ﮔﯧﺮﻣﺎﻧﯩﻴﻪ ﺗﻪﺷﯟﯨﻘﺎﺕ ﯞﺍﺳﯩﺘﯩﻠﯩﺮﯨﺪﺍ ﺧﯩﺘﺎﻳﻼﺭﻧﯩﯔ ﻣﻪﺩﻩﻧﯩﻴﻪﺗﺴﯩﺰﻟﯩﻜﻰ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺷﻪﻫﻪﺭ ﺋﺎﻫﺎﻟﯩﺴﯩﻐﺎ ﻗﺎﺭﯨﺘﺎ ﻣﻪﺩﻩﻧﯩﻴﻪﺗﻠﯩﻚ ﺑﻮﻟﯘﺵ ﺗﻪﺷﯟﯨﻘﺎﺗﯩﻨﻰ ﻗﺎﻧﺎﺕ ﻳﺎﻳﺪﯗﺭﻏﺎﻥ. "ﺋﻮﻟﯩﻤﭙﯩﻜﻨﻰ ﻛﯜﺗﯜﯞﯦﻠﯩﺶ، ﻣﻪﺩﻩﻧﯩﻴﻪﺗﻠﯩﻚ ﺑﻮﻟﯘﺵ، ﻳﯧﯖﻰ ﺋﯩﺴﺘﯩﻞ ﺗﯩﻜﻠﻪﺵ" ﺷﯘﺋﺎﺭﻯ ﺋﺎﺳﺘﯩﺪﺍ ﻗﺎﻧﺎﺕ ﻳﺎﻳﺪﯗﺭﯨﻠﯩﯟﺍﺗﻘﺎﻥ ﺑﯘ ﻫﻪﺭﯨﻜﻪﺕ ﭼﻪﺗﺌﻪﻟﻠﯩﻚ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺟﻪﻟﯩﭗ ﻗﯩﻠﻐﺎﻥ.

ﺧﯩﺘﺎﻱ ﺋﺎﻟﺪﻯ ﺑﯩﻠﻪﻥ ﺋﯚﺯﯨﻨﻰ ﺋﯩﺴﻼﻫ ﻗﯩﻠﯩﺸﻰ ﻛﯧﺮﻩﻙ

ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻨﯩﯔ 12 - ﺋﺎﻳﻨﯩﯔ 12 - ﻛﯜﻧﯩﺪﯨﻜﻰ "ﺧﺎﻟﯩﻐﺎﻧﭽﻪ ﺗﯜﻛﯜﺭﯛﺵ -- ﺋﺎﻻﻫﯩﺪﻩ ﺗﻪﻧﻬﻪﺭﯨﻜﻪﺕ" ﻧﺎﻣﻠﯩﻖ ﺧﻪﯞﯨﺮﯨﺪﻩ، ﺧﯩﺘﺎﻳﺪﯨﻜﻰ ﺋﻪﯓ ﻣﻪﺩﻩﻧﯩﻴﻪﺗﻠﯩﻚ ﺷﻪﻫﻪﺭ ﺋﺎﻫﺎﻟﯩﺴﻰ ﻫﯧﺴﺎﺑﻼﻧﻐﺎﻥ ﺑﯧﻴﺠﯩﯖﻠﯩﻘﻼﺭﻧﯩﯔ ﺧﺎﻟﯩﻐﺎﻥ ﭼﺎﻏﺪﺍ ﮔﯧﻠﯩﻨﻰ ﻗﺎﺗﺘﯩﻖ ﻗﯩﺮﯨﭗ، ﺧﺎﻟﯩﻐﺎﻥ ﻳﻪﺭﮔﻪ ﺗﯜﻛﯜﺭﯨﺪﯨﻐﺎﻥ ﺳﻪﺕ ﺋﺎﺩﻩﺗﻠﯩﺮﻯ ﺋﯜﺳﺘﯩﺪﻩ ﺋﯘﺯﯗﻥ ﺗﻮﺧﺘﺎﻟﻐﺎﻥ. ﺑﻪﺯﻯ ﮔﯧﺮﻣﺎﻧﯩﻴﯩﻠﯩﻜﻠﻪﺭ ﺑﯘ ﻫﻪﻗﺘﯩﻜﻰ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﺋﯚﺗﻜﻪﻥ. ﻣﻪﺯﻛﯘﺭ ﺭﺍﺩﯨﺌﻮﻧﯩﯔ ﺑﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ ﻳﻪﻧﻪ ﺑﯩﺮ ﺧﻪﯞﯨﺮﯨﮕﻪ "ﺟﯘﯕﮕﻮﻟﯘﻗﻼﺭ ﭼﺎﻳﻨﻰ ﻛﯚﭖ ﺋﯩﭽﯩﺪﯗ، ﺗﻮﭘﻠﯩﺸﯩﭗ ﺗﺎﻣﺎﻕ ﻳﻪﻳﺪﯗ، ﺑﺎﺭﻣﺎﻗﻠﯩﺮﯨﻨﻰ ﺋﯘﺭﯨﺪﯗ،" ﺩﻩﭖ ﻣﺎﯞﺯﯗ ﻗﻮﻳﯘﻟﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﻛﯩﺸﯩﻨﻰ ﻳﯩﺮﮔﻪﻧﺪﯛﺭﯨﺪﯨﻐﺎﻥ ﻗﯩﻠﯩﻘﺴﯩﺰﻟﯩﻘﻠﯩﺮﻯ ﺑﺎﻳﺎﻥ ﻗﯩﻠﯩﻨﻐﺎﻥ.

