ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ ﻫﻪﻗﻘﯩﺪﯨﻜﻰ 2008- ﻳﯩﻠﻠﯩﻖ ﺩﻭﻛﻼﺗﻰ ﺋﯩﻨﻜﺎﺱ ﻗﻮﺯﻏﯩﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

3- ﻣﺎﺭﺕ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﭘﻪﻧﺘﯧﮕﺎﻥ ﺗﻪﻳﻴﺎﺭﻻﭖ ﺩﯙﻟﻪﺕ ﻣﻪﺟﻠﯩﺴﯩﮕﻪ ﺳﯘﻧﻐﺎﻥ ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ ﻫﻪﻗﻘﯩﺪﯨﻜﻰ 2008- ﻳﯩﻠﻠﯩﻖ ﺩﻭﻛﻼﺗﯩﺪﺍ، ﺧﯩﺘﺎﻳﻨﯩﯔ ﻫﻪﺭ ﻳﯩﻠﻰ ﻫﻪﺭﺑﯩﻲ ﺳﯩﯧﻠﯩﻨﻤﯩﺴﯩﻨﻰ ﺋﺎﺷﯘﺭﯗﭖ، ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﯩﻨﯩﯔ ﻛﯚﻟﯩﻤﻰ ﻛﯧﯖﻪﻳﺘﯩﭗ، ﺋﻪﻣﻤﺎ ﺑﯘ ﻫﻪﻗﺘﯩﻜﻰ ﺧﺎﻡ ﭼﻮﺗﯩﻨﻰ ﺳﯩﺮﺗﻘﻰ ﺩﯗﻧﻴﺎﺩﯨﻦ ﻣﻪﺧﭙﯩﻲ ﺗﯘﺗﯘﭖ ﻛﯧﻠﯩﺸﻰ ﺋﺎﺳﯩﻴﺎ ﻗﯩﺘﺌﻪﺳﯩﻨﯩﯔ ﻣﯘﻗﯩﻤﻠﯩﻘﻰ ﯞﻩ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺳﺎﻟﻤﺎﻗﺘﺎ ﺩﻩﭖ ﻛﯚﺭﺳﻪﺗﻜﻪﻥ.

ﺧﯩﺘﺎﻳﻨﯩﯔ ﺋﯧﻼﻥ ﻗﯩﻠﻐﺎﻥ ﻫﻪﺭﺑﯩﻲ ﺧﺎﻡ ﭼﻮﺗﯩﺪﯨﻜﻰ ﺋﻮﻣﯘﻣﻰ ﺳﻮﻣﻤﺎ ﻫﻪﻗﯩﻘﯩﻲ ﺋﻪﻣﻪﺱ

ﺩﻭﻛﻼﺕ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﺷﻪﺭﻗﯩﻲ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺩﯨﺮﯦﻜﺘﻮﺭ ﻳﺎﺭﺩﻩﻣﭽﯩﺴﻰ ﺩﺍﯞﯨﺪ ﺳﯩﺪﻧﯧﻲ ﺋﻪﭘﻪﻧﺪﻯ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺧﯩﺘﺎﻳﻨﻰ ﻫﻪﺭﺑﯩﻲ ﺳﺎﻫﻪﺳﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺯﺍﻣﺎﻧﯩﯟﯨﻼﺷﺘﯘﺭﯗﺵ ﻗﯘﺭﯗﻟﯘﺷﯩﻨﯩﯔ ﻏﻪﺭﯨﺰﻯ، ﺋﯩﺴﺘﯩﺮﺍﺗﯧﮕﯩﻴﯩﺴﻰ ﯞﻩ ﻫﻪﻗﯩﻘﯩﻲ ﺋﯩﻘﺘﯩﺪﺍﺭﻯ ﺗﻮﻏﺮﯨﺴﯩﺪﺍ ﭼﯜﺷﯩﻨﯩﺶ ﺩﻩﺭﯨﺠﯩﺴﯩﻨﯩﯔ ﭼﻪﻛﻠﯩﻤﯩﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ ﯞﻩ ﺷﯘ ﺳﻪﯞﻩﺑﺘﯩﻦ ﺩﻭﻛﻼﺗﺘﺎ ﺑﻪﺯﻯ ﻳﯧﺘﻪﺭﺳﯩﺰﻟﯩﻜﻠﻪﺭﻧﯩﯔ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﯩﻤﯘ ﻗﻮﺷﯘﻣﭽﻪ ﻗﯩﻠﺪﻯ.

