩﻠﻪﻥ ﺋﻮﺑﺪﺍﻧﻼ ﺗﯩﺮﻛﻪﺷﺘﯘﻕ، ﺋﻪﭘﺴﯘﺳﻜﻰ ﺑﯘ ﺑﯩﺮ ﺭﯦﺌﺎﻟﻠﯩﻖ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﺑﯩﺮ ﻗﺎﻧﭽﻪ ﻛﯜﻥ ﺋﯩﻠﮕﯩﺮﻯ، ﮔﯧﺮﻣﺎﻧﯩﻴﯩﻨﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﺷﺮﯙﺩﯦﺮ ﺋﻪﭘﻪﻧﺪﯨﻤﯘ ﻣﯩﻨﯩﺴﺘﯩﺮﻻﺭ ﻣﻪﻫﻜﯩﻤﯩﺴﯩﺪﻩ، ﺋﺎﻧﮕﯧﻼ ﻣﯧﺮﻛﯧﻞ ﺧﺎﻧﯩﻤﻨﯩﯔ ﺩﺍﻻﻱ ﻻﻣﺎﻧﻰ ﻗﻮﺑﯘﻝ ﻗﯩﻠﯩﭗ، ﺧﺎﺗﺎ ﻗﯩﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻐﺎﻥ ﺋﯩﺪﻯ. ﺧﻪﯞﻩﺭﺩﻩ ﻳﻪﻧﻪ، ﺧﯩﺘﺎﻱ ﺗﻪﺭﻩﭘﻨﯩﯔ ﺩﺍﻻﻱ ﻻﻣﺎﻧﻰ ﺑﯚﻟﮕﯜﻧﭽﯩﻠﯩﻜﺘﻪ ﺋﻪﻳﯩﺒﻠﻪﻳﺪﯨﻐﺎﻧﻠﯩﻘﻰ، ﺗﯩﺒﻪﺗﻨﻰ ﺧﯩﺘﺎﻳﺪﯨﻦ ﺋﺎﻳﺮﯨﭗ ﭼﯩﻘﻤﺎﻗﭽﻰ ﺑﻮﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻧﻠﯩﻘﻰ ﯞﻩ ﺗﯩﺒﻪﺗﻨﻰ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻤﯘ ﺋﻪﺳﻜﻪﺭﺗﯩﻠﮕﻪﻥ.

ﺋﺎﻧﮕﯧﻼ ﻣﯧﺮﻛﯧﻞ ﻗﻮﻟﻼﺷﻘﺎ ﺋﯧﺮﯨﺸﻤﻪﻛﺘﻪ

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ، ﺑﯩﺮ ﻗﯩﺴﯩﻢ ﺳﯩﻴﺎﺳﻪﺗﭽﯩﻠﻪﺭ ﺋﺎﻧﮕﯧﻼ ﻣﯧﺮﻛﯧﻞ ﻫﯚﻛﯜﻣﯩﺘﯩﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﮕﻪ ﺯﯨﻴﺎﺩﻩ ﺋﯧﻐﯩﺮﻟﯩﻖ ﺑﯧﺮﯨﭗ، ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻜﻪ ﺳﻪﻝ ﻗﺎﺭﺍﯞﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﺸﻤﺎﻗﺘﺎ. ﺋﻪﻣﻤﺎ ﻛﯚﭘﻠﯩﮕﻪﻥ ﺋﺎﻧﺎﻟﯩﺰﭼﯩﻼﺭﻧﯩﯔ ﻗﺎﺭﯨﺸﯩﭽﻪ، ﺋﺎﻧﮕﯧﻼ ﻣﯧﺮﻛﯧﻞ ﺧﺎﻧﯩﻤﻨﯩﯔ ﺗﯘﺗﯘﯞﺍﺗﻘﺎﻥ ﻳﻮﻟﯩﻨﻰ ﮔﯧﺮﻣﺎﻧﯩﻴﻪ ﭘﯘﻗﺮﺍﻟﯩﺮﻯ ﻗﻮﻟﻼﻳﺪﯨﻐﺎﻥ ﺑﻮﻟﯘﭖ، ﺧﻪﻟﻘﺌﺎﺭﺍﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﯨﻤﯘ ﻣﻪﺩﻫﯩﻴﯩﻠﯩﻤﻪﻛﺘﻪ ﺋﯩﻜﻪﻥ.

ﺋﺎﻧﮕﯧﻼ ﻣﯧﺮﻛﯧﻠﻨﯩﯔ ﺋﺎﻣﯧﺮﯨﻜﺎ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻨﻰ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﯩﻦ ﺋﯜﺳﺘﯜﻥ ﺋﻮﺭﯗﻧﻐﺎ ﻗﻮﻳﯘﺷﻰ، ﺧﯩﺘﺎﻳﻐﺎ ﻗﺎﺭﯨﺘﺎ ﻳﯧﯖﻰ ﺳﯩﻴﺎﺳﻪﺕ ﺑﻪﻟﮕﯩﻠﯩﺸﻰ، ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﺋﻪﻳﯩﺒﻠﻪﻳﺪﯨﻐﺎﻥ ﻣﻪﻳﺪﺍﻧﯩﻨﻰ ﺋﯚﺯﮔﻪﺭﺗﻤﻪﺳﻠﯩﻜﻰ ﯞﻩ ﺧﯩﺘﺎﻳﻨﯩﯔ ﺑﯘﻧﯩﯖﻐﺎ ﻗﺎﺭﯨﺘﺎ ﺋﯩﻨﻜﺎﺳﻠﯩﺮﻯ ﺧﯩﺘﺎﻱ - ﮔﯧﺮﻣﺎﻧﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﺪﯨﻜﻰ ﺋﺎﻟﺘﯘﻥ ﺩﻩﯞﺭﯨﻨﯩﯔ ﺋﺎﺧﯩﺮﻻﺷﻘﺎﻧﻠﯩﻘﯩﺪﯨﻦ ﺑﯩﺸﺎﺭﻩﺕ ﺑﻪﺭﻣﻪﻛﺘﻪ. (ﺋﻪﻛﺮﻩﻡ)