ﺑﺎﺵ ﺷﯩﺘﺎﺑﻰ ﺑﯧﺮﻟﯩﻨﺪﯨﻜﻰ "ﺑﯩﺨﻪﺗﻪﺭﻟﯩﻚ ﯞﻩ ﻛﯚﺯﯨﺘﯩﺶ ﻣﻪﺭﻛﯩﺰﻯ" ﻧﯩﯔ ﺧﯩﺰﻣﻪﺗﭽﻰ ﺧﺎﺩﯨﻤﻰ ﺩﺍﻣﻪﻧﻰ ﺋﻪﭘﻪﻧﺪﻯ، ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﯨﻨﯩﯔ ﻣﻪﺩﻩﻧﯩﻴﻪﺗﺴﯩﺰﻟﯩﻜﻰ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ: " ﺧﯩﺘﺎﻱ ﺷﻪﻫﻪﺭ ﻗﯩﻴﺎﭘﯩﺘﯩﻨﻰ ﺋﯚﺯﮔﻪﺭﺗﯩﺸﺘﯩﻦ ﺋﯩﻠﮕﯩﺮﻯ، ﺋﯚﺯﯨﻨﯩﯔ ﻧﺎﭼﺎﺭ ﺋﯩﻠﻠﻪﺗﻠﯩﺮﯨﻨﻰ ﺋﯚﺯﮔﻪﺭﺗﯩﺸﻰ ﻛﯧﺮﻩﻙ. ﺳﺎﻧﺎﺋﯩﺘﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﺘﯩﻦ ﺋﺎﯞﺍﻝ، ﺋﺎﯓ - ﺳﻪﯞﯨﻴﯩﺴﯩﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻰ ﻻﺯﯨﻢ. ﺑﯩﺰ ﺧﯩﺘﺎﻳﻨﯩﯔ ﺗﻪﺭﻩﻗﻘﻰ ﻗﯩﻠﻐﺎﻥ - ﻗﯩﻠﻤﯩﻐﺎﻧﻠﯩﻘﯩﻐﺎ ﺑﺎﻫﺎ ﺑﯧﺮﯨﺸﺘﻪ ﺑﯧﻴﺠﯩﯔ، ﺷﺎﯕﺨﻪﻳﻠﻪﺭﺩﯨﻜﻰ ﻫﻪﺷﻪﻣﻪﺗﻠﯩﻚ ﺑﯩﻨﺎﻻﺭﻏﺎ، ﺧﯩﺘﺎﻱ ﺩﯙﻟﯩﺘﯩﻨﯩﯔ ﻳﯩﻠﻠﯩﻖ ﺋﯧﻜﯩﺴﭙﻮﺭﺕ ﺳﻮﻣﻤﯩﺴﯩﻐﺎ ﺋﻪﻣﻪﺱ، ﺑﻪﻟﻜﻰ ﺋﺎﺩﻩﻣﻠﯩﺮﯨﻨﯩﯔ ﻣﻪﺩﻩﻧﯩﻴﻪﺕ ﺳﻪﯞﯨﻴﯩﺴﯩﮕﻪ ﻗﺎﺭﺍﻳﻤﯩﺰ. ﻫﺎﻟﺒﯘﻛﻰ، ﺑﯩﺰﻧﯩﯔ ﺑﯜﮔﯜﻥ ﻛﯚﺭﯨﯟﺍﺗﻘﺎﻧﻠﯩﺮﯨﻤﯩﺰ ﻛﻮﻣﻤﯘﻧﯩﺴﺘﯩﻚ ﺋﺎﯓ، ﻫﻪﻗﺴﯩﺰﻟﯩﻖ ﯞﻩ ﻣﻪﺩﻩﻧﯩﻴﻪﺗﺴﯩﺰﻟﯩﻜﺘﯩﻦ ﺋﯩﺒﺎﺭﻩﺕ" ﺩﯦﺪﻯ ﻫﻪﻣﺪﻩ ﺑﯜﮔﯜﻥ ﮔﯧﺮﻣﺎﻧﯩﻴﯩﮕﻪ ﺳﺎﻳﺎﻫﻪﺗﻜﻪ ﻛﯧﻠﯩﯟﺍﺗﻘﺎﻥ ﺧﯩﺘﺎﻳﻼﺭﻧﯩﯔ ﻗﺎﻻﻗﻠﯩﻘﯩﺪﯨﻦ ﺋﯘﻻﺭﻧﯩﯔ ﺯﺍﺩﻯ ﻗﺎﻧﭽﯩﻠﯩﻚ ﺗﻪﺭﻩﻗﻘﻰ ﻗﯩﻠﻐﺎﻧﻠﯩﻘﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﺧﯩﺘﺎﻳﻨﯩﯔ ﺋﯩﻠﻠﻪﺗﻠﯩﺮﻯ