ﺩﻭﻛﻼﺗﺘﺎ ﮔﻪﺭﭼﻪ، ﺧﯩﺘﺎﻱ ﺋﯚﺯﯨﻨﯩﯔ 2007- ﻳﯩﻠﻠﯩﻖ ﻫﻪﺭﺑﯩﻲ ﺧﺎﻣﭽﻮﺗﯩﻨﻰ 2006- ﻳﯩﻠﺪﯨﻜﯩﮕﻪ ﻗﺎﺭﯨﻐﺎﻥ 19.47 ﭘﯩﺮﺳﻪﻧﺘﻜﻪ ﺋﯚﺳﺘﯜﺭﯛﭖ 45.99 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﻪﺗﻜﯜﺯﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﻪﺭﺑﯩﻲ ﺧﺎﻡ ﭼﻮﺗﯩﺪﯨﻜﻰ ﺋﻮﻣﯘﻣﯩﻲ ﺳﯧﻠﯩﻨﻤﯩﺴﻰ ﺟﻪﻫﻪﺗﺘﯩﻜﻰ ﺋﯘﭼﯘﺭﻻﺭﻧﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﻐﺎﻧﻠﯩﻘﺘﯩﻦ ﺋﻮﻣﯘﻣﻰ ﺳﻮﻣﻤﯩﻨﯩﯔ ﻫﻪﻗﯩﻘﯩﻲ ﺑﻮﻟﯘﺷﯩﻐﺎ ﺋﯩﺸﻪﻧﮕﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﻣﯚﻟﭽﻪﺭ ﯞﻩ ﺑﺎﺷﻘﺎ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻠﯩﻨﯩﭗ ﺧﯩﺘﺎﻳﻨﯩﯔ 2007- ﻳﯩﻠﻠﯩﻖ ﻫﻪﺭﺑﯩﻲ ﺧﺎﻡ ﭼﻮﺗﯩﻨﯩﯔ 97 ﻣﯩﻠﻴﺎﺭﺗﺘﯩﻦ 139 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺋﻪﺗﺮﺍﭘﯩﺪﺍ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﺩﺍﯞﯨﺪ ﺳﯩﺪﻧﯧﻲ ﺋﻪﭘﻪﻧﺪﻯ:"ﺑﯘ ﺩﻭﻛﻼﺕ ﺋﺎﻣﯧﺮﯨﻜﯩﻨﯩﯔ ﺋﻮﺭﺗﺎﻕ ﺗﻮﻧﯘﺷﯩﻨﯩﯔ ﻣﻪﻫﺴﯘﻟﻰ "

ﺩﺍﯞﯨﺪ ﺳﯩﺪﻧﯧﻲ ﺋﻪﭘﻪﻧﺪﻯ، ﻣﻪﺯﻛﯘﺭ ﺩﻭﻛﻼﺗﻨﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺋﯩﻘﺘﯩﺪﺍﺭﻯ ﻫﻪﻗﻘﯩﺪﯨﻜﻰ ﺋﻮﺭﺗﺎﻕ ﺗﻮﻧﯘﺷﯩﻨﯩﯔ ﻣﻪﻫﺴﯘﻟﻰ ﺋﯩﻜﻪﻧﻠﯩﻜﯩﻨﻰ، ﺑﯘ ﺩﻭﻛﻼﺗﻨﻰ ﺗﻪﻳﻴﺎﺭﻻﺷﻘﺎ، ﺋﺎﻗﺴﺎﺭﺍﻱ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ، ﯞﻩ ﺋﺎﻣﯧﺮﯨﻜﯩﻨﯩﯔ ﺋﺎﻻﻗﯩﺪﺍﺭ ﺋﺎﺧﺒﺎﺭﺍﺕ ﺗﻪﻣﯩﻨﻠﻪﺵ ﺋﻮﺭﮔﺎﻧﻠﯩﺮﯨﻤﯘ ﺋﻮﺭﺗﺎﻕ ﻗﺎﺗﻨﺎﺷﻘﺎﻥ ﺑﻮﻟﻐﺎﭼﻘﺎ، ﺑﯘﻧﻰ ﻳﺎﻟﻐﯘﺯ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﻳﻪﻛﻜﻪ ﻣﻪﻳﺪﺍﻧﻰ ﺩﻩﭖ ﺋﯧﻴﺘﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺋﯘ ﻳﻪﻧﻪ، ﻣﻪﺯﻛﯘﺭ ﺩﻭﻛﻼﺗﻨﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺋﯩﻘﺘﯩﺪﺍﺭﯨﻨﻰ ﺋﺎﺩﯨﻞ ﯞﻩ ﻫﻪﻗﯩﻘﯩﻲ ﺑﺎﻫﺎﻻﭖ ﭼﯩﻘﯩﺶ ﺋﯜﭼﯜﻥ ﺯﻭﺭ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﭼﯩﯔ ﮔﺎﯓ:" ﺑﯘ ﺧﯩﺘﺎﻱ ﺗﻪﻫﺪﯨﺖ ﻧﻪﺯﯨﺮﯨﻴﯩﺴﯩﻨﻰ ﺗﻪﺭﻏﯩﭗ ﻗﯩﻠﻐﺎﻧﻠﯩﻖ "