"ﺧﺎﻟﯩﻐﺎﻧﭽﻪ ﺗﯜﻛﯜﺭﯛﺵ -- ﺋﺎﻻﻫﯩﺪﻩ ﺗﻪﻧﻬﻪﺭﯨﻜﻪﺕ" ﻧﺎﻣﻠﯩﻖ ﺧﻪﯞﻩﺭﺩﻩ ﻳﯧﺰﯨﻠﯩﺸﯩﭽﻪ، ﺧﺎﻟﯩﻐﺎﻥ ﻳﻪﺭﮔﻪ ﺗﯜﻛﯜﺭﯛﺵ ﺟﯘﯕﮕﻮﻟﯘﻗﻼﺭﻧﯩﯔ ﺋﻪﺳﯩﺮﻟﻪﺭﺩﯨﻦ ﺑﯘﻳﺎﻥ ﺩﺍﯞﺍﻡ ﻗﯩﻠﯩﭗ ﻛﻪﻟﮕﻪﻥ ﻧﺎﭼﺎﺭ ﺋﺎﺩﻩﺗﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﺑﯘ ﺋﺎﺩﻩﺗﻨﻰ ﺋﯚﺯﮔﻪﺭﺗﯩﺶ ﺋﯜﭼﯜﻥ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺟﻪﺭﯨﻤﺎﻧﻪ ﺋﯧﻠﯩﺶ ﺋﯘﺳﯘﻟﯩﻨﻰ ﻗﻮﻟﻠﯩﻨﯩﭙﻤﯘ ﺋﯜﻧﯜﻡ ﻗﺎﺯﯨﻨﺎﻟﻤﯩﻐﺎﻥ. ﻫﺎﺯﯨﺮﻏﯩﭽﻪ ﺧﯩﺘﺎﻳﺪﺍ ﺧﺎﻟﯩﻐﺎﻥ ﻳﻪﺭﮔﻪ ﺗﯜﻛﯜﺭﯛﺵ ﯞﻩ ﻣﯩﺸﻘﯩﺮﯨﺶ ﺋﺎﺩﻩﺗﻠﯩﺮﻯ ﺩﺍﯞﺍﻡ ﻗﯩﻠﯩﭗ ﻛﻪﻟﻤﻪﻛﺘﻪ. ﺩﯦﯔ ﺷﺎﯞﭘﯩﯖﻨﯩﯖﻤﯘ ﺩﺍﺋﯩﻢ ﮔﯧﻠﯩﻨﻰ ﻗﯩﺮﯨﭗ ﺗﯜﻛﯜﺭﯨﺪﯨﻐﺎﻥ ﺋﺎﺩﯨﺘﻰ ﺑﺎﺭ ﺋﯩﻜﻪﻥ. ﺋﯘ ﭼﻪﺗﺌﻪﻟﻠﯩﻚ ﻣﯧﻬﻤﺎﻧﻼﺭ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺗﯜﻛﯜﺭﯛﻙ ﻗﺎﭼﯩﺴﻰ ﻛﯚﺗﯜﺭﯛﭖ ﻳﯜﺭﯛﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ. ﺟﺎﯞ ﺯﯨﻴﺎﯕﻨﯩﯔ ﺑﯘﺭﻧﯩﻨﻰ ﻛﻮﻻﯞﺍﺗﻘﺎﻥ ﺭﻩﺳﯩﻤﻰ ﻣﻪﺗﺒﯘﺋﺎﺗﻼﺭﺩﺍ ﺋﯘﺯﯗﻧﻐﯩﭽﻪ ﺗﻪﺷﯟﯨﻖ ﻗﯩﻠﯩﻨﻐﺎﻥ ﺋﯩﺪﻯ.

ﺧﻪﯞﻩﺭﺩﻩ ﻳﯧﺰﯨﻠﯩﺸﯩﭽﻪ، ﺧﯩﺘﺎﻳﻼﺭﻧﯩﯔ ﯞﺍﻗﯩﺘﻘﺎ ﺭﯨﺌﺎﻳﻪ ﻗﯩﻠﻤﺎﺳﻠﯩﻖ ﯞﻩ ﯞﻩﺩﯨﮕﻪ ﯞﺍﭘﺎ ﻗﯩﻠﻤﺎﺳﻠﯩﻖ ﺋﺎﺩﯨﺘﻰ ﮔﯧﺮﻣﺎﻧﻼﺭﻧﻰ ﺑﯩﺰﺍﺭ ﻗﯩﻠﻐﺎﻥ. ﻛﯚﻟﯩﻨﻦ ﺷﻪﻫﯩﺮﯨﺪﯨﻜﻰ ﺑﯩﺮ ﺳﺎﻳﺎﻫﻪﺕ ﺷﯩﺮﻛﯩﺘﻰ ﺧﺎﺩﯨﻤﯩﻨﯩﯔ ﺑﯩﻠﺪﯛﺭﯨﺸﯩﭽﻪ، ﮔﯧﺮﻣﺎﻧﯩﻴﯩﮕﻪ ﺳﺎﻳﺎﻫﻪﺗﻜﻪ ﻛﯧﻠﯩﺪﯨﻐﺎﻥ ﺧﯩﺘﺎﻳﻼﺭ ﺑﻪﺯﯨﺪﻩ ﺩﯦﮕﻪﻥ ﻗﻪﺭﻩﻟﺪﯨﻦ ﺑﺎﻟﺪﯗﺭ ﻛﯧﻠﯩﯟﺍﻟﺴﺎ، ﺑﻪﺯﯨﺪﻩ ﻫﻪﭘﺘﯩﻠﻪﭖ ﻛﯧﭽﯩﻜﯩﭗ ﻛﯧﻠﯩﺪﯨﻜﻪﻥ. ﺑﻪﺯﯨﺪﻩ ﻫﻪﺗﺘﺎ ﻗﻮﺷﻨﺎ ﺋﻪﻟﻠﻪﺭﮔﻪ ﻛﯧﺘﯩﭗ ﻗﯩﻠﯩﭗ، ﺋﯚﺯﻟﯩﺮﯨﻨﻰ ﺋﯧﻠﯩﭗ ﻛﯧﺘﯩﺸﻨﻰ ﺗﻪﻟﻪﭖ ﻗﯩﻠﯩﺪﯨﻜﻪﻥ. ﺳﺎﻳﺎﻫﻪﺕ ﭘﯩﻼﻧﻠﯩﺮﯨﺪﺍ ﺩﺍﺋﯩﻢ ﺋﯚﺯﮔﯩﺮﯨﺶ ﺑﻮﻟﯘﭖ ﺗﯘﺭﯨﺪﯨﻜﻪﻥ. ﺑﯘ ﻫﺎﻝ ﮔﯧﺮﻣﺎﻧﯩﻴﻪ ﺳﺎﻳﺎﻫﻪﺕ ﺷﯩﺮﻛﻪﺗﻠﯩﺮﯨﻨﯩﯔ ﻧﻮﺭﻣﺎﻝ ﺧﯩﺰﻣﻪﺕ ﻛﯜﻥ ﺗﻪﺭﺗﯩﭙﯩﮕﻪ ﺯﯨﻴﺎﻥ ﻳﻪﺗﻜﯜﺯﮔﻪﻥ ﯞﻩ ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﯨﺪﯨﻦ ﺳﻪﺳﻜﯩﻨﯩﺶ ﻛﻪﻳﭙﯩﻴﺎﺗﻠﯩﺮﯨﻨﻰ ﭘﻪﻳﺪﺍ ﻗﯩﻠﻐﺎﻥ.