ﻫﺎﻟﺒﯘﻛﻰ، ﺑﯜﮔﯜﻥ ﺋﻪﺗﯩﮕﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ،ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﺋﺎﻟﺪﯨﻨﻘﻰ ﻛﯜﻧﻰ ﺋﯧﻼﻥ ﻗﯩﻠﻐﺎﻥ " ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ ﻫﻪﻗﻘﯩﺪﯨﻜﻰ ﻳﯩﻠﻠﯩﻖ ﺩﻭﻛﻼﺕ" ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯘﺭ ﺩﻭﻛﻼﺗﻨﻰ ﺋﯧﻼﻥ ﻗﯩﻠﯩﺸﻰ " ﻫﻪﻗﯩﻘﻪﺗﻨﻰ ﺋﯧﻐﯩﺮ ﺑﯘﺭﻣﯩﻠﯩﻐﺎﻧﻠﯩﻖ، ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﯩﻐﺎ ﻗﻮﭘﺎﻟﻠﯩﻖ ﺑﯩﻠﻪﻥ ﺋﺎﺭﯨﻼﺷﻘﺎﻧﻠﯩﻖ ﯞﻩ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺕ ﺋﯚﻟﭽﻪﻣﻠﯩﺮﯨﮕﻪ ﺧﯩﻼﭘﻠﯩﻖ ﻗﯩﻠﻐﺎﻧﻠﯩﻖ" ﺩﯦﺪﻯ.

ﺏ ﺏ ﺱ ﺩﺍ ﻧﻪﻗﯩﻞ ﺋﯧﻠﯩﻨﯩﺸﯩﭽﻪ، ﭼﯩﯔ ﮔﺎﯓ ﺋﺎﻣﯧﺮﯨﻜﺎ 3- ﻣﺎﺭﺕ ﺋﯧﻼﻥ ﻗﯩﻠﻐﺎﻥ ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ ﻫﻪﻗﻘﯩﺪﯨﻜﻰ ﺩﻭﻛﻼﺕ ﻫﻪﻗﻘﯩﺪﻩ ﺳﻮﺭﺍﻟﻐﺎﻥ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﯨﭗ، ﺑﯘ ﺩﻭﻛﻼﺗﻨﯩﯔ ﺋﯧﻼﻥ ﻗﯩﻠﯩﻨﯩﺸﻰ "ﺧﯩﺘﺎﻱ ﺗﻪﻫﺪﯨﺖ ﻧﻪﺯﯨﺮﯨﻴﯩﺴﻰ" ﻧﻰ ﺗﻪﺭﻏﯩﭗ ﻗﯩﻠﻐﺎﻧﻠﯩﻖ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ:" ﺑﯘ ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﻰ ﺗﻪﭘﻪﻛﻜﯘﺭ ﺋﻪﻧﺪﯨﺰﯨﺴﻰ "