ﻓﺮﺍﻧﻜﻔﻮﺭﺗﺘﯩﻜﻰ ﺑﯩﺮ ﮔﯧﺮﻣﺎﻥ ﺋﺎﺷﺨﺎﻧﺎ ﺧﻮﺟﺎﻳﯩﻨﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﻪﮔﻪﺭ ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﻯ ﮔﯧﺮﻣﺎﻥ ﺋﺎﺷﺨﺎﻧﯩﺴﯩﻐﺎ ﺗﺎﻣﺎﻗﻘﺎ ﻛﯩﺮﺳﻪ، ﺑﯘ ﺋﺎﺷﺨﺎﻧﯩﺪﺍ ﺑﯩﺮ ﻗﺎﻻﻳﻤﯩﻘﺎﻧﭽﯩﻠﯩﻖ ﭘﻪﻳﺪﺍ ﺑﻮﻟﯩﺪﯨﻜﻪﻥ. ﺋﺎﺷﺨﺎﻧﺎ ﺧﺎﺩﯨﻤﻠﯩﺮﻯ ﺋﺎﻟﺪﻯ ﺑﯩﻠﻪﻥ ﺩﻩﺭﻫﺎﻝ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﭼﺎﻱ ﻫﺎﺯﯨﺮﻻﭖ ﻗﻮﻳﯘﺷﻰ ﻛﯧﺮﻩﻛﻜﻪﻥ. ﺧﯩﺘﺎﻳﻼﺭ ﭼﺎﻳﻨﻰ ﺗﺎﻣﺎﻗﺘﯩﻦ ﻛﯚﭖ ﺋﯩﺴﺘﯩﻤﺎﻝ ﻗﯩﻠﯩﺪﯨﻜﻪﻥ. ﺧﯩﺘﺎﻳﻼﺭ ﺋﺎﺷﺨﺎﻧﯩﻐﺎ ﺑﯩﺮﻻ ﯞﺍﻗﯩﺘﺘﺎ ﺗﻮﭘﻠﯩﺸﯩﭗ ﻛﯩﺮﯨﺪﯨﻜﻪﻥ ﯞﻩ ﺑﯩﺮ ﻛﯩﺸﯩﻠﯩﻜﺘﯩﻦ ﺋﺎﻳﺮﯨﻢ ﺗﺎﻣﺎﻕ ﻳﯧﻤﻪﻱ، ﺋﻮﭘﭽﻰ ﻛﯩﺮﯨﺸﻤﻪ ﺗﺎﻣﺎﻕ ﺑﯘﻳﺮﯗﺗﯘﭖ، ﺋﺎﺷﺨﺎﻧﺎ ﺧﺎﺩﯨﻤﻠﯩﺮﯨﻨﻰ ﺑﯩﺌﺎﺭﺍﻡ ﻗﯩﻠﯩﺪﯨﻜﻪﻥ. ﺗﺎﻣﺎﻕ ﯞﺍﻗﺘﯩﺪﺍ ﺋﯜﻧﻠﯜﻙ ﺳﯚﺯﻟﯩﺸﯩﭗ، ﺑﺎﺷﻘﺎ ﺧﯧﺮﯨﺪﺍﺭﻻﺭﻧﻰ ﺑﯩﺰﺍﺭ ﻗﯩﻠﯩﺪﯨﻜﻪﻥ. ﺩﺍﺳﺘﯩﺨﺎﻧﺪﺍ ﺋﻪﺩﻩﭖ ﺳﺎﻗﻼﺷﻨﻰ ﺑﯩﻠﻤﻪﻳﺪﯨﻜﻪﻥ. ﻳﺎﯞﺭﻭﭘﺎﻟﯩﻘﻼﺭﻏﺎ ﻧﯩﺴﺒﻪﺗﻪﻥ ﺧﯩﺘﺎﻳﻼﺭﻧﯩﯔ ﺗﻪﻛﻪﺑﺒﯘﺭﺍﻧﻪ ﻫﺎﻟﺪﺍ ﻛﯚﺭﺳﻪﺗﻜﯜﭺ ﺑﺎﺭﻣﯩﻘﻰ ﺑﯩﻠﻪﻥ ﺋﯜﺳﺘﻪﻟﻨﻰ ﭼﯧﻜﯩﭗ ﺗﯘﺭﯗﭖ، ﻛﯜﺗﻜﯜﭼﯩﻨﻰ ﭼﺎﻗﯩﺮﯨﺶ ﺋﺎﺩﯨﺘﻰ ﺋﻪﯓ ﺳﻪﺕ ﺋﺎﺩﻩﺗﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﻓﺮﺍﻧﺴﯘﺯﻻﺭ ﺑﯘ ﺋﯘﺳﯘﻟﻨﻰ ﭘﻪﻗﻪﺕ ﺋﯩﺘﻼﺭﻏﯩﻼ ﻗﻮﻟﻠﯩﻨﯩﺪﯨﻜﻪﻥ. ﺑﯩﺮ ﺧﯩﺘﺎﻱ ﺳﺎﻳﺎﻫﻪﺗﭽﯩﺴﻰ ﻣﯘﺷﯘﻧﺪﺍﻕ ﻗﯩﻠﯩﭗ، ﺑﯩﺮ ﻓﺮﺍﻧﺴﯘﺯ ﻛﯜﺗﻜﯜﭼﯩﺪﯨﻦ ﺩﻩﻛﻜﯩﺴﯩﻨﻰ ﻳﯩﮕﻪﻥ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﮔﯧﺮﻣﺎﻧﯩﻴﯩﮕﻪ ﺳﻮﺩﺍ ﺋﯩﺸﻠﯩﺮﻯ ﺑﯩﻠﻪﻥ ﻛﻪﻟﮕﻪﻥ ﺑﻪﺯﻯ ﺧﯩﺘﺎﻳﻼﺭ ﺳﻮﺩﺍ ﻳﯩﻐﯩﻨﻰ ﻗﯘﻟﯘﻗﯩﻐﺎ ﺧﻮﺵ ﻳﺎﻗﻤﯩﺴﺎ ﻳﯩﻐﯩﻦ ﻣﻪﻳﺪﺍﻧﯩﺪﯨﻼ ﺋﯘﺧﻼﻳﺪﯨﻜﻪﻥ ﻳﺎﻛﻰ ﻫﻪﻣﺮﺍﻟﯩﺮﻯ ﺑﯩﻠﻪﻥ ﭘﺎﺭﺍﯕﻐﺎ ﭼﯜﺷﯜﭖ ﻛﯧﺘﯩﺪﯨﻜﻪﻥ ﯞﻩﻳﺎﻛﻰ ﺗﯧﻠﯧﻔﻮﻧﺪﺍ ﺳﯚﺯﻟﯩﺸﯩﺪﯨﻜﻪﻥ. ﺋﯚﺯﯨﻨﯩﯔ ﻧﻪﺩﻩ ﺗﯘﺭﯗﯞﺍﺗﻘﯩﻨﻰ ﺑﯩﻠﻪﻥ ﻫﯧﺴﺎﺑﻼﺷﻤﺎﻳﺪﯨﻜﻪﻥ. ﻳﯩﻐﯩﻦ ﺗﻪﺭﺗﯩﭙﯩﮕﻪ ﻫﯚﺭﻣﻪﺕ ﻗﯩﻠﯩﺸﻨﻰ ﺑﯩﻠﻤﻪﻳﺪﯨﻜﻪﻥ. ﺑﯘ ﻫﺎﻝ ﮔﯧﺮﻣﺎﻧﻼﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻥ.