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺋﺎﻣﯧﺮﯨﻜﯩﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﯩﻤﯘ ﺋﺎﻣﯧﺮﯨﻜﺎ ﺋﯧﻼﻥ ﻗﯩﻠﻐﺎﻥ ﻳﯘﻗﯩﺮﯨﻘﻰ ﺩﻭﻛﻼﺗﻘﺎ ﻗﺎﺭﯨﺘﺎ ﻛﯜﭼﻠﯜﻙ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﻳﯟﻩﻧﮕﻪ ﻗﺎﺭﺷﻰ ﻫﻪﺭﺑﯩﻲ ﻫﺎﺯﯨﺮﻟﯩﻖ ﻛﯚﺭﯛﺷﻜﻪ ﻫﻮﻗﯘﻗﻠﯘﻕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﯞﺍﯓ ﺑﺎﯞﺩﯗﯓ "ﺗﻪﻳﯟﻩﻧﻨﯩﯔ ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﻗﯩﺴﻤﻰ" ﺋﯩﻜﻪﻧﻠﯩﻜﯩﻨﻰ ﻫﻪﻣﺪﻩ ﺧﯩﺘﺎﻳﻨﯩﯔ ﺑﯩﺮ ﭘﯜﺗﯜﻥ ﺋﯩﮕﯩﻠﯩﻚ ﻫﻮﻗﯘﻗﯩﻐﺎ ﺋﯩﮕﻪ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺩﯙﻟﻪﺕ ﻣﯘﺩﺍﭘﯩﺌﻪﺳﯩﮕﻪ ﺯﯙﺭﯛﺭ ﻫﺎﺯﯨﺮﻟﯩﻘﻼﺭﻧﻰ ﻛﯚﺭﯛﺷﻜﻪ ﻫﻮﻗﯘﻗﻠﯘﻕ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ.

ﯞﺍﯓ ﺑﺎﯞﺩﯗﯓ ﻳﻪﻧﻪ، ﺋﺎﻣﯧﺮﯨﻜﺎ ﺋﯧﻼﻥ ﻗﯩﻠﻐﺎﻥ ﻳﯘﻗﯩﺮﯨﻘﻰ ﺩﻭﻛﻼﺗﻨﯩﯔ "ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﯩﻐﺎ ﻗﻮﭘﺎﻟﻠﯩﻖ ﺑﯩﻠﻪﻥ ﺋﺎﺭﯨﻼﺷﻘﺎﻧﻠﯩﻖ ﺑﻮﻟﯘﭖ، ﺗﯩﭙﯩﻚ ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﻰ ﺗﻪﭘﻪﻛﻜﯘﺭ ﺋﻪﻧﺪﯨﺰﯨﺴﻰ " ﻧﻰ ﺋﻪﻛﺲ ﺋﻪﺗﺘﯜﺭﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﯩﺘﺎﻱ ﺋﺎﻣﯧﺮﯨﻜﯩﻨﯩﯔ ﻫﻪﺭﺑﯩﻲ ﺋﺎﺭﯨﻠﯩﺸﯩﺶ ﻫﻪﺭﯨﻜﯩﺘﯩﮕﻪ ﺗﺎﻗﺎﺑﯩﻞ ﺗﯘﺭﯗﺵ ﺋﯩﻘﺘﯩﺪﺍﺭﯨﻨﻰ ﻳﯧﺘﯩﻠﺪﯛﺭﯛﺵ ﺋﯜﭼﯜﻥ ﺗﯩﺮﯨﺸﯩﯟﺍﺗﯩﺪﯗ

ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ 3- ﻣﺎﺭﺕ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﺋﯘﭼﯘﺭ ﺗﻪﺗﻘﯩﻘﺎﺕ ﺋﻮﺭﮔﯩﻨﯩﻨﯩﯔ 2007- ﻳﯩﻠﻰ 11- ﺋﺎﻳﺪﯨﻜﻰ ﻣﯚﻟﭽﯩﺮﯨﮕﻪ ﺋﺎﺳﺎﺳﻠﯩﻨﯩﭗ، ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 990 ﺩﯨﻦ 1070 ﺩﺍﻧﯩﻐﯩﭽﻪ ﻗﯩﺴﻘﺎ ﻣﯘﺳﺎﭘﯩﻠﯩﻚ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺴﻰ ﺑﺎﺭﻟﯩﻘﻰ، ﺧﯩﺘﺎﻳﻨﯩﯔ ﺑﯘ ﺳﺎﻧﻨﻰ ﻫﻪﺭ ﻳﯩﻠﻰ 100 ﺩﺍﻧﯩﺪﯨﻦ ﻛﯚﭘﻪﻳﺘﯩﺶ ﺳﯜﺭﺋﯩﺘﻰ ﺑﯘﻳﯩﭽﻪ ﺋﺎﻣﺒﺎﺭﻻﺷﺘﯘﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﻰ، ﺋﯘﻧﯩﯖﺪﯨﻦ ﺑﺎﺷﻘﺎ، ﺧﯩﺘﺎﻳﻨﯩﯔ ﺋﻮﺗﺘﯘﺭﺍ- ﻳﯧﺮﺍﻕ ﻣﯘﺳﺎﭘﯩﻠﯩﻚ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﺪﯨﻦ ﺑﺎﺷﻘﺎ ﻳﻪﻧﻪ، ﻳﺎﺩﺭﻭ ﺋﻮﻕ ﺑﯧﺸﻰ ﺋﯧﻠﯩﭗ ﻳﯜﺭﯛﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﺑﻮﻣﺒﯩﻠﯩﺮﻯ ﺑﺎﺭﻟﯩﻘﯩﻤﯘ ﺗﻪﭘﺴﯩﻠﯩﻲ ﺳﺎﻧﻠﯩﻖ ﻣﻪﻟﯘﻣﺎﺕ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﯞﻩ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 1- ﺋﻪﯞﻻﺩ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻨﯩﯔ ﺩﻩﻝ ﺗﯧﮕﯩﺶ ﺋﯩﻘﺘﯩﺪﺍﺭﻯ ﺗﯚﯞﻩﻥ ﺑﻮﻟﻐﺎﻧﻠﯩﻘﯩﺪﯨﻦ ﺧﯩﺘﺎﻳﻨﯩﯔ ﺑﯘ ﺑﻮﻣﺒﯩﻠﯩﺮﯨﻨﻰ ﺋﯩﻠﻐﺎﺭﻻﺷﺘﯘﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺩﻭﻛﻼﺗﺘﺎ ﻳﻪﻧﻪ ، ﺧﯩﺘﺎﻳﻨﯩﯔ ﻳﯧﻘﯩﻦ ﻣﻪﺯﮔﯩﻠﻠﯩﻚ ﻣﻪﻗﺴﯩﺘﻰ ﺑﻮﻟﺴﺎ، ﺗﻪﻳﯟﻩﻥ ﺑﻮﻏﯘﺯﯨﺪﺍ ﻳﯜﺯ ﺑﯧﺮﯨﺶ ﺋﯧﻬﯩﺘﻤﺎﻟﻠﯩﻘﻰ ﺑﻮﻟﻐﺎﻥ ﺋﯘﺭﯗﺷﻘﺎ ﯞﻩ ﺋﺎﻣﯧﺮﯨﻜﯩﻨﯩﯔ ﻫﻪﺭﺑﯩﻲ ﺋﺎﺭﯨﻠﯩﺸﯩﺶ ﻫﻪﺭﯨﻜﯩﺘﯩﮕﻪ ﺗﺎﻗﺎﺑﯩﻞ ﺗﯘﺭﯗﺵ ﺋﯩﻘﺘﯩﺪﺍﺭﯨﻨﻰ ﻫﻪﻣﺪﻩ ﻳﻪﻧﻪ ﺋﯧﻨﯧﺮﮔﯩﻴﻪ ﺑﯩﺨﻪﺗﻪﺭﻟﯩﻜﻰ ﯞﻩ ﺯﯦﻤﯩﻦ ﺩﻩﺗﺎﻻﺷﻠﯩﺮﯨﻐﺎ ﺋﯩﻨﻜﺎﺱ ﻗﺎﻳﺘﯘﺭﯗﺵ ﺋﯩﻘﺘﯩﺪﺍﺭﯨﻨﻰ ﻳﯧﺘﯩﻠﺪﯛﺭﯛﺵ ﺋﯜﭼﯜﻥ ﺗﯩﺮﯨﺸﯩﯟﺍﺗﻘﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. (ﺟﯜﻣﻪ)