ﻣﯩﻠﻴﻮﻥ ﻳﯧﯟﺭﻭﻟﯘﻕ ﺳﻮﺩﯨﻨﻰ ﺑﯩﻜﺎﺭ ﻗﯩﻠﻐﺎﻥ - ﻳﻪﻝ

ﺧﯩﺘﺎﻳﻼﺭﻧﯩﯔ ﻧﺎﭼﺎﺭ ﺋﺎﺩﻩﺗﻠﯩﺮﯨﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ ﮔﯧﺮﻣﺎﻧﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﻣﯘﻧﺪﺍﻕ ﺑﯩﺮ ﯞﻩﻗﻪﻧﻰ ﺗﯩﻠﻐﺎ ﺋﯧﻠﯩﺸﯩﺪﯗ: ﺧﯩﺘﺎﻳﺪﯨﻦ ﻛﻪﻟﮕﻪﻥ ﭼﻮﯓ ﺑﯩﺮ ﺷﯩﺮﻛﻪﺕ ﺑﯩﻠﻪﻥ ﮔﯧﺮﻣﺎﻥ ﺷﯩﺮﻛﯩﺘﻰ ﻣﻪﺳﺌﯘﻟﻠﯩﺮﻯ ﻧﻪﭼﭽﻪ ﺋﻮﻥ ﻣﯩﻠﻴﻮﻥ ﻳﯧﯟﺭﻭﻟﯘﻕ ﺑﯩﺮ ﺳﻮﺩﺍ ﺋﯜﭼﯜﻥ ﺗﻮﺧﺘﺎﻡ ﺗﯜﺯﯛﺷﻜﻪ ﺑﺎﺷﻼﻳﺪﯗ. ﺗﻮﺧﺘﺎﻡ ﺗﯜﺯﯛﻟﯜﯞﺍﺗﻘﺎﻥ ﺷﯘ ﻣﻪﻳﺪﺍﻧﺪﺍ، ﺧﯩﺘﺎﻱ ﺳﻮﺩﺍ ﺷﯩﺮﻛﯩﺘﯩﻨﯩﯔ ﻣﻪﺳﺌﯘﻟﻰ ﺗﻮﺳﺎﺗﺘﯩﻦ ﻳﻪﻝ ﻗﻮﻳﯘﯞﯦﺘﯩﺪﯗ. ﮔﯧﺮﻣﺎﻥ ﺧﻮﺟﺎﻳﯩﻨﻨﯩﯔ ﻗﺎﺗﺘﯩﻖ ﺋﺎﭼﭽﯩﻘﻰ ﻛﻪﻟﮕﻪﻥ ﺑﻮﻟﺴﯩﻤﯘ، ﺳﻪﯞﺭﻯ ﻗﯩﻠﯩﺪﯗ ﯞﻩ ﺗﻮﺧﺘﺎﻣﻨﻰ ﺩﺍﯞﺍﻣﻼﺷﺘﯘﺭﯨﺪﯗ. ﺋﻪﻣﻤﺎ ﺧﯩﺘﺎﻱ ﺧﻮﺟﺎﻳﯩﻨﻰ ﺋﺎﺭﯨﺪﯨﻦ ﺋﯘﺯﯗﻥ ﺋﯚﺗﻤﻪﻱ ﻳﻪﻧﻪ ﺑﯩﺮ ﻗﯧﺘﯩﻢ ﻳﻪﻝ ﻗﻮﻳﯘﯞﯦﺘﯩﺪﯗ. ﺑﯘ ﻗﯧﺘﯩﻢ ﺋﺎﭼﭽﯩﻘﯩﻨﻰ ﺑﺎﺳﺎﻟﻤﯩﻐﺎﻥ ﮔﯧﺮﻣﺎﻥ ﺧﻮﺟﺎﻳﯩﻦ ﺩﻩﺭﻏﻪﺯﻩﭖ ﺑﯩﻠﻪﻥ ﺋﻮﺭﻧﯩﺪﯨﻦ ﭼﺎﭼﺮﺍﭖ ﺗﯘﺭﯗﭖ، ﺗﻮﺧﺘﺎﻡ ﻗﻪﻏﯩﺰﯨﻨﻰ ﻳﯩﺮﺗﯩﭗ ﺗﺎﺷﻼﻳﺪﯗ ﯞﻩ "ﻣﻪﻥ ﻫﺎﻳﯟﺍﻥ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﻣﻪﻳﻤﻪﻥ!" ﺩﻩﭖ، ﺧﯩﺘﺎﻱ ﺳﻮﺩﺍ ﺷﯩﺮﻛﯩﺘﻰ ﯞﻩﻛﯩﻠﻠﯩﺮﯨﻨﻰ ﺋﯩﺸﺨﺎﻧﯩﺴﯩﺪﯨﻦ ﻫﻪﻳﺪﻩﭖ ﭼﯩﻘﯩﺮﯨﺪﯗ.

"ﻳﺎﯞﺭﯗﭘﺎ ﺳﻮﺩﺍ - ﺳﺎﻳﺎﻫﻪﺕ ﮔﯧﺰﯨﺘﻰ" ﻧﯩﯔ ﻣﻪﺳﺌﯘﻟﻰ ﯞﯗ ﺟﯩﯖﻴﯜﺋﻪﻥ ﺧﯩﺘﺎﻳﻨﯩﯔ ﻧﺎﭼﺎﺭ ﺋﯩﻠﻠﻪﺗﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ؛ "ﺧﯩﺘﺎﻱ ﺳﺎﻳﺎﻫﻪﺗﭽﯩﻠﻪﺭ ﻣﺎﺷﯩﻨﯩﻐﺎ ﭼﯩﻘﺴﺎ ﺋﯘﺧﻼﻳﺪﯨﻐﺎﻥ، ﻣﺎﺷﯩﻨﯩﺪﯨﻦ ﭼﯜﺷﺴﻪ ﻫﺎﺟﻪﺗﺨﺎﻧﯩﻐﺎ ﻳﯜﮔﯜﺭﯨﺪﯨﻐﺎﻥ، ﻣﻪﻧﺰﯨﺮﯨﻠﯩﻚ ﺟﺎﻳﻨﻰ ﻛﯚﺭﺳﻪ ﺭﻩﺳﯩﻤﮕﻪ ﭼﯜﺷﯩﺪﯨﻐﺎﻥ، ﺋﯚﻳﯩﮕﻪ ﻗﺎﻳﺘﻘﺎﻧﺪﺍ ﻫﯧﭽﻨﯧﻤﻪ ﺑﯩﻠﻤﻪﻳﺪﯨﻐﺎﻥ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ" ﺩﻩﭖ ﻳﺎﺯﯨﺪﯗ.

ﻳﺎﯞﺭﻭﭘﺎﺩﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻳﻼﺭﻧﯩﯔ ﺋﻮﻏﺮﯨﻠﯩﻖ ﻗﯩﻠﯩﺶ، ﻗﺎﺗﯩﻠﻠﯩﻖ ﻗﯩﻠﯩﺶ، ﺑﺎﺝ ﺋﻮﻏﺮﯨﻼﺵ، ﻗﺎﻧﯘﻧﺴﯩﺰ ﺋﯩﺸﻠﻪﺵ ﻗﺎﺗﺎﺭﻟﯩﻖ ﻗﯩﻠﻤﯩﺸﻠﯩﺮﻯ ﻳﺎﯞﺭﯗﭘﺎ ﮔﯧﺰﯨﺘﻠﯩﺮﯨﺪﻩ ﺩﺍﺋﯩﻢ ﺗﯩﻠﻐﺎ ﺋﯧﻠﯩﻨﯩﭗ ﺗﯘﺭﯨﺪﯗ ﯞﻩTV ﻗﺎﻧﺎﻟﻠﯩﺮﻯ ﻧﻪﻕ ﻣﻪﻳﺪﺍﻧﺪﯨﻦ ﺗﺎﺭﺗﻘﺎﻥ ﻛﯚﺭﯛﻧﯜﺷﻠﻪﺭﻧﻰ ﻛﯚﺭﺳﯩﺘﯩﺪﯗ. ﺷﯘﻧﺪﺍﻕ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ، ﺧﯩﺘﺎﻳﻼﺭ ﺋﯚﺯﻟﯩﺮﯨﻨﻰ "ﺑﻪﺵ ﻣﯩﯔ ﻳﯩﻠﻠﯩﻖ ﻣﻪﺩﻩﻧﯩﻴﻪﺗﻜﻪ ﺋﯩﮕﻪ ﻣﯩﻠﻠﻪﺕ" ﺩﻩﭖ ﻣﻪﻳﺪﯨﺴﯩﻨﻰ ﻛﯧﺮﯨﭗ ﻛﯚﺭﻩﯕﻠﻪﭖ ﻳﯜﺭﯛﺷﯩﺪﯗ. (ﺋﻪﻛﺮﻩﻡ)